Rundi

[1] Kw’izina ry’Imana nyene Imigisha myinshi, na nyene Imigisha mito mito

[2] Ndakengurukiye Imana, Umuremyi w’ibiremwa vyose

[3] Nyene Imigisha myinshi, na nyene Imigisha mito mito

[4] Nyene inganji y’umusi w’imperuka

[5] Niwewe dusenga, kandi niwewe dusaba imfashanyo

[6] Turongore munzira igororotse

[7] Inzira yabo wahaye imigisha kuribo, kandi atari mubashavuriwe kuribo, canke mubazimiye

[1] Alif,Laam, Miiym. (Insiguro y’izi ndome hamwe n’uwufise ubumenyi bwazo n’Imana yonyene gusa)

[2] Iki nica gitabu murico ata makenga arimwo, kandi iki gitabu n’indongozi ku bantu bose batinya Imana yabo y’ukuri

[3] Nabemera ibintu bitaboneka, hamwe n’uguhagarika amasengesho, n’ugutanga muvyo twabahaye

[4] Nabemera ivya manuwe kuri wewe, hamwe nivyamanuwe imbere yawe, kandi bakemera n’umusi w’imperuka

[5] Abo bantu bari hejuru y’uburokoke buvuye ku Muremyi wabo, nabo bantu nibo bene intsinzi nyakuri

[6] Mu vy’ukuri bamwe bahakanye Imana yabo y’ukuri, nivyiza kuribo ubatujije, canke utabatujije ntibazopfa bemeye nagatoyi

[7] Imana yarabateyeko ikidodo kumitima yabo, no hejuru y’amatwi yabo, no hejuru y’amaso yabo, kuko hariho imipfundikizo, rero abo bantu bazoba bafise ibihano bininiya cane

[8] No mu bantu bamwe harimwo abavuga bati:- twebwe turemeye Imana hamwe n’umusi w’imperuka, mugihe kuribo batari mubemera Imana na gatoyi

[9] Bagomba guhenda Imana hamwe nabarya bemeye bimwe bivuye kumitima yabo, mugabo ntibahenda atari imitima yabo gusa, nabo atavyo bazi

[10] Mumitima yabo harimwo indwara, n’Imana yarabongereje indwara, rero bazoba bafise ibihano bibabaza cane kubera ukuvuga kwabo kw’ububeshi

[11] No mugihe babwiwe ngo ntimugire ubwononyi ng’aha kw’Isi, baca bivugira bati :- twebwe turi mubakora ivyiza

[12] Mu vy’ukuri abo bantu nibo bononyi mugabo ntavyo bazi na gatoyi

[13] No mugihe babwiwe bati:- ni mwemere Imana yanyu y’ukuri nkuko bemeye abandi bantu, baca bavuga bati:- twebwe twemere nkuko bemeye barya badafise ubwenge, mu vy’ukuri nibo badafise ubwenge, mugabo ntavyo bazi na gatoyi

[14] Mugihe bahuye n’abemeye Imana yabo y’ukuri baca bavuga bati:- twebwe turemeye bimwe bivuye kumizirikanyi yacu, mugabo biherereye kubwabo bari kumwe n’ibisigo vyabo baca bavuga bati:- mu vy’ukuri twebwe turi kumwe namwe, mugabo barya turiko turaba fyinatako gusa

[15] Imana izoba hembera kuri uko gufyinata kwabo n’ukubasiga mubuzimire bwabo batayataya hirya no hino

[16] Abo bantu nibo bitoreye inzira y’ubuzimire gusumba uburokoke, mugabo n’ibidandazwa vyabo ntivyaronse inyungu, kandi ntibari no mu bantu batumbera inzira y’ukuri

[17] Akarorero kabo ni nk’akarorero kabamwe bahuye n’umwijima bagaca batsa umukomezwa mugihe waberetse ibiri kumpande zabo, Imana nayo yaciye ikura uwo muco wayo n’ukubasiga bari mumwijima batabona

[18] Abatumva, ibiragi, n’impumyi, kuri ivyo ntibazo garuka namba

[19] Canke ni nk’imvura ikaze cane ivuye mubicu, muriyo hakaba harimwo umwijima n’imituragaro hamwe n’imiravyo n’imiyaga nkuba, bagaca bashira intoke zabo mumatwi yabo kubera iyo mituragaro mugutinya urupfu, n’Imana niyo ibazi neza abo bahakanyi b’Imana y’ukuri

[20] Uregereje uwo muravyo mukunogora amaso yabo, mugihe uba boneshereje n’ukugendera muriwo no mugihe ubateyemwo umwijima bagaca bahagarara, n’Imana iyo ibishaka yari kuba kurirako uko kutumva kwabo nuko kutabona kwabo, mu vy’ukuri Imana niyo nyene ubushobozi buri hejuru y’ibintu vyose

[21] Mwa bantu mwe! Nimusenge Umuremyi wanyu kuko ariyo yabaremye hamwe n’abamyeho imbere yanyu kugira ngo mube mu bantu barokotse

[22] Uwabagiriye iy’Isi kuba nk’ikirago hanyuma amajuru nayo akaba nk’ibisenge, n’ukumanura amazi avuye mubicu, no muri ayo mazi ayakuramwo ivyamwa kugira ngo bibabere ibifungurwa vyanyu, rero iyo Mana ntimuyigereranye n’ibindi bintu, mugihe mwebwe mufise ubumenyi buhagije

[23] Nimwaba mufise amakenga kuri ivyo twamanuriye intumwa yacu, namwe nimuzane igisomwa kimwe cagizwe n’uwoba ameze nkawe hanyuma muce muhamagara Imana zanyu, itari Imana y’ukuri nimwaba muvugisha ukuri

[24] Nimutagira gutyo mumenye yuko ataco muzosubira kugira namba, rero nimutinye uwo muriro udahera, kuko inkwi zawo n’abantu n’amabuye yabikiwe abahakanyi b’Imana y’ukuri

[25] Kandi ubabwire abemeye Imana yabo y’ukuri hamwe n’abagira ibikorwa vyiza yuko bazoronka imirima ica imbere yabo inzuzi mumwanya uwariwo wose, bakazo ronkeramwo n’ivyamwa nkuko ari ibifungurwa vyabo n’ukuvuga bati:- ibi nivyabindi twahabwa kuva kera, kuko bazohabwa ivyo vyamwa mugihe bizoba bisa vyose muri ayo majuru, bakazo ronkerayo abagore bisukuye, hanyuma baze babe muri ayo majuru m’ubuzima bwabo bwose

[26] Mu vy’ukuri Imana ntigira isoni mugutanga akarorero akariko kose kameze nkak’umubu canke gasumba uwo mubu, mugabo bamwe bemera Imana y’ukuri kuribo bazi yuko ari ivy’ukuri kuvuye k’Umuremyi wabo, mugabo abahakanye Imana yabo y’ukuri bavuga bati:- mbega n’igiki Imana ishaka kuri aka karorero? Imana yama ireka abantu benshi bakazimira kukarorero nkako, n’ukurongora benshi mu bantu kukarorero nkako nyene, mugabo Imana ntirekurira umuntu uwariwe wese ngo azimire kuri aka karorero dukuyemwo abo basenyura amategeko y’Imana

[27] Abahonyanga amasezerano y’Imana munyuma yaho yamaze gufundikwa n’ukwanka ivyategetswe nayo kugira ngo bishigikirwe hamwe n’ukugira ubwononyi ngaha kw’Isi, abo nibo bantu bari muruhombo

[28] Nigute komuhakana Imana y’ukuri mugihe mwari mubapfuye hanyuma irabazura, hanyuma isubira kubica hanyuma isubira kubazura hanyuma ku Mana niho muzo subizwayo

[29] Niyo yabaremeye ibintu vyose biri ngaha kw’Isi, hanyuma ica yipfuza kurema amajuru yose, n’ukugira ayo majuru kuba ari indwi, nayo niyo ifise ubumenyi bw’ibintu vyose

[30] Mugihe Umuremyi wawe yabwira Abamarayika biwe ati:- jewe nzozana ibindi biremwa bizoza kuba kuri iy’Isi, nabo baciye bavuga bati:- uzoshiramwo abazogira ubwononyi hamwe n’ugusesa amaraso, mugihe twebwe tuguhayagiza nkuko umeze hamwe n’ukukuvuga kubijanye n’ubutagatifu bwawe, Imana yaciye ivuga iti:- mu vy’ukuri jewe ndafise ubumenyi bw’ivyo mwebwe mutazi

[31] Yaciye y’igisha intumwa y’Imana Adamu (iii) amazina y’ibintu vyose hanyuma ibishira imbere y’Abamarayika bose n’ukuvuga iti:- nimumbwire amazina yibi bintu nimwaba muvugisha ukuri

[32] Bavuze bati:- ubutagatifu n’ubwiwawe natwe ntabumenyi dufise atari ubwo watwigishije, ntankeka niwewe nyene ubumenyi hamwe n’ingabirano zihagije

[33] Imana yaciye ivuga iti:- ewe Adamu (iii):- babwire ayo mazina y’ivyo bintu, mugihe yaheza kubabwira ayo mazina yavyo, yaciye ivuga iti:- sinababwiye yuko jewe mfise ubumenyi bw’amabanga y’Amajuru yose na y’Isi, kandi nkaba mfise ubumenyi bwivyo muserura vyose hamwe nivyo munyegeza

[34] Nigihe twabwira Abamarayika duti:- nimupfukamire intumwa y’Imana Adamu (iii) bose hamwe baciye bamupfukamira dukuyemwo uwitwa (Ibilisi) niwe yanse gupfukama n’ukwishima, nawe akaba yari mubahakanyi b’Imana

[35] Twaciye tuvuga duti:- ewe ntumwa y’Imana Adamu (iii), n’uvyagire ngaha hamwe n’umutambukanyi wawe muri uyu murima, muteko mufungure mubirimwo vyose kandi mwipfuza, mugabo ntimwegere kuri iki giti gusa, kugira ngo ntimuze mube mu bantu bahemukiye imitima yabo

[36] Mugabo shetani yarabanyereje uko ari babiri n’ukubakura muburyo barimwo, duca tubabwira duti:- nimugende mugihe mwabaye abansi kuri mwebwe nyene, n’ubwicaro bwanyu kuri iy’Isi hamwe n’amahirwe yanyu azoba ari kukiringo kigufiya

[37] Yaciye aronka intumwa y’Imana Adamu (iii) amajambo avuye k’Umuremyi wiwe, n’ukuronka ico kigongwe ciwe kuko Imana niyo yakira ikigongwe hamwe n’impuhwe nyinshi zihagije

[38] Duca tuvuga duti:- nimumanuke mwese kw’Isi, nimwashikirwa n’uburongozi buvuye iwanje, n’abazo kurikira uburongozi bwanje ntabwoba buzoba buri kuribo kandi ntibazo teterwa

[39] Mugabo abazo hakana n’ukutemera aya majambo yacu, abo nibo bazoba bari mu bantu bo mu muriro udahera, muriwo niho hazoba hari ubwicaro bwabo bwamisi yose

[40] Mwebwe ruvyaro rwa bene israeri, nimwibuke imigisha yanje nabahezagiye kuriyo, kandi mukurikire amasezerano yanje, nanje nzokurikiza amasezerano yanyu, kandi muntinye jewe gusa

[41] Kandi mwemere ivyo namanuye vyemeza mubiri kumwe namwe, mugabo ntimube mubambere muguhakana, kandi ntimugurishe aya amajambo yanje kukiguzi gitoyi, kandi muntinye jewe gusa

[42] Kandi ntimuvange ukuri hamwe n’ibinyoma, hanyuma mugaca munyegeza uko kuri mugihe mukuzi

[43] Nimuhagarike amasengesho, kandi mutange n’imperezwa, kandi mwuname hamwe n’abunama

[44] Mbega mutegeka abantu kugira ineza, hanyuma mukibagiza imitima yanyu mugihe musoma igitabu c’Imana none mwebwe ntimutegera

[45] Nimwihangane kandi mwigumye hamwe n’ugusenga, kuko mu vy’ukuri ico kintu kiragoye cane, dukuyemwo abantu b’abagamburutsi nyakuri

[46] Nabafise ivyemezo vy’ukuri yuko bazohura n’Umuremyi wabo kandi bazosubizwa iwe

[47] Mwebwe ruvyaro rwa bene israeri, nimwibuke imigisha yanje nabahaye hamwe n’iteka nabateye gusumba ibindi biremwa vyose

[48] Kandi mutinye wamusi umutima w’umuntu ataco uzofasha uwundi mutima kukintu icarico cose, kandi ntihazo kwemerwa ibisabisho vyanyu, kandi ntihazo kwakirwa icoba kombora kivuye kuriwe, kandi ntibazoronka ikizoba kingira

[49] No mugihe twarokora abantu bokwa Fir’auni aribo babahaye ibihano bibi cane mugukerera ibibondo vyanyu vy’abahungu, n’ugusigaza ibibondo vy’abigeme gusa, nomuri ivyo harabonetse imigisha mininiya ivuye k’Umuremyi wanyu

[50] Mugihe twatandukanya ikiyaga kubera mwebwe n’ukubarokora, duca twibiza abantu bokwa Fir’auni namwe mwibonera

[51] N’igihe twemerera intumwa y’Imana Mussa (iii) amajoro mirongo ine, hanyuma muca mugira intama munyuma yiwe nukuba mubahemukiye imitima yanyu

[52] Mu nyuma yaho twaciye tubagirira ikigongwe, kugira ngo mube mu bantu bakenguruka

[53] Mugihe twamuha intumwa y’Imana Mussa (iii) igitabu c’ugutandukanya hagati y’ibirimwo vy’ukuri hamwe n’ibitari ivy’ukuri kugira ngo murokoke

[54] N’intumwa y’Imana Mussa (iii) mugihe yabwira abantu biwe avuga ati:- bantu banje! mu vy’ukuri mwebwe mwara hemukiye imitima yanyu mukugira intama kuba ariyo Mana yanyu, rero nimusabe ikigongwe cinshi ku Muremyi wanyu, kandi mwice iyo mitima yanyu, ivyo nivyo vyiza imbere y’Umuremyi wanyu, nayo ica yakira imbabazi zanyu, mu vy’ukuri niyo yakira izo mbabazi, kandi niyo nyene impuhwe zihagije

[55] N’igihe mwavuga muti:- ewe ntumwa y’Imana Mussa (iii) twebwe ntituzo kwemera kugeza aho tuzobona Imana imbona nkubone, muca musokorwa n’urupfu giturumbuka namwe muraba

[56] Hanyuma turabazura munyuma y’ukwitaba Umuremyi wanyu kugira ngo muyikengurukire

[57] Tubashiriraho igitutu c’ibicu n’ukuba manurira ibipfungurwa vyitiriwe Manna hamwe na Salwa, rero nimufungure kuri ibi bifungurwa vyiza twabahaye, nabo rero ntiba hemukira twebwe, mugabo nibo bahemukiye imitima yabo

[58] N’igihe twavuga duti:- nimwinjire muri iki gisagara hanyuma mufungure mwidegemvya aho mushaka hose, kandi mwinjire murugi rwayo n’ubugamburutsi ntangere, kandi muvuge muti:- tugirire ikigongwe kubera ibicumuro vyacu, natwe tuzoba girira ikigongwe c’amakosa yanyu, kandi tuzobongereza ineza kuri bamwe bagira ineza

[59] Abahemukiye imitima yabo nuko bahinduye imvugo atari iyo babwiwe, duca tumanura hejuru yabamwe bahemukiye imitima yabo ibihano bininiya bivuye mw’ijuru kubera ukwiyonkora kwabo

[60] N’intumwa y’Imana Mussa (iii) mugihe yasaba amazi kubera abantu biwe twaciye tuvuga duti:- n’ukubite iyo nkoni yawe kuri iryo buye, mumwanya haca hasesagurika amariba cumi n’abiri, hanyuma ubwoko bwose bwaciye bumenya ubunywero bwabo, rero nimufungure kandi munywe kuri iyi migisha y’Imana, kandi ntimwiyonkore kuri iy’Isi mukugira ubwononyi

[61] N’igihe mwavuga muti:- ewe ntumwa y’Imana Mussa (iii) twebwe ntidushobora kurorera kubifungugwa vy’ubwoko bumwe gusa, rero n’udusabire k’Umuremyi wawe adukurire bimwe muvyimbugwa kw’Isi, nk’ivyakatsi n’amatango n’ingano hamwe na adesi n’ibitunguru, hanyuma Imana ica ivuga iti:- mwebwe muhindura ibintu bitari vyiza kubintu vyiza, rero nimugende mugisagara iyo niho muzoronka ivyo mwasavye, haca hakubitwa hejuru yabo ukutishoboza hamwe n’ubukene, baca bategerezwa kuronka ishavu ry’Imana, ivyo vyose vyatumwe nuko bahakanye amajambo y’Imana mukugandagura intumwa z’Imana ata kuri bafise, rero ibi vyose nuko biyonkoye n’ukurenga imbibe zagenywe n’Imana

[62] Mubemeye Imana yabo y’ukuri n’Abayahudi n’Abakirisu hamwe naba Saa’ibu, umwe wese azokwemera Imana yiwe y’ukuri hamwe n’ukwemera umusi w’Imperuka n’ukugira ibikorwa vyiza, abo nibo bantu bazoronka uburusho bwabo buvuye ku Muremyi wabo, kandi ntabwoba buzoba buri kuribo, kandi ntibazo teterezwa

[63] Mugihe twakira amasezerano yanyu twaciye turerura umusozi hejuru yanyu duca tubabwira duti:- nimufate uyu musozi n’inguvu kuri ibi twabahaye, kandi mwibuke n’ibirimwo kugira ngo mube mu bantu beranda

[64] Munyuma yibi vyose mwariyonkoye iyo hataba imihezagiro y’Imana kuri mwebwe n’Impuhwe zayo mwari kuba mu bantu bo m’uruhombo

[65] Mu vy’ukuri muramaze kumenya bamwe biyonkoye muri mwebwe kuri wamusi wa gatandatu, natwe duca tubabwira duti:- ni mube inkende z’ibimaramare

[66] Kuri ivyo twaciye tugira kuba ari ukugabisha kuri barya bamyeho mubihe vyabo hamwe nabari inyuma yabo, hamwe n’ubutumwa ku bantu batinya Imana yabo y’ukuri

[67] N ’intumwa y’Imana Mussa (iii) mugihe yabwira abantu biwe ati:- mu vy’ukuri Imana ibategetse kubaga inka, nabo bishura bati:- mbega uriko uradupfyinata ko? Nawe abishura ati:- jewe ndikinze ku Mana kuba ndi mu bantu b’ibijuju

[68] Nabo bamwishura bati:- dusabire k’Umuremyi wawe adutandukanirize neza iyo nka uko imeze, nawe abishura ati:- mu vy’ukuri yavuze yuko iyo nka idashaje kandi itari nantoyi, ahubwo iri hagati na hagati, rero nimugire nkuko mwategetswe kugira gusa

[69] Nabo bavuga bati:- dusabire k’Umuremyi wawe adu tandukanirize ibara ry’ayo n’ingene rimeze, nawe abishura ati:- iyo nka ifise ibara ry’umuhondo kuko niryo bara ryayo, kandi rirahishiye cane, kandi rirateye n’igomwe kubantu baje kuyiratira

[70] Bavuze bati:- dusabire k’Umuremyi wawe aduta ndukanirize ingene iyo nka imeze, mu vy’ukuri inka zose zirasa mu vy’ukuri niyaba Imana ibishaka tube mu bantu barongotse

[71] Yavuze ati:- weyavuze yuko iyo nka itagenewe ibikorwa vy’ukurima canke ivyo kunyweshereza ibiterwa, nayo ifise ibara ryiza, baca bavuga bati:- ubu rero uvugishije ukuri, baca batarukira kuri yanka barayibaga baca baba kure yivyo bagize

[72] Mugihe mwica umutima, hanyuma muca muracanamwo kuri ivyo, n’Imana niyo itanga kuri ivyo vyose mwahora munyegeza

[73] Duca tuvuga duti:- nimuyikubite kumpande zayo zose zishoboka, uko niko Imana izura abantu basandavye kandi ikabereka n’ibimenyetso vyayo kugira ngo munyurwe

[74] Hanyuma imitima yanyu ica iraguma munyuma y’ivyo vyose kugeza naho iyo mitima iba nk’amabuye canke gusumba ayo mabuye, kuko hari n’ayandi mabuye ashungurukamwo inzuzi muriyo, hakabamwo n’ayandi mabuye akoragurika kubera ubwoba bw’Imana, nayo Imana ntiyibagira muvyo mugira vyose

[75] Mbega mwizeye yuko bazobemera mugihe bamwe muribo bamye bumva amajambo y’Imana, hanyuma bagaca bayahindura mugihe bari bamaze kuyatahura neza kandi bayazi

[76] Mugihe bahuye nabamwe bemeye Imana y’abo y’ukuri, baca bavuga bati:- twebwe turemeye, mugihe biherereye ari bonyene kubwabo bababwira bati:- mubabwira kuvyo Imana yaberetse kugira ngo bashobore kubabaza imbere y’Umuremyi wanyu bavuga bati:- mbega mwebwe ntabwenge mufise

[77] Ntibazi yuko Imana ifise ubumenyi bw’ivyo banyegeza hamwe n’ivyo baserura

[78] Kandi hari muri abo bantu batazi gusoma, kandi batazi n’igitabu c’Imana atari igihababu atakamaro kibamariye, nabo ntaco bafise atari ugukekeranya gusa

[79] Rero ibihano bikaze cane bizoshikira abantu bandika igitabu kumaboko yabo, hanyuma bagaca bavuga bati:- iki gitabu kivuye ku Mana kugira ngo baronke ikiguzi gitoyi c’amaronko yo ngaha kw’Isi gusa, nibagabe kuri ibi bintu banditse kumaboko yabo, kandi bagabe no kubintu bagira

[80] Baravuze bati:- ntituzokorwa ko n’umuriro atari kumisi mikeyi gusa, wewe vuga uti:- mbega muramaze kuronka amasezerano ku Mana? Rero nayo ntizota indagano yayo, canke murabeshera Imana kubintu mutazi

[81] Egome, abagira amabi hamwe n’amakosa yabo akabakikuza, abo nibo bantu bo mu muriro udahera, bazowuba mwo mu buzima bwabo bwose

[82] N’abemeye Imana yabo y’ukuri nukugira ibikorwa vyiza, abo nibo bantu bo mw’Ijuru, nabo bazobayo mubuzima bwabo bwose

[83] Mugihe twagira amasezerano n’uruvyaro rwa bene israeri yuko batazosenga uwariwe wese atari Imana yonyene gusa, kandi mukabagirira ineza abavyeyi banyu, hamwe n’abagenzi banyu, hamwe n’impfuvyi n’aboro, kandi mukavugana n’abantu mumvugo nziza kandi mugahagarika n’amasengesho n’ugutanga imperezwa hanyuma nibahindukira dukuyemwo abantu bakeyi gusa muri mwebwe, namwe mutavyitaye ho

[84] Mugihe twakira amasezerano yanyu yuko mutazosesa amaraso yanyu, canke mutazoshira abantu banyu mubisagara vyanyu, namwe muravyemeza kandi mubizi

[85] Hunyuma mwebwe nyene nimwe mwagandaguye abantu banyu hanyuma mukura bamwe muri mwebwe mumazu yabo mufashanije nabo kubera ibicumuro n’urwanko rwanyu, rero nimwashikirwa n’imbohe mukazi kombora mugihe bibujijwe kuri mwebwe kuzitanga, mbega muremera bimwe mu gitabu n’uguhakana ibindi? Rero ntampembo y’umuntu agira ibintu nk’ibi muri mwebwe atari ibimaramare vyo mu buzima bwo ngaha kw’Isi, no k’umusi w’imperuka, nabo bazojanwa ahari ibihano bikaze cane, n’Imana ntisamazwa n’ivyo mugira

[86] Abo nibo batoye ubuzima bwo ngaha kw’Isi aho botoye ubuzima bwo mw’Ijuru, kuri ivyo ntibazo gabanirizwa ibihano vyabo, canke ngo bakingirwe

[87] Mu vy’ukuri twarahaye intumwa y’Imana Mussa (iii) igitabu, duca dukurikiza kuzindi ntumwa z’Imana munyuma yiwe, duca tumuha intumwa y’Imana Issa mwene Mariyamu (iii) ivyemezo biri k’umugaragaro n’ukumutera intege z’umutima mutagatifu, rero uko mwashikirwa n’intumwa z’Imana kubintu muta shimishijwe n’imitima yanyu, mwebwe mwaciye mwishima hanyuma umurwi umwe mwaciye muwuhakana, uwundi murwi nawo muca mura wica

[88] Baravuze bati:- imitima yacu irapfundikiwe, nayo Imana yaraba vumye kubera ubuhakanyi bwabo, rero nibakeyi cane bemera

[89] Mugihe bashikirwa n’igitabu kivuye ku Mana, cemeza ibiri hamwe nabo naho hambere bugururira abahakanyi b’Imana, mugabo mugihe bashikirwa nivyo bahora babifitiyeko ubumenyi baciye babihakana, rero umuvumo w’Imana uri hejuru yabo bahakanyi b’Imana y’ukuri

[90] Ikibi kigaritse catumye bagurisha imitima yabo, nikurya kwanka ivyamanuwe n’Imana hejuru y’ukugira inzigo yuko Imana yabamanuriye imihezagiro yayo kubo yishakiye ku bantu bayo, kubera ivyo rero bakwiriye kuronswa ishavu rizoba hejuru y’irindi shavu, nabo bahakanyi b’Imana y’ukuri bazoronka ibihano bizoba tetereza

[91] No mugihe babwiwe bati:- nimwemere ivyamanuwe n’Imana, baciye bavuga bati:- twebwe turemeye ivyamanuriwe kuri twebwe, mugabo twanka ibitari ivyo, mugihe iyi Qur’ani ntagatifu ariyo y’ukuri yemeza ibiri kumwe nabo, rero wewe n’uvuge uti:- mbega ni kuki mwagandaguye intumwa z’Imana aho hambere nimwaba mwari mubemera

[92] Mwarashikiwe n’intumwa y’Imana Mussa (iii) ifise ivyemezo biri k’umugaragaro, hanyuma muca mugira intama munyuma yiwe, n’uguca muhemukira imitima yanyu

[93] Mugihe twakira amasezerano yanyu nuguca turerura umusozi hejuru yanyu, duca tubabwira duti:- nimuwufate n’inguvu kuri ibi vyose twabahaye, kandi mutegere neza, nabo bishura bati:- turumvise kandi turahakanye, baca banyweshwa mumitima yabo intama kubera ubuhakanyi bwabo, rero nuvuge uti:- n’ikintu kibi cane cabategetse kubijanye nukwemera kwanyu nimwaba muri mu bantu bemera bimwe vy’ukuri

[94] Vuga uti:- niyaba iyo nzu iri mw’Ijuru iri ku Mana ari rwanyu bwite hatarimwo abandi bantu, rero ni mwipfuze urupfu ni mwaba mwebwe muvugisha ukuri

[95] Kandi ntibazo kwipfuza namba urwo rupfu kubera ivyo amaboko yabo yakoze, n’Imana irabazi neza abahemu bahemukiye imitima yabo

[96] Kandi uzobabona bafise igihababu kininiya cane c’ukuba ngaha kw’Isi gusumba abandi bantu, n’ugusumba abagereranya Imana n’ibindi bintu, umwe wese muribo yipfuza yuko yoronka ubuzima bw’imyaka igihumbi, nuko kuronka ubwo buzima burebure ntibushobora kumukurira ibihano vyiwe, n’Imana irabibona ivyo bagira vyose

[97] Vuga uti:- uwugira ihiganwa n’intumwa y’Imana Jibrilu (iii) mu vy’ukuri niyo yamanuye iyi Qur’ani ntagatifu mumutima wawe k’uruhusha rw’Imana ikaba yemeza ivyabayeho imbere yiwe, kandi n’uburongozi hamwe n’inkuru nziza ku bantu bemera Imana yabo y’ukuri

[98] Uwuhiganwa n’Imana hamwe n’Abamarayika biwe, hamwe n’intumwa zayo zose, hamwe n’Umumarayika Jibrilu (iii) n’intumwa yayo Mikaeri (iii), nuko Imana izoba ariyo nyene intsinzi kuri abo bahakanyi b’Imana b’ukuri

[99] Mu vy’ukuri twakumanuriye ivyemezo biri k’umugaragaro, kandi ntabantu babihakana ivyo vyemezo atari barya bononyi

[100] Yoh! Umwanya uwariwo wose mugihe bapfunditse amasezerano yabo bamwe muribo baca biyonkora, ahubwo benshi muribo ayo masezerano ntibayemera

[101] Mugihe bashikirwa n’intumwa y’Imana ivuye ku Mana yemeza ibiri kumwe nabo, umurwi umwe mubahawe igitabu waciye uta ico gitabu c’Imana gitagatifu inyuma y’imigono yabo, nkakumwe batakizi

[102] Baciye bakurikira muvyo amashetani yababwira kuntwaro ya cami y’umwami Sulaimanu (iii) nawe akaba atahakanye Imana yiwe y’ukuri, ahubwo amashetani niyo yahakanye Imana yabo y’ukuri mukwigisha abantu uburozi, kandi ubwo burozi bwamanukanywe n’Abamarayika babiri aribo Haruta na Maruta mu gisagara ca Babil, kandi ntibigishije uwariwe wese kugeza aho bamubwira bati:- mu vy’ukuri twebwe ni nk’ikibazo, mugabo ntuhakane Imana yawe y’ukuri, baca biga kuribo muvyo bashoboye mu gutandukanya umuntu n’umukenyezi wiwe, kandi ntibari mu bantu bagira inabi canke mubadafise akamaro kuribo, mu vy’ukuri barafise ubumenyi bw’uko uwatoye ibi vyose atazoronka ahantu ahariho hose mw’ijuru, kandi ntankeka ni bibi cane muvyatumye bagurisha imitima yabo nkiyo babimenya

[103] Nkiyo bemera hamwe nugutinya, ntankeka impembo ivuye ku Mana yari kuba nziza kuribo iyo babimenya

[104] Mwebwe mwemeye Imana yanyu y’ukuri, ntimuvuge Raainaa, ahubwo nimuvuge muti:- ni muturabe, kandi ni mwumvirize, nayo abahakanyi b’Imana y’ukuri, bazoronka ibihano bibabaza cane

[105] Ntibashima abo bagereranya Imana n’ibindi bintu mu bantu bahawe igitabu canke muba gereranya Imana n’ibindi bintu muba manuriwe ineza ivuye ku Muremyi wanyu, n’Imana imanurira imigisha yayo kuwo yishakiye, nayo niyo nyene imigisha mininiya cane

[106] Ijambo ry’Imana y’ukuri iryariryo ryose duhanaguye canke twibagiye duca turisubirizako n’irindi jambo ryiza nk’iryo, ntuzi yuko Imana ifise ubushobozi buri hejuru y’ibintu vyose

[107] Mbega ntuzi yuko Imana ariyo nyene ubwami bw’Amajuru n’Isi, namwe aho muri ntimufise uwuba kingira canke umufasha atari Imana yonyene gusa

[108] Mbega mugomba kubaza intumwa y’Imana yanyu nkuko yabajijwe intumwa y’Imana Mussa (iii) aho hambere, rero uwuhindura idini rya Isilamu k’ubuhakanyi bw’Imana y’ukuri, ntankeka uyo muntu azoba yazimiye inzira y’ukuri

[109] Benshi mu bantu bahawe igitabu c’Imana, bakunda yuko iyo mwebwe mwosubijwe kuba muri mu bantu b’abahakanyi b’Imana y’ukuri, no mugihe mwamaze kwemera bimwe bivuye k’umutima kubera inzigo iri mumitima yabo, kandi munyuma yaho bamaze kubonekerwa n’ukuri, rero mwebwe nimu giriranire ikigongwe, kandi ntimuvyiteho kugeza aho Imana izozanira itegeko ryayo, kandi mu vy’ukuri Imana niyo nyene ubushobozi buri hejuru y’ibintu vyose

[110] Kandi muhagarike amasengesho, n’ugutanga ivyiza muzoba mwatanguje kubera imitima yanyu, ivyo navyo muzobisanga imbere y’Imana, kandi mu vy’ukuri Imana irabibona ivyo mugira vyose

[111] Baravuze bati:- ntawuzo kwinjira mw’Ijuru atari Umuyahudi canke Umukirisu, ivyo n’ivyipfuzo vyabo gusa, wewe n’uvuge uti:- mwebwe nimuzane ivyemezo vyanyu nimwaba muvugisha ukuri

[112] Egome, abatumbereza amaso yabo ku Mana, bakaba bari mubagira ibikorwa vyiza, abo bantu nibo bazoronka impembo yabo ivuye ku Muremyi wabo, kandi ntabwoba bazoba bafise kuribo, kandi ntibazo teterezwa

[113] N’Abayahudi bama bavuga bati:- Abakirisu ntaco bafise namba, n’Abakirisu nabo bakavuga bati:- Abayahudi ntaco bafise namba, mugihe bose basoma igitabu c’Imana y’ukuri, uku rero niko bamwe ataco bazi bavuga, ni nk’akarorero k’imvugo yabo, rero Imana izobacira urubanza ruzoba hagati yabo k’umusi w’imperuka kuvyo bamye batumvikana ko

[114] None ni nde muhemu mukuru gusumba uwuzitira amasengero y’Imana, yuko muriyo hatovugirwamwo izina ry’Imana, n’ukwihangana mukutayonona, abantu nkabo ntibazo shobora kwinjira muri ayo masengero atari k’ubwoba gusa, abo nibo bazoteterezwa ngaha kw’Isi, nayo k’umusi w’imperuka bazoronka ibihano bininiya cane

[115] Nayo ubuseruko hamwe n’uburengero bw’izuba nubw’Imana, rero ahantu muhindukirira hose niyo ntumbero yemewe n’Imana, ntankeka Imana niyo yagutse muvyayo hamwe n’ubumenyi buhagije

[116] Bavuga bati:- Imana yarigiriye ikibondo, nayo iri kure yivyo vyose, ahubwo ibiremwa vyose nirwiwe mubiri mu Majuru no kw’Isi vyose bigamburukira Imana yonyene gusa

[117] Umuremyi w’Amajuru n’Isi ata nkingi ziriko, no mugihe ishakiye ikintu ikibwira ngo kibe, kigaca kiba

[118] Baravuze bamwe ataco bazi bati:- mbega ni kuki Imana itavugana natwe canke ikadushikiriza ivyemezo, kandi uko nyene niko bavuze bamwe bari imbere yabo kukarorero kiyo mvugo yabo hamwe n’imitima yabo igomba gusa n’iyindi, mu vy’ukuri twebwe turamaze kwerekana ivyemezo vyacu kubantu bemeza ibintu n’ibindi

[119] Mu vy’ukuri ni twebwe twakurungitse ngo ubasigurire abantu ukuri kwama naho kuri, n’ugushikiriza ubutumwa hamwe nugutuza amabi, kandi kuri wewe ntuzobazwa abantu bo mumuriro udahera

[120] Ntibazo kwemera nagatoyi kubera wewe abo bayahudi canke abo bakirisu kugeza aho wewe uzo kurikira imico yabo, na wewe vuga uti:- mu vy’ukuri uburongozi bw’Imana nibwo burongozi nyakuri, rero niwa kurikira muvyo bipfuza munyuma y’ivyagushikiye kubijanye n’ubumenyi bw’ukuri, ntuzoronka umufasha uwariwe wese canke uwuzo gukingira ku Mana yawe

[121] Bamwe twahaye igitabu bakagisoma bimwe vy’ukuri, abo nibo bacemera, nayo abagihakana nibo bari m’uruhombo runiniya

[122] Mwebwe ruvyaro rwa bene Israeri, ni mwibuke imigisha yanje nabahezagiriye ko, n’ingene n’abateye iteka hejuru y’ibindi biremwa vyose

[123] Kandi mutinye umusi umutima w’umuntu ataco uzomarira uwundi mutima, kandi ntakizo kwemerwa kukizo komborwa kuriwe, canke n’ibisabwa ntaco bizowumarira, kandi ntibazo rokorwa

[124] N’Umuremyi wiwe mugihe yaha ikibazo intumwa y’Imana Ibrahimu (iii) kumategeko menshi cane nawe arayarangura, Imana yamubwiye iti:- mu vy’ukuri jewe nzokugira ube umutegetsi w’abantu bose nawe amwishura ati:- mbega no kuruvyaro rwanje? Amasezerano yanje ntazoshikira abahemukiye imitima yabo

[125] N’igihe twagira ingoro y’Imana ntagatifu ngo habe ari ahantu hagenderwa n’abantu bose kandi habe ari ahantu h’amahoro naho yahora ahagarira intumwa y’Imana Ibrahimu (iii), muce muhagira ngo habe ari ahantu hugusengera, rero twarahanuye intumwa y’Imana Ibrahiimu (iii) hamwe na Ismaili (iii) n’ukuba bwira duti:- ni musukure iyo nzu yanje kubera abantu bakikuza iyo ngoro hamwe n’abayivyagira mwo hamwe n’abunama n’ugupfukamira ngaho nyene

[126] Mugihe intumwa y’Imana Ibrahimu (iii) yavuga ati:- ewe Muremyi wanje, n’ugire iki gisagara c’IMakkat kibe igisagara c’amahoro, hanyuma ubahe abo bene ico gisagara ivyamwa muri bamwe bemera Imana yabo y’ukuri hamwe n’umusi w’imperuka, nayo yishura iti:- n’uwuzo hakana nzo munezereza gatoyi gusa, hanyuma nze ndamusunike mubihano vyo mumuriro udahera, naho n’ahantu habi cane haho umuntu ato subizwa yo

[127] N’intumwa y’Imana Ibrahim (iii) mugihe yasanura iyo nyubakwa aduza impome ziryo sengero ritagatifu ariyo (Al’ka’abat) ari kumwe n’ikibondo ciwe Ismail (iii) bose hamwe baciye basaba Imana yabo bavuga bati:- Muremyi wacu n’utwemerere, mu vy’ukuri ni wewe wumva kandi ni wewe nyene ubumenyi buhagije

[128] Ewe Muremyi wacu, nutugire tube mu bantu bagamburuka kuri wewe, no k’uruvyaro rwacu tube turi mu bantu bakugamburukira kandi utwereke inzira y’amasengesho yacu, kandi utugirire n’ikigongwe, ntankeka ni wewe ugira imbabazi hamwe n’impuhwe zihagije

[129] Ewe Muremyi wacu, n’ubazanire intumwa y’Imana ivuye muribo iteko ibasomere amajambo yawe matagatifu, n’ukubigisha igitabu cawe hamwe n’ubuhizi, kandi ubigishe isuku, mu vy’ukuri ni wewe ufise inguvu n’ubuhizi buhagije

[130] None ni nde azokwiyonkora n’imigenzo y’intumwa y’Imana Ibrahimu (iii) atari uwuzoshira umutima wiwe mubujuju, mu vy’ukuri nitwebwe twatoye intumwa y’Imana Ibrahimu (iii) kuri iy‘Isi, mu vy’ukuri iyo mw’ijuru hazobayo abantu beranda

[131] Mugihe Umuremyi wiwe yamubwira ati:- n’ugamburuke nawe yishura ati:- jewe ndagamburutse ku Muremyi w’ibiremwa vyose

[132] N’intumwa y’Imana Ibrahim (iii) ica ibasigira iragi ibondo vyiwe hamwe n’intumwa y’Imana Ya’akubu (iii) nayo ibasigira ibibondo vyiwe iragi nkiryo ivuga iti:- bana banje, mu vy’ukuri Imana yarabatoreye iyi dini, rero ntimuze musandabe atari uko namwe mwabaye aba gamburutsi

[133] Mbega niho mwari mugihe intumwa y’Imana Ya’akubu (iii) yashikigwa n’urupfu? Mugihe yabwira ibibondo vyiwe ati:- mbega mwebwe muzosenga nde munyuma zanje? bamwishura bati:- tuzosenga Umuremyi wawe hamwe n’Umuremyi yaremye ba so wanyu ariwe Ibrahimu (iii) na Ismaili (iii) na Is’haka (iii) ari Imana imwe gusa, natwe kuriyo turayi gamburukiye

[134] Abo nimuri b’abantu bo muri kahise kakera bazoronka kuvyo bimbuye, namwe mukazo ronka kuvyo muzo kwimbura, kandi ntimuzo bazwa muvyo bahora bagira

[135] Baca bavuga bati:- nimube Abayahudi canke Abakirisu niho muzorokoka, wewe vuga uti:- ahubwo imigenzo y’intumwa y’Imana Ibrahim (iii) ariwe yahevye idini ry’ubuzimire aca akurikira idini ry’ukuri, kandi ntiyari mu bantu bagereranya Imana n’ibindi bintu

[136] Mwebwe nimuvuge muti:- twebwe turemeye Imana hamwe n’ivyo twamanuriwe, hamwe n’ivyamanuwe kuntumwa y’Imana Ibrahimu (iii) na Ismaili (iii) na Is’haka (iii) na Ya’akubu (iii), hamwe n‘uruvyaro rw’intumwa y’Imana Ya’akubu (iii), hamwe n’ivyo yahawe intumwa y’Imana Mussa (iii) n’intumwa y’Imana Issa mwene Mariyamu (iii), hamwe n’ivyo bahawe izindi ntumwa z’Imana bivuye ku Muremyi wabo, rero ntidutandukanya hagati y’umwe muribo natwe tugamburukiye Imana

[137] Nibemera abo bantu nk’uko namwe mwemera, bizoba ari ivy’ukuri yuko barongotse, nayo nibahigimanga kuribo bazoba bari muri zantagondwa gusa, rero Imana izo gukingira n’ishari ryabo, nayo niyo yumva kandi niyo ifise ubumenyi buhagije

[138] N’isharizo ry’Imana, none ni nde mwiza mu gushariza gusumba Imana? Natwe tukaba tuyisenga ariyo yonyene gusa

[139] Vuga uti:- mbega muharira natwe kubera ijambo ry’Imana mugihe ariwe Muremyi wacu n’Umuremyi wanyu, natwe turafise ibikorwa vyacu, namwe murafise ibikogwa vyanyu, natwe turayi gamburukiye

[140] Muvuga y’uko intumwa y’Imana Ibrahimu (iii) hamwe n’intumwa y’Imana Ismaili (iii) n’intumwa y’Imana Is’haka (iii) hamwe n’intumwa y’Imana Ya’akubu (iii) hamwe n’uruvyaro rwiwe ngo bari m’ubwoko bw’Abayahudi canke boba bari m’ubwoko bw’Abakirisu, wewe n’uvuge uti:- mbega mwebwe murafise ubumenyi buhagije gusumba Imana? None ni nde yoba ari umuhemu mukuru gusumba uwunyegeza icabona, kandi agifise kivuye ku Mana, n’Imana siyibagira kuri ivyo vyose muriko muragira

[141] Abo n’abantu bamaze kurengana kuva kera, bakaba bazoronka impembo yabo kuvyo bakoze, namwe mukazoronka kuvyo mwakoreye, kandi mwebwe ntimuzobazwa kuvyo bahora bagira

[142] Bazovuga bamwe mu bantu b’ibijuju bati:- n’igiki cabahinduye kuva kuntumbero bahora batumberako, wewe vuga uti:- ubuseruko n’uburengera zuba nivy’Imana kuko niyo irongora uwo yishakiye munzira igororotse

[143] Uko niko twabagiriye abandi bantu b’intore kugira ngo mube ivyabona hejuru y’abantu n’intumwa y’Imana ibabere icabona kuri mwebwe, natwe ntitwagize iyi ntumbero wahora utumberako nu kugira ngo tumenyeshe uwukurikira intumwa y’Imana hamwe n’uwuhindukira inyuma, mu vy’ukuri ryari ijambo rihambaye atari kuri barya bantu Imana yarongoye, n’Imana ntiyari gutakaza ukwemera kwanyu, kuko Imana ku bantu bayo n’intungane cane kandi niyo ifise impuhwe zihagije

[144] Mu vyukuri mugihe tukubona yuko uriko urahindukiza amaso yawe mw’ijuru, rero tuzo guhindukiza kuntumbero ikunezereza, rero n’uhindukize amaso yawe k’uruhande rw’isengero ritagatifu rya (Al’kaabat), n’ahandi hose muzoba muri mutumbereze amaso yanyu ahari iryo sengero ritagatifu ry’IMakkat, mu vy’ukuri bamwe bahawe igitabu c’Imana barafise ubumenyi buhagije yuko ari ukuri kuvuye k’Umuremyi wabo, n’Imana ntiyibagira kuvyo mugira

[145] Nabo bahawe igitabu naho wobashikiriza ivyemezo vy’ubwoko bumeze gute, ntibazokwigera bakurikira iyo ntumbero yawe, kandi nawewe ntuzo kwigera utumbera intumbero yabo, na bamwe muribo ntibazo kwigera batumbera intumbero z’abandi, rero niwakurikira ivyipfuzo vyabo mugihe mumaze gushikirwa n’ubumenyi buhagije, wewe uzoba uri mubantu bahemukiye imitima yabo

[146] Abo twahaye igitabu c’Imana barakizi neza nkuko bazi ibibondo vyabo, na bamwe muribo barakunyegeza uko kuri kandi bakuzi

[147] Uku niko kuri kwama kwavuye k’Umuremyi wawe, rero ntube mu bantu bafise amakenga

[148] N’abantu bose uko bari, bari bafise intumbero batumberako, rero nimwihangane mukugira ineza, aho muzoba muri hose kuko Imana izobegeranya mwese hamwe, mu vy’ukuri niyo nyene ubushobozi bw’ibintu vyose

[149] Naho uzoja hose n’uhindukize amaso yawe kw’isengero ritagatifu, uku niko kuri kuvuye ku Muremyi wawe, n’Imana ntisamara kuvyo mugira vyose

[150] Naho uzoja hose n’uhindukize amaso yawe kw’isengero ritagatifu naho muzoba hose ni muhindukize amaso yanyu kuruhande rw’iryo sengero kugira ngo abantu ntibaronke ivyitwazo hejuru yanyu, dukuyemwo abahemukiye imitima yabo muribo, rero ntimubatinye mugabo muntinye jewe kandi ndabakwirize imigisha yanje kandi muze murongoke

[151] Nkuko twazanye intumwa y’Imana kuri mwebwe aturuka muri mwebwe nyene kandi abasomera amajambo yacu n’ukubasukura neza n’ukubigisha igitabu hamwe n’ubuhizi n’ukubigisha ivyo mutari muzi

[152] Rero nimunyibuke nanje nzobibuka, kandi munshimire mugabo ntimube mubahakanyi b’Imana

[153] Mwebwe mwemeye Imana yanyu y’ukuri, nimufashanye mukwigumya mumasengesho yanyu, ntankeka Imana iri kumwe n’abigumije

[154] Kandi ntimubite bamwe bicirwa munzira y’Imana yuko bari mubapfuye, mugabo n’ukumenya yuko bari mu bantu bazima, mugabo mwebwe ntavyo muzi

[155] Tuzobashira mubibazo vy’ukubatera ubwoba n’ikigoyi n’igabanukirwa ry’amatungo hamwe niry’abantu hamwe niry’ivyamwa, kandi mubamenyeshe iyi nkuru nziza z’abantu bigumya

[156] Mubashikirwa n’ivyago bama bavuga bati:- mu vy’ukuri twebwe n’abantu b’Imana, niwe niyo tuzosubirayo twese

[157] Abo bantu hejuru yabo hazoba hari imihezagiro ivuye ku Muremyi wabo hamwe n’impuhwe zayo kandi nibo bantu barongotse

[158] Mu vyukuri umusozi wa (Swafaa) na (Marwat) nimubimenyetso vy’uguhayagiza idini ry’Imana, rero uwugize igisabisho (c’iHija) kuri iyo ngoro ntagatifu canke akagira igisabisho kigufiya citiriwe (Umrat) ntagicumuro kiba kuriwe akikuje iyo mitumba yose uko ari ibiri, rero n’uwugize ineza iyariyo yose nuko Imana ariyo nyene gushima nanyene ubumenyi bw’ibintu vyose

[159] Mu vy’ukuri bamwe banyegeza ivyo twamanuye navyo bikaba ari ivyemezo vyacu biri k’umugaragaro hamwe n’uburongozi nyakuri nomunyuma yacu natwe twaramaze kubuserura ku bantu kandi biri no mugitabu gitagatifu, abo bantu nkabo Imana irabavuma kandi baravumwa n’ababavuma bose

[160] Dukuyemwo abasavye imbabazi n’ukwumvikanisha n’ukwereka ivyo bahora bagira, abo bantu nibo nzokwakira, nanje ndimubakira imbabazi kandi n’impuhwe zihagije

[161] Mu vy’ukuri abahakanye Imana yabo y’ukuri, bagashika aho bitaba Imana yabo y’ukuri nabo bakiri mubuhakanyi bwabo, abo nibo hejuru yabo hari umuvumo w’Imana hamwe nuw’Abamarayika hamwe nuw’abantu bose

[162] Muriwo bazobayo mubuzima bwabo bwose, kandi ntibazo gabanirizwa ibihano canke ngo bahabwe ikiringo c’ukuruhuka

[163] N’Imana yanyu n’Imana imwe yonyene gusa, kandi ntayindi Mana itegerezwa gusengwa atariyo yonyene gusa, kuko niyo itanga imigisha mininiya, hamwe n’imigisha mito mito

[164] Mu vy’ukuri mukuremwa kw’Amajuru hamwe n’Isi nukubona kw’Ijoro n’Umutaga hamwe n’amato arenganira mubiyaga nukugirira akamaro abantu hamwe n’amazi yamanuwe n’Imana avuye mubicu, no kuriyo yaciye inagisha Isi mugihe yari yarapfuye, nugukwizamwo ubwoko bwose bw’ibikoko hamwe n’ihindagurika ry’imiyaga hamwe n’ibicu bitegekwa kurengana hagati y’Ijuru n’Isi, ntankeka harimwo ibimenyetso ku bantu bafise ubwenge

[165] No mu bantu harimwo abagira Imana zitari Imana z’ukuri bakazikunda nkuko bakunda Imana y’ukuri, mugabo abemeye Imana yabo y’ukuri barayikunda cane, rero abahemukiye imitima yabo iyo bobibonye ivyo bihano yuko ubushobozi bwose ari ubw’Imana, n’Imana nayo ikaba ikaze cane muguhana

[166] Abakurikiwe mugihe bazohakana aba bakurikiye mugihe bazoba bamaze kwibonera ivyo bihano, ntihazoba ibizotuma haba imigenderanire yabo nabo

[167] Bazovuga bamwe bakurikira abandi bati:- iyo dushobora kugaruka ngaha kw’Isi tukabiyamiriza nkuko nabone batwiyamirije, uko niko Imana izobereka ibikorwa vyabo yuko ari ivy’agahinda kabo kandi ntibazo kwigera bava mumuriro udahera

[168] Mwebe bantu nimufungure mubiri ngaha kw’Isi birekuriwe n’amategeko y’Imana kandi vyiza, mugabo ntimukurikire ibirenge vya Shetani, ntankeka kuri mwebwe bantu n’umwansi wanyu ari k’umugaragaro

[169] Shetani niyo ibategeka ibintu bibi nivy’umwanda, hanyuma mugaca mubeshera Imana kuvyo mutazi namba

[170] Mugihe abantu babwiwe bati:- nimukurikire ivyo Imana yamanuye baca bavuga bati:- ahubwo twebwe tuzokurikira kuvyo twasanganye abavyeyi bacu bagira, mbega naho abavyeyi babo atabumenyi bari bafise namba n’ukutarongoka

[171] N’akarorero kuri bamwe bahakanye Imana yabo y’ukuri nink’akarorero k’umwe ahamagara umuntu atumva mugabo akumva ijwi n’induru gusa, rero n’intumva, kandi n’ibiragi, n’impumyi, kuri ivyo ntibategera namba

[172] Mwebwe mwemeye Imana yanyu y’ukuri, nimufungure ibifungurwa vyiza twabahaye, kandi mukengurukire Imana yanyu nimwaba muyisenga ariyo yonyene rudende gusa

[173] Niyo yababujije gufungura ibikoko vyapfuye, hamwe n’inyama y’ingurube, hamwe n’icavugiweko kitaubagiweko izina ritari iry’Imana, mugabo uwashikiwe n’ingorane zidasanzwe nawe atabishaka canke kutarenza urugero, uyo muntu ntagicumuro azoba afise, mu vy’ukuri Imana niyo nyene imbabazi n’impuhwe zihagije

[174] Mu vy’ukuri bamwe banyegeza ivyamanuwe n’Imana bikaba biri mugitabu cayo n’ugushima ikiguzi kibayabaye, abo munda zabo ntibafungura atari umuriro gusa, kandi Imana ntizobavugisha k’umusi w’imperuka kandi ntizobasukura nabo bazoronka ibihano bibabaza cane

[175] Abo nibo batoye ubuzimire gusumba uburokoke, n’ugutora ibihano gusumba imbabazi, mbega bafise ubukerebutsi nyabaki bw’ukurinda umuriro

[176] Ivyo vyose n’ukubera yuko Imana yamanuye igitabu cayo gitagatifu c’ukuri, nayo bamwe batumvikanye muri iki gitabu c’Imana gitagatifu bari mubihari biri kure y’ukuri

[177] Sivyiza kuba mutumbereza amaso yanyu k’uruhande rw’ubuseruko bw’Izuba no k’uruhande rw’uburengero bw’Izuba mugusenga, mugabo ivyiza nikuri barya bemera Imana yabo y’ukuri hamwe n’umusi w’imperuka hamwe n’Abamarayika n’igitabu cabo, hamwe n’intumwa z’Imana n’ugutanga amatungo yabo kuko bayakunda nukubaha abagenzi babo hamwe n’impfuvyi n’aboro hamwe n’abari m’urugendo hamwe n’abasegerezi hamwe n’abari m’ubuja, bakaba bahagarika amasengesho yabo hamwe n’ugutanga imperezwa, hamwe n’ukudata indagano zabo mugihe bazitanze, hamwe n’abihangana mugihe c’ingorane hamwe n’ivyaduka no mugihe c’intambara, abo nibo bantu biyemeje ubu Isilamu bwabo kandi nibo bantu batinya Imana yabo y’ukuri

[178] Mwebwe mwemeye Imana yanyu y’ukuri, mwararonkejwe uruhusha rw’ukwihora ku bantu bishwe, uwidegemvya kuwidegemvya, n’uwuri mubuja hamwe n’uwuri muribwo, n’umukenyezi n’uwundi n’uwugiriwe imbabazi namwene wabo yababaye cane, rero nafatwe neza mukuriha n’ubwitonzi nawe arihe n’ubundi bwitonzi, uku niko kworoheza kuvuye k’Umuremyi wanyu n’impuhwe zayo, nayo uwuzorenga imbibe zayo munyuma y’ibi vyose uyo muntu azoronka ibihano bibabaza cane

[179] Muzoba mufise ubuzima bwiza mugihe muzokwihorana mwebwe mufise ubwenge kugira ngo mutinye Imana yanyu y’ukuri

[180] Murategetswe kuri umwe muri mwebwe mugihe ashikiwe n’urupfu mugihe yasize amatungo, ni kuriwe gusiga iragi kubavyeyi biwe no k’umuryango wiwe kuneza nziza yemewe n’amategeko y’Imana, kandi ningombwa ku bantu bose batinya Imana yabo y’ukuri

[181] Nuwuzo hindura iryo ragi nawe amaze kuryumva ibicumuro vyiwe bizoba biri kuri barya bazorihindura, mu vy’ukuri Imana iraryumva kandi irarifitiye ubumenyi

[182] Nabazobona kuwasize iragi yuko yahengamye mukugira amakosa canke mukugira ibicumuro hanyuma akabanguranya hagati yabo bantu rero uyo muntu ntabicumuro azoba afise, mu vyukuri Imana niyo nyene ikigongwe cinshi hamwe n’impuhwe zihagije

[183] Mwebwe mwemeye Imana yanyu y’ukuri, mutegetswe kwisonzesha nkuko bategetswe abamyeho aho hambere yanyu kugira ngo mutinye Imana yanyu

[184] N’imisi mikeyi gusa iharuwe, n’uwuzoba akitswe n’amagara muri mwebwe canke ari murugendo n’aharure kuyindi misi, nabamwe badashoboye kwisonzesha nibatange indishi mukurisha umukene, n’uwuzogira ineza bivuye k’umutima wiwe ni vyiza kuri we, n’ukwisonzesha nivyiza kuri mwebwe nimwaba mubizi

[185] N’ukwezi kwitiriwe Ramadhani kwamanuriwemwo iyi Qur’ani ntagatifu kugira ngo ibabere indongozi ku bantu bose hamwe n’ivyemezo biri k’umugaragaro n’uburongozi hamwe n’ugutandukanya n’uwuzoba ari mugisagara muri uko kwezi kwa Ramadhani niyisonzeshe, n’uwuzoba akitswe n’amagara canke ari murugendo n’akwize igiharuro kuyindi misi, n’Imana ibashakira kworoheza ivyoroshe, kandi ntibashakira ibintu vy’amananiza, kandi nimukwize ivyo biharuro n’ukuninahaza Imana kuko niyo yabarongoye kugira ngo muronke kuyishimira

[186] N’abantu banje mugihe bazokubaza kubijanye n’ukuri kwanje nuko jewe ndi hafi yabo nitabira ibisabisho vy’umusavyi mugihe yansavye, rero nibanyitabire kandi banyemere kugira ngo barongoke

[187] Mwarahawe uburenganzira kubijanye n’amajoro y’ukwisonzesha muguhuza ibitsina vyanyu n’abatambukanyi banyu, namwe n’impuzu kuribo, n’Imana niyo ifise ubumenyi yuko mwahora muhemukira imitima yanyu, kuri ivyo rero Imana irabemereye ico kigongwe canyu kandi irabagiriye n’imbabazi, rero nimwivangane nabo kandi musabe ivyo Imana yabandikiye, kandi mufungure n’ukunywa kugeza aho hazobonekera umuco w’umutwenzi uvuye mu muco wirabura w’ijoro, hanyuma mukwize uko kwisonzesha kwanyu kugeza mw’ijoro, kandi ntimwivangane nabo namwe muri mumasengero yanyu ya (Itiqafu) izo nizo mbibe z’Imana, kandi ntimuzegere, uko rero niko Imana igaragaza ivyemezo vyayo ku bantu kugira ngo bayitinye

[188] Kandi ntimurye amatungo yanyu munzira zitari mumategeko y’Imana, n’ukuyatwara kubaca manza kugira ngo mushobore kuyarya munzira z’ibicumuro kandi namwe mubizi

[189] Barakubaza kubijanye n’amezi, wewe n’uvuge uti:- ivyo n’ibipimo bijanye n’ibihe kubera abantu hamwe n’urugendo rutagatifu rw’IHidja, kandi sukugira ineza mukwinjira mumazu y’abantu muciye mubikari, ahubwo umuntu w’urupfasoni nurya atinya Imana yiwe, rero nimwinjire mumazu y’abantu mutumbereye amarembo yayo, kandi mutinye Imana yanyu kugira ngo mushobore kuronka intsinzi nyakuri

[190] Nimurwane muri munzira y’Imana nabo babarwanya, kandi ntimurenge imbibe kuko Imana ntikunda abarenga imbibe zayo

[191] Nimubice aho muzobasanga hose, kandi mubakure aho babakuye kuko mukwonona abantu bari mw’idini ryabo nibibi cane gusumba ukwica, kandi ntimurwane nabo muri hafi y’isengero ritagatifu kugeza aho bazobatera, nibabatera namwe nimuce mubivuna, uko rero niko barihwa impembo y’abatemera Imana yabo y’ukuri

[192] Mugabo nibahagarika kubarwanya Imana yonyene niyo ifise ikigongwe cinshi hamwe n’impuhwe zayo zihagije

[193] Nimurwane nabo bansi kugeza naho hatazoba ibihano ivyarivyo vyose hanyuma idini ribeho kubera Imana yonyene gusa, rero nibareka kugira ivyo vyose ntikahabe ubwansi atari kubantu bahemukiye imitima yabo gusa

[194] Ukwezi gutagatifu kukwezi gutagatifu n’ibintu bitagatifu vyashiriweho ingere kuyindi, n’ababatera namwe nimubivune nkuko babateye, kandi mutinye Imana yanyu kandi mumenye yuko iri kumwe n’abayitinya

[195] Nimutange munzira y’Imana kandi ntimwite mumaboko yanyu mukwiyahura mugabo nimugire ineza, mu vy’ukuri Imana ikunda abagira ineza

[196] Nimukwize urwo rugendo rutagatifu rw’itiriwe IHidja na Umrat kubera Imana yonyene gusa, mugabo nimwa zitirirwa kugira izo ngendo nimworoheze ibikoko vyoroshe biboneka, kandi ntimwimweshe imishatsi y’imitwe yanyu kugeza aho ivyo bikoko bizoshikira kw’ibagiro ryavyo, n’uwuzoba asinzikajwe n’amagara muri mwembwe canke afise ibintu vyamushavujije biri k’umutwe wiwe n’atange indishi y’ukwisonzesha canke atange imperezwa, canke abage intungwa, nimwaba muri mumahoro, uwuzoba yanezerejwe mukugira cagisabisho kigufiya citiriwe Umrat hanyuma ahejeje aca akurikiza igisabisho c’iHidja, rero aca abaga intungwa imworoheye nayo uwutazoyironka nace yisonzesha imisi itatu nawe ari muri urwo rugendo rw’iHidja hamwe n’ukwisonzesha imisi indwi mugihe yaganutse murugo iwe, iyo rero n’imisi cumi izoba irumanye, ivyo rero nikuri wa muntu abiwe batari hafi y’isengero ritagatifu ry’iMakkat, rero nimutinye Imana yanyu kandi mumenye yuko Imana ikaze cane muguhana

[197] Urugendo rutagatifu rw’IHidja ruri mumezi azwi, rero uwipfuza kugira urwo rugengo rutagatifu rw’iHidja muri ayo mezi asabwe kutavuga amajambo mabi mabi, kandi ntagire ibikorwa bibi bibi kandi ntagire ibihari muri urwo rugendo arirwo rw’iHidja n’ivyiza mugira vyose Imana iba ibizi, rero nimwitwaze impamba mu vy’ukuri impamba nziza n’irya umuntu agira kugira ngo ntabe umusegerezi, kandi muntinye jewe kuri mwebwe mufise ubwenge

[198] Si bibi kuri mwebwe mugihe murondera ineza y’Umuremyi wanyu, mugihe muganutse muvuye k’umusozi wa Arafat ni muhayagize Imana kukimenyetso citiriwe Mash’ari l’haraam, kandi muyibuke nkuko yabarongoye, mu vy’ukuri aho hambere mwari mu bantu bazimiye

[199] Hanyuma mushunguruke muva ahantu bashungurukira abantu bose, kandi musabe imbabazi ku Mana, mu vy’ukuri Imana niyo ifise ikigongwe cinshi n’impuhwe zihagije

[200] Nimwarangiza ayo masengesho yanyu y’IHidja nimu takambire Imana yanyu nkuko mwamye mutakambira abavyeyi banyu, ahubwo nimuyi hayagize cane iyo Mana, kandi hari bamwe mu bantu bavuga bati:- Muremyi wacu nuduhe ngaha kw’Isi, nabo k’umusi w’imperuka ntaco bazoba bafise na gitoyi

[201] No muribo harimwo abavuga bati:- Muremyi wacu n’uduhe ineza ngaha kw’Isi hamwe n’ineza yo k’umusi w’imperuka, kandi udukingire n’ibihano vy’umuriro udahera

[202] Abo bantu nibo bazoronka ibice vyabo kubera ivyo bakoreye, n’Imana niyo ifise umwete w’uguharura

[203] Nimuyi hayagize Imana yanyu kuri ya misi iharuwe, mugabo k’umuntu yihuta kuri yamisi ibiri uyo ntagicumuro kizoba kiri kuriwe, n’uwutevye nawe ntagicumuro kizoba kiri kuriwe k’umuntu atinya Imana yiwe y’ukuri, rero nimutinye Imana yanyu kandi mumenye yuko mwebwe muzo koranywa mujanwa iwe

[204] No mu bantu harimwo abafise imvugo zinezereza ngaha kw’Isi, nabo bakemeza ku Mana kubiri mumitima yabo mugihe aribo bafitaniye amatati ahanitse cane kuribo

[205] Mugihe bagiye, bagenda hirya no hino ngaha kw’Isi kugira ubwononyi bwabo n’uguhonya ibiterwa hamwe n’imitima y’abantu, n’Imana ikaba idakunda ubwononyi

[206] Mugihe babwiwe ngo nimutinye Imana yanyu y’ukuri, imitima yabo ibatwara kure mukugira ivyo bicumuro, rero umuriro witiriwe Jahannamu urahagije kuribo, naho n’ahantu habi cane hateguriwe ikiremwa muntu

[207] Hari mubandi bantu bagurisha imitima yabo mugushaka iragi ry’Imana, n’Imana n’intungane kubaja biwe

[208] Mwebwe mwemeye Imana yanyu y’ukuri, nimwinjire mumategeko y’idini rya Isilamu uko angana yose, kandi ntimukurikire inyosha mbi za Shetani, mu vy’ukuri kuri mwebwe bantu n’umwansi wanyu ari k’umugaragaro

[209] Nimwahuba mumaze gushikirwa n’ivyemezo biri k’umugaragaro, mumenye yuko Imana ifise ubushobozi n’ubuhizi buhagije

[210] Hari ikindi barindiriye atari ugushikirwa n’ibihano vy’Imana biri mubitutu vy’ibicu nugushikirwa n’Abamarayika n’iryo jambo rihere burundu, n’ibintu vyose vyama bisubizwa ku Mana

[211] Nimubaze urwo ruvyaro rwa bene Israeri, n’ivyemezo bingahe biri k’umugaragaro twabahaye, rero uwuhindura imigisha y’Imana mugihe imaze kumushikira mu vy’ukuri Imana irakaze cane muguhana

[212] Barasharijwe abatemera Imana yabo y’ukuri mubuzima bwabo bwose bwo ngaha kw’isi, n’ukugirira akagayo aba Isilamu, nayo abatinya Imana yabo bimwe vy’ukuri nibo bazoba bari hejuru yabo k’umusi w’imperuka, n’Imana niyo iha imigisha k’uwo yishakiye batagiriraniye ibiharuro kanaka

[213] Abantu bose bari mw’idini rimwe, hanyuma Imana ibarungikira intumwa zayo zibashikiriza ubutumwa bwiza kuko bajejwe gutuza, hamwe n’ivyo vyose yarabamanuriye ibitabu bijanye n’ukuri kugira ngo bibacire imanza ziri hagati y’abantu muvyo batumvikanye ko, kandi ntibumvikanye kuri ivyo atari kuri barya bahawe ivyo bitabu bamaze gushikirwa n’ivyemezo biri k’umugaragaro kubera inzigo n’inzikira zari hagati yabo, ninaho Imana yarongoye abayemeye kugira k’ukuri kuri birya batumvikanyeko kw’itegeko ry’Imana, nayo Imana irongora uwo yishakiye kuja munzira igororotse

[214] Mwiyumvira yuko muzo kwinjira mw’ijuru mugihe mutara shikirwa n’akarorero kabamwe barengana imbere yanyu, kuko barasikiwe n’ingorane n’amagorwa hamwe n’ukujugumizwa cane kugeza naho intumwa z’Imana hamwe n’abemeye Imana yabo y’ukuri nabone baciye bavuga bati:- mbega intsinzi y’Imana izodushikira ryari? Mumenye yuko intsinzi y’Imana iri hafi cane

[215] Barakubaza mbega batange iki? Wewe vuga uti:- amatungo ayariyo yose muzotanga nimuyahe abavyeyi hamwe n’ababanyi n’impfuvyi hamwe n’aboro hamwe n’abari murugendo, n’ineza iyariyo yose mugira, Imana irabifitiye mwo ubumenyi buhagije

[216] Mutegetswe kugira ingwano kuko ari igikorwa gihambaye kuri mwebwe, nkumbure hari naho mwoshavuzwa n’ikintu naco kikaba ari ineza kuri mwebwe, canke hari naho mwokunda ikintu naco kikababera intabamyi kuri mwebwe, n’Imana niyo ifise ubumenyi bw’ibintu vyose namwe ntavyo muzi namba

[217] Barakubaza kubijanye n’ukurwana mumezi matagatifu, wewe n’uvuge uti:- kurwana muri ayo mezi n’igicumuro kininiya cane, kandi n’ukuzitira abantu mw’idini ry’Imana hamwe n’uguhakana Imana n’ukuzitirira abantu kuri iryo Sengero ritagatifu hamwe nukubakura mwo abari muri iryo sengero ritagatifu, n’igicumuro kininiya imbere y’Imana, hamwe n’ukuzitira abantu mw’idini ryabo ivyo n’ibintu bibi cane gusumba ubwicanyi, kandi ntibazoreka kurwana namwe kugeza aho bazobakura mw’idini ryanyu nibabishobora, n’abazo kwiyonjorora mw’idini ryanyu babishoboye n’abazo kwiyonjorora mw’idini ryabo muri mwebwe hanyuma bakitaba Umuremyi wabo nabo ari abahakanyi b’Imana abo bantu nibo ibikorwa vyabo bizoba vyononekaye kuri iy’Isi no k’umusi w’imperuka, kandi nibo bantu bo mumuriro udahera muriwo bazowuba mwo mubuzima bwabo bwose

[218] Mu y’ukuri bamwe bemeye Imana yabo y’ukuri hamwe n’abimutse nukurwanira munzira y’Imana, abo nibo bantu bizeye impuhwe z’Imana, n’Imana niyo ifise ikigongwe cinshi n’impuhwe zihagije

[219] Barakubaza kubijanye n’akaborerwe hamwe n’akamari, wewe vuga uti:- muri ivyo vyose harimwo ingaruka mbi cane n’akamaro kuri bamwe mubantu, mugabo ingaruka mbi cane niyo niniya gusumba akamaro kayo, kandi barakubaza ico botanga, wewe vuga uti:- nimu bibarengeye, uko rero niko Imana ibamenyesha amajambo yayo matagatifu kugira ngo mushobore kwiyumvira

[220] Kuri iy’Isi no mw’Ijuru barakubaza kubijanye n’impfuvyi, wewe vuga uti:- kubagirira ineza nivyo vyiza cane, rero nimwivangana nabo mumenye yuko ari bene wanyu n’Imana irazi umwononyi n’umugira ineza, niyo Imana ibishaka yari kubashira ahantu hatari umwumvikano mu vy’ukuri Imana niyo yonyene ifise ubushobozi n’ubuhizi buhagije

[221] Kandi ntimwubake izanyu n’abakenyezi bagereranya Imana n’ibindi bintu kugeza aho bazo kwemera Imana yabo y’ukuri, n’umushumvyi w’umupfasoni yemeye Imana yiwe y’ukuri uyo niwe mwiza gusumba uwidegemvya agereranya Imana n’ibindi bintu, naho yoba yabagomwe, kandi ntimuhe abagabo bagereranya Imana n’ibindi bintu abo bakenyezi baba Isilamu kazi kugeza aho bazo kwemera bimwe biboneka Imana yabo y’ukuri, n’umushumvyi yemeye Imana yiwe y’ukuri niwe mwiza gusumba uwidegemvya agereranya Imana yiwe n’ibindi bintu naho yobabera mwiza, abo bantu baba hamagarira mu muriro udahera, n’Imana iba hamagarira kuronka ijuru n’ikigongwe kw’itegeko ryayo, nayo ibabwira amajambo yayo matagatifu ku bantu kugira ngo bagume biyibuka

[222] Kandi barakubaza kuvyerekeye imihango y’abakenyezi, babwire yuko uwo ari umwanda rero nimutandukane nabo bakenyezi mugihe bari mumihango yabo, kandi ntimubegere kugeza aho bazo kwisukurira, nibaheza kwisukura niho murekuriwe kubatumbera munzira Imana yabategetse gucamwo mu vy’ukuri Imana ikunda abasaba ikigongwe kandi igakunda n’abisukuye

[223] Abakenyezi banyu kuri mwebwe nink’imirima yanyu, rero nimugendere iyo mirima yanyu nkuko mushaka, mugabo mutanguze imitima yanyu kandi mutinye Imana yanyu, kandi mumenye yuko muzohura n’Imana, kandi mubashikirize inkuru nziza y’abantu bemeye Imana yabo y’ukuri

[224] Kandi ntimugire indahiro zanyu kw’izina ry’Imana kugira ngo ibe ariyo mpamvu y’ukuba zitira n’ugutinya Imana n’uguhuza hagati y’abantu, n’Imana niyo yumva kandi niyo ifise ubumenyi buhagije

[225] Imana ntizobafata kubera indahiro zanyu ataco zimaze, ahubwo izobafata kuvyagizwe n’inguvu hamwe n’imitima yanyu, n’Imana niyo ifise ikigongwe cinshi kandi niyo ntungane cane

[226] Ku bantu barahira yuko bazotandukana n’abakenyezi babo, n’ukurindira kugeza kukiringo c’amezi ane, hanyuma nibasubiza hamwe, bamenye yuko Imana ifise ikigongwe cinshi n’impuhwe zihagije

[227] Nibafata ingingo z’ukwahukana Imana niyo yumva kandi niyo ifise ubumenyi buhagije

[228] N’abakenyezi bahukanye kubanega babo, nibarindire kugeza aho bazo kwisukurira kumihango yabo y’amezi atatu arangiye, kandi ntibarekuriwe kunyegeza imbanyi zabo bafise zaremwe n’Imana ziri munda zabo niba bemera Imana yabo y’ukuri hamwe n’umusi w’imperuka, nabo batambukanyi babo barafise uburenga nzira bw’ukubacura muri ico kiringo niba bagomba kugiriranira imbabazi, nabo bakenyezi barafise uburenga nzira bw’amategeko y’Imana nk’uburenga nzira buri kuribo z’ukubagirira abatambukanyi babo, nabo banega babo barafise iteka ntangere kubasumba, n’Imana niyo nyene ubushobozi n’ubuhizi buhagije

[229] Ukwahukana n’incuro zibiri gusa, hanyuma n’ukubana nuyo mukenyezi kuneza canke mukahukana nawe mumahoro, hanyuma n’ukubana nabo bakenyezi kuneza canke mukahukana nabo kuneza, kandi ntibirekuriwe n’amategeko kuri mwebwe gutwara icarico cose mwahaye abo bakenyezi banyu, dukuye abatinye muribo yuko batazo shobora guhagarika imbibe z’Imana, rero izo mbibe ntimuzirengeko, n’abazozirengako izo mbibe z’Imana abo nibo bazoba bahemukiye imitima yabo

[230] Yahukanye n’uwo mukenyezi ubugira gatatu, rero uyo mugabo ntarekuriwe n’amategeko kuriwe munyuma yaho kugeza aho azo kwubaka urwiwe k’uwundi mugabo mushasha, nuyo nawe ni yahukana nawe aho ntagicumuro kuribo cuko bosubirana babonye yuko bazohagarika imbibe z’Imana. Izi nizo mbibe z’Imana zimenyesha abantu bafise ubumenyi buhagije

[231] Nimwahukana nabo bakenyezi banyu, bagashika aho bamarira imihango yabo, rero nimuce mubacura kuneza canke mwahukane nabo kuneza nyene, kandi ntimubane nabo mukuba girira inabi hanyuma mugaca musimba kuri zambibe zagenywe n’amategeko y’Imana, rero uwuzogira gutyo amenye yuko yihemukiye wenyene, kandi ntimubifate minenerwe kuri aya majambo y’Imana matagatifu, kandi mwibuke imigisha y’Imana iri hejuru yanyu mukumanurirwa iyi Qur’ani ntagatifu hamwe n’ubundi bumenyi abatuzirako, rero nimutinye Imana yanyu kandi mumenye yuko Imana ifise ubumenyi bw’ibintu vyose

[232] Nimwahukana nabo bakenyezi banyu bagaca bamarira imihango yabo, ntimubazitire mukuja kwubaka izabo n’abandi bagabo mugihe hagati yabo bumvikanye kuneza yabo, rero uyo muntu atuzwa n’uwuri muri mwebwe yemera Imana yiwe y’ukuri hamwe n’umusi w’imperuka, ivyo navyo nivyo vyiza cane kuri mwebwe n’Imana niyo ifise ubumenyi mugabo mwebwe ntavyo muzi namba

