Back to LanguagesPrevious ChapterNext Chapter EnglishArabicUrduHindiTamilBengali
Marathi - Chapter 15 - Al-Hijr
Translation by Muhammad Shafi I Ansari — Permalink
Verse 1 — Surah Al-Hijr 15:1
१. अलिफ. लाम. रॉ या (अल्लाहच्या) ग्रंथाच्या आयती आहेत आणि स्पष्ट अशा कुरआनाच्या
Verse 2 — Surah Al-Hijr 15:2
२. अशीही वेळ येईल जेव्हा इन्कार करणारे आपल्या ईमानधारक होण्याची इच्छा करतील
Verse 3 — Surah Al-Hijr 15:3
३. तुम्ही त्यांना खाण्यात, लाभ उचलण्यात आणि (खोट्या) अपेक्षा बाळगण्यात मग्न असलेले सोडा. ते स्वतः लवकरच जाणून घेतील
Verse 4 — Surah Al-Hijr 15:4
४. आणि कोणत्याही वस्तीला आम्ही नष्ट केले नाही, परंतु हे की तिच्याकरिता निश्चित असे लिखित होते
Verse 5 — Surah Al-Hijr 15:5
५. कोणताही जनसमूह आपल्या मृत्युपासून ना पुढे जाऊ शकतो, ना मागे राहू शकतो.१
Verse 6 — Surah Al-Hijr 15:6
६. आणि ते म्हणाले, हे माणसा! ज्यावर कुरआन अवतरित केले गेले आहे निश्चितच तू एखादा वेडा आहे
Verse 7 — Surah Al-Hijr 15:7
७. जर तू अगदी सच्चा आहे तर मग आमच्याजवळ फरिश्त्यांना का नाही आणत
Verse 8 — Surah Al-Hijr 15:8
८. आम्ही फरिश्त्यांना सत्यासहच अवतरित करतो. आणि अशा वेळी त्यांना सवड दिली जात नाही
Verse 9 — Surah Al-Hijr 15:9
९. निःसंशय आम्हीच या कुरआनाला अवतरित केले आहे आणि आम्हीच त्याचे संरक्षक आहोत
Verse 10 — Surah Al-Hijr 15:10
१०. आणि आम्ही तुमच्यापूर्वी होऊन गेलेल्या जनसमूहांमध्येही आपले पैगंबर पाठवित राहिलो
Verse 11 — Surah Al-Hijr 15:11
११. आणि (तथापि) जो पैगंबरदेखील त्यांच्याजवळ आला, त्याची ते थट्टाच उडवित राहिले
Verse 12 — Surah Al-Hijr 15:12
१२. अपराधी लोकांच्या मनात आम्ही अशाच प्रकारे हेच रचत असतो
Verse 13 — Surah Al-Hijr 15:13
१३. ते याच्यावर ईमान राखत नाही आणि निःसंशय पूर्वीच्या लोकांची हीच पद्धत राहिली आहे
Verse 14 — Surah Al-Hijr 15:14
१४. आणि जर आम्ही त्यांच्यासाठी आकाशात (जाण्याचा) दरवाजाही उघडून दिला आणि ते तिथे चढूही लागले
Verse 15 — Surah Al-Hijr 15:15
१५. तरीही हेच म्हणतील की आमची नजरबंदी केली गेली आहे, किंबहुना आमच्यावर जादूटोणा केला गेला आहे
Verse 16 — Surah Al-Hijr 15:16
१६. आणि निःसंशय, आम्ही आकाशात बुरुज (राशी) बनविले आहेत आणि पाहणाऱ्यांकरिता याला सुशोभित केले आहे
Verse 17 — Surah Al-Hijr 15:17
१७. आणि धिःक्कारलेल्या प्रत्येक सैतानापासून याला सुरक्षित ठेवले आहे
Verse 18 — Surah Al-Hijr 15:18
१८. तथापि, जो लपून छपून ऐकण्याचा प्रयत्न करतो, भडकत्या आगीचा निखारा त्याच्या पाठीशी लागतो
Verse 19 — Surah Al-Hijr 15:19
१९. आणि जमिनीला आम्ही पसरवून दिले आहे आणि तिच्यावर पर्वत ठेवले आहेत आणि तिच्यात प्रत्येक वस्तू आम्ही निश्चित प्रमाणात उगविली आहे
