Back to Languages

Burmese - Chapter 107 - Al-Maun

Translation by Alin U Yin — Permalink

Verse 1 — Surah Al-Maun 107:1

အသင်သည် (ကောင်းမှုနှင့်မကောင်းမှုတို့အတွက် မျှတထိုက်တန်စွာ အစားပေးမည့် နောင်တမလွန်) တရား စီရင်မည့်နေ့နှင့်စပ်လျဉ်း၍ မဟုတ်မတရား မမှန်မကန် လိမ်လည် စွပ်စွဲ၍ ငြင်းပယ်သော သူအား မတွေ့မြင်၊ မဆင်ခြင်၊ မသုံးသပ်လေသလော။

Verse 2 — Surah Al-Maun 107:2

(အကြောင်းမှာ) ထိုသို့သောပုဂ္ဂိုလ်သည် မိဘမဲ့များအား ပစ်ပစ်ခါခါ ငြင်းတွန်းလှန် (၍ ကြမ်းကြုတ်စွာ ဆက်ဆံ) သောသူ ဖြစ်၏။

Verse 3 — Surah Al-Maun 107:3

ထို့ပြင် သူသည် ခိုကိုးရာမဲ့သော ဆင်းရဲနွမ်းပါးသူတို့အား အစားအသောက်ကျွေးမွေးခြင်းအပေါ် တိုက်တွန်းနှိုးဆော်လိုစိတ်လည်း မရှိပေ။

Verse 4 — Surah Al-Maun 107:4

သို့ဖြစ်ပေရာ (ထိုသို့သော စိတ်ထားဖြင့် တမလွန်တရားစီရင်မည့်နေ့ကို ငြင်းပယ်သော) ကိုးကွယ်ဝတ်ပြုသူတို့အတွက် ဒုက္ခလှလှနှင့်ကြုံရမည့်ပျက်စီးကိန်းသာ ရှိ၏။

Verse 5 — Surah Al-Maun 107:5

ထိုသို့သော သူတို့သည် သူတို့၏ဆွလာသ်ဝတ်ပြုမှု (ယင်း၏စည်းမျဉ်းနှင့်အညီ မြဲမြံစွာဆောက်တည်ခြင်း) မှ အလှမ်းဝေးလျက် အလေးမထားဘဲ ဥပေက္ခာပြုထားသူများပင် ဖြစ်ကြလျက် မေ့လျော့ထား ကြကုန်၏။

Verse 6 — Surah Al-Maun 107:6

ထိုသို့သောသူတို့သည် (သူတို့၏ဆွလာသ်ဝတ်ပြုမှု အပါအဝင် ကောင်းမှုကုသိုလ်များကို လူမြင်ကောင်း အောင်နှင့်ချီးမွမ်းခံရအောင်) ဟိတ်ထုတ်ပြစားလိုကြ၏။

Verse 7 — Surah Al-Maun 107:7

ထို့ပြင် သူတို့သည် အကူအညီအထောက်အပံ့အသေးအဖွဲကိုပင် (လူ့ဘောင်အသိုင်းအဝိုင်းရှိ လိုအပ်ချက်ရှိနေသူတို့အား ပေးကမ်းလှူဒါန်းခြင်း မပြုရန်) ငြင်းပယ်၊ ပိတ်ပင်တားမြစ်ကြ၏။