Back to Languages

    Luyia - Chapter 36

    Translation by Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah

    Verse 1

    Ya-Sin

    Verse 2

    Nditsuba khu Ikurani yamachesi

    Verse 3

    Toto ewe oli mulala Khubarumwa

    Verse 4

    Khunjila ingololofu

    Verse 5

    Okhwishia khwa Nyasaye Owamani Owobukoosia muno

    Verse 6

    Mbukho wikanyilisie Abandu ba Basamwana balekanyilisibwa tawe mana nabo bali mubukoyani

    Verse 7

    Obwatoto likhuwa liamala okhubura khubaanji mubo, mana shibasuubilanga tawe

    Verse 8

    Toto efwe khwaboya mwikosi mwabu nemikoye okhuula khubinwanwa, mana emirwe chiabu chilisa hekulu

    Verse 9

    Mana nikhura imbeli wabu eshikalilo nende inyuma wabu eshikalilo, mana nikhufunikha tsimoni tsiabu mana shibalolanga tawe

    Verse 10

    Ne nihalalasa awo khubo, nobekanyilisia nohomba obule okhubekanyilisia , shibalisuubila tawe

    Verse 11

    Toto ewe wikanyilisinjia ulia uloondanga ametsulisio mana naria Nyasaye Wetsimbabaasi, khukefisile, kho musuubisie eshileshelo nende omurungo omulayi

    Verse 12

    Toto efwe khulamusinjia abafu, ne khuhandikanga kabakholanga nende kabalekha inyuma. Ne buli eshindu khwashibikha mushitabu shinoosinjia

    Verse 13

    Ne bakanile imbakha nobachelasilia , Abandu bolukongo olwa betselwa nende Abarumwa

    Verse 14

    Olwa khwabarumila babili, nibabayingasia mana nikhubametela owakhataru nibaboola mbu: “ toto efwe khurumilwe khinywe.”

    Verse 15

    Nibaboola mbu: “enywe mulisa Abandu shinga efwe, ne (Nyasaye) Omunji Wetsimbabaasi shiyeshiakhwo shiosi shiosi tawe, ne enywe mukatinjia butswa.”

    Verse 16

    Baboola mbu: “Nyasaye wefu Omulesi amanyile mbu efwe toto khurumilwe khwinywe

    Verse 17

    Nekhubula elindi tawe halali okhusia likhuwa lili habulafu

    Verse 18

    Baboola mbu: “efwe khubekongola nimulalekhana ninafu tawe khulabalasa amachina ne mulanyoola eshinyasio eshikhongo okhurula khwifwe.”

    Verse 19

    Baboola mbu : “obubii bwenyu buli khwinywe, Shichila okhwitsulisibwa butswa, nohomba enywe muli Abandu babura eshichelo?”

    Verse 20

    Mana Omundu mulala niyetsa okhurula mumbeka wolukongo nayuukanga naboola mbu: “enywe Abandu banje muloonde Abarumwa bano.”

    Verse 21

    Muloonde balia abalabasaba omurungo tawe, nabo abeene nabalunjifu

    Verse 22

    Ne khulwa shina ndalalaama ulia wanoonga ne ewuwe namulikalusibwa

    Verse 23

    Koo endiile Abanyasaye bandi balali Ye. Omunji wetsimbabaasi niyanyenyela amabii okhusaba khwenyu shikhukhoonya shiosi shiosi tawe nohomba shibakhahabina tawe

    Verse 24

    Toto mana esie endio emba endi mubukori bwa habulafu

    Verse 25

    Toto esie usuubiile khu Nyasaye wenyu omulesi kho murechelesie

    Verse 26

    Naboolelwa mbu ; “injila mwikulu,” naboola mbu : “ Abayie Abandu banje bamanyanga khwo

    Verse 27

    Shingala Nyasaye wanje Omulesi yandesheele mana niyanda mubalia boluyali.”