[233] N’abakenyezi bibarutse nibonse ibibondo vyabo kukiringo c’imyaka ibiri ikwiye, k’uwushaka gukwiza uko kwonsa kwiwe, kandi ni hejuru ya Se w’ikibondo kubaronsa ibifungurwa n’impuzu zabo nkuko bitegekanijwe n’amategeko y’Imana, kandi s’ibihatagizwa k’umutima w’umuntu uwariwe wese atari k’urugero rwayo, umukenyezi ntashirwe mungorane kubera ikibondo ciwe, canke se w’umwana nawe ntagwe muri izo ngorane kubera ikibondo ciwe, ni hejuru y’uwasigiwe ibisigi nkuko nyene, nihaba kuri abo bavyeyi uko ari babiri bagomba kumukura kw’ibere baka vyemanga n’uguha nurana n’ukuja inama n’ingingo rero ntagicumuro kuribo, rero nimwaba mushaka guha ibibondo vyanyu uwundi muvyeyi yobonkereza ivyo bibondo ntagicumuro kuri mwebwe mutanze ico mwabemereye kubijanye n’amategeko y’Imana, kandi mutinye Imana yanyu, kandi mumenye yuko Imana ibona ivyo mugira vyose

[234] N’abitavye Umuremyi wabo muri mwebwe n’ugusiga abakenyezi babo, abo bakenyezi nibarindire amezi ane n’imisi cumi, bashikiye kuri ico kiringo cabo kuribo ntagicumuro kizoba kiri hejuru yanyu kuvyo bahora bagirira imitima yabo yemezwa n’amategeko, n’Imana niyo ifise inkuru z’ivyo muhora mugira vyose

[235] Kandi ntagicumuro kuri mwebwe mugihe mutwaye inkuru z’ugukwa ataco mwitwajije mugapfa kukigereranya gusa mukwubaka izanyu nabo bakenyezi canke mugushira kumizirikanyi yanyu ico cipfuzo, n’Imana niyo ifise ubumenyi yuko mwebwe muzo bibuka mugabo ntimugiriranire nabo amasezerano yomumbari mugabo muvugane nabo amajambo meza, kandi ntimwipfuze kwubaka izanyu nabo kugeza kugihe canditswe kigere kumpera yaco, kandi mumenye yuko Imana ifise ubumenyi bw’ibiri mumishaha yanyu, rero nimuyitinye kandi mumenye yuko Imana ifise ikigongwe cinshi kandi ari intungane cane

[236] Kandi s’igicumuro kuri mwebwe mubahaye abo bakenyezi banyu kubijanye nuko kwahukana kwanyu nabo mutarahuza nabo ibitsina, canke mutara bamenyesha icese agashimwe kabo, mugabo nimubahe icoba nezereza, k’uwufise uburyo bukwiye atange ubwo buryo ashoboye, n’uwudafise ico atanga nawe n’atange kuri ubwo buryo nyene afise, n’ubwo buryo bubeho niko amategeko abivuga, uko rero niko kuba ari ngombwa kubagira ineza

[237] Nimwahukana nabo bakenyezi imbere yuko muhuza nabo ibitsina kandi mukaba mwaramaze kubatangira ubwo bushimwe bwabo rero nimugabure ako gashimwe nkuko mwasezeranye nabo dukuyemwo abo bapfasoni biyankiye kwakira ako gashimwe kubwabo, canke uyo mugabo ukugira ubugeni bwiwe buri muminwe yiwe akirekura n’ukurekuriranira niko kwiyegereza cane kw’umuntu ku Mana yiwe kandi ntimwibagire kugira ineza hagati yanyu, mu vy’ukuri Imana irabona ivyo mugira vyose

[238] Nimubungabunge amasengesho yose mugira, na cane cane ca gisabisho kiri hagati na hagati, kandi muhagarare n’ubwitonzi ntangere mugusenga Imana yanyu y’ukuri

[239] Nimwaba mufise ubwoba, namwe mugenda n’amaguru canke muri hejuru y’ibikoko namwe muri mumutekano ntangere, nimwibuke Imana yanyu nkuko yabigishije kuvyo mutari muzi na gatoyi

[240] N’abitaba Imana yabo muri mwebwe bagasiga abakenyezi niba basigire iragi kubera abo bakenyezi babo kugira ngo baronke imfashanyo y’umwaka umwe badakuwe mumazu barimwo, nibasohoka abo bakenyezi muri ayo mazu barimwo sibibi kuri mwebwe kuvyo bagize biturutse kumitima yabo yonyene mugukurikiza amategeko y’Imana, nayo niyo ifise ubushobozi hamwe n’ubuhizi buhagije

[241] N’abakenyezi bahukanye nibahabwe ico bafasha kuburyo bwiza buvurwa n’amategeko, rero ningombwa kubantu batinya Imana yabo y’ukuri

[242] Uko rero niko Imana ibimenyesha mumajambo yayo matagatifu kugira ngo mutegere neza

[243] Ntiwumvise bamwe basohorwa mumazu yabo nabo bari ibihumbi n’ibihumbi batinya urupfu, Imana ica ibabwira iti:- nimupfe, hanyuma ica irabazura, mu vy’ukuri Imana niyo nyene imihezagiro iri hejuru y’abantu bose, mugabo abantu benshi ntibashima nagatoyi

[244] Nimurwanire munzira y’Imana, kandi mumenye yuko ariyo yumva kandi ifise ubumenyi bw’ibintu vyose

[245] Ni nde muri mwebwe azomanyurira Imana ikimanyu ciza kugira ngo Imana imwongereze umusesekara mwinshi, n’Imana niyo ikingira kandi niyo itanga kandi n’iwe niyo muzosubizwayo mwese

[246] Ntiwumvise inkuru z’abategetsi babene Israeri munyuma y’intumwa y’Imana Mussa (iii) mugihe babwira intumwa yabo bati:- dushirireho umwami kugira ngo turwanire munzira y’Imana, nawe abishura ati:- ntivyumvikana yuko mutazorwana nimutandikirwa kurwana, nabo bishura bati:- bishoboka gute tutarwaniye munzira y’Imana, mugihe twirukanywe mumazu yacu hamwe n’ibibondo vyacu, rero mugihe bandikirwa kurwana baciye bahinduka dukuyemwo bakeyi gusa muribo, n’Imana niyo ibazi cane abo bahemu bahemukiye imitima yabo

[247] Niyo ntumwa yabo yababwiye iti:- Imana yabatoreye uwitwa Twaluti ngo ababere umwami wanyu, nabo bishura bati:- nigute azoba afise ubwami hejuru yacu natwe aritwe dukwiwe kuronka ubwo bwami gusumba we nawe akaba atahawe amatungo akwiye, nawe yabishuye ati:- Imana niyo yamutoye hejuru yanyu kandi Imana ikaba ariyo yamwongereje amaronko hamwe n’ubumenyi buhagije hamwe no k’umubiri, n’Imana niyo iha ubwami bwayo kuwo yishakiye, kandi niyo nyene amaronko n’ubumenyi buhagije

[248] N’intumwa yabo yababwiye iti:- ikimenyetso c’ubwo bwami bwiwe nuko muzoshikirwa n’isandugu ririmwo ihumurizo ry’imitima yanyu, rivuye k’Umuremyi wanyu hamwe n’ibisigarira vyasizwe n’abantu b’intumwa y’Imana Mussa (iii) hamwe nab’intumwa y’Imana Haruna (iii) rikaba rireruwe n’Abamarayika, ntankeka muri ivyo vyose harimwo ivyemezo kuri mwebwe nimwaba mwemera bimwe vy’ukuri

[249] Mugihe Twaluti yagenda n’ingabo ziwe yavuze ati:- Imana izobaha ibibazo biturutse k’uruzi, rero uwuzonywa kuri ayo madahurwa y’urwo ruzi ntazoba ari kumwe nanje, n’uwutazonywa kuri ayo madahurwa niwe azoba ari kumwe nanje, dukuyemwo uwuzodaha amadahurwa makeyi akuzuza urushi rw’ukuboko kwiwe, mugabo muribo barayanyoye dukuyemwo bakeyi muribo, rero mugihe yajabuka ayo mazi ari kumwe n’abemeye Imana yabo y’ukuri baciye bavuga bati:- uno musi uri hejuru ntitumu shobora Jaluti hamwe n’ingabo ziwe, nabo baca bishura bamwe bemeye Imana yabo y’ukuri n’uguhura n’Umuremyi wabo bavuze bati:- n’imirwi ingahe kandi mito mito yatsinze imirwi mininiya kw’itegeko ry’Imana, n’Imana ikaba iri kumwe n’abantu bihangana

[250] Mugihe bashaka gutana mumitwe na Jaluti n’ingabo ziwe abo kwa Jaluti baciye bavuga bati:- Muremyi wacu, n’udushungurire ukwihangana kandi udutsimbatarize amaguru yacu kandi udufashe hejuru yaba bantu batemera Imana yabo y’ukuri

[251] Hanyuma baciye batana mumitwe n’ingoga na ningoga kw’itegeko ry’Imana, intumwa y’Imana Daudi (iii) ica yica Jaluti, n’Imana ica imuha intumwa y’Imana Daudi (iii) ubwami n’ubuhizi n’uguca imwigisha ivyo yishakiye, iyo Imana idakingira abantu bamwe kubandi mu vy’ukuri Isi yari kwononekara, mugabo Imana niyo nyene imigisha iri hejuru y’ibiremwa vyiwe vyose

[252] Aya n’amajambo y’Imana matagatifu tugusomera kandi na y’ukuri kandi ntankeka wewe uri muntumwa z’Imana

[253] Za ntumwa z’Imana ntagatifu twarazihaye iteka n’itekane gusumba izindi, murizo harimwo izo Imana yavuganye nazo, n’izindi yadugije iteka ry’ubutegetsi buniniya cane, n’intumwa y’Imana Issa mwene Mariyamu (iii) tumuha ivyemezo biri k’umugaragaro n’ukumuha ubushobozi bw’umutima mutagatifu, iyo Imana ibishaka ntibari kurwana bamwe bari munyuma yabo mugihe bari bamaze gushikirwa n’ivyemezo biri k’umugaragaro, mugabo baracanyemwo, rero harimwo muribo bemeye Imana yabo y’ukuri, n’abandi muribo baciye bahakana Imana yabo y’ukuri, rero iyo Imana ibishaka ntibari kurwana mugabo Imana igira uko yishakiye

[254] Mwebwe mwemeye Imana yanyu y’ukuri, nimutange muvyo twabahaye imbere yuko mutarashikirwa n’umusi utazoba ufise ico umuntu yikomboza, canke ubugenzi canke ubusabizi, n’abahakanye Imana yabo y’ukuri nabo nibo bahemukiye imitima yabo bimwe vy’ukuri

[255] Imana, ntayindi Mana atariyo yonyene gusa, niyo ifise ubuzima bw’uguhagarikira ibintu vyose, uguhunywikira ntikumukorako canke ukuryama, n’ivyiwe ibiri mumajuru yose hamwe n’ibiri kw’Isi vyose ni rwiwe, none ni nde ashoboye gusabira imbere yiwe ata tegeko ryiwe, niyo afise ubumenyi bw’ibiri imbere yabo n’ibiri inyuma yabo, kandi ntanakimwe bazi m’ubumenyi bwayo atari kuco yishakiye yonyene, n’inyegamo yayo ikwiye mumajuru yose no kw’Isi, kandi n’ukubikingira ivyo vyose ntikuyinaniye nayo niyo iri hejuru kandi niyo nkuru

[256] Ntagahato kubijanye n’idini, uburongozi buramaze kwiserura hamwe n’ubuzimire, rero uwanse gukurikira Shetani n’ukwemera Imana yiwe y’ukuri, ntankeka azoba yafashe kukirindi c’ubushobozi kitavunika, n’Imana niyo yumva kandi niyo ifise ubumenyi buhagije

[257] Imana niyo ikingira bamwe bayemeye bimwe vy’ukuri, kuko niyo ibakura mumwijima n’ukubinjiza mumuco wayo, mugabo abahakanye Imana yabo yukuri, ababakingira muvyabo n’amashetani, kuko niyo ibakura mu muco w’Imana ikabinjiza mumwijima, abo nibo bantu bomumuriro udahera, kuko muriwo niho hazoba ubwicaro bwabo bwa misi yose

[258] Ntiwumvise umwe yaharira n’intumwa y’Imana Ibrahimu (iii) kubijanye n’Umuremyi wiwe, kuko Imana yamuhaye ubwami, mugihe intumwa y’Imana Ibrahimu (iii) yavuga iti:- Umuremyi wanje n’urya arema agatako akica, nawe aca avuga ati:- nanje ndarema nk’ica, Intumwa y’Imana Ibrahimu (iii) nayo ica ivuga iti:- Imana niyo iserura izuba m’ubuseruko bwaryo rero nawe n’uriserure m’uburengera zuba bwaryo, wamuntu aca arateterwa umwe mubahakanyi b’Imana yiwe y’ukuri, n’Imana ntirongora abantu bahemukira imitima yabo

[259] Canke nk’urya yaciye hambavu y’igisagara cari carapfuye aca avuga ati:- mbega Imana izosubiza gute ubuzima bw’iki gisagara capfuye? Imana yaciye imwica kukiringo c’imyaka ijana, hanyuma ica iramuzura n’ukumubaza iti:- iyo wari uri wahamazeyo ikiringo kingana gute? Nawe amwishura ati:- nahamaze yo umusi umwe wonyene canke igice cawo gusa, ica imubwira iti:- wewe uhabayeyo imyaka ijana, nawe n’urabe kubifungurwa vyawe hamwe n’ibinyobwa vyawe ntivyononekaye, kandi urabe n’indogobwe yawe kugira ngo tukugire wewe kuba ari icemezo ku bantu, kandi urabe n’amagufa yayo ingene tuyaterura n’ingene tuyambika inyama, rero mugihe vyamenyekana gutyo yaciye avuga ati:- ndazi neza yuko Imana ifise ubushobozi buri hejuru y’ibintu vyose

[260] N’intumwa y’Imana Ibrahimu (iii) mugihe yavuga iti:- Muremyi wanje, n’unyereke ingene uzozura abantu, Imana imwishura iti:- mbega wewe ntiwemera? Nawe yishura ati:- oya! Jewe ndemera, mugabo nuko nagomba yuko umutima wanje worema, Imana imwishura iti:- nufate inyoni zine uzimenyereze neza kuri wewe hanyuma uzishire hejuru y’umusozi umw’umwe hanyuma uce uzihamagara, uzoca ubona ziza n’ingoga na n’ingoga, uce umenya yuko Imana ifise ubushobozi n’ubuhizi buhagije

[261] Akarorero nink’abatanga amatungo yabo munzira y’Imana, akarorero kabo nink’urutete rumwe rwaseruye amashami indwi, hakaba kw’ishami rimwe hari intete ijana, n’Imana yongereza kuwo yishakiye nayo niyo nyene umwanya muniniya nanyene ubumenyi buhagije

[262] Na bamwe batanga amatungo yabo munzira y’Imana hanyuma ntibakurikize kuvyo batanze haba mungorane canke mumananiza abo bantu barafise impembo zabo k’Umuremyi wabo, kandi ntabwoba bazoba bafise kuribo kandi ntibazoteterwa

[263] Imvugo nziza hamwe n’ukugira ikigongwe nivyiza gusumba imperezwa ikurikirana mwo n’amananiza, n’Imana niyo nyene amatungo kandi niyo ntungane

[264] Mwebwe mwemeye Imana yanyu y’ukuri, ntimwonone imperezwa zanyu kubera ingorane zanyu hamwe n’amananiza nk’umwe atanga amatungo yiwe mukwereka abantu nawe akaba atemera Imana yiwe y’ukuri canke umusi w’imperuka rero uko ameze uyo muntu nink’umusozi hejuru yawo hariho ivu, hanyuma ugashikirwa n’imvura nyinshi cane ikawusiga ugaragara, rero ntabushobozi bafise ubwaribwo bwose muvyo bimbuye vyose, n’Imana ntirongora abahakanyi b’Imana

[265] N’akarorero kabamwe batanga amatungo yabo barondera impuhwe z’Imana hamwe nugutsimbataza imitima yabo, ni nk’akarorero k’umurima uri hejuru washikirwa n’imvura nyinshi hanyuma ukazana ibiterwa vyayo incuro zibiri n’izirenga, rero iyo mvura idashikiwe n’imvura nyinshi niyo nkeya irahagiza, n’Imana niyo ibona ivyo mugira vyose

[266] Mbega umwe muri mwebwe aranezerezwa n’ukuba afise umurima w’ibiti vy’imitende hamwe n’ibiti vy’imizabibu icamwo inzuzi imbere yiwe, nawe muri iyo mirima akaba ayironkeramwo ivyimburwa vy’ubwoko bwose, yashikirwa n’ubusaza nawe afise ibibondo bidakomeye, mumwanya hagaca haduka igihuhusi c’umucanwa kigaca gishikira wamurima ugaca usha ugatokombera, uko rero niko Imana ibi garagaza mu majambo yayo matagatifu kugira ngo mushobore kwiyumvira

[267] Mwebwe mwemeye Imana yanyu y’ukuri, nimutange muri birya vyiza mwasoromye hamwe nivyo twabakuriye kw’Isi, kandi ntimwipfuze gutanga ibintu bibi mugihe kubwanyu mubihawe mudashobora kuvyakira kiretse nahone mutabiravye uko bimeze, rero nimumenye yuko Imana ifise amatungo kandi ihayagizwa hose

[268] Shetani ibakangisha kubijanye n’ubukene nukuba tegeka kuba ingumyi, n’Imana ibemerera ikigongwe kivuye kuriyo n’ineza yayo, nayo niyo yagutse cane kandi niyo ifise ubumenyi buhagije

[269] Itanga ubuhizi kuwo yishakiye, n’uwahawe ubwo buhizi ntankeka aba yahawe ineza nyinshi, mugabo ntibibuka atari abafise ubwenge buhagije

[270] Nivyo mutanga vyose canke ivyo mwipfuza kugira ngo mumenye yuko Imana ibizi vyose, n’abahemukiye imitima yabo ntibazoronka abafasha babo

[271] Nimwatanga imperezwa zanyu k’umugaragaro nivyo vyiza, kandi nimwatanga mumwiherero n’ukubaha abatishoboye, ivyo navyo nivyo vyiza gusumba kuri mwebwe, n’Imana izobakurira amabi yanyu, nayo niyo ifise inkuru z’ivyo mugira vyose

[272] Sikuri wewe kubarongora mugabo Imana yonyene niyo irongora uwo yishakiye, n’amatungo ayariyo yose muzotanga n’ukubera imitima yanyu, kandi ntimutange ayo matungo yanyu atari ukorondera impuhwe z’Imana, n’amatungo ayariyo yose muzotanga muzoyasubizwa akwiye, kandi ntimuzo hemukirwa

[273] Abatishoboye bazitiriwe mu nzira z’Imana mubadashoboye kuja kurondera icorirenza kw’Isi, uwutabazi uko bamerewe umengo n’abakire kubera ukwigumya kwabo kandi uzobamenya, kubimenyetso vyabo, kuko ntibasega abantu kugahato, n’amatungo yose mutanga mu vy’ukuri Imana niyo ibifitiye ubumenyi

[274] Bamwe batanga amatungo yabo ijoro n’umutaga mumpisho no k’umugaragaro abo bantu barafise impembo k’Umuremyi wabo, kandi ntabwoba bazoba bafise kandi ntibazo teterezwa

[275] Bamwe barya amatungo y’umurengero ntibahagarara atari nkakumwe ahagarara umwe yahahamuyena na Sheteni nk’ibisazi, ivyo vyose nuko bavuze bati:- ibidandazwa vyose ni nk’umurengero mugihe Imana yabirekuriye kumategeko yayo hamwe n’ukubuza kuri ivyo bidandazwa kubera umurengero wavyo, rero uwashikiwe n’ubutumwa buvuye k’Umuremyi wiwe, hanyuma akigumya kuri ivyo, azoba yemerewe kuvy’akahise kuriwe n’urubanza rwiwe ruzoba ruri ku Mana yiwe, mugabo bamwe bagaruka kurya kuri y’amatungo y’umurengero, nuko abo bantu aribo bantu bo mumuriro udahera, bakazowuba mwo m’ubuzima bwabo bwose

[276] Imana niyo ihanagura amatungo y’umurengero n’ukuyashira mwo imihezagiro y’amatungo atangwa kumperezwa, n’Imana ntikunda umuhakanyi uwariwe wese agira ibicumuro

[277] Mu vy’ukuri bamwe bemeye Imana yabo y’ukuri n’ukugira ibikorwa vyiza n’uguhagarika amasengesho nugutanga imperezwa zabo, abo bantu bazoronka impembo zabo ku Muremyi wabo kandi ntabwoba buzoba buri kuribo kandi ntibazo teterezwa

[278] Mwebwe mwemeye Imana yanyu y’ukuri, nimutinye Imana yanyu y’ukuri, kandi mureke muvyasigaye mumatungo y’umurengero nimwaba mwemera Imana yanyu y’ukuri

[279] Nimuta reka kugira gutyo mumenye yuko muzoba mufise ingwano n’Imana hamwe n’intumwa yayo, nimwaba mwarasavye ikigongwe muzoronka amatungo yanyu, mugabo ntimuhemuke kandi ntimuhemukirwe

[280] Niyaba ari mungorane n’arorere kugeza aho azoronkera uburyo niyaba mwebwe muzotangirako imperezwa bizoba ari vyiza kuri mwebwe ni mwaba mufise ubwo bumenyi

[281] Nimutinye uwo musi muzosubizwa ku Mana yanyu, hanyuma ibiremwa vyose bizo shumbushwa bimwe bikwiye kuvyo basoromye, kandi ntibazo hemukirwa

[282] Mwebwe mwemeye Imana yanyu y’ukuri, mugihe muhana hanye imyenda kugihe categekanijwe, ni mwandikirane n’umwanditsi yandike ari hagati yanyu kandi ari umunyakuri, nuyo mwanditsi ntiyanke kwandika nkuko Imana yabimwigishije nawe ace yandika uko nyene. Kandi avuge amajambo ari hejuru yiwe y’ukuri, kandi atinye Imana ariyo Muremyi wiwe, kandi ntagabanye icarico cose murivyo, ni haba hejuru yiwe ahafitiye ukuri nawe akaba adakomeye neza mumubiri canke atishoboye canke adashoboye kwandikisha kubwiwe, rero nihandikishe icegera ciwe c’ukuri kandi habe ivyabona bibiri mubantu banyu b’abagabo, mugabo nihata boneka abo bagabo babiri nihaboneke umugabo umwe hamwe n’abakenyezi babiri mubo mwemera kuba arivyo vyabona vyanyu vy’ukuri, kubera yuko umwe muribo ahuvye, uwundi nawe ace yibutsa uwundi, n’ivyabona ntivyanke mugihe bahamagawe, kandi ntimubifate minenerwe mu kwandika iryo deni ryaba rito canke rininiya kugeza kugihe caryo, ivyo nivyo vyiza imbere y’Imana, kandi bikaba bikomeye cane kuvyabona, kandi bigatuma muta giriranira amakenga, mugabo bibaye ibidandazwa biboneka kandi muhana hana hagati yanyu ivyo sibibi kuri mwebwe naho muto kwandikirana, kandi nimube ivyabona mugihe c’ubuguzi kandi wamwanditsi ntagwe mumporero canke icabona, ni mwagira gutyo iryo rizoba ari ikosa kuri mwebwe, kandi mutinye Imana yanyu kuko niyo ibigisha, kandi niyo nyene ubumenyi bw’ibintu vyose

[283] Nimwaba muri murugendo mukaba mutaronse umwanditsi, n’ahabwe iyo ngwati ibe mumaboko yiwe, nihaba umwe muri mwebwe yahawe ikintu aziganya na mugenzi wiwe, rero uyo yemerewe na mugenzi wiwe nasubize ivyo yahawe vy’ukuziganya, kandi atinye Imana yiwe ariwe Muremyi wiwe, kandi ntimunyegeze ivyabona, nayo uwuzonyegeza icabona mu vy’ukuri umutima wiwe uzoba winjiye mubicumuro, n’Imana niyo ifise ubumenyi bw’ivyo mugira vyose

[284] Ibiri mu Majuru hamwe no kw’Isi, vyose ni vy’Imana, rero nimwaserura ibiri mumitima yanyu canke mukabinyegeza, Imana izobasaba ibiharuro bw’ivyo mwagize vyose, hanyuma ize igirire ikigongwe kuwo yishakiye canke ihane kuwo yishakiye, n’Imana niyo nyene ubushobozi buri hejuru y’ibintu vyose

[285] Yaremeye intumwa y’Imana ivyamanuriwe kuriwe bivuye ku Muremyi wiwe hamwe naba Isilamu bose bemeye mana yabo y’ukuri hamwe n’Abamarayika bayo n’ibitabu vyayo hamwe n’intumwa zayo, natwe ntidutandukisha hagati y’uwariwe wese muntumwa z’Imana zayo, kandi bama bavuga:- turumvise kandi twagamburutse kandi turagusavye ikigongwe wewe Muremyi wacu, n’ingaruka rya twese riri iwawe

[286] Imana rugira vyose ntihatagiza umutima w’umuntu uwariwe wese atari kubijanye n’ubushobozi bwawo, ivyo uwo mutima wasoromye nirwawo, n’uruhombo rw’ivyo wasoromye biri hejuru yawo, Muremyi wacu ntuduhane nitwaba twaribagiye, canke nitwaba twagize amakosa, Muremyi wacu ntutwikoreze amananiza nkuko wikoreje abamyeho aho hambere yacu, Muremyi wacu ntutwikoreze ivyo tudashobora, kandi utugirire ikigongwe kandi ubidu hanagurire kandi uduhe n’impuhwe zawe, ni wewe udukingiye, rero n’udufashe hejuru y’abantu bata kwemera

[1] Alif, Laam, Miiym. (Insiguro yizi ndome hamwe n’uwufise ubumenyi bwazo n’Imana yonyene gusa)

[2] Imana ntayindi itegerezwa gusengwa bimwe vy’ukuri atariyo yonyene gusa, ikaba ariyo iyobora ibintu vyose

[3] Niyo yabamanuriye igitabu bimwe vy’ukuri cemeza ivyabaye imbere yiwe, nayo niyo yamanuye igitabu ca Taurati hamwe n’igitabu c’Injili

[4] Aho hambere kugira ngo habe uburongozi ku bantu Imana yaciye imanura ibindi bitabu vy’ugutandukanya hagati y’ukuri n’ibinyoma, mu vy’ukuri bamwe bahakanye aya majambo y’Imana matagatifu bazoba bafise ibihano bikaze cane, n’Imana niyo nyene ubushobozi bukwiye hamwe n’ukwihora

[5] Ntankeka ku Mana ntacinyegeza icarico cose kibaho haba ng’aha kw’isi canke mw’Ijuru

[6] Niyo ibagirira amashusho mukiri mumbanyi nkuko ibishaka, kandi ntawundi asengwa atari Imana yonyene rudende gusa, kuko niyo yonyene ifise ubushobozi n’ubuhizi buhagije

[7] Niyo yabamanuriye igitabu murico harimwo amajambo y’Imana yoroshe mukwumvikana kwayo kandi ukaba ariwo mushingi w’intango w’ico gitabu ceranda, hakaba hariho n’ayandi majambo y’Imana matagatifu agomba gusa n’ayandi, na bamwe mu mitima yabo harimwo ubuzimire bagakurikira bimwe bifise amakenga kugira ngo bonone abantu n’ukumenya ukuri kwavyo ingene kumeze, kandi ntan’umwe azi uko kuri ingene kumeze atari Imana yonyene gusa, na bamwe bagize ubushaka shatsi bw’ubumenyi bama bavuga abati:- twebwe turavyemeye yuko vyose bivuye ku Mana yacu, mugabo ntibibuka atari abafise ubwenge

[8] Muremyi wacu ntutakaze imitima yacu mugihe wamaze kuturongora, kandi uduhe n’imihezagiro ivuye kuri wewe, mu vy’ukuri ni wewe mutanzi mukuru

[9] Muremyi wacu, ni wewe uzokoranya abantu bose kuri wa musi udafise amakenga, mu vy’ukuri Imana ntita indagano yayo

[10] Muremyi wacu bamwe bahakanye Imana yabo y’ukuri, amatungo yabo ntaco azobamarira canke ibibondo vyabo n’ikintu na gitoyi imbere y’Imana, n’abo bantu nizo nkwi zo mumuriro udahera

[11] Ni nk’ingendo z’abantu bo kwa Fir’auni hamwe n’abamyeho imbere yabo bahakanye amajambo y’Imana matagatifu, kuri ivyo Imana yarabahaye ibihano kubera ibicumuro vyabo, n’Imana irakaze cane muguhana

[12] Babwire ba bahakanyi b’Imana yuko ubu vuba muzotsindwa hanyuma muzo kwegeranywa mwese mutabwe mumuriro udahera witiriwe Jahannamu, naho n’ubwicaro bubi cane

[13] Mu vy’ukuri harabonetse ikimenyetso kininiya kuri ya mirwi ibiri yatana mumitwe, umurwi umwe wararwanira munzira y’Imana, n’uwundi nawo utemera Imana yawo y’ukuri waciwe ubonwa n’aba Isilamu aribo benshi kubasumba incuro zibiri mukubona kw’amaso yabo, n’Imana niyo iha inguvu n’irokorwa ryayo kuwo yishakiye, mu vy’ukuri muri ibi vyose harimwo ibitekerezo kubantu binca bwenge

[14] Abantu barashizwe mwo urukundo rw’ugukunda abakenyezi hamwe n’ibibondo hamwe n’amatu y’inzahabu n’imyakaka hamwe n’ifarasi zorowe neza hamwe n’ibikoko n’imirima, n’ivyo vyose n’ibikoresho vy’ubuzima bwo ngaha kw’isi, no ku Mana niho hari ingaruka nziza

[15] Vuga uti:- ndababwire ibintu vyiza gusumba ivyo? Kubera abahayagiza Imana yabo y’ukuri, nuko hari imirima iri kumuremyi wabo haca imbere yawe imyonga, bakazobamwo mu buzima bwabo bwose hamwe n’abakenyezi babo bisukuye neza n’amabi yose, bakaba bafise n’iragi ry’Imana, nayo niyo ibona ibiremwa vyayo vyose

[16] Abavuga bati:- Muremyi wacu, mu vy’ukuri twebwe turemeye bimwe bivuye kumizirikanyi yacu, ahubwo nuduhanagurire ibicumuro vyacu kandi udukingire n’ibihano vyo mumuriro udahera

[17] Abihangana hamwe n’abavugisha ukuri, hamwe n’abagamburutsi hamwe n’abatanga imperezwa zabo hamwe n’abasaba imbabazi imbere y’igihe co mumutwenzi

[18] Imana niyo yabaye icabona yuko ata yindi Mana ikwiwe gusengwa bimwe vy’ukuri atariyo yonyene gusa, hamwe n’Abamarayika n’abafise ubumenyi buhagije, kandi niyo ihagarikiye ukuri kwama, rero ntayindi Mana ikwiwe gusengwa atariyo yonyene gusa kuko niyo ifise ubushobozi n’ubuhizi buhagije

[19] Ntankeka idini ry’ukuri imbere y’Imana n’idini rya Isilamu, nayo abahawe igitabu ntibacanyemwo atari uko munyuma bashikiwe n’ubumenyi kubera inzigo zari hagati yabo, n’uwuhakana amajambo y’Imana matagatifu amenye yuko Imana ifise umwete uhagije w’uguharura

[20] Abo bahakanyi b’Imana niba kubaza wewe n’ubishure uvuga uti:- jewe ntumbereje amaso yanje ku Mana hamwe n’abankukurikiye bose, kandi ubabwire bamwe bahawe igitabu hamwe n’abadafise ubumenyi uti:- mbega mwarishikanye ku Mana, niba barishikanye ku Mana bazoba barokotse, mugabo nibahakana nikuri wewe gushikana ubwo butumwa bwawe gusa, n’Imana irababona abantu bayo bose

[21] Bamwe bahakana amajambo y’Imana matagatifu bagatako bakica n’intumwa z’Imana atamvo nyakuri bafise, bagatako bakica abantu bategeka gushikiriza ibintu vy’ukuri nimu bashikirize inkuru z’ibihano bikaze cane

[22] Abo bantu nibo ibikorwa vyabo vyononekariye ngaha kw’Isi no mw’Ijuru, nabo ntibazo kwigera baronka abafasha

[23] Ntubabona bamwe bahawe igice c’igitabu c’Imana gitagatifu bagahamagarirwa kuki genderako ico gitabu c’Imana gitagatifu kugira ngo kibacire urubanza rw’ukuri ruri hagati yabo, hanyuma umurwi umwe muriwo warahakanye, nabo n’abazo guma bari abahakanyi b’Imana gusa

[24] Ivyo vyose n’ukubera yuko bavuze bati:- twebwe ntituzo korwako n’umuriro atari kumisi mikeyi gusa, hanyuma bahendwa n’ibiri mw’idini ryabo kuvyo bahora badukana navyo

[25] None bizoba gute k’umusi tuzobegeranya ariwo musi udafise amakenga mugushika kwawo, n’umutima wumw’umwe wese uzorihwa bimwe bikwiye kuvyo wakoze, nabo ntibazo hemukirwa namba

[26] Vuga uti:- ewe Muremyi wanje, ni wewe ufise inganji y’ubwami bwose, uha ubwo bwami bwawe kuwo wishakiye kandi ugakura ko ubwo bwami kuwo wishakiye, kandi ugaha iteka kuwo wishakiye, kandi ugakengereza uwo wishakiye, imigisha iri mukuboko kwawe, ntankeka ni wewe ufise ubushobozi buri hejuru y’ibintu vyose

[27] Niwewe winjiza ijoro mu mutaga, n’ukwinjiza umurango mw’ijoro, hanyuma ugakura uwuri muzima muri wa muntu ata buzima afise, hanyuma ugakura umuntu yasandavye muri wa muntu afise ubuzima, hanyuma ugaha imigisha kuwo wishakiye mutarinze kugiriranira nayo ibiharuro

[28] Abemeye Imana yabo y’ukuri, ntibabagire abatemera Imana yabo y’ukuri kuba ari abagenzi babo nayo uwuzogira gutyo, uwo muntu ntaco azoba afise imbere y’Imana, mugabo kubera ukwirinda n’ishari ry’abo bantu, n’Imana irabakebura n’ibihano vyayo n’ingaruka ya vyose ni ku Mana

[29] Vuga uti:- nimwa nyegeza ibiri mubikiriza vyanyu canke nimwa biserura, mumenye yuko Imana ibizi kandi ikaba ifise ubumenyi bw’ibiri mu Majuru yose hamwe no kw’Isi, n’Imana niyo ifise ubushobozi buri hejuru y’ibintu vyose

[30] Umusi waho umutima w’umuntu uzosanga ivyo wakoze biri k’umugaragaro, hamwe n’amabi yose wakoze, uwo mutima uzosaba yuko iyo haba urugendo rurerure ruri hagati yayo mabi yose hamwe nawe, n’Imana irabagabisha n’ibihano vyayo, kandi n’intungane ku bantu bayo bose

[31] Vuga uti:- ni mwaba mwebwe mukunda Imana yanyu y’ukuri ni munkurikire, Imana izo bakunda kandi izoba hanagurira ibicumuro vyanyu, nayo niyo nyene ikigongwe hamwe n’imigisha ihagije

[32] Vuga uti:- nimu gamburukire Imana yanyu y’ukuri hamwe n’intumwa yayo nimwa hakana naho mumenye yuko Imana idakunda abahakanyi b’Imana

[33] Mu vy’ukuri Imana niyo yitoreye intumwa y’Imana Adamu (iii) hamwe n’intumwa y’Imana Nuhu (iii) hamwe n’uruvyaro rw’intumwa y’Imana Ibrahimu (iii) hamwe n’uruvyaro rw’intumwa y’Imana Imrani (iii) ngo rube hejuru y’ibiremwa vyose

[34] Hamwe n’uruvyaro rwabo nyene kuribo, n’Imana niyo yumva kandi niyo ifise ubumenyi buhagije

[35] Mugihe yavuga umukenyezi w’intumwa y’Imana Imrani (iii) ati:- Muremyi wanje, jewe nagize icipfuzo kuri wewe n’ikiri munda yanje kuba ari ishikanwa, rero n’unyemerere igisabisho canje, ntankeka ni wewe wumva kandi ni wewe nyene ubumenyi buhagije

[36] Rero mugihe yibaruka yaciye avuga ati:- Muremyi wanje, jewe nibarutse ikibondo c’umwana w’umukobwa, n’Imana niyo ifise ubumenyi buhagije bw’ukumenya ico kibondo yibarutse, n’umwana w’umuhungu ntameze nk’umwana w’umwigeme nanje ndamuhaye izina rya Mariyamu (iii) kandi nanje ndamukingiye kuri wewe haba we n’uruvyaro rwiwe na Shetani yatawe kure mumigisha yawe

[37] Rero Umuremyi wiwe yaramwakiriye neza atako aramukuza neza aca agira intumwa y’Imana Zakariya (iii) ngo abe umurezi w’ico kibondo, n’ingene intumwa y’Imana Zakariya (iii) yinjira mucumba c’iwe yahasanga ibifungurwa ari kumwe na Mariyamu (iii) aca avuga ati:- ewe Mariyamu (iii) ibi bintu vyose ubironkeye hehe? Nawe yamwishura ati:- ibi vyose bivuye ku Mana, n’Imana iha uwo yishakiye utarinze kugiriranira ibiharuro

[38] Aho nyene intumwa y’Imana Zakariya (iii) yaciye isaba Umuremyi wiwe ivuga iti:- Muremyi wanje n’umpe kubivuye iwawe umpe ikibondo c’intungane, kuko arI wewe wumva ibisabisho vy’abagu takambira bose

[39] Mu mwanya aba Marayika baramu shikiriza ubutumwa nawe ahagaze ariko arasengera mucumba yuko Imana igushikirije inkuru nziza y’intumwa y’Imana Yahya (iii) yuko azoba ariwe azokwemeza kw’ijambo rizoba rivuye Kumana, n’uwuzoba ari umugabo abukwiye atarigera yubaka urwiwe n’ukuba intumwa y’Imana ivuye mubantu beranda

[40] Intumwa y’Imana Zakariya (iii) yavuze iti:- Muremyi wanje, mbega nzoronka gute ikibondo mugihe ubusaza bwanshikiye, n’umukenyezi wanje nawe ari ingumba, nayo ica imwishura iti:- uko niko bimeze kuko Imana igira uko yishakiye

[41] Yavuze iti:- ewe Muremyi wanje, nshirirako ikimenyetso, nayo imwishura iti:- ikimenyetso cawe nuko utazo shobora kuvugana n’abantu kukiringo c’imisi itatu ikurikirana atari uko uzokoresha ibimenyetso gusa, kandi uhayagiza Umuremyi wawe cane kandi mugihe co k’umugoroba no mu gitondo

[42] N’Abamarayika mugihe bavuga bati:- ewe Mariyamu (iii) mu vy’ukuri Imana yagutoye nuku gusukura kandi n’ukugutera iteka gusumba abakenyezi bo kw’isi yose

[43] Ewe Mariyamu (iii) n’ugamburukire Umuremyi wawe kandi ushire umutwe wawe hasi ube hamwe n’abunama

[44] Izi n’inkuru zitazwi tugushikiriza nawe aho wari uri ntiwari kumwe nabo mugihe bajugunya amakaramu yabo mumazi, none ni nde muribo azorera Mariyamu (iii) na wewe siho wari uri mugihe bahiganwa

[45] Mugihe Abamarayika bavuga bati:- ewe Mariyamu (iii) Imana irakumenyesheje inkuru nziza ry’ijambo rivuye kuriyo, n’izina ryiwe n’umuhanaguzi ariwe Issa umwana wa Mariyamu (iii) afise urupfasoni ntangere ngaha kw’isi no k’umusi w’imperuka kandi ni muri bamwe bari hafi cane y’Imana

[46] Nawe azoganira n’abantu kuva mubuto bwiwe no mugihe c’ukuba umushingantahe kandi no mubagira ineza

[47] Yishura avuga ati:- Muremyi wanje jewe nzoronka gute ikibondo mugihe ata n’umuntu n’umwe arankora ko? Nayo imbowishura iti:- uku niko bimeze, Imana irema uko yishakiye, kandi imaze guca urubanza rw’ikintu ngo kibe, ica ikibwira ico kintu kuba kigaca kiba

[48] Izomwigisha kwandika n’ubumenyi n’ukumenya igitabu ca Taurati hamwe n’igitabu c’Injili

[49] Izomugira intumwa y’Imana kuri bene Israeri, nukuba bwira iti:-ndaje ndabafitiye ivyemezo bivuye ku Muremyi wanyu, yuko ndabaremeye ndabakuye mw’ivu nk’ishusho ry’inyoni, hanyuma ngaca mpuhera ko mumwanya igaca iba inyoni kw’itegeko ry’Imana, kandi ngakiza impumyi n’abafise imibembe, kandi nkazura n’abitavye Umuremyi wabo kw’itegeko ry’Imana, kandi nzobabwira ivyo muzo fungura hamwe n’ivyo muzo ziganya mumazu yanyu, ntankeka muri ibi vyose harimwo ivyemezo kuri mwebwe ni mwaba muri mu bantu bemera Imana yabo y’ukuri

[50] Nzoba nd’umwemezi w’ivyabaye imbere yanje biri mugitabu c’Imana ca Taurati, kandi kugira ngo ndabahe uburenganzira buri muri bimwe mubintu mwari mwabujijwe, kandi nkaba nabazaniye n’ivyemezo bivuye ku Muremyi wanyu, kuri ivyo rero ni mutinye Imana yanyu, kandi muteko mungamburukire

[51] Mu vy’ukuri Imana niyo Muremyi wanje, kandi niyo Muremyi wanyu, rero ni muyisenge kuko ariyo nzira igororotse

[52] Mugabo intumwa y’Imana Issa (iii) mugihe yabona amanyama yabo, yaciye avuga ati:- ni bande bazoba abafasha banje bazoshikiriza ubutumwa bw’Imana? Abanyeshuri biwe bavuze bati:- twebwe turi mubafasha b’Imana, kandi twaremeye Imana yacu y’ukuri kandi nube uri icabona yuko twebwe twitanze ku Mana

[53] Muremyi wacu, turemeye ivyo wamanuye vyose, kandi twakurikiye intumwa yawe, rero n’utwandike tube hamwe n’ivyabona

[54] Baragize amarorerwa Imana nayo ica irahirika ayo marorerwa yabo n’Imana niyo nziza muguhirika ayo marorerwa yabo

[55] Mugihe Imana yavuga iti :- ewe Issa mwene Mariyamu (iii) :- jewe nzowukwiza umwanya wawe w’ukubaho, hanyuma nze ndakugarure iwanje nce ndagusukura hamwe na bamwe bahakanye Imana yabo y’ukuri, hanyuma nze nshireho bamwe bagukurikiye hejuru ya bamwe bahakanye Imana yabo y’ukuri kugeza k’umusi w’imperuka, hanyuma ingaruka yanyu izoba iwanje nce ndabacira urubanza kuvyo mwahora mutumvikana ko

[56] Nayo bamwe bahakanye Imana yabo y’ukuri, nzobahana ibihano bikaze cane ngaha kw’Isi no k’umusi w’imperuka, kandi ntibazoronka abazo bafasha

[57] Nayo abemeye Imana yabo y’ukuri n’ukugira ibikorwa vyiza, abo nibo Imana izoriha impembo yabo ikwiye kandi Imana ntikunda abahemukiye imitima yabo

[58] Aya majambo tugusomera, nimuri y’amajambo y’Imana matagatifu hamwe n’ubutumwa burimwo ubuhizi bukomeye cane

[59] Ntankeka uko ameze intumwa y’Imana Issa (iii) imbere y’Imana ni nkakumwe kw’intumwa y’Imana Adamu (iii) kuko yamuremye imukuye mw’ivu hanyuma imubwira iti:- nube ho nawe aca araba ho

[60] N’ukuri kuvuye ku Muremyi wawe, rero nawe ntube uri mubantu bafise amakenga

[61] Mubazo kubaza kuri ibi bintu vyose munyuma yaho umaze gushikirwa n’ubumenyi wewe n’ubabwire uti:- nimuze duhamagare ibibondo vyacu hamwe n’ibibondo vyanyu hamwe n’abakenyezi b’iwacu hamwe n’abakenyezi b’iwanyu hamwe natwebwe namwe, hanyuma duce dusaba n’ubwitonzi ntangere dusabe umuvumo ku Mana hanyuma ubamanukire abo babeshi bose

[62] Mu vy’ukuri ibi nivyo biganiro vy’ukuri, kandi atayindi Mana ikwiwe gusengwa atari Imana yonyene gusa, kandi mu vy’ukuri Imana niyo nyene ubushobozi n’ubuhizi buhagije

[63] Nibatemera Imana yabo y’ukuri, mbega Imana yo ntizi abononyi

[64] Vuga uti:- mwebwe bantu mwahawe igitabu, nimuze kw’ijambo rigororotse riri hagati yacu hamwe namwe yuko tutazo senga icarico cose atari Imana yonyene gusa, kandi ntituyigereranye n’ikindi kintu, kandi no muri twebwe ntitugire abandi kuba arizo Mana aho kuba ari Imana yonyene rudende gusa, niba hakana muce muvuga muti:- ni mube ivyabona yuko twebwe turi aba Isilamu b’ukuri

[65] Mwebwe bantu mwahawe igitabu ni kuki muharira kubera intumwa y’Imana Ibrahimu (iii) mugihe igitabu c’Imana ca Taurati hamwe n’igitabu c’Imana c’Injili bitamanuwe atari uko vyaje munyuma yiwe! Mbega ivyo vyose mwebwe ntimubizi

[66] Nimurabe kuri mwebwe mwagize ibihari kubintu mufitiyeko ubumenyi buhagije, none ko muharira kubintu ata bumenyi mubifitiyeko, n’Imana niyo ifise ubumenyi buhagije, mugabo mwebwe ntanakimwe muzi namba

[67] Intumwa y’Imana Ibrahimu (iii) ntiyari mubwoko bw’Abayahudi canke mubwoko bw’abakirisu, mugabo yari mu bantu barongotse kandi bagamburuka, kandi ntiyari mu bantu bagereranya Imana n’ibindi bintu

[68] Mu bantu begereye cane intumwa y’Imana Ibrahimu (iii) nibarya bamukurikiye hamwe n’iyi ntumwa y’Imana Muhammadi (aui) hamwe n’abamwemeye bose, n’Imana niyo ikingira abayemeye bimwe vy’ukuri

[69] Mu bahawe igitabu c’Imana gitagatifu, bipfuza yuko bobazimiza, mugabo ntibazimiza atari imitima yabo gusa, mugabo ntavyo bazi

[70] Mwebwe mwahawe igitabu c’Imana gitagatifu, ni kuki muhakana amajambo y’Imana matagatifu mugihe mubifitiye ko ubumenyi

[71] Mwebwe mwahawe igitabu c’Imana gitagatifu, ni kuki muvanga ukuri kwama hamwe n’ibinyoma bigaritse, hanyuma mukanyegeza ukuri kwama namwe mukuzi

[72] Na bamwe bahawe igitabu c’Imana gitagatifu bavuze bati :- ni mwemere ivya manuriwe aba Isilamu kuva muntango z’umurango hanyuma muyahakane bisanzure ugorovye, nkumbure bo garuka

[73] Kandi ntimu mwemere umuntu uwariwe wese atari uwukurikira idini ryanyu, rero vuga uti :- ntankeka uburongozi nyakuri n’uburongozi bw’Imana, y’uko azohabwa umwe muribo nk’ivyo mwahawe mwebwe canke muze mubazwe imbere y’Umuremyi wanyu, nawe vuga uti :- mu vy’ukuri imigisha yose iri muminwe y’Imana kuko niyo iha uwo yishakiye, n’Imana niyo yagutse kandi niyo ifise ubumenyi buhagije

[74] Itora ku migisha yayo uwo n’Imana niyo nyene imigisha mininiya

[75] No mubahawe igitabu c’Imana gitagatifu harimwo abo wobabitsa ikintu c’amatungo bakagi subiza, no muribo harimwo abo wobabitsa ikintu kingana n’Idinari imwe batigera bayi gusubiza kiretse ubandanije ubahaze ko, ivyo vyose n’uko bavuze bati :- ntayindi nzira iri hejuru yacu kubera aba bantu badafise ubwenge nabo n’ababesha ku Mana mugihe bafise ubumenyi y’uko atari vyo

[76] Siko k’uko, uwemeza indagano yiwe n’ugutinya Imana, mu vy’ukuri Imana niyo ikunda abikinga

[77] Mu vy’ukuri bamwe bagurisha amasezerano y’Imana hamwe n’indahiro zabo kubera amaronko makeyi y’aha kw’Isi, abo bantu nibo ataco bazoba bafise na gitoyi c’imigisha yo mw’Ijuru, kandi Imana ntizovugana nabo canke ibarabe k’umusi w’imperuka kandi ntizoba sukura nabo bazoronka ibihano bibabaza cane

[78] No muribo harimwo bamwe indimi zabo zihengamye mugusoma igitabu kugira ngo mushobore kwihweza ayo majambo yabo yuko ari ayo mugitabu c’Imana canke atariyo, kandi bakavuga bati:- aya majambo avuye ku Mana mugihe atavuye ku Mana n’ukubeshera Imana nabo bazi yuko ari ububeshi gusa

[79] Ntibibaho k’umuntu Imana yahaye igitabu hamwe n’ubutegetsi hamwe n’ukuba intumwa y’Imana ace abwira abantu ati:- ni mube mubansenga jewe aho gusenga Imana yonyene rudende, ahubwo nimube abasenga Imana kuko muriko murigisha igitabu c’Imana kandi nuko mwamye mugisoma

[80] Kandi ntitubategeka ngo mugire Abamarayika hamwe n’intumwa z’Imana ngo zibe arizo Mana, mbega zizo tegeka ubuhakanyi namwe mwamaze kuba aba Isilamu

[81] N’igihe Imana yagiranira amasezerano kuntumwa z’Imana azibwira ati:- ninaheza kubaha igitabu hamwe n’ubuhizi, munyuma yaho hakaza intumwa yemeza ibiri kumwe namwe, ni hejuru yanyu guca mumwemera n’ukumufasha, Imana ica ivuga iti:- mbega muremeye gufata ubutumwa bwanje kuri ivyo, nabo bishura bati:- turemeye, nayo ica isubira kuvuga iti:- rero nimube ivyabona, nanje ndikumwe namwe muvyabona

[82] Rero abazo hakana munyuma yaya majambo, abo nibo basenyuzi b’amateheko y’Imana

[83] Mbega bashaka idini atari idini ry’Imana, mugihe ibiri mu Majuru yose no kw’Isi bigamburukira Imana bishaka canke bidashaka, niwe niho bazosubizwa abantu bose

[84] Vuga uti:- twaremeye Imana y’ukuri hamwe nivyo twamanuriwe nivyo yamanuriwe intumwa y'Imana Ibrahimu (iii) na Ismaili (iii) hamwe na Is’haka (iii) na Ya’akubu (iii) hamwe n’ibibondo vyiwe, hamwe n’ivyo yahawe intumwa y’Imana Mussa (iii) na Issa mwene Mariyamu (iii) hamwe n’izindi ntumwa zivuye ku Muremyi wabo, natwe ntituvangura hagati yabo n’umuntu n’umwe, natwe tugamburukiye kuri yo

[85] N’uwushaka idini atari idini rya Isilamu, ntirizo kwemererwa kuriwe nayo k’umusi w’imperuka azoba ari muruhombo runiniya cane

[86] Mbega Imana izorongora gute abantu bayihakanye munyuma yaho bamaze kwemera kwabo n’ukuba ivyabona y’uko intumwa y’Imana ari iy’ukuri n’ugushikirwa n’ivyemezo biri k’umugaragaro, rero Imana ntirongora abantu bahemukira imitima yabo

[87] Abo bantu impembo yabo nuko hejuru yabo hari umuvumo w’Imana hamwe nuw’Abamarayika hamwe nuw’abantu bose

[88] Muri uwo muriro udahera bazowuba mwo mubuzima bwabo bwose, kandi ntibazo gabanirizwa ibihano canke ngo baronswe n’akanya k’ukuruhuka

[89] Dukuye mwo abasavye ikigongwe munyuma y’ivyo n’ukugira ibikorwa vyabo, mu vy’ukuri Imana niyo ifise imbabazi nyinshi n’impuhwe zihagije

[90] Mu vy’ukuri bamwe bahakanye Imana yabo y’ukuri bamaze kuyemera hanyuma bakabandanya bahakana, ikigongwe cabo ntikizo kwemererwa na gatoyi, n’abo nibo bazimiye bimwe vy’ukuri

[91] Mu vy’ukuri bamwe bahakanye Imana yabo y’ukuri hanyuma bakitaba Imana yabo nabo ari abahakanyi b’Imana, rero ntihazo kwemererwa umuntu uwariwe wese naho yoba yatanze ingwati y’inzahabu y’ukwuzuza iy’Isi yose, abo bantu nibo bazoronka ibihano bibabaza kandi ntibazoronka abafasha

[92] Ntimuzo shobora gushikira ineza iyariyo yose kugeza aho muzotanga kuvyo mukunda, nivyo mutanga mu vy’ukuri Imana irabizi

[93] Mubi fungurwa vyose vyari birekuriwe n’amategeko y’Imana k’uruvyaro rwa bene Israeri, dukuyemwo muvya bujijwe na bene Israeri kubwabo imbere yuko hamanurwa igitabu c’Imana c’ukuri ca Taurati, wewe n’uvuge uti:- nimuzane ico gitabu ca Taurati nimwaba muvugisha ukuri kwama

[94] Nuwuzo kwiyadukiza uwariwe wese mukubeshera Imana munyuma yibi vyose, abo bantu nibo bazoba bahemukiye imitima yabo

[95] Vuga uti:- Imana yavuze ukuri kwama, rero nimukurikire imigenzo kama y’intumwa y’Imana Ibrahimu (iii) yabaye umuntu mweranda kandi ntiyari mubantu bagereranya Imana n’ibindi bintu

[96] Mu vy’ukuri inyubakwa ya mbere yashinzweho kubera abantu nirya iri Makkat ifise imigisha n’uburongozi kebera abantu bose

[97] Muri iyo nyubakwa harimwo ibimenyetso biri k‘umugaragaro vyerekana ahantu yahora ahagarara intumwa y’Imana Ibrahimu (iii) n’uwinjiye muri iyo nyubakwa azoba yinjiye ahantu h’amahoro, n’Imana yarabategetse abantu ngo bagire urwo rugendo rutagatifu muri iyo ngoro yayo k’umuntu yishoboye kugira urwo rugendo rutagatifu aho nyene, mugabo uwuzo hakana kujayo, Imana ntikeneye icarico cose kubiremwa vyiwe vyose

[98] Vuga uti:- mwebwe bantu mwahawe igitabu c’Imana c’ukuri, ni kuki muhakana ivyemezo vy’Imana mugihe Imana ariyo cabona iri hejuru y’ibintu vyose mugira

[99] Vuga uti:- mwebwe mwahawe igitabu c’Imana c’ukuri, ni kuki muzitira abantu munzira y’idini ry’Imana ku bantu bemeye Imana yabo y’ukuri, hanyuma mukarondera ikosa namwe muri ivyabona, n’Imana ntiyibagira kuvyo mugira

[100] Mwebwe mwemeye Imana yanyu y’ukuri, nimwa gamburukira bamwe bahawe igitabu c’Imana, bazoba subiza kuba mubahakanyi b’Imana mugihe mwari mumaze kuba aba Isilamu

[101] None mwanka iki mugihe musomerwa amajambo y’Imana matagatifu hamwe na y’intumwa y’Imana yuko iri kumwe namwe, n’uwufata Imana yiwe nka nkama, uyo muntu azoba yararongowe munzira igororotse

[102] Mwebwe mwemeye Imana yanyu y’ukuri, nimutinye Imana yanyu bimwe biboneka, kandi ntimuze musandabe atari uko mwabaye aba Isilamu b’ukuri

[103] Nimufatane k’umugozi w’Imana mwese uko muri kandi ntimusanzarane, kandi mwibuke imigisha y’Imana iri hejuru yanyu, mugihe mwari abansi kubandi nayo ica irahuza imitima yanyu kumigisha yayo nukuba mwese abavandimwe, kandi mwari kunkengera y’ikinogo c’umuriro wa Jahannamu nayo ica irabarokora nuwo muriro, uko rero niko Imana ibabenyesha amajambo yayo matagatifu kugira ngo mushobore kurongoka

[104] Nihabe muri mwebwe abantu bashikiriza ubutumwa bw’amahoro hamwe n’abategeka abantu kugira ineza, hamwe n’ugutuza abantu kugira amabi, abo nabo nibo bantu bazoba batekaniwe

[105] Kandi ntimube nkabamwe bacanamwo n’ukutumvikana mugihe bashikirwa n’ivyemezo biri k’umugaragaro, nabo rero nibo bantu bazoba bafise ibihano biniya cane

[106] K’umusi waho amaso y’abantu azoba yera derere, n’ayandi maso azoba yirabura:- mbega mwoba mwarahakanye munyuma y’ukwemera kwanyu? rero nimuhonje ibihano kubera ubuhakanyi bwanyu

[107] Nayo abazoba amaso yabo yera derere, ngaho mw’ijuru bazobayo mumigisha y’Imana abo bazobayo mubuzima bwabo bwose

[108] Aya niyo majambo y’Imana matagatifu tugusomera bimwe vy’ukuri, n’Imana ntikunda guhemukira ibiremwa vyiwe

[109] N’ikiri mw’ijuru cose hamwe n’ikiri kw’Isi ni c’Imana, n’ibintu vyose bizosubizwa ku Mana

[110] Ni mwebwe bantu beza gusumba abandi bantu berekanywe, kuko mutegeka ibintu vyiza hamwe n’ugutuza amabi ayariyo yose, kandi mukemera Imana yanyu bimwe bivuye kumizirikanyi yanyu, nabamwe bahawe igitabu c’Imana iyo bemera Imana yabo y’ukuri, vyari kuba vyiza kuribo, n’abandi muribo harimwo abemera Imana yabo y’ukuri, n’abandi benshi muribo n’abiyonkora bava mumuco w’Imana

[111] Ntanabi bazoba girira atari amabi mato mato, nimwatana mumitwe nabo bansi bazobaha ibitugu vyabo biruka hanyuma ntibazo rokorwa

[112] Baratewe ishusho ry’ibimaramare aho bari hose, dukuyemwo umugozi w’Imana canke umugozi w’abantu bategerezwa guhabwa ibihano vy’Imana hamwe n’ishusho y’ibimaramare ryatewe kuribo, ivyo vyose n’ukubera ukutemera amajambo y’Imana n’ukugandagura intumwa z’Imana ata kuri babifitiye mwo, kandi ivyo vyose n’ukubera yuko biyonkoye n’ugusimba imbibe zashinzwe n’Imana

[113] Nabo sibose uko bangana mubahawe igitabu c’Imana, kuko harimwo abantu batumbereye basoma amajambo y’Imana mumyanya y’ijoro, kandi bagapfukama bashize imitwe yabo hasi

[114] Bemera Imana yabo y’ukuri hamwe n’umusi w’imperuka, kandi bategeka abantu kugira ineza hamwe n’ugutuza amabi, kandi bakayagirako kubintu vyihutirwa vyiza, nabo nibo bantu bari mubagira ineza

[115] N’ineza iyariyo yose bagira ntibazo yihakanirwa namba, n’Imana kuko niyo ifise ubumenyi bw’abayitinya

[116] Mu vy’ukuri bamwe bahakanye Imana yabo y’ukuri, amatungo yabo ntaco azoba marira na gatoyi hamwe n’ibibondo vyabo imbere y’Imana, nabo nibo bantu bo mumuriro udahera bazobayo mubuzima bwabo bwose

[117] Akarorero kivyo batanga mubuzima bwabo ngaha kw’Isi nink’umuyaga urimwo imbeho ikaze cane waciye wonona umurima w’abahemukiye imitima yabo n’ukuwuhonya uwo murima burundu, n’Imana ntiyabahemukiye mugabo nibo bonyene bahemukiye imitima yabo

[118] Mwebwe mwemeye Imana yanyu y’ukuri, ntimubagire ababafitiye amabanga yanyu kuba mubantu batari muri mwebwe, kuko abo bantu ntibazoreka kubagirira inabi iyariyo yose bayishaka kuri mwebwe, kuko bakunda ibibagirira inabi z’indyane zibonekera muminwa yabo hamwe n’ibinyegezwa mubikiriza vyabo nivyo bininiya cane, rero ivyo nivyo tuba menyesheje mubimenyetso vyose nimwaba mwebwe muri mu bantu bategera neza

[119] Oh! mwebwe muraba kunda mugihe nabo bataba kunda na gatoyi, namwe muremera ibitabu vyose, mugihe bahuye namwe baca bavuga bati:- twebwe turemeye mugabo mugihe biherereye bonyene baca baba hekenyera ibijigo n’ububabare bw’inshi cane, wewe n’uvuge uti:- ni mupfane n’ubwo bubabare bwanyu mu vy’ukuri Imana niyo ifise ubumenyi bw’ibiri mubikiriza vyanyu

[120] Mushikiwe n’amahoro, bica bibatera agahinda hanyuma mushikiwe n’ivyago baca banezerwa kuri ivyo vyabashikiye, rero nimwihangana n’ugutinya Imana yanyu y’ukuri, ingeso zabo nta n’ikintu na kimwe kizoba marira, mu vy’ukuri Imana niyo ifise ubumenyi buhagije bw’ivyo mugira vyose

[121] Kandi wibuke mugihe wasohoka mugitondo usize umuryango wawe kugira ngo ubategurire aba Isilamu ikibanza c’ukurwanira mwo, n’Imana niyo yumva kandi niyo ifise ubumenyi buhagije

[122] Imirwi ibiri yo muri mwebwe mugihe yitegurira kugira ubwoba n’Imana ica iba umuhagarikizi wiyo mirwi yose uko ari ibiri, naba Isilamu aho bari nibizere Imana yabo gusa

[123] N’Imana niyo yabarokoye mungwano ya Badru, mugihe ata bushobozi mwari mufise, rero nimutinye Imana yanyu kugira ngo mushobore kuyikengurukira

[124] Mugihe yabwira aba Isilamu ati:- mbega mwebwe ntimuhagijwe n’Imana yanyu, mugihe yobafashisha Abamarayika ibihumbi bitatu bazoba bamanuwe nayo

[125] Egome, nimwigumya n’ukwirinda n’ivyabujijwe nayo n’ukubashikira n’ingoga na n’ingoga, aho niho Imana yanyu izo bafasha kubamarayika ibihumbi bitanu basatira n’inguvu nyinshi cane

[126] N’Imana ntiyagize ibi vyose atari uko ari ibimenyetso kuri mwebwe kugira ngo imitima yanyu ishobore guhumura kuriyo, n’imfashanyo ntisohoka atari kububasha bw’Imana kuko niyo ifise ubushobozi n’ubuhizi buhagije

[127] Kugira ngo ice kimwe mu bihimba vyo muri bamwe bahemukiye Imana yabo y’ukuri, canke ibatetereze kugira ngo bashobore kugaruka bamaze gutsindwa

[128] Wewe ntanakimwe ufise muri izi mpanuro, canke ngo ubagirire ikigongwe canke ngo ubahane, kuko n’abantu bahemukiye imitima yabo

[129] Vyose nivy’Imana gusa ibiri mu Majuru n’ibiri kw’Isi, rero igirira ikigongwe kuwo yishakiye n’uguhana uwo yishakiye, n’Imana niyo nyene imbabazi n’impuhwe zihagije

[130] Mwebwe mwemeye Imana yanyu y’ukuri, ntimurye amatungo y’umurengero, mukaguma mwongereza ayo matungo kuyandi, kandi mutinye Imana yanyu kugira ngo mushobore gutunganirwa

[131] Kandi mutinye umucanwa wabikiwe abahakanyi bahakanye amategeko y’Imana

[132] Kandi mutinye Imana yanyu y’ukuri hamwe n’intumwa yayo kugira ngo muronke impuhwe zayo

[133] Ni mwihute n’ingoga na n’ingoga mugusaba ikigongwe c’Umuremyi wanyu hamwe n’Ijuru ryayo, ubwaguke bw’aryo ni nk’Ijuru n’Isi, ryabikiwe abatinya Imana yabo y’ukuri gusa

[134] Nabamwe batanga amatungo yabo biboroheye no munzira zitoroshe, n’abihangana mugihe c’ishavu hamwe nukugirira imbabazi ku bantu, n’Imana ikunda abagira ineza

[135] N’abagira ibintu vy’umwanda n’uguhemukira imitima yabo bama bibuka Imana yabo, nugusaba imbabazi kubera ibicumuro vyabo bagize, none ni nde agirira ikigongwe c’ibicumuro atari Imana yonyene? Kandi ntibabandanya nivyo bagize mugihe bafise ubumenyi buhagije

[136] Abo nibo impembo zabo zizoba ari ikigongwe k’Umuremyi wabo hamwe n’imirima iri imbere yabo n’inzuzi zica imbere yabo, muriyo bazobayo mubuzima bwabo bwose, nayo n’ineza imeze gute y’impembo y’abagira ineza

[137] Haraciye ibihano vy’ubwoko butandukanye bwahawe abamyeho imbere yanyu, nimugire ingendo kuri iy’Isi hanyuma murabe amaherezo yabamwe bahakanye Imana yabo y’ukuri

[138] Ibi n’ibiganiro biri k’umugaragaro ku bantu bose, hamwe n’indongozi zishikiriza ubutumwa ku bantu batinya Imana yabo y’ukuri

[139] Ntimudebukirwe kandi ntimufatwe n’agahinda kuko ni mwebwe muzoba muri hejuru, nimwaba mwemera neza bimwe vy’ukuri

[140] Nimwaba mwararonse ibikomere, rero nabo bantu barahuye n’ivyo bikomere n’imisi imeze nk’iyi tubazanira abantu kw’izamu, kugira ngo Imana itandukanye abayemeye bimwe vy’ukuri, kandi igire muri mwebwe ivyabona vyayo, n’Imana ntikunda abantu bahemukiye imitima yabo

[141] Kugira ngo Imana ibasukure abayemeye bimwe vy’ukuri n’ukuba hanagura abayikahanye bimwe vy’ukuri

[142] Mbega mwiyumvira yuko muzo kwinjira mw’Ijuru mugihe Imana itara tandukanya muri bamwe barwanira idini ry’Imana muri mwebwe hamwe n’ukuba tandukanya abihanganye

[143] Namwe mwamye mwipfuza urupfu imbere yuko muhura narwo, none mwarubonye kandi murwitegereza

[144] Ntiyari kuba Muhammadi (aui) atari uko ari intumwa y’Imana gusa, hakaba haraciye imbere yiwe izindi ntumwa z’Imana, none asandavye canke yishwe, niho muzoca musubiza ibirenge vyanyu inyuma n’uguca muba abahakanyi b’Imana nkuko mwamye aho hambere? Rero uwuzo subiza ibitsintsiri vyiwe inyuma ntaco azogira Imana kukintu icarico cose, nayo izoba hemba abayikengurukira

[145] N’umutima uwariwo wose ntuzoshobora kw’itaba Umuremyi wayo atari kw’itegeko ry’Imana, kandi biturutse kw’isanganya ryagenewe ko, n’uwushaka impembo yaha kw’Isi tuzoyimuha, nayo uwushaka impembo yo mw’ijuru tuzoyimuhera iyo nyene, mu vy’ukuri tuzohemba abashima

[146] N’intumwa z’Imana zingahe zatanye mumitwe n’abansi babo hamwe nabo hakaba muribo abatagatifu benshi cane mugabo ntibacitse imvutu kuvyabashikiye munzira y’Imana kandi ntibacitse imvutu kandi ntibateterewe, n’Imana ikunda abantu batenyenya

[147] Kandi ntiyabaye imvugo yabo atari uko bavuga bati:- Muremyi wacu, n’uduhanagurire ibicumuro vyacu vyarenze urugero mu bintu vyacu vyose, kandi udutere intege kumaguru yacu kandi udukingire n’abahakanyi b’Imana

[148] Imana ibahemba impembo yo ngaha kw’Isi, hamwe n’impembo nziza yo mw’ijuru, n’Imana ikunda abagira ineza

[149] Mwebwe mwemeye Imana yanyu y’ukuri, nimwa gamburukira abahakanye Imana yabo y’ukuri, bazoba subiza inyuma kandi muzoba muri m’uruhombo runiniya cane

[150] Ahubwo Imana niyo Muremyi wanyu, kandi niyo nziza mubafasha bayo

[151] Tuzoshira ubwoba mumitima yabarya bahakanye Imana yabo y’ukuri, kubera ubugereranyi bwabo bw’Imana y’ukuri, hamwe n’abata manuriwe ivyemezo vyemeza iyo Mana, n’ubwicaro bwabo buzoba ari ubwo mu muriro udahera, nabwo n’ubwicaro bubi bumeze gute! kandi n’ubwicaro bw’abahemukiye imitima yabo

[152] N’Imana yarabakwirije amasezerano yayo, namwe muca muraba gandagura kw’itegeko ryayo kugeza naho mwadebukirwa n’ugucanamwo muri urwo rubanza n’ukwiyonkora munyuma yaho yamara kubereka muvyo mwakunda, hakaba muri mwebwe abakunda ivy’Isi, hakaba n’abandi muri mwebwe bakunda Ijuru, hanyuma Imana ica ibashira kure nabo kugira ngo ibahe indero ikwiye, nayo ubu yarakibagiriye ico kigongwe, n’Imana niyo nyene imbabazi nyinshi ku bantu bayemera bimwe vy’ukuri

[153] Mugihe mwahora mwirukanga n’ingoga na n’ingoga namwe ata n’umwe mwumviriza, no mugihe intumwa y’Imana yaba hamagara nawe ari inyuma yanyu, bica biramu maramaza hejuru y’ibimaramare kugira ngo namwe ntimumaramare, kubintu vy’abatakaranye canke kuvyabashikiye, n’Imana niyo ifise inkuru y’ibintu vyose mugira

[154] Hanyuma mu nyuma yivyo bimaramare vyose Imana yaraba manuriye ihumure n’itiro ryaciye ripfuka umurwi umwe muri mwebwe, hakaba hari uwundi murwi imitima yabo yabatera impungenge bikeka ku Mana ivyikeko atarivyo, bikaba ari ivyikeko vy’ubujuju kuuko bavuga bati:- mbega turafise itegeko muri ibi bintu? vuga uti :- ibintu vyose ni vy’Imana mugabo banyegeza ibiri mumitima yabo muvyo badashobora kukwereka n’ukuvuga bati:- iyo tuba dufise icarico cose muri ibi bintu ntitwari kugandagurirwa ngaha, vuga uti:- naho mwari kuba mumazu yanyu, bari gusohoka bamwe bandikiwe urupfu rwabo bakaja k’uruhande rw’abo rw’ukurwayo bagapfa n’ukwerekana ibiri mumishaha yanyu, n’Imana niyo ifise ubumenyi bw’ibiri mumishaha yanyu

[155] Bamwe basubira inyuma k’umusi waho ingabo zose uko ari zibiri zatana mumitwe Shetani niyo yabanyereje kuvyo bagize n’Imana yarabagiriye ikigongwe mu vy’ukuri Imana niyo nyene Impuhwe nyinshi kandi niyo ntore

[156] Mwebwe mwemeye Imana yanyu y’ukuri ntimube nkaba hakanye Imana yabo y’ukuri, n’ukuvugira hejuru ya bene wabo mugihe bagira urugendo rwo ngaha kw’isi canke mugihe batana mumitwe bagapfa, iyo bobaye iwacu ntibari gupfa canke ngo bacikane, kugira ngo Imana ibigire gutyo ngo bibabereko agahinda k’umitima yabo, n’Imana niyo irema n’ukwica, n’Imana niyo ibona ibintu vyose mugira

[157] Nimwapfira munzira y’Imana canke mugapfa, none ikigongwe n’Impuhwe nibiba bivuye ku Mana kandi nivyo vyiza gusumba ivyo begeranya

[158] Nimwa sandaba canke mukicwa, muzo kwegeranywa imbere y’Imana

[159] Rero kubera impamvu z’Impuhwe zizoba zivuye ku Mana yawe ubaye umuntu woroshe kuribo, mugabo iyo uba umuntu ufise umukazo n’umutima ukomeye abantu bose bari kuguhunga, rero n’ubagirire ikigongwe, kandi ubasabire ikigongwe, kandi mwumvikane nabo mu bintu vyose, kandi niwagira icipfuzo icarico cose niwizere Imana yawe gusa, mu vy’ukuri Imana ikunda cane abayizera

[160] Niyaba Imana yarabakingiye bimwe vy’ukuri, rero ntayindi ishobora kubatsinda, nahone niyabareka gutyo ni nde azoba kingira inyuma yayo? Rero aba Isilamu nibizere Imana yabo y’ukuri

[161] Kandi ntibishoboka kuntumwa y’Imana kugira inzigo, n’uwuzogira inzigo azobizana ivyo yagiriye ko iyo nzigo hanyuma umuntu uwariwe wese azorihwa kuvyo yakoreye kandi ntibazo hemukirwa

[162] Mbega uwakurikiye ivyanejereje Imana ni nk’umwe yari akwiriye ishavu ry’Imana, n’ubw’icaro bwiwe bukaba ari ubwo mu muriro udahera, naho n’ahantu habi cane haho umuntu atokwipfuza gusubira yo

[163] Abo bantu bari n’iteka imbere y’Imana, nayo niyo ibona ibintu vyose bagira

[164] Mu vy’ukuri Imana yarabagiriye Impuhwe zitagira uko zingana cane cane aba Isilamu, mu kubazanira intumwa y’Imana yo muribo iba somera amajambo yayo n’ukubasukura hamwe n’ukubigisha igitabu hamwe n’ubuhizi, kandi ntankeka imbere yivyo vyose bari mu buzimire buri k’umugaragaro

[165] Mwebwe mugihe mwashikirwa n’ivyago kuri mwebwe mwamaze kugira abansi banyu incuro zibiri z’ubwo bubisha muvuga muti:- ubwo bwansi bwavuye hehe? Vuga uti:- ubwo bwansi bwavuye iwanyu mu vy’ukuri Imana niyo nyene ububasha buri hejuru y’ibintu vyose

[166] N’ivyago vyabashikiye kuri wa musi wihwaniro z’ingabo zose uko ari zibiri vyose vyari kw’itegeko ry’Imana, nukuba tandukanya abemeye Imana yabo y’ukuri

[167] Nukuba tandukanya abamye ari ababeshi nabo babwiwe bati:- nimuze murwane munzira y’Imana canke muzitire, nabo baciye bavuga bati:- iyo tubimenya yuko hariho ingwano, ntankeka twari kuba kurikira kuko wamusi bari hafi y’ubuhakanyi gusumba ubu Isilamu, bavugisha iminwa yabo gusa kubitari mumishaha yabo, n’Imana niyo ifise ubumenyi buhagije bwivyo bagira vyose

[168] Abavuze kuri bene wabo n’ukutagenda k’urugamba iyo batu gamburukira ntibari kwicwa, nawe vuga uti:- nimwikureko urwo rupfu nimwaba muvugisha ukuri kwama

[169] Kandi ntimwiyumvire yuko bamwe bitavye Umuremyi wabo bari munzira y’Imana ngo n’abapfuye, ahubwo ni bazima bahabwa imihezagiro ivuye k’Umuremyi wabo

[170] Banezerezwa nivyo Imana yabahaye kumigisha yayo nugusamarira kuri bamwe batiyunze nabo bari inyuma yabo yuko ata bwoba buzoba buri kuribo canke batazo teterezwa

[171] Basamarira imigisha hamwe n’imihezagiro y’Imana yuko Imana idatakaza impembo z’abayemera bimwe vy’ukuri

