Back to Languages

    Ganda - Chapter 70

    Translation by Fareeq Musa

    Verse 1

    Mu ngeri y'okunyomerera" omu ku bakafiiri" yasaba oba ebibonerezo bijja bijje, so nga ate ddala byakujja

    Verse 2

    Bituuke ku bakafiiri tewali agenda kubigaana kubatuukako

    Verse 3

    Nga biva eri Katonda nnyini madaala agalinya muggulu

    Verse 4

    Ba Malayika nga ne Jiburilu mwomutwalidde mwebayita nga bolekera eri Katonda, ekibatwalira olunaku lumu lwokka naye nga ate lwenkanankana e myaka e mitwalo etaano (egy'okunsi)

    Verse 5

    Kale nno gumikiriza olugumikiriza olulungi

    Verse 6

    Mazima bbo balaba ebibonerezo nga biri wala

    Verse 7

    Ate nga ffe tulaba nga biri kumpi

    Verse 8

    Ku lunaku eggulu lwelirikulukuta nga omuzigo omusanuuse

    Verse 9

    Ate ensozi neziba nga pamba asunsuddwa

    Verse 10

    Era tewali wamukwano agenda kubuuza bikwata ku ffa nfe we

    Verse 11

    Bagenda kuba nga beeraba (naye nga tebayinza kuyambagana). Omwonoonyi olwokwagala okuwona ebibonerezo byolunaku olwo, aliyagala okwenunula nga awaayo abaanabe

    Verse 12

    Mukyalawe ne mugandawe

    Verse 13

    N'ekika kye ekimukuuma

    Verse 14

    Nabantu bonna abali munsi, nga ekyo akikola awone ebibonerezo bya Katonda

    Verse 15

    Tekigenda kuba nga bwayagala, mazima ayolekedde muliro ogubumbujja

    Verse 16

    Ogusiriiriza ddala eddiba

    Verse 17

    Gugenda kukowoola buli eyakubayo amabega nakyuka okuva ku mazima

    Verse 18

    Era nga yakungaanyanga emmali nagitereka "natagyamu mugabo gugitukuza

    Verse 19

    Mazima omuntu yatondebwa nga wamulugube

    Verse 20

    Nga bwatuukibwako akabi ayitirira okutya

    Verse 21

    Ate bwaba afunye akalungi ayitirira obukodo

    Verse 22

    Okugyako abo abayimirizaawo e sswala

    Verse 23

    Abo nga okusaala kwabwe kwalubeerera

    Verse 24

    Era abo mu by'obugagga byabwe mulimu omugabo ogumanyiddwa

    Verse 25

    Guweebwa abasabi n'abafuna mpola

    Verse 26

    Era bebo abakakasa o kubeerawo kw'olunaku lw'enkomerero

    Verse 27

    Era abo abatya ebibonerezo bya Mukama Katonda waabwe

    Verse 28

    Kubanga mazima ebibonerezo byamukama Katonda sibyakuwonwa

    Verse 29

    Era abo abakuuma obwerere bwabwe

    Verse 30

    Okugyako ku bakyala babwe oba abazaana abali mu mikono gyabwe, anti bo tebanenyezebwa kwabo

    Verse 31

    Omuntu asukka ku abo, abo nno be babuusi bensalo

    Verse 32

    Era abantu abalungi abogeddwako waggulu, bebatuukiriza obwesigwa bwabwe nendagaano zaabwe

    Verse 33

    Era abo abeesimbu mu bujulizi bwabwe

    Verse 34

    Era abo abasaala e sswala zaabwe mu bujjuvu

    Verse 35

    Abo nno balibeera mu jjana nga baweebwa ebitiibwa

    Verse 36

    Lwaki abakafiiri bajja gyoli nga banguwa "so nga ate bakulimbisa

    Verse 37

    Nga bali ku mukono gwo ogwa ddyo ne ku mukono ogwa kkono mu bibinja

    Verse 38

    Buli omu kubo asuubira okuyingira e jjana eyebyengera

    Verse 39

    Nedda sibwekiri, mazima ffe twabakola nga tubajja mwebyo byebamanyi

    Verse 40

    Ndayira Katonda nannyini buvanjuba nobugwanjuba, mazima ffe tusobolera ddala

    Verse 41

    Okubawanyisaamu abalungi ababasinga era tetuli ffe baakulemesebwa

    Verse 42

    Ggwe baveeko babeere mu bukafiiri bwabwe nga bwebazannya okutuusa lwebalisisinkana olunaku lwabwe, olwo lwebalaganyisibwa

    Verse 43

    Olunaku lwebalifuluma mu ntaana zaabwe nga baduma nga balinga abagenda eri ebendera ebatereddwawo

    Verse 44

    Amaaso gabwe makakkamu, obuswavu nga bubabuutikidde, olwo lwe lunaku lwe balaganyisibwa