Rundi - Chapter 55 - Ar-Rahman

Nyene Imigisha myinshi

Yigishije iyi Qur’ani ntagatifu

Yaremye ikiremwa muntu

Nuku mwigisha kuvuga

Izuba n’Ukwezi bigira kugiharuro cayo

N’ibiti bito bito na bininiya vyose bigamburukira Imana

N’Amajuru yose niyo yayadugije hejuru n’ukuzishira k’uburinganire bungana

Kugira ngo ntimuhemuke mu gupima ku minzani yanyu

Rero ni mupime kubipimo vy’ukuri kandi ntimu gabanye kuri iyo minzani

N’Isi yayishize ho kubera ibiremwa vyiwe

Muriyo harimwo ivyamwa hamwe n’imitende yegeranye kuyindi

Harimwo n’ibifungurwa vy’intete bifise ibishishwa hamwe n’ibifungurwa bifise akamoto keza

Yaremye umuntu imukuye mw’ivu ry’ibumba nkakumwe kw’ibikoresho ry’ibumba

Arema ibisigo akoresheje ururimi rw’umuriro

None n’iyihe migisha y’Umuremyi wanyu mwebwe muhakana

Umuremyi w’useruko bubiri n’Umuremyi w’uburengera zuba uko ari bubiri

None n’iyihe migisha y’Umuremyi wanyu mwebwe muhakana

Niyo yahujije ibiyaga bibiri

Hagati y’avyo hariho uruzitiro rutinjirana n’ayandi mazi

None n’iyihe migisha y’umuremyi wanyu mwebwe muhakana

Muri ivyo biyaga uko ari bibiri harimwo ibisharizo vyiza vyitiriwe Ilulu hamwe n’ibindi vyitiriwe Mar’jani

None n’iyihe migisha y’Umuremyi wanyu mwebwe muhakana

Vyose biri kw’itegeko ryayo kuri ibi vyakozwe bigira mubiyaga umengo n’imisozi

None n’iyihe migisha y’Umuremyi wanyu mwebwe muhakana

N’ibiri hejuru y’Isi hamwe n’Amajuru vyose bizo zimangana

Hasigare ukwamaho kw’Umuremyi wawe, nyene iteka, n’urupfasoni

None n’iyihe migisha y’Umuremyi wanyu mwebwe muhakana

Bimusaba ibiri mu majuru no kw’Isi ibirimwo vyose n’imisi yose, nayo ikaba iri mubindi bintu

None n’iyihe migisha y’Umuremyi wanyu mwebwe muhakana

Ubu vuba tuzoba kurikirana mwebwe ngabo uko muri babiri

None n’iyihe migisha y’Umuremyi wanyu mwebwe muhakana

Mwebwe miryango y’ibisigo n’abantu, nimwa shobora kwinyuvya ngo mwinjire mw’Ijuru no kw’Isi, rero ni mwinyuvye, mugabo ntimuzo kwinyuvya atari kububasha bwanje

None n’iyihe migisha y’Umuremyi wanyu mwebwe muhakana

Muzoshikirizwa urubeya rw’umuriro w’umujumpu, namwe ntimuzo shobora kwikingira nawo

None n’iyihe migisha y’umuremyi wanyu mwebwe muhakana

Nimwibuke igihe Amajuru azosenyagurika agaca aba nk’agahama k’urushato rwatukuye

None n’iyihe migisha y’Umuremyi wanyu mwebwe muhakana

Kuri uwo musi nta muntu azobazwa kubijanye n’ibicumuro vyiwe canke mubisigo

None n’iyihe migisha y’Umuremyi wanyu mwebwe muhakana

Bazo menyekana abantu babi kubimenyetso vyabo, hanyuma baze bafatwe kumishatsi y’imitwe y’abo y’ubuhori hori no kumaguru yabo

None n’iyihe migisha y’Umuremyi wanyu mwebwe muhakana

Uwu niwa muriro udahera witiriwe Jahannamu waba bahakanyi bahora bahakana

Bazohora bakikuza hambavu yuwo muriro udahera no hambavu y’amazi ashushe abira nk’amarike

None n’iyihe migisha y’Umuremyi wanyu mwebwe muhakana

N’uwutinya guhagarikwa imbere y’Umuremyi wiwe azoronka imirima ibiri

None n’iyihe migisha y’Umuremyi wanyu mwebwe muhakana

N’imirima irimwo ibiti bifise amashami menshi cane

None n’iyihe migisha y’Umuremyi wanyu mwebwe muhakana

Muriyo harimwo amasoko abiri y’amazi ahitamwo iyo myonga neza cane

None n’iyihe migisha y’Umuremyi wanyu mwebwe muhakana

Muri iyo mirima harimwo ivyamwa vy’ubwoko bubiri bubiri n’uburenga

None n’iyihe migisha y’Umuremyi wanyu mwebwe muhakana

Bazoba begamiye k’ubusaswa bushashweko ibitambara vyoroshe n’ibiremereye. hamwe n’ivyamwa vyo muri iyo mirima icundereye hafi

None n’iyihe migisha y’Umuremyi wanyu mwebwe muhakana

Hazoba harimwo abagore bahumurije amaso yabo, bakaba batarakorwako n’umuntu uwariwe wese imbere yabo canke ibisigo

None n’iyihe migisha y’Umuremyi wanyu mwebwe muhakana

Ninkuko abo bapfasoni basayangana nk’ubutare bwitiriwe Yaquuti na Mar’jaani

None n’iyihe migisha y’Umuremyi wanyu mwebwe muhakana

Ntandishi y’ubugizi bw’ineza atari ukuriha ineza kuyindi

None n’iyihe migisha y’umuremyi wanyu mwebwe muhakana

No hejuru y’ivyo vyose, hariho n’iyindi mirima ibiri

None n’iyihe migisha y’Umuremyi wanyu mwebwe muhakana

Ifise amabara meza y’urwatsi rutoto ruhiye neza

None n’iyihe migisha y’Umuremyi wanyu mwebwe muhakana

Harimwo amasoko abiri y’amazi ayo mazi avamwo n’inguvu nyinshi cane

None n’iyihe migisha y’Umuremyi wanyu mwebwe muhakana

Harimwo ibiti vy’ivyamwa vy’ubwoko bwose, cane cane ibiti vy’imitende hamwe n’imikoma manga

None n’iyihe migisha y’Umuremyi wanyu mwebwe muhakana

Harimwo n’abapfasoni beza beza

None n’iyihe migisha y’Umuremyi wanyu mwebwe muhakana

Bafise amaso yera derere kandi meza manini maniniya kubaguma bari mu mazu y’abo gusa

None n’iyihe migisha y’Umuremyi wanyu mwebwe muhakana

Abo bapfasoni nti barakorwako n’umuntu uwariwe wese imbere y’abo canke ibisigo

None n’iyihe migisha y’Umuremyi wanyu mwebwe muhakana

Bazo kwegamira kunyegamo z’urwatsi rutoto no hejuru y’ubusaswa bwiza cane

None n’iyihe migisha y’Umuremyi wanyu mwebwe muhakana

Rira ninahajwe izina ry’Umuremyi wawe, nyene iteka n’urupfasoni ruyikwiye