Verse 20 — Surah Al-Hijr 15:20
२०. आणि तिच्यातच आम्ही तुमच्या अन्न सामुग्रीची व्यवस्था केली आहे आणि (त्यांच्यासाठीही) ज्यांना रोजी देणारे तुम्ही नाहीत
Verse 21 — Surah Al-Hijr 15:21
२१. आणि जेवढ्या म्हणून चीज-वस्तू आहेत, त्या सर्वांचा खजिना आमच्याजवळ आहे, आणि आम्ही प्रत्येक वस्तू तिच्या निर्धारित प्रमाणात उतरवितो
Verse 22 — Surah Al-Hijr 15:22
२२. आणि आम्ही वजनदार वाऱ्यांना पाठिवतो, मग आकाशातून पर्जन्य वृष्टी करून तुम्हाला तृप्त करतो आणि तुम्ही त्याचा संग्रह करून ठेवणारे नाहीत
Verse 23 — Surah Al-Hijr 15:23
२३. आणि आम्हीच जीवन देतो आणि मृत्युही देतो आणि (शेवटी) आम्हीच वारस आहोत
Verse 24 — Surah Al-Hijr 15:24
२४. आणि तुमच्यापैकी पुढे जाणाऱ्यांना आणि मागे राहणाऱ्यांनाही आम्ही चांगल्या प्रकारे जाणतो
Verse 25 — Surah Al-Hijr 15:25
२५. आणि तुमचा पालनकर्ता समस्त लोकांना एकत्रित करेल. निःसंशय तो मोठा तत्त्वदर्शी, मोठा ज्ञानी आहे
Verse 26 — Surah Al-Hijr 15:26
२६. आणि निःसंशय, आम्ही मानवाला खनकणाऱ्या (कोरड्या) मातीपासून, जी सडलेल्या गाऱ्याची होती, निर्माण केले आहे
Verse 27 — Surah Al-Hijr 15:27
२७. आणि त्याच्यापूर्वी जिन्नांना आम्ही अग्निशिखेपासून निर्माण केले
Verse 28 — Surah Al-Hijr 15:28
२८. आणि जेव्हा तुमच्या पालनकर्त्याने फरिश्त्यांना फर्माविले की मी एक मानव, काळ्या सडलेल्या, खनकणाऱ्या मातीपासून निर्माण करणार आहे
Verse 29 — Surah Al-Hijr 15:29
२९. तर जेव्हा मी त्याला पूर्ण बनवून घेईन आणि त्यात आपला आत्मा फुंकेन तेव्हा तुम्ही सर्व त्याला सजदा करा (त्याच्यापुढे माथा टेका)
Verse 30 — Surah Al-Hijr 15:30
३०. यास्तव सर्वच्या सर्व फरिश्त्यांनी आपला माथा टेकला
Verse 31 — Surah Al-Hijr 15:31
३१. परंतु इब्लिसने सजदा करणाऱ्यांमध्ये सामील होण्यास इन्कार केला
Verse 32 — Surah Al-Hijr 15:32
३२. (अल्लाहने) फर्माविले, हे इब्लिस! तुला झाले तरी काय की तू सजदा करणाऱ्यांमध्ये सामील झाला नाही
Verse 33 — Surah Al-Hijr 15:33
३३. तो म्हणाला, मी असा नाही की या मानवाला सजदा करावा, ज्याला तू काळ्या आणि सडलेल्या खणखणणाऱ्या मातीपासून निर्माण केले आहे
Verse 34 — Surah Al-Hijr 15:34
३४. (अल्लाहने) फर्माविले, आता तू जन्नतमधून चालता हो कारण तू धिःक्कारलेला आहेस
Verse 35 — Surah Al-Hijr 15:35
३५. आणि तुझ्यावर कयामतच्या दिवसापर्यंत माझ्यातर्फे धिःक्कार आहे
Verse 36 — Surah Al-Hijr 15:36
३६. तो म्हणाला, हे माझ्या पालनकर्त्या! मला त्या दिवसापर्यंत संधी प्रदान कर की लोकांना दुसऱ्यांदा (जिवंत करून) उठविले जाईल
Verse 37 — Surah Al-Hijr 15:37
३७. फर्माविले, (ठीक आहे) तू त्यांच्यापैकी आहेस, ज्यांना संधी दिली गेली आहे
Verse 38 — Surah Al-Hijr 15:38
३८. ठरलेल्या दिवसाच्या वेळेपर्यंतची
