Burmese - Chapter 56 - Al-Waqiah

၁။ အဖြစ်အပျက်တော်ကြီးဆိုက်ရောက်လာသောအခါ။

၂။ အဖြစ်အပျက်တော်ကြီးကျရောက်လာမည်ကို မငြင်းနိုင်ချေ။

၃။ ထိုအခါ အချို့သူတို့သည် အရှက်တကွဲနှိမ့်ချခြင်းကို ခံကြရမည်၊ အချို့မူကား ချီးမြှောက်ခြင်းကို ခံကြရမည်။

၄။ ကမ္ဘာမြေကြီးသည် မငြိမ်မသက်ငလျင်ကြီးတုန်လှုပ်သောအခါ။

၅။ တောင်ကြီးတောင်ငယ်အသွယ်သွယ်တို့သည် မြမှုန့်အတိဖြစ်အောင် အကြိတ်ခံရသောအခါ။

၆။ တောင်များသည် လေတွင် လွင့်ပါသွားသောဖုတ်ဖြစ်သောအခါ။

၇။ ထိုအခါသင်တို့အားလုံးသည် သုံးမျိုးသုံးစားဖြစ်ကြလိမ့်မည်။

၈။ ပထမအမျိုးအစားမှာ လက်ယာဘက်တော်တွင် နေရသောအမျိုးအစား၊ ထိုလက်ယာဘက်တော်သားတို့သည် အဘယ်သို့ဖြစ်ကြသနည်း။

၉။ ဒုတိယအမျိုးအစားမှာ လက်ဝဲဘက်တော်တွင် နေရသောအမျိုးအစား၊ ထိုလက်ဝဲဘက်တော်သားတို့သည် အဘယ်သို့ ဖြစ်ကြသနည်း။

၁ဝ။ တတိယအမျိုးအစားမှာ အခြားသူတို့ထက် ရှေ့သို့သာလွန်တက်ရသောအမျိုးအစား၊ ရှေ့ဆုံးတွင် နေရသောအမျိုး အစား။

၁၁။ ဤရှေ့ဆုံးတွင် နေရသူများကို အလ္လာဟ်အရှင်မြတ်အထံတော်သို့ နီးကပ်စွာယူဆောင်လာခဲ့လိမ့်မည်။

၁၂။ ဤသူမြတ်တို့သည် အလွန်မွေ့ပျော်သာယာသောနိဗ္ဗာန်ဥယျာဉ်ဘုံတွင် ပျော်စံနေထိုင်ကြရလိမ့်မည်။

၁၃။ ဤဥယျာဉ်ဗိမာန်တွင် ရှေးလူဟောင်းအများအပြားရှိကြလိမ့်မည်။

၁၄။ နောက်လူအနည်းအပါးသာ ရှိလိမ့်မည်။

၁၅။ ဤသူမွန်တို့သည် အတန်းအတန်းစီထားသောပလ္လင်များပေါ်တွင်။

၁၆။ မျက်နှာချင်းဆိုင်၍ လဲလျောင်းနေကြလိမ့်မည်။

၁၇။ ဤသူတော်စင်တို့ကို အစဉ်ထာဝရသက်ရွယ်ပျိုမြစ်သောကံကြွေးလုလင်ပျိုတို့သည် ခစားလျက် ရှိကြလိမ့်မည်။

၁၈။ ဤကံကြွေးလုလင်ပျိုတို့သည် သန့်ရှင်းမွန်မြတ်သောစိမ့်စမ်းရေအပြည့်ရှိသောရေတကောင်း၊ ရေဖလား၊ ရေခွက် များကို ယူလာဆက်သကြလိမ့်မည်။

၁၉။ ဤသောက်တော်ရေကို သောက်ခြင်းကြောင့် နိဗ္ဗာန်သားတို့သည် ဦးခေါင်းခဲခြင်း၊ မူးယစ်ရူးသွပ်ခြင်းရှိနမည် မဟုတ်ချေ။

