Back to Languages

    Luyia - Chapter 56

    Translation by Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah

    Verse 1

    Olwe eshikhole shilikholekha (olweyindukho iliula)

    Verse 2

    Abulaho uliyingasia okhwikholekha khwashio

    Verse 3

    Shishinjia shinininjia

    Verse 4

    Olwe eshialo shilirenjibwa obutinyu

    Verse 5

    Ne olwetsingulu tsilisiebwa busiebwa

    Verse 6

    Tsiabashinga olufu lutumukha

    Verse 7

    Nanyu muliba tsimbia tsitaru

    Verse 8

    Abandu bomukhono omulunji, koo ni babu wina abo Abandu bomukhono omulunji

    Verse 9

    Ne Abandu bomukhono omukaata, koo nibabu wina abo bomukhono omukaata

    Verse 10

    Ne beyimbeli baliba imbeli

    Verse 11

    Abo nibo balibukanilwa

    Verse 12

    Mumikunda chiomwikulu chobwokholo

    Verse 13

    Omukabo omukhongo khubaali imbeli

    Verse 14

    Nende mutiti khubeyinyuma

    Verse 15

    Baliba khubifumbi biaronwa

    Verse 16

    Baliyiekhakhwo nibalolana

    Verse 17

    Balikhalabanilwa nende Abasiani bolusoolili lulawa tawe

    Verse 18

    Nibachinjile bikombe nende tsibinika nende tsigilasi, tsilimwo ebinywebwa okhurula musebele ingwalafu

    Verse 19

    Shibilibatsunia omurwe nohomba shibilibamesia tawe

    Verse 20

    Nende ebiamo biabayanza

    Verse 21

    Nende inyama yeliyoni shingala bekombanga

    Verse 22

    Nende Abakhana bomwikulu

    Verse 23

    Bali shinga ebisole bialiindwa

    Verse 24

    Omurungo khukabakholanga

    Verse 25

    Shibaliwulilamwo keshifwabi nohomba ketsimbi tawe

    Verse 26

    Halali amakhuwa komulembe konyene

    Verse 27

    Ne Abandu bomukhono musatsa , nishina shilinyoola Abandu bomukhono musatsa

    Verse 28

    Baliba khumisaala chibulaho amawa

    Verse 29

    Nende ebikoko biloondane

    Verse 30

    Nende eshinikha eshikhongo

    Verse 31

    Nende amaatsi kakhulukusia

    Verse 32

    Nende ebiamo ebinji

    Verse 33

    Shibiwetsanga nohomba shibikalilungwa tawe

    Verse 34

    Nende obulili bwachingulwa

    Verse 35

    Toto efwe khulibaloonga abakhana bomwikulu (hurul ain) obuyia

    Verse 36

    Mana khulibakhola abashisila

    Verse 37

    Bachamana nende Abasatsa babu abayelana ninabo

    Verse 38

    Khulwa Abandu bomukhono musatsa

    Verse 39

    Omukabo omukhongo khubaali imbeli

    Verse 40

    Ne omukabo omukhongo khubaali inyuma

    Verse 41

    Abandu bomukhono mukhasi , koo ni shina shilinyoola Abandu bomukhono mukhasi

    Verse 42

    Baliba mumuyeka kwomulilo nende amatsi kayia pia

    Verse 43

    Nende eshinikha shiomwosi omumali ti

    Verse 44

    Shishili shiokhunyoolamwo obunyifu nohombo obwihotselefu tawe

    Verse 45

    Toto abo bali khale awo bamenyanga shinga benya

    Verse 46

    Ne baali nibakhaila khubionoono ebikhongo

    Verse 47

    Ne baboolanga mbu nikhumala khwafwa mana nikhuba liloba nende ebikumba, mbu toto efwe khulilamusibwa

    Verse 48

    Nohomba bapapa befu bakhale

    Verse 49

    Boola mbu: “balia abeyimbeli nende inyuma”

    Verse 50

    “Toto balilamusibwa khubise bieyinyanga yarechekhwa.”

