Burmese - Chapter 43 - Az-Zukhruf

၁။ ဟာ မီး(မ်)။

၂။ ရှင်းလင်းထင်ရှားသောကျမ်းတော်အားဖြင့်။

၃။ အို-လူသားအပေါင်းတို့၊ ငါသည် သင်တို့နားလည်ကောင်းနားလည်စေခြင်းငှာ ထိုကျမ်းတော်ကို အာရဗီဘာသာ ဖြင့် ပြဋ္ဌာန်းတော်မူ၏။

၄။ မှတ်သားကြလော့၊ ထိုကျမ်းတော်သည် ငါ၏အထံတော်၌ ရှိသောမူလဘူတပညတ်တော်များပါသောကျမ်းတော် မြတ်ဖြစ်၏၊ စင်စစ်အားဖြင့် ထိုကျမ်းတော်မြတ်သည် လွန်စွာမြင့်မြတ်၊ ရှင်းလင်းပြတ်သားသောကျမ်းဖြစ်၏။

၅။ အို-အယူမှားသူအပေါင်းတို့၊ သင်တို့သည် လေလွင့်သောသူများဖြစ်ကြသဖြင့် သင်တို့ကို ငါလုံးလုံးလျစ်လျူ ရှုတော်မူရမည်လော။

၆။ ငါရှေးလူဟောင်းများထံသို့ တမန်တော်မည်မျှ ဆက်ကာဆက်ကာ စေလွှတ်တော်မူခဲ့လေသနည်း။

၇။ ထိုရှေးလူဟောင်းများသည် မိမိတို့ထံသို့ တမန်တော်ပွင့်မလာလေမှ လာလေလျှင် တမန်တော်ကို ပျက်ရယ် ကျီစယ်ပြုလေ့ရှိကြ၏။

၈။ ထို့ကြောင့်ယခုလူများထက် သာလွန်ခွန်အားဗလရှိသောရှေးလူဟောင်းများကို ငါသည် ကွပ်မျက်စီရင်တော် မူလိုက်၏၊ ရှေးလူဟောင်းတို့၏ ထုံးဟောင်းဥပမာသည် သူတို့ရှေ့တွင် ရှိ၏။

၉။ အို-တမန်တော်၊ သင်သည် ထိုမယုံကြည်သူတို့အား ဟယ်-အချင်းတို့၊ မိုးမြေကို အဘယ်သူဖန်ဆင်းသနည်းဟု မေးလျှင် သူတို့က အနန္တတန်ခိုးတော်သခင်၊ သဗ္ဗညုတဉာာဏ်တော်ရှင်၊ ဖန်ဆင်းတော်မူသည်ဟု ပြန်ဖြေကြလတ့ံ။

၁ဝ။ အရှင်မြတ်သည် သင်တို့အဖို့အရာ ကမ္ဘာမြေကို အမောဖြေရာစခန်းဖြစ်စေတော်မူ၏၊ ထိုမြေပေါ်၌ သင်တို့သွား လိုရာအရပ်သို့ လွယ်လင့်တကူသွားလာရောက်ပေါက်နိုင်စေရန် အလို့ငှာ ယင်းသို့ဖန်ဆင်းတော်မူ၏။

၁၁။ အရှင်မြတ်သည် အထက်ကောင်းကင်မှ သင့်လျော်အောင် နှိုင်းဆတိုင်းဆ၍ မိုးရေကို ရွာသွန်းစေတော်မူ၏၊ အေ-ကြားနရသူအပေါင်းတို့၊ ငါသည် ထိုမိုးရေဖြင့် မြေသေကို တဖန်ရှင်စေတော်မူ၏၊ ထိုနည်းတူသင်တို့ကို လည်း ပြန်ရှင်စေတော်မူမည်။

၁၂။ အရှင်မြတ်သည် အရာဝထ္ထုအားလုံးတို့ကို အဖိုနှင့်အမတွဲ၍ ဖန်ဆင်းတော်မူ၏၊ သင်တို့အဖို့အရာ သင်တို့စီးနင်း သောလှေသင်္ဘောများနှင့် ခြေလေးချောင်းရှိတိရိစ္ဆာန်များကိုလည်း ဖန်ဆင်းတော်မူ၏။

၁၃။ ယင်းကဲ့သို့ဖန်ဆင်းတော်မူခြင်းကား ၎င်းတို့ကျောက်ကုန်းထက်သို့ တက်စီးပြီးလျှင် ထိုသို့စီးနေစဉ် သင်တို့သည် မိမိတို့၏ အသက်သခင်ကျေးဇူးရှင်ကြီး၏ ဂုဏ်ကျေးဇူးတော်ကို သတိရ၍ ဤသို့ကျူးရင့်စိမ့်သောငှာဖြစ်၏၊ အလ္လာဟ်အရှင်မြတ်သည် အနန္တဂုဏ်တော်ရှင်ဖြစ်တော်မူ၏၊ အကျွန်ုပ်တို့သည် မိမိတို့အလိုအလျောက် ၎င်းတို့ကို နှိမ်နင်း၍ လက်အောက်ခံဖြစ်စေခြင်းငှာမတတ်စွမ်းနိုင်ချေ။