၂ဝ။ ဤသူတော်ကောင်းတို့အား စားသုံးလိုသောသစ်သီးသစ်ဥအမျိုးမျိုးကို ယူဆောင်ဆက်သကြလိမ့်မည်။

၂၁။ ထို့အပြင်ဤသူမြတ်တို့အား စားသုံးလိုသောကြက်ငှက်သားများကိုလည်း ယူလာဆက်သကြလိမ့်မည်။

၂၂။ ထို့အပြင်နိဗ္ဗာန်ဘုံတွင် မျက်လုံး၊ မျက်ခုံး၊ မျက်တောင်၊ လှပတင့်တယ်ချစ်စဖွယ်သောနတ်ကညာတို့လည်း ရှိကြလိမ့်မည်။

၂၃။ ထိုနတ်ကညာတို့သည် ယောက်သွားဝမ်းတွင်းရှိ ပုလဲရတနာကဲ့သို့ ခြောက်ပစ်ကင်းသောအဆင်းရူပါရုံရှိကြ၏။

၂၄။ ဤကဲ့သို့ ကြိီးကျယ်မြင့်မြတ်သောရွှေဘုံဗိမာန်တွင် ပျော်ရွှင်စံစားရခြင်းကား လူ့ဘုံဌာန လူ့လောကတွင် ပြုကျင့် ခဲ့သောကုသိုလ်ကောင်းမှု၏ အကျိုးဆက်ပင်ဖြစ်ချေ၏။

၂၅။ နိဗ္ဗာန်ဘုံတွင် ဤသူမြတ်တို့သည် အချည်းနှီးအကျိုးမရှိ၊ သိမ်ဖျင်းသောစကားရပ်များကိုသော်လည်းကောင်း၊ ပြစ်တင်ကဲ့ရဲ့သောစကားရပ်များကိုသော်လည်းကောင်း၊ ကြားကြရသည်မဟုတ်ချေ။

၂၆။ သို့ရာတွင် အေးချမ်းသာယာပါစေသော်ဝ်၊ အေးချမ်းသာယာပါစေသော်ဝ်ဟူ၍ မေတ္တာပို့သံကိုသာလျှင် ကြား ကြရ၏။

၂၇။ လက်ျာဘက်တော်တွင် နေရေသောအမျိုးအစား၊ ထိုလက်ျာဘက်တော်သားတို့သည် အဘယ်သို့ဖြစ်ကြသနည်း။

၂၈။ ဤသူတို့သည် ဆူးမရှိသောဆီးချိုပင်များပေါက်ရောက်သောနိဗ္ဗာန်ဥယျာဉ်တော်၌။

၂၉။ ထို့အပြင်ခိုင်ကြီးခိုင်ငယ်အဖီးလှလှ တွဲလွဲကျလျက်နေသော ငှက်ပျောပင်များလည်း ပေါက်ရောက်သောနိဗ္ဗာန် ဥယျာဉ်တော်၌။

၃ဝ။ ထို့အပြင်အရိပ်အာဝါသလည်း ကျယ်ဝန်းပြန့်ပြူး အထူးနှလုံးမွေ့လျော်ဖွယ်ကောင်းလှသောနိဗ္ဗာန်ဥယျာဉ်တော်၌။

၃၁။ ထို့အပြင် စိမ့်ရေစမ်းရေ အယဉ်အထွေထွေလည်း စီးဆင်းလျက်ရှိသောနိဗ္ဗာန်ဥယျာဉ်တော်၌။

၃၂။ ထို့အပြင် သစ်သီးသစ်ဥအမျိုးမျိုးလည်းရှိသော နိဗ္ဗာန်ဥယျာဉ်တော်၌။

၃၄။ ထို့အပြင်မြင့်စွင့်သောပလ္လင်များလည်းရှိသော နိဗ္ဗာန်ဥယျာဉ်တော်၌ စံစားနေထိုင်ကြရ၏။