Verse 39 — Surah Al-Hijr 15:39
३९. (सैतान) म्हणाला, हे माझ्या पालनकर्त्या! तू मला मार्गभ्रष्ट केलेस तर मीदेखील शपथ घेतो की मी सुद्धा धरतीत त्यांच्यासाठी मोह माया निर्माण करीन आणि त्या सर्वांना बहकवून मार्गभ्रष्ट करीन
Verse 40 — Surah Al-Hijr 15:40
४०. मात्र तुझ्या त्या दासांखेरीज, ज्यांना तू निवडून घेतले आहे
Verse 41 — Surah Al-Hijr 15:41
४१. फर्माविले, हो. हाच माझ्यापर्यंत पोहचण्याचा सरळ मार्ग आहे
Verse 42 — Surah Al-Hijr 15:42
४२. माझ्या (निवडक) दासांवर तुझा कोणताही प्रभाव पडणार नाही, मात्र जे वाट चुकलेले लोक आहेत, तेच तुझे अनुसरण करतील
Verse 43 — Surah Al-Hijr 15:43
४३. आणि निःसंशय, त्या सर्वांच्या वायद्याचे स्थान जहन्नम आहे
Verse 44 — Surah Al-Hijr 15:44
४४. ज्याला सात दरवाजे आहेत. प्रत्येक दारासाठी त्यांचा एक हिस्सा विभाजित आहे
Verse 45 — Surah Al-Hijr 15:45
४५. निःसंशय, अल्लाहचे भय राखून दुराचारापासून दूर राहणारे लोक बागांमध्ये आणि झऱ्यां (प्रवाहां) मध्ये असतील
Verse 46 — Surah Al-Hijr 15:46
४६. (त्यांना सांगितले जाईल) सलामती आणि शांतीपूर्वक यात दाखल व्हा
Verse 47 — Surah Al-Hijr 15:47
४७. आणि त्यांच्या मनात जी काही वैर- द्वेष भावना होती आम्ही ती सर्व दूर करू. ते भाऊ-भाऊ बनून एकमेकांसमोर सिंहासनावर बसलेले असतील
Verse 48 — Surah Al-Hijr 15:48
४८. त्यांना तिथे ना एखादे दुःख स्पर्श करू शकते आणि ना ते तिथून कधी काढले जातील
Verse 49 — Surah Al-Hijr 15:49
४९. माझ्या दासांना सांगा की मी मोठा माफ करणारा आणि खूप खूप दया करणारा आहे
Verse 50 — Surah Al-Hijr 15:50
५०. आणि त्याचबरोबर माझी शिक्षा यातनाही मोठी दुःखदायक आहे
Verse 51 — Surah Al-Hijr 15:51
५१. आणि त्यांना इब्राहीमच्या अतिथींचा वृत्तांत ऐकवा
Verse 52 — Surah Al-Hijr 15:52
५२. की जेव्हा त्यांनी इब्राहीमजवळ येऊन सलाम केला, तेव्हा ते म्हणाले की आम्हाला तुमचे भय वाटते.१
Verse 53 — Surah Al-Hijr 15:53
५३. फरिश्ते म्हणाले, भिऊ नका, आम्ही तुम्हाला एका ज्ञानी पुत्राची शुभ वार्ता देतो
Verse 54 — Surah Al-Hijr 15:54
५४. इब्राहीम म्हणाले, काय या वृद्धावस्थेने स्पर्श केल्यानंतर तुम्ही मला ही शुभ वार्ता देता! ही आनंदाची बातमी तुम्ही कशी काय देत आहात
Verse 55 — Surah Al-Hijr 15:55
५५. फरिश्ते म्हणाले, आम्ही तुम्हाला अगदी खरी शुभवार्ता ऐकवित आहोत. तुम्ही निराश लोकांमध्ये सामील होऊ नका
Verse 56 — Surah Al-Hijr 15:56
५६. म्हणाले, आपल्या पालनकर्त्याच्या दया कृपेपासून केवळ ते (मार्गभ्रष्ट आणि) बहकलेले लोकच निराश होतात
Verse 57 — Surah Al-Hijr 15:57
५७. (इब्राहीम यांनी) विचारले, हे अल्लाहतर्फे पाठविण्यात आलेल्या (फरिश्त्यां) नो! तुमचे असे काय खास काम आहे
Verse 58 — Surah Al-Hijr 15:58
