Back to Languages

Nepali - Chapter 15 - Al-Hijr

Translation by Ahl Al Hadith Central Society Of Nepal — Permalink

Verse 1 — Surah Al-Hijr 15:1

अलिफ. लाम. रा. यी अल्लाहको किताबका आयतहरू हुन् र खुल्ला र स्पष्ट कुरआनको ।

Verse 2 — Surah Al-Hijr 15:2

त्यो बेला पनि आउनेछ जब कि काफिर आफ्नो मुसलमान हुने इच्छा प्रकट गर्नेछन् ।

Verse 3 — Surah Al-Hijr 15:3

(हे मुहम्मद सल्लल्लाहो अलैहे वसल्लम !) तपाईले तिनीहरूलाई तिनीकै अवस्थामा रहन दिनुस् ताकि तिनीहरूले उपभोग गरुन र आनन्द लिउन र (झूठो) आशाले उनीहरूलाई (संसारमा) अल्मलाई राखोस् । शीघ्रनै तिनीहरूलाई थाहा भइहाल्नेछ ।

Verse 4 — Surah Al-Hijr 15:4

कुनै बस्तीलाई हामीले नष्ट पारेनौं परन्तु त्यसको समय निर्धारित र निश्चित थिए ।

Verse 5 — Surah Al-Hijr 15:5

कुनै समूह आफ्नो निर्धारित समयभन्दा न आगडि बढ्न सक्छ न पछाडि रहन सक्छ ।

Verse 6 — Surah Al-Hijr 15:6

उनीहरूले ‘‘भनेः ‘‘कि हे त्यो मानिस ! जसमाथि कुरआन उतारिएको छ निःसन्देह तिमी त दिवाना हौ ।’’

Verse 7 — Surah Al-Hijr 15:7

यदि तिमी साँचो छौ भने ‘‘हाम्रो नजिक फरिश्ताहरूलाई किन ल्याउँदैनौ ?’’

Verse 8 — Surah Al-Hijr 15:8

(भनिदिनुस्) हामीले फरिश्ताहरूलाई सत्यको साथमै पठाउँदछौं र त्यतिखेर तिनीहरूलाई फुर्सद दिइएको हुँदैन ।

Verse 9 — Surah Al-Hijr 15:9

(निःसन्देह) हामीले नै कुरआनलाई उतारेका छौं र हामीनै यसको संरक्षक हौं ।

Verse 10 — Surah Al-Hijr 15:10

हामीले तपाईभन्दा पहिलाका विभिन्न सम्प्रदायहरूमा रसूलहरू पठाएका थियौं ।

Verse 11 — Surah Al-Hijr 15:11

र तिनीहरू समीप जुन रसूल पनि आउँथ्यो तिनीहरूले उसको उपहास गर्ने गर्दथे ।

Verse 12 — Surah Al-Hijr 15:12

यसैप्रकार हामीले त्यस (उपहास) लाई अपराधीहरूको हृदयहरूमा प्रवेश गराइदिन्छौं ।

Verse 13 — Surah Al-Hijr 15:13

(तसर्थ) तिनीहरूले यसमाथि ईमान ल्याउँदैनन्, र तिनीहरूभन्दा अघिका मानिसहरूको तरिका बितिसकेको (तरिका) हो ।

Verse 14 — Surah Al-Hijr 15:14

र यदि हामीले तिनीहरूका लागि आकशहरूको ढोका खोलिदेऔं र तिनीहरू त्यहाँ उक्लिन पनि थालुन् ।

Verse 15 — Surah Al-Hijr 15:15

तैपनि यही भन्नेछन्ः ‘‘कि हाम्रा आँखाहरूलाई मात लागेको छ, बरु हामीमाथि जादू गरिदिइएको छ ।’’

Verse 16 — Surah Al-Hijr 15:16

निःसन्देह हामीले नै आकाशहरूमा सौर्यमण्डल बनाएका छौं र दर्शकहरूको निम्ति सिंगारेका छौं ।

Verse 17 — Surah Al-Hijr 15:17

र यसलाई प्रत्येक तिरस्कृत शैतानबाट सुरक्षित गरेका छौं ।

Verse 18 — Surah Al-Hijr 15:18

तर हो यदि कुनै (शैतानले) लुकिछिपी सुन्न चाहन्छ भने उसको पछाडी प्रज्वलित लाग्दछ ।

Verse 19 — Surah Al-Hijr 15:19

र पृथ्वीलाई पनि हामीले नै विस्तारित गरेका हौं, र त्यसमाथि अटल पहाड़हरू अवस्थित गर्यौं, र त्यसमा विभिन्न प्रकारका चीजहरू सन्तुलित रूपमा उत्पन्न गर्यौं ।