    Verse 28

    Ne shikhweshiakhwo khubandu be imbeli wuwe omukanda kweliyie okhurula mwikulu ne shikhwali beshia tawe

    Verse 29

    Lwali butswa oluyoka lulala, mana bo nibanyisibwa

    Verse 30

    Abaane, ebeelelela Abandu banje Omurumwa yesiyesi shiyabetselaga tawe okhula bamubayile

    Verse 31

    Koo shibalolangakhwo emikanda chinga chakhwasishia imbeli wabu. Abo toto shibalibakalushila tawe

    Verse 32

    Ne toto boosi balikhung’asibwa barerwe imbeli wefu

    Verse 33

    Ne eshimanyisio khubo-liloba [eliuma] liafwa khulilamusinjia mana khuchesemwo imele yabaliitsanga

    Verse 34

    Ne nikhukasiamwo emikunda chie tsitende nende tsizabibu ne nikhukasiamwo tsisebele

    Verse 35

    Kho balie khubiamo bie nende ake emikhono chiabu chilakholele tawe, koo shibakhupanga orio tawe

    Verse 36

    Oluyali nilwa Nyasaye waloonga eshisatsa neshikhasi bioosi khubimelanga mwiloba nende enywe abeene nende ebiabalamanyile tawe

    Verse 37

    Ne eshilo neshimanyisio shindi khubo, olwa khurusinjiamwo eshiteere nabo baba mushiilima

    Verse 38

    Ne eliuba lichendanga khushichelo shalio esho nisho eshichelo shia Nyasaye Owamaani Omumanyi muno

    Verse 39

    Ne Omwesi khwakukasilia ebichelo okhula okhukalukha shingala kwali shinga likhamari liumile

    Verse 40

    Eliuba shiniliula khumwesi nohomba eshilo okhubura eshitere nabo biosi bibotokhananga khutsinjila tsiabio

    Verse 41

    Ne ni eshimanyisio khubo mbu efwe khwachinga olwibulo lwabu musafina yetsula

    Verse 42

    Ne nikhwabalonjela okhurula khwifwani eyo ebiabarakanga

    Verse 43

    Ne nikhwenya nikhubayibisia ne abulaho ubakhoonya nohomba shibahabinwa tawe

    Verse 44

    Halali tsimbabaasi tsirulanga khwifwe nende omwikhoyo kwebise bititi

    Verse 45

    Ne nibaboolelwa mbu; “mwilinde nende khukali imbeli wenyu nende kali inyuma wenyu mwakhaba murio mwanyoola okhubeelwa tsimbabaasi.”

    Verse 46

    Ne ishimanyisio shiosi shiosi shia Nyasaye wabu Omulesi nishiboolela shibabukulangamwo oluchendo tawe

    Verse 47

    Ne nibaboolelwa mbu; “rusie khubilia bia Nyasaye wenyu abakabile ,abakhayi baboolelenga Abasuubili mbu; ‘‘koo khubalisie biala ba Nyasaye niyenya nabalisia? toto enywe muli mubukori bwabulafu.”

    Verse 48

    Ne baboolanga mbu; “kamukhulakanga kano kalirulila lina nimuli toto abahabwene.”

    Verse 49

    Shibalindanga halali oluyoka lulala butwsa lulibabukula nabo nibali mukhusolana

    Verse 50

    Mana shibalinyoola okhulaamila nohomba shibalikalukha khubandu babu tawe

    Verse 51

    Na olwa olwika lulikhupwa balirula mubilindwa nibelushila ewa Nyasaye wabu Omulesi

    Verse 52

    Baliboola mbu; “abayie! wina ukhulamusiyie olwakhubeele nikhukonele, kano niko kayalaka Omunji wetsimbabaasi ne Abarumwa baboola katoto.”