५८. फरिश्त्यांनी उत्तर दिले, आम्हाला अपराधी लोकांकडे पाठविले गेले आहे
Verse 59 — Surah Al-Hijr 15:59
५९. परंतु लूतचे कुटुंब की आम्ही त्या सर्वांना अवश्य वाचवू
Verse 60 — Surah Al-Hijr 15:60
६०. मात्र लूतच्या पत्नीखेरीज की आम्ही तिला थांबणाऱ्या व मागे राहणाऱ्यांमध्ये निश्चित केले आहे
Verse 61 — Surah Al-Hijr 15:61
६१. जेव्हा पाठविलेले फरिश्ते लूतच्या कुटुंबाजवळ पोहोचले
Verse 62 — Surah Al-Hijr 15:62
६२. तेव्हा लूत म्हणाले, तुम्ही लोक तर काहीसे अनोळखी वाटतात
Verse 63 — Surah Al-Hijr 15:63
६३. ते म्हणाले, (नाही) किंबहुना आम्ही तुमच्याजवळ ती वस्तू घेऊन आलो आहोत, जिच्या बाबतीत हे लोक संशय करीत आहेत
Verse 64 — Surah Al-Hijr 15:64
६४. आणि आम्ही तर तुझ्याजवळ (उघड) सत्य घेऊन आलो आहोत, आणि आम्ही आहोतही पुरेपुरे सच्चे
Verse 65 — Surah Al-Hijr 15:65
६५. आता तुम्ही आपल्या कुटुंबासह या रात्रीच्या एखाद्या भागात निघून जा. तुम्ही स्वतः त्यांच्या मागे राहा (आणि सावधान!) तुमच्यापैकी कोणीही मागे वळून पाहू नये आणि ज्या ठिकाणी जायचा तुम्हाला आदेश दिला जात आहे, तिथे चालत जा
Verse 66 — Surah Al-Hijr 15:66
६६. आणि आम्ही त्याच्याकडे या गोष्टीचा फैसला केला की सकाळ होता होताच त्या सर्वांची मुळे कापली जातील
Verse 67 — Surah Al-Hijr 15:67
६७. आणि शहरी लोक मोठा आनंद साजरा करीत आले
Verse 68 — Surah Al-Hijr 15:68
६८. (लूत) म्हणाले, हे लोक माझे अतिथी आहेत, तेव्हा तुम्ही मला अपमानित करू नका
Verse 69 — Surah Al-Hijr 15:69
६९. आणि सर्वश्रेष्ठ अल्लाहचे भय राखा आणि मला अपमानित करू नका
Verse 70 — Surah Al-Hijr 15:70
७०. ते म्हणाले, काय आम्ही तुम्हाला साऱ्या जगाचा ठेका घेण्यापासून मनाई केली नव्हती
Verse 71 — Surah Al-Hijr 15:71
७१. (लूत) म्हणाले, जर तुम्हाला काही करायचेच आहे तर या माझ्या मुली हजर आहेत१
Verse 72 — Surah Al-Hijr 15:72
७२. तुमच्या आयुष्याची शपथ! ते तर आपल्या नशेत धुंद फिरत होते
Verse 73 — Surah Al-Hijr 15:73
७३. मग सूर्योदय होता होता त्यांना एका भयंकर स्फोटाच्या आवाजाने येऊन धरले
Verse 74 — Surah Al-Hijr 15:74
७४. शेवटी आम्ही त्या (शहरा) ला उलथेपालथे करून टाकले आणि त्या लोकांवर कंकर पाषाणांचा वर्षाव केला
Verse 75 — Surah Al-Hijr 15:75
७५. निःसंशय, प्रत्येक बोध प्राप्त करणाऱ्याकरिता यात अनेक निशाण्या आहेत
Verse 76 — Surah Al-Hijr 15:76
७६. आणि ही वस्ती अशा मार्गावर आहे, ज्यावर सतत ये-जा होत असते
Verse 77 — Surah Al-Hijr 15:77
७७. आणि यात ईमान राखणाऱ्यांसाठी मोठी निशाणी आहे
Verse 78 — Surah Al-Hijr 15:78
७८. आणि अयका वस्तीचे राहणारे लोकही मोठे अत्याचारी होते
Verse 79 — Surah Al-Hijr 15:79
७९. ज्यांच्याशी शेवटी आम्ही सूड घेतलाच. ही दोन्ही शहरे खुल्या मार्गावर आहेत
Verse 80 — Surah Al-Hijr 15:80
