Burmese - Chapter 76 - Al-Insan

၁။ လူသားကို အမှတ်မရသောအချိန်ကာလသည် လူသားအပေါင်းသို့ မရောက်လာဘူးလော။

၂။ အကယ်စင်စစ်ငါသည် လူသားကို စုံစမ်းဖို့ရာ ပျစ်သောအရည်တစ်စက်မှ ဖန်ဆင်းတော်မူ၏၊ ထို့ကြောင့်သူ့အားကြားခြင်း၊ မြင်ခြင်း၊ အရည်အချင်းတို့ကို ပေးသနားတော်မူ၏။

၃။ လူသားသည် ငါ၏ကျေးဇူးတော်ကို သိသော်လည်းကောင်း၊ မယုံကြည်သော်လည်းကောင်း၊ ငါသည် သူ့အားလမ်းတော်ကို ပြသတော်မူပြီ။

၄။ သို့သော် မိစ္ဆာဒိဋ္ဌိတို့အတွက် ငါသည် မီးသံကြိုးမီးလည်ထိပ်နှင့် မီးတောက်မီးလျှံများကို အသင့်စီရင်ထားတော်မူပြီ။

၅။ သူတော်ကောင်းတို့မူကား ရေသောက်ခွက်မှ မွှေးကြိုင်ပျံ့သင်းသော ပရုပ်ရောနှောပါရှိသော အရည်ကို သောက်ကြရမည်။

၆။ ထိုရေသည် အလ္လာဟ်အရှင်မြတ်၏ ကျေးတော်မျိုးကျွန်တော်မျိုးတို့သောက်ကြ၍ ရေများစွာပန်းထွက်နေသောစိမ့်စမ်းမှ ဖြစ်သည်။

၇။ ထိုသူတော်ကောင်းတို့သည် မိမိတို့ ကတိသစ္စာကျိန်တွယ်ခြင်းများကို စောင့်စည်းကြ၏၊ ထို့အပြင်သူတို့သည် ဘေးဒုက္ခအနှံ့အပြားရှိသောနေ့တော်ကြီးကို ကြောက်ရွံ့တုန်လှုပ်ကြ၏။

၈။ ထိုသူတော်စင်တို့သည် အလ္လာဟ်အရှင်မြတ်ကို ကြည်ညိုလေးမြတ်သောသဘောဖြင့် သူဆင်းရဲမိဘမဲ့နှင့် သုံ့ပန်း တို့ကို ကျွေးမွေးကြ၏။

၉။ သို့ကျွေးသောအခါ သူတို့ဤသို့ပြောဆိုကြ၏၊ အချင်းတို့၊ အကျွနု်ပ်တို့သည် အလ္လာဟ်အရှင်မြတ်အတွက်ကြောင့်သာ သင်တို့ကို ကျွေးမွေးပါ၏၊ သင်တို့ထံမှ ဆုလာဘ်ပဏ္ဍာကိုသော်လည်းကောင်း၊ ကျေးဇူးကိုသော် လည်းကောင်း မလိုလားပါ။

၁၀။ အကျွနု်ပ်၏ အရှင်သခင်အထံတော်မှ အမျက်တော်ရှ၍ ကြောက်မက်ဖွယ်ကောင်းသောနေ့တော်ကြီးကိုသာလျှင် အကျွနု်ပ်တို့ဧကန်အမှန်ထိတ်ရွံ့ကြ၏။

၁၁။ ထို့ကြောင့်အလ္လာဟ်အရှင်မြတ်သည် ထိုသူမြတ်တို့ထံမှ ထိုနေ့တော်ကြီး၏ အပြစ်ဒဏ်ကို တွန်းလှန်ပစ်တော်မူပြီ၊ ထိုအရှင်မြတ်သည် သူတို့အား တောက်ပခြင်းနှင့် ရွှင်လန်းခြင်းကို တွေ့စေတော်မူပြီ။

