Back to Languages

    Maranao - Chapter 95

    Translation by Guro Alim Saromantang

    Verse 1

    Ibt ko Tin ago so Zayton

    Verse 2

    Go so palaw a Torisina

    Verse 3

    Go giya ungkai a ingd a (Makkah a) panarigan

    Verse 4

    Ka sabnsabnar a inadn Ami so manosiya sii ko lbi a mapiya a bontal

    Verse 5

    Oriyan iyan na pakakasowin Ami skaniyan ko lbi a mababa ko manga bababa

    Verse 6

    Inonta so miyamaratiyaya, go pinggalbk iran so manga pipiya: Ka adn a bagian iran a balas a di pthaman

    Verse 7

    Na antawaa i maphakiongkir iyan rka ko oriyan aya, so kokoman

    Verse 8

    Ba di so Allah i lbi a Maontol i kokoman ko manga kokoman