၁၄။ အကျွနု်ပ်တို့သည် မိမိတို့၏ အသက်သခင်ကျေးဇူးရှင်ကြီးအထံတော်သို့ မုချဧကန်ပြန်နေကြသည်သာတည်း။

၁၅။ ယင်းသို့ကျေးဇူးပြုသော်လည်း ထိုလူသားတို့သည် အရှင်မြတ်၏ ကျေးကျွန်အချို့တို့ကို အရှင်မြတ်နှင့် တန်းတူ ထား၍ ကိုးကွယ်ကြ၏၊ အမှန်ဆိုသော လူသားတို့သည် မုချဧကန်ကျေးဇူးကန်းသူများဖြစ်၏။

၁၆။ အရှင်မြတ်သည် မိမိဖန်ဆင်းတော်မူသောအရာများအနက် မိမိအဖို့ သမီးများကိုသာ လိုလားတော်မူ၍ သား ယောက်ျားများအားဖြင့် သင်တို့ကို ချီးမြှောက်တော်မူသလော။

၁၇။ မဟာဂရုဏာတော်အရှင်၏ ဝေစုတော်ဟုဆိုသော သမီးကို သင်တို့အနက် တစ်ဦးတစ်ယောက်မှာ ဖွားမြင်အ့ံ၊ ထိုဖွားမြင်သောသတင်းကို ထိုသူကြားရသောအခါ ထိုသူသည် မျက်နှာမဲပြီးလျှင် မိမိဝမ်းထဲတွင် ဒေါသဖြစ်လျက် ရှိ၏။

၁၈။ အဖိုးထိုက်အဖိုးတန်အဝတ်တန်ဆာလက်ဝတ်လက်စားများကို ဝတ်ဆင်လျက် ကြီးပြင်းအောင် ကျွေးမွေးခြင်းခံရ၍ မိမိကိုယ်ကို မိမိ အဓိကရုန်းအတွင်းမကာကွယ်နိုင်သောသမီးမိန်းမကို အရှင်မြတ်နှင့် နှိုင်းယှဉ်မည်လော။

၁၉။ သူတို့သည် မဟာဂရုဏာတော်အရှင်၏ ကျေးကျွန်ကောင်းကင်တမန်များအား ဣတ္ထိလိင်ဟု ဆိုကြ၏၊ သူတို့ သည် ထိုတမန်များအား ဖန်ဆင်းသည်ကို မြင်ရသလော၊ သူတို့၏ ပြောဆိုချက်ကို မှတ်သားထား၍ သူတို့ကို စစ်ကြောတော်မူလတ့ံ။

၂ဝ။ ထိုသူယုတ်မာတို့က ''အကယ်၍ မဟာကရုဏာတော်အရှင် အလိုတော်ရှိပါလျှင် အကျွနု်ပ်တို့သည် ဘုရားတု ဘုရားယောင်များကို ကိုးကွယ်ကြမည်မဟုတ်ချေ''ဟု ဆိုကြ၏၊ သူတို့သည် အသိဉာာဏ်မရှိ၍ ဤသို့ပြောကြ၏၊ သူတို့သည် ရမ်းဆကြသည်သာတည်း။

၂၁။ ငါသည် ထိုသူတို့စွဲလမ်းလိုက်နာဖို့ရာ ကျမ်းတော်တစ်စောင်ကို သူတို့အား ကုရ်အာန်ကျမ်းတော်ကို ထုတ်ပြန် တော်မမူမီ ပေးသနားတော်မူဖူးသလော။

၂၂။ ပေးသနားတော်မမူချေ၊ သူတို့က အကျွန်ုပ်တို့သည် မိမိတို့ဘိုးဘွားတို့အား ဘာသာအယူဝါဒတစ်မျိုးကို လိုက်နာ ကျင့်မူလျက် တွေ့ရပါ၏၊ သူတို့၏လမ်းကို လိုက်လျှောက်ကြပါ၏ဟု ဆိုကြ၏။

၂၃။ အေ-တမန်တော် သင်မပွင့်လာမီကာလကလည်း ဤနည်းအတိုင်းပင်ဖြစ်၏၊ ငါသည် လူမျိုးတစ်မျိုးထံ သာသနာ ပြုတမန်တော်စေလွှတ်သောအခါတိုင်း သူတို့အနက် သူဌေးသူကြွယ်တို့က အကျွနု်ပ်တို့သည် မိမိတို့ဘိုးဘွား တို့အား ဘာသာအယူဝါဒတစ်မျိုးကို လိုက်နာကျင့်ဆောင်လျက် တွေ့ရပါ၏၊ အကျွနု်ပ်တို့လည်း သူတို့လမ်းကို သူတို့ခြေရာအတိုင်း လိုက်လျှောက်ကြပါ၏ဟု ဆိုကြလေ၏။

