Burmese - Chapter 104

အသရေဖျက်အောင် လုပ်ကြံပြောဆိုသူ (အတင်းပြောသူ) နှင့်သားပုပ်လေလွင့်ပြောဆိုသူတိုင်း ဒုက္ခလှလှနှင့်ကြုံတွေ့၍ ပျက်စီးစေ။

ထိုသူသည် (သူ့ကိုယ်သူ သူများအထက်တွင် ရှိသူအဖြစ် မြင်၍) ဥစ္စာဓနပိုင်ဆိုင်မှုများကို စုဆောင်းပြီး (ယင်းကို အရှင်မြတ်၏လမ်းတော်နှင့်ဆင်းရဲနွမ်းပါးသူတို့အတွက် သုံးစွဲခြင်းမပြုဘဲ လောဘတကြီး နှစ်သက်မြတ်နိုးစွာဖြင့်) ယင်း (ဥစ္စာဓနပိုင်ဆိုင်မှုများ) ကို အကြိမ်ကြိမ် ရေတွက်လျက်ရှိ၏။

ထိုသူသည် “သူ၏ဥစ္စာဓနပိုင်ဆိုင်မှုများမှာ အမြဲထာဝရ တည်တံ့လိမ့်မည်။” ဟု ထင်မှတ်နေ၏။

(မည်သည့်နည်းနှင့်မျှ ထိုသို့ အလျှင်း တည်တံ့မည် မဟုတ်ကြောင်း) သတိထားကြလော့။ အမှန်စင်စစ်၊ ထိုသူသည် တစ်စစီဖြစ်အောင် ထုခြေမည့် ညှင်းပန်းနှိပ်စက်မှုထဲ၌ ဧကန်မုချပင်၊ စွန့်ပစ်ထားခြင်းခံရလိမ့်မည်။

“တစ်စစီဖြစ်အောင် ထုခြေမည့် ညှင်းပန်းနှိပ်စက်မှုမှာ အဘယ်နည်း။” ဟူသည်ကို အသင့်အား မည်သည့်အရာက သိနားလည်စေမည်နည်း။

(တစ်စစီဖြစ်အောင် ထုခြေမည့် ညှင်းပန်းနှိပ်စက်မှု ဟူသည် လောင်စာထည့်၍) မီးစွဲစေတော်မူခြင်းခံရသော အလ္လာဟ်အရှင်မြတ်၏ငရဲမီးပင် ဖြစ်၏။

ယင်းမီးသည် (ရာဇဝတ်မှုကျူးလွန်သူများ၏) စိတ်နှလုံးများအထိ နက်ရှိုင်းစွာ တိုးဖောက်လောင်ကျွမ်းစေသည်အထိ မြင့်တက်လိမ့်မည်။

ဧကန်မလွဲ၊ ထိုမီးသည် သူတို့အပေါ်၌ လွှမ်းခြုံပိတ်ဆို့စေလိမ့်မည်။

ရှည်လျားစွာတိုးချဲ့ ဆန့်ထားသော (မီးကျီး) တိုင်များ၌ (တုပ်နှောင်ထားစေလိမ့်မည် ဖြစ်၏)။