Back to Languages

    Maranao - Chapter 90

    Translation by Guro Alim Saromantang

    Verse 1

    Pzapa Ako sa ibt ko ungkai a ingd (a Makkah)

    Verse 2

    A ska na mababaling sangkai a ingd

    Verse 3

    Go so mimbawata ago so inimbawata

    Verse 4

    Ka sabnsabnar a inadn Ami so manosiya sii ko karomasayan

    Verse 5

    Ba niyan tatarimaa sa da dn a phakapaar on a isa bo

    Verse 6

    Gii niyan tharoon a: Miyakaylang ako sa tamok a madakl

    Verse 7

    Ba niyan tatarimaa sa da a miyakaylay ron a isa bo

    Verse 8

    Ba Ami da snggay skaniyan sa dowa mata

    Verse 9

    Go dila, go mbala a modol

    Verse 10

    Go pinggonanao Ami skaniyan ko dowa a lalan

    Verse 11

    Na ino niyan da panagontamani so mapigl

    Verse 12

    Na antawaa i miyakandao rka o antonaa so mapigl

    Verse 13

    So kapmaradika sa oripn

    Verse 14

    O di na so kapakakana sii ko alongan a kaor

    Verse 15

    Ko wata a ilo a madasg

    Verse 16

    O di na so miskin a middkt ko botha

    Verse 17

    Oriyan iyan na miyabaloy a pd ko siran a miyamaratiyaya, ago iniphipiisa iran so kaphantang go iniphipiisa iran so kapangalimo

    Verse 18

    Na siran man i manga taw ko kawanan

    Verse 19

    Na so siran a miyamangongkir ko manga ayat Ami, na siran i manga taw ko diwang

    Verse 20

    A kakokoloban siran sa apoy