၁၂။ ထို့အပြင်သူတို့သည် ခံစားခဲ့ရသော ဝဋ်ဆင်းရဲအပေါင်းတို့ကြောင့် အရှင်မြတ်သည် သူတို့အား ဥယျာဉ်တော်ကြီး ပိုးဖဲအဝတ်တန်ဆာ ဆုလာဘ်တော်များကို ပေးသနားတော်မူပြီ။

၁၃။ နိဗ္ဗာန်ဥယျာဉ်တော်၌ မြင့်မားသောပလ္လင်တော်များတွင် လဲလျောင်းစံစားလျက် သူတို့သည် နေ၏အပူရှိန်ကို သော်လည်းကောင်း၊ အလွန်အပြင်း အေးမြသောဓာတ်ကိုသော်လည်းကောင်း တွေ့ကြံုကြရမည်မဟုတ်ချေ။

၁၄။ ထို့အပြင်နိဗ္ဗာဥယျာဉ်တော်တွင် ပေါက်ရောက်လျက်ရှိသောသစ်ပင်များ၏ အရိပ်အာဝါသသည် သူတို့အပေါ် ကျရောက်ဖုံးအုပ်လျက်ရှိကြ၏၊ အသီးအနှံများလည်း အြွပတ်လိုက်အြွပတ်လိုက်ညွှတ်ကိုင်းလျက်ရှိကြ၏။

၁၅။ ထို့အပြင် ထိုနိဗ္ဗာန်သူနိဗ္ဗာန်သားတို့အား သောက်စရာကို ငွေခွက်နှင့် ဖန်ဖလားတို့ဖြင့် တစ်ဦးမှ တစ်ဦးသို့ လှည့်ပတ်တိုက်ကျွေးလိမ့်မည်။

၁၆။ ထိ့အု ပြင်ဖန်ကဲသို့ ကြည်လင်တောက်ပြောင်သော ငွေဖလားများတွင်းသို့ သူတို့သည် မိမိတို့ လိုဘအတိုင်း ချိန်တွယ် ထည့်ကြသည်။

၁၇။ ထို့အပြင်သူတို့သည် ချင်းခြောက်ရေဖက်စပ်ရောနှောသောဇန်ဂျာဘီလ်ကို တိုက်ကျွေးခြင်းခံကြရလိမ့်မည်။

၁၈။ ထိုချင်းခြောက်ရေကား နိဗ္ဗာန်အတွင်းစီးဆင်းသော(စလ်စဘီလ်)ခေါ် မြစ်ချောင်းမှ ရေဖြစ်၏။

၁၉။ ထို့အပြင်သူတို့အပါးတွင် ကံေြွကးလုလင်ပျိုတို့သည် အစဉ်ထာဝရနုနယ်ပျိုမျစ်သူများဖြစ်၏၊ သင်တို့သည် သူတို့ကို မြင်လျှင် သူတို့အား ကြဲဖြန့်ထားသောပုလဲဥဟု ထင်ကြလိမ့်မည်။

၂၁။ ထို့အပြင်နိဗ္ဗာန်သားတို့ဆင်ယင်သောအဝတ်တန်ဆာများကား စိန်ရွှေအရောင်ဖြင့် အလွန်ထူထဲသောပိုးထည် များဖြစ်၏၊ သူတို့သည် ငွေအတိပြီးသောလက်ကောက်လက်ကြပ်စသည်တို့ကို ဝတ်ဆင်လိမ့်မည်၊ သူတို့၏ အရှင်သခင်သည် သူတို့၏ ရေငတ်ခြင်းကို သန့်ရှင်းစင်ကြယ်သောသောက်စရာဖြင့် ဖြေတော်မူလိမ့်မည်။

