Rundi - Chapter 69

Icabaye c’ukuri

Nico cabaye c’ukuri n’igiki

N’igiki kizo kumenyesha ico kintu cabaye c’ukuri

Bene Thamudu na bene Aadi barahakanye umusi w’umuhero w’isi

Rero abo bene Thamudu barahonejwe kuvyago bininiya cane

Nayo bene Aadi barahonejwe n’igihuhusi gikaze cane kida kingirwa

Wabatwaye amajoro indwi n’imitaga umunani, ubwo nyene uda hengeshanije, ugasanga abantu baguye igihumure nkakumwe kw’ibishitsi vy’imitende vyaguye hasi bimeze nk’imiroha

Mbega wabonye umwe muribo yasigaye

Na Fir’auni hamwe n’abamyeho imbere yiwe nabo mubisagara vyahinduwe, nabone baragize amakosa

Bariyonkora kuntumwa z’Umuremyi wabo ari naho yabafata kunguvu zitabaho

Mugihe umwuzurire w’amazi washika, twebwe twarabadugije tuburiza muri ico kigenda aribwo bwato

Kugira ngo kibe icibutso kuri mwebwe, n’ugutwi kwumva kwumvire ho

N’igihe hazovuzwa inzamba izovuzwa rimwe gusa

N’Isi hamwe n’Imisozi bizo kurwaho n’ugusenyurwa rimwe gusa

Kuri uwo musi ibizoba bizoba vyamaze kuba

N’amajuru azo manyagurika, rero kuri uwo musi Amajuru azoba ahoyahoya cane

N’Abamarayika bazoba bari hambavu yayo majuru n’Abamarayika b’ubwoko umunani nibo bazorerura inyegamo y’iteka y’Umuremyi wawe

Kuri uwo musi mwese muzo kwerekwa naho hatazo nyegezwa amabanga yanyu yose

Rero uwuzo habwa igitabu c’ibikorwa vyiwe mu kuboko kwiwe kw’iburyo azovuga n’akamwemwe kenshi ati:- ni musome igitabu canje

Mu vy’ukuri ndazi yuko nzohabwa ibiharuro vyanje

Nawe azoba ari mu buzima bw’akanyamuneza ntangere

Mw’ijuru ritagatifu

Ivyamwa bigerekeranye kubindi bizoba hafi kuribo

Nimufungure muteko munywe n’umunezero ntangere, kubera ibikorwa mwagize muri iyo misi yahera

Mugabo uwuzohabwa igitabu ciwe mukuboko kwiwe kw’ibubamfu azovuga ati :- Yo! Iyo ntohawe iki gitabu canje

Kandi sinari kumenya ikihe giharuro canje

Iyo urupfu rumarira ivyanje vyose

Amatungo yanje ntaco yamariye

Ubutegetsi bwanje bwara ntakaranye

Ni mumufate mumushire ko iminyororo

Hanyuma mumujugunyire mumuriro udahera

Kandi abe yaboshwe n’umunyororo ufise uburebure bw’imetero mirongo indwi muce mu mwinjiza yo

Mu vy’ukuri ntiyigeze yemera Imana yiwe ntagatifu

Kandi ntiya himiriza abandi kugira ngo arishe abakene

Rero uno musi ngaha ntamukunzi muhire n’umwe afise

Nta n’ibifungurwa afise atari amazi y’amashira gusa

Ntiba gufungura ivyo bifungurwa atari abanya vyaha

Rero ndarahiye kubintu mubona

N’ivyo mutabona

Mu vy’ukuri aka n’akamo kazanywe n’intumwa y’Imana ifise iteka rininiya cane

Kandi s’imvugo y’umwanditsi w’amajambo y’ubuhizi nkuko mu bivuga, nani bakeyi cane muyemera

Kandi s’amajambo y’umurozi nkuko mubivuga, ni gakeyi cane kuri mwebwe kugira ngo mushobore kwemera ubu butumwa

N’imanurwa rivuye ku Muremyi w’ibiremwa vyose

Iyo yiyadukiza kuri twebwe bimwe mu majambo asanzwe gusa

Ntankeka twebwe twari kumu cakira n’ukuboko kw’iburyo

Kandi mu vy’ukuri twari kumuca umutsi mukuru w’umutima wiwe

Kandi nta n’umwe muri mwebwe yari kutubuza mukuta mufata

Mu vy’ukuri iyi Qur’ani ntagatifu n’ubutumwa ku bantu bagamburukira Imana yabo y’ukuri

Mu vy’ukuri twebwe turazi neza yuko muri mwebwe harimwo abahakanyi

Uzoba ari umubabaro ku bantu batemera Imana yabo y’ukuri

Mu vy’ukuri uku n’ukuri nyakuri

Rero n’uninahaze izina ry’Umuremyi wawe ariwe mukuru. Igisomwa c’Ukuduga. Ikigabane ca (29). Camanukiye IMakkat. Gifise imirongo