Verse 20 — Surah Al-Hijr 15:20

र यसैमा हामीले तिम्रो निम्ति र तिनीहरूको लागि, जसलाई तिमीले जीविका दिदैंनौं, त्यसमा जीविकाका साधनहरू जुटायौं ।

Verse 21 — Surah Al-Hijr 15:21

र हामीकहाँ हरेक कुराका खजाना छन् र हामीले तिनलाई निर्धारित मात्रामा पठाउँछौं ।

Verse 22 — Surah Al-Hijr 15:22

र हामीले नै भारी हावाहरूमा गति उत्पन्न गराउँछौ र हामीले नै आकाशहरूबाट पानी बर्साउँछौ र हामीले नै तिमीहरूलाई त्यसको पानी पिलाउँछौं, र तिमी त त्यसको भण्डार गर्ने पनि होइनौं ।

Verse 23 — Surah Al-Hijr 15:23

र हामीले नै जीवन प्रदान गर्दछौं र हामीले नै मृत्यु दिन्छौं, र हामी नै सबैका संरक्षक हौं ।

Verse 24 — Surah Al-Hijr 15:24

जुन मानिसहरू तिमीभन्दा पहिले बितिसकेका छन् हामीलाई तिनीहरूको बारेमा थाहा छ, र जो पछि आउनेवाला छन् उनीहरूको बारेमा पनि हामीलाई थाहा छ ।

Verse 25 — Surah Al-Hijr 15:25

तपाईको पालनकर्ताले (कियामतको दिन) सबैलाई एकत्रित गर्नेछ । निःसन्देह ऊ त बडो बुद्धिमत्तापूर्ण र ठूलो ज्ञाता छ ।

Verse 26 — Surah Al-Hijr 15:26

निःसन्देह हामीले मानिसहरूलाई कट्कटिएर आवाज आउने सडेको कालो र ठोस माटोबाट बनाएका छौं ।

Verse 27 — Surah Al-Hijr 15:27

र जिन्नहरूलाई त्यसभन्दा पनि अघि धुँवा नभएको प्रज्वलित आगोबाट सृष्टि गरेका थियौं ।

Verse 28 — Surah Al-Hijr 15:28

र तिम्रो पालनकर्ताले फरिश्ताहरूसित भन्योः ‘‘कि म कट्कटिएर अवाज आउने सडेको माटोेबाट एउटा मानिसको सृष्टि गर्न गइराखेको छुँ ।’’

Verse 29 — Surah Al-Hijr 15:29

जब उसलाई पूरा बनाइसक्छु र त्यसमा आफ्नो रूह (आत्मा) फुँकिसक्छु तब उसको अगाडि सिज्दा गर्नु (ढोग्नु) ।

Verse 30 — Surah Al-Hijr 15:30

तसर्थ सबै फरिशताहरूले ढोग्न थाले ।

Verse 31 — Surah Al-Hijr 15:31

तर इब्लीसले ढोग गरेन । उसले ढोग्नेहरूमध्ये शामिल हुनबाट इन्कार गर्यो ।

Verse 32 — Surah Al-Hijr 15:32

(अल्लाहले) भन्नुभयोः कि इब्लीस तिमीलाई के भएको छ कि तिमी ढोग्नेहरूमा शम्मिलित भएनौ ।

Verse 33 — Surah Al-Hijr 15:33

उसले भन्योः म यस्तो छैन, कि तपाईले कट्कटिएर आवाज आउने सडेको माटोले बनाएको मानिस अगाडि झुकेर ढोगूँ ।

Verse 34 — Surah Al-Hijr 15:34

अल्लाहलको आदेश भयो, जन्नतबाट निस्किहाल, तँ तिरस्कृत र अभिशप्त भइस् ।

Verse 35 — Surah Al-Hijr 15:35

र तिमीमाथि कियामतको दिनसम्म धिक्कार छ ।

Verse 36 — Surah Al-Hijr 15:36

(त्यसले) भन्योः कि हे पालनकर्ता ! मलाई त्यस दिनसम्मको छूटदेऊ, जब मानिसहरू (मृत्यु पश्चात) जीवित गरिनेछन् ।