    Verse 51

    Mana toto enywe abakori abakhayi

    Verse 52

    Mulilia toto omusala kwa zaqoom

    Verse 53

    Mulikwitsusia mutsinda tsienyu

    Verse 54

    Ne mana mulinywa amaatsi kayile pia

    Verse 55

    Nemulikanywa shinga ingamia inywetsanga nili nende obuloo

    Verse 56

    Ino niyo isambo yabu inyanga yomurungo

    Verse 57

    Efwe khwabaloonga enywe shichilanga shina nimulasuubila

    Verse 58

    Koo mulolangakhwo amatsi kolwibulo kamwitikhanga

    Verse 59

    Koo nenywe mukaloonganga nohomba nefwe abaloonji

    Verse 60

    Efwe khwabarecheshela lifwa nafu shikhushilungwa tawe

    Verse 61

    Okhukalukhania abaandi balali enywe ne khubalonje enywe ebindi biamulamanyile tawe

    Verse 62

    Netoto mwamala okhumanya okhulongwa khwa ambeli, neshina shichilanga nimuletsulilaanga

    Verse 63

    Ne mulolangakhwo emimela chiamuraakanga

    Verse 64

    Nenywe muchimesinjia nohomba nefwe khuchimesinjia

    Verse 65

    Ne nikhwenya nikhuchikhola chiakhaya okhurakhwo shiosi shiosi, mwatong’a nimung’ang’alile

    Verse 66

    Nimuboola mbu toto efwe khusishile

    Verse 67

    Halali efwe khwimilwe

    Verse 68

    Koo mulolangakhwo amaatsi kamunywetsanga

    Verse 69

    Ni enywe mukeshinjia okhurula mumaleesi nohomba nefwe bakeshiinjia

    Verse 70

    Nikhwenya nikhukakhola keyichumvi , ne shina shichilanga nimuloopa orio

    Verse 71

    Mulolangakhwo omulilo kwamwashinjia

    Verse 72

    Nenywe mwaloonga omusaala kwakwo nohomba nefwe baloonga

    Verse 73

    Efwe khwakukhola okhuba eshitsulisio nende kwokhukhoonya balia bali mushitsimi

    Verse 74

    Ne witsoomie elira lia Nyasaye wuwo omukhongo

    Verse 75

    Netoto nditsuba khubise bietsing’ining’ini tsikwitsanga

    Verse 76

    Ne toto shino neshitsubo eshikhongo, mumanyangakhwo toto

    Verse 77

    Toto eyo ni Ikurani yoluyali

    Verse 78

    Mushitabu shialindwa

    Verse 79

    Shashitilangakhwo halali ulia Omutswenufu

    Verse 80

    Sheshibwa okhurula khu Nyasaye Omulesi webiloonje bioosi

    Verse 81

    Ne kano namakhuwa kamulekanga

    Verse 82

    Amwakhopele orio khumukabo kwenyu (kwa abahele) nanyu mwikhola mbu muyingana

    Verse 83

    Kaliba karie olwa omwoyo kuliuula khulukamukamu? (Mwiporokotio)

    Verse 84

    Ne enywe ebise ebo muhenganga

    Verse 85

    Ne efwe khuli ahambi muno ninanyu , nanyu shimukhulolanga tawe

    Verse 86

    Ne enywe mukhaya okhuba mubunyali bwanje

    Verse 87

    mbu shina nimulakalusia omwoyo oko nikali mbu muboolanga obwatoto

    Verse 88

    Ne naliba mubalibukanilwa

    Verse 89

    Kuliba omwikhoyo nende eshing’ari nende emikunda chobwokholo

    Verse 90

    Ne naliba mubandu bomukhono omusatsa

    Verse 91

    Ni omulembe khwiwe owuli Mubandu bomukhono musatsa

    Verse 92

    Ne naliba Mubuyingani Abakori

    Verse 93

    Isambo yiyie niya amaatsi kayile pia

    Verse 94

    Nende okhwinjisibwa mumulilo

    Verse 95

    Toto buno nibo obwatoto bwokhwisikwa

    Verse 96

    Kho witsoomie elira lia Nyasaye wuwo Omulesi Omukali muno