၂၄။ ထိုအခါသူတို့လက်ထက်ပွင့်သောတမန်တော်က ဟယ်-အချင်းတို့၊ ငါယူဆောင်လာသောတရားတော်သည် သင်တို့မိဘဘိုးဘွားတို့လိုက်နာကျင့်သုံးသောအယူဝါဒထက် သာလွန်ကောင်းမြတ်၏ဟု ဟောကြား၏၊ သူတို့က အကျွနု်ပ်တို့ကား သင်တို့ယူဆောင်လာသောကျမ်းကို မယုံကြည်သူများဖြစ်ကြ၏ဟု ပြန်ဆိုကြ၏။

၂၅။ ထို့ကြောင့် ငါသည် သူတို့ကို လက်စားချေတော်မူ၏၊ အေ-တမန်တော်၊ သမ္မာတရားတော်ကို ငြင်းဆန်သော သူယုတ်မာတို့သည် မိမိတို့ဘဝဇာတ်ကို မည်သို့သိမ်းရလေသည်ကို ကြည့်လော့။

၂၆။ မှတ်သားလော့၊ တမန်တော်အေဗရာဟမ်က သူ၏ အဘနှင့်အမျိုးသားတို့ကို ဤသို့ပြောဟော၏၊ သင်တို့ကိုး ကွယ်သောဘုရားတုများကို ကိုးကွယ်မှုမှ အကျွနု်ပ်သန့်စင်၏။

၂၇။ အကျွန်ုပ်တို့သည် မိမိ၏အရှင်သခင်အားသာလျှင် ကိုးကွယ်၏၊ အရှင်မြတ်သည် အကျွနု်ပ်အား မုချဧကန်လမ်း ညွှန်တော်မူပါမည်။

၂၈။ တမန်တော်အေဗရာဟမ်က ထိုတရားစကားကို ၎င်း၏သားမြေးအဆက်ဆက်တို့လက်ထက်တိုင်အောင် ကျန်ရစ် စေ၏၊ သူတို့တရားတော်ဘက်သို့ ပြန်လှည့်ကောင်းလှည့်ရန် အလို့ငှာဖြစ်၏။

၂၉။ စင်စစ်အားဖြင့် ထိုသူယုတ်တို့နှင့် သူတို့မိဘထံသို့ သမ္မာတရားတော်နှင့် ထိုတရားတော်ကို ရှင်းလင်းဟောပြော သောတမန်တော်ရောက်လာသည့်တိုင်အောင် ငါသည် သူတို့အားလုံးကို လောကီစည်းစိမ်ပေးသနားတော်မူခဲ့ပြီ။

၃ဝ။ သို့သော်သူတို့ထံ၌ သမ္မာတရားတော်ထွန်းလင်းတောက်ပလာသောအခါ သူတို့က ဤအရာသည် မျက်လှည့် ဆရာ၏ လိမ်လည်မှုသာဖြစ်၏၊ ငါတို့သည် ဤအရာကို ဖယ်ရှား၏ဟု ဆိုကြ၏။

၃၁။ တဖန် သူတို့ဆိုသည်မှာ ဤကုရ်အာန်ကျမ်းကို မြို့ကြီးနှစ်မြို့မှာ ခေါင်းဆောင်တစ်ဦးဦးထံသို့ အဘယ်ကြောင့် ထုတ်ပြန်မချပေးသနည်း။

၃၂။ အို-တမန်တော်၊ ထိုသူတို့သည် သင်၏အသက်သခင် ကျေးဇူးရှင်ကြီး၏ ကျေးဇူးတော်ကို ဝေခွဲပေးရသူများ ဖြစ်သလော၊ ငါသည်သာလျှင် သူတို့အလယ်တွင် လောကီအသက်မွေးမှုကို ဝေခြမ်းပေးတော်မူ၏၊ ထို့အပြင် ငါသည် သူတို့အနက် အချို့ကို အခြားသူတို့ထက် အဆင့်အတန်းမြှင့်ပေးတော်မူ၏၊ သို့မြှင့်ပေးခြင်းအကြောင်းမှာ အကြီးအကဲတို့က ငယ်သားများကို ခိုင်းစေရန်အလို့ငှာဖြစ်၏၊ သို့သော်သင်၏ အသက်သခင်ကျေးဇူးရှင်ကြီး၏ ကျေးဇူးတော်သည် ထိုသူတို့စုဆောင်းထားသည့်ဥစ္စာပစ္စည်းထက် သာလွန်ကောင်းမွန်၏။