Verse 37 — Surah Al-Hijr 15:37

आदेश भयो कि तँलाई छूट दिइन्छ ।

Verse 38 — Surah Al-Hijr 15:38

निर्धारित समय (कियामत) को दिनसम्म ।

Verse 39 — Surah Al-Hijr 15:39

(शैतानले) भन्योः कि हे मेरो पालनकर्ता ! जस्तो कि तिमीले मलाई पथभ्रष्ट गरेका छौ, म पनि धर्तीमा मानिसहरूलाई पाप गर्न लगाउँछु, र सबैलाई सही बाटोबाट दिग्भ्रमित गराउँछु ।’’

Verse 40 — Surah Al-Hijr 15:40

तर, तिनीहरू बाहेक जो तिम्रो ईमानदार भक्त छन् ।

Verse 41 — Surah Al-Hijr 15:41

(अल्लाहले) आदेश गर्नुभयोः कि मसम्म पुग्न यही सोझो बाटो हो ।

Verse 42 — Surah Al-Hijr 15:42

जो मेरा (सच्चा) भक्त छन् तिनीहरूमाथि तिम्रो कुनै अधिकार हुनेछैन तर ती दिग्भ्रम व्यक्तिहरू बाहेक जो नराम्रो बाटोमा तिम्रो पछि पछि लाग्नेछन् ।

Verse 43 — Surah Al-Hijr 15:43

निःसन्देह ती सबैलाई वचन दिएको ठाउँ नर्क हो ।

Verse 44 — Surah Al-Hijr 15:44

त्यसका सातवटा ढोकाहरू छन् । प्रत्येक ढोकाको लागि तिनीहरूमध्येबाट समूहहरू विभाजित गरिएका छन् ।

Verse 45 — Surah Al-Hijr 15:45

जो आत्मसंयमी छन्, तिनीहरू बगैचाहरू र झरनाहरूको माझमा बस्नेछन् ।

Verse 46 — Surah Al-Hijr 15:46

(भनिनेछ कि) तिमीहरू शान्ति र सुरक्षासाथ प्रवेश गर ।

Verse 47 — Surah Al-Hijr 15:47

र तिनीहरूको हृदयमा जे जति रिस र डाह छ, त्यसलाई हामीले सफा गरिदिनेछौं, तिनीहरू भाइ–भाइको रूपमा आसनहरूमा एक अर्काको सामु बसेका हुनेछन् ।

Verse 48 — Surah Al-Hijr 15:48

तिनीहरूलाई त्यहाँ नकुनै कष्ट हुनेछ र नत तिनीहरू त्यहाँबाट कहिले निष्कासित गरिनेछन् ।

Verse 49 — Surah Al-Hijr 15:49

(हे पैगम्बर !) मेरा भक्तजनहरूलाई भनिदिनुस्ः कि म बडो क्षमादाता र दयावान छुँ ।

Verse 50 — Surah Al-Hijr 15:50

र साथै योः कि मेरो सजाय पनि धेरै कष्टदायक हुनेछ ।

Verse 51 — Surah Al-Hijr 15:51

र तिनीहरूलाई इब्राहीमका अतिथिहरूको बारेमा सुनाइदिनुस् ।

Verse 52 — Surah Al-Hijr 15:52

कि जब तिनीहरूले इब्राहीमको सामु आएर ‘‘सलाम’’ भने त उनले भने कि हामीलाई तिमीसित डर लाग्छ ।

Verse 53 — Surah Al-Hijr 15:53

(अतिथिहरूले) भनेः ‘‘कि, न तर्सनुस्, हामीले तपाईलाई एउटा ज्ञानी छोरोको शुभसन्देश दिन्छौं ।’’

Verse 54 — Surah Al-Hijr 15:54

(उनले) भनेः कि ‘‘मलाई बृद्ध अवस्थाले समातेपछि तिमीहरूले मलाई शुभसमाचार दिन्छौ ? कुन कुरोको आधारमा तिमीले यो शुभसमाचार दिन्छौ ?’’

