Burmese - Chapter 102 - At-Takathur

၁၊၂။ အို-လူသားအပေါင်းတို့၊ လောကီစည်းစိမ်ဥစ္စာပွားများခြင်း၌ ပြိုင်ဆိုင်ခြင်းသည် သင်တို့အား သချိႋုင်းတွင်းသို့ ရောက်သည့်တိုင်အောင် လောကုတ္တရာရေးမှ ဆွဲငင်ထား၏။

၃။ သို့သော် ယင်းသို့မဖြစ်ထိုက်ချေ၊ သင်တို့သိမြင်ကြရလတံ့။

၄။ သို့သော် ယင်းသို့မဖြစ်ထိုက်ချေ၊ သင်တို့မုချဧကန်သိမြင်ကြရလတံ့။

၅။ သို့သော် ယင်းသို့မဖြစ်ထိုက်ချေ၊ သင်တို့သည် အဖြစ်မှန်ကို သင်တို့၏ အသိဉာဏ်ဖြင့် အသေအချာသိမြင်ခဲ့ရ ကြလျှင် တော်လေစွ။

၆။ အကြောင်းမူကား သင်တို့သည် ငရဲမီးကို ဧကန်အမှန်မြင်ကြရလတံ့။

၇။ သင်တို့သည် ငရဲမီးကို မျက်ဝါးထင်ထင်မြင်ကြရလတံ့။

၈။ ထိုမြင်ရသောနေ့တော်ကြီး၌ သင်တို့အား မိမိတို့လောကဓာတ်တွင် မက်မောပျော်ရွှင်ခဲ့မှုများအတွက် စစ်ကြော စီရင်တော်မူလတံ့။