[172] Abitavye akamo batewe n’Imana hamwe n’intumwa y’Imana munyuma y’ibikomere baronse kubagize ibikorwa vyiza, nabo nibo batinye Imana yabo y’ukuri, abo nibo impembo yabo izoba ari niniya

[173] Ababwiwe n’abantu yuko abantu babakoraniyeko, kuri ivyo nimubatinye mugabo ayo majambo yaciye abaha intege y’ukwemera n’ukuvuga bati:- Imana niyo iduhagije kandi niyo idukingiye neza cane

[174] Baciye basubira mungwano n’imigisha y’Imana hamwe n’imihezagiro yayo, kandi nta nabi n’imwe yabakozeko nuguca bakurikiza ivyanezereje Imana, nayo niyo nyene imigisha mininiya cane

[175] Mu vy’ukuri urya yateye ubwoba bagenzi babo ni Shetani, namwe ntimubatinye ahubwo nimutinye jewe Mana yanyu ni mwaba muri aba Isilamu b’ukuri

[176] Kandi ntibabatere agahinda bamwe birukira m’ubuhahakanyi bw’Imana y’ukuri mu vy’ukuri nta nakimwe bazogira kw’idini ry’Imana, kuko Imana igomba ntibabikire n’ahantu na hatoyi mw’Ijuru kandi hazoba kuribo ibihano bibabaza cane

[177] Mu vy’ukuri bamwe batoye inzira y’ubuhakanyi bw’Imana y’ukuri gusumba ubu Isilamu, abo bantu ntibazo shobora kugirira inabi iyariyo yose idini ry’Imana, ahubwo kuribo hazoba hariho ibihano bibabaza cane

[178] Kandi ntibiyumvire bamwe bahakanye Imana yabo y’ukuri yuko iki kiringo cose twabahaye arico ciza kuribo, mu vy’ukuri tubaha uwo mwanya w’ukwongereza ibicumuro muri ico kiringo kandi bikazoba kuribo ari ibihano bizoba tetereza

[179] Nti bibaho ku Mana guta aba Isilamu mubuzima barimwo kugeza aho izo tandukanya abantu babi gusumba abantu beza, kandi ntibibaho ku Mana kubamenyesha ibintu bitarabaho, ahubwo Imana itora mu ntumwa zayo uwo yishakiye, rero ni mwemere Imana yanyu y’ukuri hamwe n’intumwa zayo, kandi nimwemera bimwe biboneka n’ukuyitinya bizoba kuri mwebwe hari impembo niniya cane

[180] Kandi ntibarabe bamwe bigira ingumyi muvyo Imana yabahaye mumigisha yayo yuko ariyo myiza kuri bo, oya! Ivyo bintu bagira ni bibi kuribo, ahubwo bazobohwa n’ivyuma kumazosi yabo kuvyo bagize kubera ukuba kwabo kw’ingumyi kuri uwo musi w’imperuka, rero ibisigi vyo mw’Ijuru no kw’Isi ni vy’Imana, nayo niyo ifise inkuru zivyo mugira vyose

[181] Imana n’umukene n’ubwicanyi iramaze kwumva amajambo natwe n’abatunzi, tukaba bwabo bw’ukwica intumwa ya bamwe bavuga bati:- Imana tuvyanditse ibi vyose bavuze z’Imana atamvo n’imwe z’ukuri bafise, kandi tuzobabwira k’umusi w’imperuka duti:- nimuhonje ibihano bibaturira

[182] Ibi vyose n’ukubera ivyo amaboko yanyu yatanguje kugira, kandi n’Imana si umuhemu kubashumvyi biwe

[183] Bamwe bavuga bati:- Imana yara twemereye yuko tutemera intumwa y’Imana iyariyo yose kugeza aho izotuzanira itambikiro rizoribwa n’umuriro, vuga uti:- mwarashikiwe n’intumwa z’Imana imbere yanje zifise n’ivyemezo biri k’umugaragaro hamwe nibi vyose muriko muravuga, none ko mwaba gandaguye nimwaba mwari mu bantu bavugisha ukuri

[184] Niba guhakana wewe ntumwa y’Imana umenye yuko bahakanye intumwa nyinshi z’Imana imbere yawe, baje bafise ivyemezo biri k’umugaragaro hamwe n’ibitabu birimwo ubuhizi hamwe n’ibitabu birimwo umuco mwiza

[185] Umutima uwariwo wose uzohonja urupfu, kandi ntankeka muzoronswa impembo yanyu ikwiye k’umusi w’imperuka, nayo uwuzoba yashizwe kure y’umuriro udahera n’ukwinjizwa mw’Ijuru, uyo muntu azoba afise intsinzi nyakuri, n’ubuzima bwo ngaha kw’Isi ntakirimwo namba atari amahirwe ahenda abantu gusa

[186] Muzo ronka ingorane kumatungo yanyu hamwe no kumitima yanyu, kandi muzo kwumva ibintu biba shavuza vyinshi ku bantu bahawe igitabu imbere yanyu, hamwe na bamwe bafadikanije namwe, rero nimwigumya n’ukwirinda kuvyabujijwe n’Imana kubera yuko ibi bintu ni mubintu bininiya cane vyaho umuntu uwariwe wese yo kwitanga mukugira

[187] Ubibutse igihe Imana yapfundika amasezerano na bamwe bahawe igitabu c’Imana gitagatifu ibabwira iti:- ni ngombwa iki gitabu mugisigurire abantu kandi ntimukinyegeze, mugabo bagitaye inyuma y’imigongo yabo baca bitorera amatungo makeyi gusa, rero n’ububisha bumeze gute bw’uko gutora

[188] Ntiwikeke yuko bamwe banezerejwe n’ibintu bibi bagize bagakunda yuko bahayagizwa kuvyo batagize, ntiwipfuze yuko bazokizwa n’ibihano bizoba biri kuribo kandi bibabaza cane

[189] N’ubwami bw’Amajuru n’Isi nubw’Imana, n’Imana niyo nyene ububasha buri hejuru y’ibintu vyose

[190] Mukuremwa kw’Amajuru n’Isi, n’ikurikiranwa kw’Ijoro n’Umutaga, hariho ivyemezo ku bantu bafise ubwenge

[191] Abibuka Imana yabo y’ukuri nabo bahagaze canke bicaye canke baryamye n’ukwibuka iremwa ry’Amajuru hamwe n’Isi, bavuga bati:- Muremyi wacu ntiwabiremye ibi vyose ngo bibe ivy’impfagusa, ahubwo iteka nirwawe, rero n’udukingire n’ibihano vyo mu muriro udahera

[192] Muremyi wacu, bamwe uzokwinjiza mumuriro udahera ntakundi uzoba waba kengereye kandi ntihazoba abafasha kubera ubwo buhemu bw’imitima yabo

[193] Muremyi wacu, twebwe twumvise umuhamagazi ahamagara yuko twogendera ubu Isilamu n’ukwemera Umuremyi wanyu natwe turemera, Muremyi wacu n’utugirire ikigongwe kubicumuro vyacu nukuduha nagurira amakosa yacu, kandi tuze dusandabe turi kumwe n’abantu beranda

[194] Muremyi wacu, n’uduhe ivyo watwemereye bivuye kuntumwa zawe zose, kandi ntudutetereze kuri uwo musi w’imperuka, ntankeka kuri wewe ntuta indagano zawe

[195] Yarabemereye Umuremyi wabo, yuko mu vy’ukuri ntazotakaza ingoga z’uwugira ingoga muri mwebwe yaba umugabo canke umugore, mwebwe kuri mwebwe, rero abimutse canke abirukanywe mu bisagara vyabo n’ukubabazwa munzira yanje n’ukurwana bagatako n’ukwicwa bakicwa, mu vyukuri nzoba hanagurira amakosa yabo kandi nzobinjiza mumirima icamwo inzuzi imbere yabo, iyo niyo mpembo izoba ivuye ku Mana, nayo iwe niho hari impembo nziza

[196] Ntugahendwe n’ukugenda n’ukugaruka kwabo bahakanyi b’Imana yabo y’ukuri bari muri ivyo bisagara

[197] N’amahirwe makeyi cane hanyuma ubwicaro bw’abo bahakanyi b’Imana y’ukuri buzoba ari ubwo mumuriro udahera, naho n’ahantu habi cane hameze gute hukuruhukira mwo

[198] Mugabo abatinye Umuremyi wabo bimwe bivuye kumizirikanyi yabo bazoronswa imiririma icamwo inzuzi imbere yabo, bakazobayo mu buzima bwabo bwose, iryo niryo kaze ryabo rivuye ku Mana, n’ibiri kuriyo nivyo vyiza cane ku bantu beranda

[199] Mu bantu bahawe igitabu c’Imana gitagatifu, harimwo abemera Imana yabo bimwe vy’ukuri hamwe n’ivyamanuwe kuri mwebwe hamwe n’ivyamanuwe kuribo nuku gamburukira Imana, kandi ntibagurisha amajambo y’Imana matagatifu ku kiguzi gitoyi, abo nibo bafise impembo yabo ku Muremyi wabo, mu vy’ukuri Imana irahwahutse mu guharura

[200] Mwebwe mwemeye Imana yanyu y’ukuri, ni mwihangane, kandi mu batsinde abagereranya Imana y’ukuri n’ibindi bintu, kandi mube urunani rutamenwa, n’ugut inya Imana yanyu y’ukuri kugira ngo muronke intsinzi nyakuri

[1] Mwebwe bantu, nimutinye Umuremyi wanyu yabaremye mumutima umwe, n’ukurema muriwo umutambukanyi n’ugukwiza abagabo benshi hamwe n’abakenyezi bavuye muri abo bantu babiri, kandi mutinye Imana yanyu y’ukuri kuko ariyo musaba mwese kandi murabe n’urwaruka, mu vy’ukuri Imana niyo ibakingira kuri mwebwe

[2] Nimuhe impfuvyi amatungo yabo, kandi ntimuyakabishe n’ibindi bintu bibi kubintu vyiza, kandi ntimurye ayo matungo yabo hamwe n’amatungo yanyu, mu vy’ukuri ivyo vyose mushinzwe igikorwa kininiya cane

[3] Nimwatinya kutaba girira n’ibijanye n’ukuri kwizo mpfuvyi nimwubake izanyu nabo bakenyezi mwagomwe, baba babiri canke batatu canke bane gusa, mugabo nimwatinya yuko mudashoboye kuba abanya kuri ivyo vyose, rero ni mwubakane n’umwe gusa, canke muri bamwe mutunze bari mu maboko yanyu y’iburyo, nimwagira gutyo niko kuzotuma mutishima

[4] Nimubahe abo bakenyezi udushimwe twabo kuko ari utuganuke kuribo, nibabaha utwo tuganuke k’ugushaka kw’imitima yabo icarico cose nimukirye n’akanyamuneza ntangere n’akamaro keza kurivyo

[5] Ntimubahe abadafise ubwenge bukwiye amatungo yanyu ariyo Imana yabahaye kubera ubuzima bwanyu, rero nimubahe ibifungurwa vyabo bivuye muri ayo matungo kandi mubambike kandi mubabwire n’amajambo meza

[6] Izo mpfuvyi nimuzi gerageze kugeza aho zizoshikira kumwanya w’ukwubaka izabo, nimwabona yuko zakwjije ubwenge bukwiye nimuce muziha amatungo yabo, kandi ntimurye ayo matungo yabo n’ubwononyi bwagihuti huti ngo nibakura bazodusaba amatungo yabo natwe ngo reka tuyarye ningoga na ningoga, n’uwutunze niyirinde kwakira impembo nkuko ariko arabakorera, nihaba hariho uwukeneye n’arye kuburyo bw’amategeko amurekuriye kugira gutyo, nimwabaha ayo matungo yabo nimushinge ivyabona kubera Imana, kuko niyo ihagije kuba ariyo cabona

[7] Abagabo nibo bafise uruhara mumatungo yasizwe n’abavyeyi babo hamwe n’incuti zabo zibegereye, n’abakenyezi barafise uruhara rw’amatungo yabo yasizwe n’abavyeyi babo hamwe n’incuti zabo zibegereye, yaba ayo matungo ari makeyi canke menshi, uko niko vyategetswe n’Imana

[8] Mugihe c’ukugabura ayo matungo harimwo incuti n’impfuvyi n’aboro, nimubahe icarico cose muri ayo matungo kandi mubabwire n’imvugo nziza

[9] Kandi batinye yuko nabo iyo basiga inyuma yabo ibibondo batishoboye bari kugira ubwoba kuribo, rero nibatinye Imana yabo y’ukuri kandi bavuge amajambo meza ahumuriza

[10] Mu vy’ukuri bamwe barya amatungo y’impfuvyi bahemukiye imitima yabo, ntankeka barya umuriro uri munda zabo, kandi bazo herengetera muri wo

[11] Imana irabatuza kubijanye n’ibibondo vyanyu, umugabo aronke ibingana n’incuro zibiri z’abagore babiri, niba abo bagore ari benshi barenga babiri nibaronswe ivya gatatu bibiri muvyasizwe na nyakwigendera, mugabo nihaba hari umukobwa umwe wenyene gusa naronswe igice civyo bisigi, n’abavyeyi biwe babiri umwe wese muribo ahabwe ica gatandatu civyo bisigi niyaba yasize ikibondo, niyaba ata kibondo afise n’abavyeyi biwe uko ari babiri bakaba aribo bene ibisigi vyico kibondo, rero nyina wico kibondo azoronswa ica gatatu kimwe, niyaba afise bene wabo rero nyina wiwe azoronswa ica gatandatu, nuku gutorana kw’ibisigi kuba inyuma y’ugukura muvyo nyakwigendera yasize araze canke mukuriha ideni ryiwe, abavyeyi banyu n’ibibondo vyanyu kuri mwebwe ntawuzi uwariwe muribo ari hafi cane mukuba fasha, iri rero n’itegeko ryavuye ku Mana kandi ntankeka Imana niyo ifise ubumenyi n’ubuhizi buhagije

[12] Namwe muzoronswa igice c’amatungo yasizwe n’abakenyezi banyu mugihe batazoba bafise ikibondo, niba bafise ikibondo mwebwe muzoronka ica kane civyo basize, bamaze gukura mwo ivyo mwamaze kuraga canke mumaze kuriha amadeni, nabo bazoronka ica kane civyo mwasize niba ata kibondo mufise ni mwaba mufise ikibondo rero bazoronka ic’umunani civyo mwasize mumaze gukura mwo muvyo mwamaze kuraga canke kuriha amadeni, niyaba umugabo canke umugore asigirwa ibisigi adafise ikibondo canke abavyeyi, mugabo akaba afise musaza wiwe canke mushiki wiwe, rero umwe wese muribo azoronka ica gatandatu, babaye benshi naho bazo sabikana kuca gatatu hamaze gukurwamwo ivyarazwe canke kuriha amadeni hatarinze kuba indyane murivyo, iryo niryo ragi ryavuye ku Mana nayo niyo ifise ubumenyi n’ukuba intungane ikwiye

[13] Izo nizo mbibe z’Imana zategekanijwe, n’uwu gamburukira Imana hamwe n’intumwa yayo, Imana izo mwinjiza mumirima icamwo inzuzi imbere yiwe hanyuma baze babeyo mubuzima bwibo bwose, iyo rero niyo ntsinzi niniya

[14] Uwutazo gamburukira Imana hamwe n’intumwa yiwe n’ukurenga imbibe zagenywe, Imana izo mwinjiza mumuriro udahera, muriwo azowubamwo mubuzima bwiwe bwose, kandi azoronka ibihano bizo mutetereza

[15] Naba bakenyezi bagira ibintu vy’umwanda muri babakenyezi banyu, ni mubashengeze kuvyabona bine muri mwebwe, rero niba babona ivyo vyabona nimuce mubazitirira mumazu yanyu kugeza aho bazoshikirwa n’urupfu canke Imana yonyene ibagirire iyindi nzira

[16] Naba bagabo babiri bagira ibintu vy’umwanda muri mwebwe ni mubahane bose uko ari babiri nibasaba ikigongwe bagatumbera inzira nziza, mubareke, mu vy’ukuri Imana niyo yakira ikigongwe kandi niyo nyene impuhwe zihagije

[17] Ikigongwe cakirwa n’Imana kiba kiri kuri barya bagira amabi k’ubujuju bwabo, hanyuma bagaca basaba ikigongwe ningoga na ningoga abo nibo Imana yakira ikigongwe cabo, nayo niyo ifise ubumenyi buhagije kandi niyo nyene impuhwe zihagije

[18] Ntakigongwe bafise kuri barya bantu bagira amabi kugeza naho umwe muribo ashikirwa n’urupfu agaca avuga ati :- mu vy’ukuri ubu rero jewe ndasavye imbabazi, kandi simuri barya bashikirwa n’urupfu nabo ari abahakanyi b’Imana, abo nibo twateguriye ibihano bibabaza cane

[19] Mwebwe mwemeye Imana yanyu y’ukuri, ntimurekuriwe n’amategeko y’ugutorana mubisigi vy’abakenyezi banyu kugitsure, kandi ntimubabuze kugira ngo mubake bimwe mwabahaye, dukuye mwo izindi mpamvu boba baragize ziri kumugaragaro, rero ni mubane nabo n’amahoro nimwabanka naho nkumbure mukaba mwanse ikintu Imana yashize mwo imigisha myiza kandi myinshi muriyo

[20] Nimwashaka guhindura umukenyezi k’uwundi mukenyezi mugihe umwe muribo mwamuhaye umuzibukiro wiwe, rero ntimutware icarico cose kuriwe, mbega mwakira ivyo bintu k’ubuhemu nokw’ikosa riri k’umugaragaro

[21] Mbega muzo kwakira gute ivyabo mugihe muri mwebwe kuri mwebwe mwarahujije ibitsina, nabo bakaba barakiye kuri mwebwe indagano zikwiye

[22] Kandi ntimwubakane n’abakenyezi bubakanye naba So banyu atari muvy’akahise, ntankeka ibintu nk’ibi ni bibi cane kandi bishavuza, kandi n’inzira mbi cane

[23] Mwarabujijwe kwubakana naba nyokwanyu hamwe n’abana banyu canke bashiki banyu hamwe naba inasenge banyu, hamwe na bashiki banyoko banyu, hamwe n’abana babene wanyu, hamwe n’abana babashiki banyu, hamwe n’abavyeyi banyu babonkeje, hamwe n’abashiki banyu mwonse ibere rimwe, hamwe n’abanyina b’abakenyezi banyu hamwe n’abana banyu b’abazanano bagitegekwa namwe, bavyawe n’abagore banyu mwahujije nabo ibitsina, mugabo mugihe mutarahuza nabo ibitsina sibibi kuri mwebwe kwubakana nabo, kandi birabujijwe kwubakana n’abagore b’abana banyu bavuye mumigongo yanyu, kandi murabujijwe kw’ubaka izanyu n’abashiki babiri mugihe kimwe atari muri ca gihe c’akahise, mu vy’ukuri Imana niyo nyene impuhwe n’ikigongwe gihagije kuri vyose

[24] N’abakenyezi bafise abagabo babo barabujijwe, dukuyemwo bamwe bari muminwe yanyu y’iburyo, iryo niryo tegeko ry’Imana kuri mwebwe, kandi muremerewe kwubaka izanyu n’abagore batari abo, rero nimubarondere kumatungo yanyu mukwubakana nabo mutarinze gushura shurana nabo, rero barya mwubakana nabo muribo ni mubahe udushimwe twabo twategekanijwe kuribo, kandi si bibi kuri mwebwe mutanze kuvyo mwemeranije aho gutanga ivyategekanijwe, mu vy’ukuri Imana niyo ifise ubumenyi n’ubuhizi buhagije

[25] N’uwudashoboye muri mwebwe kuronka ako gashimwe k’ukwubaka n’abakenyezi b’intungane baba Isilamu kazi, niyubakane n’umushumvyi kazi wumu Isilamu kazi ari muminwe yanyu y’iburyo, n’Imana niyo ifise ubumenyi buhanitse bw’ukwemera kwanyu kuri mwebwe na mwebwe, rero ni mwubake izanyu nabo kw’itegeko rya basobuja babo, kandi mubahe udushimwe twabo mukurikije amategeko y’Imana, kandi babe ari abakenyezi b’intungane batari muba shurashuzi n’umuntu uwariwe wese, kandi atari aba shurashuzi kubagabo kanaka, rero mugihe bamaze kwubaka izabo hanyuma bakagira ayandi marorerwa bizoca biba kuribo kuronswa igice c’ibihano cagenewe abakenyezi b’intungane, ivyo vyose ni kuri mwebwe mutinya bwa bushurashuzi, rero nimwa tenyenya nivyo vyiza kuri mwebwe n’Imana niyo ifise ikigongwe cinshi n’impuhwe zihagije

[26] Imana igomba ibamenyeshe n’ukuba rongora kubijanye n’ingendo zabamye ho imbere yanyu nukuba menyesha, n’Imana niyo ifise ubumenyi n’ubuhizi buhagije

[27] N’Imana igomba kuba gabaniriza mugabo abakurikiza ivyo imitima yabo igomba, bashaka yuko bohengama kw’ihengamiro rininiya cane

[28] Imana igomba ibagabanirize kuko umuntu yaremwe ari ikiremwa gihoya hoya

[29] Mwebwe mwemeye Imana yanyu y’ukuri, ntimuryanire kumatungo yanyu munzira itari iy’ukuri dukuyemwo ibidandazwa mwumvikanyeko hagati yanyu, kandi ntimwiyahure kuko mu vy’ukuri Imana niyo ibafitiye impuhwe zihagije

[30] Nayo uwuzogira ibi vyose akoresheje ubwansi hamwe n’ubuhemu bw’umutima wiwe, uyo muntu aho ari tuzo mwinjiza mumuriro udahera, nivyo n’ivyoroshe biri ku Mana

[31] Nimwaba kure n’ibicumuro bininiya mutuzwa, tuzoba hanagurira ibicumuro vyanyu bito bito hanyuma tubinjize ahantu h’iteka ntangere ari naho mw’ijiru

[32] Kandi ntimwipfuze ivyo Imana yahayeko imigisha gusumba abandi, kuko abagabo barafise uruhara rukwiye kuvyo baronse, n’abakenyezi barafise uruhara rukwiye, kuvyo baronse, rero nimusabe Imana kumigisha yayo mu vy’ukuri Imana niyo nyene ubumenyi bw’ibintu vyose

[33] Umuntu uwariwe wese twaramushiriyeho incuti zizosigarana ibisigi muvyo basize abavyeyi babiri hamwe n’incuti, hamwe nabo bagiriraniye amasezerano mubahe ivyarivyo vyose muri ivyo bisigi, mu vy’ukuri Imana niyo cabona c’ibintu vyose

[34] Abagabo nibabe abareretsi kubakenyezi babo kubera yuko Imana yabashizeko iteka ntangere gusumba abandi, n’ukubera amatungo yabo batanga, rero abakenyezi b’intungane nibarya batekereje kandi bikingira mugihe abagabo babo batariho, kuko Imana yabategetse kwikingira n’abakenyezi babona yuko ukwidohora kwabo kuri mwebwe bagabo, ni mubatuze n’ukwahukana nabo bagume ari bonyene mubusaswa bwabo kandi muteko mubakubite nibaba gamburukira, ntimuba ronderere iyindi nzira mu vy’ukuri Imana niyo iri hejuru kandi niyo nkuru

[35] Nimwamenya yuko hari amatati hagati y’umugabo n’umunega wiwe, ni mwihutire kujana umubangurukanyi, umwe mumuryango w’umugabo, hamwe no mumuryango w’umunega, nibanka uko kwumvikana Imana izoba shoboza kuronka umuti w’ingorane zabo, mu vy’ukuri Imana niyo ifise ubumenyi, nyene ubumenyi bw’inkuru z’amabanga yinyegeje hamwe n’inkuru ziri k’umugaragaro

[36] Nimusenge Imana yanyu y’ukuri kandi ntimuyigereranye n’ibindi bintu, kandi mubagirire ineza abavyeyi banyu uko ari babiri, hamwe n’abagenzi n’impfuvyi hamwe n’aboro hamwe n’ababanyi bari hafi yanyu hamwe n’ababanyi bakure yanyu hamwe n’abagenzi bari mumbavu zanyu, hamwe n’uwuri murugendo rwononekaye, hamwe nabo mwitungiye bari mumaboko yanyu y’iburyo, ntankeka Imana ntikunda abantu bishima n’ukwibona

[37] Abigira kuba ari ingumyi n’ugutegeka abantu ngo babe ingumyi, n’ukunyegeza ivyo Imana yabahaye k’umigisha yayo, tukaba twaraba teguriye abahakanyi b’Imana ibihano bitetereza cane

[38] N’abatanga amatungo yabo mukwereka abantu nabo batemera Imana y’ukuri canke umusi w’imperuka, n’uwumaze kuba ari shetani nukuba ariwe mugenzi wayo, n’ukuvuga yuko afise umugenzi mubi cane

[39] None hobaye iki kuribo iyo bemera Imana y’ukuri n’umusi w’imperuka, n’ugutanga muvyo bahawe n’Imana, nayo niyo ibazi neza

[40] Mu vy’ukuri Imana ntihemukira kukintu kingana n’uburemere bw’akanyegeri, ni ryaba ari ijambo ryiza iraryongereza ko n’ugutanga impembo niniya ivuye kuriyo

[41] None bizoba gute mugihe tuzozana icabona kivuye mu bantu bose hanyuma tugaca tukuzana wewe ubabere icabona kuri aba bantu bawe

[42] Kuri uwo musi, bamwe bahakanye Imana yabo y’ukuri nukwiyonkora kuntumwa y’Imana, bazo kwipfuza yuko Isi yoringanirizwa hejuru yabo, kandi ntibazo shobora kunyegeza ku Mana ikiganiro icarico cose

[43] Mwebwe mwemeye Imana yanyu y’ukuri, ntimwegere amasengesho yanyu namwe muborewe kugeza aho mutahura ivyo muvuga, canke nimwaba mufise umwanda mpuza bitsina, kiretse uwuri murugendo kugeza aho mwisukura, ni mwakikwa naho n’amagara canke muri murugendo canke umwe muri mwebwe avuye kwa s’urwumwe canke mwakoranye n’abakenyezi hanyuma ntimuronke amazi y’ukwisukura ni mukoreshe ivu ryiza murisige ku maso yanyu no kumaboko yanyu, mu vy’ukuri Imana niyo nyene impuhwe nukugira ikigongwe, kandi niyo nyene guhanagura ibicumuro vy’abantu

[44] Mbega ntubabona bamwe bahawe igice c’igitabu bagaca bitorera ubuzimire kandi bakabasabira yuko namwe mwozimira munzira y’amahoro

[45] N’Imana irabazi neza abo bansi banyu kandi irahagije kuba ariyo ibakingira kandi ikaba ihagije kuba ariyo umufasha wanyu

[46] Mu bayahudi harimwo abahindura amajambo y’Imana bayakura aho ari bakavuga muribo bati:- turumvise kandi turiyonkoye, kandi wumve utumvirijwe, nayo ukuvuga ijambo Raaina mu kunyuruza indimi zabo kugira ngo batyoze idini, niyo bovuze bati:- turumvise kandi turagamburutse kandi wumve kandi uturabe, vyari kuba vyiza cane, mugabo Imana yarabavumye kubera ubuhakanyi bwabo, rero ntibemera atari gatoyi gusa

[47] Mwebwe, mwahawe igitabu c’Imana, nimwemere kuvyo twamanuye vyemeza ivyo mufise mwebwe imbere yuko duhindura amaso yanyu tukayashira kubikanu vyanyu, canke imbere yuko tubavuma nkuko twavumye abantu bok’umusi wa gatandatu n’itegeko ry’Imana ni ngombwa rikurikizwe

[48] Mu vy’ukuri Imana ntigira ikigongwe kuba yigereranya n’ibindi bintu, kandi igirira ikigongwe kubitari ibi kuwo yishakiye, nayo uwugereranya Imana n’ibindi bintu ntankeka uyo muntu azoba yateguye ibicumuro bininiya cane

[49] Ntubabona bamwe bisukura kumitima yabo, ahubwo Imana niyo isukura uwo yishakiye kandi ntibazo hemukirwa nokukintu na kimwe naho coba kingana n’urunyuzi ruri mucamwa c’umutende

[50] Nurabe igene barementanya ububeshi hejuru y’Imana, ibi vyose birahagije yuko ari ibicumuro biri k’umugaragaro

[51] Ntubabona bamwe bahawe igice c’igitabu c’Imana, mugabo bakemera amasanamu hamwe n’ubuzimire kandi bakavuga hejuru yabamwe bahakanye Imana y’ukuri yuko aribo barokotse gusumba abari munzira y’abemeye Imana yabo y’ukuri

[52] Abo nibo bantu bavumwe n’Imana, rero uwavumwe n’Imana, ntazoba afise umufasha

[53] Canke barafise ikindi gice c’ubwami, aho rero ntibari kubaha abantu naho yoba ari intoboro y’icamwa c’umutende

[54] Canke abantu boba babagiriye inzigo kuvyo Imana yabahaye kubugira neza bwayo, dutako duha ibibondo vy’intumwa y’Imana Ibrahimu (III) igitabu hamwe n’ubuhizi n’ubwami buniniya cane

[55] Rero hari muribo abemeye ibi vyose n’abandi muribo bishize kure yibi vyose, rero umuriro wa Jahannamu urakwiye kuba ari umuriro ukaze cane w’ukubaturira

[56] Mu vy’ukuri bamwe bahakana amajambo yacu matagatifu tuzo binjiza mumuriro udahera, uko inkoba z’imibiri yabo zizosha, tuzoba hindurira izindi nkoba zitari izahahora kugira ngo bagume bahonja ivyo bihano, mu vy’ukuri Imana niyo nyene ubushobozi n’ubuhizi buhagije

[57] Na bamwe bemeye Imana yabo y’ukuri nukugira ibikorwa vyiza tuzobinjiza mumirima icamwo inzuzi imbere yabo nukuba muri iyo mirima mubuzima bwabo bwose, muriyo bazoba bafise abakenyezi bisukuye n’umwanda uwariwo wose, hanyuma tubinjize mubitutu vyiza cane

[58] Mu vy’ukuri Imana ibategeka gusubiza ivyo mwahawe kuziganya kwa benevyo no mugihe muciye urubanza ruri hagati y’abantu mubacire urubanza rw’ukuri, ntankeka ubutumwa Imana ibashikiriza nibwiza cane, mu vy’ukuri Imana niyo yumva kandi niyo ibona

[59] Mwebwe mwemeye Imana yanyu y’ukuri, nimu gamburukire Imana, kandi mu gamburukire intumwa y’Imana, hamwe n’abari k’ubutegetsi buri hejuru yanyu bo muri mwebwe nyene, ni mutumvikana kw’ijambo iryariryo ryose nimuce murisubiza ku Mana nokuntumwa y’Imana, ni mwaba mwemera Imana hamwe n’umusi w’imperuka, ayo niyo mahoro kandi afise ingaruka nziza cane

[60] Ntubabona abavuga yuko bemeye ivyamanuwe iwawe hamwe ni vyamanuwe imbere yawe, kandi bagomba yuko bocirirwa urubanza munzira itemewe n’amategeko mugihe bategetswe kutemera iyo nzira na Shetani ishaka kubazimiza k’ubuzimire buri kure cane

[61] Mugihe babwiwe bati:- ni muze muri vyabintu vyamanuwe n’Imana no kuntumwa y’Imana uza ubona b’ababeshi bose baja kure yawe cane

[62] None bizogenda gute mugihe bazoshikirwa n’ivyago kubera ivyo bamaze gutanguza n’amaboko yabo hanyuma bakagaruka barahira bati:- kw’izina ry’Imana twebwe ntitwabishaka atari kuneza n’amasezerano gusa

[63] Abo nibarya Imana ifise ubumenyi bw’ibiri mumishaha yabo, rero nubareke babe kure ubashikirize ubutumwa, ubabwire n’amajambo abashika kunyota azobinjira mumitima yabo

[64] Ntitwarungitse intumwa y’Imana iyariyo yose, nuko yogamburukirwa kw’itegeko ry’Imana, niyo boje bazi yuko bahemukiye imitima yabo bagasaba ikigongwe ku Mana hamwe n’intumwa y’Imana, hanyuma akabasabira ikigongwe, ntankeka bari gusanga Imana ariyo yakira ikigongwe kandi ariyo nyene impuhwe zihagije

[65] Ndarahiye ku Muremyi wawe yuko batazo kwemera bimwe vy’ukuri kugeza aho bazo kugira ngo ubabere umuca manza wabo kuvyo batumvikana ko, hanyuma ntibagire uburemere kumitima yabo kubera ingingo wafashe, kandi bace bagamburuke bimwe vy’ukuri

[66] Iyo tubategeka ngo biyahure canke ngo basohoke bave mumazu yanyu, rero iyo batagira gutyo mugabo bake muribo niyo bogize ivyo babwiwe vyari kuba vyiza kuribo, kandi vyari kuba ivyemezo vyiza gusumba

[67] Twari kubaha impembo niniya ivuye iwacu

[68] Kandi twari kubayobora munzira igororotse

[69] N’abagamburukira Imana hamwe n’intumwa yayo, rero abo bantu bazoba bari kumwe nabamwe Imana yahezagiye hamwe n’intumwa z’Imana hamwe n’abemeye Imana yabo y’ukuri, hamwe n’ivyabona hamwe n’abagira ineza, mbega n’ubwiza bumeze gute kuri abo bantu kuba ari abagenzi

[70] Iyo niyo ngabirano ivuye ku Mana yabo, nayo niyo nyene ubumenyi bukwiye

[71] Mwebwe mwemeye Imana yanyu y’ukuri nimugabe, kandi musohoke muri mumirwi n’iyindi canke musohokere hamwe

[72] Harimwo muri mwebwe abicara inyuma y’abandi, mugabo bahuye n’ivyago baca bavuga bati:- Imana yampezagiye nkuko vyabaye kuko ntari kumwe nabo

[73] Nimwashikirwa n’imigisha ivuye ku Mana baca bavuga bati:- nka kumwe hatari ubugenzi hagati yanyu no hagati yiwe n’ukuvuga bati:- iyomba hamwe nabo nkaronka intsinzi niniya

[74] Rero nibarwanire munzira y’Imana bamwe bitanga mukugurisha ubuzima bwabo bwo ngaha kw’Isi k’ubuzima bwo mw’Ijuru, nayo uwurwanira munzira y’Imana hanyuma agaca yitaba Umuremyi wiwe canke akaronka intsinzi nyakuri, tuzomuha impembo niniya cane

[75] Mufise iki ko mutarwanira munzira y’Imana na bamwe batishoboye mubagabo hamwe n’abagore hamwe n’ibibondo bavuga bati:- Muremyi wacu, dukure muri iki gisagara abantu baho ari aba hemukiye imitima yabo, kandi uduhezagire kugira ngo tube dufise uwudukingira avuye kuri wewe, kandi uduhezagire tube n’uwuturokora avuye iwawe

[76] Abemeye Imana yabo y’ukuri barwanira munzira y’Imana, mugabo abatemera Imana y’ukuri barwanira munzira ya Shetani, rero ni murwane nabo bagenzi ba Shetani, mu vy’ukuri inyifato ya Shetani ntabushobozi ifise

[77] Ntubona bamwe babwirwa bati:- ni mukingire amaboko yanyu muhagarike amasengesho yanyu, kandi mutange imperezwa zanyu gusa, mugihe bategetswe kurwana n’umurwi umwe muribo waratinye abantu nk’ugutinya Imana canke kugira ubwoba gusumba, baca bavuga bati:- Muremyi wacu, ni kuki wadutegetse kurwana? Iyo udutevya kugeza kukiringo kigufiya gutya, nawe nuvuge uti:- amahirwe yo kw’Isi ni makeyi cane, ariko amahirwe yo mw’Ijuru niyo meza gusumba kubantu batinya Imana yabo y’ukuri, kandi ntimuzo hemukirwa naho koba ari akanyuzi kari hagati y’umwanya w’igishishwa c’icamwa c’umutende

[78] Aho muri hose urupfu ruzoba shikira, naho mwoba muruzitiro rukomeye gute, nirwashikira abagira ineza baca bavuga bati:- ibi vyose bivuye ku Mana, nayo bashikiwe n’amabi baca bavuga bati:- aya mabi yatewe na wewe, vuga uti:- vyose vyavuye ku Mana, none babaye gute aba bantu? Ntibashobora gutegera aya majambo

[79] Ineza yagushikiye yavuye ku Mana, n’amabi yagushikiye yavuye kumutima wawe, natwe twagutumye kubantu kugira ngo ube intumwa y’Imana, n’Imana niyo cabona gihagije

[80] Uwu gamburukiye intumwa y’Imana aba agamburukiye Imana, nayo uwuhakanye twebwe ntitwakurungitse wewe ngo ubabere uwuba kingira hejuru yabo

[81] Nabo bavuga bati:- turagamburutse, mugabo bavuye aho iwawe, umurwi umwe muribo uca wumvikana mw’ijoro kubitari ivyo bumvikanye ko, n’Imana yandika ivyo bumvikanye ko, rero n’ubarekere kure wizere Imana yawe, nayo niyo ikingira bimwe bihagije

[82] Ko badategera aya majambo y’Imana matagatifu ya Qur’ani, iyo atoba avuye k’uwutari Imana, ntankeka bari gusanga muriyo ibihushane vyinshi cane

[83] Mugihe bashikiwe n’ijambo iryariryo ryose rijanye n’amahoro canke riteye ubwoba baca bariserura, mugabo iyo babishikiriza intumwa y’Imana canke abafise ubutegetsi buri hejuru yabo na bamwe bagenzura muribo bari kubimenya, rero iyo itaba imigisha y’Imana kuri mwebwe n’impuhwe zayo mu vy’ukuri mwari gukurikira Shetani dukuye mwo abantu bakeyi gusa muri mwebwe

[84] Rero nurwane munzira y’Imana, kandi ntutegetswe icarico cose atari umutima wawe gusa, kandi uhimirize aba Isilamu bose, nkumbure Imana yokingira ibitero vy’abatemera Imana yabo y’ukuri, n’Imana niyo ikaze cane kubitero vyayo, kandi niyo ikaze cane muguhana ibiremwa vyayo

[85] Uwuzo sabira ibisabisho vyiza azoronka bimwe muri ivyo, nayo uwuzo sabira ibisabisho bibi azoba afise bimwe muri ayo mabi, n’Imana niyo nyene ubumenyi buri hejuru y’ibintu vyose

[86] Muramukijwe n’indamutso iyariyo yose ni muyitabire neza gusumba canke musubize iyo ndamutso nyene, mu vy’ukuri Imana igira ibiharuro kubintu vyose

[87] Imana, ntayindi itegerezwa gusengwa atariyo yonyene gusa, mu vy’ukuri izoba koranya k’umusi w’imperuka kandi ntankeka kuri ivyo vyose, none ni nde munyakuri gusumba amajambo asumba Imana

[88] Vyabaye gute kuba muri imirwi ibiri kunkuru y’ababeshi, mugihe Imana yabahinduye kubera ivyo bagize, mbega mugomba kubona uwarokotse Imana yaciriye urubanza yuko yazimiye? N’uwo Imana yaciriye urubanza yuko yamaze kuzimira wewe ntuzo shobora kumuronkera inzira

[89] Bagomba yuko nkiyo mwohakanye nkuko bobahakanye kugira ngo mungane, rero ntimubagire abagenzi banyu kugeza aho bimuka kubera idini ry’Imana, nibanka naho nimubafate mubice aho muzo bafatira hose, kandi ntimugiriranire ubucuti nabo muribo canke imfashanyo iyariyo yose

[90] Dukuye mwo abumvikana n’abantu mufitaniye amasezerano ari hagati yanyu nabo, canke abaza iwanyu n’ibikiriza vyabo vyasinzikajwe n’ukurwana namwe, canke kurwana n’abantu babo, niyo Imana ibishaka yari gushiramwo ubushobozi mumitima yabo buri hejuru yanyu mugaca mutana mumitwe nabo bagaca babazanira amahoro, rero Imana ntiyabagiriye inzira hejuru yabo

[91] Muzoba sanga abandi bipfuza kuronka amahoro kuri mwebwe n’ukuronka amahoro kubantu babo, rero uko basubijwe mundyane baca batabwa muri izo ndyane zabo bubitse inda zabo, rero nibata vavanura namwe canke kubazanira amahoro canke kuzitira amaboko yabo, rero nimubafate mubice aho muzobasanga, abo rero nibo tubahaye hejuru yabo nivyo bimenyetso biri k’umugaragaro

[92] Ntibibaho kumu Isilamu kwica umu Isilamu mugenzi wiwe kubigira mpaka bitabaye kukwihenda, n’uwishe umu Isilamu kukwihenda nahe mubo atunze muba Isilamu hanyuma ace atanga indishi yuguha abasigi buwo nyakwigendera, dukuyemwo abiyankiye kubwabo bakagira nkuko ari imperezwa yabo kuribo, niyaba ari umugenzi w’abansi banyu nawe ari umu Isilamu, namuhe uwo atunze wumu Isilamu niyaba ari umwe mubantu bafitaniye amasezerano hagati yanyu hamwe nabo, rero aberwa nivyo bisigi nibahabwe agashiruka bute kandi bateko bahabwe mubo batunze wumu Isilamu, nayo uwutazoronka ivyo vyose niyisonzeshe amezi abiri akurikirana, uku niko kwirega kwavuye ku Mana, n’Imana niyo ifise ubumenyi n’ubuhizi buhagije

[93] N’uwishe umu Isilamu kubigira mpaka amenye yuko impembo yiwe ariyo mumuriro udahera witiriwe Jahannamu aho niho azobayo mubuzima bwiwe bwose, n’Imana yaramushavuriye nukumuvuma hamwe nukumutegurira ibihano bininiya cane

[94] Mwebwe mwemeye Imana yanyu y’ukuri, nimwagira urugendo ruri munzira y’Imana, rero ntimugire ikintu icarico cose mutabanje kucemeza, kandi ntimubwire uwubaramukije yuko atari umu Isilamu, mbega mugomba inyungu y’iyi Si, mugihe ku Mana hari inyungu nyinshi cane, ahubwo niko mwamye kuva kera n’Imana ica ibagirira imbabazi mukumenya ubu Isilamu bwanyu, rero ni murabe neza bimwe vy’ukuri Imana irafise inkuru yivyo mugira vyose

[95] Ntibashobora kungana aba Isilamu bicaye batagenda mungwano atari abafise impamvu zumvikana, kandi ntibangana n’abarwanyi barwanira munzira y’Imana bakoresheje amatungo yabo n’imitima yabo, Imana yarabahaye iteka ryabo bamwe barwanira munzira y’Imana bakoresheje amatungo yabo hamwe n’imitima yabo gusumba abicaye batagenda mungwano, naho Imana yabemereye bose kuronka ineza, mugabo Imana yarahaye iteka abarwanyi gusumba abicaye kumpembo niniya

[96] Bazoronka ubutegetsi buhanitse buvuye ku Mana hamwe n’ikigongwe n’impuhwe zayo, n’Imana niyo ifise ikigongwe na nyene impuhwe zihagije

[97] Bamwe bishwe n’Abamarayika mugihe bahemukiye imitima yabo, bazobwirwa bati:- mbega mwari mumerewe gute? Nabo bazobishura bati:- ntabushobozi twari dufise kuri iyi Si, nabo bazovuga bati:- none Isi y’Imana ntiyari yagutse kugira ngo mwimukire muriyo, rero abo ubwicaro bwabo nubwo mumuriro udahera, nayo n’ingaruka mbi cane

[98] Dukuyemwo muri bamwe batishoboye bimwe vy’ukuri bari mubagabo no mubagore hamwe no mubibondo ata bushobozi bafise, kandi batishoboye gutumbera inzira

[99] Abo rero nkumbure Imana yobagirira ikigongwe, kuko niyo nyene imbabazi n’ikigongwe cinsi gihagije

[100] Nuwuzo kwimuka kubera idini ry’Imana azoronka ahantu henshi kuri iy’Isi, kandi azo kwirukira aho azoronkera ahandi hantu hagutse, azohungira kuko iy’Isi y’Imana iragutse cane n’uwuzo sohoka avuye munzu yiwe kugira ngo yimuke kubera Imana yiwe hamwe n’intumwa yiwe, hanyuma agashikirwa n’urupfu, rero iremejwe impembo yiwe ku Mana, nayo niyo nyene imbabazi n’impuhwe zihagije

[101] Nimwagira urugendo kuri iy’Isi, ntibizoba bibi kuri mwebwe mugabanije amasengesho yanyu, mugihe mutinya yuko bamwe bahakanye Imana yabo y’ukuri bazobatera ingorane, ntankeka abahakanyi b’Imana y’ukuri n’abansi banyu bimwe bigaragara

[102] Mugihe uri kumwe nabo uba sengesha, rero umurwi umwe muribo nuce uhagarara na wewe, kandi bafate ibirwanisho vyabo, nibaheza kwunamika imitwe yabo hasi, nibace baja inyuma yanyu, hanyuma hace haza uwundi murwi utasenze, hanyuma uce usenga na wewe, nabo bahamerere magabo n’ibirwanisho vyabo, kuko bamwe bahakanye Imana yabo y’ukuri bipfuza yuko mwosamara n’ibirwanisho vyanyu n’ibintu vyanyu bagaca babahwikira kw’ihwikiro rimwe gusa, kandi sibibi kuri mwebwe mubonye mubabajwe kubera imvura canke musinzikajwe n’amagara gukura ibirwanisho vyanyu kandi mugabe mu vy’ukuri Imana yateguriye abahakanyi bayo ibihano bizoba tetereza

[103] Nimwaheza gusenga ni mwibuke Imana mugihe muhagaze, canke mwicaye, canke muryamiye urubavu, nimwaronka amahoro nimuce muhagarika amasengesho, mu vy’ukuri amasengesho kuba Isilamu ningombwa kuko yagenewe imyanya nyayo

[104] Kandi ntimudebukirwe mugukurikira abantu, muronse umubabaro nabo bazoba baronse uwo mubabaro nkuko namwe muzoba mubabaye, namwe mwizera ku Mana ivyo batizeye, n’Imana niyo nyene ubumenyi n’ubuhizi buhagije

[105] Mu vy’ukuri twarakumanuriye iki gitabu ca Qur’ani gitagatifu mugihe kibangikanije n’ukuri kugira ngo ubacire urubanza ruri hagati y’abantu nkuko Imana yabikumenyesheje, kandi ntube mubashigikira bamwe badashima

[106] Kandi musabe Imana imbabazi, ntankeka niyo nyene imbabazi nyinshi na nyene impuhwe nyinshi zihagije

[107] Kandi ntushigikire bamwe badashimira imitima yabo, mu vy’ukuri Imana ntimukunda uwudashima, ariwe nyene ibicumuro

[108] Abantu baragira isoni mugabo ntibasonera Imana, kandi nayo yari kumwe nabo, mugihe bumvikana kuri zamvugo Imana idakunda, nayo niyo nyene ubumenyi bukwiye neza bwivyo bagira vyose

[109] Nimurabe mwebwe mwabashigikiye mubuzima bwo ngaha kw’Isi, mugabo ni nde azoharira n’Imana kumusi w’imperuka kubera abo bantu, canke ni nde azobakingira kuribo

[110] Nuwugira amabi canke agahemukira umutima wiwe hanyuma agasaba ikigongwe ku Mana, azoyisanga ariyo nyene kugirira imbabazi n’impuhwe zihagije

[111] Nuwugira igicumuro akigirira umutima wiwe, n’Imana niyo nyene ubumenyi n’ubuhizi buhagije

[112] Nuwugira ikosa ritoyi canke igicumuro kininiya hanyuma akabeshera uwudafise ikosa, mu vy’ukuri azoba yikoreye ubuhemu buniniya n’ibicumuro biri kumugaragaro

[113] Iyo hataba hejuru yawe imigisha y’Imana hamwe n’impuhwe zayo, ntankeka umurwi umwe muribo wari kwipfuza kugutakaza kandi nabo ntibari gutakaza atari imitima yabo gusa, kandi ntibazo shobora kukugirira inabi iyariyo yose, n’Imana niyo yakumanuriye igitabu gitagatifu hamwe n’ubuhizi n’ukukwereka ivyo utari uzi, n’imigisha y’Imana iri hejuru yawe nimininiya cane

[114] Ntamahoro arimwo muri vyinshi bumvikanyeko mu mabanga yabo atari bamwe bategeka abandi gutanga imperezwa canke kugira ineza canke guhuza hagati y’abantu, rero uwuzogira gutyo arondera impuhwe z’Imana uyo muntu tuzomuha impembo niniya cane

[115] Uwuzohakana intumwa y’Imana munyuma yaho yamaze kumu bonekera n’uburongozi hanyuma agakurikira inzira itari iyaba Isilamu, twebwe tuzomuhindura iyo azoba yahindukiriye kubwiwe, hanyuma duce tumwinjiza mu muriro udahera witiriwe Jahannamu naho n’ahantu habi cane haho umuntu atosubizwa mwo

[116] Mu vy’ukuri Imana ntigirira ikigongwe c’ukugereranywa n’ikintu kanaka, mugabo niyo igirira ikigongwe kubitari ivyo kuwo yishakiye, rero uwugereranya Imana n’ibindi bintu, ntankeka uyo muntu azoba yarazimiye mukuzimira kuri kure y’ukuri kwama

[117] Ntibasenga mugihe bamaze guta kure Imana atari izindi Mana z’abagore, kandi ntawundi basenga atari Shetani yataye umurongo w’ukuri

[118] Uwo Imana yavumye nayo ikaba ariyo Shetani yavuze iti:- mu vy’ukuri jewe nzofata bamwe mubantu bazwi mubantu bawe

[119] Kandi nzobazimiza kandi nzobaha icizere kandi nzobategeka hanyuma bazoca amatwi y’ibikoko vyabo, kandi nzobategeka bahindure ibiremwa vy’Imana, n’uwuzogira Shetani kuba ariyo imu kingira aho gukingirwa n’Imana, azoba yahomvye uruhombo ruri k’umugaragaro

[120] Shetani Ibemerera n’ukwizera kuko Shetani ntibemerera atari ububeshi gusa

[121] Abo nibo ivyicaro vyabo arivyo mu muriro udahera, kandi ntibazoronka ubuhungiro bwo kuva muri uwo muriro udahera

[122] Nabamwe bemera Imana yabo y’ukuri n’ukugira ibikorwa vyiza, tuzobinjiza mu mirima icamwo inzuzi imbere yabo, hanyuma baze bicare mwo mubuzima bwabo bwose, iyo niyo ndagano y’Imana y’ukuri yabemereye, none ni nde nyene imvugo y’ukuri gusumba imvugo y’ Imana

[123] Sikugushaka kwanyu canke s’ukwipfuza kw’abantu bahawe igitabu c’Imana, uwuzogira amabi azorihwa kuri ayo mabi yiwe, kandi ntazoronka uwuzo mukingira canke umufasha kubera we wenyene imbere y’Imana

[124] Nabazogira ibikorwa vyiza baba abagabo canke abagore mugihe ari abemera Imana yabo y’ukuri, abo bantu bazokwinjira mw’ijuru, kandi ntibazo hemukirwa naho koba nk’agatoboro k’icamwa c’umutende

[125] Ni nde muntu mwiza kubijanye n’idini ry’Imana gusumba uwutumbereza amaso yiwe ku Mana nawe ari umugira neza kandi akurikira imico y’intumwa y’Imana Ibrahimu (iii) n’Imana yagize intumwa y’Imana Ibrahimu (iii) kuba ariwe mukunzi wayo

[126] Ibintu vyose ni vy’Imana gusa mubiri mumajuru hamwe n’ibiri kw’Isi, n’Imana niyo ibikikuje vyose

[127] Kandi barakubaza kubijanye n’abakenyezi, wewe vuga uti:- Imana ibabwira inkuru zivyo bintu n’ivyo musomerwa muri iki gitabu gitagatifu kubijanye n’abakenyezi b’impfuvyikazi mudaha udushimwe twabo bandikiwe mugabo mugakunda kwubakana nabo hejuru y’abadafise ububasha mubibondo yuko bokwihangana mugu hagarikira izo mpfuvyi munzira z’ukuri, n’ineza iyariyo yose mugira, Imana niyo ifise ubumenyi buhagije

[128] N’umukenyezi abonye k’umunega wiwe yuko hariho amatati canke imigenderanire atari myiza, rero sibibi kuribo bashigikiranye haka umwumvikano hagati yabo, kuko umwumvikano n’ikintu ciza, n’imitima y’abantu yashizweho imbere ya vyose kuba ari ingumyi, rero nimwagira ineza n’ugutinya Imana mbega nayo ntifise inkuru y’ivyo mugira vyose

[129] Namwe ntimushobora kuba abanyakuri hagati y’abakenyezi naho mwoba mushaka kugira gutyo, rero ntimuhengamire k’uruhande rumwe kugira ngo ntimwahukane nuyo mukenyezi akaba nk’uwamanitswe, ni mwumvikana mugatinya Imana yanyu y’ukuri, Imana niyo ifise ikigongwe cinshi n’impuhwe zihagije

[130] Nibahukana Imana izo hezagira umwe muribo kuvyo ishoboye guha, n’Imana niyo yagutse n’ubuhizi buhagije

[131] Nibiri mumajuru no kw’isi vyose ni vy’Imana, mu vy’ukuri twarabahaye impanuro kubahawe igitabu c’Imana imbere yanyu hamwe namwe yuko mwotinya Imana, ni mwanka kugira gutyo vyose ni vy’Imana gusa mubiri mu Majuru canke mubiri kw’Isi, n’Imana niyo nyene amatungo yose kandi niyo ininahazwa

[132] Nibiri mu Majuru yose no kw’Isi vyose ni vy’Imana, n’Imana irahagije kuba ariyo ikingira abantu bose

[133] Ibishatse izoba kuriraho mwebwe bantu hanyuma ibazanire abandi bantu, n’Imana niyo nyene ubushobozi bw’ivyo bintu vyose

[134] Uwushaka impembo yo ngaha kw’Isi nayisabe ku Mana, kuko impembo yo ng’aha kw’Isi no mw’Ijuru iri ku Mana, n’Imana niyo yumva kandi niyo ibona vyose

[135] Mwebwe mwemeye Imana yanyu y’ukuri nimube mubantu bahagarikira ukuri, mugihe mwabaye ivyabona kubera Imana naho vyoba biri hejuru y’imitima yanyu, canke kubavyeyi banyu, canke kuncuti zanyu naho yoba ari umutunzi canke umukene Imana irabakeneye cane kuribo, rero ntimukurikire muvyo mukunda hanyuma mukanka kugira ubutungane canke ntimwemere kuba ivyabona canke mukiyonkora, Imana niyo ifise inkuru zivyo mugira vyose

[136] Mwebwe mwemeye Imana yanyu y’ukuri nimwemere Imana yanyu y’ukuri hamwe n’intumwa yayo hamwe n’igitabu cayo gitagatifu ca Qur’ani yamanuye kuntumwa yiwe hamwe n’ibitabu yamanuye kuva kera aho hambere, n’uwuzohakana Imana hamwe n’Abamarayika biwe hamwe n’ibitabu vyiwe hamwe n’intumwa ziwe hamwe n’umusi w’imperuka, ntankeka azoba yazimiye ukuzimira kuri kure y’ukuri

[137] Mu vy’ukuri abemeye Imana yabo y’ukuri, hanyuma bagaca baba abahakanyi b’Imana, hanyuma bakemera Imana yabo y’ukuri hanyuma bagaca baba abahakanyi b’Imana, kandi bagaca bongereza ko ubuhakanyi bwabo, Imana ntizoba girira ikigongwe canke ntizoba rongora munzira y’amahoro

[138] Babwire ababeshi yuko bazoronka ibihano bibabaza cane

[139] Ababeshi babagira kuba ari abahakanyi b’Imana yabo y’ukuri kuko aribo bagenzi babo aho kubagira aba Isilamu kuba aribo bagenzi babo, mbega bagomba baronke ubutegetsi kuribo? Rero ubutegetsi bwose nubw’Imana

[140] Nayo iramaze kuba manurira muri iki gitabu gitagatifu ca Qur’ani yuko mugihe mwumvise amajambo y’Imana matagatifu yahakanywe, canke bayatyojeje, abo bantu ntimwicarane nabo kugeza naho bazokwinjira mubindi biganiro kuko mwoca muba nkabo, mu vy’ukuri Imana izo begeranya ababeshi bose hamwe n’abahakanyi b’Imana y’ukuri bose hanyuma ibate mu muriro udahera

[141] Ababeshi barabarindiriye kugira ngo muronke ivyago, rero nimwaronka intsinzi ivuye ku Mana baca bavuga bababwira bati:- mbega ntitwari kumwe namwe? Niba abo bahakanyi b’Imana y’ukuri baronse ahantu hari intsinzi baca bavuga babwira abahakanyi b’Imana bati:- mbega ntitwari twegereje kubatsinda mugihe twari mungabo zaba Isilamu, duca turaba kingira mukuta girira inabi aba Isilamu, rero Imana izoba cira urubanza ruri hagati yanyu k’umusi w’imperuka, n’Imana ntizobaha imigisha abahakanyi b’Imana y’ukuri bwukuronka inzira yugutsinda aba Isilamu

[142] Ababeshi bama bashaka guhenda Imana, nayo izobahana kubera ububeshi bwabo, no mugihe bahagaze gusenga bahagarara n’ubunebwe bwinshi cane, bakereka abantu yuko bariko barasenga kandi batavuga n’ijambo ry’Imana atari gakeyi cane gusa

[143] Barayumba yumba hirya no hino, ino siho bari na hariya siho bari, nuwo Imana yaciriye urubanza rw’ukuzimira, wewe ntushobora kumuha inzira

[144] Mwebwe mwemeye Imana yanyu y’ukuri, ntimugire abahakanyi b’Imana kuba abagenzi banyu aho kuba aba Isilamu, mugomba yuko Imana iba ifise ivyemezo biri k’umugaragaro hejuru yanyu

[145] Ntankeka ababeshi bazoba bari kurutonde rwo hasi cane rwo mumuriro udahera, rero wewe ntuzoronka umufasha uwariwe wese

[146] Dukuyemwo abasavye ikigongwe inyuma y’ububeshi bwabo n’ukwigirira hamwe n’ugufata Imana n’ukwemeza ubugamburutsi bwabo kuriyo, abo nibo bari kumwe naba Isilamu, n’Imana izobaha impembo niniya cane aba Isilamu

[147] Imana ntizobahana nimwashima, kandi mukemera bimwe bivuye kumitima yanyu, n’Imana niyo yakira ishimagizwa ryanyu kandi niyo ifise ubumenyi buhagije

[148] Imana ntikunda guserura amajambo nukugaragaza ububisha bw’abantu atari kuri urya yahemukiwe, n’Imana niyo yumva kandi niyo ifise ubumenyi buhagije

[149] Nimwerekana ibikorwa vyiza canke mukabinyegeza canke mukabigirira ko ikigongwe ayo mabi, n’uko Imana igira ikigongwe kandi ikaba ariyo nyene ubushobozi buhagije

[150] Mu vy’ukuri bamwe bahakanye Imana hamwe n’intumwa zayo kandi bagashaka gutandukanya hagati y’Imana n’intumwa zayo mukuvuga bati:- bamwe muribo turabemera n’abandi turabanka, kandi bagomba gufata inzira iri hagati na hagati y’ibi vyose

[151] Abo nibo bahakanyi b’Imana y’ukuri, kandi twaraba teguriye ibihano bitetereza

[152] Nabemeye Imana yabo y’ukuri hamwe n’intumwa zayo nukuda tandukanya uwariwe wese muribo, abo nibo Imana izoha impembo yabo,kuko niyo ifise ikigongwe cinshi n’impuhwe zihagije

[153] Abantu bahawe igitabu bashaka yuko ubamanurira igitabu kivuye mw’ijuru, mu vy’ukuri barasavye intumwa y’Imana Mussa (iii) ibisumba ivyo bavuga bati:- nutwereke Imana imbona nkubone, baca bafatwa n’umuriro w’inkuba kubera ubuhakanyi bwabo, hanyuma bagira intama munyuma yaho bamaze gushikirwa n’ivyemezo biri k’umugaragaro, mugabo tugira ikigongwe kuri ivyo nuguha intumwa y’Imana Mussa (iii) ivyemezo biri k’umugaragaro kuribo

[154] Duca turerura umusozi hejuru yabo mukugira amasezerano nabo tubabwira duti:- nimwinjire mu muryango mwunamye, dusubira kubabwira duti:- ntimurenge imbibe y’umusi wa gatandatu, duca tugiriranira nabo amasezerano y’ukuri kuribo

[155] Rero kubera uguta kwabo kw’amasezerano yabo n’uguhakana ivyemezo vy’Imana, n’ukugandagura intumwa z’Imana ata kuri babifitiye n’ukuvuga bati:- imitima yacu irugawe ahubwo Imana yarayiteyeko ikidodo kubera ubuhakanyi bwabo, kuri ivyo ntibemera atari bakeya gusa

[156] Kubera ubuhakanyi bwabo n’ukubeshera Mariyamu ububeshi buhanitse

[157] Nukuvuga kwabo yuko twebwe twagandaguye umuhanaguzi Issa mwene Mariyamu (iii) intumwa y’Imana, mugihe batigeze bamugandagura canke batigeze bamubamba ahubwo bamwi kekeranye n’uwundi, mu vy’ukuri bamwe batumvikanye yuko bishe intumwa y’Imana Issa (iii) bari mumwikeko kuri ivyo, kandi ntavyemezo babifitiyeko, ahubwo bakurikira amakenga gusa, mu vy’ukuri ntiba mugandaguye

[158] Ahubwo Imana yonyene niyo yamureruye imujana iwe, n’Imana niyo nyene ubushobozi n’ubuhizi buhagije

[159] Ntan’umwe mu bantu bahawe igitabu c’Imana atari uko bamwemera imbere yuko asandaba umwe muribo, nayo k’umusi w’imperuka intumwa y’Imana Issa mwene Mariyamu (iii) niwe azoba ari icabona kuribo

[160] Rero kubera ubuhemu bwabo bayahudi, twaciye tubabuza ibintu vyiza vyari birekuriwe kuribo, n’ukubera yuko bakingira abantu benshi mu nzira y’Imana

[161] Nukurya kwabo amatungo y’umurengero mugihe babujijwe kutayaryako, n’ukurya kwabo amatungo y’abantu bitarekuriwe n’amategeko y’Imana, rero twarabateguriye abo bahakanyi b’Imana muribo ibihano bibabaza cane

[162] Mugabo bamwe batsimbataje ubumenyi muribo naba Isilamu bemera ivyamanuwe kuribo, hamwe n’ivyamanuwe imbere yawe, hamwe nababandanya guhagarika amasengesho yabo, hamwe n’abatanga imperezwa z’amatungo yabo n’ukwemera Imana y’ukuri n’umusi w’imperuka, abo bantu tuzobaha impembo niniya

[163] Twarakuzaniye ubutumwa nkuko twashikirije intumwa y’Imana Nuhu (iii) hamwe n’izindi ntumwa z’Imana munyuma yiwe, nkuko twashikirije intumwa y’Imana Ibrahimu (iii), hamwe n’intumwa y’Imana Ismaili (iii), hamwe n’intumwa y’Imana Is’haqa (iii), hamwe n’intumwa y’Imana Ya’aqubu (iii), hamwe n’ibibondo vyiwe hamwe n’intumwa y’Imana Issa mwene Mariyamu (iii), hamwe n’intumwa y’Imana Ayyubu (iii), hamwe n’intumwa y’Imana Yunusu (iii), hamwe n’intumwa y’Imana Haruna (iii), hamwe n’intumwa y’Imana Suleymanu (iii), hamwe n’intumwa y’Imana Dawudu (iii), nawe tumuha igitabu ceranda ca Zaburi

[164] N’intumwa z’Imana twakwiganiye aho hambere hamwe n’izindi ntumwa z’Imana tutakwiganiye, n’Imana yaravuganye n’intumwa y’Imana Mussa (iii)

[165] Intumwa z’Imana zatanze ubutumwa bwiza n’ugutuza abantu, kugira ngo abantu ntibagire ivyitwazo hejuru y’Imana munyuma y’intumwa z’Imana, n’Imana niyo nyene ubushobozi n’ubuhizi buhagije

[166] Mugabo Imana niyo cabona yakumanuriye, ikaba yakumanuriye yuko ari ivy’ukuri yabimanuye k’ubumenyi bwayo, n’Abamarayika nabone n’ivyabona, n’Imana irahagije kuba icabona

[167] Mu vy’ukuri bamwe bahakana Imana yabo y’ukuri, nukuzitira abantu munzira y’Imana, ntankeka n’abazimiye mu buzimire buri kure y’ukuri

[168] Mu vy’ukuri bamwe bahakana Imana yabo y’ukuri nuguhemukira imitima yabo, ntakigongwe kizobaho ku Mana, canke kubarongora inzira yabo

[169] Atari inzira yo mu muriro udahera, bazobayo mu buzima bwabo bwose, ivyo navyo biroroshe ku Mana

[170] Mwebwe bantu, intumwa y’Imana yarabashikiye n’ukuri kuvuye ku Muremyi wanyu, rero ni mwemere bizoba ari vyiza kuri mwebwe, nimwanka naho vyose nivy’Imana ibiri mu Majuru no kw’Isi, n’Imana niyo ifise ubumenyi n’ubuhizi buhagije

[171] Mwebwe bantu mwahawe igitabu ntimurenge imbibe muvyerekeye idini ryanyu, kandi ntimuvuge hejuru y’Imana atari ukuri, mu vy’ukuri umuhanaguzi Issa mwene Mariamu (iii) n’intumwa y’Imana n’imvugo yiwe yashikirije Mariyamu (iii) nawo n’umutima wavuye ku Mana, rero nimwemere Imana hamwe n’intumwa zayo, kandi ntimuvuge Batatu, mwirinde kandi niho bizoba ari vyiza kuri mwebwe, ntankeka Imana niyo Mana yonyene imwe rudende gusa, nukuba iri kure n’ubutagatifu bwayo yuko ifise ikibondo, kandi n’ivyiwe ibiri Mumajuru no kw’Isi, n’Imana niyo ikingira gusumba

[172] Umuhanaguzi ntazoterwa n’agahinda yuko umushumvyi w’Imana canke abamarayika begerejwe n’Imana, nabazo bona ako gahinda kubashumvyi b’Imana n’ukwishima, izobegeranya bose bagende iwe

[173] Nayo bamwe bemeye Imana yabo y’ukuri n’ukugira ibikorwa vyiza, izobaha impembo yabo nukubongereza kumigisha yayo, mugabo bamwe babona agahinda n’ukwishima, izobahana kubihano bibabaza cane, kandi ntibazoronka abagenzi canke abafasha imbere y’Imana

[174] Mwebwe bantu, mwarashikiwe n’ivyemezo bivuye kumuremyi wanyu, kandi twarabamanuriye umuco uri k’umugaragaro

[175] Nayo bamwe bemeye Imana yabo y’ukuri, nukuyifata neza, abo nibo izo kwinjiza mu mumigisha yayo, n’imihezagiro yayo nukubarongora mu nzira igororotse

[176] Barakubaza, wewe nuvuge uti:- Imana ibahaye itegeko ry’uwapfakaye, nk’umuntu yitavye Imana nawe ata kibondo yasize, mugabo akaba yasigaranye mushikiwe, rero uyo mushikiwe aca aronka igice c’ivyo bisigi cuyo nyakwigendera, nawe azotorana niyaba ata kibondo afise, niba ari abakobwa babiri, bazoronswa ica gatatu cibibiri muvyo yasize nyakwigendera, niba ari abavukanyi b’abahungu babiri bazoronswa ibingana n’abakobwa babiri, Imana ibamenyesha kugira ngo ntimuzimire, n’Imana niyo nyene ubumenyi bw’ibintu vyose

[1] Mwebwe mwemeye Imana yanyu y’ukuri, nimukwize ibikenewe kuri mwebwe, mukaba mwarekuriwe n’Imana kubikoko bifise amaguru ane, dukuyemwo ivyo musomewe ko yuko bibujijwe, mugabo ntimurekuriwe kugira ubuhigi namwe muri mu rugendo rutagatifu rw’Ihidja, mu vy’ukuri Imana ica urubanza uko yishakiye

[2] Mwebwe mwemeye Imana yanyu y’ukuri, ntimutakaze urupfasoni rw’ibimenyetso vy’idini ry’Imana, canke ibimenyetso vy’ukwezi kwaninahajwe n’Imana, hamwe n’iteka ry’ivyo bikoko bijanwa mugisagara c’Imakkat kubagirwayo, canke iteka ryabirya bishirwako ibimenyetso vy’ukwerekana yuko bitegekanije kugenda IMakkat, canke urupfasoni rwa bamwe bipfuza kugenda mungoro y’Imana ntagatifu y’IMakkat, barondera imigisha y’Umuremyi wabo n’ikigongwe cayo, rero nimwaganuka muvuye muri urwo rugendo rwanyu rutagatifu rw’Ihidja, ni mugende muri rwaruhigi rwanyu nayo gushavurira abantu ngo nuko bababujije gushika mw’isengero ryatewe iteka ry’IMakkat, ntibibatware kubagira ubwishime, rero ni mufashanye mubintu vyiza n’ugutinya Imana, kandi ntimufashanye mukugira ibicumuro canke mukugira ubwansi, nimutinye Imana kuko Imana irakaze muguhana

[3] Murabujijwe gufungura ibikoko vyapfuye giturumbuka hamwe n’amaraso yavyo, hamwe n’inyama z’ingurube, hamwe n’igikoko cabazwe mugabo kitaba kitavugiweko izina ry’Imana, n’igikoko canizwe mumuhogo, hamwe n’igikoko capfuye gikubiswe inkoni, hamwe n’igikoko capfuye kiguye hasi, hamwe n’igikoko capfuye gikubiswe n’ihembe, hamwe n’igikoko capfuye cariwe n’ikindi gikoko mugabo mwihuse kukibaga imbere yuko gipfa, hamwe n’icabagiwe ahagirirwa amasengesho atari amasengesho y’Imana, kandi n’ugushaka kumenya yuko amabanga y’ukwabura kw’ibintu, ibi vyose n’ibicumuro, uno musi abahakanye Imana yabo y’ukuri barihebuye mw’idini ryanyu, rero ntimubatinye ahubwo nimuntinye jewe, uno musi nabakwirije idini ryanyu nukubakwiriza imigisha yanje, kandi nkaba nabakundishije ubu Isilamu ngo bube ariryo dini ryanyu, n’uwutegetswe n’ikigoyi nawe ata tumbereye kugira ibicumuro mu vy’ukuri Imana niyo ifise ikigongwe cinshi n’impuhwe zihagije

[4] Barakubaza muvyo barekuriwe kugira mbega n’ibiki? Wewe vuga uti:- mwarahawe uburenganzira bw’ibintu vyiza hamwe n’ivyo mwigishije mubikoko hamwe n’inyoni mwigishije z’uguhiga mukazigisha nkuko Imana yabigishije, rero nimufungure kuvyo zabahigiye, kandi mubisomereko izina ry’Imana, kandi mutinye Imana, mu vy’ukuri Imana irafise umwete w’uguharura

[5] Uno musi murarekuriwe kubintu vyiza, hamwe n’ibifungurwa vya bamwe bahawe igitabu birekuriwe kuri mwebwe n’ibifungurwa vyanyu birekuriwe kuribo, n’abakenyezi b’intungane baba Isilamu kazi hamwe n’abakenyezi bintungane muri barya bahawe igitabu imbere yanyu, mugihe muzobaha udushimwe twabo mukwubakana nabo mutarinze gushura shurana nabo, canke kubabika mumazu atagenewe kubamwo uyo mupfasoni, rero uwanse kwemera Imana yiwe y’ukuri ntankeka ibikorwa vyiwe bizoba bitakaye nayo k’umusi w’imperuka azoba ari mu bantu bomuruhombo

[6] Mwebwe mwemeye Imana yanyu y’ukuri, mugihe muhagaze kugira ngo mugire amasengesho yanyu, ni mubanze kwoza mumaso yanyu hamwe n’amaboko yanyu kugeza kunkokora zanyu, hanyuma musige amazi kumitwe yanyu no kumaguru yanyu kugeza hejuru y’ibitsintsiri vy’amaguru yanyu, nimwaba mufise umwanda mpuza bitsina naho nimwiyoge, nimwaba mukitswe n’amagara naho, canke muri murugendo, canke umwe muri mwebwe avuye kwituma, canke yaranguye amabanga y’abubatse n’abakenyezi banyu mugabo mukaba mwabuze amazi y’ukwisukura, nimukoreshe ivu ryiza mugusiga mumaso yanyu n’amaboko yanyu gusa, Imana ntikunda kubashira mungorane, ahubwo ishaka kubasukura n’ugukwiza imigisha yayo kuri mwebwe kugira ngo muyikengurukire

[7] Kandi mwibuke imigisha y’Imana iri kuri mwebwe hamwe n’indagano yayo ibangikanije namwe mugihe mwavuga muti:- turumvise kandi turagamburutse, kandi mutinye Imana yanyu y’ukuri mu vy’ukuri Imana niyo ifise ubumenyi bw’ibiri mubikiriza vyacu vyose

[8] Mwebwe mwemeye Imana yanyu y’ukuri, nimube abahagarikizi kubera Imana yanyu, kandi mube mwemeza ibintu kubijanye n’ukuri, kandi ntimugiriranire inzigo n’abantu ntihaze kubashikana mukuta giriranira ukuri, rero nimugire uko kuri, kuko niko kuzomwegereza umuntu kuba hafi y’Imana, kandi mutinye Imana, mu vy’ukuri Imana irafise inkuru z’ibintu vyose mugira

[9] Imana yarabemereye bamwe bayemeye n’ukugira ibikorwa vyiza yuko bazoronswa ikigongwe hamwe n’impembo niniya cane

[10] Na bamwe bahakanye Imana yabo y’ukuri, nuguhakana amajambo yacu matagatifu, abo nibo bantu bomumuriro udahera

[11] Mwebwe mwemeye Imana yanyu y’ukuri, nimwibuke imigisha y’Imana iri kuri mwebwe, mugihe abantu bipfuza kubagororera amaboko yabo, hanyuma Imana ica irabakingira kuri ayo maboko yabo ntiyabashikira mwebwe kandi mutinye Imana, n’ukuyizera yonyene gusa

[12] N’Imana yaragize amasezerano nabene Israeri, hanyuma tubashirira muribo abategetsi cumi na babiri, n’Imana ica ivuga iti:- mu vy’ukuri jewe ndi kumwe namwe, nimwa senga hamwe n’ugutanga imperezwa n’ukwemera intumwa zanje nukubafasha nuguha Imana umwenda mwiza, ntankeka jewe nzobahanagurira amabi yanyu nukubinjiza mumirima icamwo inzuzi imbere yanyu, mugabo uwuzohakana muri mwebwe munyuma y’iyi ndagano, ntankeka azoba yazimiye munzira y’ukuri

[13] Rero kubera impamvu z’uguhonyanga amasezerano yabo, twaciye tubavuma n’ukugira imitima yabo kuba nk’ubutare muguhindura amajambo ahari ayo majambo, n’ukwibagira amwe mu majambo bibukijwe, kandi uzoguma ubandanya uronka inkuru z’ububisha bwabo atari muri bakeyi gusa muribo, rero n’ubagirire ikigongwe kandi ubareke mu vy’ukuri Imana ikunda abagira ineza

[14] No kuri barya bavuze yuko twebwe turi abakirisu, tukaba twara giriraniye nabo amasezerano, mugabo bareka bimwe muvyo bibukijwe, kuri ivyo twaciye dushira hagati yabo ubwansi hamwe nukutumvikana kugeza k’umusi w’imperuka, n’Imana izobabwira ivyo bahora bagira vyose

[15] Mwebwe bantu mwahawe igitabu c’Imana ceranda, Imana iramaze kubashikira intumwa yacu ibereka vyinshi mwahora munyegeza muri iki gitabu gitagatifu, kandi ikagirira ikigongwe kubintu vyinshi, ntankeka rero iramaze kubashikiza umuco uvuye kuriyo hamwe n’igitabu cereka ibintu vyose

