Burmese - Chapter 64 - At-Taghabun

၁။ မိုးကောင်းကင်နှင့် ကမ္ဘာမြေပေါ်ဝယ် ရှိရှိသမျှတို့သည် အလ္လာဟ်အရှင်မြတ်၏ ဂုဏ်တော်ကျေးဇူးတော်ကို ရင့်ကျုးကြ၏၊ စိုးပိုင်ခြင်းနှင့် ချီးမွမ်းခြင်းအပေါင်းတို့သည် အရှင်မြတ်၏ အရာသာလျှင်ဖြစ်၏၊ အရှင်မြတ်သည် အရာခပ်သိမ်းကုန်တို့ကို ပြုစွမ်းနိုင်တော်မူ၏။

၂။ အို-လူသားအပေါင်းတို့၊ အရှင်မြတ်သည် သင်တို့ကို ဖန်ဆင်းတော်မူ၏၊ သင်တို့အနက် တစ်ယောက်သည် မယုံကြည်သူဖြစ်၏၊ တစ်ယောက်သည် ယုံကြည်သူဖြစ်၏၊ အကယ်စင်စစ် အလ္လာဟ်အရှင်မြတ်သည် သင်တို့ ပြုကျင့်သမျှကို အကြွင်းမဲ့မြင်တော်မူ၏။

၃။ အရှင်မြတ်ကို မိုးကောင်းကင်နှင့် ကမ္ဘာမြေကြီးကို အမှန်ပင်ဖန်ဆင်းတော်မူ၏၊ သင်တို့ကိုလည်း ပုံသဏ္ဍာန် ပေးသနားတော်မူ၏၊ ထိုပုံသဏ္ဍာန်ကို လှပတင့်တယ်စေတော်မူ၏၊ အရှင်မြတ်အထံတော်သို့သာလျှင် ခရီးရှိ၏။

၄။ အရှင်မြတ်သည် အထက်ကောင်းကင်ဘုံ အောက်မဟာပထဝီမြေကြီးပေါ်ဝယ် ရှိရှိသမျှအလုံးစုံကို လုံးဝသိတော် မူ၏၊ ထို့အပြင်သင်တို့ဖုံးထားသောအရာကိုသော်လည်းကောင်း၊ ဖော်ပြသောအရာကိုသော် လည်းကောင်း သိ တော်မူ၏၊ အလ္လာဟ်အရှင်မြတ်သည် လူသားတို့၏ ရင်ဘတ်များအတွင်းရှိသည်ကို အကြွင်းမဲ့သိတော်မူ၏။

၆။ ယင်းသို့ခံရခြင်းအကြောင်းမူကား သူတို့ထံသို့ တမန်တော်များကို ထင်ရှားရှင်းလင်းသောသက်သေခံချက်များနှင့် တကွ စေလွှတ်တော်မူသောအခါ သူတို့က "သေမျိုးမျှသာဖြစ်သူတို့သည် ငါတို့ကို တရားလမ်းပြမည်လော" ဟု ဆိုကြကုန်၍ မယုံကြည်ကြ၊ ကျောခိုင်းသွားခြင်းကြောင့် ဘာမျှဆုံးရှုံးတော်မမူချေ၊ အကယ်စင်စစ်အရှင်မြတ်သည် ဇာတိပကတိအားဖြင့် ကုံလုံပြည့်စုံစေတော်မူ၏၊ အံ့ချီးမဆုံးဖြစ်တော်မူ၏။

၇။ မိစ္ဆာဒိဋ္ဌိတို့က မိမိတို့သည် ပြန်ရှင်ရမည်မဟုတ်ဟု အခိုင်အမာပြောဆိုကြ၏၊ အေ-တမန်တော် ဟောပြောလော့၊ ဧကန်အမှန် ငါ၏အသက်သခင်ကျေးဇူးရှင်ကြီး၏ တန်ခိုးတော်ကြောင့် သင်တို့သည် ပြန်ရှင်ရဦးမည်သာတည်း၊ ထိုအခါသင်တို့ပြုကျင့်သမျှတို့ကို သင်တို့အား မိန့်တော်မူလိမ့်မည်၊ ယင်းအမှုသည် အလ္လာဟ်အရှင်မြတ်အဖို့ လွယ်ကူသောအရာဖြစ်၏။

၈။ ထို့ကြောင့် အလ္လာဟ်အရှင်မြတ်၊ အရှင်မြတ်၏ တမန်တော်နှင့် ငါချပေးသနားတော်မူသောအလင်းရောင်တို့ကို သက်ဝင်ယုံကြည်ကြလော့၊ အလ္လာဟ်အရှင်မြတ်သည် သင်တို့ပြကျင့်သမျှကို အကြွင်းမဲ့သိတော်မူ၏။

၉။ အရှင်မြတ်သည် သင်လူသားအပေါင်းတို့ကို ညီလာခံနေ့တော်ကြီး အတွက် စုဝေးစေတော်မူသောအခါ ထိုနေ့သည် အမြင်မှန်ရသောနေ့ဖြစ်သည်၊ အလ္လာဟ်အရှင်မြတ်အား ယုံကြည်၍ ကောင်းမှုပွားများသောမှာမူကား သူ၏ အပြစ်များကို အရှင်မြတ်လွှတ်တော်မူ၍ သူ့ကို နိဗ္ဗာန်ဥယျာဉ်တော်များအတွင်းသို့ တင်သွင်းချီးမြှင့်လိမ့်မည်၊ ထိုဥယျာဉ်တော်များအောက်၌ ကြည်လင်အေးမြသောစိမ့်စမ်းရေချောင်းတို့လည်း အယဉ်အထွေထွေစီးဆင်းလျက်ရှိကြ၏၊ ထိုဥယျာဉ်တော်များတွင် သူသည် အစဉ်ထာဝရစံစားနေထိုင်ရလိမ့်မည်၊ ဤဆုတော်ကား ကြီးကျယ် ထွဋ်မြတ်သောအောင်မြင်ခြင်းဖြစ်၏။

