Back to Languages

    Ganda - Chapter 92

    Translation by Fareeq Musa

    Verse 1

    Ndayira ekiro bwe kiba kibisse (e nsi)

    Verse 2

    Ndayira n'obudde bwemisana bwe buba nga bwetadde

    Verse 3

    Ndayira oyo eyatonda ekisajja n’ekikazi

    Verse 4

    Mazima ddala okulafuubana kwa mmwe si kwe kumu

    Verse 5

    N'olwekyo, omuntu awaayo ekintu kyonna ng’atya Katonda

    Verse 6

    Nakkiriza e birungi. (ebiva mu kukkiriza Katonda)

    Verse 7

    Tujja kumwanguyiza e kkubo erimutuusa eri obwangu

    Verse 8

    Ate oyo akodowala ne yeegaggasa (ng’alowooza nti ebiri ewa Katonda tabyetaaga)

    Verse 9

    N’alimbisa obubaka obwakkira ku Nabbi Muhammad

    Verse 10

    Tujja kumwanguyiza okutuuka eri obuzibu

    Verse 11

    N’obugaggabwe tebugenda kumugasa ng’ayingidde okuzikirira (olw’ebikolwa bye ebibi)

    Verse 12

    Mazima kuli ku ffe okulungamya

    Verse 13

    Era mazima ebikwata ku nkomerero ne nsi biri mu buyinza bwaffe

    Verse 14

    Mbeekesa omuliro ogubumbujja

    Verse 15

    Taliguyingira okugyako oyo omwonoonefu ennyo

    Verse 16

    Oyo alimbisa (e bigambo bya Katonda) n'ayawukana (ku kugondera n'okukkiriza Katonda)

    Verse 17

    So nga oyo asinga okutya Katonda, ajja kugwesambisibwa

    Verse 18

    Oyo awaayo ku by'alina ng’anoonya okwetukuza eri Katonda (so si bandabe oba okwatiikirira)

    Verse 19

    Nga tewali n'omu alina kiyinza ku musasulwa

    Verse 20

    Wabula okunoonya okusiimwa ewa mukamaawe owa waggulu ennyo

    Verse 21

    Mazima ddala ajja kusiima (ky’anaasasulwa)