[16] Kuri ico gitabu c’Imana gitagatifu, kirongora uwukurikira imigisha yayo munzira z’amahoro, nukubakura mu mwijima nukubatwara mumuco kw’itegeko ryayo, nukubarongora munzira igororotse

[17] Mu vy’ukuri baramaze kuba abahakanyi b’Imana bamwe bavuga bati:- Imana niyo muhanaguzi mwene Mariyamu (iii) wewe nuvuge uti:- ni nde azokingira icarico cose imbere y’Imana iyo ishaka kumuhonya uyo muhanaguzi umwana wa Mariyamu hamwe na nyina wiwe, hamwe n’ibiri kw’isi vyose? N’ubwami bw’Amajuru no kw’isi hamwe n’ibirimwo ni vy’Imana, kuko irema uko yishakiye, n’Imana niyo nyene ubushobozi bw’ibiri hejuru y’ibintu vyose. ((# # #.)) Abahawe igitabu c’Imana ca Zaburi, nabo kuntumwa y’Imana Daudi (iii), nayo abahawe igitabu c’Imana ca Taurati, nabo kuntumwa y’Imana Mussa (iii), nayo abahawe igitabu c’Imana c’Injiri, nabo kuntumwa y’Imana Issa mwene Mariyamu (iii), nayo abahawe igitabu c’Imana ca Qur’ani ntagatifu nabo kuntumwa y’Imana Muhammadi (aui)

[18] Abayahudi n’abakirisu bavuga bati:- twebwe turi abana b’Imana n’abakunzi bayo, wewe nuvuge uti:- none ni kuki ibahakana kubera ibicumuro vyanyu? namwe muri abantu gusa mubo yaremye? rero igirira ikigongwe kuwo yishakiye n’uguhana uwo yishakiye n’ubwami bw’Amajuru n’Isi hamwe n’ibiri hagati yavyo ni vy’Imana, n’ingaruka ya vyose niwe gusa

[19] Mwebwe bantu mwahawe igitabu gitagatifu, ntankeka mwarashikiwe n’intumwa y’Imana yacu, ibagaragariza mugihe atazindi ntumwa z’Imana ziriho, ntimuze muvuge muti:- twebwe iwacu ntitwashikiwe n’umushikiriza inkuru nziza canke uwutuza, rero mwarashikiwe n’umushikiriza butumwa n’uwutuza, n’Imana niyo nyene ubushobozi buri hejuru y’ibintu vyose

[20] N’intumwa y’Imana Mussa (iii) mugihe yabwira abantu biwe ati:- mwebwe bantu banje, nimwibuke imigisha y’Imana iri kuri mwebwe, mugihe yagira kuri mwebwe intumwa z’Imana nukubagira abategetsi nukubaha ivyo atahaye abaribo bose mubantu

[21] Mwebwe bantu banje, ni mwinjire muri ico gisagara gitagatifu Imana yabandikiye, kandi ntimusubire inyuma ntimuze kuba mu bantu bari muruhombo

[22] Baca bavuga bati:- ewe ntumwa y’Imana Mussa (iii), hariya hari abantu b’ibihangange, natwe ntidushobora kwinjira muri ico gisagara kugeza aho bazova murico, nibakivamwo niho natwe tuzokwinjira murico gisagara

[23] Abantu babiri muri bamwe batinya Imana yabo y’ukuri, mubo Imama yahaye imigisha yayo bavuze bati:- nimubinjirire muri urwo rugi kuko nimwabinjirira muri urwo rugi, mu vy’ukuri mwebwe muzo ntsinda kandi mwizere ku Mana ni mwaba mwebwe muri mu bantu bemera bimwe vy’ukuri

[24] Baciye bavuga bati:- ewe ntumwa y’Imana Mussa (iii), twebwe ntituzokwinjira muri ico gisagara namba, mugihe abo bantu bakiri muri ico gisagara, rero wewe ntumwa y’Imana Mussa (iii) nugende hamwe n’Umuremyi wawe mutane mumitwe nabo, twebwe tuzoba twicaye ngaha

[25] Intumwa y’Imana Mussa (iii) yavuze iti:- Muremyi wanje, mu vy’ukuri jewe ntaco nifashije atari umutima wanje gusa hamwe na mwene wanje, rero nudushire haruhande naba bononyi

[26] Imana imwishura iti:- aba bantu barabujijwe kuri iy’ Isi kukiringo c’imyaka mirongo ine bayiyerera, rero ntumaramare kubera abantu babononyi

[27] Nubasomere inkuru z’abana babiri b’intumwa y’Imana Adamu (iii) mu vy’ukuri mugihe batanga imperezwa zabo haca hemererwa umwe muribo, niy’uwundi ntiyemererwa, hanyuma aca avuga umwe mubo imperezwa ziwe zitakiriwe ati:- jewe ndakugandagura, aca avuga ati:- Imana yakira abayitinya gusa

[28] Niwagorora ukuboko kwawe kuri jewe kugira ngo ungandagure jewe sinzogorora ukuboko kwanje kugira ngo ndakugandagure, mu vy’ukuri jewe ndatinya Imana, Umuremyi w’ibiremwa vyose

[29] Jewe nshaka yuko wikorera ibicumuro vyanje hamwe n’ibicumuro vyawe, kuri ivyo ube mubantu bo mumuriro udahera, nivyo rero niyo mpembo y’abantu bahemukiye imitima yabo

[30] Rero umutima wiwe uca umuha ingoga y’ukwica mwene wabo, aramwica aca aba mubantu bo m’uruhombo

[31] Aho niho Imana yarungika igikona cafukura kw’Isi kugira ngo kimwereke ingene yonyegeza ikiziga ca mwene wabo, aca avuga ati:- Yo! nananiwe kuba nk’iki gikona mukunyegeza ikiziga ca mwene mama, hanyuma aca aba mu bantu bicuza

[32] Kubera ivyo vyose twaciye twandikira bene Israeri yuko uwuzokwica umuntu nawe akaba atishe umuntu, canke atagize ubwononyi ngaha kw’Isi, ni nkaho azoba yishe abantu bose, n’uwuzoreka umuntu muzima, ni nkaho yarekuye abantu bose, ntankeka intumwa zacu z’Imana zara bashikiye n’ivyemezo biri k’umugaragaro, hanyuma benshi muribo munyuma yibi vyose baciye baba abononyi cane kuri iy’Isi

[33] Rero impembo y’abarwanya Imana hamwe n’intumwa yiwe n’ukugira amabi kuri iy’Isi, n’abantu bokwicwa canke bakabambwa, canke bagacibwa ibikonjo vy’amaboko yabo n’amaguru yabo mukubi tandukanya, canke bakimurirwa mukindi gihugu, ibi nivyo bimaramare vyabo ngaha kw’Isi no k’umusi w’imperuka bazoronka ibihano bininiya cane

[34] Dukuyemwo bamwe bazosaba imbabazi imbere yuko batarafatwa, kandi mumenye yuko Imana ariyo nyene ikigongwe n’impuhwe zihagije

[35] Mwebwe mwemeye Imana yanyu y’ukuri, nimutinye Imana yanyu, kandi murondere inzira y’ukuyishikira, kandi murwane kubera idini ryiwe kugira ngo muronke instinzi nyakuri

[36] Mu vy’ukuri bamwe bahakanye Imana yabo y’ukuri, iyo boba bafise ibiri kw’isi vyose n’ibindi nk’ibi vyose, kugira ngo batange ingwati y’uguhesha ibihano vy’umusi w’imperuka, ntivyari kwakirwa kuribo, kandi bazoronka ibihano bibabaza cane

[37] Bipfuza yuko bova muri uwo muriro udahera mugabo ntibazo wuvamwo kandi bazoba bafise ibihano bibandanya kuribo

[38] Umusuma w’umugabo hamwe n’umusumakazi bose nibacibwe ibikonjo vy’amaboko yabo, kubera impembo yivyo bakoreye, ico nico gihano cavuye ku Mana, n’Imana niyo ifise ubushobozi n’ubuhizi bukwiye

[39] Mugabo uwasavye ikigongwe munyuma yaho yahemukiye umutima wiwe, hanyuma agaca agira ibikorwa vyiza, rero Imana izokwakira ico kigongwe ciwe, mu vy’ukuri Imana niyo nyene ikigongwe cinshi n’impuhwe zihagije

[40] Mbega ntuzi yuko Imana ifise ubwami bw’Amajuru n’Isi, rero ihana uwo yishakiye n’ukugirira ikigongwe kuwo yishakiye, n’Imana niyo nyene ubushobozi buri hejuru y’ibintu vyose

[41] Ewe ntumwa y’Imana, ntibagutetereze bamwe bihutira guhakana bari muri bamwe bavuga kuminwa yabo bati:- turemeye mugihe imitima yabo itemera namba, no mu bayahudi baza kwumviriza ivyo uriko uravuga kugira ngo bagende kubesha, mugihe abaza kwumviriza kubera abandi bantu batagushikira, nibo baca bahindura amajambo yico gitabu ca Taurati, mugihe caho kimaze gushingwa aho gitegerezwa kuba, bagaca bavuga bati:- nimwahabwa ibi vyose mubifate nkankama, nimuta habwa naho nimwigumye, n’umuntu Imana ishaka guha ibibazo wewe ntushobora guha imbere y’Imana icarico cose, abo bantu nibo Imana idashaka gusukura imitima yabo, kuko bazoba bafise ibizobatetereza ngaha kw’Isi, no k’umusi w’imperuka bazoba bafise ibihano bininiya cane

[42] Abumva amajambo y’ububeshi, nabarya ibintu vyabujijwe n’amategeko y’Imana, rero nibagushikira nubacire urubanza ruri hagati yabo canke ntubiteho, nutabitaho naho ntanabi n’imwe bazo kugira niwabacira urubanza, ubacire urubanza ruri hagati yabo rw’ukuri, ntankeka Imana ikunda abantu b’ukuri

[43] Bazogushiraho gute ngo wewe ube umuca manza wabo, nabo bafise igitabu c’Imana ca Taurati gifise amategeko y’Imana yukuri? Hanyuma munyuma yaho bagaca bayahakana, nabo rero nabatemera

[44] Mu vy’ukuri twaramanuye igitabu c’Imana ca Taurati, gifise uburongozi n’umuco kurico n’intumwa z’Imana zaracemeje, zarabategetse abayahudi hamwe n’ababasenga hamwe n’inca bwenge zabo, kuko bategekwa kubungabunga ico gitabu c’Imana, nabo bari ivyabona kuribo, rero ntimutinye abantu, ahubwo nimuntinye jewe Mana yanyu, kandi ntimuhindure aya majambo yanje kukiguzi gitoyi cane, rero n’abatazotegeka kuvyo Imana yamanuye, abo nibo bahakanyi b’Imana

[45] Nomuri ico gitabu c’Imana ca Taurati, twarabandikiye yuko umuntu yicwa k’uwundi, n’ijisho kurindi, n’izuru kurindi, n’ugutwi kukundi, n’iryinyo kurindi, uko niko kurihisha ingere kuyindi mugihe abantu bakomerekanye, mugabo uwuzogirira uwundi imbabazi azoba yitangiye indishi kuriwe, n’abadategeka kuvyo Imana yamanuye, abo nibo bahemukiye imitima yabo

[46] Duca tubakurikizako intumwa y’Imana Issa mwene Mariyamu (iii) kugira ngo yemeze ivyabaye imbere yiwe mugitabu c’Imana ca Taurati, duca tumuha igitabu c’Imana c’Injili, kirimwo uburongozi hamwe n’umuco, kandi cemeza ivyabaye imbere yiwe mugitabu c’Imana ca Taurati, hamwe n’uburongozi n’ubutumwa kubatinya Imana yabo y’ukuri

[47] Abantu bahawe igitabu c’Injili, nubacire urubanza kuvyo Imana yamanuye kuribo, nabatazoca urubanza kuvyo Imana yamanuye rero abo nibo bononyi

[48] Twara kumanuriye igitabu c’Imana kugira ngo cerekane ukuri kwama, kandi cemeza ibitabu vyamyeho imbere yiwe nukubicirako urubanza, rero n’ubacire urubanza ruri hagati yabo kuvyo Imana yamanuye, kandi ntukurikire ivyipfuzo vyabo mukudakurikiza ukuri kwagushikiye, n’abantu muri mwebwe twarabahaye amategeko n’inzira zabo, iyo Imana ibishaka yari kubagira umurwi umwe, mugabo yashatse kubagerageza kuri ivyo yabahaye, rero nimuhiganwe mugushikira kubintu vyiza vy’amahoro, ingaruka yamwese ni kuMana nayo izobabwira ivyo mwahora mutumvikana ko

[49] Nubacire urubanza ruri hagati yabo kuvyo Imana yamanuye, kandi ntukurikire ivyipfuzo vyabo, na wewe wirinde nabo ntibaze baguhindure nivyo Imana yakumanuriye, ni banka naho umenye yuko mu vy’ukuri Imana igomba kubashikiriza kuri bimwe mubicumuro vyabo, kandi ntankeka benshi mu bantu n’abononyi

[50] Mbega bagomba amategeko y’ubujuju, none ni nde mwiza gusumba amategeko mu mategeko y’Imana ku bantu bemera Imana yabo y’ukuri

[51] Mwebwe mwemeye Imana yanyu y’ukuri, ntimubagire abayahudi hamwe n’abakirisu kuba abagenzi banyu muribo no muri mwebwe uwuzogiriranira ubwo bucuti nabo, uyo azoba ari kumwe nabo, mu vy’ukuri Imana ntirongora abantu bahemukiye imitima yabo

[52] Uzobabona bamwe barwaye indwara ziri mumitima yabo babirukirako bavuga bati:- dutinya yuko twofatwa natwe n’iryo hindukiro mugabo ubu vuba Imana izozana iyugururiro ry’ibisagara canke ikindi kintu kivuye kuriyo, bace bidoga kuvyo banyegeje mumitima yabo

[53] Nabemeye Imana yabo y‘ukuri bazovuga bati:- mbega abo sibamwe barahira kw’izina ry’Imana kundahiro zabo zikomakomeye yuko bari kumwe namwe? mugabo ibikorwa vyabo vyarononekaye none baciye baba abantu b’uruhombo

[54] Mwebwe mwemeye Imana yanyu y’ukuri, uwuzo kwiyonkora mw’idini ryiwe ubu vuba Imana izo zana abantu ikunda, nabo bayikunda, bagamburuka kuba Isilamu bafise ubushobozi buri hejuru y’abahakanyi b’Imana y’ukuri bazorwanira idini ry’Imana kandi ntibazotinya umwikomo w’uwuzobatera uwo mwikomo, iyi niyo ngabirano y’Imana iha uwo yishakiye, n’Imana niyo yagutse kandi niyo ifise ubumenyi buhagije

[55] Umugenzi wanyu bwite n’Imana yonyene hamwe n’intumwa yayo hamwe n’abemeye aribo bahagarika amasengesho n’ugutanga imperezwa zabo mugihe bagamburuka

[56] N’uwuzogira ubucuti n’Imana hamwe n’itumwa yayo hamwe n’abemeye Imana yabo y’ukuri, nuko umurwi w’Imana ariwo uzotsinda

[57] Mwebwe mwemeye Imana yanyu y’ukuri, ntimubagire abagenzi bamwe bafyinatira idini ryanyu muri bamwe bahabwa igitabu imbere yanyu hamwe nomubagenzi banyu, kandi mutinye Imana yanyu nimwba mwebwe muri mu bantu mwemera Imana yanyu y’ukuri

[58] Mubahamagaye kuja gusenga mugihe muhamagaye baca babifata minenerwe n’ugufyinata, ivyo vyose n’ukubera yuko bari mu bantu ata bwenge bafise

[59] Vuga uti:- mwebwe bantu mwahawe igitabu c’Imana, mbega mutubonamwo ikosa yuko twemeye Imana yacu y’ukuri hamwe n’ivyo twamanuriwe hamwe n’ivyamanuwe kuva kera, hamwe nuko benshi muri mwebwe muri mubantu babononyi

[60] Vuga uti:- mbega ndababwire uwuzoba afise impembo yiwe mbi cane gusumba ibi vyose imbere y’Imana? Ni mubo Imana izoba yavumye n’ukuba shavurira n’ukugira abandi kuba nk’inkende n’ingurube, n’ugusenga amashetani, abo nibo bantu bafise ivyicaro vyabo bibi cane n’abazimiye cane munzira igororotse

[61] Bababeshi babashikiriye bavuga bati:- twebwe turemeye mugihe aribo binjiye n’ubuhakanyi bwabo nabo bafise ubwo buhakanyi bwabo n’Imana irafise ubumenyi bwinshi bwivyo banyegeza

[62] Uzobabona benshi muribo birukira mubicumuro no mubwansi n’ukurya kwabo ivyabujijwe n’amategeko y’Imana, ntankeka ivyo bagira vyose n’ibintu bibi cane

[63] Mbega abo babasenga hamwe n’incabwenge zabo ko bataba buza amajambo yabo y’ibicumuro n’ukurya kwabo ivyabujijwe n’amategeko y’Imana, ntankeka ivyo bagira vyose ni bibi cane

[64] N’abayahudi bavuze bati:- ukuboko kw’Imana kurapfumbataye, n’amaboko yabo niyo yugaye, kandi baravumwe kubera ivyo bavuze, mugabo amaboko y’Imana aruguruye kuko itanga ivyo yishakiye, mu vy’ukuri ivyamanuwe kuri wewe bivuye kumuremyi wawe bizobongereza vyinshi muribo ubwansi n’ubuhakanyi, kandi twarabashiriyeho ubwansi n’ukutumvikana hagati yabo kugeza k’umusi w’imperuka, umwanya wose uko bakije umucanwa w’intambara, Imana ica uwuzimya, bagaca bihangana kugira ubwononyi ngaha kw’Isi, n’Imana ntikunda abononyi

[65] Niba aba bantu bahawe igitabu c’Imana gitagatifu iyo bemera bimwe vy’ukuri n’ugutinya Imana yabo y’ukuri, ntankeka twari kubahanagurira amakosa yabo nukubinjiza mumirima ifise imigisha

[66] Iyo bahagarika igitabu c’Imana gitagatifu ca Taurati hamwe n’igitabu c’Imana gitagatifu c’Injili hamwe n’ivyamanuwe kuribo bivuye kumuremyi wabo mu vy’ukuri bari gufungura ibiri hejuru yabo n’ibiri munsi y’amaguru yabo, kuko hari abantu muribo bakurikiza inzira nziza, mugabo benshi muribo muvyo bagira vyari ibintu bibi cane

[67] Ewe ntumwa y’Imana, n’ushikirize ivyo wamanuriwe bivuye kumuremyi wawe, nutabigira naho ntuzoba urashikana ubutumwa bwayo, n’Imana izo gukingira n’abantu, mu vy’ukuri Imana ntirongora abantu bayihakana

[68] Vuga uti:- mwebwe bantu mwahawe igitabu c’Imana gitagatifu ntimuri hejuru y’ikintu icarico cose kugeza aho muzo hagarika igitabu c’Imana gitagatifu ca Taurati hamwe n’igitabu c’Imana gitagatifu c’Injili, hamwe nibi vyamanuriwe kuri mwebwe bivuye kumuremyi wanyu, kandi ntankeka ivya manuriwe kuri wewe bivuye kumuremyi wawe bizobongereza benshi muribo ubwononyi n’ubuhakanyi hamwe n’ubuhakanyi, rero ntibigutere agahinda ku bantu b’abahakanyi b’Imana

[69] Mu vy’ukuri bamwe bemeye Imana yabo y’ukuri, hamwe n’abayahudi naba Saaibu hamwe n’abakirisu mubazo kwemera Imana y’ukuri hamwe n’umusi w’imperuka n’ukugira ibikorwa vyiza, rero abo bantu ntabwoba bazoba bafise kandi ntibazo teterwa

[70] Mu vy’ukuri twaragize amasezerano hamwe na bene Israeri, tubashikiriza intumwa z’Imana, uko bashikirwa n’intumwa y’Imana kuvyo imitima yabo idashaka, bamwe muribo baca babahakana n’abandi nabo barabagandaguye

[71] Biketse yuko Ibihano bitazobaho baca baba impumyi hamwe n’abatumva hanyuma Imana ica ibakirira ikigongwe cabo, kandi benshi muribo baca baba impumyi n’abatumva ubugira kabiri, n’Imana niyo ibona ivyo bagira vyose

[72] Ntankeka baracumuye bamwe bavuga bati:- Imana niyo muhanaguzi mwene Mariyamu, nawe umuhanaguzi yavuze ati:- mwebwe bene Israeri nimusenge Imana, umuremyi wanje n’umuremyi wanyu, kuko uwuyigereranya n’ibindi bintu, mu vy’ukuri Imana izo mubuza kw’injira mw’ijuru n’icicaro ciwe nico mu muriro udahera, n’abahemukiye imitima yabo ntibazoronka abafasha

[73] Mu vy’ukuri barabaye abahakanyi b’Imana bamwe bavuga bati:- Imana n’Imwe muri zitatu, mugihe atayindi Mana atari Imana imwe yonyene gusa, nibatareka ivyo vyose bavuga, mu vy’ukuri bazofatwa bamwe baguma babandanya n’ubuhakanyi bwabo muribo kandi bazoronka ibihano bibabaza cane

[74] Mbega ntibasaba ikigongwe ku Mana n’ugusaba imbabazi, n’Imana niyo ifise ikigongwe cinshi n’impuhwe zihagije

[75] Umuhanaguzi mwene Mariyamu sicarico cose atari uko ari intumwa y’Imana gusa, ntankeka intumwa z’Imana nyinshi zararenganye imbere yiwe, n’umuvyeyi wiwe yari intungane y’ukuri, bose uko ari babiri bahora bafungura ibifungurwa , rero nurabe ingene tuba menyesha aya majambo y’Imana matagatifu kandi murabe n’ingene bahindurwa

[76] Vuga uti:- mbega murasenga aho gusenga Imana yonyene rudende, bamwe badashobora kubagirira inabi canke kubagirira ineza iyariyo yose, n’Imana niyo yumva kandi niyo nyene ubumenyi buhagije

[77] Vuga uti:- mwebwe bantu mwahawe igitabu gitagatifu, ntimurenge imbibe y’idini ry’Imana y’ukuri ata kuri mubifitiye, kandi ntimukurikire ivyipfuzo vy’abantu bamaze gutakara kuva kera n’ugutakaza abandi benshi nubu batakarira munzira igororotse

[78] Baravumwe bamwe bahakanye muri bene Israeri kururimi rw’intumwa y’Imana Daudi (iii) hamwe n’intumwa y’Imana Issa mwene Mariyamu (iii), ivyo vyose n’ukubera yuko biyonkoye n’ukurenga imbibe z’Imana

[79] Ntibari mubakingirana kubintu bibi bahora bagira, none n’ububisha nyabaki bwiri jambo bahora bagira

[80] Uzobabona benshi muribo bagira ubucuti hamwe nabahakanye Imana y’ukuri, ibi vyose n’ibintu bibi vyatangujwe n’imitima yabo, navyo nuko Imana yabashavuriye nabo bazobayo mubuzima bwabo bwose bari mubihano

[81] Iyo bemera Imana yabo y’ukuri hamwe n’intumwa yiwe hamwe nivyamanuriwe kuriwe, ntibari kubagira abo bantu kuba ari abagenzi babo, mugabo benshi muribo n’abononyi

[82] Mu vy’ukuri uzosanga abari abansi gusumba abandi bantu kuba Isilamu aribo Bayahudi hamwe nabagereranya Imana n’ibindi bintu, kandi uzobabona abari hafi y’ubucuti naba Isilamu ari barya bavuga bati:- twebwe turi abakirisu kubera yuko muribo hari incabwenge hamwe n’abatinya Imana, nukubera yuko batishima

[83] Mugihe bumvise ivyamanuwe kuntumwa y’Imana, uca ubona amaso yabo asesagurika amosozi kubera ukuri batahuye bavuga bati:- Muremyi wacu, twebwe turemeye, rero nutwandike hamwe n’ivyabona vyakuno kuri

[84] None nikuki tutemera Imana y’ukuri hamwe n’ukuri kwadushikiye mugihe twizeye yuko Umuremyi wacu atwinjiza mw’ijuru hamwe n’abantu beranda

[85] Imana izobahemba kuvyo bavuze, hamwe n’imirima n’inzuzi zica imbere yabo, muriyo bazobamwo mu buzima bwabo bwose, iyo rero niyo mpembo y’abagira ineza

[86] Nayo abahakanye Imana yabo y’ukuri, n’uguhakana amajambo yacu matagatifu, abo nibo bantu bo mumuriro udahera

[87] Mwebwe mwemeye Imana yanyu y’ukuri ntimubuze ibintu vyiza mwarekuriwe kugira n’amategeko y’Imana, kandi ntimurenge imbibe zayo, mu vy’ukuri Imana ntikunda abarenga imbibe zayo

[88] Kandi mufungure muvyo Imana yabahaye birekuriwe n’amategeko yayo kandi vyiza, kandi mutinye Imana yanyu ariyo mwebwe mwemera bimwe vy’ukuri

[89] Imana ntizobahana kubera indahiro zanyu ataco zimaze, mugabo izobafata kundahiro mwarahiye kuvyipfuzo mwagiriraniye nayo y’ukuri, rero indishi yizondahiro zose n’ukurisha abakene cumi kubifungurwa biri hagati na hagati yivyo murisha abantu bomungo zanyu canke mukabambika, canke mukabaha uburenga nzira bw’umushumvyi ufise, mugabo uwutabishoboye kuronka ivyo vyose, niyisonzeshe imisi itatu, iyi niyo ndishi y’indahiro zanyu mugihe mwarahiye, rero nimwirinde cane nizo ndahiro zanyu, gutyo rero Imana irabamenyesha amajambo yayo matagatifu kugira ngo mube mu bantu bashima

[90] Mwebwe mwemeye Imana yanyu y’ukuri, ntankeka inzoga hamwe n’akamari, hamwe n’ugusenga uwutari Imana y’ukuri, hamwe n’ukurabira kumyampi yukuragurizako, ivyo vyose n’umwanda uri mumirimo ya shetani, rero nimwitandukanye nayo kugira ngo muronke intsinzi nyakuri

[91] Mu vy’ukuri shetani igomba kubashiramwo ubwansi n’urwankano hagati yanyu kubera inzoga hamwe n’akamari, kandi igomba kubazitira ngo ntimwibuke Imana yanyu y’ukuri hamwe n’ugusenga, mbega ivyo vyose muzobireka

[92] Kandi mugamburukire Imana, kandi mugamburukire intumwa y’Imana kandi mwirinde, nimwahakana naho mumenye yuko hejuru y’intumwa yacu ari ugushikana ubutumwa buri k’umugaragaro

[93] Si igicumuro hejuru yabemeye Imana yabo y’ukuri nukugira ibikorwa vyiza kuvyo bafunguye, mugihe batinya Imana yabo y’ukuri n’ukwemera nukugira ineza, kandi bakayitinya nukuyemera kandi bakayitinya nukugira ibikorwa vyiza, n’Imana ikunda abagira ineza

[94] Mwebwe mwemeye Imana yanyu y’ukuri, Imana izobagerageza kuri bimwe mubikoko muhiga bishikira mumaboko yanyu n’amacumu yanyu, kugira ngo Imana imenyeshe uwariwe wese ayitinya naho mutayibona, rero uwuzorenga imbibe munyuma yivyo vyose mwabwiwe azoronka ibihano bibabaza cane

[95] Mwebwe mwemeye Imana yanyu y’ukuri, ntimwice ibikoko namwe muri murugendo rutagatifu rw’IHija, canke muri mumasengesho magufiya ya Umrat, no muri mwebwe uwuzo kwica ico gikoko kubigira mpaka, impembo yiwe izoba ingana n’ico yishe muri ivyo bikoko vy’intungano, nkuko bazoca urubanza abaca manza babiri muri mwebwe, rero ico gitungwa gice gitwarwa kuri Al’kaabat, rero bitabaye uko n’ukwisonzesha kugira ngo uwo muntu ahonje ikibi c’ico kintu ciwe, Imana iramaze guhanagura ivyahise, mugabo uwuzo subira kugira ivyo Imana izo muha ibihano, nayo niyo nyene ubushobozi n’uguhana bimwe vy’akarorero

[96] Mwebwe muramaze kuronswa uburenga nzira bw’ubuhigi bwo mubiyaga hamwe n’ibifungurwa vyayo iyo niyo mpembo yanyu no kubari murugendo, mugabo mubujijwe kugira ubuhigi bw’ibikoko biri mubugararwe mugihe mukiri muma sengesho y’urugendo rutagatifu rw’iHidja, canke yamasengesho magufiya ya Umrat, kandi mutinye Imana yanyu ariyo muzo kwegeranywa iwe

[97] Imana niyo yagize iyo ntumbero ya Al’kaabat ngo ibe ariyo ngoro y’Imana ntagatifu n’ukuba ari integuro ry’ubuzima bw’abantu, n’ukugira y’amezi ane matagatifu ngo abe ariyo nteguro y’ubuzima bw’abantu, nugutwara ibikoko IMakkat n’ugushiraho ibimenyetso vyemeza yuko ari amahudjaji, ivyo vyose n’ukumenyesha yuko ari integuro y’ubuzima bw’abantu, ikaba yabigize gutyo kugira ngo mumenye yuko Imana ifise ubumenyi bw’ibiri mu majuru hamwe n’ibiri kw’Isi, kandi Imana ariyo nyene ubumenyi bw’ibintu vyose

[98] Mumenye yuko Imana ikaze cane muguhana, kandi ifise ikigongwe cinshi n’impuhwe zihagije

[99] Ntawuri hejuru y’intumwa y’Imana atari ugushikiriza ubutumwa bw’Imana gusa, n’Imana niyo ifise ubumenyi bwivyo muserura hamwe nivyo munyegeza

[100] Vuga uti:- abantu bose ntibangana kumabi yabo canke kuvyiza vyabo, naho ubwo bwinshi bw’abantu babi bwokunezereza, mugabo ntuhengamire kubwinshi bwabo, rero nimutinye Imana yanyu mwebwe mufise ubwenge kugira ngo muronke intsinzi nyakuri

[101] Mwebwe mwemeye Imana yanyu y’ukuri, ntimubaze ibintu mugihe mwovyerekwa vyobashavuza, rero nimwabaza ivyo bintu mugihe hamanurwa amajambo y’Imana matagatifu ya Qur’ani muzo bimenyeshwa n’Imana iramaze kubigirirako imbabazi, nayo niyo ifise ikigongwe cinshi kandi niyo ntungane cane

[102] Abantu baho hambere yanyu barabajije, munyuma yaho baca barahakana

[103] Imana ntiyashoboye kugira kuri Bahiyra canke Saaibat canke Waaswilat canke Haami, mugabo aba hakanye Imana yabo y’ukuri barabeshera Imana, na benshi muribo ntibakoresha ubwenge namba

[104] Mugihe babwirwa bati:- nimuze kuntahe yamanuwe n’Imana hamwe n’intumwa yiwe, baca bavuga bati:- birahagije ivyo twasanganye abavyeyi bacu, mbega naho abo bavyeyi babo batari bafise ubumenyi nabumwe canke batari barongotse

[105] Mwebwe mwemeye Imana yanyu y’ukuri, ibitegetswe hejuru yanyu n’imitima yanyu, kuko nta nabi bazobagirira iyariyo yose muba tiriganye nimwaba mwararokotse, rero ingaruka ya mwese ni kumana, rero izobabwira ivyo mwahora mugira vyose

[106] Mwebwe mwemeye Imana yanyu y’ukuri, nimushireho abasigi bibiri binvuga kuri muri mwebwe mugihe c’ukuraga ku washikiwe n’umwe muri mwebwe n’urupfu, canke mushireho abandi babiri batari muri mwebwe mugihe muri murugendo, urupfu narwo rukaba shikira muzoca muhagarika muri bamwe babiri muhejeje gusenga, hanyuma bace barahira kw’izina ry’Imana yuko nimwaba mubafitiye amakenga bace bavuga kuri iyo ndahiro yabo yuko batigeze bakira icarico cose, naho yoba ari incuti yacu, kandi ntidushobora ukuba kwacu nk’ivyabona vy’Imana, mu vy’ukuri aho tuzoba turi mu bantu b’ibicumuro bininiya cane

[107] Nivyamenyekana yuko abo bantu babiri bagize igicumuro, abandi babiri bari muri babasigwa bacumuye kuri ivyo bisigi nibo bazohagarara kuruhande rwabo, barahire kw’izina ry’Imana n’ukuvuga bati:- ukuba kwacu kw’ivyabona nuku kuri cane gusumba ukuba icabona cabo, natwe ntitwahemukiye imitima yacu, mu vy’ukuri kuko aho tuzoba turi mubahemukiye imitima yacu

[108] Ubu intumbero niniya nuko hazoboneka ivyabona vy’ukuri, canke batinye ntihaze hazanwe izindi ndahiro zitari indahiro zabo, rero nimutinye Imana yanyu kandi mwumvirize ivyo mubwirwa, mu vy’ukuri Imana ntirongora abantu b’abononyi

[109] Umusi Imana izo koranya intumwa zayo ibabwire iti:- mwishuwe iki? Nabo bazokwishura bati:- twebwe ntabumenyi dufise, mu vy’ukuri ni wewe ufise ubumenyi bw’amabanga yose

[110] Imana mugihe izovumera iti:- ewe Issa mwene Mariyamu (iii) niwibuke imigisha yanje kuri wewe, hamwe no k’umuvyeyi wawe, mugihe nagufasha nkoresheje umutima mutagatifu uca uraganira n’abantu nawe ukiri uruhinja, n’igihe wari ukuze, n’ingene nakwigishije kwandika hamwe n’ubuhizi na Taurati hamwe n’Injili, kandi wibuke mugihe wakora amashusho mw’ivu hamwe n’inyoni kw’itegeko ryanje, hanyuma uca urahuhera zica ziba inyoni kw’itegeko ryanje, no mugihe wakiza impumyi hamwe n’abarwaye imibembe kw’itegeko ryanje, n’igihe wazura abapfuye mu ntatemwa zabo kw’itegeko ryanje, n’igihe nagukingira na bene Israeri mugihe wabashikirira n’ubutumwa buri k’umugaragaro, nayo abahakanye Imana yabo y’ukuri muribo bakavuga bati:- ibi vyose ntaco bimaze nuko ari uburozi buri k’umugaragaro

[111] Mugihe nabereka abanyeshuri bawe yuko banyemere jewe hamwe n’intumwa yanje, bavuze bati:- twebwe turemeye kandi utubere icabona yuko twebwe turi abagamburutsi

[112] Babanyeshuri mugihe bavuga bati:- ewe ntumwa y’Imana Issa mwene Mariyamu (iii) mbega Umuremyi wawe yoshobora kutumanurira ibifungurwa bivuye mw’ijuru? Nawe abishura ati:- ni mutinye Imana yanyu nimwaba mwemera bimwe vy’ukuri

[113] Nabo bamwishura bati:- twebwe dushaka gufungura kuri ivyo bifungurwa kugira ngo imitima yacu ireme, kandi tumenye yuko watubwiye ukuri natwe kandi tube mubantu b’ivyabona

[114] Intumwa y’Imana Issa mwene Mariyamu (iii) yavuze iti:- ewe Mana Muremyi wacu, tumanurire ibifungurwa bivuye mw’ijuru kugira ngo ube ariwo musi mukuru ku bantu bambere bacu n’abanyuma bacu, kandi kibe ari ikimenyetso kivuye iwawe, rero n’uduhezagire kuko ari wewe mwiza mubatanga iyo mihezagiro

[115] Imana ivumera it:- ntankeka jewe nzomanura ivyo bifungurwa kuri mwebwe, mugabo muri mwebwe uwuzo hakana inyuma yibi vyose amenye yuko jewe nzomuhana ibihano bimwe vy’akarorero ntari bwahane uwariwe wese ngaha kw’isi

[116] N’Imana igihe izovumera iti:- ewe ntumwa y’Imana Issa mwene Mariyamu (iii), mbega ni wewe wabwiye abantu ngo bangire jewe hamwe n’umuvyeyi wanje kuba ari ama mana aho kuba Imana imwe yonyene? Intumwa y’Imana Issa mwene Mariyamu (iii) yabishuye ati:- ni wewe Mana yanje wisukuye n’ukutaba ufise uwo mucuditse hamwe nawe, kuko jewe sindekuriwe kuri jewe kuvuga ibitari ukuri kutajanye nanje, iyo ndabivuga ntankeka wari kubimenya, ni wewe ufise ubumenyi bw’ibiri mumushaha wanje, mugabo jewe ntabumenyi mfise bw’ukumenya ibiri mu mushaha wawe, mu vy’ukuri ni wewe ufise ubumenyi bw’ibintu bitazwi

[117] Ntana kimwe nababwiye atari ivyo wantegetse yuko ari ugusenga Imana Umuremyi wanje n’umuremyi wanyu, kandi jewe nari icabona kuribo mugihe nari kumwe nabo, n’igihe wankwiriza ikiringo canje, nawe uca uba umureretsi kuribo, na wewe uri icabona hejuru y’ibintu vyose

[118] Niwabahana ntankeka abo n’ibiremwa vyawe, kandi niwaba girira ikigongwe mu vy’ukuri ni wewe nyene ubushobozi n’ubuhizi buhagije

[119] Imana izovumera iti:- uwu niwo musi abavugisha ukuri, ukuri kwabo kuzobafasha, bazoronka imirima ica imbere yabo inzuzi z’ubuzima bwabo bwose, Imana yara bemereye ikigongwe, nabo bara yemerera, iyo rero niyo ntsinzi niniya cane

[120] Ubwami bw’Amajuru n’Isi hamwe n’ibirimwo vyose ni vy’Imana, nayo niyo nyene ubushobozi bw’ibintu vyose

[1] Ishimagizwa ryiza rikwiriye Imana kuko ariyo yaremye Amajuru n’Isi n’ukugira umwijima hamwe n’umuco, no kuri ibi vyose bamwe bahakanye Umuremyi wabo w’ukuri nibo bagereranya Umuremyi wabo n’izindi Mana z’ububeshi

[2] Imana niyo yabaremye ikoresheje ivu, hanyuma ishira ho ikiringo, n’ico kiringo kirategekanijwe kikaba kiri iwe, hejuru y’ivyo vyose ni mwebwe mubigirana amakenga

[3] Nayo niyo Mana iri mu Majuru yose no kw’Isi, kandi niyo ifise ubumenyi bw’amabanga yanyu yose, n’ibiri hanze yanyu vyose, kandi niyo ifise ubumenyi bw’ivyo mugira vyose

[4] Kandi ntibashikirwa n’ivyemezo ivyarivyo vyose muvyemezo vy’Umuremyi wabo, mugabo nuko bayihakana

[5] Baraguhakanye ukuri kwama mugihe kwabashikira, ubu bazoshikirwa n’inkuru zivyo bahora bafata minenerwe

[6] Mbega ntibabona isinzi ry’abantu uko bangana nabo twahoneje imbere yabo, twarabatsimbataje ngaha kw’Isi nkuko tutabatsimbataje mwebwe ngaha kw’Isi, hanyuma tubarungikira imvura y’urutavanako hanyuma tugira imyonga ica imbere yabo, hanyuma turabahonya kubera ibicumuro vyabo, hanyuma turema munyuma yabo abandi bantu

[7] Iyo tukumanurira irwandiko ruri k’urupapuro nukuzikorako n’amaboko yabo, ntankeka bamwe bahakana Imana yabo y’ukuri bari kuvuga bati:- ibi vyose ntaco bitumariye ahubwo n’uburozi buri k’umugaragaro

[8] Kandi bavuga bati:- mbega ni kuki ata manuriwe umumarayika, n’iyo tumanura umumarayika ntankeka urubanza rwari gucibwa aho nyene

[9] Iyo tumugira umumarayika ntankeka twari kumugira umuntu, kandi twari kubajuragiza kuvyo bajuragirizwako

[10] Mu vy’ukuri intumwa z’Imana zarakengewe imbere yawe, mugabo barakikuzwa bamwe bakengera muribo kuvyo bahora bakengera

[11] Vuga uti:- ni mufate ingendo kuri iy’Isi hanyuma mw’itegereze amaherezo y’abahakanye Imana y’ukuri

[12] Vuga uti:- ibiri mumajuru no kw’Isi vyose ni vyande? Hanyuma uvuge uti:- ni vy’Imana, kuko niyo yitumye kugirira impuhwe zayo abantu bayo, mu vy’ukuri ivyo begeranya k’umusi w’imperuka ariwo musi ata nkeka urimwo, nayo bamwe bitaye muruhombo nibo batemera uwo musi w’imperuka

[13] N’ivyiwe bituruye mw’Ijoro no k’umutaga, nayo niyo yumva, kandi niyo nyene ubumenyi buhagije

[14] Vuga uti:- mbega ngire Umuremyi atari Imana, ariyo yaremye Amajuru n’Isi, nayo ikaba irisha itarishwa ? vuga uti:- mu vy’ukuri jewe nategetswe ngo mbe uwambere mubemera ubu Isilamu, nca mbwirwa kutaba muba gereranya Imana n’ibindi bintu

[15] Vuga uti:- jewe ntinya ibihano vy’umusi mukuru niniyonkora k’Umuremyi wanje

[16] Uwuzokurwako ivyo bihano kuri uwo musi w’imperuka, ntankeka Imana izoba yamugiriye impuhwe zayo, iyi rero niyo ntsinzi iri k’umugaragaro

[17] Niyaba Imana yawe yagutayeko ingorane ntawundi muntu ashoboye kuyigukurako atariyo yonyene gusa, canke igukojejeko amahirwe, niyo yonyene ifise ubushobozi buri hejuru y’ibintu vyose

[18] Nayo niyo nyene itsinzi y’abantu bose, kandi niyo nyene ubuhizi n’inkuru zose

[19] Vuga uti:- n’ikihe kintu c’icabona arico gikuru gusumba? Hanyuma uce uvuga uti:- Imana niyo cabona canje kiri hagati yanje namwe, n’iyi Qur’ani ntagatifu nahawe kugira ngo ntuze mwebwe n’uwo izoshikira, mbega mu vy’ukuri mwebwe murafise ivyabona yuko hari izindi Mana hamwe n’Imana y’ukuri? Vuga uti:- jewe sindi icabona hanyuma uvuge uti:- niyo Mana imwe yonyene rudende gusa, mu vy’ukuri jewe ndi kure nabo mugereranya n’ibindi bintu

[20] Bamwe twahaye igitabu c’Imana barafise ubumenyi bw’ibi vyose nkuko bafise ubumenyi bw’ibibondo vyabo, nayo bamwe bita muruhombo nibo batemera ivyo vyose

[21] None ni nde muhemu gusumba umwe yadukana ububeshi bwukubeshera Imana, canke uwuhakana ivyemezo vyayo? Mu vy’ukuri abahemukiye imitima yabo ntantsinzi bafise

[22] N’umusi tuzobegeranya bose hamwe, hanyuma tuze tubabwire bamwe bagereranya Imana n’ibindi bintu duti:- bari hehe bamwe mubagereranywa banyu mwamye muvuga

[23] Hanyuma ntacitwazo cabo kizoba kiriho atari uko bazovuga bati:- turarahiye kw’izina ry’Imana, Muremyi wacu ntituzoba abagereranyi b’Imana hamwe n’ibindi bintu

[24] Nurabe ingene babesha hejuru y’imitima yabo, none batakaje ivyo bahora badukana navyo

[25] Harimwo muribo abakwumviriza natwe twashizeho inzitizi mumitima yabo, kugira ngo ntibaze bayamenye ayo majambo bumva, kandi nuko hari uruzitiro ruri mumatwi yabo, rero babonye ivyemezo vyacu ntiba vyemera naho baje guharira na wewe bamwe bahakanye Imana yabo y’ukuri baca bavuga bati:- ibi vyose nta nakimwe kirimwo atari imigani gusa y’abantu bakera

[26] Nabo batuza ibi vyose, n’ukwishira kure yavyo, nabo ntibahonya atari imitima yabo gusa nabo batabizi

[27] Iyo ubona mugihe bazohagarikwa kumuriro udahera, bavuga bati:- iyo dusubizwa kw’Isi ntituze dusubire guhakana amajambo y’Umuremyi wacu matagatifu, kandi tuzoba turi mubantu bemera Imana y’ukuri

[28] Ahubwo vyarabonetse kuribo kuvyo bahora banyegeza kuva kera, rero iyo basubizwa ntankeka bari bari gasubira kugira bimwe babuzwa kandi ntankeka kandi kuribo ntankeka n’ababeshi gusa

[29] Bavuze bati:-ntabindi bihari atari ubu buzima bwo ng’aha kw’Isi, kandi natwe ntituzozurwa

[30] Iyo yobonye mugihe bazohagarikwa imbere y’Umuremyi wabo, nayo ibabwira iti:- mbega ibi sivy’ukuri? Nabo bishura bati:- ni kuki twebwe turahira kw’izina ry’Umuremyi wacu? Nayo Imana izobishura iti:- nimuhonje ibihano kubera uguhakana kwanyu

[31] Ntankeka baramaze gushikirwa n’uruhombo bamwe bahakanye yuko batazohura n’Imana yabo kugeza aho bazoshikirwa giturumbuka nico gihe, baciye bavuga bati:- oh! amaganya yacu ari hejuru yabimwe twanegura, nabo bazokwikorera amatu yabo kumigongo yabo, rero nimurabe namwe ayo mabi bikoreye

[32] N’ubuzima bwo ng’aha kw’isi ntaco bumaze, ahubwo ni nk’urukino ata kintu kimaze, kandi ntankeka inzu yo mw’ijuru niyo nziza gusumba kuri barya batinya Imana yabo, mbega ibi vyose ntimubishira mubwenge bwanyu

[33] Turazi yuko bigutera agahinda kuvyo bakuvugako, rero kuribo ntibabeshera wewe, mugabo abahemukiye imitima yabo nibo bahakana ivyemezo vy’Imana

[34] Mu vy’ukuri intumwa z’Imana zose zarahakanywe imbere yawe, mugabo bari hanganye kubera uko kutemerwa kwabo hamwe n’ugushavuzwa kwabo kugeza aho bashikirwa n’uburokoke bwacu, kandi ntawuhindura amajambo y’Imana, kandi ntankeka ziramaze kugushikira inkuru zizo ntumwa z’Imana

[35] Niwaba ubona yuko ari ibintu bikurengeye kukwiyonkora kwabo, nawe niwaba ushoboye kurondera inzira yo hasi na hasi kuri iy’Isi canke idugiro rikuduza mw’Ijuru, nukubazanira ivyemezo n’ibitangaro, rero iyo Imana ibishaka ntankeka yari kubegeranya muburongozi bwayo, rero ntube mubantu badafise ubumenyi

[36] Abemera nibarya bumva, nabadashaka kwumva icarico cose Imana izo bazura hanyuma basubizwe iwe

[37] Bavuga bati:- ni kuki ata manuriwe ibitangaro bivuye ku Muremyi wiwe? Vuga uti:- mu vy’ukuri Imana niyo nyene ubushobozi bwukumanura ibitangaro mugabo benshi muribo ntavyo bazi

[38] Kandi ntagikoko kiri kuri iy’Isi, canke inyoni iguruka kumababa yayo abiri, atari uko ari ibiremwa vyinshi nkamwe, natwe ntitwirengagije mubiri mugitabu cacu kukintu icarico cose, hanyuma nibo bazokwegeranywa imbere y’Umuremyi wabo

[39] Nabamwe bahakanye ivyemezo vyacu nintumva n’ibiragi, kandi nabari mumwijima, uwurondera Imana yiwe y’ukuri iramureka agatakara, n’uwo yishakiye imushira munzira igororotse

[40] Vuga uti:- nimumbwire nimwashikirwa n’ibihano vy’Imana, canke mushikirwa nayasaha yugushikirwa n’ibihano vy’umusi w’umuhero w’Isi, mbega muzo hamagara uwutari Imana ni mwaba mwebwe muvugisha ukuri

[41] Ahubwo niyo muzosaba, nayo ikazoba kurira ivyo mwayisavye ibishatse, kandi muzokwibagira abo mugereranya nabo n’ibindi bintu

[42] Mu vy’ukuri twararungitse ku bantu bamyeho imbere yawe, hanyuma tubashira mumananiza n’amakenga kugira ngo bashobore kugamburuka

[43] Nukubera iki bata gamburutse mugihe bashikirwa n’ibihano vyacu, mugabo imitima yabo yari ikomeye nk’urutare, nayo shetani irabashariza kuvyo bahora bagira

[44] Mugihe batitayeho kuvyo bahora bibutswa, twaciye tubugurira imiryango y’ibintu vyose kugeza naho banezerezwa nivyo bahawe, aho niho twabafata giturumbuka nuguca bihebura

[45] Haciwe imizi y’abantu bahemukiye imitima yabo, nihayagizwa ryose ryiza ni ry’Imana Umuremyi w’ibiremwa vyose

[46] Vuga uti:- nimumbwire yuko Imana ibakuriye uko kwumva kwanyu n’ukubona kwanyu n’ugukubita ibidodo kumitima yanyu, ni iyihe Mana atari Imana ishoboye kubazanira ibindi bintu, rero nurabe ingene dusigura aya majambo y’Imana matagatifu, hanyuma nabo bakayakengera

[47] Vuga uti:- nimumbwire yuko nimwashikirwa giturumbuka n’ibihano vy’Imana canke bikabashikira imbona nkubone, none nibande bazohonywa atari abahemukiye imitima yabo gusa

[48] Natwe ntiturungika intumwa z’Imana atari uko ari abatanzi b’ubutumwa bwiza kandi ari abantu batuza n’ukwemera Imana yabo y’ukuri n’ukugira ibikorwa vyiza niho hatazoba ubwoba kuribo, kandi ntibazo teterwa

[49] Na bamwe bahakanye amajambo yacu matagatifu bazokorwako n’ibihano vyacu kubera ubwiyonkore bwabo

[50] Vuga uti:- Jewe sindababwira yuko mfise ububiko bw’Imana, canke ngo ndafise ubumenyi bw’amabanga y’Imana, kandi sindababwira yuko jewe ndi Umumarayika, jewe sinkurikira atari kuvyo nahawe kuri jewe, rero nuvuge uti:- mbega impumyi hamwe n’uwubona barangana? Mbega ntimutegera

[51] Kandi ubatuze ukoresheje iyi Qur’ani ntagatifu kuri barya bantu batinya yuko bazokwegeranywa k’Umuremyi wabo mugihe badafise uwubakingira n’umwe atari Imana yonyene gusa, canke uwuzoba sabira kugira ngo bashobore kuyigamburukira

[52] Kandi ntubirukane bamwe basenga Umuremyi wabo mugitondo no kumugoroba barondera impuhwe zayo, kandi si kuri wewe kugira ibiharuro hejuru yabo namba canke kugira igiharuro kuri wewe, kandi si kuribo namba, naho wobirukana uzoba uri mu bantu bahemukiye imitima yabo

[53] Uku niko twahaye ibibazo bamwe muribo n’abandi kugira ngo bavuge bati:- mbega abo nibo Imana yagiriye impuhwe muri twebwe, mbega Imana ntibazi abantu bayishimira

[54] Bashitse bamwe bemera amajambo yacu y’ukuri ubabwire uti:- amahoro y’Imana abe kuri mwebwe, kuko Umuremyi wanyu yigoye mukuba shikiriza imigisha yuko uwuzo gira muri mwebwe amabi ayariyo yose atabifitiye ubumenyi hanyuma agasaba ikigongwe munyuma yivyo yagize agaca agira ibikorwa vyiza, nuko Imana izomu hanagurira ibicumuro vyiwe kuko niyo ifise imbabazi hamwe n’imigisha myinshi ihagije

[55] Uku niko tumenyesha aya majambo y’Imana matagatifu kugira ngo inzira y’abononyi imenyekane

[56] Vuga uti:- Jewe narabujijwe gusenga bamwe mwebwe musenga bihushanije n’Imana y’ukuri, wewe vuga uti:- Jewe sinkurikira ivyo mwebwe mwipfuza kuko ngaho noba nazimiye, kandi sinzoba ndi mu bantu barokotse

[57] Vuga uti:- Jewe ndafise ivyemezo biri k’umugaragaro bivuye ku Muremyi wanje, namwe mwarayahakanye aya majambo, rero jewe ntaco mfise muvyo mushaka vyihutirwa, kandi ntarubanza ruriho atari urubanza rw’Imana gusa, kuko ariyo ivugisha amajambo y’ukuri gusa, nayo niyo nziza gusumba abandi bacamanza bose

[58] Vuga uti:- iyomba mfise muvyo mushaka vyihutirwa, urwo rubanza rwari guhera hagati yanje namwe, n’Imana niyo ifise ubumenyi bwabahemukiye imitima yabo

[59] Impfunguruzo z’amabanga yose ziri iwe, kandi ntawufise ubumenyi bwazo atari yo yonyene gusa, kandi niyo ifise ubumenyi bw’ibiri kw’Isi no mubiyaga, kandi ntihakoroka ibabi ry’igiti atari uko yarimenye, canke urutete rukorokeye mu mwijima ng’aha kw’Isi, canke icatewe n’intabire canke icumye, nuko kiri mu gitabu cerekana ibintu vyose

[60] Nayo niyo ibica mw’Ijoro, kandi ikaba ifise ubumenyi bw’ivyo mwagize k’umurango, hanyuma niyo izoba zura muri uwo murango nyene kubera umwanya wagenywe w’ukubaho kwanyu guhere, hanyuma iwe gusa niho hari ingaruka yanyu hanyuma ize ibabwire ivyo mwahora mugira

[61] Niyo nyene intsinzi iri hejuru y’abantu bayo bose, nayo ikabazanira ababakingira kugeza naho umwe muri mwebwe azoshikirwa n’urupfu n’intumwa zacu nizo zimwica, nazo ntaco zigabanya muri ivyo

[62] Hanyuma bazo subizwa ku Mana Umuremyi wabo w’ukuri, rero ni mwumvirize namwe intahe nirwiwe, kandi niyo yoroshe gusumba bose muguharura

[63] Vuga uti:- ni nde abarokora mumwijima wo ng’aha kw’isi canke uwo mubiyaga, namwe muyisaba n’ubwitonzi ntangere no kw’ijwi ryo hasi muvuga muti:- niwaturokora muri izi ngorane turimwo ntankeka tuzoba turi mubantu bashima

[64] Vuga uti:- Imana yama ibarokora kuri ivyo no kuzindi ngorane, hanyuma ni mwebwe muyigereranya n’ibindi bintu

[65] Vuga uti:- niyo nyene ubushobozi bwukubazanira ibihano bivuye hejuru yanyu canke bivuye munsi y’amaguru yanyu, canke ikaba hindagurira mukaba imirwi itumvikana, nuwushoboye kubahonjesha bamwe muri mwebwe ubwishime bw’abandi, namwe nimurabe ingene tubamenyesha aya majambo y’Imana matagatifu kugira ngo bashobore gutegera neza

[66] N’abantu bawe barayihakanye iyi Qur’ani ntagatifu kandi nayo ari iy’ukuri, wewe vuga uti:- jewe si ndi mubareretsi kuribo

[67] Inkuru izarizo zose zirafise igihe cazo, n’ubu vuba muzo zimenya

[68] Ubabonye bamwe batyoza aya majambo y’Imana matagatifu, wewe ntubiteho kugeza aho baganira ayandi majambo niyaba Shetani izo kwibagiza, rero munyuma y’ukwibuka ntiwicarane nabo bantu bahemukiye imitima yabo

[69] Kandi sikuri barya bagamburukira Imana yabo y’ukuri kubiharuro vyabo na gatoyi, mugabo n’ubutumwa kugira ngo bashobore kwikingira nugutinya

[70] Nubareke bamwe bayigize yuko ari urukino nukutitaho kw’idini ryabo bakaba barahenzwe n’ubuzima bw’Isi, rero n’ubibutse yuko ntihaze hashike aho umutima w’umuntu uzohonywa kubera ivyo wagize, kuko ntawuzo kingira uwo mutima canke uwuzo wusabira uwariwe wese imbere y’Imana, naho uwo mutima wotanga ingwati y’ibintu bimeze gute ntuzo kwemererwa, abo nibo bantu bahonejwe kubera ivyo bakoze, kandi nibo bazoronswa ibinyobwa vy’amazi y’amarike hamwe n’ibihano bibabaza cane kubera ubuhakanyi bwabo

[71] Vuga uti:- mbega dusenge ibatari Imana ata nyungu biduha, canke bidashobora kutugirira inabi iyariyo yose biteko bidusibuze inyuma mumyuma yaho Imana imaze kuturongora neza hamwe narya mashetani yazimiye atayataya ng’aha kw’Isi, nabo barafise abagenzi babahamagarira muburokoke, bavuga bati:- nimuze iwacu nawewe nubishure uti:- uburongozi nyakuri n’uburongozi bw’Imana, kuko dutegetswe kugamburukira Imana ariyo Muremyi w’ibiremwa vyose

[72] Nimuhagarike amasengesho yanyu, kandi mugamburukire Imana yonyene, nayo iwe niyo muzokwegeranywa

[73] Nayo niyo yaremye Amajuru n’Isi bimwe vy’ukuri, n’igihe ivugiye yuko ikintu kiba, gica kiba ubwo nyene, ijambo ryayo niryo ry’ukuri, n’ubwami bwose nirwayo bw’umusi hazovuzwa inzamba y’uwufise umumenyi w’amabanga n’ibiri k’umugaragaro, nayo niyo nyene ubuhizi n’uwufise amakuru y’ibintu vyose

[74] N’intumwa y’Imana Ibrahimu (iii) igihe yabwira Se wiwe Aazar ati:- wagize amasanamu kuba amamana? Mu vy’ukuri jewe ndakubona yuko wewe hamwe n’abantu bawe muri mubuzimire buri k’umugaragaro

[75] Uku niko twamweretse intumwa y’Imana Ibrahimu (iii) ubwami bw’Ijuru n’Isi, kugira ngo abe mu bantu bicizero c’ukuri

[76] N’igihe ijoro ryatera yaciye abona inyenyeri, aca avuga ati:- uyu niwe Muremyi wanje, bugorovye naho yaciye avuga ati:- jewe sinkunda ibizimangana

[77] Mugihe yabona ukwezi guserutse yavuze ati:- uyu niwe Muremyi wanje, n’igihe bwagoroba yaciye avuga ati:- Umuremyi wanje atandongoye ntankeka nzoba ndi mubantu bazimiye

[78] Mugihe yabona izuba riserutse yaciye avuga ati:- iri zuba niryo Muremyi wanje, uyu niwe Muremyi wanje mukuru cane, mugihe naryo ryagoroba yaciye avuga ati:- emwe bantu banje, jewe sindi muri ivyo mugereranya ko Imana y’ukuri n’ibindi bintu

[79] Jewe ntumbereje amaso yanje kuwaremye Amajuru yose n’Isi mugihe naretse idini y’ubuzimire, jewe sindi mubantu bagereranya Imana n’ibindi bintu

[80] N’abantu biwe barahariye nawe ababwira ati:- mbega mumbaza hejuru y’Imana mugihe ariyo yandongoye? Kandi sintinya abo mugereranya nayo dukuyemwo Umuremyi wanje ashatse yuko ijambo riba rica riba, Umuremyi wanje niwe afise ubumenyi bw’ibintu vyose, mbega mwebwe ntimutegera ubutumwa bw’Imana

[81] Mbega nobatinya gute abo bantu mugereraniza ko Imana mugihe mwebwe mudatinya kuyigereraniza ko ikintu atamanuriye ko ivyemezo kuri mwebwe, none n’uwuhe murwi muri iyi mirwi ibiri yemejwe gusumba mukuronka amahoro nimwaba mufise ubumenyi bw’ibintu

[82] Bamwe bemeye Imana yabo y’ukuri bakaba batateranije ukwemera kwabo hamwe n’ubugereranyi bw’Imana n’ibindi bintu yuko aribo bazoronka amahoro, abo nibo barongotse

[83] Ibi nivyo vyemezo vyacu twahaye intumwa y’Imana Ibrahimu (iii) hejuru y’abantu biwe, natwe twaramureruye k’ubutegetsi kuwo twishakiye, mu vy’ukuri Umuremyi wawe niwe nyene ubuhizi n’ubumenyi buhagije

[84] Twaramuhaye intumwa y’Imana Ishaaqa (iii) n’intumwa y’Imana Ya’aqubu (iii) turabarongora hamwe n’intumwa y’Imana Nuuhun (iii) twaramurongoye kuva kera no muruvyaro rw’intumwa y’Imana Daawuudi (iii) n’intumwa y’Imana Sulaymaanu (iii) n’intumwa y’Imana Ayyubu (iii) n’intumwa y’Imana Yuusufu (iii) n’intumwa y’Imana Muussa (iii) n’intumwa y’Imana Haruuna (iii), uku niko duhemba abagira ineza

[85] N’intumwa y’Imana Zakariyya (iii) n’intumwa y’Imana Yahyaa (iii) hamwe n’intumwa y’Imana Iisa mwene Mariyamu (iii) hamwe na Elyaasi (iii) bose bari mu bantu beranda

[86] N’intumwa y’Imana Ismaaiili hamwe n’intumwa y’Imana Al’yasaa (iii) n’intumwa y’Imana Yuunusu (iii) n’intumwa y’Imana Luutwi (iii), nabo bose twarabateye iteka hejuru y’abantu bose

[87] Nabamwe mubavyeyi babo n’uruvyaro rwabo na bene babo, twarabarongoye nukuba tora nukuba rongora munzira igororotse

[88] Ubwo nibwo burongozi bw’Imana, kuribwo rero irongora uwo yishakiye mu bantu bayo, rero iyo bayigereranya n’ibindi bintu ntankeka bari kwononekerwa kuvyo bahora bagira

[89] Abo nibo bantu twahaye ibitabu n’intahe hamwe n’ubutumwa bw’Imana, nihaba abo bagereranyi b’Imana barahakanye ubwo butumwa bw’Imana, turamaze kubabikira abantu batazo kwanka ubwo butumwa bw’Imana

[90] Abo nibo Imana yarongoye, nawe n’ukurikire uburongozi bwabo, hanyuma uvuge uti:- jewe ntampembo ndabasaba kuri ivyo, kuko ntivyari kuba ibi vyose atari uko ari ubutumwa bw’abantu bose

[91] Ntibagamburukiye Imana yabo y’ukuri nkuko vyategekanijwe mukuyigamburukira mugihe bavuga bati:- Imana ntaco yamanuye k’umuntu uwariwe wese, wewe vuga uti:- none ni nde yamanuye igitabu cazanywe n’intumwa y’Imana Muussa (iii)? Gifise umuco n’uburongozi ku bantu, mwagize ibigabane kubindi n’ukubiserura, na vyinshi murivyo murabinyegeza mukaba mwarigishijwe muvyo mutazi mwebwe hamwe n’abavyeyi banyu, wewe vuga uti:- n’Imana, hanyuma ubareke batambe n’ububeshi bwabo

[92] N’iki gitabu gitagatifu ca Qur’ani n’igitabu twamanuye gifise imihezagiro myinshi, kikaba cemeza ivyabayeho imbere yaco, rero kugira ngo ubatuze abantu bo mugisagara c’Imakkat, hamwe n’abantu bagikikuje hamwe n’abemera umusi w’imperuka bakaba bacemera, nabo kumasengesho yabo barayitegereza cane

[93] Ni nde muhemu mukuru gusumba uwubeshera Imana canke uwuvuga ati:- jewe nazaniwe amajambo y’Imana, nawe ataco yahawe na kimwe nuyo avuga ati:- nzomanura nkuwo Imana yamanuye, nkiyo wobabonye abo bahemukiye imitima yabo mugihe bariko baratera akagere kanyuma k’urupfu, n’abamarayika babagororeye amaboko yabo bababwira bati:- nimusokore imitima yanyu, kuko uno musi uri hejuru muzorihwa ibihano bibatetereza kubera ivyo mwahora muvuga hejuru y’Imana ata kuri mubifitiye, hamwe n’ivyo mwahora mugirira ko ubwishime kubijanye n’amajambo y’Imana

[94] Kandi ntankeka mwadutumbereye muri umwe k’uwundi nkuko twabaremye ubwambere, hanyuma mwasize inyuma muvyo twabahaye, mugabo ntitubona abasavyi banyu baza kubasabira muri kumwe nabo, mugihe bavuga yuko muri basoma mbike banyu, none yamigenderanire ntikiri hagati yanyu, kandi yazimanganye hagati yanyu n’ivyo mwahora mushaka

[95] Imana niyo isatura imbuto hamwe n’igishishwa cayo kandi niyo ikura umuntu akomeye mubapfuye, kandi nayo niyo ikura mubapfuye umuntu akomeye, iyo niyo Mana, none muhindurirwa hehe

[96] Niyo iserura umuco wo mugitondo nukugira ijoro kuba aribwo buruhukiro bwanyu, n’izuba hamwe n’ukwezi bikagira kugiharuro categekanijwe, urwo nirwo rugero rw’uwufise ubushobozi n’ubumenyi

[97] Nayo niyo yabaremeye inyenyeri kugira ngo zibarongore mugihe c’umwijima wo ng’aha kw’isi no mubiyaga, kandi mu vy’ukuri twebwe twarasiguye neza aya majambo y’Imana matagatifu ku bantu bafise ubumenyi

[98] Nayo niyo yabaremye mumutima umwe, hakaba hari n’ahantu hukuba mubuzima bwanyu budahera, n’ahandi hantu hikiringo kigufiya gusa, mu vy’ukuri twebwe twarasiguye aya majambo y’Imana matagatifu ku bantu bategera

[99] Nayo niyo yamanuye amazi iyakuye mubicu, kuriyo niho tunagisha ibiterwa vy’ibintu vyose, bigatuma tunagisha ivyakasi vy’urwatsi rutoto kuri iy’ Isi n’ugukura muriyo intete zitondekanije kuzindi, no kucamwa c’umutende harimwo ivyunamye nukunagisha imirima y’imizabibu hamwe n’imizayituni hamwe n’imikoma manga isa n’iyindi n’iyidasa n’iyindi, rero nimurabe ivyamwa vyayo mugihe vyeze n’ugusha kwavyo, ntankeka muri ibi vyose harimwo ivyemezo ku bantu bemera Imana yabo y’ukuri

[100] Ibisigo vyaragereranije Imana n’ibindi bintu kuba aribo basoma mbike bayo, mugihe ariyo yabaremye, nukuyibeshera yuko ifise ibibondo vy’abahungu n’abigeme batabizi namba, nayo iri kure nubwo bugabanutsi kuriyo, kandi iri hejuru gusumba ivyo bayi hayagiriza ko

[101] Niyo Muremyi w’Amajuru yose n’Isi, none bishoboka gute kugira ngo ibe ifise ikibondo, mugihe idafise umutambukanyi, kandi niyo yaremye ibintu vyose kandi niyo nyene ubumenyi bw’ibintu vyose

[102] Iyo niyo Mana, Umuremyi wanyu, ntayindi Mana isengwa bimwe vy’ukuri atariyo yonyene gusa, niiyo yaremye ibintu vyose, rero nimuyisenge yonyene gusa, nayo niyo ibacungera kubintu vyose

[103] Amaso ntamushikira ahubwo niyo ishikira amaso yanyu, nayo niyo ifise ubumenyi bw’ukumenya ivyinyegeje hamwe nibiri k’umugaragaro

[104] Mu vy’ukuri mwarashikiwe n’ivyemezo bininiya bivuye kumuremyi wanyu rero uwuguruye amaso yiwe nikunyungu yiwe, n’uwubaye impumyi nawe n’uruhombo rwiwe bwite, nanje sindi umureretsi wanyu

[105] Uku rero niko dusubiramwo aya majambo y’Imana matagatifu, yuko bavuga bati:- wasomye kugira ngo ubamenyeshe abantu bagomba gutegera

[106] Nukurikire ivyo wahawe bivuye ku Muremyi wawe, kuko ntawusengwa bimwe vy’ukuri atari Imana yonyene gusa, kandi ube kure nabo bantu bagereranya Imana n’ibindi bintu

[107] Iyo Imana ibishaka ntibari kuyigereranya n’ibindi bintu, natwe ntitwakugize ngo wewe ubabere umureretsi kuribo, kandi wewe nturi umuserukizi hejuru yabo

[108] Kandi ntimubatuke bamwe babasenga ukutari uko Imana yabitegetse, ntibaze batuke Imana y’ukuri kukwishima kwabo kandi batabizi, rero twebwe twarabasharijije abantu bose kubikorwa vyabo, hanyuma ingaruka yavyose izoba kumuremyi wabo, nayo izobabwira ivyo bahora bagira vyose

[109] Bararahiye kumana kundahiro zikoma komeye yuko bashikiwe n’ibitangaro niho bazokwemera, wewe vuga uti:- ibitangaro vyose biri kumana, none n’ikihe kintu cabamenyesheje yuko mugihe hazoshika ivyo bitangaro bazovyemera

[110] Tuzohindura imitima yabo n’amaso yabo nk’uko batazopfa bemeye kuncuro yambere kandi tuzobasiga mubicumuro vyabo batayataya hirya no hino

[111] Iyo tubamanurira abamarayika hamwe n’abashengeye bakaganira nabo nukubegeraniriza ibintu vyose imbere yabo, ntibari kwemera atari uko Imana yonyene yabishatse, mugabo benshi muribo bari mubujuju

[112] Uku niko twagiriye intumwa y’Imana iyariyo yose kuba ifise abansi bayo bamashetani mu bantu n’ibisigo, bamwe muribo baramenyeshejwe kuri bagenzi babo amajambo yukudandikanya kugira ngo babahende, rero iyo Umuremyi wawe abishaka ntibari kugira ibi vyose rero nubareke n’ububeshi bwabo

[113] Kugira ngo zitumbere kuri ayo majambo yabo kumitima yabarya batemera umuhero w’Isi bateko bayemere kandi bateko bimbure muvyo bimbura

[114] Mbega ndondere umucamanza atari Imana mugihe ariyo yabamanuriye iki gitabu gisigura ibintu vyose biri k’umugaragaro, na bamwe twahaye igitabu gitagatifu barafise ubumenyi buhagije yuko iki gitabu camanuwe n’Umuremyi wawe bimwe vy’ukuri, rero ntube mu bantu bafise amakenga

[115] Amajambo y’Umuremyi wawe arakwiye k’ukuri n’ubutungane, ntawushobora guhindura amajambo yayo nayo niyo yumva kandi niyo nyene ubumenyi buhagije

[116] Niwagamburukira abantu benshi bari ng’aha kw’Isi bazo kuzimiza munzira y’Imana, kuko ntakindi barondera atari abiyadukiza n’ibintu gusa

[117] Ntankeka Umuremyi wawe niwe abazi neza abazimira munzira yayo, kandi niwe abazi neza abarongoka

[118] Rero nimufungure kuri birya vyavugiweko izina ry’Imana ni mwaba mwebwe mwemera aya majambo yayo y’ukuri

[119] None ni kuki mudafungura kuri vya bitugwa vyavugiweko izina ry’Imana kandi Imana ikaba yarabamenyesheje neza na neza kuvyo yababujije gufungura dukuyemwo ivyo mutegetswe gufungurako, mu vy’ukuri benshi baratakaza bagenzi babo kubera ukwikunda kwabo kuko badafise ubumenyi kurivyo, ntankeka rero Umuremyi wawe niwe abazi neza cane bamwe barenga imbibe zayo

[120] Nimureke kugira ibicumuro biri k’umugaragaro hamwe n’ivyinyegeje, mu vy’ukuri bamwe bagira ibicumuro bazohembwa kuvyo bahora bakora

[121] Kandi ntimufungure kubida someweko izina ry’Imana, kuko uko n’ukwiyonkora, mu vy’ukuri amashetani yerekana bagenzi babo kugira ngo muharire nayo, rero nimwaba gamburukira muzoba muri abagereranyi b’Imana n’ibindi bintu

[122] Mbega uwamaze gucikana, hanyuma tukamuzura, hanyuma tugaca tumuha umuco kuri ivyo agaca agenda imbere y’abantu, none azongana n’umwe ari m’umwijima adashobora kuwuvamwo? Uku rero niko basharijwe abatemera Imana yabo y’ukuri kuvyo bahora bagira

[123] Uko niko twagize kubisagara vyose kubategetsi babo kuba aribo bantu babi, bakaba bagira amarorerwa muri ivyo bisagara, kandi ntibagira ayo marorerwa yabo, atari kumitima yabo nabo batabizi namba

[124] Mugihe bashikiwe n’ivyemezo vyacu baca bavuga bati:- twebwe ntidushobora kwemera icarico cose kugeza aho duhabwa nkuko bahawe izindi ntumwa z’Imana, rero Imana niyo ifise ubumenyi bwaho izoshira ubutumwa bwayo, kuko abantu babi bazoshikirwa n’ibimaramare bihanitse bivuye ku Mana hamwe n’ibihano bikaze cane kubera ingenda muvano bahora bagira

[125] Rero uwushaka yuko Imana imurongora, imwugururira igikiriza ciwe c’ukuba umu Isilamu, nayo uwo Imana yashakiye kuzimira, igira igikiriza ciwe kuba kiremereye kibona gusa ingorane zihambaye nkuko ari umuntu aduga mw’Ijuru, uku rero niko Imana ibashirako umwanda hejuru ya batayemera bimwe vy’ukuri

[126] Iyi niyo nzira y’Umuremyi wawe igororotse ntankeka twaratandukanije aya majambo y’Imana matagatifu ku bantu bibuka

[127] Bazoronka inzu y’amahoro ivuye ku Muremyi wabo, nayo niyo ibakingira kubera ivyo bahora bagira

[128] N’umusi izobakoranya abantu bose, hanyuma ibabwire iti:- mwebwe mirwi y’ibisigo, mu vy’ukuri mwatwaye abanywanyi benshi mu bantu, n’abagenzi babo bo mu bantu bazovuga bati:- Muremyi wacu twaranezeranye twebwe hamwe nabo rero hageze aho ikiringo cacu cagenywe cashitse, niho izovuga iti:- umuriro udahera nibwo bwicaro bwanyu ariho muzobayo mu buzima bwanyu bwose kugeza aho Imana izoshakira, mu vy’ukuri umuremyi wawe niwe afise ubuhizi kandi niwe afise ubumenyi buhagije

[129] Uku niko tubinjizamwo urukundo bamwe bahemukiye Imana yabo y’ukuri hejuru y’abandi, kubera ivyo bahora bagira

[130] Mwebwe migwi y’ibisigo n’abantu, mbega ntimurashikirwa n’intumwa z’Imana z’ukuri muri mwebwe zibamenyesha amajambo yanje matagatifu nukubatuza kw’ikoraniro ry’uyu musi wanyu, nabo bazovuga bati:- twabaye ivyabona vy’imitima yacu, tukaba twarahenzwe n’ubuzima bwo ng’aha kw’Isi, nabo bazokwibera ivyabona bonyene yuko bahora ari abahakanyi b’Imana

[131] Ivyo n’ukubera yuko Umuremyi wawe atari kuba uwuzimanganya ibisagara kubera ubuhemu bwabo, mugihe bonyene basamaye

[132] Nabose bafise iteka ringana n’ivyo bakoze, n’Unuremyi wawe suwo gusamara kuvyo bagira

[133] N’Umuremyi wawe niwe nyene amatungo, kandi niwe afise impuhwe, ishatse yoba kuraho n’ugushiraho abandi bantu yishakiye atari mwebwe, nkuko yabaremye muruvyaro rw’abandi bantu

[134] Ntankeka ivyo mwemerewe bizoshika, kandi ntimuzo shobora kuyatsinda

[135] Vuga uti:- mwebwe bantu banje, nimugire ivyanyu n’ubwitonzi bwanyu ntangere, nanje ndiko ndagira ivyanje, mugabo muzomenya uwariwe azoba afise uburaro bwiza munyuma, mu vy’ukuri abahemukiye imitima yabo ntantsinzi bafise

[136] Bagiriye Imana ntagatifu ahantu ho mubiterwa yaremye wenyene hamwe no mubikoko n’ukuvuga iti:- ibi nivyo kuruhande rw’Imana nkuko bavyivugira, n’ibi navyo nivyo tugereranyako Imana n’ibindi bintu, rero uko bavyipfuza ku Mana zabo ntibishika ku Mana, ni vy’Imana nivyo bishika ku Mana zabo, n’ibintu bibi cane bacira ko intahe