၂၂။ သူတို့အား မိန့်တော်မူမည်မှာ အို-သူတော်ကောင်းတို့၊ ဤနိဗ္ဗာန်ဘုံသည် သင်တို့အတွက် ဆုတော်ကြီးဖြစ်၏၊ သင်တို့၏ ကြိုးစားမှုကို လက်ခံတော်မူပြီ။

၂၃။ အို-တမန်တော်၊ ငါသည် သင့်အား ကုရ်အာန်ကျမ်းမြတ်ကို ထုတ်ပြန်ပို့ချပေးသနားတော်မူပြီ။

၂၄။ ထို့ကြောင့်သင်သည် မြဲမြံသောသည်းခံခြင်းတရားဖြင့် မိမိအရှင်သခင်၏ ဗျာဒိတ်ပညတ်တော်ကို ကျိုးနွံလိုက်နာ လော့၊ သူတို့အနက် အပြစ်ရှိသူကိုလည်းကောင်း၊ အယူမှားသူကိုလည်းကောင်း၊ နားမထောင်လင့်။

၂၅။ သင်သည် မိမိအရှင်သခင်၏ နာမတော်ကို နံနက်တိုင်း၊ ညနေတိုင်းချီးကျူးတသလော့။

၂၆။ ထို့အပြင်အရှင်မြတ်အား ညဉ့်ဦးယံ၌ ဆွလားသ်ဝတ်ပြုလော့၊ ထိုညဉ့်မှာပင် အချိန်ကြာမြင့်စွာ အရှင်မြတ်၏ ကျေးဇူးတော်ဂုဏ်တော်များကို ရင့်ကျူးလော့။

၂၇။ စင်စစ်အားဖြင့် ဤလူများသည် ခေတ္တ ခဏသာဖြစ်သောဤဘဝကို နှစ်သက်မြတ်နိုးကြ၏၊ ပြင်းထန်ကြောက်မက် ဖွယ်နေ့တော်ကြီးကို အရေးမစိုက်မေ့လျော့နေကြ၏။

၂၈။ ငါသည် ထိုသူတို့ကို ဖန်ဆင်းတော်မူ၏၊ သူတို့၏ ကိုယ်ခန္ဓာကို အင်အားဖြည့်တင်းကြံ့ခိုင်စေတော်မူ၏၊ သို့သော်ငါသည် အလိုတော်ရှိသောအခါ ထိုသူတို့အားလုံးကို ကွပ်မျက်တော်မူပြီးလျှင် သူတို့အစားသူတို့နှင့် တူသောအခြားလူတို့ကို ယူခဲ့နိုင်တော်မူ၏။

၂၉။ စင်စစ်အားဖြင့် ဤကုရ်အာန်ကျမ်းမြတ်သည် အဆုံးအမကျမ်းတော်မြတ်ဖြစ်၏၊ အလိုရှိသူမည်သူမဆို မိမိအရှင် သခင်အထံတော်သို့ ရောက်ရာလမ်းတော်ကို ယူနိုင်စေရန်ဖြစ်၏။

၃၀။ သို့သော် သင်တို့သည် အလ္လာဟ်အရှင်မြတ်အလိုတော်မရှိပဲ ထိုလမ်းကို ယူမည်မဟုတ်၊ စင်စစ်အားဖြင့်အလ္လာဟ် အရှင်မြတ်သည် သိတော်မူသောအရှင်၊ သဗ္ဗညုတ ဉာဏ်တော်ရှင်ဖြစ်တော်မူ၏။

၃၁။ အရှင်မြတ်သည် အလိုတော်ရှိသူအား အရှင်မြတ်၏ ကောင်းကြီးမင်္ဂလာအတွင်းသို့ ဝင်စေတော်မူ၏၊ သို့သော် ဆိုးယုတ်မိုက်မဲသော ဒုစရိုက်ကောင်များအဖို့ မူကား အလွန်ပြင်းပြနာကျင်ဖွယ်သောအပြစ်ဒဏ်တော်ကြီးကို အသင့် စီရင်ထားတော်မူ၏။