Back to Languages

    Luyia - Chapter 70

    Translation by Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah

    Verse 1

    Umureebi yereeba okhulondokhana nende eshinyasio eshiakharulile

    Verse 2

    Khubakhayi alibulaho ulishiikalila

    Verse 3

    Okhurula khuNyasaye Omwene hekulu tsiachelekhana

    Verse 4

    Abamalaika nende Roho baninanga nibatsia ewuwe khutsinyanga esichelo shiatsio ni emika iyelefu amakhumi karano

    Verse 5

    Kho wisumilisie ukhwisumilisia okhulayi

    Verse 6

    Toto abo bayilolanga mbu ili ehale

    Verse 7

    Nafu khuyilolanga mbu ili ahambi

    Verse 8

    Inyanga yelikulu liliba shinga eshichuma shisalululwe

    Verse 9

    Ne tsingulu tsiliba shinga ipamba

    Verse 10

    Ne Omwitsa shalireeba owashie tawe

    Verse 11

    Balibalola, Omwononi yakhekombe okhwinunula khushinyasio shieyinyanga eyo khulwokhuyinia Abana be

    Verse 12

    Nende omukhaye wuwe nende Omusiani wabu

    Verse 13

    Nende abeekho baye abamukhonyanga

    Verse 14

    Nende bioosi bili mushialo, mana ye ahonokoshe

    Verse 15

    Shikali kario tawe! Toto oko ni omulilo omululu

    Verse 16

    Kunyibululanga likhoba lwomurwe

    Verse 17

    Kulilaanga buli omukhayi weshileka

    Verse 18

    Wabunjelesinjia omwandu nakubiikha

    Verse 19

    Toto Omundu yaloongwa angalukhani

    Verse 20

    Nanyoolwa na masila yetswulikania

    Verse 21

    Ne nanyoola amalayi yemana

    Verse 22

    Okhuiniakhwo abalaamanga

    Verse 23

    Balia bakholelanga eshinani amalaamo kabu obulachweya (iswala)

    Verse 24

    Nende balia bomumwandu kwabu kulimwo omukabo omulobole

    Verse 25

    Khu usaba nende khu uritsanga okhusaba

    Verse 26

    Nende balia basuubilanga inyanga yomurungo

    Verse 27

    Nende balia baritsanga eshinyasio shia Nyasaye wabu

    Verse 28

    Toto eshinyasio shia Nyasaye wabu omulesi sishili shawakhasuubila okhuhonokokhamwo tawe

    Verse 29

    Nende balia abalindanga ebiekenyi biabu

    Verse 30

    Okhuyiniakhwo khubateshi (abakhasi ) baabu, nohomba balia babaruka bali mumikhono chiabu emisatsa, toto abo shibafunanibwa tawe

    Verse 31

    Ne balia abokhwenya kalali kano tawe, abo nibo baruma eshichelo

    Verse 32

    Nende balia balindanga obulayi obwisikwa nende indakano yabu

    Verse 33

    Nende balia bemanga shilunji khubuloli bwabu

    Verse 34

    Nende balia balindanga iswala yabu

    Verse 35

    Abo nibo balinjisibwa mwikulu

    Verse 36

    Balibarie abakhayi, abakhwitsilanga mubunji nibakhunga’nga’lilakhwo butswa

    Verse 37

    Emikanda nemikanda, na mukhono musatsa nende namukhono mukhasi

    Verse 38

    Koo buli yesiyesi aparanga mbu alinjila mwikulu liobwokholo

    Verse 39

    Shikalikario tawe, khwabalonga okhurulana nende khushiabamanyile

    Verse 40

    Nditsuba khu Nyasaye, Omulesi – webukwe nende mumbo- toto efwe khulinobunyali

    Verse 41

    Bwokhukalukhasia abalayi bashilakhwo abo nafu shikhwakhashilwa tawe

    Verse 42

    Khobaleshe, mubukalakala nende emibayo chiabu, okhula lwabalinyoolana nende inyanga yabalakwa

    Verse 43

    Inyanga yabakharule mubilindwa mulwangu shinga belushilanga okhuula khushimanyisio

    Verse 44

    Obweni bwabu bulihenga hasi, tsisoni tsilibafumbeela, eyo niyo inyanga yabalakungwa