၃၅။ ကြည့်ရှုကြလော့၊ ငါသည် သူတို့အား အသစ်တဖန်ဖန်ဆင်းတော်မူပြီ။

၃၆၊၃၇၊၃၈။ ထို့အပြင်လက်ျာဘက်တော်သားတို့အဖို့အရာ ငါသည် နတ်ကညာအစစ်ချစ်သူများ၊ မိတ်ဆွေများကို ဖန်ဆင်း ပေးထားတော်မူ၏။

၃၆၊၃၇၊၃၈။ ထို့အပြင်လက်ျာဘက်တော်သားတို့အဖို့အရာ ငါသည် နတ်ကညာအစစ်ချစ်သူများ၊ မိတ်ဆွေများကို ဖန်ဆင်း ပေးထားတော်မူ၏။

၃၆၊၃၇၊၃၈။ ထို့အပြင်လက်ျာဘက်တော်သားတို့အဖို့အရာ ငါသည် နတ်ကညာအစစ်ချစ်သူများ၊ မိတ်ဆွေများကို ဖန်ဆင်း ပေးထားတော်မူ၏။

၃၉။ ဤနိဗ္ဗာန်တော်၌ ရှေးလူဟောင်းကြီးအများအပြားရှိကြ၏။

၄ဝ။ နောက်လူလည်း အများအပြားရှိကြ၏။

၄၁။ ထို့အပြင်လက်ဝဲဘက်တော်သားများ၊ ထိုလက်ဝဲဘက်တော်သားများသည် အဘယ်သို့ဖြစ်ကြသနည်း။

၄၂။ လောင်ကျွမ်းမြိုက်စေသောလေပူလေပြင်းနှင့် ကျိုက်ကျိုက်ဆူသောရေပူတွင် ခံစားနေကြရ၏။

၄၃။ ထို့အပြင်မဲမှောင်နေသောမီးခိုးအရိပ်တွင်လည်း ဒုက္ခခံစားနေကြရ၏။

၄၄။ ထိုအရိပ်သည် အေးမြချမ်းသာခြင်းကိုလည်း မပေး၊ အမောဖြေခြင်း၊ အားဖြည့်ခြင်းကိုလည်း လုံးဝမပေးချေ။

၄၅။ မှတ်သားကြလော့၊ ဤသူမိုက်တို့သည် ရှေးအတိတ်ကာလက လောကီစည်းစိမ်ကာမဂုဏ်တွင် နစ်မွန်းနေသူများ ဖြစ်ကြ၏။

၄၆။ ထို့အပြင် လွန်စွာရွံရှာစက်ဆုတ်ဖွယ်သောဒုစရိုက်မကောင်းမှုကိုသာ အစဉ်မပြတ်ပြုလေ့ရှိကြ၏။

၄၇။ ထို့အပြင် ဤသူဆိုးသူညစ်တို့သည် ဤသို့ပြောလေ့ရှိကြ၏၊ ငါတို့သည် သေကြေပျက်စီး၍ ဖုံမှုန့်နှင့် အရိုးချည်း သာဖြစ်ပြီးသည်နောက် အမှန်တဖန်ရှင်ရဦးမည်လော။

၄၈။ ထို့အပြင် ငါတို့မိဘဘိုးဘွားတို့လည်း တဖန်ရှင်ရဦးမည်လော။

၄၉၊၅ဝ။ အို-တမန်တော်မိုဟမ္မဒ်၊ ထိုသူယုတ်မာတို့အား ဟောပြောလော့၊ အို-မိစ္ဆာဒိဋ္ဌိတို့၊ မုချဧကန်ရှေးလူဟောင်းများ၊ နောက်လူများအားလုံးပင်လျှင် ချိန်းချက်ထာတော်မူသောနေ့တော်ကြီး၏ အစည်းအဝေးသဘင်ကြီးကို တက်ကြ ရလိမ့်မည်။

