Back to Languages

    Maranao - Chapter 89

    Translation by Guro Alim Saromantang

    Verse 1

    Ibt ko Fajr

    Verse 2

    Go so manga gagawii a zasapolo

    Verse 3

    Go so ganap ago so gansar

    Verse 4

    Go so gagawii igira a khaypos (ka ziksaan dn so manga kapir)

    Verse 5

    Ba saya di matatago so kazapa ko adn a sabot iyan

    Verse 6

    Bang ka da nggdagdaa so inikidiya o Kadnan ka ko (pagtaw a) Ad

    Verse 7

    A so Iram, a manga poporo i tindg

    Verse 8

    So da a miyaadn a lagid iran ko manga ingd

    Verse 9

    Go so (pagtaw a) Samod, a so miyanonggirb siran ko manga dalama ko balintad

    Verse 10

    Go so Pir´awn a adn a manga lutakan iyan

    Verse 11

    A siran na miyamangakowala ko manga ingd

    Verse 12

    Go piyakandakl iran roo so kapaminasa

    Verse 13

    Na piyakatoronan siran o Kadnan ka sa mbarambarang a maylot a siksa

    Verse 14

    Mataan! a so Kadnan ka na titho a tomitilik

    Verse 15

    Na so pman so manosiya, na amay ka tiniyoba skaniyan o Kadnan iyan ka bigan Iyan sa mnang, go inikalimo Iyan, na tharoon iyan a: "So Kadnan ko na bigan ako niyan sa mnang

    Verse 16

    Na amay ka tiniyoba Iyan, ka piyakasimpitan Iyan ko pagpr Iyan, na tharoon Iyan a: "So Kadnan ko na piyakarondan ako Niyan

    Verse 17

    Sabnar, a kna, ka di niyo phoporongan so wata a ilo

    Verse 18

    Go di niyo iphamiis so kapakakana ko miskin

    Verse 19

    Go phagarabn iyo so paninggalan sa kaarab a kabosaw

    Verse 20

    Go mababaya kano sa tamok sa kabaya a mitataralo

    Verse 21

    Sabnar, a amay ka roptn so lopa, a maropropt

    Verse 22

    Go makatalingoma so Kadnan ka, ago so manga malaikat a zizinnday

    Verse 23

    Go miyoma sa alongan oto so naraka Jahannam, na sa alongan oto na phananadm so manosiya, na ay gona on o kapananadm

    Verse 24

    Matharo iyan: "Aydaw, oba ako bo miyakapamakot sa rk o kawyagoyag akn

    Verse 25

    Na sii ko alongan oto, na da a makapaniksa ko siksa Iyan a isa bo

    Verse 26

    Go da a makaphamatong ko kaphamatong Iyan a isa bo

    Verse 27

    Hay niyawa a thatana

    Verse 28

    Ndod ka ko Kadnan ka, a masosoat, a makasosoat

    Verse 29

    Na sold ka ko manga oripn ko

    Verse 30

    Go sold ka ko sorga Akn