Back to Languages

    Oromo - Chapter 77

    Translation by Ghali Apapur Apaghuna

    Verse 1

    (Maleykota) wal hordoftuu ta'anii ergamaniinin kakadha

    Verse 2

    (Bubbeewwan) humnaan bubbisuu bubbisaniinis

    Verse 3

    (Bubbeewwan rooba) faffacaasuu facaasaniinis

    Verse 4

    (Keeyyatoota haqaafi dhara) adda baasuu adda baasanittis

    Verse 5

    (Malaykota) ergaa buuftotattis

    Verse 6

    Sababaa dhabamsiisuuf yookiin akeekkachiisuuf jecha (kan buusanittin kakadha)

    Verse 7

    Wanti (Qiyaamaan) isin sodaachifamtan argamaadha

    Verse 8

    Yeroo urjiiwwan ifti ishee haqamte

    Verse 9

    Yeroo samiinis babbanamte

    Verse 10

    Yeroo gaarreenis (bakka irraa) bubuqqifamte

    Verse 11

    Yeroo Ergamoonnis beellamaan walitii qabamte

    Verse 12

    Guyyaa kamiif beellamaman

    Verse 13

    Guyyaa addaan bahiinsaatiif (beellamaman)

    Verse 14

    Guyyaan Addaan bahiinsaa maal akka ta'e maaltu si beeksise

    Verse 15

    Kijibsiiftotaaf guyyaa san badiin mirkanaa'e

    Verse 16

    Sila Nuti warra duraanii hin balleessinee

    Verse 17

    Ergasiis warra boodaa isaan hordofsiifna

    Verse 18

    Yakkamtootas akkanuma goona

    Verse 19

    Kijibsiiftotaaf guyyaa san badiin mirkanaa'e

    Verse 20

    Sila Nuti bishaan dadhabaa (maniyyii) irraa isin hin uumnee

    Verse 21

    Bakka mijaa'aa keessas isa goone

    Verse 22

    Hanga yeroo beekamaatti

    Verse 23

    Ni shallagnes; nuti shallagdoota akkaan tole

    Verse 24

    Kijibsiiftotaaf guyyaa san badiin mirkanaa'e

    Verse 25

    Sila Nuti dachii kan hunda walitti qabdu hin taasifnee

    Verse 26

    Jiraafi du'aas (walitti qabdi)

    Verse 27

    Gaarreen ragga'oo dhedheeraa ishee keessatti gooneBishaan mi'aawaas isin obaafne

    Verse 28

    Kijibsiiftotaaf guyyaa san badiin mirkanaa'e

    Verse 29

    (Isaaniin ni jedhama): "gara waan sobsiisaa turtanii deemaa

    Verse 30

    Gara gaaddisa abbaa damee sadihii deemaa

    Verse 31

    Gaaddiseessaa miti; boba'aa ibiddaa irraas hin duroomsu

    Verse 32

    Isheen qaanqeewwan akka gamoo darbatti

    Verse 33

    Inni (qaanqechi) gaalota bobboora fakkaata

    Verse 34

    Kijibsiiftotaaf guyyaa san badiin mirkanaa'e

    Verse 35

    Kun Guyyaa isaan hin dubbanneedha

    Verse 36

    Rakkoo haa himataniif isaaniif hin eeyyamamu

    Verse 37

    Kijibsiiftotaaf guyyaa san badiin mirkanaa'e

    Verse 38

    Kun guyyaa adda foo'amiinsaati; Isiniifi warra duraas walitti qabne

    Verse 39

    Yoo tooftaa wahii qabaattan tooftaa Natti baafadhaa

    Verse 40

    Kijibsiiftotaaf guyyaa san badiin mirkanaa'e

    Verse 41

    Dhugumatti, warri Rabbiin sodaatan gaaddisootaafi burqituuwwan keessa jiraatu

    Verse 42

    Asheeta irraa waan fedhan (keessa taa'u)

    Verse 43

    Sababaa waan dalagaa turtaniitiif gammachuun nyaadhaa; dhugaa" (jedhamu)

    Verse 44

    Nuti akka kanatti warra toltuu hojjatan mindeessina

    Verse 45

    Kijibsiiftotaaf guyyaa san badiin mirkanaa'e

    Verse 46

    (Addunyaa irratti) "nyaadhaa; xiqqoo qanani'aa; dhugumatti isin badii hojjattoota” (isaaniin jedhama)

    Verse 47

    Kijibsiiftotaaf guyyaa san badiin mirkanaa'e

    Verse 48

    Yeroo ‘salaataa’ isaaniin jedhames hin salaatanu

    Verse 49

    Kijibsiiftotaaf guyyaa san badiin mirkanaa'e

    Verse 50

    Isaan ala haasawa kamitti amanu ree

    Unexpected Application Error!

    Unexpected token '<', "<!DOCTYPE "... is not valid JSON

    SyntaxError: Unexpected token '<', "<!DOCTYPE "... is not valid JSON