၄၉၊၅ဝ။ အို-တမန်တော်မိုဟမ္မဒ်၊ ထိုသူယုတ်မာတို့အား ဟောပြောလော့၊ အို-မိစ္ဆာဒိဋ္ဌိတို့၊ မုချဧကန်ရှေးလူဟောင်းများ၊ နောက်လူများအားလုံးပင်လျှင် ချိန်းချက်ထာတော်မူသောနေ့တော်ကြီး၏ အစည်းအဝေးသဘင်ကြီးကို တက်ကြ ရလိမ့်မည်။

၅၁၊၅၂။ မှတ်သားကြလော့၊ ထိုအခါသင်တို့မှားသောသူ၊ မယုံကြည်ငြင်းဆန်သောသူအားလုံးတို့သည် ရှားစောင်းပင် ကို မုချစားကြရလိမ့်မည်။

၅၁၊၅၂။ မှတ်သားကြလော့၊ ထိုအခါသင်တို့မှားသောသူ၊ မယုံကြည်ငြင်းဆန်သောသူအားလုံးတို့သည် ရှားစောင်းပင် ကို မုချစားကြရလိမ့်မည်။

၅၃။ သင်တို့သည် မိမိတို့ဝမ်းကို ရှားစောင်းအပြည့်ဖြည့်ကြလိမ့်မည်။

၅၄။ ထိုသို့စားပြီးနောက် သင်တို့သည် ရေဆူရေပွက်ကို သောက်မျိုကြရလိမ့်မည်။

၅၅။ သဲကန္တာရအတွင်း ရေမွတ်သိပ်သောကုလားအုတ်ရေသောက်သကဲ့သို့ သင်တို့သည် ထိုရေပူကို သောက်မျို ကြရလိမ့်မည်။

၅၆။ တရားစီရင်တော်မူသောနေ့တော်ကြီး၌ ထိုသူမိုက်တို့သည် ယင်းကဲ့သို့ခရီးဦးကြိုဆို၍ ဧည့်ခံတည်ကျွေးခြင်း ကို ခံကြရလိမ့်မည်။

၅၇။ ငါသည် သင်တို့ကို ဖန်ဆင်းတော်မူ၏၊ သင်တို့သည် တရားတော်ကို ဝန်ခံကြမည်လော။

၅၈။ သင်တို့သည် မိမိတို့ထုတ်လိုက်သောကလကရေကြည်ကို မြင်ကြ၏လော။

၅၉။ ထိုကလကရေကြည်ကို သင်တို့ဖန်ဆင်းသလော၊ သို့မဟုတ် ငါဖန်ဆင်းတော်မူသလော။

၆ဝ။ ငါသည် သင်တို့ထဲတွင် သေခြင်းတရားကို ပြဋ္ဌာန်းစေတော်မူ၏၊ ငါ့အား တားဆီးခြင်းငှာ မတတ်စွမ်းနိုင်ချေ။

၆၁။ သင်တို့၏ ပုံသဏ္ဍာန်အသွင်ကို ပြောင်းလဲစေတော်မူမည်၊ သင်တို့အား သင်တို့မသိသောရုပ်ဆင်းသဏ္ဍာန်နှင့် တဖန် ဖန်ဆင်းတော်မူမည်။

၆၂။ သင်တို့သည် ပထမအကြိမ်ဖန်ဆင်းတော်မူခြင်းကို မုချဧကန်သိမြင်ကြ၏၊ သို့ပါလျက် သင်တို့သည် အဘယ် ကြောင့် မစဉ်းစားမဆင်ခြင်ကြသနည်း။

၆၃။ အို-ကြားနာရသူအပေါင်းတို့၊ သင်တို့သည် ကိုင်းကျွန်းလယ်ယာစသည်တို့၌ ကြဲနှံသောသစ်စေ့မျိုးစေ့များကို မြင်ကြပြီလော။