၃၃၊၃၄။ လူသားအပေါင်းတို့သည် လူမျိုးတစ်မျိုးတည်းသာ ဖြစ်လာကြမည်မဟုတ်လျှင် မဟာကရုဏာတော််အရှင်အား မယုံကြည်သူတို့အဖို့အရာ ငါသည် သူတို့၏ အိမ်အမိုးအကာများကိုသော်လည်းကောင်း၊ သူတို့လဲလျောင်းထိုင်ရာ ပလ္လင်များကိုသော်လည်းကောင်း၊ ငွေသားအတိဖြစ်စေတော်မူခဲ့လေလတ့ံ။

၃၃၊၃၄။ လူသားအပေါင်းတို့သည် လူမျိုးတစ်မျိုးတည်းသာ ဖြစ်လာကြမည်မဟုတ်လျှင် မဟာကရုဏာတော််အရှင်အား မယုံကြည်သူတို့အဖို့အရာ ငါသည် သူတို့၏ အိမ်အမိုးအကာများကိုသော်လည်းကောင်း၊ သူတို့လဲလျောင်းထိုင်ရာ ပလ္လင်များကိုသော်လည်းကောင်း၊ ငွေသားအတိဖြစ်စေတော်မူခဲ့လေလတ့ံ။

၃၅။ သူတို့၏ ဆင်ယင်တန်ဆာနှင့် အိမ်ထောင်ပရိဘောဂများကိုလည်း ရွှေအတိဖြစ်စေတော်မူခဲ့လတ့ံ၊ သို့သော် ဤအဖိုးထိုက်တန်သောအရာဝထ္ထုအပေါင်းတို့သည် လောကီအသက်တခဏအတွက်သာဖြစ်လေ၏၊ အေ-တမန် တော်၊ သင်၏ အသက်သခင်ကျေးဇူးရှင်ကြီး၏ မျက်မှောက်ရှိ နောင်ဘဝမှာမူကား အကုသိုလ်မှုကို ရှောင်သော သူတော်ကောင်းတို့အဖို့သာ ဖြစ်၏။

၃၆။ အကြင်သူသည် မဟာဂရုဏာတော်အရှင်အား အာရုံမပြုပဲ နေအ့ံ၊ ထိုသူအား ငါသည် ရှိုင်တန်မာရ်နတ်တစ်ဦးဦး ၏ လက်သို့ အပ်နှင်းတော်မူမည်၊ ထိုရှိုင်တန်သည် သူနှင့်အတူတကွ ရင်းနှီးစွာနေမည်။

၃၇။ အမှန်မှာ ဤရှိုင်တန်မာရ်နတ်များသည် ထိုသူတို့ကို သမ္မာတရားလမ်းတော်မှ ကာဆီးထားကြ၏၊ သို့သော် သူတို့သည် မိမိတို့လမ်းမှန်သို့ ပို့သခြင်းခံနေရသည်ဟု ထင်မှတ်ကြ၏။

၃၈။ နောက်ဆုံးစွန်၌ ယင်းကဲ့သို့ သူတစ်ဦးတစ်ယောက်သည် ငါ့ရှေ့တော်သို့ ဝင်ရသောအခါ သူသည် သူ၏အဖော် ရှိုင်တန်အား ပြောမည်မှာ သင်တို့နှင့်ငါသည် အရှေ့နှင့်အနောက်ကဲ့သို့ ဝေးကွာခဲ့လျှင် ကောင်းလေစွ၊ ဤ အပေါင်းအသင်းသည် အလွန်ဆိုးဝါးယုတ်မာသောအပေါင်းအသင်းဧကန်အမှန်ဖြစ်၏။

၃၉။ သင်တို့သည် ဒုစရိုက်မကောင်းမှုကို ကျူးလွန်ခဲ့သောကြောင့် ဤနေ့တော်ကြီး၌ သင်တို့သည် အပြစ်ဒဏ်ကို ဝေယူကြရ၏၊ သင်တို့ကို ကောင်းကျိုးမပေးချေ။

၄ဝ။ အို-တမန်တော်၊ သင်သည် နားပင်းသူကို ကြားစေနိုင်သလော၊ သို့မဟုတ် မျက်စိကန်းသူကိုသော်လည်းကောင်း၊ တမင်္ဂလာလမ်းမှားလိုက်သူကိုသော်လည်းကောင်း၊ လမ်းမှန်ကို ပြသနိုင်သလော။

၄၁။ ငါသည် အကယ်၍ သင်၏အသက်ဝိညာဉ်ကို ခေါ်တော်မူသော်လည်း ထိုသူများကို ဧကန်အမှန်အပြစ်ဒဏ်ပေး၍ လက်စားချေတော်မူမည်။

၄၂။ သို့မဟုတ် ငါသည် သင့်အား ထိုမယုံကြည်တို့အား ခြိမ်းခြောက်သောအပြစ်ဒဏ်ကို ပြတော်မူပါလျှင် ငါသည် သူတို့ကို ဧကန်အမှန်လွှမ်းမိုးတော်မူ၏။

