Back to Languages

    Oromo - Chapter 71

    Translation by Ghali Apapur Apaghuna

    Verse 1

    Nuti "odoo adabbiin laalessaan isaanitti hin dhufin dura ummata kee sodaachisi" jechuun Nuuhiin gara ummata isaatti ergineerra

    Verse 2

    (Nuuhis) ni jedhe: "yaa ummata kiyya! Ani isiniif akeekkachiisaa ifa bahaadha

    Verse 3

    Rabbiin gabbaraa; Isa sodaadhaa; anaafis ajajamaa" jechuun

    Verse 4

    Dilii keessan irraa isiniif araarama; hanga yeroo murtaa'eettis isin tursiisaBeellamni Rabbii yeroo dhufe booda hin aanfamuOdoo kan beektan taatanii (silaa isa malee hin gabbartanu)

    Verse 5

    (Nuuhiin) ni jedhe: "Gooftaa kiyya! Ani ummata kiyya halkaniifi guyyaan waame

    Verse 6

    Waamichi kiyya (dhugaa irraa) baqa malee homaa isaaniif hin daballe

    Verse 7

    Akka Ati isaaniif araaramtuuf dhawaata ani isaan waamuun qubbeen isaanii gurra isaanii keessa kaa’anii uffata isaanii haguuggatanii (badii) itti fufan; booniinsa boonan

    Verse 8

    Ergasii lallabeen isaan waame

    Verse 9

    Achi boodas ani ifan isaaniif godhe; hasaasuus isaanittin hasaase

    Verse 10

    ‘Gooftaa keessan araarama kadhaa; dhugumatti Inni Akkaan Araaramaadhan’ jedhe

    Verse 11

    Rooba baay'ee deddeebi'aa isin irratti erga

    Verse 12

    Qabeenyaafi ilmaanis isiniif dabalaAshaakiltii isiniif godheeti laggeenis isiniif taasisa

    Verse 13

    Maaltu isiniif jiraayi guddina Rabbii hin sodaanne

    Verse 14

    Dhugumatti, sadarkaa sadarkaadhaan isin uumeera

    Verse 15

    Sila akka Rabbiin samii torban wal jalaa gubbaatti uume hin arginee

    Verse 16

    Isaan keessattis ji'a ibsaa taasisee; aduus madda ifaafi ho'aa (siraaja) taasise

    Verse 17

    Rabbiinis biqilchuu (uumuu) dachii irraa isin biqilche

    Verse 18

    Ergasii ishee keessatti isin deebiseeti, baasuus isin baasa

    Verse 19

    Rabbiinis dachii afata isiniif godhe

    Verse 20

    Akka isin ishee irraa karaalee babal'aa seentaniif

    Verse 21

    Nuuhiin ni jedhe: "Gooftaa kiyya! Isaan ajaja kiyya didanii, nama qabeenyi isaatiifi ilmaan isaa hoonga’iinsa malee homaa isaaf hin daballe hordofan

    Verse 22

    Tooftaa gurguddaa baasan

    Verse 23

    ‘Gabbaramtoota keessaniis hin dhiisinaa; waddi, suwaa'i, yaghuus, ya'uuqiifi nasriinis hin dhiisinaa' (waliin) jedhan

    Verse 24

    Dhugumatti, (namoota) baay'ee jallisaniiruMiidhaa raawwattootaaf jallinna malee hin dabalin.”

    Verse 25

    Diliiwwan isaanii irraa kan ka'e, bishaaniin nyaachifamanii ibidda seensifamanRabbiin alatti tumsitoota isaaniif hin arganne

    Verse 26

    Nuuhiin ni jedhe: "Gooftaa kiyya! Kaafiroota irraa nama tokkollee dachii irratti hin dhiisin

    Verse 27

    Yoo Ati isaan hambifte gabroota Kee jallisu; dilaawoo akkaan kaafira ta'e malees hin dhalan (hin horan)

    Verse 28

    Gooftaa kiyya! Anaaf, abbaafi haadha kiyyaaf, nama mu’umina ta'ee mana kiyya seeneef, mu'uminootaafi mu'umintittiifis araaramiKaafirootaafis badii malee hin dabalin.”