[137] Uku rero niko Imana zabo bazigereranya n’ibindi bintu n’ukuba shariza benshi muri abo bagereranyi b’Imana n’ibindi bintu n’ukwica ibibondo vyabo kugira ngo babazimanganye nukubononera idini ryabo, rero iyo Mana ibishaka ntibari kugira ivyo bintu, rero nimubareke nivyo bategura

[138] Nabo bavuga bati:- ibi bitungwa hamwe n’ibi biterwa vyarabujijwe kuribwa atari muvyo twikundiye nkuko bavyivugira, n’ibi bitungwa imigongo yavyo yarabujijwe kwurirwako, n’ibindi bikoko bitavugirwako izina ry’Imana mugihe bibazwe bakadukana ububeshi gusa nayo izobariha kuri ibi bahora bategura

[139] Bavuga bati:- ibiri munda zibi bitungwa bijejwe kubagabo bacu gusa, kandi vyarabujijwe kubakenyezi bacu, mugabo iyo tungwa yapfuye yonyene baca bayishigikirana ko, mu vy’ukuri Imana izobahemba kubiganiro vyabo, kandi ntankeka niyo nyene ubuhizi n’ubumenyi buhagije

[140] Mu vy’ukuri bari muruhombo bamwe bagandagura ibibondo vyabo k’ubujuju nabo batabizi, batako babuza ivyo Imana yabahaye mukuyibeshera, ntankeka abo bantu barazimiye kandi ntibari mu bantu barongoka

[141] N’Imana niyo yaremye ibiti vyegeranywa hamwe n’ibitegeranywa, hamwe n’ibiti vy’imitende hamwe n’ibiti vy’ivyamwa bitandukanye n’ibindi, hamwe n’ibiti vy’imizaituni hamwe n’ibiti vy’imikongo manga isa n’iyindi bidasa n’ibindi, rero ni mufungure kuri ivyo vyamwa mugihe vyeze, kandi mutange ibikenewe k’umusi w’umusaruro, kandi nti mubikoreshe mubwononyi kuko Imana ntikunda abantu bakoresha amatungo yabo mu bwononyi

[142] No mubikoko bimwe vyikorera ibintu hamwe n’ivyurirwa ni mubifungure kuvyo Imana yabahaye kandi ntimukurikire inyosha mbi za Shetani, mu vy’ukuri niwe mwansi wanyu aboneka neza

[143] N’ubwoko umunani bw’ibikoko, bibiri muntama, n’ibindi bibiri mumpene, vuga uti:- canke yabujije amapfizi yose uko ari abiri canke inyana uko ari zibiri canke imbanyi ziri muri izi nyana uko ari zibiri? Nimumbwire k’ubumenyi bwanyu nimwaba muvugisha ukuri kwama

[144] Ni zibiri mungamiya hamwe no munka zibiri hanyuma uvuge uti:- mbega Imana yarabujije izo mpfizi zose uko ari zibiri, canke izo nyana zose uko ari zibiri, canke imbanyi ziri munda zayo zose uko ari zibiri muri izo nyana, canke mwebwe mwariho igihe Imana yabasigira iryo ragi? None yoba arinde muhemu mukuru gusumba uwabesheye Imana kugira ngo azimize abantu ata bumenyi afise, mu vy’ukuri Imana ntirongora abantu b’abahemu

[145] Vuga uti:- jewe simbona muvyo Imana yanshikirije kukintu cabujijwe kuwugifungura kugifungura dukuyemwo mwo icapfuye canke amaraso yasesaguritse, canke inyama y’ingurube, kuko uwo n’umwanda, canke ikitakurikije amategeko y’Imana, kikaba cabazwe kitavugiweko izina ry’Imana, mugabo rero uwategetswe gufungura nawe atabishatse canke agasimba imbibe z’Imana, rero uyo Imana niyo ifise ikigongwe cinshi hamwe n’impuhwe zayo zihagije

[146] No kubayahudi twarababujije gufungura kubikoko bifise inzara, no kunka n’intama hamwe n’impene, tubabuza gufungura kubinure vyazo dukuyemwo iyihetse k’umugongo wayo, canke munda yazo canke iyanamvye n’amagufa yayo, uko niko twabahemvye kubera ubwiyonkore bwabo, ntankeka ni twebwe tuvugisha ukuri

[147] Niba bandanya baguhakana wewe n’uvuge uti:- Umuremyi wanyu arafise impuhwe nyinshi cane n’ibihano vyayo ntibikingirwa kubantu b’abononyi

[148] Abagereranya Imana n’ibindi bintu bazovuga bati:- iyo Imana ibishaka ntitwari kuyigereranya n’ibindi bintu, haba twebwe canke abavyeyi bacu, canke ntitwari gutuza icarico cose, uku niko bahakanye abamyeho imbere yabo kugeza naho bahonja ibihano vyacu, wewe nuvuge uti:- mbega mwebwe murafise ubumenyi bw’ukudukurira mwebwe mudakurikira atari ibihuha gusa, kandi mutavuga atari ububeshi gusa

[149] Vuga uti:- Imana niyo ifise ivyemezo vy’ukuri, nayo iyo ibishaka yari kubarongora mwese

[150] Vuga uti:- nimuzane ivyabona vyanyu bishobora kuba ari ivyabona yuko Imana yabujije ibi vyose, rero nibatanga ivyemezo wewe ntube icabona hamwe nabo, kandi ntukurikire ivyipfuzo vya bamwe bahakanye amajambo yacu matagatifu hamwe na bamwe batemera umunsi w’imperuka hamwe n’abagira ubungane bw’Umuremyi wabo

[151] Vuga uti:- nimuze ndabasomere muvyo Umuremyi wanyu yababujije yuko mutazo yigereranya n’ikintu nakimwe, kandi mugirire abavyeyi banyu ineza, kandi ntimugandagure ibibondo vyanyu kubera ubukene, twebwe tuzobaha imigisha mwebwe hamwe nabo, kandi ntimwegere kubintu bibi biboneka canke ibiri mumbari, kandi ntimwice umuntu Imana yabujije kwicwa atari k’ukuri, iryo n’iragi yabasigiye kugira ngo mushobore kubishira mubwenge bwanyu

[152] Kandi ntimwegere amatungo y’impfuvyi atari munzira nziza, kugeza aho azoshika mubigero vyayo, kandi mukwize ibipimo mupimirako hamwe n’iminzani yanyu ibe kurugero rw’ukuri, natwe ntiduhatagiza umuntu atari k’urugero rw’ubushobozi bwiwe n’igihe muvuze muti:- nimuvuge mukoresheje ukuri naho yoba ari incuti yawe, kandi mukurikize indagano y’Imana kuko ariyo yabasigiye iryo ragi kugira ngo mwibuke

[153] Mu vy’ukuri iyi niyo nzira yanje igororotse, rero nimuyikurikire kandi ntimukurikire izindi nzira zobatandukanya kure n’inzira y’Imana, nayo ikaba yarabaraze kuri ibi vyose kugira ngo mwikingire n’ugutinya amabi yose

[154] Hanyuma twaramuhaye intumwa y’Imana Mussa (iii) igitabu kubera uwagize ineza nukuba ari ibiganiro vy’ibintu vyose hamwe n’uburongozi n’impuhwe kugira ngo bemere ihwaniro ryabo hamwe n’Umuremyi wabo

[155] N’iyi Qur’ani ntagatifu n’igitabu twamanuye gifise imigisha myinshi cane, rero nimugikurikire kandi mube mubaninahaza Imana kugira ngo muhabwe impuhwe z’Imana

[156] Ntimuze muvuge muti:- mu vy’ukuri ibitabu vyamanuwe kubera imirwi ibiri yabayeho imbere yacu, natwe ntamakuru twari dufise yivyo bahora basoma

[157] Canke mukavuga muti:- iyo tumanurirwa igitabu ntankeka twari kurongoka kubasumba, rero mwarashikiwe n’ivyemezo biri k’umugaragaro bivuye ku Muremyi wanyu hamwe n’uburongozi n’impuhwe zayo, none ni nde muhemu mukuru gusumba uwahakanye amajambo y’Imana nukuba kure yayo majambo y’Imana matagatifu? Tuzohemba bamwe baja kure y’amajambo yacu matagatifu tubahe ibihano bibi kubera ukwiyonkora kwabo

[158] Barindiriye ikindi kintu kugira ngo bashikire Abamarayika, canke bashikirwe n’ibihano bikwiye vy’umuremyi wawe, canke hashike bimwe mubimenyetso vy’Umuremyi wawe, k’umusi hazoshika bimwe mubimenyetso vy’Umuremyi wawe, rero umuntu ntakintu nakimwe kizomufasha kukwemera kwiwe, rero uwahora atemera kuva kera canke atagize ineza mubu Isilamu bwiwe wewe vuga uti:- ni murindire natwe turarindiriye

[159] Mu vy’ukuri bamwe bacanishije idini ryabo nukuba imirwi n’iyindi, ntamigenderanire iri hagati yawe nabo, ntankeka urubanza rwabo ruri ku Mana hanyuma izo babwira ivyo bahora bagira

[160] Uwuzogira igikorwa ciza, azohembwa nkuko yagikoze incuro cumi, n’uwuzogira igikorwa kibi ntazorihwa atari kubingana nivyo yakoreye kandi ntibazo hemukirwa

[161] Vuga uti:- mu vy’ukuri jewe Umuremyi wanje yarandongoye munzira igororotse y’idini ry’ukuri, kuko ariryo dini ry’intumwa y’Imana Ibrahimu (iii) kuko yari indongozi, kandi ntiyari mu bantu bagereranya Imana n’ibindi bintu

[162] Vuga uti:- mu vy’ukuri amasengesho yanje, hamwe n’ibisabisho vyanje, n’ubuzima bwanje, n’urupfu rwanje, vyose biri ku Mana, Umuremyi w’ibiremwa vyose

[163] Ntawe bicuditse nawe, nibi nivyo nategetswe n’Imana yanje, nanje ndi mubambere mubitanze kuba ndi umu Isilamu

[164] Vuga uti:- mbega mfate uwundi muremyi atari Imana mugihe ariwe muremyi w’ibintu vyose, n’umutima w’umuntu uwariwe wese ntugira ibicumuro atari kubwawo wonyene, canke uwuzo kwikorera ntazokwikorera ikintu c’uwundi muntu, hanyuma ingaruka yanyu ni ku Muremyi wanyu nayo izobabwira ivyo mwahora mutumvikana ko

[165] Nayo niyo yabagiriye ngo mufate ibibanza vy’ababayeho ng’aha kw’Isi, hanyuma yarabahaye iteka bamwe muri mwebwe kubandi kandi rininiya kugira ngo ibahe ibibazo kuri ivyo yabahaye, mu vy’ukuri Umuremyi wawe aroroshe cane muguhana mu vy’ukuri niyo nyene imbabazi nyinshi na nyene Impuhwe zihagije

[1] Alif, Laam, Miiym, Swaad. (Insiguro yizi ndome hamwe n’uwufise ubumenyi bwazo zose n’Imana yonyene gusa)

[2] N’igitabu camanuwe kuri wewe, kandi ntugire amazinda k’umuzirikanyi wawe, kugira ngo ushobore gutuza ugikoresheje, kandi kibe arico ushikirizako ubutumwa ku bantu bemeye Imana yabo y’ukuri

[3] Nimukurikire ivyo mwamanuriwe bivuye ku Muremyi wanyu, kandi ntimukurikire abo mwizeye yuko aribo babakingiye aho kwizera Imana, ivyo navyo nibikeyi cane mwibuka

[4] N’ibisagara bingahe twahoneje n’igihe hashika ibihano vyacu mw’ijoro canke mugihe co k’umutaga nabo basinziriye

[5] Rero nticari ikigandaro cabo mugihe bashikirwa n’ibihano vyacu atari uko bavuga bati:- ntankeka twebwe twari twarahemukiye imitima yacu

[6] Mu vy’ukuri tuzoba baza bamwe barungikirwa intumwa z’Imana, duteko tubabaze iyo bajanywe

[7] Kandi tuzobabwira k’ubumenyi bwacu muvyo bagize, kandi ntitwari kure yabo mugire babigira

[8] Kuri uwo musi igipimo kizoba kingana, rero abazoba bafise uburemere buremeye cane abo nibo bazoba bafise intsinzi nyakuri

[9] Nayo abazoba bafise uburemere buhwahutse abo nibo bataye mukaga imitima yabo kubera ubwishime bw’aya majambo matagatifu y’Imana

[10] Mu vy’ukuri twaraba tsimbataje kuri iy’Isi, kandi twaraba shiriyemwo ibikenewe mu buzima bwanyu, rero n’ikenguruka rikeyi gusa mukenguruka

[11] Mu vy’ukuri twarabaremye hanyuma tubashirira ho amashusho, hanyuma tubwira abamarayika duti:- nimupfukamire intumwa y’Imana Adamu (iii), baca barapfukama bose dukuyemwo uwitwa Ibilisi yavumwe niwe atari mubapfukamye

[12] Imana yavuze iti:- n’igiki cakubujije kumupfukamira mugihe nagutegeka? Nayo imwishura iti:- jewe ndi mwiza gusumba we, jewe wandemye mu muriro, nawe umurema mw’ivu

[13] Imana ivuga iti:- numanuke uve mw’ijuru, kandi ntibikenewe kugira amanyama ng’aha mw’ijuru, nuveyo mu vy’ukuri wewe uri mu bantu bakengerwa

[14] Nawe yishura ati:- numpe umwanya simpfe kugeza k’umusi waho bazozurwa abantu bose

[15] Imana ivuga iti:- mu vy’ukuri wewe uzoba uri mubahawe umwanya

[16] Shetani ivuga iti:- kubera yuko unciriye urubanza rw’ukuzimira, nanje nzobicarira abantu bawe munzira yawe igororotse

[17] Hanyuma nzobashikira imbere yabo n’inyuma yabo n’iburyo bwabo n’ibubamfu bwabo, kuko benshi muribo ntuzobasanga bari mu bantu bagukengurukira

[18] Imana ivuga iti:- nuve ngaho mw’ijuru nawe uri mubakengerwa n’ukwirukanwa n’uwuzo gukurikira muribo nzoca nuzuza umuriro udahera witiriwe Jahannamu kuri mwese

[19] Na wewe Adamu (iii) n’uvyagire ng’aha mw’ijuru hamwe n’umutambukanyi wawe, kandi mufungure aho mushaka hose, mugabo ntimwegere kuri iki giti kugira ngo ntimube mubahemukiye imitima yanyu

[20] Rero Shetani yarabashizemwo impungenge kugira ngo ibereke ibitera soni vyabo vyanyegejwe n’ukuvuga iti:- Umuremyi wanyu ntiyababujije kuri iki giti mugabo yababujije kugira ngo ntimuze mube Abamarayika canke ngo ntimuze mube mubazoramba mubuzima bw’abo bwose

[21] Nayo Shetani irabarahira iti:- mu vy’ukuri nd’umwe mubahanura impanuro nziza kuri mwebwe

[22] Rero Shetani ica ibafatira mukubahenda kwayo mugihe bahonja kuri cagiti, ibimaramare vyabo bica bira bonekena nuguca binjira kwimadikako ivyatsi vyo mw’ijuru, n’Umuremyi wabo aca arabahamagara nukuba bwira iti:- mbega sinababujije kuri iki giti nukubabwira yuko Shetani ari umwansi wanyu wo k’umugaragaro

[23] Bavuze bati:- Muremyi wacu, twarahemukiye imitima yacu, nutatugirira ikigongwe nukutugirira impuhwe zawe, ntankeka tuzoba turi mu bantu bo muruhombo

[24] Imana ivuga iti:- nimumanuke mwebwe, kuri mwebwe mubaye abansi, n’ubwicaro bwanyu buzoba buri kw’Isi hamwe nukwinezereza kwanyu kugeza kukiringo nzoshakira jewe Mana

[25] Imana ivuga iti:- muzobayo, kandi mupfireyo, kandi mukurweyo

[26] Mwebwe bantu, mu vy’ukuri twarabamanuriye impuzu zipfuka ibitsina vyanyu, hamwe n’impuzu z’ibisharizo, hamwe n’impuzu z’urupfasoni nizo mpuzu nziza, ivyo vyose nimubimenyetso vy’imihezagiro y’Imana kugira ngo bibuke

[27] Mwebwe bantu, Shetani ntibate mukaga nkuko yakuye abavyeyi banyu mw’ijuru nukubambura impuzu zabo kugira ngo yerekane ibitsina vyabo, mu vy’ukuri wewe hamwe n’ubwoko bwiwe barababona, mugihe namwe mutababona, ntankeka twebwe twarabahaye ayo mashetani kuba abagenzi babamwe batemera Imana yabo y’ukuri

[28] Mugihe bagize ibintu vy’umwanda bavuga bati:- twabisanganye abavyeyi bacu n’Imana niyo yadutegetse kugira ibi vyose, nawe vuga uti:- Imana ntitegeka ibintu bibi, nkuko mubivuga hejuru y’Imana kuvyo mutazi

[29] Vuga uti:- Umuremyi wanje niwe yategetse ubutungane, rero nimutumbereze amaso yanyu mugihe c’ugusenga kubisabisho vyose, kandi muyisenge yonyene gusa kubugamburutsi ntangere, nkuko yabaremye ubwambere, niko izobagarura iwe

[30] Umurwi umwe yarawurongoye n’uwundi nawo vyaramenyekanye yuko uri muruhombo, mu vy’ukuri uwo murwi wagize Amashetani kuba ariyo abakingira aho gukingirwa n’Imana, kandi bakiyumvira yuko aribo barongotse

[31] Mwebwe bantu, nimufate ibisharizo vyanyu igihe cose c’ugusenga, kandi mufungure hamwe n’ukunywa neza mugabo ntimurenze urugero, mu vy’ukuri Imana ntikunda abarenza urugero

[32] Vuga uti:- ni nde yabujije ibisharizo vy’Imana yakuriye ku bantu bayo none ni nde yabujije ibintu vyiza mubifungurwa, vuga uti:- ivyo bintu vyose birekuriwe kuba Isilamu k’ubuzima bwo ng’aha kw’Isi bizoba ari rwabo kugeza k’umusi w’imperuka, uku rero niko tumenyesha aya majambo y’Imana matagatifu ku bantu bafise ubumenyi buhagije

[33] Vuga uti:- Umuremyi wanje yarabujije ibintu vy’umwanda biboneka hamwe n’ibitaboneka hamwe n’ibicumuro bivuye kubakuru ata kuri nakumwe bafise, n’ukugereranya Imana n’ibindi bintu hamwe n’ivyo itamanuriyeko ivyemezo hamwe n’ukuvuga hejuru y’Imana kuvyo mutazi

[34] N’abantu abaribo bose barafise ikiringo cabo, nibashikirwa nico kiringo ntibazoteba n’isaha n’imwe, canke ntibazotanga imbere ico kiringo cabo kitara shika

[35] Mwebwe bantu nimwashikirwa n’intumwa z’Imana zo muri mwebwe zibamenyesha amajambo yanje, rero abazo kwikinga nivyo babujijwe, nukugira ineza ntabwoba buzoba buri kuribo kandi ntibazo teterwa

[36] Na bamwe bahakanye amajambo yacu nukuyagirirako ubwishime, abo bantu bazoba arabo mumuriro udahera bazobayo mubuzima bwabo bwose

[37] None ni nde azoba ari umuhemu mukuru gusumba uwabeshera Imana yiwe y’ukuri, canke uwuhakana amajambo yayo, aho hazoshika ahantu Imana yabandikiye kugeza aho bazoshikirwa n’intumwa zacu zizo bica, aho niho bazobabwira bati:- bari hehe abo mwahora musenga aho gusenga Imana y’ukuri? Nabo bazo kwishura bati:- barazimanganye kandi bazokwibera ivyabona bonyene yuko bari abahakanyi b’Imana

[38] Imana izovuga iti:- nimwinjire mumuriro udahera hamwe n’abandi bantu bamyeho imbere yanyu b’ibisigo n’abantu, uko hazokwinjiramwo abantu uzovuma abandi kugeza aho bazo kwegeranywa bose muri uwo muriro udahera, hanyuma abanyuma babo bazovuga kubera aba mbere babo bati:- Muremyi wacu aba bantu nibo batuzimije, rero nubahe ibihano vyo muriro udahera vy’incuro zibiri, hanyuma ice ivumera iti:- ibihano bizoba kuri mwese kandi bikabije vy’incuro zibiri mugabo mwebwe ntana kimwe muzi

[39] N’abambere babo bazovuga babwira abanyuma babo bati:- rero namwe nyene ntamigisha mwari mufise gusumba twebwe, kuri ivyo nimuhonje ibihano kubera ivyo mwahora mugira

[40] Mu vy’ukuri bamwe bahakana amajambo yacu matagatifu nukuyagirirako ubwishime, abo bantu ntibazo kwugurirwa imiryango y’Ijuru kandi ntibazo kwinjira mw’ijuru kugeza aho Ingamiya izo kwinjira muntoboro y’urushinge, kandi uku niko duhemba abagizi b’inabi

[41] Bazoba bafise ubusaswa bw’umuriro witiriwe Jahannamu no hejuru yabo hariho impuzu z’ukwipfuka zuwo muriro nyene, uku rero niko duhemba abahemukiye imitima yabo

[42] Nabamwe bemera Imana yabo y’ukuri nukugira ibikorwa vyiza, twebwe ntiduhatagiza umuntu uwariwe wese atari kububasha bwiwe, abo nibo bantu bo mw’Ijuru bazobayo mu buzima bwabo bwose

[43] Tuzokuraho ingorane ziri mubikiriza vyabo hanyuma imbere yabo habe haraca inzuzi, hanyuma bazovuga bati:- ihayagizwa ryose ryiza niryo rikwiriye Imana, kuko ariyo yaturongoye muri iyi migisha turimwo, kandi ntitwari kuba turi mu bantu barongotse turi twenyene iyo Imana itaturongora, intumwa z’Umuremyi wacu nibo bazanye ukuri kandi aribo bazobwirwa yuko iri ariryo Juru mwemerewe kubera ivyo mwahora mugira

[44] N’abantu bo mw’ijuru bazohamagara abantu bo mumuriro udahera bababwire bati:- twebwe twasanze ivyo Umuremyi wacu yatwemereye ari ivy’ukuri, mbega namwe mwasanze ivyo Umuremyi wanyu yabemereye ari ivy’ukuri? Nabo bazo vuga bati:- egome, rero uwuzo hamagara azo hamagara hagati yabo avuge ati:- umuvumo w’Imana uri kubahemukiye Imana yabo

[45] Abamye bazitira abantu munzira y’Imana y’ukuri, nugushaka kuyihuvya n’ukutemera umusi w’imperuka

[46] No hagati yabo hazoba hari abandi bantu no hejuru yaho hantu hunamutse hazoba hari abantu bazobamenya kubimenyetso vyabo hanyuma bazohamagara abantu bo mw’ijuru bavuga bati:- Amahoro y’Imana abe kuri mwebwe, nabo bakaba batarinjira mw’Ijuru mugabo bizeye yuko bazokwinjira mw’Ijuru

[47] N’amaso yabo ahindukijwe ku bantu bo mumuriro udahera, bazoca bavuga bati:- Muremyi wacu ntudushire hamwe n’abantu bahemukiye imitima yabo

[48] Nabo bazoba bari ahantu hataramutse bahamagara abantu bo mumuriro udahera babazi kubimenyetso vyabo bababwire bati:- ubwinshi bwanyu ntibwabafajije hamwe nivyo mwahora mwishimira ko

[49] Mbega sibabandi mwahora murahirirako yuko Imana itazoba shikiriza imigisha yayo, rero ni mwinjire mw’Ijuru atabwoba buri hejuru yanyu, kandi ntimuzoteterwa

[50] N’abantu bo muriro udahera bazohamagara abantu bo mw’Ijuru bati:- ni mudusesagurire amazi muvyo Imana yabahaye nabo bazo kwishura bati:- mu vy’ukuri Imana yarabujije ivyo bintu uko ari bibiri kubahakanyi b’Imana

[51] Abagize idini ryabo kuba nk’ikintu ataco kimaze canke igikinisho, n’ubuzima bwo kw’Isi burabahenda, natwe uno musi turabibagiye nkuko bibagiye ikoraniro ry’uwu musi wabo, kubera kurya guhakana amajambo yacu matagatifu

[52] Twabazaniye igitabu twatandukanije neza hamwe n’ubumenyi bwacu, buri murico n’uburongozi n’imigisha ku bantu bemera Imana yabo y’ukuri

[53] Ntaco baraba ingaruka yavyo k’umusi hazoboneka ingaruka yavyo niho bazovuga bamwe batitayeho aho hambere, mu vy’ukuri intumwa z’Umuremyi wacu nibo bashikirije ukuri kwama, mbega turafise abasabizi kugira ngo badusabire? Canke tuzosubizwa kugira ngo tugire bimwe bitari birya twahora tugira, mu vy’ukuri bashize imitima yabo muruhombo n’ububeshi bwabo bwarabatakaranye ari bumwe bahora bategura

[54] Mu vy’ukuri Umuremyi wanyu niyo Mana yaremye Amajuru n’Isi kumisi itandatu, hanyuma iganza hejuru y’inyegamo yayo ntagatifu ipfuka Ijoro k’Umutaga uwukurikira ningoga na ningoga, n’Izuba hamwe n’Ukwezi hamwe n’Inyeyeri vyaragamburukijwe kw’itegeko ry’ayo, kandi mumenye yuko ukurema hamwe n’amategeko yose ari rwiwe, irahayagijwe bimwe bikwiye kuko n’Imana, Umuremyi w’ibiremwa vyose

[55] Nimusabe Umuremyi wanyu n’ubwitonzi ntangere no mw’ibanga kw’ijwi rigufiya mutarinze gukoma induru kuko Imana ntikunda abarenga imbibe zayo

[56] Kandi ntimugire ubwononyi kuri iy’Isi mugihe imaze kugirwa neza, kandi muyisabe muyitinya n’ukuyizera, ntankeka imigisha y’Imana iri hafi cane n’abagira ineza

[57] Nayo niyo itwara umuyaga yuko ari ikimenyetso kiri imbere y’ugushika kw’imigisha yayo, naho iyo miyaga yikorera ibicu biremereye tukayitwara kw’Isi yapfuye, hanyuma tukayamanura ayo mazi avuye muri ivyo bicu, kuri ivyo duca tunagisha ubwoko bw’ivyamwa vyose, uko rero niko tuzozura abapfuye kugira ngo mushobore kwibuka

[58] N’Isi nziza isohora ibiterwa vyayo kw’itegeko ry’Umuremyi wayo, n’Isi itameze neza ntaco itanga atari ingorane gusa, uko rero niko dutandukanya aya majambo y’Imana matagatifu ku bantu bashima

[59] Twararungikiye intumwa y’Imana Nuhu (iii) ku bantu biwe nawe aca avuga ati:- emwe bantu banje, nimusenge Imana yanyu y’ukuri, mwebwe ntayindi Mana mufise atariyo yonyene gusa, mu vy’ukuri jewe ndabatinyira ibihano vyuwo musi uzoba mukuru

[60] Abakuru b’abantu babo bavuze bati:- twebwe tukubona yuko uri mubuzimire buri k’umugaragaro

[61] Aca avuga ati:- mwebwe bantu banje, jewe sindi mubazimiye, ahubwo jewe nd’intumwa y’Imana mvuye k’Umuremyi w’ibiremwa vyose

[62] Ndaba shikiriza ubutumwa bw’Umuremyi wanje kandi ndabahanura mfise ubumenyi bwo ku Mana bwivyo mwebwe mutazi

[63] Mbega muratangara ndabashikirije ubutumwa buvuye ku Muremyi wanyu bushikirijwe n’umuntu ari umwe muri mwebwe kugira ngo abatuze muteko mutinye, kandi muze muronke impuhwe zayo

[64] Baramuhakanye duca turamurokora hamwe nabo bari kumwe nawe bari mubwato, hanyuma duca twibiza mumazi bamwe bahakanye amajambo yacu matagatifu, ntankeka abo bantu bari impumyi

[65] N’abantu bo kuntumwa y’Imana Aadi (iii) twaramurungikiye mwene wabo Hudu (iii) avuga ati:- mwebwe bantu banje, nimusenge Imana yanyu y’ukuri, kandi mwebwe nta Mana mufise atari Imana yonyene rudende, mbega mwebwe ntimutinya

[66] Babategetsi bahakanye bo mu bantu babo bavuze bati:- twebwe tukubona yuko wewe uri mubujuju, kandi tukakubona yuko uri mu bantu b’ababeshi

[67] Yavuze ati:- mwebwe bantu banje, jewe ntabujuju mfise mugabo jewe nd’intumwa y’Imana navuye ku Muremyi w’ibiremwa vyose

[68] Jewe ndabashikiriza ubutumwa bw’Umuremyi wanje nanje kuri mwebwe nd’umuhanuzi mwizigirwa

[69] Muratangara kubona mushikirizwa ubutumwa buvuye ku Muremyi wanyu k’umuntu umwe wo muri mwebwe kugira ngo abatuze kandi mwibuke abasigaye munyuma y’intumwa y’Imana Nuhu (iii) nukubongereza cane kw’iremwa ryanyu rero nimwibuke imigisha y’Imana kugira ngo muronke intsinzi nyakuri

[70] Bavuze bati:- mbega uje kugira ngo dusenge Imana yonyene rudende gusa hanyuma tureke gusenga ivyo bamye basenga abavyeyi bacu, rero nutuzanire ivyo watwemereye niwaba uri mubavugisha ukuri

[71] Nawe yishura ati:- ntankeka ibihano hamwe n’ishavu biramaze kubarwako rivuye ku Muremyi wanyu, kandi mukampaririza kubera amazina mwashizeho mwebwe n’abavyeyi banyu yuko ari amazina atamanuye afise ivyemezo, rero nimurindire nanje ndikumwe namwe mu bantu barindiriye

[72] Rero natwe turamurokora hamwe nabo bari kumwe kumigisha yacu nukubaca imvutu bamwe bahakanye amajambo yacu matagatifu kandi ntibari mubemera Imana yabo y’ukuri

[73] Nabo kwa Thamudu (iii) mwene wabo n’intumwa y’Imana Swalehe (iii) yavuze ati:- mwebwe bantu banje, nimusenge Imana yanyu y’ukuri, kuko mwebwe nta Muremyi mufise atari Imana yonyene rudende gusa, mu vy’ukuri muramaze gushikirwa n’igitangaro kiri k’umugaragaro kivuye k’Umuremyi wanyu, iyi nayo n’ingamiya y’inyana y’Imana ifise ikimenyetso kuri mwebwe, rero ni muyireke irishe kw’Isi y’Imana, kandi ntimuyigirire inabi iyariyo yose, hanyuma ntimuhave mumanukirwa n’ibihano bibabaza cane

[74] Nimwibuke ingene babagiriye abasubiriye intumwa y’Imana Aadi (iii) nukubashira ahantu heza ng’aha kw’Isi, nukwubaka amazu maniniya yacami muri ako karere kabo, n’ukubaza amazu mumisozi, rero nimwibuke imigisha y’Imana, kandi ntimube abononyi kuri iy’Isi mukugira ubwononyi

[75] Baravuze abakuru bomuri bo bishima babwira bamwe banyarucari bemera Imana yabo y’ukuri muribo bati:- mbega muremera yuko intumwa y’Imana Swalehe (iii) yarungitswe n’Umuremyi wiwe, nabo bishura bati:- mu vy’ukuri twebwe turemera ivyo yarungikanywe

[76] Baca bavuga bamwe bishima gusumba abandi bati:- twebwe duhakanye ivyo mwebwe mwemera

[77] Baca bica ya Ngamiya n’ukwiyonkora kumategeko y’Umuremyi wabo n’ukuvuga bati:- ewe ntumwa y’Imana Swalehe (iii), nutuzanire muvyo watwemereye niwaba wewe uri muntumwa z’Imana

[78] Ijugumizwa ry’Isi ryarabasokoye imitima yabo, basanga bapfiriye mubisagara vyabo

[79] Rero intumwa y’Imana Swalehe (iii) abasiga aho nawe avuga ati:- mwebwe bantu banje, narabasigiye ubutumwa bw’Umuremyi wanje, kandi ndabahanura, mugabo mwebwe ntimwashimye ababa hanura

[80] N’intumwa y’Imana Lutwi (iii) mugihe yabwira abantu biwe ati:- mbega mwebwe muriko muragira ibintu bibi vyaho ata n’umuntu n’umwe mubabaye ho imbere yanyu, kubintu bibi nk’ibi mubiremwa vy’Imana

[81] Mwebwe muturukira inyuma y’abagabo nkamwe kuko aribo mwagomwe, aho kugomwa abapfasoni! Ariko mwebwe muri mu bantu b’abononyi

[82] Ntiyabaye inyishu yabo bantu biwe atari uko babwiranye bati:- nimubirukane mu gisagara canyu kuko ari abantu bisukuye

[83] Rero duca turokora intumwa y’Imana Lutwi (iii) hamwe n’abantu biwe bose, dukuyemwo umutambukanyi wiwe yari mubari inyuma

[84] Hanyuma tubashungurira imvura nyinshi y’ibihano, rero nurabe ingene habaye amaherezo yabo bantu babi

[85] N’abantu bokwa Madyani mwene wabo na Shuaibu (iii) yavuze ati:- mwebwe bantu banje nimusenge Imana yanyu y’ukuri kuko ntayindi Mana mufise atari iyi Mana yonyene mufise gusa kuko muramaze gushikirwa n’ivyemezo biri k’umugaragaro bivuye ku Muremyi wanyu, rero nimukwize neza na neza ibipimo vy’iminzani yanyu, kandi ntimubagabanirize abantu kubintu vyabo, kandi ntimugire ubwononyi ngaha kw’Isi munyuma yaho imaze gutegurwa neza, ibi rero nivyo vyiza kuri mwebwe nimwaba mwemera Imana yanyu y’ukuri

[86] Ntimwicare mumayira abiri mugutinyisha nukuzitirira abantu kw’idini ry’Imana kuri bamwe bemera Imana yabo y’ukuri, nugushaka kuyihuvya, kandi mwibuke mugihe mwari inkehwa nayo ibagira kuba muri benshi, nimurabe ingene yabaye amaherezo yabo bononyi

[87] Nihaba hari umurwi w’abantu muri mwebwe wemeye kuvyo narungikanywe hakaba n’uwundi murwi utemeye Imana y’ukuri, rero nimutenyenye kugeza aho Imana izocira urubanza ruri hagati yanyu, nayo niyo nziza kubaca manza

[88] Abategetsi bahora bishima mu bantu biwe bavuze bati:- ewe Shuaibu (iii) tuzogusohora wewe hamwe nabamwe bemeye Imana yabo y’ukuri muri kino gisagara cacu canke musubire mumico n’imigenzo yacu, nawe aca avuga ati:- mbega naho bidushavuza

[89] Ntankeka twebwe twarabesheye Imana, nitwasubira mumico n’imigenzo yanyu munyuma yaho Imana yamaze kuturokora nivyo vyose, kandi ntibizobaho kuri twebwe gusubira muri iyo mico n’imigenzo kiretse Imana yonyene ibishatse ariyo Muremyi wacu, ikikujwe n’ibintu vyose k’ubumenyi bwayo bwose, ku Mana niyo twizeye, Muremyi wacu nuducire urubanza rw’ukuri ruri hagati yacu hamwe n’abagenzi bacu, na wewe ni wewe mwiza mubaca manza b’ukuri

[90] Babategetsi bahakanye Imana yabo y’ukuri baciye bavuga bati:- nimwa kurikira uyo Shuaibu, aho ntankenka muzoba muri muruhombo

[91] Rero ijugumizo ry’Isi ryarasokoye imitima yabo, baba abatishoboye mugisagara cabo

[92] Abahakanye intumwa y’Imana Shuaibu (iii) bakaba nkuko batamyeho aho hantu, rero bamwe bahakanye intumwa y’Imana Shuaibu (iii) nibo bantu bari muruhombo

[93] Rero mugihe hashika umwanya wuguhonywa kwabo bantu babi intumwa y’Imana Shuaybu (iii) yaravuye muri ico gisagara hamwe n’abamwemeye aca abata kure nukwigira nukuvuga ati:- emwe bantu banje, nabashikirije ubutumwa bw’Umuremyi wanje, kandi nabahaye n’impanuro, mbega nteterwe hejuru yanyu mwebwe bahakanyi b’Imana y’ukuri

[94] Natwe ntitwazanye intumwa y’Imana iyariyo yose mugisagara icarico cose nuguhakanwa atari uko yahana abanya gihugu babo nukuba girira ingorane z’urutavanako kugira ngo bashobore kugamburuka

[95] Hanyuma twebwe twama duhindura ahantu h’amabi tugahashira ineza, naho bogwirirana baka vuga bati:- amagorwa hamwe n’umunezero nivyashikiye abavyeyi bacu, rero tuzobahonya giturumbuka mugihe batarabimenya

[96] Iyo abo bantu bo mubisagara vyabo bemera Imana yabo y’ukuri nugutinya, mu vy’ukuri twari kubugurira imigisha yo mw’ijuru no kw’Isi, mugabo barahakanye dutako turabatuza kubera ivyo bahora bagira

[97] Mbega abantu bo mubisagara baremeje yuko ibihano vyacu bitazoba shikira mw’ijoro nabo basinziriye

[98] Abo bantu bo mubisagara baremeza yuko ibihano vyacu bitazoba korako k’umurango nabo bariko barafyinata

[99] Mbega baremeza yuko guhanwa n’Imana, batemeza yuko ibihano vy’Imana atari abantu bari muruhombo

[100] Mbega ntibazi yuko abantu batoranye ibisigi vyo ng’aha kw’Isi munyuma yabahabaye ho bahonejwe yuko iyo dushaka twobashira mungorane kubera ibicumuro vyabo, kandi tugaca dutera ikidodo hejuru y’imitima yabo, no kuri ivyo rero ntibazo kwumva

[101] Ivyo n’ibisagara tukubwira bimwe munkuru zavyo, kandi ntankeka intumwa z’Imana zarabashikiye n’ivyemezo biri k’umugaragaro mugabo ntibari mubemera muvyo bahakanye aho hambere, uku rero niko Imana itera ikidodo kumitima y’abatemera Imana yabo y’ukuri

[102] Nokuri benshi muribo ntitwabonye amasezerano ayariyo yose, ahubwo mu vy’ukuri benshi muribo twasanze bari mu bantu b’inkozi z’ibicumuro

[103] Hanyuma munyuma yizo ntumwa z’Imana zose, twaciye turungika intumwa y’Imana Mussa (iii) n’ivyemezo vyacu kwa Fir’auni hamwe n’abantu biwe, mugabo barabihakanye, rero nurabe ingene yabaye amaherezo y’abononyi

[104] Intumwa y’Imana Mussa (iii) yavuze iti:- ewe Fir’auni, jewe nd’intumwa y’Imana mvuye k’Umuremyi w’ibiremwa vyose

[105] Ntegerezwa kutavuga hejuru y’Imana atari ukuri gusa mu vy’ukuri nanje ndabashikiriza ibimenyetso biri k’umugaragaro bivuye k’Umuremyi wanyu, rero nujane bene Israeri hamwe nanje

[106] Fir’auni yavuze ati:- niwaba waje uzananye n’ivyemezo bigaragara n’ubizane niwaba uri mu bantu bavugisha ukuri

[107] Aca ajugunya inkoni yiwe hasi, mu mwanya ica ihinduka inzoka iboneka neza

[108] Aca asokorora ukuboko kwiwe mu mwanya isase uca uhinduka ibara ryera ku bantu bawitegereza

[109] Babategetsi bo mu bantu bo kwa Fir’auni baciye bavuga bati:- mu vy’ukuri uyu n’umurozi abufitiye ubumenyi

[110] Ashaka kubakura mugisagara canyu, none mwebwe mubivuga ko iki

[111] Bavuga bati:- nimu mureke gatoyi hamwe na mwene wabo hanyuma mubarungike abakoranye abantu bo mugisagara

[112] Bakuzanire abarozi bose bafise ubumenyi bwukuroga

[113] Baraje abarozi bose bokwa Fir’auni bavuga bati:- mbega turaronka impembo nitwatsinda

[114] Fir’auni aremera ati:- egome, namwe ntankeka muzoba muri mubari hafi yanje

[115] Baca bavuga bati:- ewe Mussa (iii) mbega ni wewe utangura kujugunya ubwo burozi bwawe imbere y’abantu babubone canke tuzoba ari twebwe bambere dutangura kujugunya

[116] Intumwa y’Imana Mussa (iii) abishura ati:- nimujugunye mwebwe, mugihe bajugunya baciye bahumishwa amaso y’abantu bose nukubatera ubwoba nukuzana uburozi buniniya buhanitse

[117] Duca tumurungikira ubutumwa intumwa y’Imana Mussa (iii) duti:- nute iyo nkoni yawe, mu mwanya ica iramiragura ivyo bagize babarozi vyose

[118] Ukuri kuba kurahagaze, bica birononekara ivyo bahora bagira

[119] Kuri ivyo rero batsindiwe ngaho, nukuba mu bantu batetewe

[120] N’abarozi barahindura bashira imitwe yabo hasi

[121] Bavuze bati:- twebwe turemeye Umuremyi w’ibiremwa vyose

[122] Umuremyi w’intumwa y’Imana Mussa (iii) na Haruna (iii)

[123] Fir’auni avuga ati:- yoh! muramwemeye imbere yuko ntarabaha uruhusha, iyi niyo ngeso mwagiriye mugisagara mwebwe hamwe na Mussa (iii) kugira ngo mubakureho bonyene muri ico gisagara, hanyuma muce musigara muri ico gisagara mwenyene mugabo muzo bimenya ico nzobakorera

[124] Ningombwa ndabacagagure amaboko yanyu n’amaguru yanyu ndabitandukanije, hanyuma nce ndababamba mwese kumisaraba

[125] Nabo bishura bati:- twebwe tuzosubira ku Muremyi wacu

[126] Na wewe ntiwabonye inabi iyariyo yose atari uko twemeye amajambo y’Umuremyi wacu matagatifu mugihe yadushikira, Muremyi wacu! n’uduhundire ukwihangana kwacu, kandi tukwitabe natwe turi aba Isilamu

[127] Na b’abategetsi bomu bantu bokwa Fir’auni bavuze bati:- mbega muzomusiga Mussa (iii) hamwe n’abantu biwe bazane ubwononyi ng’aha kw’Isi n’ukugusiga wewe n’Imana zawe, nawe avuga ati:- tuzo kwica ibibondo vyabo vy’abahungu hanyuma dusige abagore babo bakiri bazima, kandi ntankeka ni twebwe dufise inguvu hejuru yabo

[128] Intumwa y’Imana Mussa (iii) yabwiye abantu biwe ati:- nimusabe imfashanyo ku Mana yanyu, kandi mwigumye, kuko iy’Isi niy’Imana azoyisigira uwo yishakiye mu bantu biwe, n’amaherezo meza niku bantu bayigamburukira

[129] Bavuze bati:- twebwe twarasuzuguwe imbere yuko udushikira n’inyuma yaho wewe umaze kudushikira, niho yavuga intumwa y’Imana Mussa (iii) ati:- nkumbure Umuremyi wanyu azomuhonya uyo mwansi wanyu n’ukubagira mwebwe kuba abategetsi bomuri ibi bisagara hanyuma arabe ingene muzogira

[130] Mu vy’ukuri twarabahanye abantu bo kwa Fir’auni kumyaka myinshi cane yukugabanukirwa n’ibiterwa kugira ngo bibuke

[131] Bashikiwe n’ineza baca bavuga bati:- ibi vyose nukubera twebwe, hanyuma bashikiwe n’ivyago baca bavyegeka kuntumwa y’Imana Mussa (iii) hamwe nabo bari kumwe nawe, rero ukutumvikana kwabo nikuva ku Mana, mugabo benshi muribo ntavyo bazi

[132] Bavuze bati:- ikimenyetso icarico cose uzodushikiriza kugira ngo uturogeshe naco, ntituzo cemera na gatoyi

[133] Twaciye tubarungikira imvura y’isegenya hamwe n’inzige hamwe n’inda hamwe n’ibikere n’amaraso kuba arivyo bimenyetso, vyatandukanije k’umugaragaro ukuri kw’intumwa y’Imana Mussa (iii) mugabo bagumye bishima, bakaba bari mu bantu babi cane

[134] Mugihe baguweko n’ibihano baca bavuga bati:- ewe ntumwa y’Imana Mussa (iii) nudusabire k’Umuremyi wawe kuvyo yakwemereye, niyadukuriraho ivyo bihano ntankeka tuzokwemera, mu vy’ukuri tuzobatwara bene Israeri iyo bashaka kuja

[135] Mugabo mugihe tubakuriyeko ibihano kugeza kukiringo caho bazoshikira gukurwaho imitima yabo canke guhonywa mu mwanya baca badohoka kumasezerano

[136] Rero tuzobihorera nukubibiza mukiyaga kubera uguhakana kw’ibimenyetso vyacu nukuta vyitaho

[137] Duca duha ibisigi abantu baboneka yuko batishoboye kandi babonerwa twahaye ibisigi vy’ibisagara vyo mubuseruko no mubumanuko bw’igihugu arivyo twashizemwo imihezagiro myinshi, n’ijambo ryiza ry’Umuremyi wawe riba ariryo ritsimbatara kuri bene Israeri kubera ukwihangana kwabo, n’uguca duhonya ivyo Fir’auni yahora agira hamwe n’abantu biwe, hamwe n’ivyo bahora bubaka

[138] Duca tujabura bene Israeri mukiyaga nugushikira abantu bahora basenga amasanamu yabo baca bavuga bati:- ewe ntumwa y’Imana Mussa (iii) natwe nutugirire ama mana nkuko nabo bafise ama mana, intumwa y’Imana Mussa (iii) abishura ati:- mu vy’ukuri mwebwe muri bantu b’ibijuju

[139] Aba bantu ibi bintu vyose bafise bizohonywa kandi nivy’ubusa muvyo bahora bagira

[140] Aca avuga ati:- mbega ndabaronderere Imana itari iyi Mana mugihe ariyo yabateye iteka riri hejuru y’ibiremwa vyose

[141] Mugihe twabarokora muminwe ya Fir’uni hamwe n’abantu biwe, aribo babahaye ibihano bibi cane, mukwica ibibondo vyanyu vy’abahungu nugusigaza abagore gusa, no murivyo hari ibibazo bihambaye bivuye ku Muremyi wanyu

[142] Twaramwemereye Intumwa y’Imana Mussa (iii) indagano y’imisi mirongo itatu turayikwizako iyindi misi cumi, ica ikwira yandagano y’umuremyi wiwe y’imisi mirongo ine, n’intumwa y’Imana Mussa (iii) abwira mwene wabo Haruna (iii) ati:- nufate mukibanza canje mu bantu banje ubategure neza, kandi ntukurikire inzira y’abononyi

[143] Mugihe yashika intumwa y’Imana Mussa (iii) kw’isezerano ryacu n’ukuganira n’Umuremyi wiwe, intumwa y’Imana yaciye ivuga iti:- Muremyi wanje nunyereke kugira ngo ndakubone, Imana nayo imwishura iti:- ntushobora kumbona mugabo nurabe k’umusozi niwa bona uwo musozi uhagaze neza urashobora kumbona, rero Umuremyi wiwe mugihe yibonesha kuri uwo musozi, yaciye iwu manyagura, n’intumwa y’Imana Mussa (iii) aca arwa hasi ameze nk’uwaravye, mugihe y’ikangura yaciye avuga ati:- ni wewe nyene iteka, ndasavye ikigongwe kuri wewe, nanje nd’uwambere wabemera ibi vyose

[144] Imana ivuga iti:- ewe ntumwa y’Imana Mussa (iii):- jewe nagutoye kubera abantu bose kubutumwa bwanje nukuvugana na wewe kuri jewe, rero niwakire ibi ndaguhaye kandi ube mu bantu bashima

[145] Duca tumwandikira k’urubaho ibintu vyose n’ubutumwa n’insiguro y’ibintu vyose, rero nubifate nka nkama hanyuma utegeke abantu bawe babufate ubu butumwa neza, kuko ubu vuba nzobereka ibisagara vy’abononyi basenyura amategeko y’Imana

[146] Nzobakingira n’amajambo yanje kuri bamwe bishima ng’aha kw’Isi ata kuri nakumwe bafise, n’ababona ivyemezo ntibavyemere naho babona inzira y’uburokoke ntibayifatako ari inzira ishemeye, mugabo babonye inzira ihuvya baca bayifata nkuko ari inzira nyakuri, ivyo vyose nukubera yuko bahakanye amajambo yacu matagatifu nukuta yitaho

[147] Nabamwe bahakanye amajambo yacu matagatifu nuguhakana guhura n’umusi w’imperuka, ibikorwa vyabo nivyononekaye, mbega bazorihwa ibindi bintu mugabo nikuri bimwe bahora bagira

[148] No munyuma yaho abantu bo kuntumwa y’Imana Mussa (iii) baragize kubisharizo vyabo vy’intama bifise umubiri gusa ufise ijwi, mbega ntibabonye yuko iyo ntama itavugana nabo canke itabarongora inzira, kuko bayigize kuba ariyo mana yabo, nukuba mu bantu bahemukiye imitima yabo

[149] Mugihe bicuza nukubona yuko bamaze kuzimira, baciye bavuga bati:- Umuremyi wacu natatugirira impuhwe zayo nukutugirira ikigongwe, ntankeka tuzoba turi mu bantu bononekewe

[150] Mugihe intumwa y’Imana Mussa (iii) yagaruka ku bantu biwe nawe yashavuye afise n’agahinda, yaciye avuga ati:- icegera kibi mwansigiye munyuma yanje namaze kugenda, mbega mwabaye imbere y’amategeko y’Umuremyi wanyu? Aca ajugunya vyabibaho yari afise, aca afata k’umutwe wamwene wabo amukwegera kuri we n’ukuvuga ati:- ewe mwene mama, mu vy’ukuri abantu banje barangaye kugeza naho bagomba kungandagura, rero nawe ntubanezereze abo bansi kubera jewe, kandi ntunshire hamwe n’abantu babi bahemukiye imitima yabo

[151] Intumwa y’Imana Mussa (iii) ivuga iti:- Muremyi wanje numbabarire jewe hamwe namwene wanje hanyuma utwinjize mumpuhwe zawe kuko ari wewe nyene impuhwe nyinshi gusumba abafise impuhwe bose

[152] Mu vy’ukuri bamwe bagize intama yuko ariyo Mana yabo, abo bantu bazoshikirwa n’ishavu rivuye ku Muremyi wabo hamwe n’ibimaramare bininiya vyo mubuzima bwabo bwo ng’aha kw’Isi, uku rero niko duhemba abiyadukiza mw’idini ry’Imana

[153] Nabamwe bagize amabi hanyuma bagasaba imbabazi munyuma yivyo bagize n’ukwemera Umuremyi wawe munyuma yibi vyose, nuko ariyo nyene ikigongwe cinshi n’impuhwe zihagije

[154] Mugihe ishavu ry’intumwa y’Imana Mussa (iii) ryacureha, yaciye atora zambaho yajugunya, no munyandiko zayo harimwo uburokoke n’imigisha kuri barya bantu batinya Umuremyi wabo

[155] N’intumwa y’Imana Mussa (iii):- yaciye atora abantu mirongo indwi mu bantu biwe kumasezerano yacu, mugihe bashikirwa n’inyiganzwa ry’isi rininiya, intumwa y’Imana Mussa (iii) yaciye ivuga iti:- Muremyi wanje, iyo uba ubishaka wari kubahonya abo bantu hamwe na jewe kuva kera, none uduhoneje kubera ivyo bakoze vyabijuju muri twebwe, rero ntivyari kuba ibi vyose atari uko ari ibigeragezo vyawe, rero ureka uwuzimira kuwo wishakiye hanyuma ukarongora uwo wishakiye, ni wewe udukingiye, rero nutugirire ikigongwe kandi uduhe n’impuhwe zawe, nawe ni wewe mwiza wukugira ikigongwe

[156] Kandi utwandikire ineza kuri iy’Isi no mw’ijuru, kuko twebwe dusubiye iwawe, Imana ica ivuga iti:- ibihano vyanje nzobishikiriza uwo nishakiye, n’imigisha yanje ndashobora kuyikwiza kubintu vyose, mugabo nzoyishikiriza kuri bamwe bikinze n’ivyo nababujije hamwe n’abatanga imperezwa hamwe n’abemera amajambo yacu

[157] Abakurikira intumwa y’Imana ariyo ntumwa itazi gusoma n’ukwandika, bakaba bayibona gusa muvyanditswe iwabo mugitabu ca Taurati n’igitabu c’Injili, ikaba yabategeka kugira ineza n’ugutuza ibintu bibi, nukubaha uburenganzira bw’ukugira ibintu vyiza, hamwe n’ugutuza amabi, nukuba kurira ibibaremereye hamwe n’iminyororo yari hejuru yabo, rero bamwe bayemera bimwe vy’ukuri nukuyisonera hamwe nukuyifasha nugukurikira umuco wamanuwe nayo, abo nibo bantu bene intsinzi

[158] Vuga uti:- mwebwe bantu, mu vy’ukuri jewe nd’intumwa y’Imana kuri mwebwe mwese, Imana ifise ubwami bw’Amajuru n’Isi, rero ntawundi ategerezwa gusengwa atariyo yonyene gusa, niyo irema kandi niyo yica, rero nimwemere Imana hamwe n’intumwa yayo ariyo ntumwa itazi gusoma n’ukwandika ikaba ariyo yemera Imana hamwe n’amajambo yayo, kandi nimuyikurikire kugira ngo murongoke

[159] Nomu bantu b’intumwa y’Imana Mussa (iii) hari abantu barongora abandi munzira y’ukuri nokuri uko kuri baragutumbera ko

[160] Twarabagabuye mwo amoko cumi n’abiri, n’intara zitandukanye, nuguha intumwa y’Imana Mussa (iii) mugihe bamusaba amazi abantu biwe yuko yokubita inkoni yiwe kw’ibuye, mumwanya haca haboneka amasoko cumi n’abiri avuye muri iryo buye, n’abantu bose baca baramenya ubunywero bwabo bwukunywera ko, duca tubereka ibicu nukuba manurira ibifungugwa vyitiriwe kw’izina rya Manna na Salwaa tubabwira duti:- nimufungure neza kuri ibi bifungurwa twabahaye, kandi ntibaduhemukiye twebwe, ahubwo nibo bahemukiye imitima yabo

[161] Mugihe babwirwa bati:- nimube muri iki gisagara nomurico mufungure aho mushaka hose kandi muvuge muti:- duhanagurire ibicumuro vyacu kandi mwinjire murugi n’ubugamburutsi ntangere natwe tuzobagirira ikigongwe kumakosa yanyu kandi tuzobongereza ineza kubikorwa vyiza bagize

[162] Bamwe bahemukiye imitima yabo muribo barahinduye iyindi mvugo atari imwe babwirwa, rero tuzobarungikira ibihano bivuye mw’ijuru, kuvyo bahora bihemukira kubwabo

[163] Nimubaze inkuru z’ibisagara vyari kunkengera z’ikiyaga, mugihe basenyura amategeko y’umusi wagatandatu, hanyuma amafi yabo yabashikira kuri uwo musi wagatandatu no kumisi itari iyo yagatandatu atahora abashikira, rero uku niko twabahaye ibibazo kubera ukwiyonkora kwabo

[164] Nabamwe mu bantu bo muribo mugihe bavuga bati:- hari inyungu nyabaki y’ugutuza abantu Imana izobica canke izohana kubihano bikaze cane, nabo bishuye bati:- turonke ivyitwazo imbere y’Umuremyi wanyu, nkumbure nabo botinya

[165] Rero mugihe babinegura muvyo bahora bibutswa, twararokoye bamwe bahora batuza amabi, duca duhana bamwe bahemukiye imitima yabo kubihano bibi cane mukwiyonkora kwabo

[166] Mugihe bishima cane nukutareka ivyo twababujije twababwiye duti:- nimube inkende z’ibimaramare

[167] Mugihe Umuremyi wawe yamenyesha yuko azobazanira kugeza k’umusi w’imperuka abantu bazobahana kubihano bibi cane, mu vy’ukuri Umuremyi wawe aroroshe muguhana kandi ntankeka niyo ifise ikigongwe cinshi c’impuhwe zihagije

[168] Twaraba tandukanije ng’aha kw’Isi tubagira imirwi itandukanye, kuko muribo harimwo abantu b’intungane, n’abandi muribo n’abatandukanye nabo, natwe twarabahaye ibibazo vyinshi vy’amahirwe hamwe n’amabi, kugira ngo basubire muruhongore

[169] Munyuma yaho haciye hasubirirwa n’urundi runganwe rubi cane rwatoranye ibisigi vy’igitabu batoramwo ivyabujijwe vyo ng’aha kw’Isi bavuga bati:- twebwe tuzogirirwa ikigongwe n’ibindi nk’ibi nivyadushikira navyone tuzovyakira, mbega ntibagiriwe amasezerano yomu gitabu yuko batazo vuga amajambo bayegeka ku Mana atari ukuri gusa, nabo bakaba baramaze gusoma ibiri muri ico gitabu, n’inzu yo mw’ijuru izobabera nziza muri bamwe batinya Imana yabo y’ukuri, mbega mwebwe ntimutegera

[170] Nabamwe bafata igitabu c’Imana nka nkama nuguhagarika amasengesho tuzobahenba ineza, mu vy’ukuri natwe ntidutakaza impembo z’abagira ineza

[171] Mugihe twasenyura umusozi hejuru yabo nkakumwe kw’igicu, nabo baca biyumvira yuko uwo musozi uhava ubarwako, duca tubabwira duti:- nimuwufate nka nkama muvyo twabahaye, kandi mwibuke ibirimwo kugira ngo mushobore gutinya

[172] N’Umuremyi wawe mugihe yabazana bari mu bantu bavuye muribo kandi ari no muruvyaro rwabo n’ukubemeza kumitima yabo avuga ati:- mbega jewe sindi Umuremyi wanyu? Nabo bishura bati:- egome, ni wewe kandi turemeje yuko mutazovuga k’umusi w’imperuka yuko twebwe twari twasamaye n’ibi tutari tubizi

[173] Canke ngomuvuge yuko abavyeyi bacu nibo bagereranije Imana n’ibindi bintu aho hambere, natwe twari murunganwe rwanyuma yabo, yuko uzo duhonya kubera amabi bagize abo bantu babi

[174] Uku rero niko dutandukanya aya majambo y’Imana matagatifu twizera yuko bazogaruka

[175] Nubasomere inkuru zabamwe twahaye amajambo yacu matagatifu nabo baca barayiyambura, Shetani nayo ica irabakurikirana, baca baba mu bantu batakaye

[176] Iyo dushaka twari kubarerura kuri ayo majambo y’Imana matagatifu, mugabo bagumye bamatanye n’Isi n’ugukurikira ivyo imitima yabo yipfuza, rero uko bameze nink’imbwa uyikubise ica itera akaruru n’uguhema hema, nahone utayikubise iguma ihema hema, uku niko abantu bameze mubahakanye amajambo yacu matagatifu, rero nuvuge ivyabaye nkumbure bokwiyumvira

[177] N’ububisha bumeze gute bw’akarorero kabahakanye amajambo yacu matagatifu, nuguhemukira imitima yabo

[178] Uwuzoba rongora n’Imana nabo nibo bazoba barongotse, nayo abo izoreka ngo bazimire, abo nibo bazoba bari muruhombo

[179] Kandi ntankeka twarabaremeye umuriro witiriwe Jahannama, benshi mubisigo no mu bantu, bakaba bafise imitima mugabo ntibategera, n’amaso barayafise mugabo ntibabona n’amatwi barayafise mugabo ntibumva, abo bantu ni nk’ibikoko ahubwo n’abantu bazimiye cane, kandi nibo ataco bibuka nagatoyi

[180] N’Imana ifise amazina meza meza rero nimuyisabe kuri ayo mazina yayo kandi mubareke bamwe bonona ubutagatifu bw’amazina yayo, ubu vuba bazohembwa impembo kuvyo bahora bagira

[181] Nomuri bamwe twarema harimwo abantu barongora abandi k’ukuri, n’ukugira k’ubutungane bwuko kuri nyene

[182] Nabamwe bahakanye amajambo yacu matagatifu tuzobakwega buhoro buhoro kuburyo bonyene batazo bimenya na gatoyi

[183] Nanje nzobaha ikiringo gikwiye mu vy’ukuri ubushobozi bwanje burahagije

[184] Mbega ntibiyumvira uyo muntu wabo yuko adakomeye neza mu mutwe? Kandi ntiyari kuba ariwe atari uko ari umuntu atuza kandi aboneka neza

[185] Mbega ntibaraba ubwami bw’Amajuru n’Isi hamwe n’ibintu Imana yaremye? Nukuba nkumbure urupfu rwabo ruri hafi, rero munyuma yaya majambo matagatifu hoba hariho ibindi biganiro nyabaki bazokwemera

[186] Abo Imana ireka ngo bazimire ntawundi muntu yobarongora nayo irabareka mubuzimire bwabo bataya taya hirya no hino

[187] Barakubaza kubijanye n’igihe kizobonekera mbega hazoba iki? Wewe nuvuge uti:- ubumenyi bwayo buri ku Muremyi wanje gusa, ntan’umwe ashobora kugaragaza kumwanya wayo atariyo yonyene gusa, n’ibiremeye mu biri mw’ijuru no kw’Isi, kandi ntibizobashikira atari uko bizoshika giturumbuka, kandi barakubaza yuko wayirondeye wewe vuga uti:- ubumenyi bwayo buri ku Mana yonyene gusa, mugabo abantu benshi ntavyo bazi na gatoyi

[188] Vuga uti:- ntabushobozi mfise bw’ukwiha agahengwe akariko kose, canke ubwo kwikurira ingorane izarizo zose mfise, atari uko Imana yonyene yabishatse, niyo menya ibitarabaho nari kurushiriza ibikorwa vyiza kandi vyinshi, kandi sinari gukorwako n’inabi, nanje ntaco ndimwo mugabo ndi mubatuza kandi nd’umutanga butumwa bwiza ku bantu bemera Imana yabo y’ukuri

[189] Niyo yabaremye mumutima umwe, no muri uwo mutima niyo yaremye abapfasoni babo kugira ngo baronke ihumure kuribo, n’igihe bahujije ibitsina vyabo aca asama imbanyi yoroshe nukuyigendana, rero yibungenze bose uko ari babiri bama basaba Imana Umuremyi wabo bavuga bati:- niwaduha ikibondo c’intungane tuzoba turi mu bantu bakenguruka

[190] Rero mugihe yabaronsa ikibondo c’intungane baca bamugereranya n’izindi Mana muvyo yabahaye, ni ninahazwe Imana nivyo bayigereranyako n’ibindi bintu

[191] Bayigereranya Imana n’ibindi bintu kuri bamwe ataco barema mugihe aribo baremwe

[192] Kandi ntibashobora kubafasha, canke ntibashobora kwifashisha ku mitima yabo

[193] Nimwaba hamagara munzira y’uburokoke ntibazokwigera baba kurikira, ni vyiza rero kuri mwebwe mubahamagaye canke mukihorera

[194] Mu vy’ukuri bamwe babasenga aho gusenga Imana yonyene rudende, n’abantu nkamwe, nimugerageze kuba hamagara nabo babitabe, nimwaba muvugisha ukuri kwama

[195] Mbega barafise amaguru bagirako, canke barafise amaboko bafatirako, canke barafise amaso babonerako, canke barafise amatwi bumvirako, wewe vuga uti:- nimuhamagare abo mugereranyako Imana n’ibindi bintu, hanyuma mungirire amarorerwa ayari yo yose, kandi ntimumpe umwanya na mutoyi

[196] Uwunkingiye jewe n’Imana yanje yamanuye iki gitabu ceranda ca Qur’ani, nayo niyo ibarinda abagira ineza bose

[197] Nabamwe bayisenga atari Imana y’ukuri, ntabushobozi bafise bw’ukuba kingira canke ubwo gukingira imitima yabo

[198] Nimwaba hamagarira muburokoke kuribo ntavyo bazokwigera bumva, mugabo ubabona bakwitegereza mugabo batabona

[199] Nushigikirane mukugira ikigongwe hamwe n’ugutegeka mukugira ineza, kandi ntiwiteho abadafise ubwenge

[200] Niwashikirwa n’impungenge za Shetani, niwirinde ku Mana yawe ntankeka niyo yumva kandi niyo ifise ubumenyi buhagije

[201] Bamwe batinya Imana yabo y’ukuri, mugihe bakozweko n’amohe ya shetani mukanya baba babonye inzira

[202] Na bene wabo babakwegera muruhombo, hanyuma nabo ntibareka kuba zimiza

[203] Nutabashikiriza amajambo y’Imana matagatifu baca bavuga bati:- ni kuki atizitirira wenyene? Vuga uti:- jewe nkurikiza ivyo neretswe bivuye ku Muremyi wanje, aya majambo y’Imana matagatifu n’ikimenyetso kivuye ku Muremyi wanyu aribwo burokoke n’impuhwe ku bantu bemera Imana yabo y’ukuri

[204] Mugihe hasomwe amajambo y’Imana matagatifu nimuyumvirize kandi muceceke kugira ngo muronke impuhwe zayo

[205] Nuvuge Umuremyi wawe k’umutima wawe n’ubwitonzi ntangere n’ukuyitinya utarinze gukoma induru muri ayo majambo yawe, haba mugitondo no kumugoroba, kandi ntube mubasamaye

[206] Bamwe bari ku Muremyi wabo ntibishima mukugira amasengesho y’Umuremyi wabo, kandi bayihayagiza nukuyipfukamira bashize imitwe yabo hasi

[1] Barakubaza kubera amatungo yaronkewe mungwano, wewe n’uvuge uti:- amatungo yaronkewe mungwano na y’Imana hamwe n’intumwa yayo, rero nimutinye Imana hamwe n’intumwa yayo nimwaba mwebwe muri mubemera Imana y’ukuri

[2] Mu vy’ukuri abemera bimwe vy’ukuri nibarya mugihe havuzwe Imana imitima yabo ica yuzuramwo ubwoba, basomewe amajambo yayo baca bongereza ukwemera kwabo n’ukwizera Umuremyi wabo gusa

[3] Abahagarika amasengesho yabo n’ugutanga muvyo twabahaye

[4] Abo nibo bemera bimwe bivuye k’umutima, kandi nibo bafise ubutegetsi ku Muremyi wabo n’ikigongwe hamwe n’imigisha myiza

[5] Nkuko Umuremyi wawe yagusohoye munzu yawe munzira y’ukuri n’umurwi umwe w’abemeye Imana yabo y’ukuri utagomba yuko usohoka

[6] Barahaririye na wewe mubijanye n’ukuri munyuma yaho kwakuri kwaja ahabona nkuko basunitswe bajanwa murupfu nabo bibonera

[7] N’igihe Imana y’abemerera kimwe mubisagara bibiri yuko ari rwanyu, namwe muca mwipfuza kuronka kimwe muri ivyo bisagara bitishoboye n’Imana nayo ikunda gutsimbataza ukuri kumajambo yayo n’uguca imizi y’abatemera Imana y’ukuri

[8] Kugira ngo hemerwe ukuri n’ugukura ibitemewe n’amategeko naho boshavura abantu babi

[9] Mugihe mwasaba imfashanyo ku Muremyi wanyu, nayo irabishura yuko mu vy’ukuri jewe nzoba fashisha abamarayika igihumbi bazokurikirana n’abandi batavanako

[10] N’Imana ntiyagize ibi vyose atari uko coba ari ikimenyetso n’akamwemwe, kugira ngo imitima yanyu igire ihumure kuriyo, kandi ntamfashanyo atari iyivuye kumana, nayo mu vy’ukuri niyo ifise ubushobozi n’ubuhizi buhagije

[11] Mugihe yabaryamika itiro ry’amahoro rivuye kuriwe nukuba manurira amadahurwa avuye mu bicu kugira ngo ibasukure kuriyo nukuba kurira umwanda wa Shetani hamwe n’uguha imitima yanyu inguvu nugutsimbataza amaguru yanyu hasi

[12] Umuremyi wawe igihe yereka abamarayika nukuba bwira iti:- mu vy’ukuri jewe ndi kumwe namwe rero nimubatere intege bamwe bemera nanje nanje nzobatera ubwoba mumitima y’abatemera Imana yabo y’ukuri, rero ni mubakubite hejuru y’amazosi yabo, kandi muce amasonga y’intoke zabo

[13] Ivyo vyose nuko biyonkoye ku Mana hamwe n’intumwa yayo, rero uwiyonkoye ku Mana hamwe n’intumwa yayo, burya Imana irakaze cane muguhana

[14] Rero nimuyihonje kandi ntankeka abahakanyi b’Imana y’ukuri barafise ibihano vy’umuriro udahera

[15] Mwebwe mwemeye Imana yanyu y’ukuri, ni mwahura n’abatemera Imana yabo y’ukuri mungwano ntimuba hindukirize imigongo yanyu mwiruka

[16] Nuwuzoba hindukiriza umugongo wiwe kuri uwo musi, kiretse uwahindukiye atewe n’umwansi canke ahindukiye agiye kwiyunga kurundi ruhande rw’ingabo zaba Isilamu, nihataba uko naho uyo muntu niwe akwiye kuronka ishavu ry’Imana, n’ubwicaro bwiwe n’ubwo muriro udahera witiriwe Jahannamu, naho n’ahantu habi cane hato subizwayo umuntu

[17] Mwebwe ntimwashoye kubica, mugabo Imana niyo yabishe, kandi nawewe aho wateye mugabo Imana niyo yawuteye, Imana niyo yabigize ibi vyose kugira ngo ibahe abayemeye akaganuke keza kavuye kuriyo, mu vy’ukuri Imana niyo yumva kandi niyo ifise ubumenyi buhagije

[18] Rero ibi vyose mu vy’ukuri Imana izoca imvutu z’abahakanyi batemera Imana yabo y’ukuri

[19] Nimwaba mushaka urubanza, urwo rubanza ruramaze kubashikira, rero nimwihangana bizoba ari vyiza kuri mwebwe, hanyuma nimwasubira kurwana nabo natwe tuzosubira kurwana nabo, n’abantu banyu ntanakimwe bazobafasha naho boba ari benshi gute, n’Imana iri kumwe n’abayemera

[20] Mwebwe mwemeye Imana yanyu y’ukuri hamwe n’intumwa yayo, ntimwiyonkore kuriyo mugihe namwe mwumva

[21] Kandi ntimube nkabamwe bavuga bati:- turumvise mugabo nabo batumvise icarico cose

[22] Mu vy’ukuri ibikoko bibi imbere y’Imana nivyahawe ukutumva, n’abihaye kuba ari ibiragi, n’ukutabishira mubwenge bwabo

[23] Iyo Imana imenya ineza iyariyo yose kuribo, yari kubumvisha naho yari kubumvisha bari guhinduka nukutavyitaho

[24] Mwebwe mwemeye Imana yanyu y’ukuri, nimwitabe Imana hamwe n’intumwa yayo mugihe ibahamagariye kubintu vyobaha ubuzima bwiza, kandi mumenye yuko Imana y’injira hagati y’umuntu n’umutima wiwe nukubaho kwiwe, niwe niho muzokwegeranywa mwese

[25] Kandi mutinye ibihano vy’Imana vy’aha kw’Isi bitazobashikira bonyene mubahemukiye imitima yabo muri mwebwe, kandi mumenye yuko Imana ikaze cane muguhana

[26] Mwibuke mugihe mwari inkehwa muboneka yuko mugoyagoya kuri iy’Isi, mutinya abantu kugira ngo ntimufatwe, mugabo Imana iha ahantu heza hukubaho, n’ukubaha ishaka ry’uburokoke bwayo, n’ukubaha imigisha myiza kugira ngo mushobore gukenguruka

[27] Mwebwe mwemeye Imana yanyu y’ukuri, ntimuhemukire Imana yanyu y’ukuri hamwe n’intumwa y’ayo, kandi ntimuhemukire amaziganyo yanyu namwe mubizi

[28] Mumenye yuko amatungo yanyu hamwe n’ibibondo vyanyu ari ibibazo kuri mwebwe, kandi mumenye yuko ku Mana hariho impembo niniya cane

[29] Mwebwe mwemeye Imana yanyu y’ukuri, nimwagamburukira Imana yanyu y’ukuri izobaha itandukanyo ry’ugutandukanya ibiri hagati y’ukuri n’ikinyoma, kandi izoba hanagurira amakosa yanyu n’ukubagirira ikigongwe, n’Imana niyo nyene imigisha mininiya cane

[30] No mugihe bakugirira imigambi bamwe bahakana Imana yabo y’ukuri kugira ngo bakubohe canke bakugandagure canke bagukure mugisagara cawe, baca bagira imigambi iboneka, n’Imana ica ibahindurira iyo migambi yabo, n’Imana niyo nziza y’uguhindura imigambi y’abantu babi

[31] Mugihe basomewe amajambo yacu matagatifu baca bavuga bati:- turamaze kuyumva kuva kera, rero iyo dushaka twari kuvuga nk’aya majambo, ibi rero ntanakimwe birimwo ahubwo n’imigani yaba kera

[32] No mugihe bavuga bati:- ewe Mana yacu nivyaba ibi ari ivy’ukuri bivuye kuri wewe n’udushungurire imvura y’isegenya ivuye mw’ijuru kandi utuzanire ibindi bihano bibabaza gusumba ivyo

[33] Mugabo Imana ntiyari kubahana mugihe wewe wari kumwe nabo, canke n’Imana ntiyari kubahana mugihe nabo bariko barasaba ikigongwe

[34] Mugabo bafise ijambo nyabaki kugeza naho Imana itobahana mugihe bazitira abantu n’iryo sengero ritagatifu, nabo batari abaricungera, ntibari abaricungera atari abagamburukira Imana bonyene gusa, mugabo benshi muribo ntanakimwe bazi

[35] Kandi ntiyari kuba amasengesho yabo muri iryo sengero ritagatifu atari ukuvuza uruhwa hamwe n’ugukoma amashi, rero ni muhonje ibihano kubera ubuhakanyi bwanyu

[36] Mu vy’ukuri bamwe bahakanye Imana yabo y’ukuri, bahora batanga amatungo yabo kugira ngo bazitire inzira y’Imana rero bazoyatanga ayo matungo yabo munyuma yaho hazoba ari umwidogo kuribo hanyuma bazotsindwa, nabamwe bagumye mubuhakanyi bwabo bazokwegeranywa mu muriro udahera witiriwe Jahannamu

[37] Kugira ngo Imana ibatandukanye abantu babi hamwe n’abantu beza, n’ugushira abantu babi hejuru y’abandi bantu babi hamwe nukubegeranya bose hamwe nukubata mu muriro udahera witiriwe Jahannamu, abo bantu nibo bari muruhombo

[38] N’ubwire abo bahakanyi b’Imana y’ukuri nibareka kugira amabi, bazogirirwa ikigongwe n’ivy’akahise kuribo, mugabo nibasubira kuribo uburorero nk’ubwo buzoba bwaraheze bw’abantu baho hambere

[39] Nimurwane nabo kugeza aho hatazoba ibihano, hanyuma idini ibeho kubera Imana, mugabo nibareka bamenye yuko Imana ibona ivyo bagira vyose

[40] Nibahindukira muce mumenya yuko Imana ariyo Muremyi wanyu, kandi ariwe Muremyi mwiza n’umufasha mwiza

[41] Mumenye yuko icarico cose muzoronkera mungwano, ica gatanu murivyo bintu nic’Imana, hamwe n’intumwa yayo, hamwe n’incuti z’intumwa y’Imana, hamwe n’impfuvyi n’aboro, hamwe nabari mungendo zabo, nimwaba mwemera Imana yanyu y’ukuri hamwe n’ivyo twamanuye kuntumwa yacu k’umusi w’itandukanirizo ariwo musi hatana mumitwe ingabo zose uko ari zibiri, n’Imana niyo nyene ubushobozi buri hejuru y’ibintu vyose