၄၃။ ထို့ကြောင့်သင်တို့သည် ငါထုတ်ပြန်ချပေးသနားတော်မူသောကျမ်းတော်မြတ်ကို ဦးထိပ်ထက်ဆင်ရွက်၍ မြဲမြဲစွဲစွဲ ဆွဲကိုင်ထားလော့၊ အစစ်အမှန် သင်သည် သမ္မာတရားလမ်းပေါ်၌ တည်ရှိနေသူဖြစ်၏။

၄၄။ အမှန်ကိုဆိုသော် ကုရ်အာန်ကျမ်းတော်သည် သင်နှင့် သင့်အသင်းသားအပေါင်းတို့အဖို့ သတိပေးကျမ်းတော် ဖြစ်၏၊ သင်တို့သည် စစ်ကြောတော်မူခြင်းကို ခံကြရလိမ့်မည်။

၄၅။ အေ-တမန်တော်၊ သင်မပွင့်မီ ပွင့်သောရှေးတမန်တော်များ၏ အဖြစ်အပျက်ကို စုံစမ်းမေးမြန်းလော့၊ မဟာ ကရုဏာတော်အရှင်မှတပါး အခြားဘုရားယောင်များကို ခဝပ်ကိုးကွယ်ရန် ငါပညတ်တော်မူဖူးသလော။

၄၆။ ငါသည် တမန်တော်မူစာအား ငါ၏ နှုတ်ကပတ်တော်များနှင့်တကွ မုချဧကန်ဖွာရောမင်းနှင့် ၎င်း၏မှုးမတ်အရာရှိ တို့ထံ စေလွှတ်တော်မူ၏၊ တမန်တော်က ၎င်းတို့အား ဟယ်-အချင်းတို့၊ ငါသည် အနန္တစကြာဝဠာအပေါင်း တို့၏ အရှင်သခင်၏ တမန်တော်ဖြစ်သည်ဟု ဟောကြား၏။

၄၇။ တမန်တော်မူစာသည် ငါ၏ သာဓကတော်များကို ယူဆောင်လာသောအခါ သူတို့သည် ထိုသာဓကတော်များကို ပျက်ရယ်ပြုကြလေ၏။

၄၈။ ငါသည် သူတို့အား တန်ခိုးပြာဋိဟာတော်တစ်ပါးပြီးတစ်ပါး ပြတော်မူ၏၊ ထိုတန်ခိုးတော်များသည် တပါးထက် တပါးသာလွန်ကြီးကျယ်လာ၏၊ သူတို့ငါ့ဘက်တော်သို့ လှည့်ကောင်းလှည့်စိမ့်သောငှာ သူတို့အား အပြစ်ဒဏ်နှင့် ဖမ်းဆီးတော်မူလေ၏။

၄၉။ ထိုအခါသူတို့က ဟယ်-အချင်းမျက်လှည့်ဆရာ၊ သင်သည် မိမိ၏ အသက်သခင်ကျေးဇူးရှင်ဖွဲ့စည်းထားသော ပဋိညာဉ်စာချုပ်အားဖြင့် သင့်သခင်ထံ အကျွနု်ပ်တို့အဖို့ ဆုတောင်းပါလော့၊ ငါတို့သည် တရားလမ်းတော်ကို လိုက်ပါမည်ဟု တောင်းပန်ကြလေ၏။

၅ဝ။ သို့သော်ငါသည် သူတို့ထံမှ အပြစ်ဒဏ်ဘေးဥပါဒ်ကို ဖယ်ရှားတော်မူသောအခါ သူတို့သည် စကားမတည် ကတိဖျက်ကြ၏။

၅၁။ ထို့အပြင်ဖွာရောမင်းသည် မိမိ၏အသင်းသားများကို ကြီးသောအသံဖြင့် ဤသို့ပြောဆို၏၊ အို-ငါ၏ အသင်းသား အပေါင်းတို့၊ အီဂျစ်နိုင်ငံတော်တဝှမ်းလုံးနှင့်တကွ ငါစံနေရာဘုံနန်းပြဿဒ်အောက်တွင် အယဉ်ထွေထွေစီးဆင်း လျက်နေသောဤမြစ်များကို ငါဘုရင်စိုးပိုင်တော်မူသည်မဟုတ်လော၊ ငါ၏ ဘုန်းလက်ရုံးတန်ခိုးအာဏာတော်ကို သင်တို့ဒိဌထင်ထင်မမြင်ကြသလော။

၅၂။ ငါမင်းမြတ်သည် အမျိုးအနွယ်သေးသိမ်အောက်ကျ၍ စကားကိုမျှ ပြီသစ္စာမပြောမဆိုနိုင်သောဤမူစာနှင့် နှိုင်းဖက်မတန် သာလွန်မြင့်မြတ်သည်မဟုတ်ချေလော။

