Kendayan - Chapter 85

Demi langit nang mampunyai gugusan bintang

Man demi ari nang di janjiatn

Demi nang manyaksiatn man nang di saksiatn

Binasalah urakng-urakng nang mamuat parit (yakoa para pambasar Najran ka’ Yaman)

Nang barapi (nang mampunyai) ongotn

Katika ia iaka’koa duduk ka’ sakitarnya

Sedang ia iaka’koa manyaksiatn ahe ia nang iaka’koa pamuat tahadap urakng-urakng mukmin

Man ia iaka’koa nyiksa urakng-urakng mukmin koa ingge karana (urakng-urakng mukmin koa) baiman ka’ Allah nang maha pakasa maha tapuji

Nang mamiliki karajaan langit man bumi, man Allah maha manyaksiatn sagala suasana

Sungguh, urakng-urakng nang ngatangan cobaan (bancana, mambunuh, manyiksa) ka’ urakng-urakng mukmin man laki man nang bini lalu ia iaka’koa nana’ batobat, maka ia iaka’koa akan namu azab (naraka) nang mambakar

Sungguh, urakng-urakng nang baiman man ngarajaatn kabajikkatn, ia iaka’koa akan namu saruga nang mangalir ka’ abahnya sunge-sunge koalah kamanangan nang agung

Sungguh, azab Tuhannyu miah karas

Sungguh, ialah nang mulai panciptaan (mahluk) man nang ngiduppatn nya (kambali)

Man ia nang maha pangampon, maha pangasih

Nang mamiliki Arsy, agi’ maha mulia

Maha kuasa babuat ahe nang ia kahandaki

Udah ke’ sampe ka’ kao barita tantang bala tantara (panantang)

(Yakoa) Fir’aun man Samud

Memang urakng-urakng kafir (salalu) mandustaatn

Padahal Allah ngapong dari balakang ia iaka’koa (sahingga nana’ dapat lolos)

Bahkan (nang di dustakan koa) ialah Al qur’an nang mulia

Nang (tasimpan) dalapm (tampat) nang tajaga (lauh mahfuz) a