၁၀။ သို့သော် မိစ္ဆာအယူဝါဒကို လက်ကိုင်ထား၍ ငါ၏ နှုတ်ကပတ်တော်များကို တွန်းလှန်ဖယ်ရှားသောသူတို့မူကား အဝီစိငရဲမီးကို ပိုင်ဆိုင်သူများဖြစ်ကြ၏၊ သူတို့သည် ထိုငရဲမီးအတွင်းတွင် အစဉ်ထာဝရနေကြရလိမ့်မည်၊ အလွန်ညံ့ဖျင်းဆိုးဝါးသောခရီးဆုံးဖြစ်၏။

၁၁။ အလ္လာဟ်အရှင်မြတ်အလိုတော်မရှိပဲ မည်သည့်ဘေးဥပါဒ်မျှမကျရောက်နိုင်ချေ၊ အကြင်သူသည် အလ္လာဟ်အရှင် မြတ်အား ယုံကြည်အံ့၊ ထိုသူ၏ စိတ်နှလုံးကို အရှင်မြတ်လမ်းပြတော်မူ၏၊ အလ္လာဟ်သည် အရာခပ်သိမ်းကုန်တို့ကို အကြွင်းမဲ့သိတော်မူ၏။

၁၂။ သင်တို့သည် အလ္လာဟ်အရှင်မြတ်၏ တမန်တော်ကို နာခံကျိုးနွံကြလော့၊ သို့သော် သင်တို့သည် မနာယူကျော ပေးသွားလျှင် ငါ၏ တမန်တော်၏ တာဝန်မှာ တရားတော်ကို ထင်ရှင်းကျနစွာဟောပြောရန်သာဖြစ်၏။

၁၃။ အလ္လာဟ်အရှင်မြတ်မှတပါး အခြားအရှင်သခင်မရှိချေ၊ ထို့ကြောင့်ယုံကြည်သူတို့သည် အလ္လာဟ်အရှင်မြတ်အား သာလျှင် ယုံကြည်ကိုးစားစေကြကုန်။

၁၄။ အို- ယုံကြည်သူအပေါင်းတို့၊ အသင်တို့၏ ဇနီးမိန်းမနှင့် သားမယားတို့အတွင်း သင်တို့၏ ရန်သူများရှိကြ၏။ ထို့ကြောင့် သတိကြပ်ကြပ်ထားကြလော့၊ သို့သော်သင်တို့သည် သူတို့၏အပြစ်များကို ဗွေမယူ ဖုံးအုပ်ပြီးလျှင် ခွင့်လွှတြ်ကသော် အလ္လာ ဟ်အရှင်မြတ်သည် ဧကန်အမှန်အဖန်တလဲလအဲ ပြစ်လတွှ ်တော်မူ၏၊ ကောင်းကြီး မင်္ဂလာ ပေးတော်မူ၏။

၁၅။ သင်တို့၏ စည်းစိမ်ဥစ္စများနှင့် သားသမီးတို့သည် သင်တို့ကို စမ်းသပ်ဖို့ရာသာဖြစ်၏၊ သို့သော် အလ္လာဟ်အရှင် မြတ်အထံတော်၌မူကား အလွန်ကြီးကျယ် မြင့်မြတ်သောဆုတော်ရှိ၏။

၁၆။ ထို့ကြောင့် သင်တို့တတ်စွမ်းနိုင်သမျှ အလ္လာဟ်အရှင်မြတ်၏ အမှုတော်ကို ထမ်းဆောင်ကြလော့၊ နာယူကြလော့၊ နားထောင်ကြလော့၊ လှုဒါန်းကြလော့၊ ဤအကျင့်အကြံသည် သင်တို့၏ ဝိညာဉ်များအတွက် သာလွန်မွန်မြတ်၏၊ အမှန်မှာ လောဘရမ္မက်ဖိစီးနှိပ်စက်ခြင်းမှ ကင်းလွတ်သူတို့သည်ကား ချမ်းသာကြွယ်ဝ၍ အောင်မြင်ရသူများ ဖြစ်ကြ၏။

၁၇။ အသင်တို့သည် အလ္လာဟ်အရှင်မြတ်အား ကောင်းသောမြီချအံ့၊ အရှင်မြတ်သည် ထိုမြီကြွေးကို နှစ်ဆတိုးပွားစေ တော်မူလျက် သင်တို့၏ အပြစ်များကို လွှတ်တော်မူလတံ့၊ အကြောင်းမူကား အလ္လာဟ်အရှင်မြတ်သည် အကျိုးတုံ့ပြန်တတ်တော်မူ၏၊ ထောက်ထားညှာတာတော်မူ၏။

၁၈။ အလ္လာဟ်အရှင်မြတ်သည် မမြင်ရသောအရာ မြင်ရသောအရာ၊ ခပ်သိမ်းကုန်တို့ကို အကြွင်းမဲ့သိတော်မူ၏၊ အနန္တတန်ခိုးတော်သခင်၊ သဗ္ဗညုတ ဉာဏ်တော်ရှင်ဖြစ်တော်မူ၏။