Burmese - Chapter 93 - Ad-Duhaa

Translation by Ba Sein — Permalink

၁။ မိုးသောက်အာရုဏ်အလင်းရောင်ကိုသော်လည်းကောင်း။

၂။ ဆိတ်ငြိမ်သောညဉ့်၏ အမှောင်ထုကိုသော်လည်းကောင်း၊ ငါသက်သေထူတော်မူ၏။

၃။ အို-တမန်တော်၊ သင်၏ အရှင်သခင်သည် သင့်ကို စွန့်လွှတ်ပစ်ထားတော်မူသည်မဟုတ်ချေ၊ သင့်ကို မုန်းတီးတော်မူသည်လည်း မဟုတ်ချေ။

၄။ ဧကန်အမှန် သင့်အတွက် နောင်တမလွန်ဘဝသည် ဤပစ္စုပ္ပန်ဘဝထက် သာလွန်ကောင်းမြတ်ချေမည်။

၅။ သင်၏ အရှင်သခင်သည် သင့်အား ရောင့်ရဲတင်းတိမ်အောင် ပေးသနားတော်မူလတံ့။

၆။ အရှင်မြတ်သည် သင့်ကို မိဘမဲ့ဘဝတွင် တွေ့တော်မူ၍ စောင့်ရှောက်တော်မူခဲ့သည် မဟုတ်လော။

၇။ အရှင်မြတ်သည် သင့်အား လမ်းမှားတွင် တွေ့တော်မူ၍ လမ်းမှန်ကို ပြသတော်မူခဲ့လေသည် မဟုတ်လော။

၈။ အရှင်မြတ်သည် သင့်အား ဆင်းရဲချို့တဲ့ခြင်းဘဝတွင် တွေ့တော်မူ၍ ကြွယ်ဝစေတော်မူခဲ့သည် မဟုတ်လော။

၉။ ထို့ကြောင့်မိဘမဲ့ကို မညှင်းပန်းမနှိပ်စက်လင့်။

၁၀။ ထို့ကြောင့် သူတောင်းစားအား မောင်းမထုတ်လင့်။

၁၁။ ထို့ကြောင့် သင်၏အရှင်သခင်၏ ကျေးဇူးတော်ကို ချီးကျူးကြေငြာလော့။