၅၃။ မူစာသည် တမန်တော်ဖြစ်လျှင် သူ့ထံသို့ သူ၏အရှင်သခင်က ရွှေလက်ကောက်ရွှေစလွယ်စသည့် ဥစ္စာရတနာ များကို အဘယ်ကြောင့်ချပေးသနားတော်မမူပါသနည်း၊ သို့မဟုတ် ကောင်းကင်တမန်များကို သူနှင့်တကွ အဘယ်ကြောင့်မထည့်လိုက်ပါသနည်း။

၅၄။ ထိုမင်းသည် ဤကဲ့သို့သူ၏ အသင်းသားများကို တမန်တော်မူစာအား အရေးမစိုက်ရန် ပြောဆိုလေ၏၊ သူတို့ လည်း သူ့ကို နာခံကြလေ၏ ကြည့်ကြလော့၊ သူတို့သည် လေလွင့်နေသောအသင်းသားများဖြစ်ကြ၏။

၅၅။ သူတို့သည် ငါအမျက်ထွက်တော်မူအောင် ပြုလုပ်သောအခါ သူတို့အားလုံးကို တစ်ယောက်မကျန် ပင်လယ်တွင် နစ်မြုပ်သေစေတော်မူ၏။

၅၆။ ထို့အပြင်ငါသည် သူတို့ကို ပျောက်ကွယ်သွားစေတော်မူ၏၊ သူတို့ကို နောင်လာနောင်သားတို့အဖို့ သင်ခန်းစာ တစ်စောင်ဖြစ်စေတော်မူ၏။

၅၇။ အို-တမန်တော်၊ မရ်ယမ်၏သား အီစာ၏အတ္ထုပ္ပတ္တိကို ဥပမာဆောင်၍ ပြောဆိုသောအခါ သူတို့သည် ပျက်ရယ်ကြ၏။

၅၈။ ထို့အပြင်သူတို့က ငါတို့ဘုရားများသာလျှင် ကောင်းသလော၊ သို့မဟုတ် သူသာလျှင် ကောင်းသလောဟု ဆိုကြကုန်၏၊ အို-တမန်တော်၊ သူတို့သည် ငြင်းခုံဖို့ရာမှတပါး အခြားအကြောင်းကြောင့် ကန့်ကွက်ကြမည် မဟုတ်ချေ၊ အမှန်မှာ ဤသူများသည် အငြင်းအခုံများသူတို့ဖြစ်ကြ၏။

၅၉။ တမန်တော်အီစာသည် ငါ၏ကျေးကျွန်မှတပါး အခြားဘာမျှမဟုတ်ချေ၊ သူ့အား ကောင်းကြီးမင်္ဂလာတော်ချပေး သနားတော်မူ၍ အစ္စရာအီလူမျိုးတို့အတွက် စံနမူနာခေါင်းဆောင်ဖြစ်စေတော်မူ၏။

၆ဝ။ ငါအလိုတော်ရှိခဲ့ပါလျှင် သင်တို့အလယ်တွင် ကောင်းကင်တမန်များအား ကမ္ဘာမြေကို ငါ့ကိုယ်စားအုပ်ချုပ်ရန် ခန့်ထားနိုင်တော်မူ၏။

၆၁။ မှတ်သားကြလော့၊ သူသည် တရားစီရင်တော်မူသောနေ့တော်ကြီး၏ အထိမ်းအမှတ်တစ်ပါးဖြစ်၏၊ ထို့ကြောင့် သင်တို့သည် ထိုနေ့တော်ကြီးကျရောက်လာမည်ကို ယုံမှားသံသယမရှိကြလင့်၊ ငါ၏ လမ်းတော်ကို လိုက်ကြ လော့၊ ဤသည်သာလျှင် လမ်းမှန်ဖြစ်၏။

၆၂။ သင်တို့အား ရှိုင်တာန်မာရ်နတ်သည် လှည့်ပစ်ခြင်းကို မပြုစေလင့်၊ သူသည် သင်တို့၏ ရန်သူအစစ်အမှန် ဖြစ်၏။

၆၃။ တမန်တော်အီစာသည် ရှင်းလင်းထင်ရှားသောသက်သေခံများကို ယူဆောင်လာ၍ မိမိအသင်းသားများကို ဟောပြောသည်မှာ အေ-အသင်းသားတို့၊ ငါသည် သင်တို့ထံသို့ ပညာအလင်းရောင်ကို ယူဆောင်လာ၏၊ သင်တို့အချင်းချင်းငြင်းခုံနေကြသောအရာအချို့ကို ထင်ရှားစေရန် လာခဲ့၏၊ ထို့ကြောင့်အလ္လာဟ်အရှင်မြတ်၏ အမှုတော်ကို ကျေပြွန်ကြလော့၊ ငါ၏ စကားကို နားထောင်ကြလော့။

