Kendayan - Chapter 75 - Al-Qiyamah

Aku (Allah) basumpah mang ari kiamat

Man aku basumpah demi nyawa nang salalu nyasali’ (diri’ nya babaro)

Ahe ke talino ngira, bahoa’ kami nana’ akan ngumpulatn (kambali) tulakng-tulakng nya

(Bahkan) kami mampu nyusun kambali jari’-jari’ nya nang sampurana

Tapi talino baka’inginan majoat kajahatan tarus manarus

Ia batanya’, “Mule ke’ ari kiamat koa?”

Maka kade’ dah tacolong mata (kagali’anan)

Man bulatn pun udah ilang cahanya

Lalu mata’ari mang bulatn di kumpulatn

Pada ari koa talino bakata, “ka’ mae tampat daria’”

Nana’! nana’ ada tampat balindung

Ngge ka’ Tuhannya tampat kambali pada ari koa

Pada ari koa di baritakan (di curitakan) ka’ talino ahe nang udah di karajaatn nya, man ahe nang di laleatn nya

Bahkan talino manjadi saksi atas diri’nya babaro

Ame kao (Muhammad) garakatn jilahnyu (nto’ maca Alquran) karana mao’ capat- capata’ (nguasaia’) nya

Sasungguhnya kami (Allah) nang akan ngumpulatnnya (ka’ dadanya) man macakannya

Kade’ dah kami salase macakannya maka tuna’an lah baca’annya koa

Kamodian sasungguhnya kami nang akan ngalasatn nya

Nana’ bahkan kita’ manyintai’ kaidupatn dunia

Man ngabeatn (nana’ paduli) ka’ kahidupan naherat

Muka-muka (urakng mukmin/islam) pada ari koa baseri-seri (repo)

Nele’ Tuhannya

Man muha-muha (urakng kapir) pada ari koa muram

Ia iaka’koa yakin bahwa’ akan di tinihatn (timpa’atn) malapataka nang miah dahsyat

Nana’ dah kade’ nyawa udah sampe ka’ karongkongan

Man di katakan (ka’ Ia), “sae nang bisa nyambuhatn”

Nang ta yakin bahwa’’ ngkoalah waktu papisahan (mang dunia)

Man batamu batis (keba’) mang batis (kanan)

Ka’ Tuhannyulah pada ari koa kita’ di kambaliatn

Karana Ia (de’e) nana’ manaratn (Al-Quran man Rasul) mang bai’ ngajarakan solat (sumbayang)

Tatapi justru ia madahnya alok (rasul koa) man bapaling (dari kabanaran)

Lalu Ia ampus ka’ kaluarganya mang kasombongan

Calakalah kao! maka calakalah

Sakali agi’ calakalah kao (talino)! maka calakalah

Ahe ke’ talino ngira, ia akan di biaratn ampakoangihan (tampa batanggong jawapatn)

Nana’ ke’ Ia (talino) mulannya ngge satetk mani nang di tumpahatn (ka’ dalapm rahem)

Lalu (mani koa) manjadi sasoatu nang malakat lalu Allah nyiptaatnnya (majoatnya) man nyampuranakan nya

Lalu ia majoat darinya koa (mani) sapasang laki-laki manang bini

Nana’ ke’ Allah nang babuat ampaikng bakoasa (uja’) man ngidupatn urakng mati. a