[42] Mugihe mwari k’uruhande rw’umwaba wari hafi yanyu, nabo bari k’urundi ruhande rw’umwaba uri kure n’abari murugendo wari munsi yanyu, rero iyo mwari guhana isango mwari gucanamwo mugabo kugira ngo Imana itange ijambo ryari kuba ngombwa ngo rishirwe mungiro nukubera yuko uwuhonywa ahonywa afise ivyemezo biri k’umugaragaro, n’uwukurikira idini rya Isilamu narikurikire afise ivyemezo biri k’umugaragaro, mu vy’ukuri Imana niyo yumva kandi niyo nyene ubumenyi buhagije

[43] Mugihe Imana yakwereka uri mw’itiro ryawe navyo biba gakeyi cane, mugabo iyo ikwereka yuko aribo benshi kubasumba mwari gucika imvutu hanyuma mwari gutongana kuri iryo jambo, mugabo Imana yarabakingiye n’ivyo vyose, ntankeka Imana niyo ifise ubumenyi w’ibiri mubikiriza vyanyu

[44] Mugihe yabereka mu maso yanyu n’igihe mwahura yuko aribo bakeyi n’ukubagira mwebwe kuba bakeyi imbere y’amaso yabo, kugira ngo ikwize ijambo ryayo yategetse ngo rije mungiro n’ibintu vyose vyama bisubizwa ku Mana

[45] Mwebwe mwemeye Imana yanyu y’ukuri, muhuye n’ingabo z’abansi b’Imana nimwigumye bimwe biboneka, hanyuma mwibuke Imana kubwinshi kugira ngo muronke intsinzi nyakuri

[46] Kandi mugamburukire Imana yanyu y’ukuri hamwe n’intumwa y’ayo, kandi ntimutongane ngo muze mwononekerwe hamwe nugutakaza inguvu zanyu, kandi mw’ihangane ntankeka Imana iri kumwe n’abihangana

[47] Kandi ntimube nkabamwe basohoka bava mumazu yabo bishima n’ukwiyereka ku bantu n’ukuzitira inzira y’Imana, n’Imana niyo ikikuje ivyo bagira vyose

[48] Na Shetani mugihe yabasharizira ibikorwa vyabo nukuvuga iti:- uno musi nta bantu bazoba tsinda, nanje ndi mubazoba kingira, mugabo mugihe izo ngabo zatana mumitwe uko ari zibiri, Shetani yaciye isubira inyuma ivuga iti:- jewe sindi kumwe namwe kuko jewe ndabona ivyo mwebwe mutabona, jewe ndatinya Imana kuko Imana irakaze cane muguhana

[49] Mugihe bavuga ababeshi hamwe na bamwe bafise ingwara mu mitima yabo bati:- aba bantu idini ryabo ryarabahenze, n’uwizera ku Mana yiwe mu vy’ukuri niwe nyene intsinzi n’ubuhizi buhagije

[50] Iyo wobonye Abamarayika bakura ubuzima bw’abahakanyi b’Imana yabo y’ukuri, n’ukubakubita mumaso yabo no mumigongo yabo nukuba bwira bati:- nimuhonje ibihano vyo mumuriro udahera

[51] Ibi vyose n’ukubera ibicumuro vyakozwe n’amaboko yanyu, mu vy’ukuri Imana s’iyo izo hemukira abantu bayo

[52] Ni nk’abantu ba Fir’auni hamwe nabamyeho imbere yabo, barahakanye amajambo y’Imana matagatifu, kuri ivyo Imana irabahana kubera ibicumuro vyabo, ntankeka Imana niyo ifise ubushobozi, kandi ikaze cane muguhana

[53] Ivyo vyose nukubera yuko Imana idahindura imigisha yahaye abantu bayo naho bokwihindurira kubwabo mubiri mumitima yabo, mu vy’ukuri Imana niyo yumva kandi niyo ibifitiye ubumenyi

[54] Ni nk’abantu bokwa Fir’auni hamwe n’abamyeho imbere yabo, bahakanye amajambo y’Imana matagatifu, kuri ivyo twarabahoneje kubera ibicumuro vyabo hamwe n’ukwibiza abantu bokwa Fir’auni mukiyaga nabose bari mu bantu bahemukiye imitima yabo

[55] Ibikoko bibi cane imbere y’Imana, nibarya bahakana amajambo y’Imana y’ukuri, nabo ntibazo kwemera nagatoyi

[56] Mubo mwahanye indagano hanyuma bakiyonkora kurizo umwanya uwariwo wose kandi badatinya

[57] Rero ubasanze kurugamba nubirukane abari inyuma yabo kugira ngo bikebuke

[58] Niwatinya muri abo bantu biyonjorora, nubasubize ayo masezerano yabo kubungane bwayo, n’Imana ntikunda abiyonjorora

[59] Canke bamwe bahakanye Imana yabo y’ukuri ntibibaze yuko bamaze gutera intambwe iri imbere, oya! Nibamenye yuko batazotsinda Imana

[60] Rero nimubitegurire n’ubushobozi mufise hamwe n’amafarasi yaboshwe kandi yateguwe neza, kugira ngo mubatere ubwoba abo bansi b’Imana hamwe n’abansi banyu, hamwe nabatari abo mutazi mwebwe, n’Imana irabazi n’ivyo muzotanga munzira y’Imana muzo bisubizwa bikwiye vyose, kandi ntimuzo hemukirwa

[61] Nibatumbera munzira y’amahoro nawewe nuyitumbere, kandi wizere Imana yawe kuko niyo yumva kandi niyo ifise ubumenyi buhagije

[62] Niba bashaka kuguhenda Imana izo gukingira, kuko niyo yagufashije kubushobozi bwayo no kubayemeye bose

[63] Niyo yahujije imitima yabo, naho wari gutanga ibiri kw’Isi vyose ntiwari gushobora guhuza imitima yabo, mugabo Imana niyo yabahujije, mu vy’ukuri niyo nziza kandi niyo nyene ubuhizi buhagije

[64] Ewe ntumwa y’Imana, Imana yawe irahagije kuri wewe hamwe n’aba gukurikiye mu bemeye Imana y’abo y’ukuri

[65] Ewe ntumwa y’Imana, nuhimirize abemeye Imana yabo y’ukuri bagende mungwano, nihaboneka muribo abarwanyi mirongo ibiri bigumya bazotsinda abansi amajana abiri, niba bazoba abarwanyi ijana muri mwebwe bazotsinda abansi igihumbi muri bamwe bahakanye Imana yabo y’ukuri, kuko n’abantu badategera namba

[66] Ubu rero Imana yabagabanirije kuko ifise ubumenyi yuko harimwo abantu batishoboye muri mwebwe, kuko nihaba ingabo z’abantu ijana zigumya bazotsinda abansi amajana abiri muri abo bansi, niba bazoba bari igihumbi muri mwebwe niba batsinde abo bansi ibihumbi bibiri kw’itegeko ry’Imana. Nayo iri kumwe n’abigumya

[67] Ntibishoboka kuntumwa y’Imana ngo ibe ifise imbohe kugeza naho ironka intsinzi muri ico gisagara, none mushaka ibintu vyo ng’aha kw’Isi mugihe Imana ibashakira ibintu vyo mw’ijuru! N’Imana niyo ifise ubushobozi hamwe n’ubuhizi buhagije

[68] Iyo hataba itegeko ryabanje kubaho rivuye ku Mana, ntankeka mwari gushikirwa n’ibihano bininiya kubijanye nivyo mwakoze

[69] Rero nimufungure muvyo mwaronkeye mungwano, kandi murabifitiyeko uburenga nzira kandi vyiza, mugabo mutinye Imana yanyu mu vy’ukuri Imana niyo ifise ikigongwe cinshi n’impuhwe zihagije

[70] Wewe ntumwa y’Imana, n’ubwire zambohe ziri muminwe yanyu yuko Imana niyabona ineza mumitima yanyu, izobaha ivyiza gusumba ivyatwawe mubintu vyanyu, kandi izobagirira imbabazi, n’Imana niyo ifise ikigongwe cinshi n’impuhwe zihagije

[71] Niba bashaka kukugirira ubwiyonkore kuribo baramaze kwiyonjorora ku Mana imbere yibi vyose, mugabo yaraguhaye ingoga urabatsinda, n’Imana niyo ifise ubumenyi n’ubuhizi buhagije

[72] Mu vy’ukuri bamwe bemeye Imana yabo y’ukuri, bakimuka nukurwanira idini ry’Imana bakoresheje amatungo yabo n’imitima yabo, nabamwe baha abahungutse aho baba nugukiza idini ry’Imana, abo nibo bagenzi kubandi bagenzi, nayo bamwe bemeye Imana yabo y’ukuri mugabo batimutse ntaburenga nzira mufise bwukugiriranira ibisigi nabo namba, kugeza aho bazokwimuka bava mugihugu c’abahakanyi b’Imana baza kubana namwe, mugabo basavye imfashanyo kuri mwebwe kubijanye n’idini, rero nikuri mwebwe kubafasha dukuyemwo abantu mufitaniye amasezerano ari hagati yanyu nabo, n’Imana niyo ibona ivyo mugira vyose

[73] Nabamwe bahakanye Imana yabo y’ukuri, n’abagenzi kuribo n’abandi bagenzi nkabo, rero nimutagira gutyo hazoba hari indyane ng’aha kw’Isi n’ubwononyi buniniya cane

[74] N’abemeye Imana yabo y’ukuri bakimuka bakarwanira idini ry’Imana hamwe n’ababahaye aho kuba nugukingira idini ry’Imana, hamwe n’intumwa yiwe, abo nibo ba Isilamu b’ukuri bazoronswa ikigongwe nuguhabwa impembo nziza

[75] Nabamwe bazokwemera munyuma yabo bakimukana nabo bakarwana hamwe namwe, rero abo bantu nibo muri kumwe nabo n’abavukanyi muri vyose bakenerana kubandi, uko niko biri mugitabu c’Imana gitagatifu, mu vy’ukuri Imana niyo nyene ifise ubumenyi bw’ibintu vyose. Gifise imirongo

[1] Iri n’itangazo ry’ukwikura kundagano rivuye ku Mana hamwe n’intumwa y’ayo kuri bamwe mwasezeranye nabo muba gereranya Imana n’ibindi bintu

[2] Rero ni mugenda gendere kuri iy’Isi kumezi ane, kandi mumenye yuko mwebwe mudashobora gutsinda Imana, kandi mumenye yuko Imana ariyo itetereza abantu batayemera bimwe vy’ukuri

[3] Kandi n’itangazo rivuye ku Mana hamwe n’intumwa yayo mukumenyesha abantu umusi w’urugendo rutagatifu rukuru yuko Imana iri kure nabayigereranya n’ibindi bintu, hamwe n’intumwa yayo, rero nimwasaba imbabazi niyo mahoro yanyu, nayo nimwiyonjorora mumenye yuko mwebwe mudashobora gutsinda Imana, kandi ubamenyeshe abahakanye Imana yabo y’ukuri inkuru z’ibihano bibabaza cane

[4] Dukuyemwo abasezeranye nabo muri abo bagereranya Imana n’ibindi bintu, hanyuma ntibabagabaniriza icarico cose canke ntibafajije uwariwe wese hejuru yanyu, rero nimubakwirize amasezerano yabo kugeza kukiringo cabo, mu vy’ukuri Imana ikunda abayitinya

[5] Na y’amezi matagatifu arangiye, nimwice b’abagereranyi b’Imana n’ibindi bintu aho muzohurira hose, kandi mubagire imbohe, kandi mubakikuze nukubicarira mumayira yose, mugabo nibasaba ikigongwe nuguhagarika amasengesho hamwe nugutanga imperezwa muce mubarekera inzira yabo, mu vy’ukuri Imana niyo ifise ikigongwe cinshi hamwe n’impuhwe zihagije

[6] Nihaba umwe muri abo bagereranya Imana n’ibindi bintu agusavye ngo umukingire numukingire ngo yumve amajambo y’Imana matagatifu, hanyuma umushikane muruhongore rw’amahoro, ivyo vyose nukubera yuko ari abantu ataco bazi

[7] Bizoba gute kubaho kw’amasezerano n’abagereranya Imana n’ibindi bintu imbere y’Imana n’imbere y’intumwa y’Imana atari bamwe bapfunditse ayo masezerano nabo imbere y’Isengero ritagatifu, rero mugihe babagamburukiye kuneza namwe nimuba gamburukire neza, mu vy’ukuri Imana ikunda abayitinya

[8] None nigute nimwatsindwa kuko ntibazoraba ubuvandimwe bwanyu canke amasezerano yanyu, rero babanezereza kuminwa yabo gusa mugihe imitima yabo ihakana ivyo vyose na benshi muribo n’abiyonjoroye

[9] Batoye ikiguzi gitoyi aho gukurikira amajambo y’Imana matagatifu, nukuzitira abantu munzira y’Imana, mu vy’ukuri muvyo bahora bagira n’ibikorwa bibi cane

[10] Ntibaraba ubuvandimwe bw’umu Isilamu mugenzi wabo canke amasezerano yabo rero abo nimubarenga uburimbi

[11] Nibasaba imbabazi nuguhagarika amasengesho hamwe nugutanga imperezwa, rero abo bazoba babaye bene wanyu mw’idini natwe turayamenyesha aya majambo y’Imana matagatifu ku bantu batahura

[12] Nibadohoka kundahiro zabo nabo bamaze gushinga ayo masezerano yabo nugutyoza idini ryanyu, rero nimubice abo bategetsi b’abahakanyi b’Imana mu vy’ukuri indahiro zabo ntakamaro zifise kugira ngo bahagarike kugira ubwo bubisha bwabo

[13] Mbega ntimuzo rwana n’abantu basenyuye amasezerano yabo nukugira ivyipfuzo vy’ukwirukana intumwa y’Imana Muhammadi (aui) bakaba aribo babatanguye kuva imbere y’igihe, none murabatinya Imana niyo ikwiye gutinywa cane nimwaba mwebwe mwemera Imana yanyu y’ukuri

[14] Nimurwane nabo hanyuma Imana ibahane biturutse kumaboko yanyu kandi ibamaramaze kandi ibakingire hejuru yabo, hanyuma ihumurize ibikiriza vy’abemeye Imana yabo y’ukuri

[15] Hanyuma ikure ubushuhe bw’ishavu ryari mu mitima yabo n’Imana igirira ikigongwe kuwo yishakiye, nayo niyo ifise ubumenyi n’ubuhizi buhagije

[16] Mbega mwiyumvira yuko muzosigwa mugihe Imana itabamenyesheje bamwe barwanira idini ry’Imana muri mwebwe bakaba batagize ubugenzi atari ku Mana yonyene gusa, no kuntumwa y’Imana naba Isilamu bose, n’Imana niyo ifise inkuru z’ibintu vyose nivyo mugira vyose

[17] Ntibiba kubagereranyi b’Imana n’ibindi bintu ngo bategeke amasengero y’Imana matagatifu mugihe biyemeza yuko ari abahakanyi b’Imana y’ukuri, abo bantu mu vy’ukuri ibikorwa vyabo vyiza ntaco bizoba bibamariye, nomu muriro udahera niho hazoba hari ubwicaro bwabo bwa misi yose

[18] Abategeka amasengero y’Imana matagatifu nibarya bemeye Imana yabo y’ukuri hamwe n’umusi w’imperuka hamwe nuguhagarika amasengesho nugutanga imperezwa, kandi bakaba badatinya umuntu uwariwe wese atari Imana yonyene gusa, rero abo nibo bizewe kuba mubarokotse

[19] Mbega mwagize kunywesha amadahurwa abari murugendo rutagatifu nugutegeka isengero ry’Imana ritagatifu ringana n’ibikorwa vyabamwe bemeye Imana yabo y’ukuri hamwe n’umusi w’imperuka nukurwanira idini ry’Imana, rero abo bantu ntibashobora kungana imbere y’Imana, nayo ntirongora abantu bahemukiye imitima yabo

[20] Bamwe bemeye Imana yabo y’ukuri nukwimuka nukurwanira idini ry’Imana bakoresheje amatungo yabo hamwe n’imitima yabo abo bantu nibo bafise iteka rininiya imbere y’Imana, kandi nibo bazoba bafise intsinzi nyakuri

[21] Imana yabo y’ukuri niyo ibamenyesha imigisha ivuye kuriyo hamwe n’impuhwe zayo hamwe n’imirima muriyo bazoronkeramwo imigisha yurutavanako

[22] Bazobayo mubuzima bwabo bwose, mu vy’ukuri ku Mana niho hari impembo niniya cane

[23] Mwebwe mwemeye Imana yanyu y’ukuri, ntimugire ba Data banyu hamwe na bene wanyu kuba ari abakunzi banyu niba bakunda ubuhakanyi bw’Imana gusumba ubu Isilamu, no muri mwebwe uwuzobagira kuba aribo bakunzi babo, abo nibo bahemu bahemukiye imitima yabo

[24] Vuga uti:- niba abavyeyi banyu hamwe n’ibibondo vyanyu hamwe na bene wanyu hamwe n’abakenyezi banyu hamwe n’incuti zanyu n’amatungo yanyu mwaronse n’ibidandazwa mutinya yuko vyokwononekara hamwe n’amazu yanyu mukunda, bikaba arivyo mukunda gusumba Imana yanyu hamwe n’intumwa yayo, hamwe nukurwanira idini ry’Imana, rero nimurindire kugeza aho Imana izotangira itegeko ryayo, n’Imana ntirongora abantu babononyi

[25] Ntankeka Imana yarabarokoye muri muntambara nyinshi no k’umusi witiriwe “Hunaini” mugihe ubwinshi bwanyu bwabatangaje mugabo ataco bwabamariye, n’isi nayo ibabera amananiza kuri mwebwe mugihe yari yagutse, hanyuma muca murahinduka musubira inyuma mwiruka

[26] Hanyuma Imana ica iramanura ihumure ry’ayo kuntumwa yayo hamwe n’abemeye Imana yabo y’ukuri, hanyuma imanura ingabo zayo mutabonye nuguhana bamwe bahakanye Imana yabo y’ukuri, iyo rero niyo mpembo y’abatemera Imana yabo y’ukuri

[27] Munyuma y’ibi vyose Imana izobagirira ikigongwe kubo yishakiye yonyene nayo niyo ifise ikigongwe cinshi hamwe n’impuhwe zihagije

[28] Mwebwe mwemeye Imana yanyu y’ukuri, mu vy’ukuri abagereranya Imana n’ibindi bintu n’abantu batisukuye rero ntibegere begera iryo sengero ritagatifu kuva kuri uyu mwaka,ni mwaba mufise amakenga y’ubukene ubu vuba Imana izobaha amatungo avuye kumigisha yayo ibishatse, mu vy’ukuri Imana niyo nyene ubumenyi n’ubuhizi buhagije

[29] Nimurwane nabamwe batemera Imana yabo y’ukuri hamwe n’umusi w’imperuka canke badatuza ivyabujijwe n’Imana hamwe n’intumwa yayo kandi badakurikiza idini ry’ukuri muri bamwe bahawe igitabu kugeza naho bazotanga umusoro kugushaka kwabo nabo bagamburutse

[30] N’abayahudi bavuga bati:- uwitwa “Uzairi,, n’umwana w’Imana, n’Abakirisu nabo bavuga bati:- uwitwa “Masihi,, ariwe muhanaguzi nawe n’umwana w’Imana, uku niko babivuga babikuye muminwa yabo, bakigana amajambo yabamwe bahakana Imana yabo y’ukuri imbere yabo, Imana nibahonye, kuko bahindurwa gute abo bantu

[31] Bagize inca bwenge zabo hamwe n’abafasha babo yuko arizo Mana zabo aho kugira Imana y’ukuri, hanyuma umuhanaguzi yitiriwe Masihi mwene Mariyamu mugihe atategetswe kugira ivyo vyose atari ugusenga Imana imwe yonyene rudende, rero ntayindi Mana itegerezwa gusengwa atariyo yonyene gusa, rero niyo yisukuye nivyo bayigereranyako nayo

[32] Bagomba bazimye umuco w’Imana bakoresheje iminwa yabo, mugabo Imana yarabibankiye kugeza aho muzokwiza umuco wayo naho abo bagereranyi b’Imana n’ibindi bintu boshavura

[33] Niyo yashikanye intumwa yayo kuburongozi n’idini ry’ukuri kugira ngo ishobore gutsinda amadini yose naho boshavura abo bantu bagereranya Imana n’ibindi bintu

[34] Mwebwe mwemeye Imana yanyu y’ukuri, benshi mubakuru b’amadini atari ayaba Isilamu hamwe n’abafasha babo, nabarya amatungo y’abantu bidaciye mumategeko nukubazitirira inzira y’Imana, nabarya begeranya inzahabu hamwe n’imyakaka bakaba batayitanga munzira y’Imana, nubamenyeshe inkuru z’ibihano bibabaza cane

[35] Umusi amatungo yabo azotabwa mumuriro udahera witiriwe Jahannamu, no kuri ivyo hazoturirwa mumaso yabo no mumbavu zabo no mumigongo yabo babwirwa bati:- ibi nivyo imitima yanyu yegeranije, rero nimuhonje kuri ivyo mwahora mwegeranya

[36] Igitigiri c’amezi imbere y’Imana n’icumi n’abiri k’ubumenyi bw’Imana, kuva k’umusi Imana yaremye amajuru n’isi, muri ayo mezi harimwo amezi ane matagatifu uku niko idini igororotse ivyemeza, rero ntimuhemukire imitima yanyu kuri ivyo kandi mwese ni murwane nabo bagereranyi b’Imana n’ibindi bintu nkuko bose barwana namwe, kandi mumenye yuko Imana iri kumwe n’abayitinya

[37] Ntankeka ugutevya hamwe n’ukwongereza mubuhakanyi bw’Imana n’ibindi bintu, kuri ivyo hazimizwa bamwe bahakanye Imana yabo y’ukuri bemeza umwaka umwe n’uguhakana uwundi mwaka kugira ngo banganishe igitigiri cayo mezi yahayagijwe n’Imana, rero bemeza ivyabujijwe n’amategeko y’Imana, bakaba basharijwe n’amabi y’ibikorwa vyabo, n’Imana ntirongora abahakanyi b’Imana

[38] Mwebwe mwemeye Imana yanyu y’ukuri, mufise iki mugihe mubwiwe kugenda kubera idini ry’Imana muca muremerwa kuri iy’Isi, mbega muremeye nubu buzima bwo ng’aha kw’Isi gusumba ubuzima bwo mw’Ijuru, mugabo amahirwe y’ubuzima bwo kw’Isi ugereranije n’ubuzima bwo mw’Ijuru ari bukeyi cane

[39] Nimutagenda, Imana izobahana kubihano bibabaza cane, kandi izobazanira abandi bantu atari mwebwe, kandi ntakintu nakimwe c’inabi muzoyigirira, nayo niyo nyene ubushobozi buri hejuru y’ibintu vyose

[40] Nimutayikingira mumenye yuko Imana yamukingiye mugihe bamusohora bamwe bahakanye Imana yabo y’ukuri, mugihe yari uwugira kabiri muribo bari babiri bari mw’isenga, mugihe yabwira mugenzi wiwe ati:- ntugire agahinda mu vy’ukuri Imana iri kumwe natwe, Imana ica imanura ihumure ryayo nukumukingira n’ingabo mutabona, nukugira ijambo ryabamwe bahakanye Imana yabo y’ukuri kuba riri hasi cane, n’ijambo ry’Imana kuba riri hejuru, n’Imana niyo itsinda kandi niyo nyene ubuhizi buhagije

[41] Nimugende kurugamba muhwahutse, kandi muremereye kandi murwanire idini ry’Imana mukoresheje amatungo yanyu hamwe n’imitima yanyu, ivyo nivyo vyiza kuri mwebwe nimwaba muri mu bantu mutegera

[42] Iyaba inyungu yoroshe n’urugendo rugufiya, mu vy’ukuri bari kugukurikira, mugabo uru rugendo nurw’ingorane rwabaye rurerure kuribo, nabo bazorahira ku Mana yuko iyo dushobora ntankeka twari kujana namwe, bata murudubi imitima yabo n’Imana niyo ifise ubumenyi yuko abo bantu ari ababeshi

[43] Imana yarakugiriye ikigongwe, kubera iki wabahaye uruhusha mugabo utenyenya kugeza naho abavugisha ukuri bagutandukaniriza kugira ngo umenye ababeshi

[44] Ntibazo gusaba uruhusha bamwe bemeye Imana yabo y’ukuri no k’umusi w’imperuka mukutarwanira idini ry’Imana bakoresheje amatungo yabo n’imitima yabo, n’Imana niyo ifise ubumenyi bw’abayitinya

[45] Bagusaba uruhusha bamwe batemera Imana yabo y’ukuri hamwe n’umusi w’imperuka, n’imtima yabo irafise amakenga, kuri ivyo bahigimanga kubera ayo makenga yabo

[46] Nkiyo boshatse kuja mungwano ntankeka bari kwitegurira bimwe bikwiye, mugabo Imana ntiyashatse yuko baja mungwano, kuri ivyo yarababujije nukuvugwa yuko bokwicara hamwe n’abicara

[47] Iyo bosohotse hamwe namwe ntibari kubongereza atari urwanko gusa, kandi bari kugenda hirya no hino hagati yanyu nukuba ronderera urwanko n’inzigo, no muri mwebwe harimwo abantu babumviriza, n’Imana niyo ibazi bamwe bahemukira imitima yabo

[48] Kuva kera narindi bashatse kubashiramwo urwankano gusa hanyuma bagaca babahindurira ibintu hasi kubura hejuru kugeza aho hashika ukuri nukugaragaza itegeko ry’Imana kubera ugushavura kwabo

[49] No muribo hariho uwuvuga ati:- n’undekure ntunte murwanko mu vy’ukuri baramaze kurwa muri urwo rwanko, mu vy’ukuri umuriro witiriwe Jahannamu uzokikuza abatemera Imana yabo y’ukuri

[50] Ushikiwe n’ineza irabashavuza, hanyuma washikirwa n’ingorane baca bavuga bati:- twaritegereje neza kuva kera dusanga ibintu vyacu imbere y’igihe nuguca bahindukira bigira nabo banezerewe

[51] Vuga uti:- ntakizoba kuri twebwe atari ico Imana yatwandikiye, kuko niyo Muremyi wacu, rero aba Isilamu nibizere Imana yabo gusa

[52] Vuge uti:- mwebwe ntimuturabira twebwe atari kimwe muneza zibiri, natwe turabarabira yuko Imana ibashikanira ibihano biturutse kuriyo canke kumaboko yacu, rero nimurorere, natwe turarorereye hamwe namwe

[53] Vuga uti:- nimutange mumatungo yanyu mushaka canke mudashaka, ntihazokwemererwa iwanyu uko gutanga kwanyu, mu vy’ukuri mwebwe muri mu bantu mwiyonkoye

[54] Ntivyabujije ngo ntibemererwe intererano zabo, kubera yuko bahakanye Imana yabo y’ukuri, hamwe n’intumwa yayo kandi ntibashika aho basengera atari uko bahashika n’ubunebwe, kandi ntibatanga ivyo batanga atari uko baba bashavuye

[55] Ntunezerezwe n’amatungo yabo canke ibibondo vyabo, mugabo Imana igomba ibahane kubera ibiri mubuzima bwo ngaha kw’Isi, hanyuma hasokorwe imitima yabo nabo ari abahakanyi b’Imana

[56] Barahira kw’izina ry’Imana yuko muri kumwe nabo batari kumwe namwe ahubwo n’abantu batinya

[57] Iyo boronse aho birukira canke bakaronka amasenga canke ahantu hukwinjirira, bari kuhirukira n’ingoga na n’ingoga bagenda

[58] Nomuribo harimwo abakuvuga mukugabura imperezwa, mugihe bahawe muri izo mperezwa bashima, badahawe muri izo mperezwa baca bashavura

[59] Iyo bashima ivyo Imana yabahaye hamwe n’intumwa yayo nuguca bavuga bati:- Imana irahagije ubu vuba, Imana izoturonsa kumigisha yayo hamwe n’intumwa yayo, mu vy’ukuri twebwe dutumbereye ku Mana yacu yonyene gusa

[60] Imperezwa zihabwa aboro n’abakene hamwe n’abafasha babo hamwe n’abaterwa intege mumitima yabo nukubaha iteka abari mubuja hamwe no kubafasha abishuzwa hamwe nivyo Imana yategetse hamwe n’abari mungendo zabo, rero n’itegeko rivuye ku Mana kuko nayo niyo ifise ubumenyi hamwe n’ubuhizi buhagije

[61] Nomuri abo bahakanyi b’Imana y’ukuri harimwo abashavuza intumwa y’Imana nukuvuga bati:- intumwa y’Imana n’ugutwi gusa, wewe n’uvuge uti:- n’ugutwi kw’amahoro kuri mwebwe mwemera Imana y’ukuri, n’ukwemera abayemera, kandi n’imihezagiro kuri bamwe bemera muri mwebwe, hamwe nabarya bashavuza intumwa y’Imana bazoba bafise ibihano bibabaza cane

[62] Baraba rahira kw’izina ry’Imana kugira ngo babemerere mugihe Imana hamwe n’intumwa yayo ifise uburenganzira gusumba uko boyemerera niba nabo bemera Imana y’ukuri

[63] Mbega ntibazi yuko uwuhiganwa n’Imana hamwe n’intumwa yayo, amenye yuko azoronka umuriro udahera witiriwe Jahannamu wukubayo mu buzima bwiwe bwose, ivyo nivyo bimaramare bininiya

[64] Ababeshi batinya kumanurirwa igisomwa kizoba menyesha ibiri mu mitima yabo, wewe nuvuge uti:- nimubifate minenerwe gusa, mu vy’ukuri Imana izo serura ivyo mutinya guserura

[65] Ubabajije bakwishura bati:- twebwe twamye tuganira nugukina gusa, wewe nuvuge uti:- mwebwe mwamye mu fyinatira gusa Imana hamwe n’amajambo yayo matagatifu n’intumwa zayo

[66] Ntimutange ivyitwazo, haramaze kumenyekana ubuhakanyi bwanyu munyuma yaho mwamaze kwemera ububeshi bwanyu yuko nitwagirira ikigongwe umurwi umwe muri mwebwe tuzohana uwundi murwi kubera ukwiyonkora kwabo

[67] Abagabo b’ababeshi hamwe n’abakenyezi b’ababeshi kazi bose nico kimwe, kuko bategeka kugira amabi gusa n’ugutuza kugira ibikorwa vyiza, n’ugukingira ibiri mumaboko yabo n’ukwibagira Imana nayo ikaba yarabibagiye, mu vy’ukuri abahakanyi b’Imana nibo basenyura amategeko yashinzwe n’Imana

[68] Imana yarabemereye Ababeshi b’abagabo hamwe n’ababeshi b’abagore hamwe n’abahakanyi b’Imana y’ukuri umuriro witiriwe Jahannamu, bazobayo mu buzima bwabo bwose, kuribo birahagije n’Imana yarabavumye nabo barafise ibihano vyurutavanako

[69] Ninkabarya bamyeho imbere yanyu, kuko bari bafise inguvu gusumba mwebwe hamwe n’amatungo menshi gusumba mwebwe hamwe n’ibibondo vyinshi gusumba mwebwe, rero banezerejwe kuruhande rwabo, namwe munezerezwa kurundi ruhande, nkuko banezerejwe k’uruhande rwabo bamwe bamyeho imbere yanyu, mwese muca mwibirira mu bicumuro nkuko nabo bibiye muri ivyo bicumuro, abo nibo ibikorwa vyabo vyabaye impfagusa ng’aha kw’Isi no mw’Ijuru, kandi abo nibo bantu baguye muruhombo

[70] Mbega ntibashikiwe n’inkuru zabamwe bari imbere yabo aribo bantu bo kuntumwa y’Imana Nuhu (iii) hamwe n’intumwa y’Imana Aadi (iii) n’intumwa y’Imana Thamudu (iii) hamwe n’abantu bo kuntumwa y’Imana Ibrahimu (iii) hamwe n’abantu bokwa Madyani hamwe n’ibisagara vyacuranguwe kuva hasi no hejuru, intumwa z’Imana nazo zarabashikiye zibafitiye ivyemezo biri k’umugaragaro, n’Imana ntiyariyo kuba hemukira ahubwo nibo bihemukiye kubwabo

[71] N’abemera Imana yabo y’ukuri mubagabo no mubakenyezi nibo bagenzi kubandi, kuko bategeka ibintu vyiza hamwe n’ugutuza amabi ayariyo yose, nuguhagarika amasengesho hamwe n’ugutanga imperezwa bakagamburukira Imana hamwe n’intumwa yayo, abo nibo Imana izogirira impuhwe zayo, mu vy’ukuri Imana niyo ifise ububasha n’ubuhizi buhagije

[72] Imana yarabemereye abayemeye mubagabo n’abakenyezi, imirima n’inzuzi zica imbere yabo, hamwe nukubayo mubuzima bwabo bwose, hamwe n’uburaro bwiza buri muri iyo mirima iramba, hamwe n’impuhwe zayo nizo nyinshi gusumba vyose, iyo rero niyo ntsinzi niniya

[73] Ewe ntumwa y’Imana, nuhiganwe nabo bahakanyi b’Imana y’ukuri hamwe nabo babeshi kandi ubabere umukazo kuribo, n’ubwicaro bwabo nimumuriro udahera witiriwe Jahannamu, n’ingaruka yaho nimbi cane kuribo

[74] Bararahira kw’izina ry’Imana yuko batigeze bavuga mugihe bamaze kuvuga ijambo ry’ubuhakanyi bw’Imana, baca bahakana munyuma y’ukuba aba Isilamu, baca bipfuza kugira ivyo batari gushikako, kandi ntibabonye inabi kuba Isilamu atari uko Imana hamwe n’intumwa yayo yabahaye amatungo menshi n’imigisha yayo, rero niba saba imbabazi azoba ari amahoro kuribo, nayo ni biyonkora Imana izobahana kubihano bibabaza cane kuva ng’aha kw’Isi no mw’Ijuru, kandi ntibazoronka uwuzoba kingira canke uwuzoba tabara uwariwe wese ng’aha kw’Isi

[75] No muribo harimwo abemereye Imana yabo y’ukuri yuko ibahaye mumigisha yayo bazotanga imperezwa kandi bazoba bari mu bantu bagira ineza

[76] Mugabo mugihe Imana yabahaye iyo migisha yayo baciye bayigirirako ubugumyi n’ukwiyonjorora n’uguhakana

[77] Kuri ivyo Imana yarabarishe kuri bwabubeshi bwabo mukubushira mumitima yabo, kugeza k’umusi bazohura nayo kubera ukwanka kwabo kuvyo bemereye Imana y’ukuri nukubera ukuvuga kwabo k’ububeshi

[78] Mbega ntabumenyi bafise yuko Imana ifise ubumenyi bw’amabanga yabo hamwe nivyo bongorerana, nuko Imana ariyo ifise ubumenyi bw’ibintu bitazwi

[79] Abakengera aba Isilamu batanga imperezwa zabo kubwinshi, hamwe nabataronka icarico cose atari ibibayabaye bagatako bakaba kengera, Imana izo bariha kuri ako kagayo kabo nabo bazoronka ibihano bibabaza cane

[80] Nubasabire ikigongwe canke ntuna kibasabire, naho wokibasabira ico kigongwe incuro mirongo indwi, Imana ntizo kibagirira, ivyo vyose n’ukubera yuko bahakanye Imana yabo y’ukuri hamwe n’intumwa yayo, n’Imana ntirongora abantu basenyura amategeko yayo

[81] Baranezerewe mubasigaye inyuma kubera ukwicara kwabo inyuma y’intumwa y’Imana, kandi barashavuye mukurwana bakoresheje amatungo yabo n’imitima yabo munzira y’idini ry’Imana, baca bavuga bati:- ntimugende mungwano muri iki gihe c’ubushuhe, babwire bati:- uwo muriro witiriwe Jahannamu urafise ubushuhe gusumba ibindi vyose iyo bobimenya

[82] Rero nibatwenge gatoyi, mugabo bazorira cane, kuko n’impembo yivyo bahora bagira

[83] Rero Imana igusubije mubantu bamwe muribo bakagusaba uruhusha rw’ugusohoka wewe nuvuge uti:- mwebwe ntimusohoka nanje namba, kandi ntimuzo rwana n’abansi turi kumwe namwe kuko mwebwe mwipfuje kwicara ubwa mbere rero nimwicare hamwe nabazosigara inyuma

[84] Ntumusengere umwe muribo yitavye Umuremyi wiwe, kandi ntuhagarare kuntatemwa yiwe, mu vy’ukuri abo nabahakanye Imana yabo y’ukuri hamwe n’intumwa yayo, batinda basandaba nabo ari abasenyuzi b’amategeko y’Imana

[85] Kandi ntunezerezwe n’amatungo yabo hamwe n’ibibondo vyabo Imana ishaka kubahana kuri ivyo ng’aha kw’isi, n’imitima yabo isokorwe nabo ari abahakanyi b’Imana.’

[86] Mugihe hamanuwe igisomwa kivuga yuko bemera Imana yabo y’ukuri nukurwanira idini ry’Imana hamwe n’intumwa yayo, abafise uburyo n’ububasha muribo baca bagusaba uruhusha nukuvuga bati:- nimutureke tube hamwe nabazo kwicara

[87] Baremeye kuba hamwe n’abasigaye inyuma, n’imitima yabo ica iterwako ikidodo, kuri ivyo ntibategera namba

[88] Mugabo intumwa y’Imana hamwe na bamwe bamwemeye bararwaniye idini bakoresheje amatungo yabo hamwe n’imitima yabo, abo nibo bazoronka ineza kandi nibo bene intsinzi nyakuri

[89] Imana yaraba teguriye imirima icamwo inzuzi imbere yabo, hanyuma baze bicare muri iyo mirima, iyo niyo ntsinzi niniya

[90] Haraje abafise ingorane z’ukuri mubanya gihugu baba Isilamu kugira ngo bahabwe uruhusha, baricara bamwe babwira ububeshi bw’ukubeshera Imana hamwe n’intumwa yayo, rero hazoshikirwa bamwe bagumye mubuhakanyi bwabo muribo, nibo bazoronka ibihano bibabaza cane

[91] Ntagicumuro kirimwo kuri bamwe batishoboye canke kuri barya bakitswe n’amagara canke kuri barya ataco birenza bafise, mugihe bafise ivyipfuzo vyiza ku Mana hamwe n’Intumwa yayo, rero ntakuntu twobatako umwikomo kubagira ineza, n’Imana niyo ifise ikigongwe cinshi n’impuhwe zayo zihagije

[92] Canke kuri barya bagushikiye kugira ngo ubahe ivyo burira, na wewe uca ubishura uti:- ntaco mfise c’ukuburizako, baca basubira inyuma mugihe mumaso yabo yasesagurika amosozi kubera agahinda kukubura iyo mfashanyo

[93] Hariho inzira yabamwe bagusaba uruhusha mugihe bafise uburyo mugabo nabiyemeje kuguma inyuma hamwe n’abasigara inyuma, n’Imana yarabateyeko ikidodo kumitima yabo, kuri ivyo ntana kimwe bazi

[94] Bazobasaba imbabazi mugihe muzo garuka, wewe n’uvuge uti:- ntimusabe izo mbabazi kuko twebwe ntitubizeye, n’Imana iramaze kutumenyesha inkuru zanyu, ubu vuba Imana izobona ibikorwa vyanyu hamwe n’intumwa yayo, hanyuma muzosubizwa kwa nyene ubumenyi w’amabanga hamwe n’ibiri k’umugaragaro, nayo izobabwira ivyo mwahora mugira

[95] Bazorahira kw’izina ry’Imana mugihe muzogaruka iwabo kugira ngo mubagirire imbabazi, rero ntimubiteho nagatoyi, ntankeka abo bantu n’umwanda, n’ubwicaro bwabo nubwo mumuriro udahera witiriwe Jahannamu, iyo niyo mpembo yivyo basoromye

[96] Bararahira kugira ngo mubagirire imbabazi rero nimwaba girira imbabazi Imana ntizoba iri kumwe n’abantu basenyura amategeko yayo

[97] Abanyagihugu barimonogoje cane mubuhakanyi bwabo n’ububeshi bwabo, nabo bakaba batumbereye cane mukutamenya imbibe yabimwe muvyamanuwe n’Imana kuntumwa yayo, n’Imana niyo ifise ubumenyi n’ubuhizi buhagije

[98] Mu vy’ukuri abo banyagihu harimwo abiyumvira yuko muvyo batanga n’amagarama y’impfagusa, nabo bakaba babarorereye kuvyago, ivyo vyago ni bibi bizoba kuribo, n’Imana niyo yumva kandi niyo ifise ubumenyi buhagije

[99] No muri abo banyagihugu, harimwo abemera Imana yabo y’ukuri hamwe n’umusi w’imperuka, kandi bakemera yuko muvyo batanga arivyo bibegereza ku Mana, hamwe n’ibisabisho vy’intumwa y’Imana, rero nimwumve yuko ivyo bagira vyose nivyo kubegereza ku Mana, nayo niyo izobinjiza mumpuhwe zayo, ntankeka Imana niyo ifise ikigongwe cinshi kandi niyo ifise impuhwe zihagije

[100] Nabamwe bagenda imbere yanyu nukuba abambere mubimutse hamwe n’abasangwa hamwe n’ababakurikiye kunyifato nziza, Imana izobaha impuhwe zayo nabo bamwemerere, nayo yarabateguriye imirima icamwo inzuzi imbere yabo, bazobayo mubuzima bwabo bwose, iyo rero niyo ntsinzi niniya bafise

[101] No mubanyagihugu baba hambavu yanyu n’ababa muducimbiri two hafi yanyu harimwo ababeshi, n’abasangwa bomugisagara c’Imadinat nabone harimwo bamwe bakaruhariwe mububeshi batabizi, mugabo twebwe turabazi, kandi tuzobahana incuro zibiri hanyuma basubizwe mubihano bininiya cane

[102] N’abandi bemeye ibicumuro vyabo barateranije ibikorwa vyiza n’ibindi bibi, nkumbure Imana izobagirira ikigongwe cabo, mu vy’ukuri niyo nyene ikigongwe n’impuhwe zihagije

[103] Niwakire imperezwa mumatungo yabo, hanyuma ubasukure kubera izo mperezwa zabo nukubavuga neza, nukubasabira igisabisho, mu vy’ukuri ubasabiye biturutse kuri wewe boshobora gutekanirwa, n’Imana niyo yumva kandi niyo ifise ubumenyi buhagije

[104] Mbega ntibazi yuko Imana yakira imbabazi z’abantu bayo nukwakira imperezwa zabo, kandi Imana niyo yemera ikigongwe cinshi hamwe n’impuhwe zayo zihagije

[105] Kandi uvuge uti:- nimugire ibikorwa vyiza Imana irabibona ibikorwa vyanyu hamwe n’intumwa yayo hamwe naba Isilamu bose, hanyuma muzosubizwa kuwufise ubumenyi bw’amabanga yose hamwe n’ibiri k’umugaragaro, nayo izobabwira ivyo mwahora mugira vyose

[106] Hari n’abandi barindirijwe kw’itegeko ry’Imana, kumbure izobahana canke izobakira, nayo niyo ifise ubumenyi n’ubuhizi buhagije

[107] Hariho abubatse isengero ry’urwankano n’ugushigikira ubuhakanyi bw’Imana, hamwe n’ugutandukanya abemeye Imana yabo y’ukuri n’ukugira aho hantu habe ari aho kurorerera bamwe batera ingwano Imana hamwe n’intumwa yayo aho hambere hahise, ntankeka bazorahira bavuga bati:- ntanabi twashaka atari ineza gusa, mugabo Imana niyo cabona yuko aribo babeshi

[108] Ntuhagarare kuri iryo sengero nagatoyi, kuko iryo sengero ryubatswe kumpamvu yugusengerwamwo Imana y’ukuri kuva k’umusi wa mbere wategerezwa kuri wewe kuba uwuhagazemwo, muri iryo sengero harimwo abantu bagomba kwisukura, n’Imana irakunda abisukura

[109] Mbega uwashinze umushingi w’inyubakwa yiwe mugutinya Imana hamwe nugusaba imbabazi siwe mwiza, canke uwashinze umushingi w’inyubakwa yiwe hejuru y’impande y’ikinogo kimanyagurikako ibinonko vyaco, hanyuma urwo ruhome rugahenukirayo hamwe nawe mumuriro udahera witiriwe Jahannamu, n’Imana ntishobora kurongora abantu bayihemukira

[110] Iyo nyubakwa yabo bubatse izoba ariyo mpamvu yugutera amakenga mu mitima yabo kugeza naho imitima yabo izomanyagurika ibimanyu manyu, n’Imana niyo ifise ubumenyi n’ubuhizi buhagije

[111] Imana niyo yaguze imitima yaba Isilamu hamwe n’amatungo yabo kugira ngo nayo ibahe ijuru, barwanira munzira y’Imana, bakica kandi bakicwa, iri niryo sezerano yiyemeje Imana mugitabu cayo ca Taurati hamwe n’igitabu c’injili hamwe n’igitabu ca Qur’ani gitagatifu, none yoba ari nde akurikiza cane ayo masezerano yayo gusumba Imana, rero nimuhimbarwe kubidandazwa vyanyu mwagiriraniye nayo, nuko rero iyo niyo ntsinzi niniya

[112] Abasaba ikigongwe hamwe n’abagira amasengesho yabo hamwe n’abashimira Imana hamwe n’abisonzesha hamwe n’abunama n’abashira imitwe yabo hasi hamwe n’abategeka kugira ibintu vyiza n’ugutuza kugira amabi hamwe n’abakingira imbibe z’Imana, abo bantu n’ubamenyeshe inkuru nziza abo bemeye Imana yabo y’ukuri

[113] Ntibishoboka kuntumwa y’Imana hamwe n’abayemeye bimwe bivuye k’umutima ngo babasabire ikigongwe abagereranya Imana n’ibindi bintu naho boba ari abagenzi babo munyuma yaho hamenyekana yuko bari mubantu bo mumuriro udahera

[114] Ntivyari kuba kuntumwa y’Imana Ibrahimu (iii) ngo imusabire Se wiwe ikigongwe atari ukubera yuko indagano yagiriraniye nawe, mugabo mugihe hamenyekana yuko ari umwansi w’Imana, yaciye atandukana nawe, mu vy’ukuri intumwa y’Imana Ibrahimu (iii) yari mubantu bagarukira ku Mana yiwe n’ukuba ari umwihanganyi

[115] Kandi ntibiba ku Mana ngo iharure abantu yuko bazimiye mugihe yamaze kubarongora, kugeza naho hamenyekana ukwikinga nabo, mu vy’ukuri Imana niyo ifise ubumenyi bw’ibintu vyose

[116] Imana irafise ubwami bw’Amajuru n’Isi, kandi niyo irema kandi niyo yica, namwe ntawubakingira canke umufasha atari Imana yonyene gusa

[117] Ntankeka Imana yaratumbereje impuhwe zayo kuntumwa y’Imana hamwe n’abimutse n’abasangwa hamwe nabamukurikiye muri kirya gihe c’ingorane no mugihe caho imitima yabamwe muribo yari hafi yuguhinduka, mugabo Imana irabatumbereza kumpuhwe zayo, mu vy’ukuri Imana kuribo n’intungane na nyene impuhwe zihagiye

[118] Nabamwe batatu barindirijwe kugeza naho Isi ibabera amananiza kuribo naho tuyibonako yagutse, n’imitima yabo iba mungorane kuribo, baca bemeza yuko ataho umuntu yohungira atari ku Mana yiwe gusa, hanyuma Imana irabatumbera kumpuhwe zayo kugira ngo bemererwe ikigongwe cabo, mu vy’ukuri Imana niyo yakira ikigongwe na nyene impuhwe zihagije

[119] Mwebwe mwemeye Imana yanyu y’ukuri, nimutinye Imana yanyu kandi mube hamwe n’abantu b’ukuri

[120] Ntibarekuriwe abantu bo mugisagara c’IMadinat hamwe n’abanyagihugu baho baba hambavu yabo, kuguma inyuma y’intumwa y’Imana canke bikunde kumitima yabo gusumba umutima w’intumwa y’Imana, ivyo nukubera yuko atangorane bafise y’inyota canke ingorane iyariyo yose canke ikigoyi munzira y’Imana, kandi badahonyora munzira ishavuza abatemera Imana yabo y’ukuri, kandi batayiha umwansi uruhombo urwarirwo rwose atari uko gusa bandikirwa igikorwa ciza kubera ivyo bakora, mu vy’ukuri Imana ntiyonona impembo yabagira ineza

[121] Kandi ntibatanga mubitangwa ivyarivyo vyose vyaba bitoyi canke bininiya, kandi ntibarengana umwaba uwariwo wose atari uko bandikirwa kugira ngo Imana ibahembe impembo nziza kuvyo bahora bagira

[122] Kandi ntivyari kuba, kuba Isilamu ngo basohoke bose uko bangana, mugabo nikuki hatosohoka umurwi umwe womubwoko bwo muribo ngo ugende kwiga neza inyigisho z’idini ry’Imana hanyuma ugende kwimenyereza ubumenyi bw’idini n’ugutuza abagenzi babo nibagaruka kugira ngo bashobore kubagabisha

[123] Mwebwe mwemeye Imana yanyu y’ukuri, nimurwane nabarya batemera Imana yabo y’ukuri bari hafi yanyu, hanyuma baze basange kuri mwebwe hari ibikomeye kuri mwebwe, kandi mumenye yuko Imana iri kumwe n’abayitinya

[124] Mugihe hamanuwe igisomwa c’amajambo y’Imana matagatifu, harimwo bamwe muribo bavuga bati:- ni nde muri mwebwe iki gisomwa camwongereje ukwemera kwiwe? nayo bamwe bemeye Imana yabo y’ukuri kirabongereza uko kwemera kwabo kandi bakanezerwa

[125] Nayo bamwe bafise ingwara mu mitima yabo, kibongereza amabi hejuru y’ayandi bari basanganywe, bagasandaba bari mubahakanyi bw’Imana y’ukuri

[126] Mbega ntibabona yuko bafise ibibazo rimwe canke kabiri, mumwaka hanyuma ntibasabe imbabazi canke ngo bibuke

[127] Mugihe hamanuwe igisomwa gishasha c’amajambo y’Imana matagatifu, baca barabana bamwe n’abandi, mbega hari uwubabona, hanyuma baca bahindukira biruka, n’Imana yarahinduye imitima yabo kubera yuko ari abantu badashaka gutegera

[128] Intumwa y’Imana yo mubwoko bwanyu bumwe vyaramutera agahinda kubibagora nukubitaho cane, kubemeye Imana yabo y’ukuri n’intungane naniyo nyene ikigongwe gihagije

[129] Nibaguma bahakana wewe nuvuge uti:- Imana yonyene izonyuzuriza kuko atayindi Mana isengwa atariyo yonyene gusa, kuko niyo nizeye kandi niyo muremyi w’inyegamo niniya cane

[1] Alif, Laam, Miiym, (Insiguro yizi ndome hamwe n’uwufise ubumenyi bwazo n’Imana yonyene gusa). Hanyuma aya n’amajambo y’Imana matagatifu ari muri iki gitabu gitagatifu gifise ubuhizi bukwiye

[2] Mbega n’igitangaro ku bantu yuko tweretse umuntu muribo yuko yotuza abantu nuguha abemeye Imana yabo y’ukuri inkuru nziza yuko bazoronka iteka rininiya imbere y’Umuremyi wabo, nabo baca bavuga bati:- ntivyari kuba ibi vyose atari uko ari ibihenda maso gusa

[3] Ntankeka Umuremyi wanyu n’Imana yo yaremye Amajuru n’Isi mukiringo c’imisi itandatu, hanyuma ica iganza hejuru y’inyegamo yayo, kuko niyo igira ivyayo vyose, rero ntawuzo sabira uwundi atari inyuma y’itegeko ryayo, iyi rero niyo Mana ariyo Muremyi wanyu, rero nimuyisenge yonyene gusa, mbega mwebwe ntimwibuka

[4] Kumana niho mwese muzosubirayo, iyi n’indagano y’Imana y’ukuri, mu vy’ukuri niyo yatanguje kurema ibiremwa vyose, kandi niyo izobagarura kugira ngo ibahembe kubera ubutungane bw’abemeye Imana yabo y’ukuri, hamwe n’ukugira ibikorwa vyiza, nayo abahakanye Imana yabo y’ukuri, abo bazoronka ibinyobwa vy’amazi y’amarike hamwe n’ibihano bibabaza cane kubera uko guhakana kwabo

[5] Imana niyo yagize Izuba ngo ribe ariyo mishwarara, n’Ukwezi nako kuba ariwo muco, hanyuma iwupimira ibituro kugira ngo mumenye igitigiri c’imyaka hamwe n’ibindi biharuro, Imana rero ntiyabiremye uko nyene atari k’ukuri, itandukanya aya majambo yayo y’ukuri kubantu bashaka gutahura

[6] Mu vy’ukuri mugukurikirana kw’Ijoro n’Umutaga, hamwe nivyo Imana yaremye biri mw’Ijuru no kw’Isi, hariho ibimenyetso kubantu bayitinya bimwe vy’ukuri

[7] Mu vy’ukuri bamwe badatinya guhura natwe, nukwemera ubuzima bwo ng’aha kw’Isi n’ukwihumuriza kuri ivyo, nabamwe batitaho kumajambo yacu

[8] Ubwicaro bwabo nubwo mumuriro udahera kubera ivyo bahora bagira

[9] Mu vy’ukuri bamwe bemeye Imana yabo y’ukuri nukugira ibikorwa vyiza, Umuremyi wabo azobarongora kubera ukwemera kwabo, kandi hazoca imbere yabo inzuzi, mumirima n’imigisha myiza ntangere

[10] Amasengesho yabo azobera mw’ijuru azoba arayo kuvuga ati:- ubutagatifu nirwawe ewe Mana n’indamutso zabo ziyo mw’ijuru nizukuvuga ziti:- amahoro y’Imana abe kuri twese, n’ibisabisho vyabo vyanyuma nivyo kuvuga biti:- dukengurukire Imana, Umuremyi w’ibiremwa vyose. N’amahayagizwa yose meza niyo akwiriye Imana, Umuremyi w’ibiremwa vyose

[11] Iyo Imana iha abantu ningoga na ningoga ishari nkuko bipfuza kuzanirwa amahirwe, ntankeka bari guhabwa uwo mwanya wabo, rero bamwe badatinya guhura natwe tubasiga mu buzimire bwabo batayaya hirya no hino nabi cane

[12] N’igihe umuntu ahuye n’ingorane aradusaba muburyo ubwaribwo bwose ashoboye, hanyuma aryamiye urubavu canke yicaye canke ahagaze, mugabo tumukuriyeho ivyo bibazo vyiwe, aca abigira nkuko atamye adutakambira ngo tumukurireho izo ngorane yari afise, uku rero niko basharijwe abantu barenga imbibe kuvyo bahora bagira

[13] Mu vy’ukuri twebwe turamaze guhonya abantu benshi imbere yanyu, mugihe bagira amabi yabo nugushikirwa n’intumwa zabo zifise n’ivyemezo biri k’umugaragaro, mugabo ntibigeze bemera nagatoyi, uko rero niko duhemba abantu bagira amabi

[14] Hanyuma tugira mwebwe kuba ari mwebwe mufata ibibanza vyabo inyuma yabo ngaha kw’Isi kugira ngo turabe ingene mukora

[15] Mugihe basomewe amajambo y’Imana matagatifu ari k’umugaragaro, bamwe badatinya guhura natwe bama bavuga bati:- nimuzane iyindi Qur’ani atari iyi canke muyihindure, wewe vuga uti:- Jewe sinshobora kuyihindura kugushaka kw’umutima wanje, kandi jewe sinkurikira atari ivyo neretswe kuri jewe, mu vy’ukuri jewe ndatinya yuko ninahakana Umuremyi wanje nzoronka ibihano vy’umusi mukuru

[16] Vuga yuko iyo Imana ibishaka jewe sinari kubasomera iyi Qur’ani ntagatifu kandi sinari kubamenyesha iyi Qur’ani, mugabo narabaye hagati yanyu kugihe kirekire imbere yibi vyose, none mwebwe ntimutegera

[17] None ni nde muhemu yahemukiye umutima wiwe gusumba uwandikira Imana ibintu vy’ububeshi n’uwuhakana amajambo yayo? Mu vy’ukuri ntantsinzi yabagira amabi ayariyo yose

[18] Nayo abasenga abatari Imana y’ukuri ataco badashobora kubagirira inabi iyariyo yose canke kubagirira akamaro akariko kwose, nabo bakavuga bati:- abo nibo badusabira imbere y’Imana yacu, wewe vuga uti:- mbega mubwira Imana itazi ibiri mw’ijuru canke kw’isi? Rero iri kure n’ukutishobora kwayo kandi iri n’iteka rihagije nabo bayigereranya n’ibindi bintu

[19] N’abantu ntibamyeho atari umurwi umwe gusa hanyuma uwo murwi waracanyemwo, rero iyo hataba ijambo ryabaye imbere yaho rivuye ku Muremyi wawe ntankeka urubanza rwabo rwari rwaramaze gucibwa hagati yabo muvyo batumvikanyeko

[20] Bavuga bati:- ni kuki hatamanuwe kuriwe mubivuye ku Muremyi wiwe nk’ibitangaro? Rero nawe vuga uti:- Ubumenyi bw’ibintu bitaboneka buri ku Mana, rero nimurindire nanje ndikumwe namwe mubarindira

[21] Mugihe abantu tubahonjesheje imigisha yacu nabo bari mungorane zabashikiye, mukanya baca batanguza ivyitwazo vy’amajambo yacu matagatifu, wewe nuvuge uti:- Imana iroroshe muguhindura ivyitwazo vyabo, mu vy’ukuri intumwa zacu zandika ivyo vyitwazo vyose bagira

[22] Imana yonyene niyo ibagendesha ngaha kw’Isi no mubiyaga naho mwoba muri mumato yanyu nayo agendeshwa n’umuyaga mwiza ubanezereza, mu mwanya umuyaga ukaze ubashikiye n’imikuba y’amazi nayo ikabashikira iturutse kumpande zose, bagatangura kwiyumvira yuko basatirijwe hose, mugihe baca basaba Imana bayitakambira hamwe n’ubwitonzi ntangere bavuga bati:- niwaturokora kuri ibi, ntankeka twebwe tuzoba turi mu bantu bakenguruka

[23] Mugabo Imana ibarokoye mumwanya baca bagira amanyama kuri iy’Isi ata kuri bafise, mwebwe bantu, amanyama yanyu azobahumira mwebwe nyene, kandi n’umunezero w’ubuzima bwo ngaha kw’Isi gusa, hanyuma ingaruka yanyu izoba iri iwacu, aha niho tuzobabwira ivyo mwahora mugira

[24] Mu vy’ukuri akarorero k’ubuzima bwo ng’aha kw’Isi ni nk’amazi twamanuye tuyakuye mubicu, hanyuma ibiterwa vyo ng’aha kw’Isi biribwa n’abantu hamwe n’ibikoko bivanzemwo navyo kugeza naho Isi ikwiza ubwiza bwayo n’ugushariza nabo nyene biyumviriye yuko aribo bafise ubushobozi hejuru yavyo mu mwanya itegeko ryacu ryarabashikiye mw’ijoro canke k’umutaga hanyuma tubigira nkakumwe bitabayeho nkuko bitabayeho n’ejo hahise, uku rero niko tubabwira aya majambo y’Imana matagatifu ku bantu biyumvira

[25] N’Imana ibahamagarira mungoro y’amahoro, kandi irongora uwo yishakiye munzira igororotse

[26] Bamwe bagize ineza bazoronswa ineza zabo n’umusesekara, n’inkungugu ntizizopfuka amaso yabo, kandi ntihazoboneka ibimaramare kuribo, abo nibo bantu bo mw’ijuru bazobayo mu buzima bwabo bwose

[27] Nabamwe bagize ibikorwa bibi, impembo y’ivyo bikorwa bibi nink’akarorero kavyo nyene, n’ibimaramare bizobashikira, kandi ntibazoba bafise uwushobora kubakingira n’ibihano vy’Imana, rero amaso yabo azoba afutswe n’ibimanyu vy’ijoro vy’umwijima muniniya, rero abo nibo bantu bo mumuriro udahera, ariho bazobayo mubuzima bwamisi yose

[28] N‘umusi tuzobegeranya bose hanyuma tubabwire bamwe bagereranya Imana n’ibindi bintu duti:- nimuhagarare kuruhande rwanyu hamwe nabamwe mwagereranije kuba basomambike banyu b’Imana hanyuma tubashire kuruhande rwabo, abo bagereranije abandi n’Imana bazovuga bati:- mwebwe ntimwamye mudusenga twebwe

[29] Imana yonyene irahagije kuba ariyo cabona kiri hagati yacu na mwebwe, mu vy’ukuri twebwe ntamakuru y’amasengesho yanyu twari tuzi

[30] Iyo umuntu wese yomenya ivyo yagize vyose, hanyuma bakazosubizwa ku Mana yabo, ariwe Muremyi wabo w’ukuri, hanyuma hakazozimangana bimwe bahora badukana navyo

[31] Vuga uti:- ni nde abaha imfashanyo ivuye mw’ijuru no kw’isi? Canke ni nde nyene amatwi n’amaso yanyu, kandi ni nde akura umuntu muzima mubasandavye nugukura uwasandavye mu bantu bazima? None ni nde agira ibi vyose? Nabo bazovuga bati:- n’Imana, rero wewe vuga uti:- mbega mwebwe ntimutinya

[32] Iyo niyo Mana Umuremyi wanyu w’ukuri, none n’ikihe kintu kiriho inyuma y’ukuri atari ubuzimire gusa, none mwebwe muhindukizwa hehe

[33] Uku niko ijambo ry’Umuremyi wawe rizobashikira bamwe biyonkoye, yuko batazo kwemera

[34] Vuga uti:- mbega hariho umwe muribo mugereranya n’Imana yatanguje kurema ibiremwa hanyuma ikazobigarura vuga uti:- n’Imana niyo yatanguje kurema ibiremwa vyose hanyuma niyo izo bigarura, none muhindurirwa hehe

[35] Vuga uti:- mbega hari muri abo mugereranya n’Imana ibarongora m’ukuri? Vuga uti:- Imana niyo irongora abantu m’ukuri, rero uwurongora abantu m’ukuri siwe ategerezwa cane gukurikirwa canke umwe atarongotse atari uwurongowe, mbega mubaye gute? None mutegeka gute

[36] Benshi muribo ntibakurikira ibintu n’ibindi atari amakenga gusa, nayo amakenga ntaco amaze imbere y’ukuri n’ikintu na gitoyi, mu vy’ukuri Imana niyo ifise ubumenyi bw’ibintu vyose mugira

[37] Ntibishoboka yuko iyi Qur’ani ntagatifu yoba yaranditswe kubinyoma kandi itavuye ku Mana, ahubwo n’amajambo yavuye ku Mana yemeza ivyabaye imbere yaho, kandi n’amajambo y’ibitabu vy’akahise, rero ntamakenga arimwo kandi n’amajambo yavuye kumuremyi w’abantu bose

[38] Mbega nibo bavuga yuko ariwe yayiyandikiye, vuga uti:- nimuzane kimwe mugisomwa kimeze nk’iki gisomwa, hanyuma muhamagare abo mushoboye kuronka dukuye mwo Imana yonyene gusa, nimwaba mwebwe muvugisha ukuri kwama

[39] Ahubwo barahakanye muvyo batazi vy’ukuri nuko kuri ntikwari bwabashikire namba haba k’ububeshi bwabo canke k’ukuri kwabo, uku rero niko kwabaye uguhahana kwababayeko imbere yabo, rero nimugende murabe amaherezo yabo bantu bahemukiye imitima yabo

[40] No muribo harimwo abemera iyi Qur’ani ntagatifu, n’abandi muribo batayemera, n’Umuremyi wawe arazi neza abononyi

[41] Nibabandanya n’uguhakana wewe n’uvuge uti:- Jewe ndafise ibikorwa vyanje namwe murafise ibikorwa vyanyu, mwebwe muri kure nivyo nkora, nanje ndikure yivyo mwebwe mukora

[42] Hari bamwe muribo bakwumviriza, rero woshobora kubumvisha abatumva naho badashaka gutegera

[43] Harimwo bamwe muribo bakwitegereza n’amaso yabo mbega woshobora kurongora impumyi nabo badashaka kubona

[44] Mu vy’ukuri Imana ntihemukira abantu bayo kukintu icarico cose, mugabo abantu nibo bahemukira imitima yabo

[45] N’umusi izobegerenya nkakumwe batabayeho ng’aha kw’Isi atari isaha imwe yonyene gusa y’umutaga, niho bazomenyana mu vy’ukuri abazohomba muri bamwe bahakanye yuko kutazohura n’Imana yabo kandi ntibazoba mubarongoka

[46] Nitwakwereka bimwe muvyo tubatuza canke tukwishe, ingaruka yabo izoba iwacu hanyuma Imana niyo cabona civyo bagira vyose

[47] N’abantu bose bamye bafise intumwa y’Imana, rero mugihe hashika intumwa yabo nuguciribwa urubanza ruri hagati yabo rw’ukuri nabo badahemukiwe

[48] Nabo bavuga bati:- niryari iryo sango rizobera nimwaba muvugisha ukuri

[49] Vuga uti:- ntaco ntunze kubera umutima wanje haba kucongirira inabi canke icongirira ineza mugabo Imana ibishatse abantu bose barafise ikiringo cabo kigeze ntikibatebesha n’isaha n’imwe canke ngo babe imbere yaco

[50] Vuga uti:- mubona gute nkiyo mwoshikirwa nivyo bihano vy’Imana mw’ijoro canke k’umurango, none nikuki bamwe bafise ibicumuro bahakana yuko vyobashikira ningoga na ningoga

[51] Bimaze kuba niho muzo kwemera? Mbega ubu niho mwemera kandi namwe mwamye mubihimiriza ngo bibe

[52] Hanyuma abahemukiye imitima yabo bazobabwira bati:- nimuhonje ibihano bizobagumako ataco muzorihwa, atari kuvyo mwahora mugira

[53] Barakubaza bati:- mbega ni vy’ukuri ivyo uvuga? Wewe vuga uti:- egome, ndarahiye ku Muremyi wanje yuko ari ivy’ukuri, namwe ntimushobora kunanira Imana

[54] Nihaba umuntu uwariwe wese yahemukiye umutima wiwe, akaba afise ibiri ngaha kw’isi, ntankeka yari gutanga ivyo afise vyose kugira ngo yikombore mugihe bazobona ibihano bibashikiye niho bazo kwihangana guhisha aho banyegeza ibibubakiyeko vy’agahinda hanyuma hazocibwa urubanza hagati yabo rw’ukuri kandi nabo ntibazo hemukirwa namba

[55] Ni mwumvirize, ntankeka ibiri mw’Ijuru no kw’Isi ni vy’Imana, kandi mwumvirize mu vy’ukuri indagano y’Imana ni y’ukuri mugabo benshi muribo ntavyo bazi

[56] Imana niyo rurema, kandi niyo yica, n’iwe niyo muzosubizwayo mwese

[57] Mwebwe bantu, mwarashikiwe n’ubutumwa buvuye ku Muremyi wanyu hamwe n’ihumure ry’imitima yanyu hamwe n’uburongozi buniniya n’imigisha kubemera Imana y’ukuri

[58] Vuga uti:- kubera impuhwe z’Imana n’imigisha yayo, rero nibanezerwe kuri ivyo, kuko ibi nivyo vyiza gusumba ivyo bariko baregeranya

[59] Vuga uti:- mbega mubona gute kuri yamigisha Imana yabamanuriye hanyuma mugira kuriyo ivyabujijwe n’ibindi navyo mubiha uburenganzira bwarekuriwe n’amategeko y’Imana, wewe vuga uti:- mbega Imana yarabarekuriye kugira ivyo canke muyadukirizako ububeshi gusa

[60] None n’uwuhe mwikeko wabamwe badukiza ku Mana ibintu vy’ububeshi kubera umusi w’imperuka, mu vy’ukuri Imana irafise imigisha myinshi iri hejuru y’abantu mugabo benshi muribo ntibayi kengurukira

[61] Ntugira umurimo mumirimo iyariyo yose, canke ntusoma muri iki gitabu gitagatifu ca Qur’ani, canke ntagikorwa mushobora kugira atari uko twebwe tuba turi ivyabona kuri mwebwe mugihe muriko murakorera kuri ivyo, rero ntakintu na kimwe kinyegezwa imbere y’umuremyi wawe naho coba gifise uburemere bungana n’akanyegeri naho koba kari kw’Isi canke mw’Ijuru, canke naho koba gatoyi gusumba ako kanyegeri canke kaniniya gusumba ako, nuko vyose biri mugitabu c’Imana kimenyesha ibiri k’umugaragaro

[62] Nimutegere neza mwebwe bakunzi b’Imana, ntimuzoba mufise ubwobwa canke ntimuzoba mufise agahinda

[63] Nabo nibamwe bemeye Imana yabo y’ukuri bakaba bayigamburukira

[64] Barafise ibikorwa vyiza mubuzima bwo ng’aha kw’isi no k’umusi w’imperuka, rero ntibahindagurika mumajambo y’Imana, uko rero niko gutsinda gukuru

[65] Kandi ntuterwe n’agahinda kubera amajambo yabo, mu vy’ukuri iteka ryose niry’Imana, niyo yumva kandi niyo ifise ubumenyi buhagije

[66] Nimwumvirize, ntankeka ibiri mw’Ijuru hamwe n’ibiri kw’Isi vyose nivy’Imana, na bamwe basenga ibitari Imana, ntibakurikira abo babagereranya atari ivyikeko gusa, kandi ntibavuga atari ububeshi gusa

[67] Niyo yabagiriye ijoro kugira ngo muruhukire mwo, n’umutaga w’umuco, mu vy’ukuri muri ibi vyose harimwo ibimenyetso ku bantu bumva

[68] Bavuga yuko Imana yigiriye ikibondo, nayo ikaba iri kure yivyo, kandi irikwijije, ibintu vyose ni rwiwe ibiri mumajuru n’ibiri kw’Isi, namwe ntavyemezo mufise kuri ivyo, mbega mwivugira gusa hejuru y’Imana kuvyo mutazi

[69] Vuga uti:- bamwe badukana ububeshi ku Mana y’ukuri abo ntatsinzi bafise

[70] N’amahirwe makeyi cane kuri iy’Isi, hanyuma iwacu niho hari ingaruka yabo, aho niho tuzoba honjesha ibihano bikaze kubera bwabuhakanyi bwabo

[71] Basomere inkuru y’intumwa y’Imana Nuhu (iii) mugihe yabwira abantu biwe ati:- mwebwe bantu banje niba ukuba kwanje namwe n’ukwibutsa kwanje kwaya majambo y’Imana matagatifu kubashavuza ntaco jewe nizeye Imana yanje gusa, namwe nimwegeranye ivyanyu vyose hamwe nabo mucuditse hamwe, nayo impanuro zanyu ntimuzinyegeze kuri mwebwe, hanyuma muze mubicishe kuri jewe kandi ntimumpe n’umwanya namutoyi

[72] Mugabo nimutemera naho, jewe sindabasaba impembo iyariyo yose, kuko impembo yanje ntayiriho atari ku Mana, nkaba nategetswe mbe ndimu bantu b’amahoro kuriyo

[73] Mugabo baramuhakanye natwe turamurokora hamwe nabo bari kumwe nawe mubwato, duca tubagira kuba aribo basigaye duca twibiza mumazi bamwe bahakanye amajambo yacu y’Imana matagatifu, rero nurabe ingene yabaye amaherezo yabo bantu batujijwe

[74] Hanyuma twarabarungikiye intumwa z’Imana nyinshi munyuma yiwe kubantu babo, nabo barabashikira bafise ivyemezo biri k’umugaragaro, mugabo ntibari mubemera muvyo bahakanye aho hambere, uko rero niko dutera ibidodo hejuru y’imitima y’abantu barenga imbibe zagenywe

[75] Hanyuma munyuma yabo twararungitse intumwa y’Imana Mussa (iii) hamwe n’intumwa y’Imana Haruna (iii) ngo bagende kwa Fir’auni hamwe n’abantu biwe b’abategetsi bakuru bakuru, bafise n’ivyemezo vyacu mugabo barishimye nukuba mu bantu biyonkoye

[76] Mugihe bashikirwa n’ukuri kuvuye iwacu, baciye bavuga bati:- ntankeka ubu n’uburozi bugaragara

[77] Intumwa y’Imana Mussa (iii) ivuga iti:- muvuga kubera ukuri mugihe kwabashikiye? Ubu n’uburozi? N’abarozi ntantsinzi bafise

[78] Bavuze bati:- mbega waje ngaha kugira ngo udukure muvyo twasanganye abavyeyi bacu bafise, rero kugira ngo ubutegetsi bube rwanyu kuri iy’Isi? Twebwe ntidushobora kubemera na gatoyi

[79] Fir’auni nawe yavuze ati:- nimunzanire abarozi bose bincabwenge

[80] Rero mugihe bashika babarozi, intumwa y’Imana Mussa (iii) yababwiye ati:- nimute hasi ivyo mushaka guta

[81] Bahejeje guta hasi, intumwa y’Imana Mussa (iii) yavuze iti:- ivyo bintu mwazanye n’uburozi, ubu rero Imana igomba ibereke ibinyoma mu vy’ukuri Imana ntishigikira ibikorwa vy’abononyi

[82] N’Imana izoshigikira ukuri kw’amajambo yayo naho bazoshavura abantu babi

[83] Ntibayemeye intumwa y’Imana Mussa (iii) atari bamwe mumiyabaga yomu bantu biwe kubera ugutinya uyo Fir’auni hamwe n’abategetsi babo kugira ngo ntibacurwe bufuni na buhoro, mu vy’ukuri Fir’auni yari umuntu w’amanyama muri ico gihugu, mu vy’ukuri niwe yari mubantu barenze akarimbi

[84] N’intumwa y’Imana Mussa (iii) yavuze iti:- bantu banje nimwaba mwebwe mwemeye Imana yanyu y’ukuri, nimuyizere yonyene nimwaba muri aba Isilamu b’ukuri

[85] Nabo bimwishura bati:- turizeye Imana yacu y’ukuri, ewe Muremyi wacu, ntudushire mu bantu bashizemwo ingorane nabo bahemukiye imitima yabo

[86] Kandi uturokore kumpuhwe zawe nabo bantu bahakana Imana yabo y’ukuri

[87] Twaramushikirije ubutumwa intumwa y’Imana Mussa (iii) hamwe na mwene wabo, yuko bokwubakira amazu abo bantu bo mugisagara canyu, kandi mugire izo nzu zanyu zibe ariyo masengero yanyu, kandi muhagarike amasengesho yanyu kandi mubashikirize inkuru nziza abemeye Imana yabo y’ukuri

[88] N’intumwa y’Imana Mussa (iii) yavuze iti :- Muremyi wacu, ni wewe wahaye Fir’auni hamwe n’abategetsi biwe ibisharizo n’amatungo menshi muri buno buzima bwo ng’aha kw’isi, Muremyi wacu uko niko batakaza abantu munzira yawe, Muremyi wacu nuhonye ayo matungo yabo yose, hanyuma urwanye imitima yabo kuko ntibazopfa bemeye namba kugeza aho bazobonera ibihano bibabaza cane

[89] Yaravumereye iti:- ivyo mwasavye biremerewe, rero nimutumbere neza, kandi ntimukurikire inzira zabamwe ataco bazi

[90] Twarabarenganije bene Israeri mukiyaga bari kumwe na Fir’auni hamwe n’ingabo ziwe baca babakurikira n’ubuhemu bw’imitima yabo hamwe n’ubwishime kugeza naho Fir’auni yibizwa mumazi nuguca avuga ati:- ndemeye yuko atayindi Mana y’ukuri itegerezwa gusegwa bimwe vy’ukuri atari irya bemera bene Israeri, nanje ndi mubagamburutsi b’Imana y’ukuri