၆၄။ ထိုမျိုးစေ့များမှ အညွန့်၊ အညှောက်၊ အပင်ပေါက်အောင် သင်တို့ပြုလုပ်သလော၊ သို့မဟုတ် ငါသာလျှင် ပြု လုပ်သလော။

၆၅။ ငါသည် အလိုတော်ရှိခဲ့လျှင် ထိုလယ်မြေတွင် ပေါက်ရောက်သောကောက်ပင်များကိ မြက်ခြောက်ဖြစ်အောင် အမှန်ဖျက်ဆီးတော်မူနိုင်၏၊ ထိုအခါသင်တို့သည် ဤသို့ငိုကြွေးမြည်တမ်းခြင်းကို ရပ်တန့်ကြမည်လော။

၆၆။ ကြည့်ရှုကြလော့၊ ငါတို့သည် ကြွေးမြီတင်၍ ဒုက္ခတွေ့ကြရပြီ။

၆၇။ ငါတို့၏ ကြိုးပမ်းအားထုတ်မှုများသည် ပျက်စီးဆုံးရှုံးသွားပြီ။

၆၈။ သင်တို့သည် မိမိတို့သောက်သောရေအကြောင်း ဆင်ခြင်ကြည့်ရှုကြသလော။

၆၉။ ထိုရေကို မိုးတိမ်မှ သင်တို့ရွာသွန်းစေသလော၊ သို့မဟုတ် ငါရွာသွန်းစေတော်မူသလော။

၇ဝ။ အကယ်၍ အလိုတော်ရှိလျှင် ငါသည် ထိုရေကို မုချဧကန်ခါးစေတော်မူနိုင်၏၊ သို့ပါလျက် သင်တို့သည် ငါ ၏ ဂုဏ်ကျေးဇူးတော်ကို အဘယ်ကြောင့်မသိကြသနည်း။

၇၁။ သင်တို့သည် မိမိတို့မွှေးသောမီးကို ဆင်ခြင်ကြည့်ရှုကြသလော။

၇၂။ မီးမွှေးဖို့ရာ ထင်းပင်ကို သင်တို့သည် ပေါက်ရောက်ကြီးမားလာစေသလော၊ သို့မဟုတ် ငါပေါက်ရောက်ကြီးမား စေတော်မူသလော။

၇၃။ သဲကန္တာရတွင် နေထိုင်သူတို့၊ ကျေးဇူးတော်ကို သတိရဖို့ရာနှင့် သုခချမ်းသာဖြစ်စေဖို့ရာ ငါသည် မီးကို စီရင်ထားတော်မူ၏။

၇၄။ သို့ဖြစ်၍ အို-တမန်တော်မိုဟမ္မဒ်၊ သင်သည် မိမိ၏ အရှင်သခင်၊ အနန္တဂုဏ်တန်ခိုးတော်ရှင်၊ ကြီးကဲမြင့်မြတ် တော်မူထသောအရှင်၏ နာမတော်ကို ဦးထိပ်ထက်ပန်ဆင်၍ ချီးကျူးလော့။

၇၅။ ငါသည် ကြယ်နက္ခတ်တို့၏ တည်နေရာအရပ်များကို သက်သေထူ၍ မိန့်တော်မူ၏။

၇၆။ ဤသက်သေပြချက်သည် အလွန်ခိုင်မာနက်နဲ၏၊ သင်တို့နားလည်ကြလျှင် ကောင်းလေစွ။

၇၇။ အမှန်မှာ ဤကျမ်းတော်သည် အလွန်ကြီးကျယ်မြင့်မြတ်သောကျမ်းမြတ်ကုရ်အာန်အမှန်ဖြစ်၏။

၇၈။ ထိုကျမ်းတော်ကို လျှို့ဝှက်ဖုံးအုပ်ထားသောစာအုပ်ကြီးတွင် ရေးတင်မှတ်သားထားတော်မူ၏။

