Back to Languages

    Lingala - Chapter 73

    Translation by Zakariya Muhammed Balingongo

    Verse 1

    Eh yo (Muhammad) mofiniki bilamba

    Verse 2

    Telema mpo (osambela) butu mobimba, longola sé mwa tango moke

    Verse 3

    Kati kati na yango to moke

    Verse 4

    To bakisa yango mpe tanga kurani malembe mpe polele

    Verse 5

    Tokokitisela yo maloba ya kilo (ya lokumu penza)

    Verse 6

    Kosambela na butu ezali malamu mpe epesaka makasi, mpe ezali malamu mingi тропа botangi

    Verse 7

    Mpo ete ya soló, ozali na misala ebele na moyi

    Verse 8

    Mpe kanisa nkombo ya Nkolo nayo mpe mipesa naye

    Verse 9

    Nkolo ya moniele mpe eloli, nzambe mosusu azali te ya kobondela na bosóló sé ye, zúa ye mobateli (wa bino)

    Verse 10

    Kanga motema na maye bazali koyebisa yo, mpe mitiya mosika na bango na lolenge ya malamu

    Verse 11

    Мре tika ngai na baye bazuaka manso na lokuta baye bazali kosepela na bisengo na bango, bazali sé na tango moke ya kozela

    Verse 12

    Ya soló, tobombeli bango singa ya monene mpe lifelo

    Verse 13

    Mpe bilia ya solo mabe, mpe etumbu ya makasi

    Verse 14

    Mokolo oyo mabele na bangomba bikoningana, mpe bikokoma lokola mputulu ya zelo ya kopanzana

    Verse 15

    Ya soló, totindelaki bino motindami, azala nzeneneke epai ya bino, lolenge moko totindaki motindami epai ya falo

    Verse 16

    Mpe falo aboyaki kotosa motindami mpe tozuaki ye kozua moko ya mabe

    Verse 17

    Ndenge nini bokomibatela na bopengwi na mokolo oyo ekokomisa bana lokola bampaka suki mpembe

    Verse 18

    Likolo likopasukaka (na somo wana) mpe akokokisaka elaka naye, wana ezali na tembe te

    Verse 19

    Ya sólo, oyo ezali bokundoli, oyo alingi, azua nzela epai na Nkolo naye

    Verse 20

    Ya soló, Nkolo nayo (Muhammad), ayebi ete otelemaka na nsé ya mibale ya misato ya butu, mpe kati kati na yango, mpe moko ya misato na yango, elongo na ndambu ya bandimi batelemaka mpe lokola. Allah azali kokabola butu na mokolo, ayebi ete bokokoka kotanga yango te yango ayambi tubeli na bino. Kasi botanga oyo ezali mpete kati na kurani, ayebi ete kati na bino bato ya bokono bakozala, basusu bakotambola тропа koluka bolamu ya Allah, mpe basusu bakokende kobunda na nzela ya Allah. Botanga oyo ezali mpete kati na yango, mpe botelemisa losambo mpe bofuta zakat mpe bokotisa Allah nyongo ya malamu. Mpe bolamu nyoso bokosala, bokokuta yango epai na Allah, azali malamu mpe monene na kofuta, mpe bosenga Allah bolimbisi. Ya sólo, Allah azali molimbisi atonda ngolu