၆၄။ မှတ်သားကြလော့၊ အရှင်မြတ်သည် ငါ၏အရှင်သခင်၊ သင်တို့၏ အရှင်သခင်ဖြစ်တော်မူ၏၊ ထို့ကြောင့်အရှင်မြတ် အား ကိုးကွယ်ကြလော့၊ ဤသည်သာလျှင်လမ်းမှန်ဖြစ်၏။

၆၅။ သို့သော်ထိုအသင်းသားတို့သည် အချင်းချင်းအစုအစုကွဲပြားပြီးလျှင် အငြင်းအခုံပြုလုပ်ကြလေ၏၊ ထို့ကြောင့် သူတို့သည် အလွန်ပြင်းပြနာကျယ်ဖွယ်နေ့၏ အပြစ်ဒဏ်ကြောင့် ပျက်စီးဆုံးရှုံးကြရလတ့ံ။

၆၆။ သူတို့သည် မိမိတို့မသိမမြင်ပဲ ရုတ်တရက်ရှောင်တခင်ကျရောက်လာမည့်အချိန်တော်ကြီးမှတပါး အခြားတစ်စုံ တစ်ခုမျှ စောင့်ဆိုင်းနေကြမည်မဟုတ်ချေ။

၆၇။ ထိုနေ့တော်ကြီး၌ အလ္လာဟ်အရှင်မြတ်၏ အမှုတော်ကို ထမ်းသူတို့မှတပါး အခြားသူတို့သည် အဆွေခင်ပွန်း အချင်းချင်းတစ်ဦးနှင့်တစ်ဦးရန်သူများဖြစ်ကြလိမ့်မည်။

၆၈။ အို-ငါ၏ ကျေးကျွန်အပေါင်းတို့၊ ထိုနေ့တော်ကြီး၌ သင်တို့အဖို့ကြောက်ရွံ့စရာမရှိချေ၊ သင်တို့သည် ဝမ်းနည်း ပူဆွေးရသူများမဟုတ်ချေ။

၆၉။ သင်တို့သည် ငါထုတ်ပြန်ချပေးသနားတော်မူသောကုရ်အာန်ကျမ်းတော်မြတ်ကို သက်ဝင်ယုံကြည်လျက် ငါ့အား ကျိုးနွံနာခံကြ၏။

၇ဝ။ သင်တို့နှင့်တကွ သင်တို့၏ဇနီးမိန်းမများပါ ပျော်ရွှင်မြူးတူးစေရန် ဥယျာဉ်တော်အတွင်းသို့ ဝင်ကြလော့။

၇၁။ စားသောက်ဖွယ်တို့ကို ရွှေပန်းကန်၊ ရွှေဖလား၊ ရွှေတကောင်းးတွင် ထည့်ပြီးလျှင် သူတို့အား ကျွေးမွေးကြလတ့ံ၊ ဝိညာဉ်တို့လိုလားသောအရာခပ်သိမ်းအားလုံးသည် ရှိကြ၏၊ မျက်စိသာယာခြင်းလည်း ရှိ၏၊ သင်တို့သည် ဥယျာဉ်တော်၌ ထာဝရစံမြန်းကြရ၏။

၇၂။ ဤဥယျာဉ်တော်ကား ဆည်းပူးခဲ့သောအကျင့်သီလများကြောင့် သင်တို့အား အမွေပေးသနားတော်မူသောဥယျာဉ် တော်တည်း။

၇၃။ ထိုဥယျာဉ်တော်၌ သင်တို့မှီဝဲစားသောက်ဖို့ရာ အတိုင်းအထွာပမာဏမရှိသောသစ်ဥသစ်သီးအမျိုးမျိုးရှိကြ၏။

၇၄။ ဒုစရိုက်ကောင်များမှာမူကား ငရဲမီးအပြစ်ဒဏ်ထဲတွင် အစဉ်ထာဝရခံစားနေကြရ၏။

၇၅။ ထိုအပြစ်ဒဏ်ကို အနည်းငယ်မျှမလျော့ချေ၊ သူတို့သည် မျှော်မြင်ရာကင်းမဲ့စိတ်ပျက်ကြရ၏။

၇၆။ ငါသည် သူတို့ကို မတရားစီရင်တော်မူသည်မဟုတ်၊ သူတို့သာလျှင် မိမိကိုယ်ကို မိမိပြစ်မှားကြ၏။

၇၇။ သူတို့က အို-ငရဲထိန်းကြီး၊ သင်၏အရှင်သခင်သည် ငါတို့ကို အဆုံးစီရင်တော်မူပါစေဟု မြည်တမ်းငိုကြွေး လတ့ံ၊ ယင်းသို့စီရင်မည်မဟုတ်၊ နင်တို့အစဉ်ထာဝရခံစားရမည်ဟု ပြန်ပြော၏။