၇၉။ ထိုကျမ်းတော်ကို သန့်ရှင်းဖြူစင်သူတို့မှတပါး အခြားသူတို့မထိမကိုင်ရချေ။

၈ဝ။ ထိုကျမ်းတော်ကို အနန္တစကြာဝဠာ၏ အရှင်သခင်ထုတ်ပြန်ပို့ချပေးသနားတော်မူ၏။

၈၁။ သို့ပါလျက် သင်တို့သည် ဤကျမ်းတော်ကို မယုံကြည်မထီမဲ့မြင်ပြုကြသလော။

၈၂။ ထို့အပြင် ဤကျမ်းတော်ကို ပုတ်ခတ်ငြင်းပယ်မှုသည် သင်တို့၏ အသက်မွေးဝမ်းကြောင်းဖြစ်သလော။

၈၃။ အသက်ထွက်ခါနီး အသက်ဝိညာဉ်သည် လည်မျိုသို့ ဆိုက်ရောက်သောအခါ။

၈၄။ သင်တို့သည် အသက်ထွက်နေသောသူကို ကြည့်ရှုနေကြ၏။

၈၅။ ငါသည် သင်တို့ထက်ပင် ထိုသူနှင့်သာလွန်နီးကပ်လျက် ရှိတော်မူ၏၊ သို့သော်လည်း သင်တို့သည် ငါ့အား မဖူးမြင်ကြချေ။

၈၆။ သင်တို့သည် အကယ်၍ ငါ၏ ကျေးတော်မျိုးကျွန်တော်မျိုးမဟုတ်လျှင်။

၈၇။ သင်တို့အမှန်စကားကို ဆိုကြလျှင် ထိုသူ၏ အသက်ကို သူ၏ကိုယ်တွင်းသို့ အဘယ်ကြောင့် ပြန်၍ မသွင်း ကြသနည်း။

၈၈။ တဖန်ကွယ်လွန်သေဆုံးသူသည် ငါ့အပါးတော်သို့ ယူဆောင်ခဲ့သောသူတို့ဘောင်တွင် ပါဝင်လျှင်။

၈၉။ သူသည် မွှေးကြိုင်ထုံသင်း စည်းစိမ်ချမ်းသာ ပေါများကြွယ်ဝ မွေ့လျော်ဖွယ်ကောင်းသောသုခဥယျာဉ်တော်၌ ပျော်စံနေထိုင်ရလတံ့။

၉ဝ။ ထိုကွယ်လွန်သူသည် လက်ျာဘက်တော်သားတို့အထဲမှ ဖြစ်လျှင်။

၉၁။ လက်ယာဘက်တော်သားတို့က သူ့အား အဆွေ၊ သင့်ထံသို့ အေးချမ်းသာယာခြင်းကျရောက်ပါစေသောဝ်ဟူ၍ ဆုတောင်းမေတ္တာပို့ကြလတ့ံ။

၉၂။ သို့သော် ထိုသေဆုံးသူသည် ငြင်းပယ်သူ၊ အယူမှားသူဖြစ်လျှင်။

၉၃။ ထိုသူအား ပွက်ပွက်ဆူနေသောရေပူကို တိုက်၍ ဧည့်ခံတော်မူလိမ့်မည်။

၉၄။ အချုပ်စကားမှာ သူ့အား ငရဲမီးထဲတွင် ဖုတ်ကင်မည်သာဖြစ်၏။

၉၅။ မှတ်သားကြလော့၊ ဤဗျာဒိတ်တော်များသည် မုချဧကန်မှန်ကန်၏။

၉၆။ သို့ဖြစ်၍ အို-တမန်တော်၊ သင်သည် မိမိ၏အရှင်သခင်၊ အတိုင်းထက်အလွန်ကြီးကဲမွန်မြတ်တော်မူသောအရှင်၏ နာမတော်ကို ဦးထိပ်ထက်ပန်ဆင်၍ ချီးကျုးလော့။