    Verse 53

    Ne shiluliba halali oluyoka lulala butwsa mana boosi balikhung’asibwa imbeli wefu

    Verse 54

    Mana olwa lelo abulaho yesiyesi olikholelwa amabii kosikosi ne shimulirungwa halali kalia kamwakholaga

    Verse 55

    Toto Abandu bo mwikulu lelo bali khumilimo nibakonele (khubusangafu)

    Verse 56

    Bo nende abakhaye babu nibali mubinikha bayeshele khubisaala biobwokhola

    Verse 57

    Balinyolamwo tsimbia tsiosi tsiebiamo, nebalinyoolamwo buli eshiabeenya

    Verse 58

    “Omulembe,” likhuwa lirula khu Nyasaye Omulesi Wobukoosia muno

    Verse 59

    Ne enywe abetsimbii mwiyawule olwalelo

    Verse 60

    Koo shindalakana ninanyu mbu enywe Abandu mulalaama Shetani tawe , toto ye ni Omusuku wenyu owabulafu

    Verse 61

    Ni mbu munaame esie ino niyo injila ingololofu

    Verse 62

    No khubwatoto ye yakosia omukanda omukhongo mwinywe , koo shimwaparangakhwo tawe

    Verse 63

    Mana ino niyo Jahanam yamwalakungwa

    Verse 64

    Injilemwo lelo shingala mwakhayanga

    Verse 65

    Olwa lelo khutimbia eminwa chiabu ne imikhono chiabu chiboole ninafu ne ibilenje biabu birusie obuloli khu kalia kabakholanga

    Verse 66

    Ne khwenyanga khwakhatimbiyie tsimoni tsiabu baba nibashilanila injila halali bakhalutsi barie

    Verse 67

    Ne khwenyanga khwakhabakalukhaniye ifwani abali hao butswa, mana shibakhanyalile okhutsia nohomba okhukalukha tawe

    Verse 68

    Ne wakhukofusia khumukalusinjia inyuma mubulonji mana koo shibakhaparangakhwo

    Verse 69

    Ne shikhwamwechesia [Muhammad] tsinyimbo tawe ne kano shikenyekhana khuye tawe, shino ni eshitsulisio nende Ikurani iretsanga abulafu

    Verse 70

    Khulwo khwikanyilisilia ushili omulamu ne likhuwa libure khubakhayi

    Verse 71

    Ko shibalolanga mbu khwabaloonjela okhurulana khumilimo chie mikhono chiefu tsisolo tsiemiruko, etsia barukanga

    Verse 72

    Ne nikhubanguyisilia etsindi mutsisolo etso tsiabaninangakhwo ne etsindi batsiliitsaanga

    Verse 73

    Ne bo banyoolanga mutsisolo etso obukhonyi nende ebinywebwa kho mana shibakhupanga orio tawe

    Verse 74

    Ne batila Abanyasaye bandi habundu wa Nyasaye mbu khobanyoole obukhoonyi

    Verse 75

    Shibalinyala okhubakhonya halali abo nibo baliba Abasikari babu olwabali khwitsila

    Verse 76

    Manaamakhuwakabukalakhubelesia tawe, toto efwe khwamanya kabafisanga nende kabaretsaanga habulafu

    Verse 77

    Ne Omundu shalolanga mbu khwamuloonga okhurulana nende indonyande ya amatsi kolwibulo mana toto ye niye omuseeri wahabulafu

    Verse 78

    Ne alakhuchelasilia naye yebilila okhulongwa khukhwe -mana naboola mbu : “ ni wina oyo ulilamusia ebikumba nibimalile okhubulungukha?”

    Verse 79

    Boola mbu; “ alibilamusia ulia wabiloonga olwokhuranjilila, naye ni Omumanyi muno wabuli okhuloonga khwosi”

    Verse 80

    Ulia wabakholela okhunyoola omulilo okhurula khumusala omubisi mana nimunyoola okhubwana omulilo okhurulana ninakwo

    Verse 81

    Koo waloonga likulu nende eshialo shanyala okhulonga bafwana ninabo? Khulwa shina naye niye Omuloonji Omukhongo Owamachesi muno

    Verse 82

    Toto likhuwa lilie niyenya eshindu ashiboolela butswa mbu: “ ba’’ ni shiba

    Verse 83

    Mana yatswenukha ulia wobwami bwa buli eshindu buli mumukhono kukwe, ne ewuwe niwo amulikalusibwa