၇၉။ မိစ္ဆာဒိဋ္ဌိတို့သည် တမန်တော်ကို ဆန့်ကျင်ဖို့ရာ အကြံအစည်ထုတ်ကြသလော၊ မှတ်သားကြလော့၊ ငါလည်း ကြံစည်နေတော်မူ၏။

၈ဝ။ သို့မဟုတ် သူတို့က မိမိတို့လျှို့ဝှက်မှုနှင့် အချင်းချင်းတီးတိုးတိုင်ပင်မှုများကို ငါကြားတော်မမူဟု ထင်မှတ်ကြ သလော၊ ငါသည် မုချဧကန်ကြားတော်မူ၏၊ ငါ၏ ကောင်းကင်တမန်များသည် သူတို့နှင့်အတူရှိ၍ အရာရာကို ရေးမှတ်ထားကြ၏။

၈၁။ အို-တမန်တော်၊ ဟောပြောလော့၊ မဟာကရုဏာတော်အရှင်၌ သားတော်မရှိချေ၊ ငါသည် အရှင်မြတ်အား ကိုးကွယ်သူတို့အနက် ရှေးဦးပထမဖြစ်၏။

၈၂။ ကောင်းကင်များနှင့် ကမ္ဘာမြေကြီး၏ အရှင်သခင်၊ ရာဇပလ္လင်တော်၏ အရှင်သခင်သည် မိစ္ဆာဒိဋ္ဌိတို့တွဲဖက်သော အရာများမှ သန့်ရှင်းစုံလင်တော်မူသောအနန္တဂုဏ်တော်ရှင်ဖြစ်တော်မူ၏။

၈၃။ အို-တမန်တော်၊ ထိုသူတို့အား ကတိဗျာဒိတ်ချထားတော်မူသည့်နေ့တော်ကြီးတိုင်အောင် ယင်းကဲ့သို့မဟုတ် မလျားငြင်းခုံပျော်ပါးလျက်နှင့်ပင် ရှိစေကုန်။

၈၄။ အရှင်မြတ်သည် အထက်ကောင်းကင်ဘုံ၌ အရှင်သခင်ဖြစ်တော်မူ၏၊ အောက်မဟာပထဝီမြေကြီးပေါ်၌လည်း အရှင်သခင်ဖြစ်တော်မူ၏၊ အရှင်မြတ်သည် လိမ်မာရေးခြားသိတော်မူ၏။

၈၅။ မိုးကောင်းကင်၊ ကမ္ဘာမြေကြီးနှင့် မိုးမြေအကြားရှိရှိသမျှအရာအပေါင်းတို့ကို စိုးပိုင်တော်မူသောအရှင်မြတ်သည် မင်္ဂလာအဖြာဖြာနှင့် ပြည့်စုံတော်မူ၏၊ အချိန်နာရီတော်ကို အရှင်မြတ်သာ သိတော်မူ၏၊ ထို့အပြင်သင်တို့အားလုံး သည် အရှင်မြတ်အထံတော်သို့ ပြန်လာကြရမည်သာတည်း။

၈၆။ အရှင်မြတ်မှတပါး ထိုမိစ္ဆာဒိဋ္ဌိတို့ကိုးကွယ်သောဘုရားတုဘုရားယောင်များသည် အရှင်မြတ်ရှေ့တော်၌ သူတပါးကို တောင်းပန်ကယ်နှုတ်ရန် မစွမ်းနိုင်သေးချေ၊ သမ္မာတရားတော်ကို ထက်သန်သောစိတ်နှင့် ယုံကြည်သက်သေခံ သောသူတို့သာလျှင် တောင်းပန်ကယ်နှုတ်ခွင့်ရှိကြ၏။

၈၇။ အို-တမန်တော်၊ သင်သည် သူတို့အား သူတို့ကို အဘယ်သူဖန်ဆင်းသနည်းဟု မေးလျှင် သူတို့က အလ္လာဟ် အရှင်မြတ်ဟု မုချဧကန်ပြန်ပြောကြလတ့ံ၊ သို့ပါလျက်သူတို့သည် အဘယ်ကြောင့် လှည့်သွားကြသနည်း။

၈၈။ အို-အကျွနု်ပ်၏ အသက်သခင်ကျေးဇူးရှင်၊ အစစ်အမှန်ဤသူများသည် မယုံကြည်သူမိစ္ဆာဒိဋ္ဌိများဖြစ်ကြပါ၏ဟု တမန်တော်သည် ငိုကြွေးတိုင်တန်း၏။

၈၉။ သို့သော် သင်သည် သူတို့ကို သည်းခံလော့၊ အေးချမ်းသာယာပါစေဟု မေတ္တာပို့လော့၊ သူတို့သည် အဖြစ်အမှန် ကို သိကြရလတ့ံ။