[91] Ubu rero kowiyonkoye imbere yaha nuguca uba mu bantu b’abononyi

[92] Rero uno musi turakurokora hamwe n’umubiri wawe, kugira ngo ube ari ikimenyetso kubantu bazoza inyuma yawe, n’abantu benshi baribagiye ibi bimenyetso vyacu

[93] Munyuma twaraba teguriye bene Israeri uburaro bwiza n’ukubaha imigisha mvyiza, nabo ntibacanyemwo kugeza aho bashikirwa n’ubumenyi, mu vy’ukuri Umuremyi wawe azobacira urubanza ruzoba hagati yabo k’umusi w’imperuka kuvyo batahora bumvikanako

[94] Niwaba ufise amakenga kuri ivyo twakumanuriye rero nubaze bamwe basoma ibitabu imbere yawe, mu vy’ukuri ukuri kuramaze kugushikira kuvuye ku Muremyi wawe, rero ntube mubagira amakenga

[95] Kandi ntube muri bamwe bahakana ibimenyetso vy’Imana hanyuma ntuze ube mubantu bo muruhombo

[96] Mu vy’ukuri bamwe ijambo ry’Umuremyi wawe ryamaze kugaragara kuribo ntibazo kwemera nagatoyi

[97] Naho ibimenyetso ivyarivyo vyose bizoba shikira, nukugeza aho bazo kwibonera ibihano bibabaza

[98] Nikuki hatabayeho igisagara cemeye kugira ngo uko kwemera kwaho kubafashe, dukuyemwo abantu b’intumwa y’Imana Yunusu (iii) mugihe bemera Imana yabo y’ukuri, twaraba kuriyeho ibihano vy’ibimaramare mubuzima bwabo bwo ng’aha kw’Isi nukuba nezereza kukiringo kigufiya cane

[99] Iyo Umuremyi wawe ashaka, ntankeka bari kwemera uko bangana bose mubari ng’aha kw’isi, mbega wewe uzobategeka abantu kunguvu kugeza naho baba aba Isilamu

[100] Nta muntu n’umwe ashobora kwemera ivyarivyo vyose atari kw’itegeko ry’Imana nayo yegeka umwanda ngo ubashikire bamwe badakoresha ubwenge bwabo

[101] Vuga uti:- nimurabe, ikizoturuka gituruka kivuye mw’ijuru no kw’isi, n’ibi bimenyetso vyose hamwe n’amagabisho yose ataco bizofasha abantu batemera Imana yabo y’ukuri

[102] Rero barindiriye ikindi kintu nk’akarorero k’ijoro kubantu babayeho imbere yabo, wewe vuga uti:- rero nimurindire jewe ndikumwe namwe mu bantu barindiriye

[103] Hanyuma twararokoye intumwa zacu z’Imana hamwe nabamwe bemera Imana yabo y’ukuri, kubera uku kuri twebwe niho twabarokora abantu bemeye Imana yabo y’ukuri

[104] Vuga uti:- mwebwe bantu! Nimwaba mufise amakenga mw’idini ryanje, mumenye yuko jewe ntasenga abo mwebwe musenga aho gusenga Imana yonyene ibica, kandi nategetswe n’Imana ngo mbe ndi mu bantu bemera Imana y’ukuri

[105] Tumbereza amaso yawe munzira y’idini mugusukurira amasengesho y’Imana, kandi ntube mubagereranya Imana n’ibindi bintu

[106] Kandi ntusenge ibitari Imana, muri bamwe ataco bakumarira, canke ata nabi bakugirira, rero niwabigira gutyo uzoba uri mu bantu bahemukiye imitima yabo

[107] Imana ishatse ikagutako ingorane, ntawundi muntu ashobora kuzigukurako atariyo yonyene gusa, nayo kuri iyo migisha igushakiye ineza, nta muntu n’umwe ashobora kuyigusubizako iyo migisha yayo, rero iyishikana kuwo yishakiye mu bantu biwe beranda, nayo niyo ifise ikigongwe cinshi n’impuhwe zihagije

[108] Vuga uti:- mwa bantu mwe! Ukuri kwama kuramaze kubashikira kuvuye ku Muremyi wanyu, rero uwurongotse arongoka kubwiwe, n’uwuzimiye azimira kubwiwe, nanje sindi mubabacungera hejuru yanyu

[109] Nukurikire kuvyo weretswe, kandi wihangane kugeza aho Imana izotanga itegeko ryayo, nayo niyo nziza gusumba abaca manza bose

[1] Alif, Laam, Ra, (Insiguro yizi ndome hamwe n’uwufise ubumenyi bwazo n’Imana yonyene gusa). Iki n’igitabu amajambo yaco yateguwe neza, kandi atandukanywa neza kuva kwa nyene ubuhizi na nyene ubumenyi bw’ibintu vyose

[2] Kugira ngo ntimuze musenge atari Imana yonyene y’ukuri, mu vy’ukuri jewe kuri mwebwe ndi uwutuza hamwe n’umutanzi w’inkuru nziza mvuye kuriwe

[3] Kugira ngo musabe ikigongwe ku Muremyi wanyu, hanyuma musubire kuriyo, niyo izobanezereza kuminezero myiza kugeza kugihe cagenywe, kandi izoha impembo kwa nyene impembo ziwe, nimwahakana jewe ntinya kuri mwebwe ibihano vy’umusi mukuru

[4] Ingaruka yanyu niku Mana, nayo niyo nyene ububasha buri hejuru y’ibintu vyose

[5] Nimwumvirize, nibo banyegeza ibiri mumishaha yabo kugira ngo bayinyegeze Imana, nimwumvirize mugihe bipfutse impuzu zabo nayo niyo ifise ubumenyi bw’ivyo banyegeza hamwe n’ivyo baserura, mu vy’ukuri niyo nyene ubumenyi bw’ibiri mumishaha yabo

[6] Ntagikoko na kimwe canke ikiremwa icarico cose kiri kuri iy’Isi atari uko imigisha yaco iri hejuru ku Mana, kandi niyo ifise ubumenyi bw’ubwicaro bwayo budahera, n’ahantu honyene huguhitiramwo gusa, vyose rero biri mugitabu cerekana ibintu vyose

[7] Nayo niyo yaremye Amajuru n’Isi kumisi itandatu, n’inyegamo yayo yari hejuru y’amazi kugira ngo ibagirire ibibazo hanyuma irabe uwariwe wese muri mwebwe afise ibikorwa vyiza, rero niwa vuga uti:- mwebwe muzozurwa mwamaze kwitaba Umuremyi wanyu, abahakanye Imana yabo y’ukuri nabo bazovuga bati:- ibi ntivyamyeho, atari uko ari ibinyoma biri k’umugaragaro

[8] Nitwabatebereza ibihano kugeza kukiringo camaze guharurwa bazovuga bati:- n’igiki kibuza ivyo bihano ntibishike? Nimwumvirize umusi bizobashikira ivyo bihano ntibizokurwako kuribo hanyuma bazokikuzwa nivyo bahora bafata minenerwe

[9] Nitwahonjesha umuntu imigisha iturutse kuri twebwe, hanyuma tugaca tuyimukurako uwo mwanya nyene aca adebukirwa nukutaba umuntu ashima

[10] Nitwamuhonjesha imigisha yacu mugihe yari mungorane zamushikiye mumwanya aca avuga ati:- ingorane zose zamaze kumvako, nawe aca agumana akanyamuneza kenshi cane n’ukwishima kurengeje urugero

[11] Mugabo bamwe bigumya nukugira ibikorwa vyiza, abo nibo bazoronka ikigongwe hamwe n’impembo niniya

[12] Nkumbure woshobora kureka bimwe muvyo weretswe kuri wewe n’igikiriza cawe kigaca cugaranwa kuri ivyo, kubera yuko bavuga bati:- mbega ni kuki tutamanuriwe ububiko canke hakaza abamarayika bari kumwe nawe, wewe uri mu bantu batuza gusa n’Imana niyo ikingira ibintu vyose

[13] Nivy’ukuri bavuga yuko ariwe yaciteguriye wenyene, wewe vuga uti:- rero namwe nimuzane ibisomwa cumi vy’ububeshi vyateguwe nkibi kandi muhamagare abo mushoboye guhamagara atari Imana yonyene nimwaba muvugisha ukuri

[14] Nibatitabira naho mumenye yuko iki gitabu camanuwe n’ubumenyi bw’Imana kandi yuko atawundi Muremyi atariwe wenyene gusa, mbega muzoba abagamburutsi

[15] Abipfuza ubuzima bwo ngaha kw’isi hamwe n’ibisharizo vyayo, twebwe tuzobibahera ngaha kw’isi n’ibikorwa vyabo bikwiye, nabo ng’aha kw’Isi ntibazo zimbwa

[16] Abo nibo ata kintu na kimwe bazoba bafise iyo mw’ijuru atari umuriro wonyene gusa, nivyo bagize vyose ng’aha kw’isi bizogenda akagirire, kandi bizoba impfagusa ivyo bahora bagira vyose

[17] None umuntu afise ibimenyetso bigaragara bivuye ku Muremyi wiwe nugukurikira icabona kivuye ku Mana, ariyo Qur’ani ntagatifu n’imbere yiwe hari igitabu c’intumwa y’Imana Mussa (iii) cari indongozi n’imigisha yabo bamwemera, nayo abazo muhakana muri iyo mirwi, bamenye yuko umukomezwa nibwo bwicaro bw’ihuriro ryabo, rero ntugire amakenga kuri ivyo kuko uku niko kuri kuvuye ku Muremyi wawe, mugabo abantu benshi ntibavyemera

[18] None ni nde yoba ari umuhemu mukuru gusumba uwubeshera Imana yiwe y’ukuri, abo nibo bazokwerekanwa imbere y’Umuremyi wabo hamwe n’ivyabona bizovuga biti:- abo nibo badukanye ububeshi bw’ukubeshera Umuremyi wabo, rero nimwumvirize uwo muvumo w’Imana uri hejuru yabahemukiye imitima yabo

[19] Abantu bazitira inzira y’Imana nugushakako iyo nzira izimangana n’uguhakana uwo musi w’imperuka

[20] Abo bantu ntibashobora guhunga mugihugu kandi ntababa kingira bafise atari Imana gusa , ahubwo bazo kwongerezwa ibihano kuko badashobora kwumva canke kubona

[21] Abo nibo bataye imitima yabo muruhombo, kandi bizo zimangana ivyo bahora badukana navyo

[22] Ntankeka abo nibo bari muruhombo rw’ukuri iyo mw’Ijuru

[23] Mu vy’ukuri bamwe bemera Imana yabo y’ukuri nukugira ibikorwa vyiza hamwe nukugamburuka ku Muremyi wabo, abo nibo bantu bo mw’ijuru, iyo niyo bazobayo mubuzima bwabo bwose

[24] Iyo mirwi uko ari ibiri uko imeze nink’umuntu afise ubuhumyi hamwe n’uwutumva, n’umuntu abona hamwe n’uwumva mbega abo bantu uko ari babiri barashobora kungana, mbega mwebwe ntimwiyumvira

[25] Natwe twajanye intumwa y’Imana Nuhu (iii) kubantu biwe nukubabwira duti:- jewe kuri mwebwe ndi mubatuza basigura ibintu vyose

[26] Yuko mutosenga uwariwe wese atari Imana yonyene gusa, mu vy’ukuri jewe ndabafitiye ubwoba bw’ibihano vy’umusi ubabaza cane

[27] Aho naho niho bavuze b’abategetsi babamwe bahakanye Imana yabo y’ukuri bo mubwoko bwabo bati:- twebwe ntitukubona neza atari uko uri umuntu nkatwe, kandi ntitukubona atari uko abagukurikiye ari bamwe baboneka neza yuko batishoboye kuri twebwe no kuvyo twiyumvira ubwambere gusa, kandi ntitubabona yuko mufise ikintu kirenze hejuru yacu, ahubwo tubabona yuko mwebwe muri ababeshi

[28] Yavuze ati:- bantu banje! mubona gute nkiyo noba mfise ibimenyetso biri k’umugaragaro bivuye k’Umuremyi wanje, nukumpa imigisha ivuye kuriyo hanyuma ikayinyegerezako, mbega twobategeka kuyemera namwe muyanka

[29] Namwe bantu banje! Jewe sindabasaba amaronko kubera ibi vyose, kandi ntampembo yanje mfise atari ku Mana yanje, nanje sinzobirukana abemeye Imana yabo y’ukuri, kuko bazohura n’Umuremyi wabo, mugabo jewe ndababona yuko mwebwe muri mubantu bafise ubujuju

[30] Namwe bantu banje! ni nde azomfasha imbere y’Imana ninabirukana, mbega mwebwe ntimwiyumvira

[31] Kandi sindababwira yuko mfise ububiko bw’Imana canke mfise ubumenyi bw’ibintu bitazwi, kandi simvuga yuko jewe ndi Umumarayika, kandi simvuga kuri bamwe bankengera amaso yanyu yuko Imana itazobaha imigisha yayo, Imana niyo ifise ubumenyi bw’ibiri mumishaha yabo, aha rero ntankeka nzoba ndimu bantu bahemukiye imitima yabo

[32] Bavuze bati:- ewe ntumwa y’Imana Nuhu (iii) warahaririye natwe kandi urarenza urugero kubihari biri hagati yacu na wewe, rero nutuzanire ivyo watwemereye niwaba uri mubantu bavugisha ukuri

[33] Nawe abishura ati:- Imana izobazanira ibishatse, namwe ntimuzo shobora kuyinanira

[34] Kandi impanuro zanje ntaco zizobamarira naho nobahanura, Imana ibishatse yuko muzimira, niwe Muremyi wanyu kandi niwe niho muzosubizwa yo

[35] Ni vy’ukuri, baravuga bamwe batemera Imana y’ukuri yuko ariwe yiyandikiye iyi Qur’ani ntagatifu, wewe vuga uti:- ninaba ari jewe nayiyandikiye intahe ibe kuri jewe, nanje ndi kure y’intahe yanyu

[36] Yareretswe intumwa y’Imana Nuhu (iii) yuko atazo kwemera uwariwe wese mu bantu bawe atari babandi bamaze kwemera, kuri ivyo rero ntuterwe n’agahinda kuvyo bahora bagira

[37] Nubaze ubwato imbere y’amaso yacu nokumategeko yacu, kandi ntumvugishe kuri bamwe bahemukira imitima yabo, mu vy’ukuri abo bantu bazo kwibizwa mumazi

[38] Aguma abaza bwabwato, uko bamucako b’abategetsi b’abahakanyi b’Imana y’ukuri bomuri ico gihe ciwe baguma bamutwenga nawe avuga ati:- nimwaba mwebwe mudutwenga, natwe tuzobatwenga nkuko mudutwenga

[39] Ubu vuba muzomenya uwuzoshikirwa n’ibihano bizomutetereza nuwo ibihano bizomugumako mubuzima bwiwe bwose

[40] N’igihe hashika itegeko ryacu, n’Isi itangura gusesagura amazi yayo twaciye tumubwira duti:- nushire muri ubwo bwato ibintu bibiri bibiri hamwe n’abantu bomurugo rwawe dukuyemwo bamwe itegeko ry’Imana ryarenganye kuribo, hanyuma utware abantu bose bakwemeye, rero abantu batamwemeye hamwe nawe nibakeyi cane

[41] Intumwa y’Imana ica ivuga iti:- nimwurire muri buno bwato kw’izina ry’Imana kandi kube ukugenda kwabwo n’uguhagarara kwabwo, mu vy’ukuri Umuremyi wanje niwe afise ikigongwe cinshi n’impuhwe zihagije

[42] Bwabwato butangura kugenda nabo bari mumikuba ingana nk’imisozi, nayo intumwa y’Imana Nuhu (iii) aca atera akamo ahamagara umwana wiwe yari kure yiwe ati:- ewe mwananje! niwurire hamwe natwe ntube hamwe nabo bahakanyi b’Imana y’ukuri

[43] Wa mwana yishura Se ati:- jewe nzokwirukira kuri uriya musozi uzonkingira nayo mazi, intumwa y’Imana isubira kwishura wamwana iti:- uno musi ntawukingirwa n’itegeko ry’Imana atari urya Imana yagiriye impuhwe zayo, mumwanya yamikuba y’amazi ica yinjira hagati yabo aca aba mubibijwe muri ayo mazi

[44] Haca havugwa hati:- ewe Isi, nunyikishe ayo mazi yawe, nawe Juru nuhagarike ayo mazi, rero y’amazi yose yaciye anyika kw’itegeko ryagenywe, nabwa bwato buca burahagarara hejuru y’umusozi witiriwe Juudi, haca havugwa yuko hahonejwe kure abantu bahemukiye imitima yabo

[45] N’itumwa y’Imana Nuhu (iii) yarasavye Umuremyi wiwe avuga ati:- ewe Muremyi wanje, ikibondo canje nico mubantu bo murugo rwanje, mu vy’ukuri indagano yawe niy’ukuri nawewe niwe nyene ukuri gusumba abacamanza bose

[46] Imana yavuze iti:- ewe Nuhu (iii) uyu mwana ntari mu bantu bawe, nawe n’umuntu atari afise inyifato nziza, rero ntunsabe muvyo utazi, jewe ndakwinginze ntube mu bantu badafise ubwenge

[47] Intumwa y’Imana Nuhu (iii) ivuga iti:- ewe Muremyi wanje, jewe ndikinze kuri wewe sinze ndagusabe ivyo ntazi, nutangirira imbabazi hamwe n’impuhwe zawe jewe nzoba ndimu bantu bazoronka uruhombo

[48] Havugwa hati:- ewe Nuhu (iii), numanuke n’amahoro avuye iwacu hamwe n’imihezagiro myinshi kuri wewe no hejuru y’abantu muri kumwe nabo, kandi hazoba abandi bantu tuzonezereza hanyuma bazofatwa n’ibihano bizoba bivuye iwacu bibabaza cane

[49] Izi nimuri zankuru z’amabanga tukweretse, nawe ntiwari uzifitiye ubumenyi canke abantu bawe imbere y’iyi Qur’ani ntagatifu itaramanurwa, rero wewe niwigumye mu vy’ukuri kuko impera nziza izoshikira abatinya Imana yabo y’ukuri

[50] N’abantu bo kuntumwa y’Imana Aadi (iii) twarabashikirije mwene wabo Hudu (iii) nawe aca avuga ati:- emwe bantu banje! nimusenge Imana yanyu y’ukuri, kuko mwebwe ntayindi Mana mufise atariyo yonyene, kuko ntimwari kuba mwebwe atari uko mwari mubategura ububeshi gusa

[51] Emwe bantu banje! Jewe sindabasaba impembo hejuru yibi vyose, rero ntiyari kuba impembo yanje atari kurya yandemye, none mwebwe ntimubifata ngo mubishire mubwenge

[52] Namwe bantu banje, nimusabe ikigongwe ku Muremyi wanyu hanyuma musabe imbabazi kuriyo nayo izobazanira ibicu bishunguruka mwo imvura ihagije, kandi izo bongereza inguvu hejuru y’inguvu zanyu rero ntimuze mutirigane nukuba mubantu babi

[53] Nabo bavuze bati:- ewe ntumwa y’Imana Hudu (iii) nturatuzanira ibimenyetso biri k’umugaragaro, kandi natwe ntidushobora guheba Imana zacu kubijanye n’imvugo yawe, kandi natwe ntituzo kwemera nagatoyi

[54] Twebwe ntituvuga atari uko zimwe mumana zacu zimaze kukugirira ibintu bibi nawe aca avuga ati:- jewe nshize icabona ku Mana, namwe mube ivyabona yuko jewe ndi kure yizo Mana mugereranya nazo n’ibindi bintu

[55] Mumusiga wenyene, mwese rero nimungirire imigambi hanyuma ntimumpe ikiringo icarico cose

[56] Jewe nizeye Imana, Umuremyi wanje n’Umuremyi wanyu, ntakiremwa icarico cose atari Imana yonyene icihweza uko yishakiye, ntankeka rero Umuremyi wanje niwe ari hejuru y’inzira igororotse

[57] Nimwasubira inyuma jewe ndamaze kubashikiriza ivyo narungikanywe kuri mwebwe, n’Umuremyi wanje azobagira abazosubirira abandi bantu batari mwebwe, kandi namwe ntimuzo shobora kuyigirira inabi namba, mu vy’ukuri Umuremyi wanje niwe nyene gukingira ibintu vyose

[58] Mugihe hashika itegeko ryacu ry’uguhonywa twaramurokoye intumwa y’Imana Hudu (iii) hamwe n’abamwemeye bose kumpuhwe zivuye iwacu, nukubarokora mubihano bikomeye cane

[59] Abo nibo ba Aadi bahakanye amajambo y’Umuremyi wabo n’ukwiyonjorora kuntumwa z’Imana zabo nugukurikira amategeko y’uwufise igikenye mukwishima cane

[60] Baca bakurikizwa n’umuvumo wongaha kw’Isi no k’umusi w’imperuka, namwe nimwumvirize muvy’ukuri abo bantu ba Aadi barahakanye Umuremyi wabo baca barahonywa abo bantu bokwa Aadi bo kuntumwa y’Imana Hudu (iii)

[61] Nabo kwa Thamudu twarabarungikiye mwene wabo Swalehe (iii) aca avuga ati:- mwebwe bantu banje! nimusenge Imana yanyu, mwebwe nta Mana mufise atari Imana yonyene gusa, niyo yabaremye ibakuye kw’Isi, nukubicarika kuriyo, rero nimuyisabe imbabazi hanyuma mugaruke kuriyo yonyene, mu vy’ukuri Umuremyi wanje ari hafi cane n’ukubakira

[62] Bamwishuye bati:- ewe Swalehe (iii) ntankeka wari mubantu bizewe mukugirirwa ineza natwe imbere yibi vyose, none nawe uratubujije gusenga abasenze ba data bacu ? Mu vy’ukuri twebwe turafise amakenga adukora kumitima yacu kuri ibi bintu uduhamagarira ko

[63] Yavuze ati:- emwe bantu banje! mubona gute nkiyo noba mfise ivyemezo biri k’umugaragaro bivuye ku Muremyi wanje, nayo ikaba yampaye impuhwe zivuye kuriwe, none ni nde azonkingira ku Mana niniyonkora kuriyo, rero ntaco muzonyongereza atari uruhombo gusa

[64] Namwe bantu banje, iyi Ngamiya y’Imana n’ikimenyetso kuri mwebwe, rero nimuyireke irishe kuri iy’Isi y’Imana kandi ntimuyikoreko mukuyigirira inabi ntize ibahonye n’ibihano biri hafi y’ukubashikira

[65] Yangamiya barayibaga, rero intumwa y’Imana Swalehe (iii) aca avuga ati:- nimuhimbarwe muri iki gisagara canyu mumisi itatu yonyene gusa iyo niyo ndagano itari iy’ububeshi

[66] Mugihe hashika itegeko ryacu twaciye turokora intumwa y’Imana Swalehe (iii) hamwe n’abamwemeye bose kumpuhwe zacu nukudateterezwa kuri uwo musi, mu vy’ukuri Umuremyi wawe niwe afise inguvu n’intsinzi nyakuri

[67] Nabamwe bahemukiye imitima yabo barahonejwe n’akaruru, bubakeraho baturuye mumazu yabo

[68] Nkuko batari muri izo nzu, nimwumvirize mu vy’ukuri uyo Thamudu nabiwe barahakanye Umuremyi wabo, rero uyo Thamudu n’abiwe nabazimanganiye kure

[69] N’intumwa zacu zaragiye kuntumwa y’Imana Ibrahimu (iii) zifise inkuru nziza, baca bavuga bati:- amahoro y’Imana abe kuri wewe, nawe abishura ati:- namwe amahoro y’Imana abe kuri mwebwe, nawe ntiyabaye acicara nabo mumwanya aca abazimana intama

[70] Mugihe yabona yuko amaboko yabo bantu adashikira kuri ivyo bifungurwa yabazimanye, yaciye aterwa n’amakenga nukubatinya, nabo baca bavuga bati:- wewe ntugire ubwoba mu vy’ukuri twebwe twarungitswe kubantu b’intumwa y’Imana Lutwi (iii)

[71] N’umutambukanyi wiwe yari ahagaze, akamwemwe karamusya aratwenga, nawe tumushikiriza ubutumwa bwiza yuko bazokwibaruka ikibondo baze bamuhe izina rya Is’haqa (iii), munyuma yuwo Is’haqa (iii) bazoronka uwundi yitwa Yaaqubu

[72] Umukenyezi w’intumwa y’Imana Ibrahimu avuga ati:- mbega jewe nzokwibaruka nanje nd’umukecuru nuyu Munega wanje nawe ari umusaza ashaje cane, mu vy’ukuri ibi n’ibintu vy’igitangaza cane

[73] Baca bavuga bati:- mbega utangajwe n’itegeko ry’Imana n’impuhwe z’Imana hamwe n’imigisha yayo biri hejuru yanyu, emwe bantu biyi nzu, mu vy’ukuri Imana niyo itegerezwa guhayagizwa nugutakambirwa

[74] Rero ubwoba bumuvuyemwo intumwa y’Imana Ibrahimu (iii) aca ashikirwa nabwa butumwa bwiza aca atangura guharira natwe kubijanye n’abantu b’intumwa y’Imana Lutwi (iii)

[75] Mu vy’ukuri intumwa y’Imana Ibrahimu (iii) yari umuntu atekereje muguhayagiza Imana yiwe kandi akaba yari afise umwete wukugaruka ku Mana yiwe

[76] Ewe Ibrahimu (iii) nureke ivyo vyose mu vy’ukuri itegeko ry’Umuremyi wawe riramaze gushika kandi mu vy’ukuri abo bantu bazoshikirwa n’ibihano bidasubizwa inyuma

[77] N’intumwa zacu mugihe zashika kuntumwa y’Imana Lutwi (iii), yaratetewe kubera abo bashitsi, aca araronka ingorane kuberabo nukuvuga ati:- uyu musi urahambaye cane

[78] Barashitse abantu biwe baza n’ingoga na n’ingoga, n’imbere yibi vyose bamye bari munkozi z’amabi, hanyuma intumwa y’Imana Lutwi (iii) aca avuga ati:- mwebwe bantu banje! Aba n’abigeme banje nibo bisukuye kuri mwebwe, rero nimutinye Imana yanyu kandi ntimuntetereze imbere y’abashitsi banje, mbega muri mwebwe nta muntu w’intungane

[79] Nabo bamwishura bati :- ntankeka wewe uramaze kumenya ukuri kutugenza hejuru yaba bigeme bawe kandi urazi neza ikitugenza nico dushaka

[80] Avuga ati:- iyomba mfise ububasha kuri mwebwe canke nkizera kunkingi ifise ububasha

[81] Nabo bishura bati:- ewe Lutwi (iii), twebwe turi intumwa z’Umuremyi wawe, abo bantu ntibazo gushikira, nawe nugende hamwe n’abantu bawe kugeza hagati y’ijoro, kandi umwe muri mwebwe ntahindukire inyuma atari umutambukanyi wawe gusa, nawe azoshikirwa n’ingorane zizoshikira abo bandi bantu, mu vy’ukuri isango ryabo ni mugitondo, mbega aho mugitondo si hafi cane

[82] Mugihe hashika itegeko ryacu, twaciye twubika Isi, ivyari hejuru tubishira hasi, duca tubamanurira imvura y’umusenyi n’ivu rikomeye rimatanye

[83] Vyashizwe ko ibimenyetso n’Umuremyi wawe, n’ibi bihano ntibiri kure y’abahemukiye imitima yabo

[84] N’abantu bo kwa Mad’yani mwene wabo na Shueibu (iii) yavuze ati:- mwebwe bantu banje! nimusenge Imana yanyu kuko mwebwe ntayindi Mana mufise atari Imana yonyene gusa, kandi ntimugabanye ibipimo canke iminzani yanyu, kuko jewe ndababona yuko mumerewe neza, nanje nkaba ndabatinyira ibihano vy’uwo musi uzoba wabakikuje

[85] Namwe bantu banje! nimukwize ibipimo hamwe n’iminzani yanyu mubutungane kandi ntimuba gabanirize abantu kubintu vyabo kandi ntimu kwiragize amabi mugihugu nukugira ubwononyi

[86] Ivyo Imana yabasigarije nivyo vyiza kubera mwebwe nimwaba mwemera Imana yanyu y’ukuri, nanje sindi mubaba cungera

[87] Bavuze bati:- ewe Shuaibu (iii), amasengesho yawe agutegeka yuko twovavanura nivyo bahora basenga abavyeyi bacu canke tureke kugira ivyo dushaka mumatungo yacu, ntankeka wewe urafise ubumenyi n’uburongozi

[88] Abishura ati:- mwebwe bantu banje! mubona gute nk’iyo noba mfise ivyemezo bivuye ku Muremyi wanje nukumpa imigisha myiza ivuye kuriyo, kandi jewe sinshaka kubankira nukugira ivyo ndababuza kandi sinshaka atari ugukora ivyo nshoboye, kandi sindonswa ingene nofashwa kuri ibi atari Imana yonyene gusa, kuko iwe niho nizeye kandi niwe niho ntumbereye

[89] Namwe bantu banje! ukudahuza nanje ntikubashikane aho mushikirwa nivyaba shikiye abantu bo kuntumwa y’Imana Nuhu (iii) hamwe n’abantu b’intumwa y’Imana Hudu (iii) hamwe n’abantu bo kuntumwa y’Imana Swalehe (iii) hamwe n’abantu bo kuntumwa y’Imana Lutwi (iii) atari kure yanyu

[90] Kandi musabe ikigongwe ku Muremyi wanyu hanyuma muyisabe imbabazi kuriyo, mu vy’ukuri Umuremyi wanje niwe nyene impuhwe nukuba kunda cane

[91] Bavuze bati:- ewe ntumwa y’Imana Shueibu (iii) twebwe ntidutegera cane muvyo wewe uvuga, natwe tukubona yuko wewe ata bushobozi ufise kuri twebwe, iyo aba ari abagenzi bawe twari kugutera iminana, kandi wewe nturi umutegetsi kuri twebwe

[92] Aca avuga ati:- mwebwe bantu banje! abantu banje nibo bafise iteka gusumba mwebwe nugusumba Imana ? Kandi mwagize Imana yuko iba inyuma y’imigongo yanyu, mu vy’ukuri Umuremyi wanje niwe akikuje ivyo mugira vyose

[93] Namwe bantu banje! nimugire ivyo mugira vyose n’ingene muvyiyemeza kubwanyu, nanje ndiko ndagira ivyanje nkuko ndavyiyemeza, ubu vuba muzomenya uwo ibihano bizoshikira kandi bitetereza, n’uwuhe mubeshi kandi murindire nanje ndarindiriye hamwe namwe

[94] Mugihe hashika itegeko ryacu twarokoye intumwa y’Imana Shuaibu (iii) hamwe nabamwe bamwemeye bari kumwe nawe kumpuhwe zacu, na bamwe bahemukiye imitima yabo akaruru niko kasokoye imitima yabo baguma mumazu yabo bahumuye gusa nabo bacikanye

[95] Nkuko batabaye mumazu yabo, rero nimwumvirize abo bantu bokwa Mad’yani ingene bahonejwe nkabokwa Thamudu

[96] Mu vy’ukuri twaramushiriye intumwa y’Imana Mussa (iii) hamwe n’amajambo yacu y’Imana matagatifu hamwe n’ivyemezo biri k’umugaragaro

[97] No kwa Fir’auni hamwe n’abategetsi biwe, mugabo abo bategetsi bakurikije amategeko ya Fir’auni, n’amategeko yiwe ntaburokoke bwari muriyo

[98] K’umusi w’umuhero w’Isi uyo Fir’auni niwe azoba ari imbere y’abantu biwe nukubashikana mumuriro udahera, naho ni habi hameze gute aho hantu bazoshikira

[99] Nabo bakurikijwe n’umuvumo w’aha kw’Isi no k’umusi w’imperuka, n’akaganuke nyabaki bazohabwa atari incuro zibiri

[100] Izi nimuri zankuru z’igisagara tukubwira, zimwe murizo ziriho n’izindi zarahanaguwe

[101] Natwe ntitwabahemukiye mugabo nibo bahemukiye imitima yabo kubwabo, n’Imana zabo bahora basenga aho gusenga Imana yabo y’ukuri, kuko ntaco vyabamariye mugihe hashika itegeko ry’Umuremyi wawe, nabo ntaco babongereje atari uguhonywa gusa

[102] Uko rero niko biba muguhana kw’Umuremyi wawe nayo iriko irahana abantu bomugisagara mugihe bataye umurongo babwiwe, mu vy’ukuri ihana ryayo rirakaze cane

[103] Mu vy’ukuri muri ibi vyose harimwo icipfuzo k’umuntu atinya ibihano vy’umusi w’imperuka, uwo niwo musi hazokwegeranywa abantu, kandi niwo musi hazokwerekanwa abantu bose

[104] Kandi ntidusibisha atari kumwanya waharuwe

[105] Umusi hazoshika ikiremwa muntu ntikizovuga atari kuruhusha rw’Imana, rero bamwe muribo bazoba bamerewe nabi, n’abandi nabo bazoba bamerewe neza

[106] Nayo bamwe bamerewe nabi abo bazoba bari mu muriro udahera muriwo bazoba bakomayo akaruru hamwe n’isefure

[107] Bazobayo mubuzima bwabo bwose kugihe c’ukubaho kw’Amajuru n’Isi dukuyemwo ivyo Umuremyi wawe yashatse, mu vy’ukuri Umuremyi wawe agira ivyo ashatse kugira

[108] Nayo bamwe bazoba bamerewe neza, abo nibo bazoba bari mw’Ijuru bakazobayo mubuzima bwabo bwose kugihe c’ukubaho kw’Amajuru n’Isi, dukuyemwo ivyo Umuremyi wawe yishakiye, ako n’akaganuke kadahera

[109] Rero ntugire amakenga kuvyo basenga abo bantu, kuko ntibasenga atari kuvyo basenze abavyeyi babo baho hambere, ntankeka twebwe tuzobaha igice cabo c’ibihano gikwiye kandi kitagabanijwe

[110] Mu vy’ukuri intumwa y’Imana Mussa (iii) twaramuhaye igitabu mugabo gishirwamwo amahinyu murico, rero iyo hataba ijambo ryabanje kubaho rivuye ku Muremyi wawe, ntankeka hari gucirwa urubanza ruri hagati yabo, mu vy’ukuri nibo bafise amakenga hejuru yabo ataba humuriza nagatoyi

[111] Mu vy’ukuri umuremyi wawe azobaha abo bantu bose impembo z’ibikorwa vyabo kubungane bwabo, ntankeka Imana niyo ifise inkuru zivyo bagira vyose

[112] Wewe n’ubandanye n’ubwo burokoke nkuko wategetswe n’Imana hamwe nabatumbereye hamwe na wewe kandi ntimurenge imbibe, mu vy’ukuri Imana niyo ibona ivyo mugira vyose

[113] Kandi ntimubizere bamwe bahemukira imitima yabo, ntimuze mufatwe n’umuriro kuko ntimuzoba mufise uwubakingira imbere y’Imana hanyuma namwe ntawuzobafasha

[114] Nuhagarike amasengesho yawe kumasonga abiri y’umutaga hamwe n’igihe c’ijoro kiri hafi y’umutaga, mu vy’ukuri ibikorwa vyiza bikurwaho n’ibikorwa bibi, rero iki n’icibutso kubantu bibuka

[115] Kandi wigumye kuko Imana ntitakaza impembo y’abagira ineza

[116] Mbega ko batarimwo mu bantu baho hambere yanyu bincabwenge, batuza ubwononyi ngaha kw’Isi, dukuyemwo bakeyi muribo aribo twarokoye, nayo abahemukiye imitima yabo bakurikiye kuvyo banejerejwe nukuba mubantu b’abononyi

[117] N’Umuremyi wawe suwo guhonya igisagara kubera ubuhemu bw’imitima yabo gusa mugihe abantu bayo bari mubagira ineza

[118] Iyo Umuremyi wawe abishaka yari kugira abantu bose kuba ari abantu bamwe, kuri ivyo bazobandanya batumvikana

[119] Dukuyemwo abo Umuremyi wawe yagiriye Impuhwe kuri ivyo, rero Imana yarabaremye n’ijambo ry’Umuremyi wawe rizotsimbatara, kandi mu vy’ukuri nanje nzokwuzuza mumuriro udahera ibisigo hamwe n’abantu bose babi

[120] Natwe turakubwira inkuru z’intumwa z’Imana kurizo kuri ivyo twaratsimbataje umutima wawe no kuri ibi washikirijwe n’ukuri hamwe n’icibutso kuri bamwe bemera Imana yabo y’ukuri

[121] Kandi ubabwire bamwe batemera Imana yabo y’ukuri yuko bogira ivyo bashoboye kugira, natwe turiko turagira ivyo dushoboye kugira

[122] Kandi murorere natwebwe turarorereye

[123] Nivy’Imana gusa muvyinyegeje vyose biri ng’aha kw’Isi no mw’Ijuru, n’ibintu vyose bizosubizwa iwe, rero nimuyisenge yonyene kandi muyizere, n’Umuremyi wawe ntiyibagira nivyo muyigirira vyose

[1] Alif,Laam,Miiym, (Insiguro y’izi ndome hamwe n’uwufise ubumenyi bwazo n’Imana yonyene gusa.) Aya majambo nayari mugitabu c’Imana gitagatifu kigaragaza ibintu vyose

[2] Mu vy’ukuri nitwebwe twamanuye iyi Qur’ani ntagatifu mururimi rw’icarabu kugira ngo mushobore gutahura

[3] Twebwe tukuganiriza ibiganiro vyiza mukukwereka yuko iyi Qur’ani ntagatifu mu vy’ukuri wewe imbere yibi vyose ntiwari mubantu bafise izi nkuru

[4] Mugihe intumwa y’Imana Yussufu (iii) yabwira Se wiwe ati:- Data wanje, mu vy’ukuri jewe nabonye inyenyeri cumi n’imwe hamwe n’Izuba n’Ukwezi nabibonye bimpfukamira

[5] Se wiwe avuga ati:- ewe mwana wanje, izi ndoto zawe ntuzibwire bene wanyu ntibaze bakugirire inabi, mu vy’ukuri Shetani ku muntu n’umwansi ari k’umugaragaro

[6] Uku niko Umuremyi wawe azogutora n’ukukwigisha ukuri kw’ibintu, kandi izokwiza imigisha yayo kuri wewe hamwe no kuruvyaro rw’intumwa y’Imana Yaaqubu (iii), nkuko yahaye kuva kera kuri ba So wanyu intumwa y’Imana Ibrahimu (iii) hamwe n’intumwa y’Imana Is’haqa (iii) ntankeka Umuremyi wawe niwe afise ubumenyi n’ubuhizi buhagije

[7] Mu vy’ukuri kuntumwa y’Imana Yussufu (iii) hamwe na bene wabo harimwo icirwa cugufata nkankama ku bantu babaza kugira ngo batahure

[8] Bene wabo mugihe bavuga bati:- mu vy ‘ukuri Yussufu hamwe na mwene wabo nibo bakundwa cane n’Umuvyeyi wacu gusumba twebwe mugihe twebwe ari umurwi w’abantu b’inguvu mu vy’ukuri umuvyeyi wacu ari mubuzimire buri k’umugaragaro

[9] Nimu mugandagure uyo Yussufu (iii) canke mumute mugisagara cakure kugira ngo amaso ya So wanyu abahindukirire mwebwe hanyuma munyuma y’ibi vyose mwebwe muzoca muba mu bantu beranda

[10] Umwe muribo avuga ati:- ntimu mugandagure Yussufu (iii) mugabo nimu mujugunye mw’iriba rirerire hanyuma baze bamutore bamwe bazoba bari mungendo zabo, kuko muri mwebwe murafise uruhara rwukugira ikintu icarico cose

[11] Nabo baciye bavuga bati:- ewe Data wacu, ni kuki utatwizera kubera Yussufu (iii), mu vy’ukuri twebwe turi mubantu bamwipfuriza amahoro

[12] Nimu mutware ejo hamwe natwe hanyuma azofungura n’akanyamuneza ntangere nugukina natwe, kandi ntankeka twebwe tuzomukingira bimwe bihagije

[13] Umuvyeyi wabo avuga ati:- mu vy’ukuri jewe biranteye agahinda kuri mwebwe kujana nawe iyo mugiye, kandi nkaba ntinya yuko yoribwa n’imbwebwe namwe aho muri mwasamaye

[14] Nabo bishura Umuvyeyi wabo bati:- niyaribwa n’imbwebwe natwe turi umurwi ukomeye cane, ntankeka twebwe tuzoba turi muruhombo runiniya atakamaro dufise

[15] Rero mugihe bamutwara bumvikanye yuko bamushira mukinogo c’iriba rirerire, natwe duca tumumenyesha yuko azobabwira iri jambo ryabo nabo batabizi

[16] Bagaruka kwa Se wabo mw’ijoro bariko bararira

[17] Baca bavuga bati :- ewe Data wacu, mu vy’ukuri twebwe twagiye guhiganwa mubijanye n’ukwinonora imitsi hanyuma dusiga Yussufu (iii) aho ibintu vyacu biri, rero imbwebwe ica iramurya, mugabo wewe muvyeyi wacu ntushobora kutwemera nagatoyi nayo twebwe aho turi tuvugisha ukuri kwama

[18] Baca bazana hejuru y’impuzu yiwe amaraso y’ububeshi, Se wabo avuga ati:- nkumbure imitima yanyu isharijwe niri jambo, rero ukwihangana kuri jewe niko kwiza, n’Imana niyo isabwa imfashanyo kuri ibi vyose muvuga

[19] Haca hashika abari murugendo kuri rya riba, barungika umuvomyi w’amazi wabo, nawe aca yibiza indobo yiwe muri ryariba ry’amazi adugije yandobo aza abona umwana aca avuga ati:- ehe! n’akanyamuneza keza k’uyu musore w’umuhungu nabo baca baramunyegeza bavuga yuko baronse mubidandazwa baguze, n’Imana ikaba yari ifise ubumenyi bw’ivyo bahora bagira vyose

[20] Baca baramugurisha kukiguzi kibayabaye c’amafaranga y’imparurwa kuko batari bamukeneye nukumwitaho cane

[21] Nuwamuguze ari mugisagara ca Misiri (Egypte) yaciye abwira umutambukanyi wiwe ati:- nimumutegurire aho azoba uyu mushumvyi nkumbure azotugirira akamaro canke tukazomugena kuba ikibondo cacu, kuri ivyo rero Yussufu twaramutsimbataje muri ico gisagara ca Misiri n’umunezero ntangere kugira ngo tumwigishe ukuri kw’amajambo, n’Imana niyo nyene intsinzi hejuru y’ijambo ryayo mugabo abantu benshi ntanakimwe bazi

[22] Nawe Yussufu (iii) mugihe yashika mubigero twaciye tumuha ubutegetsi n’ubumenyi nkuko turiha abagira neza

[23] N’umukenyezi yari munzu mwa Yussufu (iii) yabamwo yaramugomwe nawe atavyipfuza kuriwe, aca arugara imiryango n’ukumubwira ati:- nuze ngaha, nawe amwishura ati:- jewe ndikinze ku Mana yanje mu vy’ukuri niyo data wanje yanteguriye ubu bwicaro bwanje ngaha bwiza, mu vy’ukuri abahemukiye imitima yabo ntantsinzi bafise

[24] Aca amwishiramwo n’ivyipfuzo vyiwe vyose iyo atabona ibimenyetso vy’Umuremyi wiwe, twabigize gutyo kugira ngo tumukingire n’amabi yose, mu vy’ukuri yari mu bantu bacu basukuwe neza

[25] Bose uko ari babiri baciye birukira kumuryango, wamukenyezi aca amutaburirako impuzu yiwe imugongo baca batubirana n’umutambukanyi wiwe imbere y’urwo rugi, uyo mupfasoni aca avuga ati:- nta mpembo y’uwugomba kugira amabi nkayo n’umutambukanyi wawe atari uko yobohwa mw’ibohero canke agahabwa ibihano bibabaza cane

[26] Yussufu nawe aca avuga ati:- uyu mupfasoni niwe yangomwe nanje ntamugomwe n’icabona cari muri uwo murwi wuyu mupfasoni nawe aca atanga ivyemezo vyiwe n’ukuvuga ati:- niyaba impuzu yiwe yatabuwe imbere, uyo mupfasoni azoba avugishije ukuri, nawe Yussufu (iii) azoba ariwe mubeshi

[27] Nayo impuzu yiwe ikaba yatabuwe inyuma rero uyo mukenyezi niwe azoba ariwe mubeshi nawe Yussufu (iii) azoba avugishije ukuri

[28] Umugabo wiwe abonye yuko impuzu yiwe yatabuwe inyuma aca avuga ati:- mu vy’ukuri ibi vyose kuri mwebwe bagore nimungeso zanyu, ntankeka ingeso zanyu mwebwe bagore nininiya cane

[29] Yussufu (iii) ibi vyose nubireke, na wewe mupfasoni nusabe ikigongwe kubicumuro vyawe, mu vy’ukuri wewe uri mubantu bagize amakosa

[30] Babapfasoni bico gisagara baca baronka inkuru baguma baguma bavuga bati :- Umupfasoni w’umusikiranganji yagomye umukozi wiwe nawe atamugomwe, mu vy’ukuri yari yaramukoze k’umutima wiwe kubera urukundo, ntankeka natwe tumubona yuko ari mubantu bazimiye bari k’umugaragaro

[31] Wa mukenyezi w’Umushikiranganji mugihe yumva imvugo yabo bakenyezi yarabahamagaje nukubazimana nuguha umw’umwe muribo imbugita nuguca abwira Yussufu (iii) ngo yibonekeze imbere yabo bakenyezi, rero mugihe bamubona babonye yuko ari ikintu kininiya cane nuguca bitemagura amaboko yabo nukuvuga bati:- eka! uyu s’umuntu, ntiyari kuba uyu atari Umumarayika mutagatifu

[32] Wa mupfasoni w’umushikiranganji aca avuga ati:- uyu niwa muntu mwantayeko umwikomo, mu vy’ukuri nanje naramugomwe kubisumba umutima wanje, mugabo yarikinze rero natagira ivyo ndamutegetse mu vy’ukuri azoca atabwa mw’ibohero kandi azoba ari mubantu bakengerwa

[33] Yussufu (iii) aca avuga ati:- ewe Muremyi wanje nikundiye cane ibohero gusumba ibi bampamagarirako, rero nutankurira izi ngeso zabo, jewe nzobatumbera kandi nzoba ndi mubantu b’ibijuju

[34] Rero Umuremyi wiwe yaritabiriye igisabisho ciwe nukumukurira izo ngeso zabo bakenyezi, ntankeka Imana niyo yumva kandi niyo ifise ubumenyi buhagije

[35] Munyuma baciye babonekerwa bamaze kubona ibimenyetso yuko yoja mw’ibuye kukiringo kigufiya

[36] Baca binjirana nawe mw’ibohero bari kumwe n’imisore ibiri, umwe muribo aca avuga ati:- mu vy’ukuri jewe nisanze ndiko ndakanyura urukanywa, n’uwundi nawe avuga ati:- jewe mu vy’ukuri nisanze nikoreye imikate kumutwe wanje, n’inyoni nazo ziyindirako, none n’udusigurire ivyarivyo, mu vy’ukuri twebwe tukubona yuko uri mubantu b’intungane

[37] Nawe Yussuf (iii) yavuze ati:- ntabifungurwa bizobashikira muzohabwa atari uko nzobamenyesha insiguro yavyo imbere yuko bibashikira, kuko ibi vyose nimuvyo Umuremyi wanje yanyigishije, mu vy’ukuri jewe sinkurikira imico y’abantu batemera Imana y’ukuri kandi batemera umusi w’umuhero w’Isi

[38] Jewe nkurikiye imico yaba Data banje ariyo ntumwa y’Imana Ibrahimu (iii) hamwe n’intumwa y’Imana Is’haqa (iii) hamwe n’intumwa y’Imana Ya’aqubu (iii) kandi ntaburenganzira dufise bw’ukugereranya Imana n’ibindi bintu, iyi nimumihezagiro y’Imana iri hejuru yacu no hejuru y’abandi bantu, mugabo abantu benshi muri twebwe ntibashima

[39] Mwambohe bagenzi banje, mbega Imana nyinshi zitandukanye n’izindi nizo nziza canke n’Imana imwe yonyene rudende ifise ububasha buri hejuru y’ibintu vyose

[40] Ntimusenga atariyo yonyene n’amazina mwatondesheje mwebwe nyene hamwe n’abavyeyi banyu, Imana ntiyamanuye ivyemezo kuri ivyo, kandi ntategeko atari itegeko ry’Imana gusa yategetse yuko mutosenga uwariwe wese atari Imana yonyene gusa, iyo rero niyo dini igororotse mugabo abantu benshi ntabumenyi bafise

[41] Emwe mbohe bagenzi banje uko muri babiri, umwe muri mwebwe azosubizwa mubuzi bwiwe agende kunywesha Se buja wiwe urukanywa, n’uwundi nawe azokwicwa abambwe, hanyuma inyoni nazo zirye umutwe wiwe, urubanza rwamaze gucibwa kuri iryo jambo mwariko murabaza

[42] Yusufu yabwiye umwe yamenye yuko azorokoka muri babantu babiri ati:- unyibuke imbere y’umutegetsi wawe, mugabo Shetani yaramwibagije kwibuka Se buja wiwe kuri ivyo yaciye aguma mw’ibohero kumyaka itari mikeyi

[43] N’umwami yavuze ati:- mu vy’ukuri jewe nabonye mundoto zanje inka indwi zivyibushe cane ziribwa n’izindi indwi nazo zinamvye, kandi nabonye ibigega indwi bitotahaye neza, n’ibindi bigega indwi vyumye, emwe bakuru nimunsigurire kuri iyi ndoto yanje nimwaba mwebwe mushobora gusigura iyi ndoto

[44] Bavuze bati :- izi ndoto zidasobanutse neza natwe ntanakimwe tuzi munsiguro y’izo ndoto

[45] Aca avuga umwe yarokotse muri bamwe babiri aca yibuka inyuma y’igihe n’ukuvuga ati:- jewe ndababwira insiguro yavyo ahubwo nimundungike

[46] Ewe ntumwa y’Imana Yussufu (iii) wimvugakuri, nutubwire ukuri kwama kw’izi nka indwi zivyibushe cane zizoribwa n’inka indwi zinamvye, hamwe n’ibigega indwi vy’ibiterwa bitotahaye n’ibindi bigega vyumye, kugira ngo nsubire kubantu banje bashobore kumenya inkuru y’imvaho

[47] Intumwa y’Imana Yussufu (iii) abishura ati:- mwebwe muzorima imyaka indwi ikurikirana bivanye n’ubwira bwanyu mufise, n’ivyo muzo kwimbura muze mubigumize mubigega vyavyo, mukuyemwo bikeya muzohora mufungura

[48] Hanyuma y’ivyo vyose hazoza iyindi myaka indwi y’ingorane izorya ivyo mwayihaye atari bikeyi muzoba mwaziganije

[49] Hanyuma munyuma y’ibi vyose hazoboneka umwaka waho abantu bazofashwa, no muri uwo mwaka abantu bazokama intungwa zabo

[50] N’umwami yaciye avuga ati:- nimumuzane ngaha iwanje, yantumwa mugihe yashikira intumwa y’Imana Yussufu, yamubwiye ati:- nusubire kwa So buja wawe umubaze inkuru yaba bakenyezi bikomeretsa kumaboko yabo, ntankeka Umuremyi wanje niwe afise ubumenyi bw’ingeso zabo bakenyezi

[51] Yavuze ati:- n’ikihe kintu canyu cabaye kuri mwebwe bapfasoni mugihe mwagomwa intumwa y’Imana Yussufu (iii) kandi biteye kubiri n’igomwa ryiwe kuri mwebwe, nabo bishura bati:- eka! twebwe ntaco twari tuzi kumabi ayariyo yose kuriwe, umukenyezi w’Umushikiranganji aca avuga ati:- ukuri kugiye ahabona, ni jewe namugomwe biteye kubiri n’umutima wanje, ntankeka ari mubantu bavugisha ukuri

[52] Ivyo vyose nukubera yuko yomenya yuko jewe ntamuhemukiye inyuma yiwe, kandi Imana ntiha abantu bene ingeso z’abadashima ngo batekanirwe

[53] Nanje sinsukura umutima wanje, mu vy’ukuri umutima uwariwo wose n’uwutegeka cane kugira amabi dukuyemwo uwo Umuremyi wanje yahaye impuhwe zawo, mu vy’ukuri Umuremyi wanje niwe nyene ikigongwe n’impuhwe zihagije

[54] Hanyuma Umwami yavuze ati:- nimumuzane iwanje ndamutore abe umuntu wanje bwite, rero amaze kuganira nawe yaciye avuga ati:- mu vy’ukuri kuva uno musi wewe kuri twebwe ubaye umuntu w’iteka kandi wizigiwe

[55] Yussufu (iii) aca avuga ati:- nungire mbe uwuraba ububiko bw’igihugu cose, mu vy’ukuri jewe ndi mubareretsi beza kandi ndafise ubumenyi n’ubukerebutsi buhagije

[56] Uko niko twahaye intumwa y’Imana Yussufu (iii) ubutegetsi muri ico gihugu ca Misiri (Egypte) nukubamwo aho ashaka kuba hose, natwe dushikiriza imigisha yacu kuwo twishakiye, kandi natwe ntitwirengagiza kumpembo yabagira ineza

[57] Kandi ntankeka impembo y’umusi w’imperuka niyo nziza gusumba, cane cane kuri barya bemeye Imana yabo y’ukuri kandi bakaba bayitinya

[58] Baraje bene wabo na Yussufu (iii) nukwinjira iwe, atako arabamenya mugabo ntiba mutahura uwariwe

[59] Mugihe yabaha ibifungurwa vyabo yavuze ati:- nimunzanire mwene wanyu muvukana kwa So wanyu, mbega ntimubona yuko jewe ndabapimira ibifungurwa kurugero rukwiye nanje nkaba ndi mubantu beza bazi kwakira abashitsi

[60] Rero nimuta nzanira uyo mwene wanyu mumenye yuko mutaronka igipimo icarico cose iwanje, kandi ntimunyegere

[61] Bamwishuye bati:- twebwe tuzo muyenga yenga Se wiwe, ntankeka natwe tuzogira ibi vyose

[62] Nawe Yusufu (iii) aca abwira abakozi biwe ati:- amatungo yabo bantu bazanye kugira ngo bakabishe n’ibifungurwa nimubishire mumatu yabo, kugira ngo bibonere yuko mugihe bazogaruka mungo zabo rero tugize gutyo nkumbure bozogaruka

[63] Mugihe basubira kwa Se wabo, bamubwiye bati:- ewe Data wacu, batwimye ibifungurwa tutajanye na mwene wacu, rero reka tumujane uyu mwene wacu kugira ngo dupimirwe ivyo bifungurwa, kandi mu vy’ukuri twebwe tuzo mukingira bimwe bihagije uyo mwene wacu

[64] Se wabo abishura ati:- nivyo jewe ndabemerere hejuru y’uyu nk’uko nabemereye kuri mwene wanyu aho hambere, Imana niyo nziza mugukingira, kandi niyo nyene impuhwe z’ukuri kwama gusumba abafise impuhwe bose

[65] Mugihe bugurura amatu yabo basanze amatungo yabo yasubijwe iwabo, baca bavuga bati:- mbega Data wacu ikindi dushaka n’igiki ?Aya matungo yacu yasubijwe iwacu, tukaba twazanye ibifungurwa kubera abantu bacu, natwe tuzomukingira mwene wacu kandi tuzoronka igipimo c’Ingamiya imwe irenzeko ico naco nico gipimo kibayabaye

[66] Se wabo abishura ati:- jewe sinzomutwara umwana wanje hamwe namwe kugeza aho muzompa amasezerano kw’izina ry’Imana yuko ari ngombwako mwene wanyu muzo musubiza iwanje, kiretse mukikujwe mwese n’isanganya canke urupfu, rero mugihe bagirirana ayo masezerano yabo Se wabo yaciye avuga ati:- Imana yonyene niyo ikingira kuri ibi vyose tuvuga

[67] Se wabo avuga ati:- bana banje ntimwinjire mu muryango umwe gusa, ahubwo ni mwinjire mu miryango itandukanye, nanje ntaco nobamarira imbere y’Imana kuko nta ntahe ihari atari intahe y’Imana yonyene gusa, kuko iwe niho nizeye, n’abizera nibizere kuriyo yonyene gusa

[68] Mugihe binjira muri ico gihugu ca Misiri (Egypte) nkuko Se wabo yababwiye, ntaco vyabamariye imbere y’Imana atari ivyari kumutima wa Se wabo Yaa’qubu (iii) yashikanye, ntankeka uyo Se wabo Yaa’qubu (iii) yari afise ubumenyi kubera yuko twamwigishije, mugabo abantu benshi ntavyo bazi

[69] Mugihe binjira kwa Yussufu (iii) yaramuhobereye uyo mwene wabo avuga ati:- mu vy’ukuri jewe nimwene wanyu ntuteterwe kubera ivyo bahora bagira

[70] Mugihe yaheza kubaha ibifungurwa vyabo yaciye ashiramwo idahiro ry’ukunyweramwo amazi mw’itu rya mwene wabo, hanyuma uwuhamagara arahamagara ati:- mwebwe muri murugendo, mu vy’ukuri mwebwe muri ibisuma

[71] Mugihe bari babatumbereye baciye bavuga bati:- mbega mwoba mwatakaje iki

[72] Bavuze bati:- twebwe twatakaje idahiro ry’Umwami rero uwuzorizana azohabwa ibintu vy’uburemere bw’Ingamiya, n’intumwa y’Imana Yussufu (iii) avuga ati:- nanje kuri ivyo ndashigikiye kuri ibi vyose

[73] Bavuze bati:- kw’izina ry’Imana mwebwe muramaze kumenya yuko twebwe tutaje kugira ubwononyi muri iki gihugu, kandi twebwe ntituri ibisuma

[74] Bavuga bati:- impembo yiwe izoba ari iyihe nimwaba mwebwe mubesha

[75] Bavuga bati:- impembo nurya muntu hazoboneka mw’itu ryiwe ico gipimo niyo mpembo kuko uko niko duhemba abahemukiye imitima yabo

[76] Aca atangura kuraba mumatu yabo imbere yuko araba mw’itu rya mwene wabo, hanyuma nyagipimo agikura mw’itu rya mwene wabo, uku niko twagiriye amahinyu intumwa y’Imana Yussufu (iii) kuko atashoboye gukingira mwene wabo kumategeko y’Umwami, atari uko Imana yonyene yabishatse, natwe duha iteka rininiya kubo twishakiye, no hejuru y’uwufise ubumenyi hariho uwufise ubumenyi kumurusha

[77] Baca bavuga bati:- niyaba yarivye, na mwene wabo yarivye kuva kera, mugabo intumwa y’Imana Yussufu (iii) abinyegeza k’umutima wiwe kandi ntiyabiserura aca avuga ati:- mwebwe mumerewe nabi n’Imana niyo ifise ubumenyi bw’ivyo muvuga vyose

[78] Nabo baca bavuga bati:- ewe mutware, uyu arafise umuvyeyi wiwe ashaje cane, rero nutware umwe muri twebwe aho gutwara uyu, ntankeka twebwe tukubona yuko uri mubantu bagira ineza

[79] Intumwa y’Imana Yussufu (iii) abishura ati:- Imana ikingire kure mugufata uwutari urya twasanze mumatungo yacu ariwe, kugirango ntitube abahemukiye imitima yacu

[80] Rero mugihe bihebura kuriwe baciye bagenda kwiherera n’ukwongorerana, umukuru wabo aca avuga ati:- mbega ntimuzi yuko So wanyu yafashe indagano kuri mwebwe kandi kw’izina ry’Imana nakera mwaragize amakosa yanyu kundagano yanyu hejuru y’intumwa y’Imana Yussufu (iii) nanje sinzova muri iki gihugu kugeza aho Data wanje azompa uruhusha, canke Imana incire urubanza rw’ukuva ngaha kuko ariyo nziza z’abacamanza

[81] Nimusubire kwa So wanyu hanyuma muze muvuge muti:- ewe Data wacu, umwana wawe yivye, natwe ntitwemeje yuko umusuma yofatwa atari kuvyo dufitiyeko ubumenyi yuko atamusuma hagati yacu twamenye, kandi ntabumenyi twari dufise bijanye n’amabanga

[82] Kandi mubaze abantu bo mugisagara twarimwo hamwe nabo twari kumwe murugendo, mu vy’ukuri twebwe tuvugisha ukuri kwama

[83] Se wabo Ya aqubu avuga ati:- ahubwo imitima yanyu isharijwe nukumugirira ikintu, rero nihabe ukwihangana kwiza, nkumbure Imana yobagarurira bose uko bangana ntankeka Imana niyo nyene ubumenyi n’ubuhizi buhagije

[84] Aca avavanura nabo n’ukuvuga ati:- yoh! agahinda kanje kuri Yussufu (iii), kubera ukurira kwinshi n’amaso yiwe araserura kubera agahinda nawe yuzuranywe nako gahinda

[85] Bavuze bati:- kw’izina ry’Imana ntushobora kutibuka Yussufu (iii) kugeza naho uzorwara canke ube mubazo honywa

[86] Aca avuga ati:- mu vy’ukuri jewe ntakambira uku kwidoga kwanje hamwe n’aka gahinda kanje ku Mana, kandi ndafise ubumenyi ku Mana, kuvyo mwebwe mutazi

[87] Bana banje nimugende murondere mwene wanyu Yussufu (iii) hamwe na mwene wabo, kandi ntimwihebure hamwe n’imigisha y’Imana, kuko ntibihebura hamwe n’imigisha y’Imana atari abantu b’abahakanyi b’Imana gusa

[88] Mugihe binjira kuntumwa y’Imana Yussufu (iii) bavuze bati:- ewe mushingantahe, ingorane dufise twebwe hamwe n’abantu bacu, nuko twazanye ibidandazwa bitemewe ngaha, rero nudupimire kugipimo gikwiye kandi utugirire naza mpuhwe zawe, mu vy’ukuri Imana iriha abagira impuhwe kuri bagenzi babo

[89] Se wabo yavuze ati:- mbega murazi ivyo mwagiriye Yussufu (iii) hamwe na mwene wabo mugihe mwari mubujuju

[90] Nabo bishura bati:- mbega wewe ni wewe Yussufu (iii) ? Nawe abishura ati:- ni jewe Yussufu (iii) nuyu niwe mwene wanje, Imana yaratugiriye impuhwe, mu vy’ukuri uwutinya Imana yiwe hamwe n’ukwihangana, mu vy’ukuri Imana ntiyirengagiza n’impembo y’abagira ineza

[91] Bishura bati:- kw’izina ry’Imana Imana yaragutoye hejuru yacu, mu vy’ukuri twebwe twari mumakosa

[92] Yussufu (iii) avuga ati:- kuri uno musi ntamwikomo uri kuri mwebwe, Imana izobagirira ikigongwe kuko niyo nyene impuhwe nyinshi gusumba abagira izo mpuhwe bose

[93] Nimugende n’iyi mpuzu yanje hanyuma muyishire imbere y’amaso ya Data wanje nawe aho ari azoca asubira kubona hanyuma muce mugaruka mwese hamwe n’abantu banyu bose

[94] Mugihe bagenda bose bava mugihugu ca Misiri (Egypte), Se wabo yaciye avuga ati:- jewe ndiko ndamoterwa n’akamoto ka Yussufu (iii) naho ntariho ndizeye yuko nataye ubwenge

[95] Bavuga bati:- kw’izina ry’Imana, wewe uracari mubantu bakiri mubuzimire bwawe bwakera

[96] Mugihe yashika umuvugizi w’ubutumwa bwiza aca ashira impuzu ya Yussufu imbere y’amaso yiwe, mumwanya aca arabona nuguca avuga ati:- mbega sinababwiye yuko jewe mfise ubumenyi buvuye ku Mana w’ivyo mwebwe mutazi

[97] Nabo bavuga bati:- ewe Data wacu dusabire imbabazi kubera ibicumuro vyacu, ntankeka twebwe twari mubantu bari mumakosa

[98] Aca avuga ati:- birashoboka yuko nzobasabira ikigongwe kumuremyi wanje mu vy’ukuri niyo nyene ikigongwe cinshi hamwe n’impuhwe zihagije

[99] Mugihe binjira kwa Yussufu (iii) yarabahobeye abavyeyi biwe aca avuga ati:- ni mwinjire muri iki gisagara ca Misiri (Egypte) Imana ibishatse muri mumahoro

[100] Yaciye abarerura abavyeyi biwe nukubashira kunyegamo ya cami, bose hamwe baca baramanuka hasi baramupfukamira, nawe Yussufu (iii) aca avuga ati:- ewe Data wanje, iyi niyo nsiguro y’ukuri y’indoto yanje yakera, ntankeka Umuremyi wanje yayemeje kandi yangiriye impuhwe n’ukunkura mw’ibohero nukubazana mwebwe ibakuye mubugararwa munyuma yaho Shetani yakokeza hagati yanje na bene mama, mu vy’ukuri Umuremyi wanje niwe nyene gushikira ico yishakiye, kandi ntankeka Imana niyo nyene ubumenyi n’ubuhizi buhagije

[101] Ewe Muremyi wanje, mu vy’ukuri urampaye ubwami, kandi uranyigishije insiguro y’amajambo, ewe Muremyi w’Amajuru n’Isi, n’undengutse imbere yawe nanje ndi umu Isilamu kandi unteranye nabagira ineza

[102] Izi nimuri zankuru ziri mumbari twakweretse, kandi ntiwari kumwe nabo mugihe bapfundika imigambi yabo n’abandi nukugira ivyago bibi cane

[103] Kandi benshi mubantu ntibazo kwemera naho wokwihangana gute

[104] Kandi ntubasaba impembo yibi vyose, ibi vyose ntivyari kuba atari uko ari ubutumwa buri ku bantu bose

[105] N’ibimenyetso bingahe biri mumajuru no kw’isi bacamwo mugihe nabone batavyitaho

[106] Benshi muribo ntibemera Imana yabo y’ukuri, atari uko babishiramwo ubugereranyi bw’Imana n’ibindi bintu

[107] Mbega biyemeje yuko batazo shikirwa n’ivyago vy’ibihano vy’Imana, canke batazo shikirwa n’umusi w’imperuka giturumbuka nabo batabizi

[108] Vuga uti:- iyi niyo nzira yanje nshikirizamwo ubutumwa bw’Imana n’ubumenyi bw’ukuri, kuri jewe hamwe nabari inyuma yanje bankurikira, n’Imana irisukuye n’igabanuko iryariryo ryose kuriyo, kandi jewe sindi mubantu bagereranya Imana n’ibindi bintu

[109] Natwe ntitwarungitse imbere yawe atari abagabo twahaye mubantu bo mubisagara, mbega ntibagenzuye kuri iy’Isi nukuraba ingene habaye impera n’imperuka kuba bayeho imbere yabo? N’inzu y’umusi w’imperuka niyo nziza kuri barya bantu batinya Imana yabo y’ukuri, mbega murategera

[110] N’intumwa z’Imana mugihe zihebura n’ukwiyumvira yuko babwiwe amajambo y’ububeshi, imfashanyo yacu mugihe yabashikira baciye barokorwa mubo dushaka, rero n’ibihano vyacu ntibihungwa kubantu b’inkozi z’ibibi

[111] Ntankeka mubiganiro vyabo nk’ibi harimwo icirwa kubantu bafise ubwenge, kuko s’amajambo yiyadukije ahubwo n’icemezo c’ivyabaye imbere yiwe, kandi n’ibiganiro vy’ibintu vyose, kandi n’uburongozi n’impuhwe ku bantu bemera Imana yabo y’ukuri

[1] Alif, Laam, Miiym, Ra. (Insiguro y’izi ndome hamwe n’uwufise ubumenyi bwazo n’Imana yonyene gusa). Izi ndome ziri muri iki gitabu hamwe n’ivyamanuriwe kuri wewe ntumwa y’Imana bivuye k’Umuremyi wawe arivyo vy’ukuri, mugabo abantu benshi ntibavyemera nagatoyi

[2] Imana niyo yareruye amajuru adafise inkingi nkuko namwe muvyibonera hanyuma ica iganza hejuru y’inyegamo yayo, nukugamburutsa Izuba hamwe n’Ukwezi kimwe muri ivyo kiguma kibandanya kugeza kumwanya cagenewe, Imana rero niyo igendesha ibintu, nayo niyo itandukanya aya majambo yayo matagatifu kugira ngo muronke icizero cuko muzohura n’Umuuremyi wanyu

[3] Nayo niyo yashashe Isi nugushira muriyo Imisozi n’Inzuzi, no muvyamwa vyose ibigiramwo ubwoko bubiri, ifuka ijoro hejuru y’umutaga mu vy’ukuri muri ibi vyose harimwo ibimenyetso kubantu biyumvira

[4] No kw’Isi harimwo ibimanyu bimatanye hakaba n’ahandi harimwo imirima y’imizabibu, n’izindi mbuto hamwe n’imitende y’imivyaro yavyo mw’itsina rimwe hamwe n’ibindi bitamerera kugitsina kimwe, vyose binywesherezwa nayo mazi nyene, kandi tukabigira neza bimwe murivyo mukubifungura, mu vy’ukuri muri ibi vyose harimwo ibimenyetso ku bantu bashira ibintu mubwenge

[5] Niwaba ufise igitangaro, rero ico gutangaza gusumba n’imvugo yabo ivuga iti:- mbega nitwaba twamaze kuba ivu, nivy’ukuri tuzoba murindi remwa rishasha, abo nibo bantu bahakanye Umuremyi wabo, kandi abo nibo bazoba bafise ibiziriko mumazosi yabo kandi abo nyene nibo bantu bo mumuriro udahera, muriwo bazowubamwo mu buzima bwabo bwose

[6] Baguhimiriza ngo uzane amabi imbere y’ineza mugihe hamaze guhita ibihano vy’ubwoko bwose imbere yabo, mu vy’ukuri Umuremyi wawe niwe nyene ikigongwe kubantu biwe kubera ubuhemu bw’imitima yabo n’ibicumuro vyabo kandi mu vy’ukuri Umuremyi wawe arakaze cane muguhana

[7] Bavuga babahakanyi b’Imana y’ukuri bati:- nikuki atamanuriwe ibitangaro bivuye kumuremyi wiwe, mu vy’ukuri wewe uri mubantu batuza, n’imirwi y’abantu bose irafise umuyobozi

[8] Imana niyo ifise ubumenyi bw’ico umukenyezi wese yibungenze hamwe nicoba kigabanutse munda yiwe hamwe nicoba congerekanye kuriwe,vyose Imana irabizi, n’ikintu icarico cose kuriyo kiri kurugero rwaco

[9] Uwufise ubumenyi bw’amabanga hamwe n’ibiri k’umugaragaro, n’Imana, nayo niyo nkuru kandi niyo iri hejuru y’ibintu vyose

[10] Nivyiza k’umuntu anyegeza imvugo yiwe muri mwebwe hamwe n’uwuyiserura, n’uwuyinyegeza mw’ijoro hamwe n’uwuyiserura k’umurango

[11] Irafise umurwi uri imbere yiwe hamwe n’uwundi uri inyuma yiwe yabamucungera kw’itegeko ry’Imana, mu vy’ukuri Imana ntihindura ibiri mu bantu kugeza aho bazohindura ibiri mumitima yabo, n’Imana mugihe ibashakiye abantu ibihano ntakintu gishobora gukingira, canke ntawufise inkinzo uwariwe wese atari Imana yonyene gusa

[12] Niyo ibereka umuravyo w’ubwoba hamwe n’itamariro ry’ukuronka imvura nukuzana ibicu biremereye cane

[13] N’inkuba iratakambira Imana nugushima hamwe n’abamarayika mukuyitinya, n’Imana itwara imituragaro y’inkuba nukuyikubita uwo yishakiye, nabo baharira kubera Imana mugihe bazi yuko ikaze cane muguhana

[14] Iwe niho hari ibisabisho vy’ukuri nabamwe basaba ibitari Imana ntanakimwe babishura ahubwo nink’uwugorora amaboko yiwe abiri mumazi kugirango ayo mazi ashike mukanwa kiwe, mugabo ntashike kandi ntabisabisho vy’abatemera Imana yabo y’ukuri bibaho atari uko ari ubuzimire gusa

[15] Bapfukamira Imana abari mumajuru no kw’Isi kugushaka kwabo canke kunguvu, n’ibitutu vyabo bishira imitwe yavyo hasi kuva mugitondo kugeza kumugoroba

[16] Vuga uti:- ni nde Muremyi w’Amajuru n’Isi? Usubire uvuge uti:- n’Imana, vuga uti:- mbega mugira izindi mana atari yo ? Mugihe izo mana ataco zifashije kubera imitima yabo canke ukwikwegerako agahengwe canke ukwikurako inabi, vuga uti:- mbega boshobora kungana impumyi hamwe n’umuntu abona? Canke birashoboka kungana k’umwijima hamwe n’umuco, canke bagiriye Imana kuba ari basomambike bayo baremye nkuko Imana yabaremye kuri ivyo biremwa vyabahenze, vuga uti:- Imana niyo rurema w’ibintu vyose, kandi niyo yonyene rudende icisha aho yishakiye

[17] Niyo yamanuye amazi avuye mubicu hamwe n’imyaba icishamwo amazi ahagije kurugero rwayo, n’imyuzurire y’amazi itwara ifuro riri hejuru y’amazi, no muri bimwe bashusha mumuriro bashakamwo ibisharizo canke ibindi bikoresho hagaca haboneka ifuro nkuko nyene, uku rero niko Imana itanga akarorero k’ukuri n’ikinyoma hanyuma ryafuro rikagenda nk’umwanda gusa, rero bimwe bibafitiye akamaro kuribo biba ng’aha kw’Isi, uku niko Imana itanga akarorero

[18] Bazoronka ineza nziza bamwe bitaba akamo k’Umuremyi wabo yabateye, nabamwe batitabiye ako kamo naho boba bafise ibiri ngaha kw’Isi hamwe n’ibindi nk’ivyo, ntankeka bari gubitanga mukwikombora kwabo, abo bazoba bafise ibiharuro bibi cane n’ubwicaro bwabo buzoba ari ubwo mumuriro udahera witiriwe Jahannamu, kandi n’ahantu habi cane naho hameze gute

[19] Mbega uwufise ubumenyi yuko ivyamanuwe kuri wewe bivuye ku Muremyi wawe ari ivy’ukuri ninkakumwe kw’impumyi ? Abafise ubwenge nibo bategera

[20] Abakwiza amasezerano y’Imana kandi batarenze kuyandi masezerano y’abandi bantu

[21] N’abateranya ivyo Imana yategetse ngo vyungwe, n’ugutinya Umuremyi wabo n’ugutinya ibiharuro bibi

[22] N’abantu batenyenya barondera impuhwe z’Umuremyi wabo n’uguhagarika amasengesho hamwe nugutanga muvyo twabahaye mumbari no k’umugaragaro, n’ugukuraho amabi basubizaho ineza, abo nibo bazoronka impembo nziza y’ingoro yo mw’ijuru

[23] Imirima y’ubuzima budahera bazokwinjiramwo hamwe n’abagize ineza kubavyeyi babo hamwe n’abatambukanyi babo hamwe n’uruvyaro rwabo, hamwe n’Abamarayika binjira mumiryango yose

[24] Amahoro y’Imana abe kuri mwese kandi abe kuri mwebwe kubera yuko mwihanganye, rero n’ibikorwa vyiza bimeze gute vy’ingaruka y’inyubakwa yo mw’ijuru kubagamburukira Imana

[25] Nabamwe basenyura amasezerano y’Imana munyuma yaho yamaze gupfundikwa nukwanka ivyategetswe n’Imana yategetse ngo ntapfundikwe nukugira ubwononyi ngaha kw’Isi, abo bantu nibo bazoronka umuvumo w’Imana nukuronka inzu mbi cane

[26] Imana yugururira imigisha yayo kuwo yishakiye nukuyima uwo yishakiye, abandi bakanezerezwa n’ubuzima bwo ng’aha kw’Isi n’ubuzima bwo ngaha kw’Isi ubugereranije n’ubuzima bwo mw’ijuru ntakintu kirimwo ahubwo nukwinezereza gutoyi gusa

