Back to Languages

    Luyia - Chapter 73

    Translation by Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah

    Verse 1

    Ewe Owifimbile

    Verse 2

    Bukha mushilo shiosi, halali hatiti butswa

    Verse 3

    eshitonye shiashio nohomba oleemiekhwo hatiti

    Verse 4

    Nohomba ometekhwo, ne osoome Ikurani mushiroonyo

    Verse 5

    Toto efwe khwitsa okwishilia likhuwa lisiro

    Verse 6

    Toto okhubukha eshilo, omwoyo kukwalalanga muno, ne amakhuwa kashio kabetsanga amalunjifu muno

    Verse 7

    Ne toto bwene ewe obetsanga nende okhubotokhana okhunji mushitere

    Verse 8

    Kho lirumbule elira lia Nyasaye wuwo Omulesi, wirusilie khuye elala

    Verse 9

    Nyasaye Omulesi we bukwe nende mumbo, abulaho Nyasaye wundi owulali ye, khomukhole Omwisikwa wuwo

    Verse 10

    Ne wifwile khukababoolanga, ne abawuyekhwo mubulayi

    Verse 11

    Ndeshela Abaingani abali mubwokholo, ne obahelesie obwiyangu butiti

    Verse 12

    Toto bwene efwe khuli nende tsirimba tsisiro nende omulilo omululu

    Verse 13

    Nende eshilibwa shirekamanga mumworokoro nende eshinyasio eshilulu

    Verse 14

    Inyanga lwe eshialo shilirenga nende tsingulu tsiosi ne tsingulu tsilibulungukha shinga olufu

    Verse 15

    Toto efwe khwabarumila Omurumwa abe Omuloli wenyu, shingla khwarumila Firauni Omurumwa

    Verse 16

    Halali Firauni yaloba Omurumwa oyo, mana nikhumutila okhutila kweshinyasio

    Verse 17

    Nemuliba murie shingala mukhayanga, inyanga yabana balimela tsimbutsi

    Verse 18

    Owo likulu liliatikha! Ne awo kayalachisilia kaliikholekha

    Verse 19

    Toto bwene kano ni ametsulisio. owenya atile injila ya Nyasaye wuwe Omulesi

    Verse 20

    Toto Nyasaye wuwo Omulesi, yamanya mbu ewe wemanga nolaama ahambi eshilo shiosi, nohomba eshitonye shiashio nohomba mukhuwa khwashio, nende omukanda kulia kuli halala ninawe, ne Nyasaye niye ureranga eshilo neshitere, yamanya mbu shimunyala okhumanya okhubala tawe, mana nabalolela tsimbabaasi, kho some shiamunyalilwa mukurani,yamanyambumwinywebalimwo abalwale, ne abandi bekhupatsakananga khushialo, nibakhaaba tsimbabaasi tsia Nyasaye, Nabo abandi balwanilanga injila ya Nyasaye, khosoome wamunyalilwa mushio, Mana mlaame iswala obulachweya ne muhinie eshihanwa, ne mwiwosie Nyasaye likofi lilayi, ne shiamuranjilisilia emioyo chienyu khukhukhola amalayi mulishinyoola ewa Nyasaye, Ye ni Omulayi womurungo omukhongo muno, Ne musabe Nyasaye eshileshelo toto Nyasaye ni Omunji wakhuleshela Owetsimbabaasi muno