Verse 55 — Surah Al-Hijr 15:55

तिनीहरूले भनेः कि हामी तपाईलाई एकदम साँचो शुभसमाचार दिएका छौं । तपाई निराश नहुनुहोस् ।

Verse 56 — Surah Al-Hijr 15:56

(इब्राहीमले) भनेः कि अल्लाहको कृपाबाट निराश हुनु त पथविचलित हुनेहरूको काम हो ।

Verse 57 — Surah Al-Hijr 15:57

अनि सोधे कि अल्लाहले पठाएको फरिश्ताहरू ! तिमीहरूलाई यस्तो के महत्वपूर्ण काम छ

Verse 58 — Surah Al-Hijr 15:58

तिनीहरूले भने कि हामी एउटा अपराधी समुदायतिर पठाइएका हौं ।

Verse 59 — Surah Al-Hijr 15:59

तर ‘‘लूतको’’ परिवार बाहेक कि उनीहरूलाई हामीले बचाइहाल्नेछौं ।

Verse 60 — Surah Al-Hijr 15:60

तर लूतकी स्वास्नी बाहेक जसको निम्ति निश्चित गरेकाछौं कि त्यो पछि रहनेछे ।

Verse 61 — Surah Al-Hijr 15:61

अनि जब पठाइएका फरिश्ताहरू ‘‘लूतको’’ घर नजिक आइपुगे ।

Verse 62 — Surah Al-Hijr 15:62

तब लूतले भनेः ‘‘तिमीहरू त अन्जान मानिस जस्तै छौ ।’’

Verse 63 — Surah Al-Hijr 15:63

तिनीहरूले भनेः कि होइन, बरु हामी तपाईको सामु त्यो कुरा लिएर आएका छौं जसमा मानिसहरूले शंका गर्दथे ।

Verse 64 — Surah Al-Hijr 15:64

र हामी तपाईको सामु वास्तविक कुरो लिएर अएका छौं र हामी सत्य भन्दछौं ।

Verse 65 — Surah Al-Hijr 15:65

तसर्थ तपाई रात्रीको केही अंश शेष रहँदा घरका मानिसहरूलाई लिएर निस्कनुस् र स्वयम् उनीहरूको पछाडि हिंड्नुस् र तपाईहरूमध्ये कुनै पनि व्यक्तिले पछि फर्केर नहेरोस् र जहाँ तपाईहरूलाई आदेश हुन्छ त्यहाँ गइहाल्नुस् ।

Verse 66 — Surah Al-Hijr 15:66

र हामीले लूततिर यो आदेश पठाएका छौं, कि यी अपराधिहरूको जरा विहान हुँदाहुँदै काटिनेछ ।

Verse 67 — Surah Al-Hijr 15:67

र शहरका मानिसहरूले खुशियाली मनाउँदै आइपुगे

Verse 68 — Surah Al-Hijr 15:68

लूतले भने कि यी मेरा अतिथिहरू हुन्, तिमीले मलाई अपमानित नगर्नु ।

Verse 69 — Surah Al-Hijr 15:69

अल्लाहसित डरमान र मलाई लज्जित नगर्नु ।

Verse 70 — Surah Al-Hijr 15:70

तिनीहरूले भनेः के हामीले तिमीलाई सम्पूर्ण संसारको सत्कारबाट मनाही गरेनौं

Verse 71 — Surah Al-Hijr 15:71

(उनले) भनेः कि यदि तिमीले गर्नु नै छ भने यी मेरो छोरीहरू हुन्, (विवाह गरिहाल) ।

Verse 72 — Surah Al-Hijr 15:72

(हे मुहम्मद !) तिम्रो प्राणको कसम ! तिनीहरू त नशामा उन्मक्त थिए ।

Verse 73 — Surah Al-Hijr 15:73

तसर्थ तिनीहरूलाई सूर्य उदाइराखेकै बेलामा ठूलो धामाकाले आई समात्यो ।

Verse 74 — Surah Al-Hijr 15:74

र हामीले त्यस शहरलाई उल्टाई विनाश गरिहाल्यौं र तिनीहरूमाथि ढुंङ्गा बर्षायौं ।

Verse 75 — Surah Al-Hijr 15:75

निःसन्देह यस घटनामा बुझ्नेहरूका निम्ति धेरै निशानी छन् ।

Verse 76 — Surah Al-Hijr 15:76

यो बस्ती (अहिलेसम्म) चालु बाटोमा (सार्वजनिक मार्गमा) अवस्थित छ ।

Verse 77 — Surah Al-Hijr 15:77

र त्यसमा ईमान भएका मानिसहरूका निम्ति ठूला निशानीहरू छन् ।

Verse 78 — Surah Al-Hijr 15:78

एैका (जंगल) बस्तीको बासिन्दाहरू पनि ठूलो अत्याचारी थिए ।

Verse 79 — Surah Al-Hijr 15:79

तसर्थ हामीले तिनीहरूसित पनि प्रतिशोध लियौं र यी दुवै शहरहरू प्रमुखमार्गमा (अवस्थित) छन् ।