८०. आणि हिज्रवाल्यांनीही पैगंबरांना खोटे ठरविले
Verse 81 — Surah Al-Hijr 15:81
८१. आणि त्यांना आम्ही आपल्या निशाण्या प्रदान केल्या होत्या, परंतु तरी देखील ते त्या निशाण्यांपासून माना फिरवितच राहिले
Verse 82 — Surah Al-Hijr 15:82
८२. आणि हे लोक आपली घरे पर्वतांना कोरून बनवित असत, भय न राखता
Verse 83 — Surah Al-Hijr 15:83
८३. शेवटी त्यांनाही सकाळ होता होता भयंकर चित्काराने येऊन गाठले
Verse 84 — Surah Al-Hijr 15:84
८४. यास्तव त्यांच्या कोणत्याही युक्ती कौशल्याने आणि कामगिरीने त्यांना कसलाही लाभ पोहचविला नाही
Verse 85 — Surah Al-Hijr 15:85
८५. आणि आम्ही आकाशांना आणि धरतीला आणि त्यांच्या दरम्यानच्या समस्त वस्तूंना सत्यासहच बनविले आहे आणि कयामत अवश्य येणार आहे, तेव्हा तुम्ही भल्या रीतीने सहन करून घ्या
Verse 86 — Surah Al-Hijr 15:86
८६. निःसंशय, तुमचा पालनकर्ताच निर्माण करणारा आणि जाणणारा आहे
Verse 87 — Surah Al-Hijr 15:87
८७. निःसंशय आम्ही तुम्हाला सात आयती प्रदान केल्या आहेत ज्यांची पुनरावृत्ती केली जाते, आणि महान कुरआन देखील प्रदान केला आहे
Verse 88 — Surah Al-Hijr 15:88
८८. तुम्ही कधीही आपली नजर त्या गोष्टीवर टाकू नका, जिला आम्ही, त्यांच्यापैकी अनेक प्रकारच्या लोकांना प्रदान केले आहे. त्यांच्याबद्दल तुम्ही दुःखही करू नका आणि ईमान राखणाऱ्यांसाठी आपल्या बाजू झुकवा (त्यांना मोठ्या स्नेहाची वागणूक द्या)
Verse 89 — Surah Al-Hijr 15:89
८९. आणि सांगा की मी उघडपणे भय दाखविणारा आहे
Verse 90 — Surah Al-Hijr 15:90
९०. ज्याप्रमाणे आम्ही त्या विभाजन करणाऱ्यांवर उतरविला
Verse 91 — Surah Al-Hijr 15:91
९१. ज्यांनी या कुरआनचे तुकडे तुकडे करून टाकले
Verse 92 — Surah Al-Hijr 15:92
९२. शपथ आहे तुमच्या पालनकर्त्याची! आम्ही त्या सर्वांना अवश्य विचारू
Verse 93 — Surah Al-Hijr 15:93
९३. त्या प्रत्येक गोष्टीबाबत जी ते करीत होते
Verse 94 — Surah Al-Hijr 15:94
९४. तेव्हा तुम्ही हा आदेश, जो तुम्हाला दिला जात आहे, स्पष्टतः ऐकवा, आणि अनेकेश्वरवाद्यांपासून तोंड फिरवून घ्या
Verse 95 — Surah Al-Hijr 15:95
९५. तुमच्याशी ते लोक थट्टा मस्करी करतात त्यांच्या (शिक्षे) करिता आम्ही पर्याप्त आहोत
Verse 96 — Surah Al-Hijr 15:96
९६. जे लोक अल्लाहच्या सोबत आणखी इतर उपास्ये बनवितात, त्यांना लवकरच माहीत पडेल
Verse 97 — Surah Al-Hijr 15:97
९७. आणि आम्हाला चांगल्या प्रकारे माहीत आहे की त्यांच्या बोलण्याने तुमच्या मनाला ठेच पोहचते
Verse 98 — Surah Al-Hijr 15:98
९८. तुम्ही आपल्या पालनकर्त्याची महानता आणि स्तुती प्रशंसाचे वर्णन करीत राहा आणि नतमस्तक होणाऱ्यांमध्ये सामील व्हा
Verse 99 — Surah Al-Hijr 15:99
९९. आणि आपल्या पालनकर्त्याची उपासना करीत राहा, येथेपर्यंत की तुम्हाला मरण यावे