Back to Languages

    Chichewa - Chapter 87

    Translation by Al Haji Yusuf Muhammad Kanyamula

    Verse 1

    Lemekeza dzina la Ambuye wako wapamwambamwamba

    Verse 2

    Amene adalenga zonse ndi kuzikonza bwinobwino

    Verse 3

    Amene adalamula tsogolo lawo ndi kuwatsogolera

    Verse 4

    Amene amameretsa msipu

    Verse 5

    Ndipo amausanduliza kukhala udzu ouma

    Verse 6

    Tidzakuphunzitsa kulakatula chivumbulutso chathu ndipo sudzaiwala

    Verse 7

    Kupatula chokhacho chimene Mulungu amafuna. Ndithudi Iye amadziwa chilichonse chooneka ndi chobisika

    Verse 8

    Ndipo Ife tidzakufupikitsira, m’njira yaifupi

    Verse 9

    Motero kumbutsa mwina chikumbutso chingawathandize

    Verse 10

    Chikumbutso chidzalandiridwa ndi iye amene amaopa Mulungu

    Verse 11

    Koma munthu wochimwa adzachisiya

    Verse 12

    Amene adzaponyedwa mu ng’anjo yamoto ndi kulawa ululu wake

    Verse 13

    Mmene iye sadzafa kapena kukhala ndi moyo

    Verse 14

    Zoonadi iye amene adziyeretsa adzakhala wopambana

    Verse 15

    Amene amakumbukira dzina la Ambuye wake ndipo amapemphera panthawi yake

    Verse 16

    Iyayi, koma inu mumasangalala ndi zinthu za m’moyo uno

    Verse 17

    Ndipo moyo umene uli nkudza ndi wabwino ndi wosatha

    Verse 18

    Ndithudi! Zonsezi zidalembedwa mu Mabuku akale a Mulungu

    Verse 19

    Mabuku a Abrahamu ndi Mose