Verse 80 — Surah Al-Hijr 15:80

र ‘‘हिज्र’’ (उपत्यका) का बासिन्दाहरूले पनि पैगम्बरहरूलाई झूठा भने ।

Verse 81 — Surah Al-Hijr 15:81

हामीले तिनीहरूलाई आफ्ना निशानीहरू पनि दियौं तर तिनीहरू त्यसबाट विमुख हुँदै गए ।

Verse 82 — Surah Al-Hijr 15:82

तिनीहरूले निडर भएर पहाडहरूलाई काटेर घर बनाउँदथे ।

Verse 83 — Surah Al-Hijr 15:83

तर शक्तिशाली बिस्फोटले तिनीहरूलाई पनि समातिहाल्यो ।

Verse 84 — Surah Al-Hijr 15:84

तिनीहरूको कुनै कार्य र उपाय तिनीहरूको काम लागेन ।

Verse 85 — Surah Al-Hijr 15:85

र हामीले आकाशहरू र धर्तीलाई र जुन तिनीहरूमा छन्, तिनलाई एउटा उद्देश्यले सृष्टि गरेका हौं र कियामत त अवश्य नै आउनेछ, तसर्थ तिमीले तिनीहरूलाई दयापूर्ण तरिकाले क्षमा गरिदेऊ ।

Verse 86 — Surah Al-Hijr 15:86

यसमा कुनै शंका छैन कि तिम्रो पालनकर्ता नै सृष्टि गर्नेवाला सर्वज्ञाता छ ।

Verse 87 — Surah Al-Hijr 15:87

र निःसन्देह हामीले तपाईलाई सात आयतहरू प्रदान गरेका छौं जुन कि (नमाजमा) दोहोर्याएर पढिन्छन् र गरिमापूर्ण कुरआन पनि प्रदान गरेका छौं ।

Verse 88 — Surah Al-Hijr 15:88

तपाईले त्यसतर्फ निश्चितरूपले आँखा न गाड्नुस् जुन हामीले काफिरहरूका कैयन् समूहलाई, (सांसरिक लाभहरू) प्रदान गरेका छौं, र नत उनीहरूको दशामाथि दुःखी हुनुस् र मोमिनहरूसित (विनम्रमा) आफ्नो हातहरू तल राखिराख्नुस् ।

Verse 89 — Surah Al-Hijr 15:89

र भनिदिनुस् म त खुल्लम खुल्ला चेतावनी दिनेवाला हूँ ।

Verse 90 — Surah Al-Hijr 15:90

जस्तो हामीले किताब टुक्रा–टुक्रा गर्नेहरूको लागि (सजाय) पठायौं ।

Verse 91 — Surah Al-Hijr 15:91

अर्थात जिनीहरूले ‘‘कुरआनलाई’’ (केही मान्नु र केही नमान्नुबाट) टुक्रा–टुक्रा गरिहाले ।

Verse 92 — Surah Al-Hijr 15:92

तिम्रो पालनकर्ताको शपथ छ ! हामीले तिनीहरूसित अवश्य नै सोधपूछ गर्नेछौं ।

Verse 93 — Surah Al-Hijr 15:93

ती कामहरूको बोरमा, जुन तिनीहरू गर्दै आएका छन् ।

Verse 94 — Surah Al-Hijr 15:94

तसर्थ जुन आदेश तपाईलाई प्राप्त भएको छ त्यो स्पष्टरूपमा सुनाइदिनुस् र मुश्रिकहरूसंग मुख फर्काइलिनुस् ।

Verse 95 — Surah Al-Hijr 15:95

जो तपाईसँग मजाक गर्छन् उनीहरूको सजायको लागि हामी पर्याप्त छौं ।

Verse 96 — Surah Al-Hijr 15:96

जसले अल्लाहको साथमा अरुलाई पूजनीय ठान्दछन्, तिनीहरूलाई छिटै थाहा भइहाल्ने छ ।

Verse 97 — Surah Al-Hijr 15:97

हामीलाई राम्ररी थाहा छ, कि तिनीहरूको कुराबाट तपाईको मन कति दिक्क हुन्छ

Verse 98 — Surah Al-Hijr 15:98

तपाईले आफ्नो पालनहारको गुणगान गर्दै गर्नुस् र सज्दा (ढोग) गर्नैहरूमा शम्मिलित रहनुस् ।

Verse 99 — Surah Al-Hijr 15:99

र आफ्नो पालनकर्ताको उपासना गर्दै जानुस्, जबसम्म तपाईको मृत्यु हुँदैन ।