Luyia - Chapter 66 - At-Tahrim

Ewe Omurumwa! Mbushina nokaana eshia Nyasaye wuwo yakhufuchilila? Okhaaba okhuchamisia Abakhaye bobo. Ne Nyasaye ni Omulesheli muno Omukoosia po

Toto Nyasaye yabahelesia injila yokhurimbulula ebitsubo bienyu, ne Nyasaye ni Omwami wenyu, Naye ni Omumanyi muno Owamachesi po

Ne olwa Omurumwa yaboolela mulala khubakhaye be likhuwa liobwifisi, mana omukhaye oyo shingala yalirusia habulafu, ne Nyasaye namanyia Omurumwa, yamwechesia ebuleka ne nakhaya okhumwechesia elubeka wundi. Olwa yamuboolela ario, omukhaye oyo naboola mbu: “wina ukhuboolele kano?” Omurumwa naboola mbu: “Omumanyi wamakhuwa koosi niye umboolele.”

Nabalekha, Nyasaye anyala okhumuhelesia Abakhaye bandi habundu wenyu, Abalayi okhushila enywe, Abehotselefu, Abasuubili, Abarechelefu, Abekanili , Abalaami, Abakholi bamalayi, nashikoko nende abakhaana bashili okhutekhakhwo

Enywe Abasuubila, honokosie emioyo chenyu nende chia Abandu benyu okhurulana nomulilo kwetsikhwi tsiakwo ni Abandu nende amachina, abalindi bakwo ni Abamalaika abalulu aba amaani, shibakhayanga okhukhola lia Nyasaye ababoolele tawe ne bakholanga liabalomesibwe

Enywe Abakhayi mulayinia ebichila olwa lelo tawe, toto murungungwa kamwakholanga

Enywe Abasuubila, sabe eshileshelo khu Nyasaye eshileshelo shifuchililwa, Nyasaye wenyu alabaleshela tsimbi tsienyu ne alabenjisia mwikulu, mumikunda chiburangamwo emialio, inyanga ya Nyasaye alalifimbia omurwe Omurumwa wuwe nende Abasuubili bali halala naye, obulafu bwabu buliba imbeli, nende elubeka wo mukhono musatsa, baliboola mbu “Nyasaye wefu omulesi khwitsusilie obulafu bwefu, ne okhuleshele ebionono biefu, toto ewe oli Omunyali wabuli eshindu

Ewe Omurumwa, khupatsakana nende abakhayi nende abeshikhabili, ne obe omumilano khubo, ne eshimenyo shiabu ni mumulilo, ne ni amakalushilo amabii muno

Nyasaye yachelasia Abandu abakhayi nende Omukhasiwa Nuhunende Omukhasi wa Lut, bali mumikhono chiabasumba befu balili , abakholi bamalayi, nibabakhoba ne okhukhoba okho nikhulabakhoonya tawe nibaboolelwa mbu: “ injile mumulilo halala nende abenjila.”

Ne Nyasaye achelasilia abasuubila, Omukhasi wa Firaun, Olwa yaboola mbu: “ Nyasaye wanje Omulesi nyumbashile inzu ewuwo mwikulu, ne uhabine khu Firaun nende ebikhole bibie, ne uhabine khu bandu abonooni

Nende Mariam Omukhana wa Imran, welinda nende omubili kukwe, ne nikhumufuramwo emiuya chiefu, nafuchilila amakhuwa ka Nyasaye wuwe, mana naba mubarechelefu