[27] Abahakanye Imana yabo y’ukuri bavuga bati:- ni kuki atamanuriwe ibitangaro bivuye ku Muremyi wiwe? Wewe vuga uti:- mu vy’ukuri Imana yama ireka umuntu agatakara kugushaka kwayo kandi ikarongora abatumbereye iwe

[28] Nibarya bemeye Imana yabo y’ukuri n’imitima yabo ikaba ihumuye neza mukwibuka Imana, namwe nimwumvirize neza mukwibuka Imana imitima yabo ihumuye

[29] Bamwe bemeye Imana yabo y’ukuri nukugira ibikorwa vyiza, umunezero uzoba ari uwabo n’ingaruka nziza

[30] Uko rero niko twakuzanye mubantu bamaze kuhita imbere yabo n’abandi bantu kugira ngo ubasomere kuvyo twaguhaye, nabo bakaba bahakana nyene Imigisha mininiya wewe vuga uti:- niwe Muremyi wanje kuko ntayindi Mana isengwa atariyo yonyene ikaba ariyo nizeye n’ingaruka yanje nikuriyo

[31] Iyo haba iyi Qur’ani nyeranda hakaba muriyo imisozi yari gukurwaho canke kuriyoSi yari gusatagurika, canke abitavye Imana yabo bari kuvugishwa, mugabo si uko rero ibintu vyose nivy’Imana, mbega ntibaramenya abemeye Imana yabo y’ukuri yuko Imana iyo ibishaka ntankeka yari kurongora abantu bose, canke ivyago ntibizoreka kubashikira bamwe bahakana Imana yabo y’ukuri kubera ivyo bagize, canke hazomanuka ubu vuba no mubisagara vyabo kugeza aho hazoshika indagano y’Imana, mu vy’ukuri Imana ntita indagano yayo

[32] Mu vy’ukuri intumwa z’Imana zarakengerewe, cane cane muntumwa zabayeho imbere yawe nanje sinabahanye ningoga na ningoga muri bamwe bahakanye Imana yabo y’ukuri munyuma yaho niho nabifatira mumaboko yanje, mbega ibihano vyanje vyari bimeze gute

[33] Mbega uhagarikiye umutima w’umwumwe kuvyo wagize, bakaba bagiriye Imana mukuyi gereranya n’ibindi bintu, wewe vuga uti:- nimubavuge abo mugereranya nabo n’Imana canke muyibwira ivyo itazi biri ngaha kw’Isi canke n’amajambo agaragara gusa, rero abo bahakanyi b’Imana y’ukuri basharijwe n’ivyo badukana navyo nukuzitira inzira y’ukuri, rero uwo Imana yatakaje ntawundi amurongora

[34] Barafise ibihano vyo mubuzima bwo ngaha kw’Isi kandi ntankeka ibihano vy’umusi w’umuhero w’Isi nibigoye cane, kandi ntawuzoba kingira imbere y’Imana

[35] Akarorero k’Ijuru bemerewe kubatinya Imana yabo y’ukuri, imbere yabo niho haca imyonga n’ivyamwa vyaho nivy’ubuzima budahera hamwe n’igitutu caho nyene, aya niyo maherezo ya bamwe bemera Imana yabo yukuri, n’imperuka y’abahakanyi b’Imana nimuriro udahera gusa

[36] Nabo twahaye igitabu banezerezwa nivyo wamanuriwe nomumirwi yabo bahakanyi b’Imana harimwo ivyo banka, bimwe muri ibi, rero nuvuge uti:- jewe nategetswe gusenga Imana yanje gusa, kandi sindayigereranya n’ibindi bintu, niyo ntakambira kandi niwe niho hari ingaruka yanje

[37] Uku rero niko twamanuye iyi Qur’ani ntagatifu mugihe ari itegeko ry’Imana ryamanuwe muririmi rw’icarabu, niwakurikira itamariro ryabo mugihe umaze gushikirwa nubu bumenyi umenye yuko utazoba ukironse umugenzi canke uwugukingira imbere y’Imana

[38] Twararungitse intumwa z’Imana imbere yawe, nukubaha abakenyezi hamwe n’ibibondo, kandi ntibishoboka kuntumwa y’Imana kuzana igitangaro icarico cose atari kw’itegeko ry’Imana, rero umwanya uwariwo wose urafise amategeko yanditwse n’Imana

[39] Imana ihanagura ivyo yishakiye n’ukuvyemeza, kandi n’amamuko y’amategeko yose ari ku Mana yonyene

[40] Tukweretse bimwe mubihano twabemereye canke tukwishe, rero kuri wewe gushikana ubutumwa bwivyo wategetswe kugira gusa, no hejuru yacu nukuba harura gusa k’umusi w’imperuka

[41] Mbega ntibabonye yuko dushikira Isi yabo nukuyi gabangura kumbibe zayo, n’Imana itegeka k’ukuri, kandi ntawuharira kw’itegeko ryayo, nayo iroroshe muguharura

[42] Baragize ingeso bamwe batemera Imana yabo y’ukuri bamwe bamyeho imbere yabo, mugabo ingeso zose niku Mana kuko niyo ifise ubumenyi bw’ivyo ikiremwa muntu wese agira nayo abahakanyi b’Imana yabo y’ukuri bazotahura inyishu nziza y’ingoro yo mw’Ijuru yuko izoba ari ayande

[43] Bavuga bamwe batemera Imana yabo y’ukuri bati:- wewe nturi intumwa y’Imana y’ukuri, nawe nubishure uti:- Imana yonyene irahagije kuba ariyo cabona hagati yanje namwebwe hamwe nurya afise ubumenyi bw’igitabu gitagatifu

[1] Alif, Laam, Ra. (Insiguro yizi ndome hamwe n’uwufise ubumenyi bwazo zose n’Imana yonyene gusa). Iki gitabu twakimanuriye kuri wewe kugira ngo ubakure abantu mumwijima ubashire mumuco kw’itegeko ry’Umuremyi wabo, hanyuma ubashikane munzira yurya nyene intsinzi kandi ahayagizwa hose nayo ikaba ari Imana

[2] Imana niyo nyene ivyayo rudende mubiri mw’Ijuru no kw’Isi, n’ingorane zizoshikira abahakanyi b’Imana y’ukuri kubihano bikaze cane

[3] Bamwe bakunda cane ubuzima bwo ng’aha kw’Isi gusumba ubuzima budahera bwo mw’Ijuru, bagaca bakingira abantu munzira y’Imana, bakaba bashaka kuyihuvya, abo nibo bari mubuzimire buri kure y’ukuri

[4] Ntitwarungitse intumwa y’Imana iyariyo yose atari mururimi rw’abantu biwe kugira ngo ishobore kubasobanurira, hanyuma Imana itakaza uwo yishakiye nukurongora uwo yishakiye, nayo niyo ifise ubushobozi n’ubuhizi buhagije

[5] Twaramutwaye intumwa y’Imana Mussa (iii) afise n’ibitangaro vyacu, hanyuma tumubwira duti:- nukure abantu bawe mumwijima ubajane ahari umuco, kandi ubibutse imisi y’Imana, ntankeka muri ivyo vyose harimwo ubutumwa k’umuntu uwariwe wese yihangana n’ugushima

[6] Wibutse abantu bawe mugihe intumwa y’Imana Mussa (iii) yavuga kubantu biwe ati:- nimwibuke imigisha y’Imana iri kuri mwebwe mugihe yabarokora kubantu bokwa Fir’auni babahaye ibihano bibi cane batako bakerera ibibondo vyanyu vy’abahungu nukureka kugandagura ibibondo vyanyu vy’abigeme, no kuri ivyo vyose harimwo ibibazo bininiya bivuye kumuremyi wanyu

[7] Mugihe yamenyesha Umuremyi wanyu avuga yuko nimwashima jewe nzobongereza, nayo nimwahakana Imana yanyu mumenye yuko ibihano vyanje bibabaza cane

[8] N’intumwa y’Imana Mussa (iii) yavuze ibwira abantu biwe iti:- mwebwe nimwa hakana Imana yanyu y’ukuri hamwe n’abari kw’Isi bose mu vy’ukuri Imana irihagije kandi niyo ibikwiye vyose

[9] Mbega ntimwashikiwe n’inkuru zabamwe bamyeho imbere yanyu, aribo bantu bo kuntumwa y’Imana Nuhu (iii) no kuntumwa y’Imana Aadi (iii) hamwe na Thamuda (iii) hamwe nabamyeho munyuma zabo atanuwubazi atari Imana yonyene gusa, kuko bashikiwe n’intumwa zabo bafise n’ivyemezo biri k’umugaragaro, baca basubiza amaboko yabo hejuru y’iminwa yabo baca babwira izo ntumwa bati:- mu vy’ukuri twebwe turahakanye ivyo mwarungikanywe, kandi mu vy’ukuri twebwe turafise amakenga aducamwo hirya no hino kubera ivyo muduhamagarira

[10] Intumwa zabo zavuze ziti:- mbega muyigirira Imana amakenga, ariyo muremyi w’Amajuru n’Isi, niyo ibahamagarira kugira ngo ibagirire ikigongwe kubera ibicumuro vyanyu, kandi ibahe ikiringo kugeza kugihe cagenewe, nabo bishura bati:- ntimwari kuba mwebwe atari uko muri abantu nkatwe, mushaka yuko mutuzitirira nivyo abavyeyi bacu bamye basenga, rero nimutuzanire ivyemezo biri k’umugaragaro

[11] Intumwa zabo zishura ziti:- twebwe ntitwari kuba atari uko turi abantu nkamwe, mugabo Imana ibagirira impuhwe kubo yishakiye mubantu bayo, nayo twebwe ntidushobora kubazanira ivyo vyemezo atari kuruhusha rw’Imana, no kumana aba Isilamu bose nibizere abayizera

[12] Mbega dufise iki kugira ngo ntitwizere Imana yacu mugihe yatweretse inzira zacu, kandi tukazo kwihangana kuvyo mutugirira, rero ni kumana honyene gusa ariho bizera abayizera

[13] Nayo abahakanye Imana yabo y’ukuri nukubwira intumwa zabo z’Imana yuko tuzobakura mugisagara cacu canke ari ngombwa musubire mumigenzo yacu, rero Imana yabo ica ibazanira ubutumwa bwuko tuzobahonya abahemukiye Imitima yabo bose

[14] Mwebwe tuzobicarika ngaha kw’Isi munyuma yabo, hanyuma baze boronke ibi bamwe batinya guhagarikwa imbere yanje nugutinya amatuzo yanje

[15] Bararondeye hirya no hino, arananirwa uwari wese yari afise ubushobozi n’amanyama

[16] Uwuzoba imbere yiwe hari umuriro witiriwe Jahannamu azonyweshwa amazi y’amashira n’amaraso yabo bonyene muri uwo muriro wa Jahannamu

[17] Azoba ariko aragigimizwa kandi nawe adashoboye kuyamira, n’abitavye Imana yabo bazomushikira kumpande zose nawe ntazo cikana, no hejuru y’ivyo vyose hariho ibihano bikaze cane

[18] Akarorero ninka bahakanye Umuremyi wabo w’ukuri, ibikorwa vyabo nink’umunyota uguruwe n’inguvu z’umuyaga k’umusi w’igihuhusi gikaze cane, rero ntibashobora kuronka icarico cose muvyo bagize vyose, ubwo rero nibwo buzimire buri kure cane

[19] Mbega ntubona yuko Imana yaremye Amajuru n’Isi bimwe vy’ukuri? Ishatse yoba kuraho nukuzana ibindi biremwa bishasaha

[20] N’ivyo vyose kumana s’ibigoye

[21] Bose uko bangana bazoshika imbere y’Imana, rero abadafise aho bavugira bazovuga babwira bamwe bishima bati:- twebwe twahora tubakurikira mwebwe, none mwebwe murashobora kudukurira ikintu gitoyi mubihano vy’Imana? Nabo bazokwishura bati:- iyo Imana iturongora ntankeka twari kubarongora, vyose nikimwe kuri twebwe nitwadebukirwa canke tukigumya ntamahungiro dufise

[22] Na Shetani izovuga mugihe hazocibwa urubanza hanyuma ivuge iti:- Imana yarabemereye indagano y’ukuri, nanje narayibemereye mugabo sinazishize mungiro izo ndagano, kandi sinari mfise ubushobozi kuri mwebwe atari uko nabahamagaye gusa namwe muranyitaba, rero ntimunteko umwikomo ahubwo nimwiteko uwo mwikomo mwebwe nyene, kuko jewe ntaco mfise cukubafasha namwe ntaco mufise muzomfasha mwo, mu vy’ukuri jewe naranse yuko mwebwe mwongereranya n’ikindi kintu kuva kera, mu vy’ukuri abahemukiye imitima yabo bazoba bafise ibihano bibabaza cane

[23] Na bamwe bemeye Imana yabo y’ukuri nukugira ibikorwa vyiza, abo bantu bazokwinjizwa mumirima icamwo inzuzi imbere yabo, hanyuma babeyo mubuzima bwabo bwose kw’itegeko ry’Umuremyi wabo, n’indamutso zabo ziyo mw’Ijuru zizoba ari z’amahoro kumpande zose

[24] Mbega ntiwabonye ingene Imana yatanze akarorero k’ijambo ryiza, nink’igiti ciza imizi yaco itsimbataye neza hamwe n’amashami yaco agororotse neza hejuru

[25] Gitanga ivyamwa vyaco umwanya uwariwo wose kw’itegeko ry’Umuremyi waco, n’Imana yama itanga uburorero bwayo kubantu kugira ngo bame bibuka

[26] N’akarorero k’ijambo ribi ni nk’igiti kibi casituwe kw’isi kidahagaze neza

[27] Imana niyo itsimbataza bamwe bayemeye kumajambo yabo y’ukuri no kubuzima bwo ng’aha kw’Isi hamwe no k’umusi w’imperuka, n’Imana yama ireka abo bantu bagatakara nabo bahemukiye imitima yabo, n’Imana igira ivyo yishakiye

[28] Mbega ntiwabonye bamwe bahinduye imigisha y’Imana muguhakana nugushikana abantu babo mumazu y’uguhonerezwa mwo

[29] Nimumuriro witiriwe Jahannamu bazokwinjira mwo kandi n’ahantu habi cane hokubayo

[30] Barayigiriye Imana mukuyigereranya n’ibindi bintu kugira ngo batakaze abantu munzira yayo, wewe nuvuge uti:- mwebwe nimwinezereze gatoyi gusa hanyuma ingaruka yanyu ni mumuriro udahera

[31] Nimubwire abantu banje banyemeye yuko bohagarika amasengesho nugutangata muvyo twabahaye haba mumwiherero no k’umugaragaro imbere yuko mushikirwa n’umusi utari uwu kwikombora canke atari umusi w’ubugenzi

[32] Imana niyo yaremye Amajuru n’Isi n’ukumanura amazi avuye mubicu nokuriyo inagisha ivyamwa kuba ariyo migisha kubera mwebwe, itako ibagambutsa amato kugira ngo arengane mubiyaga kw’itegeko ryayo nukuba gamburukiza inzuzi

[33] Yaraba gamburukije Izuba n’Ukwezi, vyose ari bishasha kuri mwebwe nukuba gamburukiza ijoro n’umutaga

[34] Nukubaha muvyo mwayisavye vyose, rero nimwa harura imigisha y’Imana ntimushobora kuyiharura, ntankeka umuntu n’umuhemu mukuru adashima

[35] Mugihe intumwa y’Imana Ibrahimu (iii) yavuga ati:- muremyi wanje, n’uhezagire iki gisagara c’IMakkat kibe igisagara c’amahoro kandi unkingire jewe hamwe n’ibibondo vyanje mukudasenga amasanamu

[36] Muremyi wanje, mu vy’ukuri aya masanamu yarazimije abantu benshi, rero uwankurikiye jewe niwe muntu wanje, nayo uwiyonkoye kuri jewe suko wewe uri nyene ikigongwe cinshi hamwe n’impuhwe zihagije

[37] Muremyi wacu, mu vy’ukuri jewe narabicaritse bamwe muruvyaro rwanje mumwaba udafise n’igiterwa na kimwe, mungoro yawe ntagatifu, muremyi wacu n’ubahezagire bahagarike amasengesho, kandi uhezagire imitima y’abantu itumbere kuribo kandi ubahe n’ivyamwa kugira ngo bashime

[38] Muremyi wacu, mu vy’ukuri wewe urafise ubumenyi bw’ivyo tunyegeza hamwe nivyo duserura kandi ntakintu nakimwe cinyegeza ku Mana mubiri ngaha kw’Isi canke mubiri mw’Ijuru

[39] Ndashimiye Imana yo yampaye hejuru y’ubu busaza bwanje mukumpa ibibondo bibiri arivyo Ismaili (iii) hamwe na Is’haqa (iii) mu vy’ukuri Umuremyi wanje niwe yumva ibisabisho vy’abantu bose

[40] Muremyi wanje, numpezagire mbe mubantu bahagarika amasengesho hamwe n’uruvyaro rwanje, muremyi wacu niwakire ibisabisho vyanje

[41] Muremyi wacu, nungirire ikigongwe jewe hamwe n’abavyeyi banje bose uko ari babiri hamwe n’abemera umusi wuguhagarara kw’iharurwa ry’abantu bose

[42] Kandi ntiwiyumvire yuko Imana yibagira kuri ibi bagira abahemukiye Imana yabo y’ukuri, mu vy’ukuri irabarorereza gusa kugeza k’umusi waho amaso yabo azonogoka

[43] Bagenda birukanga imitwe nayo iri hejuru n’amaso yabo adakebaguzwa, n’imitima yabo igaragara

[44] Kandi utuze abantu k’umusi bazoshikirwa n’ibihano vy’Imana, hanyuma baze bavuge bamwe bahemukiye imitima yabo bati:- Muremyi wacu, turindirize umwanya mutoyi gusa hanyuma twitabire ubutumwa bwawe, hanyuma dukurikire intumwa z’Imana, mbega ntimwari mwarahiye kuva kera yuko mwebwe mutazo kwimuka muja ahariho hose

[45] Muricara ahantu harya nyene bamye bicara bamwe bahemukiye imitima yabo, hanyuma mubonekerwa n’ingene twabagize kandi twaraba menyesheje uburorero bwose

[46] Mu vy’ukuri baragize ingeso zabo, ngo nizo ngeso zabo ziri ku Mana, kandi ntiziba ingeso zabo ngo zishobore gukuraho imisozi

[47] Rero ntiwikeke kumana yuko uwudohoka kundagano y’intumwa yayo, ntankeka Imana niyo nyene intsinzi kandi niyo yihora

[48] Umusi Isi izohindurwa ikaba iyindi Si, n’Amajuru nayo abe mubundi buryo nabo bazoseruka imbere y’Imana yonyene rudende nyene ubushobozi buhagije

[49] Uzobabona abagize amakosa kuri uwo musi baboshwe n’iminyororo

[50] N’impuzu zabo zizoba zisa nkikaburimbi n’umucanwa uzoshikira amaso yabo

[51] Kugira ngo Imana ize irihe umutima w’umwumwe kuvyo wakoze, mu vy’ukuri Imana iroroshe muguharura

[52] Ibi vyose birahagije kubantu kugira ngo batuzwe kuri ivyo, kandi bamenye yuko Imana ari imwe yonyene gusa, hanyuma abafise ubwenge nabo bibuke

[1] Alif, Laam, Ra. (Insiguro y’izi ndome hamwe n’uwufise ubumenyi bwazo n’Imana yonyene gusa). Aya majambo ari muri iki gitabu akoranije ibintu bikenewe vyose, nukuvyerekana neza k’umugaragaro

[2] Kenshi na kenshi bamwe bahakana Imana yabo y’ukuri bazokwipfuza iyo bobaye aba Isilamu

[3] Nimubareke bafungure kandi binezereze hanyuma bahendwe n’icizero c’ububeshi, mugabo ubu vuba bazotahura

[4] Natwe ntitwahoneje igisagara icarico cose atari uko ico gisagara ikiringo caco categekanijwe

[5] Abantu abaribo bose ntibashobora kuba imbere y’isanganya ryabo, canke ntibashobora guteba mugihe umwanya wabo wageze

[6] Baravuze bati:- ewe wamanuriwe ubutumwa, mu vy’ukuri wewe uri umusazi

[7] Mbega ni kuki utatuzanira abo bamarayika bokuduhonya niyaba ari mubantu bavugisha ukuri

[8] Twebwe ntitumanura Abamarayika atari k’ukuri, aho rero ntibazohabwa ikiringo

[9] Mu vy’ukuri nitwebwe twamanuye ubu butumwa ariyo Qur’ani nyeranda kandi mu vy’ukuri nitwebwe tuzoyakingira

[10] Ntankeka twarazanye intumwa z’Imana imbere yabo iri mumirwi y’abantu bari imbere

[11] Kandi ntibashikiwe n’intumwa y’Imana iyariyo yose atari uko bayikengereye

[12] Ni nk’uku twinjiza mumitima yaba bahakanyi b’Imana

[13] Ntibemera ibi vyose mugihe yaho bahitiwe n’uburorero bw’abantu baho hambere yabo

[14] Iyo tubugurira abo bahakanyi b’Imana umuryango w’ijuru bakaguma baduga

[15] Rero bari kuvuga bati:- amaso yacu yarozwe, ahubwo twebwe turi mu bantu barozwe

[16] Mu vy’ukuri twashize mw’Ijuru ibituro nugushariza kubera abantu baziraba

[17] Tukaba tuzikingiye n’amashetani aguma yirukanwa

[18] Mugabo uwumviriza inkuru munzira z’ubusuma, rero aca akurikirwa n’igishirira c’umukomezwa kiboneka neza

[19] N’Isi twarayishashe no muriyo tuyishira mwo imisozi nuku nagishamwo ibintu vyose kurugero rwaco

[20] Twaraba giriye muriyo ibintu vy’ubuzima bwanyu nivy’ubuzima bwabarya mutunze mwebwe ataco mubaha kubijanye n’imigisha

[21] Ntakintu nakimwe atari uko amamuko yaco ava muri twebwe, kandi ntitukimanura atari kurugero rukwiye

[22] Kandi tuzana imiyaga yuzuye mwo urume nukumanura amazi y’imvura avuye muri ivyo bicu, hanyuma tukaba nywesha kuriyo kandi si mwebwe muyashiraho

[23] Ni twebwe turema kandi tukica, natwe ni twebwe basirwa

[24] Kandi turabazi abatangura muri mwebwe kandi turabazi abacererwa

[25] Ntankeka Umuremyi wawe niwe azobegeranya, mu vy’ukuri niyo nyene ubuhizi n’ubumenyi buhagije

[26] Twararemye ikiremwa muntu tumukuye mw’ivu ryumutse rifise n’ijwi, rivuye muvyondo vyirabura vyavunditswe

[27] N’ibisigo twabiremye imbere yaho, mu muriro w’umuyaga w’ubushuhe bwinshi cane

[28] N’Umuremyi wawe igihe yabwira Abamarayika biwe ati:- mu vy’ukuri jewe nzorema umuntu ndamukuye mw’ivu ryumutse rifise ijwi rivuye muvyondo vyirabura bivunditswe

[29] Ninaheza kumurema nukumuhuheramwo umutima uvuye iwanje, rero nimu murweko nukumu gamburukira

[30] Rero abamarayika bose hamwe bara gamburuka

[31] Dukuyemwo uwitwa Ibilisi niwe yanse kuba hamwe naba gamburutse

[32] Imana yavuze iti:- ewe Ibilisi vyabaye gute kutabaye hamwe naba gamburutse

[33] Shetani imwishura iti:- jewe sinshobora kugamburukira umuntu waremye mw’ivu ryumutse rifise ijwi rivuye muvyondo bivunze

[34] Imana ivuga iti:- nuve ngaho mugihe wirukanywe nukuba kure y’imigisha yose

[35] Kandi mu vy’ukuri bizoba kuri wewe harimwo umuvumo kugeza k’umusi w’imperuka

[36] Shetani yishura iti:- Muremyi wanje numpe umwanya kugeza k’umusi bazozurwa abantu bose

[37] Imana yishura iti:- mu vy’ukuri wewe uri mubaronse ikibanza

[38] Kugeza k’umusi w’umwanya wagenewe ushitse niho uzosandaba

[39] Nayo yishura iti:- Muremyi wanje kubera yuko wanciriye urubanza rw’ukuzimira, nanje nzobaryosha ryosha aba bantu kuri iy’Isi nze ndabazimize bose

[40] Dukuyemwo abantu bawe beranda bisukuye neza naneza

[41] Imana ivuga iti:- iyi nzira yabo niyukuza iwanje kandi igororotse

[42] Mu vy’ukuri abantu banje, wewe ntabushobozi uzoba ufise kuribo, atari bamwe bagukurikira muri abo bazimiye

[43] Kandi ntankeka umuriro udahera witiriwe Jahannamu nibwo bwicaro bwabo bemerewe bose

[44] Uwo muriro ufise imiryango indwi, no kumuryango umw’umwe hariho ahantu hagabuwe

[45] Mu vy’ukuri abatinya Imana yabo y’ukuri bazoba bari mumirima n’amasoko y’amazi y’umusarara

[46] Nimuyinjiremwo n’amahoro ntangere

[47] Kandi tuzokuramwo amafundo yari mubikiriza vyabo, kandi bazoba abavandimwe bakundana bicaye hejuru y’inyegano zacami barabana

[48] Ntibazo korwako n’ingorane, canke ngo bakurwemwo

[49] Babwire abantu banje yuko jewe mfise ikigongwe cinshi n’impuhwe zihagije

[50] Mu vy’ukuri ibihano vyanje n’ibihano bibabaza cane bimwe vy’akarorero

[51] Kandi ubabwire inkuru z’abashitsi b’intumwa y’Imana Ibrahimu (iii)

[52] Mugihe binjira munzu yiwe nukumuramutsa bavuze bati:- amahoro y’Imana abe kuri twese, nawe abishura nkuko nyene hanyuma aca avuga ati:- mu vy’ukuri twebwe turabinuvye

[53] Nabo bamwishura bati:- ntugire ubwoba twebwe tugufitiye inkuru nziza yuko uzokwibaruka ikibondo gifise ubumenyi buhanitse

[54] Nawe abishura ati:- munzaniye iyi nkuru mugihe namaze kuba umusaza, none n’iyihe nzira mumpaye y’izi nkuru nziza

[55] Nabo bamwishura bati:- tuguhaye iyi nkuru nziza y’ukuri, rero ntube mu bantu badebukirwa

[56] Nawe abishura ati:- ni nde adebukirwa kumigisha y’Umuremyi wiwe atari mu bantu bazimiye

[57] Yishura ati:- none ico mwipfuza n’igiki mwebwe mwatugendeye

[58] Nabo bamwishura bati:- mu vy’ukuri twebwe twarungitswe kuri ba bantu bacumuye

[59] Dukuye mwo abakurikiye intumwa y’Imana Lutwi (iii), ntankeka twebwe tuzoba rokora uko bangana bose

[60] Dukuye mwo umukenyezi wiwe, niwe twibaza yuko yoba ari mu bantu bazo kwicara inyuma ya bose

[61] Izo ntumwa mugihe zashika ku bantu b’intumwa y’Imana Lutwi (iii) bafise ishusho ry’abantu

[62] Lutwi (iii) yavuze ati:- mu vy’ukuri mwebwe muri mu bantu mutazwi kandi nanje sindabazi

[63] Baca bishura bati:- twebwe tukuzaniye bimwe muvyo bahora bagirira ko amakenga

[64] Dushitse iwawe n’ukuri, mu vy’ukuri twebwe turi muba vugisha ukuri

[65] Rero nugende n’abantu bawe mugice c’ijoro nawe ubakurikire inyuma yanyu ntihagire umwe muri mwebwe ahindukira inyuma, hanyuma mugende mutumbera iyo mwategetswe kuja

[66] Hanyuma tumucira intumwa y’Imana Lutwi (iii) kuri rya jambo yuko imizi yabo izocibwa mugitondo

[67] Haca haza abantu bo mugisagara banezerewe

[68] Intumwa y’Imana Lutwi (iii) yavuze iti:- mu vy’ukuri aba n’abashitsi banje ntimuntetereze

[69] Kandi mutinye Imana yanyu ntimunkengere

[70] Bavuga bati:- mbega twebwe ntitwakubujije kwakira abantu

[71] Yavuze ati:- aba bose n’abigeme banje nimwaba mwebwe muri mubagira ibikorwa

[72] Ndarahiye k’ubuzima bwawe mu vy’ukuri abo bantu bari mububorerwe bwabo bataya taya hirya no hino

[73] Mumwanya ibihano biraba fata mugihe izuba ryaseruka

[74] Hanyuma duca tugira ivyo bisagara kuba hasi hejuru, hanyuma tubashungurira imvura y’isegenya irimwo ivyondo vyo mumuriro udahera

[75] Mu vy’ukuri muri ibi vyose harimwo icirwa ku bantu bapima ibintu n’ibindi

[76] N’ibi bisagara twahoneje biri munzira bacamwo mumwanya wose

[77] Ntankeka muri ibi vyose harimwo icirwa kubantu bemera Imana yabo y’ukuri

[78] Mu vy’ukuri abantu bo mumashamba bari mubahemukiye imitima yabo

[79] Kuri ivyo twarabahanye, n’ibi bisagara uko ari bibiri vyari munzira ziboneka neza

[80] Ntankeka abantu bo mugisagara c’Amabuye barahakanye intumwa z’Imana

[81] Twarabahaye impanuro zacu mugabo ntibazitaho

[82] Nabo bahora babaza amazu yabo ari mumisozi mumahoro ntangere

[83] Rero akaruru k’ibihano karabashikiye mugitondo cakare

[84] Ntaco vyabamariye muvyo bahora bagira

[85] Natwe ntitwaremye Amajuru n’Isi hamwe n’ibirimwo vyose atari uko ari ivy’ukuri, kandi ntankeka umusi w’imperuka uzoshika, rero nugire c’ikigongwe ciza kuwukugiriye inabi, impembo yanyu muzoyisanga k’umusi w’imperuka

[86] Mu vy’ukuri Umuremyi wawe niwe muremyi wa vyose kandi niwe afise ubumenyi buhagije

[87] Twaguhaye aya majambo y’Imana meranda uko ari indwi asomwa umwanya uwariwo wose, nukuguha iyi Qur’ani ntagatifu ikwiye

[88] Ntukwege amaso yawe mukuraba muvyo twanejereje imirwi itandukanye yabo bansi b’Imana, kandi ntubagirire agahinda kandi wunamike ibaba ryawe ku bantu bemera Imana yabo y’ukuri

[89] Kandi uvuge uti:- mu vy’ukuri jewe ndi mubantu batuza mbonekana neza k’umugaragaro

[90] Nkuko twabamanuriye ibihano bose tubitandukanije mumirwi n’iyindi

[91] Abagize iyi Qur’ani ntagatifu kuba ariryo koraniro ry’ububeshi

[92] Nivyo, ndarahiye kw’izina ry’Imana yuko uko tuzoba baza abantu bose k’umusi w’imperuka

[93] Kuvyo bahora bagira vyose

[94] Rero bimenyeshe ivyo wategetswe kugira, kandi ube kure n’ibikorwa vyabagereranya Imana n’ibindi bintu

[95] Mu vy’ukuri twebwe turaguhagije mukugu kingira n’ivyo bafata minenerwe

[96] Abagira Imana hamwe n’izindi Mana z’ibintazi, rero ubu vuba bazotahura neza

[97] Mu vy’ukuri twebwe turazi neza yuko igikiriza cawe cugarijwe n’ivyo bivugira

[98] Nutakambire Umuremyi wawe hamwe n’ukuyihayaza, kandi ube muba yipfukamira bashize imitwe yabo hasi

[99] Kandi usenge Umuremyi wawe kugeza aho uzoshikirwa n’urupfu. Igisomwa c’Inzuki. Ikigabane ca (14). Camanukiye IMakkat. Gifise imirongo

[1] Itegeko ry’Imana rizoshika, rero ntimuyihimirize kuko niyo yisukuye n’ivyoba bigabanutse vyose hamwe nukuyininahaza kwose nukubayi gereranya Imana n’ibindi bintu vyabo bahakanyi b’Imana y’ukuri

[2] Ibamanurira Abamarayika hamwe n’ubutumwa kw’itegeko ryayo kubo yishakiye mubashumvyi biwe yuko batuza abantu, atawundi akwiye gusengwa atari jewe jenyene gusa, rero nimuntinye

[3] Niwe yaremye Amajuru n’Isi bimwe vy’ukuri, ari n’iteka ntangere ry’ukuta gereranya Imana n’ibindi bintu vyabo bahakanyi b’Imana

[4] Niyo yaremye ikiremwa muntu kw’Ima ry’intanga, mukanya ng’uyo wa muntu yabaye umuntu w’amananiza aboneka neza k’umugaragaro

[5] Niyo yaremye ibikoko, murivyo muharonkeramwo ubushuhe n’ubundi bumaro n’ibindi navyo mukavyikenurako

[6] Mukanezerwa mugihe muzicuye k’umugoroba nomugihe mubiturukije kuja kurisha mugitondo

[7] Nugutwara amatu yanyu iyajana mubisagara mudashobora kuyashikana atari kumakenga n’igorane zihanitse, mu vy’ukuri Umuremyi wanyu n’intore cane kandi niyo nyene imigisha ihagije

[8] N’ibitwazi vyanyu arizo farasi hamwe n’ibimeze nk’ifarasi hamwe n’indogobwe kugira ngo muvyurireko bisharije, none mwebwe muzorema ivyo mutazi

[9] Ni hejuru y’Imana kwerekana inzira y’ukuri, kuko hariho izindi nzira zitameze neza, rero iyo Imana ibishaka ntankeka yari kubarongora mwese uko mungana

[10] Niyo ibamanurira amazi meza avuye mubicu kuriyo muharonkera mwo ibinyobwa no kuriyo niho hanaga ibiterwa murivyo niho murishiriza mwo ibitungwa vyanyu

[11] Ibanagishiriza ibiterwa vy’ubwoko bwose harimwo imizayituni hamwe n’imitende n’imizabibu hamwe n’ibindi vyamwa vy’ubwoko bwose, ntankeka muri ivyo vyose harimwo ikimenyetso ku bantu biyumvira yuko Imana iriho

[12] Yarabagamburukije Ijoro n’Umutaga hamwe n’Izuba n’Ukwezi n’Inyenyeri nazone zaragamburukijwe kw’itegeko ryayo, mu vy’ukuri muri ibi vyose harimwo ikimenyetso ku bantu bafise ubwenge

[13] N’ibi yakwiragije kw’Isi bifise amabara atandukanye mu vy’ukuri muri ibi vyose harimwo ikimenyetso ku bantu bumva ubutumwa bw’Imana

[14] Nayo niyo yagamburukije ikiyaga, kugira ngo murico muronke ibifungura bishasha kandi mukure murico ibisharizo mwambara, uca ubona rero ubwato buca muri ivyo biyaga kugira ngo murondere imihezagiro yayo kandi muyikengurukire

[15] Kw’Isi ishiraho imisozi kugira ngo ntinyigange namwe muri kuriyo, ibashiriraho inzuzi n’amayira kugira ngo mushobore gutumbera

[16] N’ibindi bimenyetso ni kunyenyeri bakurikira inzira zabo

[17] Bati:- umwe arema yoba angana na bamwe batarema, mbega mwebwe bantu ntimwibuka

[18] Nimwa harura imigisha y’Imana ntimuzo shobora kuyiharura, mu vy’ukuri Imana niyo nyene ikigongwe cinshi n’impuhwe zihagije

[19] N’Imana irafise ubumenyi bw’ivyo munyegeza hamwe n’ivyo muserura

[20] Na barya musenga batari Imana y’ukuri ntanakimwe barema ahubwo nibo baremwe

[21] N’abapfuye batari bazima, ntabumenyi bafise bwukumenya igihe bazozurwa

[22] Imana yanyu n’Imana imwe yonyene rudende, mugabo bamwe batemera umusi w’imperuka imitima yabo niyo ihakana nabo bagaca bishima

[23] Ntankeka Imana niyo ifise ubumenyi bw’ivyo banyegeza hamwe n’ivyo baserura, mu vy’ukuri ntikunda abishima

[24] Mugihe babwiwe bati:- Umuremyi wanyu yamanuye iki? nabo bishura bati:- n’amajambo y’ububeshi gusa y’abantu bakera

[25] Kugira ngo bikorere amatu yabo akwiye yo k’umusi w’imperuka, n’ahantu h’amatu yabamwe babatakaza ata bumenyi bafise nimwumvirize, ayo matu bazoba bikoreye nimabi cane

[26] Baragize ingeso bamwe bamyeho imbere yabo rero Imana ica isenyura amazu yabo iyata mumishingi nayo ibisenge vy’amazu bibarwako, baca bashikirwa n’ibihano batazi iyo vyavuye

[27] Hanyuma k’umusi w’imperuka Imana izobatetereza n’ukuvuga iti:- bari hehe bamwe mwahora mugereranya nabo n’ibindi bintu hamwe nanje, rero kuberabo mwahora mutongana nabo, nabo bazovuga bamwe bahawe ubumenyi bati:- mu vy’ukuri ibimaramare hamwe n’agahinda k’uno musi uzoba shikira abahakanyi b’Imana

[28] Mubo Abamarayika bishe n’abahemukiye imitima yabo rero bazo kwitaba itegeko ry’Imana baze bavuge bati:- ntitwamye tugira amabi ayariyo yose, egome ntankeka Imana niyo ifise ubumenyi buhagije cane kuvyo mwahora mugira

[29] Kuri ivyo rero nimwinjire mumiryango yo mumuriro udahera witiriwe Jahannamu nukwicara muriwo mubuzima bwanyu bwose, n’ubwo bwicaro nabwo n’ahantu habi cane ku bantu bishima

[30] Mugihe babwiwe bamwe bemera Imana yabo y’ukuri bati:- ni ikihe kintu Umuremyi wanyu yamanuye? nabo bazokwishura bati:- Imana yatumanuriye amahoro hamwe nabagize ibikorwa vyiza ng’aha kw’Isi bazoronka ineza, mu vy’ukuri inzu yo mw’Ijuru niyo nziza cane, kandi niyo nzu nziza yabagamburukira Imana yabo y’ukuri

[31] Imirima y’ubuzima bwabo bwose bazoyinjiramwo hanyuma haze haracamwo imbere yabo inzuzi z’amazi, muriyo bazoronkeramwo ivyo bipfuza mwo vyose, uko niko Imana iriha abayi gamburukira

[32] Bamwe Abamarayika bica bari munzira nziza bakavuga bati:- amahoro y’Imana azoba kuri mwebwe, rero nimwinjire mw’Ijuru kubera ivyo mwahora mugira

[33] Hari ikindi barindiriye abo bahakanyi b’Imana yabo y’ukuri atari uko Abamarayika babashikira canke bashikirwe n’itegeko ry’Umuremyi wawe, nivyaba ari uko bagize bamwe bamyeho imbere yabo, n’Imana ntiyaba hemukiye, mugabo nibo bahemukiye imitima yabo

[34] Rero bashikiwe n’amabi y’ivyo bagize, baca bakikuzwa n’ibihano bamye bahora bafata minenerwe

[35] Nayo bamwe bagereranya Imana n’ibindi bintu bavuga bati:- iyo Imana ibishaka ntitwari gusenga icarico cose atariyo yonyene gusa, haba twebwe canke abavyeyi bacu, canke ntitwari kubuza icarico cose atariyo yonyene, rero nivyaba ari uko bagize bamwe bari imbere yabo, mbega hoba hari hejuru y’intumwa z’Imana atari ugushikiriza ubutumwa buri k’umugaragaro gusa

[36] Ntankeka twararungitse intumwa y’Imana ku bantu yuko bosenga Imana yabo y’ukuri, nugutandukana na Shetani mubi, rero harimwo muribo abo Imana yarongoye, hakaba n’abandi bari mubuzimire bwatsimbataye kuribo, rero ni mugendere kuri iy’Isi hanyuma murabe ivyabaye kuribo mumpera yabo bantu bahakanye Imana yabo y’ukuri

[37] Niwaba ufise ishaka rininiya ryukuba rongora, mugabo Imana ntirongora uwutakaza uwundi, kandi ntibazo baronka abazoba tabara

[38] Nabo bararahira kw’izina ry’Imana kundahiro ikomeye cane yuko Imana itazozura abapfuye, none ni kuki itobazura nayo ari indagano yategetswe kuriyo mugabo benshi muribo ntavyo bazi na gatoyi

[39] Kugira ngo ibamenyeshe muvyo batumvikanyeko kandi bamenye abahakanye Imana yabo y’ukuri yuko bari ababeshi

[40] Imvugo yacu kukintu dushaka ngo kibe nukukibwira ngo kibe kigaca kiba ubwo nyene

[41] N’abimutse kubera Imana yabo y’ukuri munyuma yaho bamaze guhemukirwa ntankeka twebwe tuzobicarika ngaha kw’Isi n’ineza ntangere n’impembo y’umusi w’imperuka nininiya cane iyo boyimenya

[42] Bamwe bihanganye n’ukwizera k’Umuremyi wabo

[43] Natwe ntitwarungitse intumwa y’Imana imbere yawe tweretse ubwo butumwa, rero nimubabaze abacibuka mutabizi. atari niba abagabo mwebwe

[44] Kubimenyetso biri k’umugaragaro hamwe n’ibitabu, tukaba twakumanuriye ubutumwa kugira ngo usigurire abantu ivyamanuriwe kuribo kugirango biyumvire

[45] Mbega barabemeje muri bamwe bagira ingeso mbi yuko Imana itazoba cinyiza kuri iy’Isi canke batazo shikirwa n’ibihano bivuye aho batazi

[46] Canke Imana ntizobafata mukugenda kwabo hirya no hino hanyuma ntibaze bashobore kuyica muminwe yayo

[47] Canke ntizobahana mukubagabanya buhoro buhoro, mu vy’ukuri Umuremyi wanyu n’intungane, kandi niyo nyene impuhwe zihagije

[48] Mbega ntibabibona ibintu vyose Imana yaremye mugihe ibitutu vyavyo bikikuje kuva iburyo n’ibubamfu, kandi bipfukamira Imana imitwe yabo iri hasi mugihe bifise ubugamburutsi nyakuri

[49] Vyose bipfukamira Imana imitwe nayo iri hasi, kubigira mw’ijuru no kw’Isi haba mubikoko hamwe n’Abamarayika nabone batishima

[50] Batinya Umuremyi wabo ari hejuru yabo, nukugira ivyo bategetswe

[51] N’Imana yaravumereye iti:- ntimugire Imana ngo zibe zibiri, mu vy’ukuri niwe Muremyi umwe wenyene gusa, rero nimuntinye jewe gusa

[52] Nirwiwe ibiri mw’Ijuru no kw’Isi, n’amasengesho yose akwiriye wenyene gusa k’umisi yose, mbega muzotinya uwutari Imana

[53] N’imigisha yose mufise niyavuye ku Mana hanyuma mugihe muhuye n’ivyago ivyarivyo vyose muca mutakambira kuriyo

[54] Hanyuma ibakuriyeko ivyo vyago vyose, umurwi umwe muri mwebwe uca ugereranya Umuremyi wabo n’ibindi bintu

[55] Barahakana kuri yamigisha twabahaye, rero nibanezerwe gatoyi, ubu vuba niho muzotahura amabi yanyu

[56] Nabimwe muvyo twabahaye babashiriraho Imana zabo batazi ivyo bagirirwa, kw’izina ry’Imana ntankeka mwebwe muzobazwa kuvyo mwahora mwadukana navyo

[57] Begeka ku Mana yuko ifise abigeme, nininahazwe kubwayo mugihe kuribo bishakira abo bikundiye nabo ari abahungu

[58] Umwe muribo aronse inkuru yukuvuka k’umwana w’umwigeme, uca ubona mumaso yiwe hirabuye nukwuzuramwo agahinda

[59] Agaca yinyegeza n’abantu kubera iyo nkuru mbi yabwiwe, mbega abane n’ico kibondo kubera agahinda canke amuhambe mw’ivu, nimwumve ubwo bubisha bwabo nayo mategeko yabo

[60] Imana zabo batemera, Imana yabo y’ukuri hamwe n’umusi w’imperuka barafise uburorero bubi, n’Imana niyo nyene ihayagizwa ry’iteka, kandi niyo ifise ubushobozi n’ubuhizi buhagije

[61] Mbega iyo Imana ihana abantu kubera ibicumuro vyabo, ntiyosigaje n’igikoko nakimwe kuri iy’Isi, mugabo irabarindiriza kugeza kugihe categekanijwe, hagera ico kiringo ntibashobora kurorezwa n’isaha n’imwe canke ntibashobora kuyitanguzako

[62] Bayiha Imana muvyo badashaka n’imvugo zabo zivugisha ububeshi yuko bazoronka amahirwe, ntankeka abo bantu babikiwe umuriro udahera nabo bazo wusuzwamwo

[63] Kw’izina ry’Imana twebwe twararungitse intumwa z’Imana ku bantu babayeho imbere yawe, mugabo Shetani yarabasharijije ibikorwa vyabo, kuri ivyo rero ubu niyo mugenzi wabo, nabo bazoronswa ibihano bibabaza cane

[64] Ntitwa kumanuriye iki gitabu atari uko wobasigurira muvyo batumvikana ko, hanyuma habe uburongozi n’impuhwe ku bantu bemera Imana yabo y’ukuri

[65] N’Imana niyo yamanuye amazi avuye mw’ijuru, no kuri iyo Si irayi remurura mugihe yari yarapfuye, mu vy’ukuri muri ibi vyose harimwo ikimenyetso ku bantu bumva

[66] Ntankeka no mubikoko harimwo ibitekerezo bininiya kubera mwebwe, kuko tubanywesha mubiri munda zavyo no mubiri hagati y’umwanda wavyo no mumaraso yavyo, hakabamwo amata meza ku bantu bayanywa

[67] Nomuvyamwa vy’imitende hamwe n’imizabibu nivyo muhingurira mwo ibinyobwa biboreza nukuronkeramwo imigisha myiza, mu vy’ukuri muri ibi vyose harimwo ibitekerezo ku bantu bakoresha ubwenge bwabo

[68] N’Umuremyi wawe yarabwiye inzuki yuko zokwiyubakira amazu yazo kumisozi no kubiti hamwe no kubitiba vyubatswe n’abantu

[69] Hanyuma mufungure kuvyamwa vy’ubwoko bwose, kandi uce munzira y’Umuremyi wawe yoroheje gucamwo, hava munda zavyo ibinyobwa bifise amabara atandukanye, murivyo harimwo urukizwa kubantu mu vy’ukuri harimwo ibitekerezo ku bantu bafise ivyiyumviro

[70] N’Imana niyo yabaremye kandi niyo ibica, no muri mwebwe harimwo abasubizwa mubuzima bubi cane, kugeza naho atamenya n’ikintu nakimwe n’ubwenge yahorana nabwo, mu vy’ukuri Imana niyo ifise ubumenyi hamwe n’ubushobozi bukwiye

[71] N’Imana yarabahaye iteka bamwe muri mwebwe gusumba abandi kubijanye n’imigisha yayo, na bamwe bahawe iyo migisha ntibasubiza iyo migisha yabo kubo batunze n’amaboko yabo y’iburyo, kugira ngo bangane kuri iyo migisha, mbega bahakana imigisha y’Imana

[72] N’Imana yarabaremeye abakenyezi nkuko namwe mumeze, hanyuma ibahezagira kuva kubakenyezi banyu ibibondo hamwe n’abuzukuru, nukuba hezagira ibintu vyiza vyiza, mbega baremera ibitari ivy’ukuri n’uguhakana imigisha y’Imana

[73] Nabareka Imana yabo y’ukuri, nugusenga abatabafitiye imigisha nagatoyi, haba iyivuye mw’Ijuru canke ng’aha kw’Isi, kandi ntabubasha bw’ikintu nakimwe bafise

[74] Ntimugirire uburorero ku Mana, mu vy’ukuri Imana niyo ifise ubumenyi, namwe ntanakimwe muzi

[75] Imana itanga akarorero k’umushumvyi atunzwe na Sebuja nawe ataco yishoboje, n’uwundi nawe tukaba twamuhaye imigisha myiza ivuye kuri twebwe, nawe akaba atanga muri iyo migisha mumwiherero canke k’umugaragaro, none abo bantu barangana ikenguruko ryose ni ry’Imana, mugabo benshi muribo ntavyo bazi

[76] N’Imana itanga akarorero k’abantu babiri, umwe muribo n’ikiragi adashoboye n’ikintu nakimwe nawe afise ingorane na Sebuja wiwe, kuko aho amweretse kuja nta nakimwe amumarira, mbega uyo muntu angana nurya ategeka ibintu vy’ukuri nawe ari hejuru y’inzira igororotse

[77] Ntahandi hari amabanga y’Amajuru hamwe n’ibiri kw’Isi atari ku Mana, kandi ntihari kuba ijambo ry’umuhero w’Isi atari uko vyari kuba nkugukoma urugohe canke kuba hafi yaho cane, mu vy’ukuri Imana niyo nyene ubushobozi bw’ibintu vyose

[78] N’Imana niyo yabakuye munda z’abavyeyi banyu mugihe mutari muzi n’ikintu nakimwe, itako ibaha n’amatwi hamwe n’amaso hamwe n’imitima kugira ngo mushobore gukenguruka

[79] Mbega ntibabona ingene inyoni zikoreshwa ziri mukirere c’ijuru, rero ntawuzi zitira mukirere kugira ngo ntizikoroke atari Imana yonyene gusa, ntankeka muri ibi vyose harimwo ibitekerezo ku bantu bemera Imana yabo y’ukuri

[80] N’Imana yarabahezagiye amazu yanyu ngo abe aribwo buraro bwanyu kandi ibahezagira amazu y’inshato z’ibikoko mubona yuko yoroshe mugihe c’ingendo zanyu n’igihe c’ukuruhuka kwanyu, no kw’isufi zavyo hamwe no kumoya yazo n’imishatsi yazo, hamwe no kubikoresho bakoresha mugihe kirekire

[81] N’Imana mubintu yaremye yarabagiriye ibintu bizana igitutu, nukubagirira amazu ari mumisozi, kandi ibagirira impuzu zibakingira ubushuhe, n’impuzu z’ivyuma zibakingira mugihe c’ingwano zanyu, uku rero niko Imana ibakwiriza imigisha yayo kugira ngo muyigamburukire

[82] Nibahakana sikuri wewe atari ugushikana ubutumwa bwawe buri k’umugaragaro

[83] Barafise ubumenyi bw’imigisha y’Imana mugabo barayihakana, kandi benshi muribo n’abahakanyi b’Imana

[84] N’Umusi tuzorengutsa ivyabona ku bantu bose hanyuma ntibazo kwemererwa kubahakanye Imana yabo y’ukuri, canke ntibazobwirwa ngo nimusabe ikigongwe

[85] Na bamwe bahemukiye imitima yabo mugihe bazobona ibihano vy’Imana, ntibazo gabanirizwa ivyo bihano, kandi ntibazohabwa ikindi kiringo

[86] Nayo abagereranije Imana n’ibindi bintu mugihe bazobona abo bagereranije Imana n’ibindi bintu bazovuga bati:- Muremyi wacu, aba nibo bagereranywa bacu b’Imana y’ukuri twahora dusenga aho kugusenga wewe Mana yacu, niho bazobabwira iri jambo abo bagereranya Imana n’ibindi bintu yuko mu vy’ukuri mwebwe muri ababeshi

[87] No kuri uwo musi w’imperuka bazokwemera amategeko yose imbere y’Imana, kandi bazokwibagira ivyo bahora badukana navyo

[88] Abahakanye Imana yabo y’ukuri nukuzitira inzira y’Imana, tuzo bongereza ibihano hejuru y’ibindi bihano kubera ubwononyi bwabo

[89] N’umusi tuzohagarika ivyabona kubantu babo bose bababona kubijanye nabo, hanyuma tukuzane nawewe ube muvyabona hejuru yabo, natwe twakumanuriye iki gitabu gisigura ibintu vyose, kandi kirimwo uburokoke n’imigisha hamwe n’inkuru z’umunezero ku bantu bemeye yuko ari aba Isilamu

[90] Mu vy’ukuri Imana itegeka ibintu vy’ubutungane, hamwe nukugira impuhwe hamwe nuguha abagenzi, hamwe n’ugutuza abafise umwanda w’amabi n’ubuhemu, kandi ikaba kebura kugira ngo mushobore kumenya nugukurikira

[91] Nimukwize indagano mutanga kw’izina ry’Imana mugihe muzitanze, kandi ntimuze mudohoke kurizo mugihe mwamaze kuzemeza, mugihe mwamaze kuyigira Imana kuba ariyo cabona canyu, mu vy’ukuri Imana niyo ifise ubumenyi bw’ivyo mugira vyose

[92] Kandi ntimube nkawa mukenyezi yaca urunyuzi rwiwe ibice bice mugihe rwari rukomeye, hanyuma mugira indahiro zanyu kuba ariyo nzira zuguhendana hagati yanyu, kubera umurwi umwe w’abantu kuba ariwo ufise ubushobozi gusumba uwundi, mu vy’ukuri Imana iriko irabagerageza muri iyo nzira, kandi ntankeka izobibereka k’umusi w’imperuka kuvyo mwahora mutumvikanako

[93] N’Imana iyo ibishaka mu vy’ukuri yari kubagira umurwi umwe wonyene gusa, mugabo ireka hakazimira uwo yishakiye, nukurongora uwo yishakiye, mu vy’ukuri muzobazwa kuvyo mwahora mugira

[94] Kandi ntimugire indahiro zanyu kuba ariyo nzira yuguhendana hagati yany(u, hanyuma ukuguru ntikuze kunyerere munyuma yaho kwari guhagaze neza, n’uguhonja amabi yanyu kubera ukuzitira inzira y’Imana nukuronka ibihano bininiya cane)

[95] Kandi ntimugurishe indagano z’Imana kukiguzi ataco kimaze, n’ibiri ku Mana nivyo vyiza kuri mwebwe nimwaba mutahura neza

[96] Ivyo mufise vyose bizohera, n’ibiri ku Mana nivyo bizoramba, mu vy’ukuri twebwe tuzoha impembo zabigumije kuvyo bahora bagira

[97] Abagira ineza mubagabo no mubagore nabo ari aba Isilamu, twebwe tuzobahindurira ubuzima bwiza nukubaha impembo zabo niniya cane kubera ineza bahora bagira

[98] Niwaba ushaka gusoma iyi Qur’ani ntagatifu, ni wikingire ku Mana yawe ikurinde na Sheteni yavumwe n’Imana

[99] Mu vy’ukuri Shetani ntabubasha ifise kuri barya bemeye Imana yabo y’ukuri n’abizera Umuremyi wabo

[100] Ubushobozi bwayo nikuri barya bantu bayigira basoma mbike bayo no hejuru yabagereranya Imana n’ibindi bintu

[101] Mugihe duhinduye ijambo ry’Imana kurindi jambo, n’Imana nayo ikaba ifise ubumenyi bw’ivyo imanura, baca bavuga bati:- wewe wiyadukije gusa, mugabo benshi muribo ntabumenyi bafise

[102] Vuga uti:- Mutima mweranda niwo wamanuye kuva k’Umuremyi wawe w’ukuri, kugira ngo bemeze kuri bamwe bemeye Imana yabo y’ukuri yuko uburongozi hamwe n’inkuru nziza kuba Isilamu

[103] Ntankeka turazi neza yuko bavuga bati:- hariho umuntu amwigisha ururimi rw’uwo batumberezako, n’imvugo y’abanyamahanga, n’iyi n’imvugo y’ururimi rw’icarabu rutomoye neza

[104] Mu vy’ukuri bamwe batemera amajambo y’Imana y’ukuri, Imana ntizobarongora, mugabo bazoronka ibihano bibabaza cane

[105] Abadukana ububeshi nibarya batemera amajambo y’Imana y’ukuri abo rero nibo babeshi

[106] Uwuhakana Imana yiwe y’ukuri munyuma yubu Isilamu bwiwe, nuko dukuyemwo uwategetswe nawe umutima wiwe uturuye kw’idini rya Isilamu, mugabo uwugururiye igikiriza ciwe k’ubuhakanyi bw’Imana, abo nibo ishavu ry’Imana rizoba hejuru yabo, kandi bazoronka ibihano bininiya cane

[107] Ivyo vyose nukubera yuko bakunze cane ubuzima bwo ng’aha kw’Isi gusumba ubuzima bwo mw’Ijuru, kandi nuko Imana itarongora abahakanyi b’Imana

[108] Abo nibo bantu Imana yazivye imitima yabo n’amatwi yabo, hamwe n’amaso yabo, abo rero nibo bibagiwe bimwe vy’ukuri

[109] Ntankeka yuko abo bantu aribo bantu bari muruhombo rwo k’umusi w’imperuka

[110] Hanyuma mu vy’ukuri Umuremyi wawe kuri barya bimutse munyuma yukugira ingorane z’ibihano, hanyuma bakarwanira idini hamwe n’ukwihangana, ntankeka Umuremyi wawe inyuma y’ibi vyose niyo ifise ikigongwe cinshi n’impuhwe zihagije

[111] Umusi waho umutima wumw’umwe wese uzoshika kwiregura, n’umutima wumw’umwe wese uzorihwa kubikorwa wagize, kandi nabo ntibazo hemukirwa

[112] N’Imana ibatangirako akarorero kugisagara cari gifise amahoro n’umutekano ntangere, imigisha yaco yagishikira kubwinshi buvuye kumpande zose, mugabo barahakanye imigisha y’Imana, kuri ivyo rero Imana ica irambika ico gisagara impuzu y’ikigoyi n’ubwoba kubera ivyo bahora bagira

[113] Yarabashikiye intumwa y’Imana ivuye muribo mugabo barayihakanye, rero ibihano vyarabashikiye mugihe bonyene bari bihemukiye kumitima yabo

[114] Nimufungure kuvyo Imana yabahaye, arivyo vyarekuriwe n’amategeko kandi vyiza, kandi mukengurukire imigisha y’Imana mu vy’ukuri nimwaba muyisenga bimwe biboneka

[115] Yarababujije gufungura kubikoko vyapfuye vyonyene hamwe n’amaraso, n’inyama z’ingurube hamwe n’ivyabazwe kw’izina ritari iry’Imana, mugabo uwugeramiwe n’ikigoyi canke atiyonkoye kandi atarenze imbibe mu vy’ukuri Imana niyo ifise ikigongwe cinshi hamwe n’impuhwe zihagije

[116] Kandi ntimuvuge kubera ububeshi buvugishwa n’indimi zanyu zivuga yuko:- ibi n’ibirekuriwe n’amategeko y’Imana, nibi navyo ntibirekuriwe n’amategeko y’Imana, rero ntimuze mwadukane n’ububeshi ku Mana, mu vy’ukuri bamwe badukana ububeshi ku Mana ntantsinzi bafise

[117] N’umunezero mukeyi nabo bazoronka ibihano bibabaza cane

[118] N’abayahudi twarababujije kuvyo twababwiye kuva kera, natwe ntitwaba hemukiye ahubwo nibo bonyene bahemukiye imitima yabo

[119] Hanyuma mu vy’ukuri Umuremyi wawe kuri barya bagize amabi yabo kubujuju bwabo hanyuma bagaca basaba ikigongwe kuri ivyo bagaca bagira ibikorwa vyiza, ntankeka Umuremyi wawe munyuma y’ivyo vyose niyo ifise ikigongwe cinshi n’impuhwe zihagije

[120] Mu vy’ukuri intumwa y’Imana Ibrahimu (iii) yari indongozi nubugamburutsi ku Mana bimwe bikwiye, kandi ntiyari mubantu bagereranya Imana n’ibindi bintu

[121] Yarashimira imigisha y’Imana, nukumutora hamwe nuku muyobora munzira igororotse

[122] Duca tumuha ubugira neza, kuri iy’Isi mu vy’ukuri niwe k’umusi w’imperuka azoba ari mu bantu beranda

[123] Hanyuma tukwereka yuko ukurikira imigenzo y’intumwa y’Imana Ibrahimu (iii) agamburuka bimwe bikwiye, kandi ntiyari mu bantu bagereranya Imana n’ibindi bintu

[124] Mu vy’ukuri umusi wa gatandatu wagenywe kubera abatumvikana kuwo musi, mu vy’ukuri Umuremyi wawe azocira urubanza ruzoba hagati yabo k’umusi w’imperuka kuvyo bahora batumvikana ko

[125] Bahamagare munzira y’Umuremyi wawe, ukoresheje ubuhizi n’ubutumwa bwiza, hanyuma uharire nabo munzira nziza, mu vy’ukuri Umuremyi wawe niwe afise ubumenyi bw’ukumenya uwatakaye munzira yiwe, nawe niwe abazi abarongotse

[126] Nimwihorana nimwihore neza naneza nkuko mwabonewe, rero nimwihangana mu vy’ukuri ivyo nivyo vyiza ku bantu bihangana

[127] Niwihangane, n’uwihangana kwawe ntikube atari kubera Imana gusa, kandi ntugire agahinda kubera abo bantu, kandi ntube mu bantu batuntuye kubeera ingeso zabo bagira

[128] Mu vy’ukuri Imana iri kumwe nabamwe bayigamburukira hamwe n’abagira ineza

[1] Iteka niryiwe uwatwaye umushumvyi wiwe mw’ijoro imukuye mw’isengero ritagatifu ry’IMakkat kugeza aho imushikana kw’isengero rya kure ryitiriwe (Baytul’muqaddas) ariwo twahezagiye ivyari muriwo kuruhande rwayo kugira ngo twereke bimwe mubimenyetso vyacu, mu vy’ukuri Imana niyo yumva n’ukubona

[2] Twaramuhaye intumwa y’Imana Mussa (iii) igitabu, hanyuma tukigira kuba ariyo ndongozi kuri bene Israeri, mugabo Imana yababwiye iti:- ntimuyigire iyizobakingira gusumba jewe

[3] Mwebwe ruvyaro rwa bamwe twadugije mubwato hamwe n’intumwa y’Imana Nuhu (iii) mu vy’ukuri yari umushumvyi ashima

[4] Twarabiberetse bene Israeri mugitabu ca Taurati yuko atankeka kuri mwebwe yuko muzogira ubwononyi kuri iy’Isi incuro zibiri, kandi mu vy’ukuri muzo kwishima bimwe birengeje urugero

[5] Nihashika isango ryambere ryubwo bwononyi uko ari bubiri bubiri niho tuzobazanira abanu bacu bafise ibitero bikaze cane, nabo bazo kwinjira mubisagara vyanyu kumpande zose, nayo ikazoba ari indagano yagenywe

[6] Hanyuma tuzobagarurira ubushobozi bwanyu hejuru yabo, hanyuma tubongereze amatungo n’ibibondo, hanyuma tubagire abantu b’umurwi muniniya kubasumba

[7] Rero nimwagira ineza mwigirira kumitima yanyu, hanyuma nimwagira inabi naho muyigirira kumitima yanyu nyene, nihashika igihe c’isango ryanyuma kugira ngo batetereze amaso yanyu, hanyuma bace binjira mw’isengero nkuko binjiyemwo ubwambere, hanyuma bonone ivyo bonona bininiya cane kugeza kukiringo bazoba kubutegetsi bwabo

[8] Nkumbure Umuremyi wanyu azobagirira impuhwe, nimwa garuka naho tuzogaruka, natwe twagize umuriro udahera witiriwe Jahannamu kuba ariryo bohero kubera abahakanyi b’Imana

[9] Mu vy’ukuri iyi Qurani ntagatifu irongora munzira igororotse y’ukuri, kandi ikabaha inkuru nziza kuba Isilamu bagira ibikorwa vyiza, yuko bazoronka impembo niniya cane

[10] Nayo bamwe batemera umusi w’imperuka twarabateguriye ibihano bibabaza cane

[11] N’umuntu yama asaba ishari nkuo yama asaba amahoro, kuko umuntu n’umwe afise igihababu c’ibintu

[12] Twagize Ijoro n’Umutaga kuba ari ibimenyetso bibiri, hanyuma duca duhanagura ikimenyetso c’Ijoro duca tukigira ikimenyetso c’Umutaga ariwo muco kugira ngo murondere imigisha ivuye k’Umuremyi wanyu, kandi mumenye yuko igitigiri c’imyaka hamwe n’ibindi bintu, n’ibintu vyose twara bimenyesheje neza na neza

[13] N’umuntu uwariwe wese twara mutekereye ibikorwa mw’izosi ryiwe, hanyuma k’Umusi w’imperuka niho tuzo musohorera igitabu ciwe azosanga cuguruwe

[14] Nusome igitabu cawe, n’umutima wawe uno musi urahagije kuguharurira

[15] Uwarongotse aba arongotse kumahirwe y’umutima wiwe wenyene, nuwazimiye nawe azimira kuruhombo rw’umutima wiwe wenyene, kandi ntazo kwikorera uwuzo kwikorera itu ry’uwundi muntu, natwebwe ntituri mubazo hanisha abantu kugeza aho tuzoba rungikira intumwa y’Imana

[16] N’igihe dushakiye guhonya igisagara dutegeka abo bononyi, bareke kugira amabi yabo, mugabo baguma babandanya n’ubwo bwononyi bwabo, aho niho imvugo iba ijanye n’ingiro kuribo, nuguca duhonya ico gisagara akagirire

[17] N’ibinjana bingahe twahoneje munyuma y’intumwa y’Imana Nuhu (iii), n’Umuremyi wawe arahagije kubera ibicumuro vy’abashumvyi biwe yuko ariwe ibafitiye ubumenyi n’ukubibona

[18] Uwushaka umunezero wo ngaha kw’Isi vyihutirwa tuzobimuha ningoga na ningoga muvyo dushaka kuwo twishakiye, hanyuma twamugiriye umuriro udahera witiriwe Jahannamu azo kwinjiramwo nawe akengerwa n’ukwirukanwa hirya no hino

[19] N’uwushaka Ijuru n’ukwihanganira ibikorwa vyiwe mugihe ari umu Isilamu, rero uko kwihangana kwabo kuzoba ari uko gushimirwa

[20] Abo bose duha aba hamwe nabariya kw’itanga ry’Umuremyi wawe, n’itanga ry’Umuremyi wawe ntizikingirwa

[21] Nurabe ingene twahezagiye bamwe muribo gusumba abandi, kandi ntankeka Ijuru niryo riryo rifise iteka rininiya gusumba hamwe n’imigisha myinshi gusumba iyindi

[22] Ntugire iyindi Mana hamwe n’Imana y’ukuri hanyuma ntuze uterweko n’umwikomo hamwe n’ukubura uwuzo gutabara

[23] N’umuvyeyi wawe yaciye urubanza rwuko mutazosenga uwariwe wese atari Imana yonyene gusa, hamwe nukugirira ineza ntangere abavyeyi bose uko ari babiri, hanyuma umwe muribo ageze muzabukuru muri kumwe nabo, canke bose uko ari babiri, rero ntubabwire ijambo rivuga riti:- Ah! kandi ntuba kankamire, kandi ubavugishe imvugo y’urupfasoni rwiza

[24] Kandi ubamanurire ibaba ry’ubu gamburutsi hamwe n’ikigongwe hanyuma uvuga uti:- Muremyi wanje, nubahezagire nkuko bandeze nkiri uruhinja

[25] Umuremyi wanyu niwe afise ubumenyi bw’ibiri mumishaha yanyu, nimwaba muri mubantu beranda kuriyo n’uwuzoba girira ikigongwe kubantu bagaruka muruhongore rwiwe

[26] Kandi umuhe incuti yawe ibikenewe kuriwe, n’umworo hamwe n’uwononekewe ari murugendo, kandi ntusesagure amatungo yawe nabi nabi

[27] Mu vy’ukuri abakoresha amatungo yabo nabi nabi abo nibo bagenzi b’ama Shetani, na Shetani niyo nyene guhakana Umuremyi wayo

[28] Niwaba hakana mugabo urondera imigisha y’Umuremyi wawe wizera, rero nuvugane nabo amajambo yoroshe

[29] Kandi ntugire ukuboko kwawe nkukwabohewe mw’izosi ryawe, canke ntukuzingurure nabi nabi bazoca baguterako umwikomo nukurwa mubukene

[30] Mu vy’ukuri Umuremyi wawe azingururira imigisha yayo kuwo yishakiye, nukuyima uwo yishakiye mu vy’ukuri nayo kubashumvyi bayo niyo ibazi nukuba bona

[31] Kandi ntimuhekure ibibondo vyanyu mugutinya ubukene, ni twebwe tubaha imigisha yacu hamwe namwe, mu vy’ukuri ukubica n’igicumuro kininiya cane

[32] Kandi ntimwegere ubushurashuzi mu vy’ukuri ubwo bushurashuzi n’umwanda muniniya cane, kandi n’inzira mbi cane

[33] Kandi ntimwice umutima waho Imana yabujije kuwica atari munzira y’ukuri, n’uwiciwe munzira z’ubuhemu tuzomuha inguvu uwuzo sigarira, kandi mu vy’ukuri azofashwa

[34] Kandi ntimwegere amatungo y’Impfuvyi atari munzira nziza kugeza aho izo mpfuvyi zizoba zageze mubigero vy’ugukura, kandi mwitegereze amasezerano yanyu mu vy’ukuri amasezerano azobazwa k’umusi w’imperuka

[35] Kandi nimukwize ibipimo mupimirako, kandi mupime kuminzani ikwiye, ivyo navyo nivyo vyiza kuri mwebwe kandi bikaba ari vyiza mumpera ya vyose

[36] Kandi ntukurikire uwudafise ubumenyi mu vy’ukuri amatwi hamwe n’amaso n’umutima, ivyo vyose bizobazwa

[37] Kandi ntugire kuri iy’Isi wishima, mu vy’ukuri wewe ntushobora gusatura iy’Isi, canke ngo ushikire k’uburebure bw’Imisozi yayo

[38] Ibi vyose ububi bwavyo nubwo gushavuza imbere y’Umuremyi wawe

[39] Ibi vyose nimuri vyabindi Umuremyi wawe yakweretse mubuhizi bwayo, kandi ntushire hamwe n’Imana izindi Mana ntuze utabwe mumuriro udahera witiriwe Jahannamu bagutako umwikomo nuwirukanwa hirya nohino

[40] Mbega Umuremyi wanyu niwe yabatoreye ibibondo vy’abahungu, nawe kubwiwe yigirira ibibondo vy’ukuri mwebwe muvuga amajambo akoma komeye

[41] Kandi turamaze kuku menyesha muri iyi Qur’ani ntagatifu kugira ngo bashobore kwibuka, mugabo ntaco bibafasha mwo atari ukuyanka gusa

[42] Vuga uti:- iyo bobaye hamwe n’Imana hamwe n’izindi Mana nkuko bivugira bari kurondera iyindi nzira yoba shikana Kumana

[43] Irisukuye Imana kandi iri kure n’ivyo bavuga vy’ukuba kure yivyo cane

[44] Amajuru yose uko ari indwi hamwe n’Isi hamwe n’ibirimwo vyose kandi ntakintu nakimwe kiriyo atari uko kininahaza Imana nkuko bayininahaza kuvyiza vyayo vyiza, mugabo mwebwe ntimutegera ukugene ihayagizwa kwayo, mu vy’ukuri Imana n’intungane, kandi niyo ifise ikigongwe gihagije

[45] Mugihe uriko urasoma iyi Qur’ani ntagatifu ni nuko twashize hagati yawewe no hagati yabamwe batemera umusi w’imperuka uruzitiro rupfutswe neza

[46] Twashizeho imipfundikizo mumitima yabo kugira ngo ntibaze batahure ibiriwo no mumatwi yabo tuhashiramwo uburemere bw’ukutumva, rero mugihe uvuze Umuremyi wawe muri iyi Qur’ani ntagatifu yonyene baca bahindukiza imigongo yabo n’ishavu ryinshi cane

[47] Turazi neza impamvu z’ivyo bumviriza n’igihe bakwumviriza nigihe bongorerana n’igihe abo bahemu bahemukiye imitima yabo bavuze bati:- mwebwe ntawundi muntu mukurikira atari umuntu yarozwe

[48] Namwe nimurabe igene bakugirirako uburorero n’ukuzimira, kuri ivyo ntibashobora kuronka inzira ibashikana k’ukuri kwama

[49] Nabo bavuze bati:- mbega mugihe tuzoba turi amagufa masa nukuba ibihimba vyamaze kuba ubuvungu vungu, tuzozurwa tube ibindi biremwa bishasha

[50] Vuga uti:- nimube amabuye canke ivyuma

[51] Canke mube ikiremwa icarico cose mubiremwa biboneka yuko bikomeye mumitima yanyu, aho niho bazovuga bati:- ni nde azodusubiza nkuko twamye? Nawe bishure uti:- n’urya yabaremye ubwa mbere, aho niho bazozunzagiza imitwe yabo hanyuma bavuge bati:- ibi vyose bizoba ryari? Wewe vuga uti:- nkumbure vyoba biri hafi

[52] Bizoba umusi Imana izoba hamagara namwe muzoyitaba muyikengurukira, kandi muzotegera yuko mutabaye ngaha kw’Isi atari umwanya mugufiya cane

[53] Kandi ubwire abashumvi banje imisi yose bavuge amajambo meza, kuko Shetani yama ikokeza urwanko hagati yabo, mu vy’ukuri Shetani ku bantu n’umwansi aboneka neza k’umugaragaro

[54] Umuremyi wanyu arabazi cane, ishatse izoba girira impuhwe, kandi ibishatse izoba hana, natwe ntitwakurungitse kuba umuhagaritsti kuribo

[55] N’Umuremyi wawe arabazi neza cane abari mu Majuru yose no kw’Isi mu vy’ukuri intumwa z’Imana twaraziteye iteka gusumba izindi nintumwa y’Imana Daudi (iii) niwe twahaye igitabu c’Imana gitagatifu ca Zaburi

[56] Vuga uti:- nimu hamagare bamwe muvuga yuko arizo Mana nukureka Imana yonyene kugira ngo ibakurire ivyago bibashikira, ntibazo shobora kuba kurikira ivyago shari canke kuba hindurira kugira ngo abe amahoro

[57] Abo babasaba barondera ukuba hafi n’Umuremyi wabo n’abari hafi cane muribo bizeye imigisha yayo hamwe n’abatinya ibihano vyayo, mu vy’ukuri ibihano vy’Umuremyi wawe nivyugutinywa

[58] Ntihazoba igisagara icarico cose atari uko twebwe tuzogihonya imbere y’umusi w’imperuka, canke tuzowuhane ibihano bikaze cane, ibi nivyanditswe mugitabu canditswe mwo ibintu vyose

[59] Ntakituzitira kuzana ibitangaro mugabo nuko abantu bakera babihakanye, duca tubaha abantu bo kwa Thamudu Ingamiya y’inyana kuba arico kimenyetso kiri k’umugaragaro mugabo baramuhakanye, natwe ntidutwara ivyo bimenyetso atari ukubagabisha

[60] Mugihe twakubwira duti:- mu vy’ukuri Umuremyi wawe aramaze kubakikuza abo bantu babi, kandi natwe ntitwagize yandoto twakwereka atari ukuba gerageza abantu n’igiti cavumwe canditswe mugitabu c’Imana gitagatifu ca Qur’ani nukuba gabisha, mugabo ntaco vyabongereje atari ukwiyonkora kuniniya

[61] Mugihe twabwira Abamarayika duti:- nimu pfukamire intumwa y’Imana Adamu (iii), bose baramu pfukamiye dukuyemwo uwitwa Ibilisi yavuze ati:- mbega jewe nopfukamira umwe waremwe mw’ivu

[62] Avuga ati :- urabona uyu wahaye iteka gusumba jewe, rero umpaye umwanya kugeza k’umusi w’imperuka, ntankeka jewe nzohonya uruvyaro rwiwe rwose dukuyemwo bakeyi gusa

[63] Imana ivuga iti:- mvira ngaho uwuzo gukurikira muribo mu vy’ukuri umuriro udahera witiriwe Jahannamu niwo uzoba ari impembo yanyu ikwiye

[64] Niwegeranye abo ushoboye bose muribo kw’ijwi ryawe kandi wegeranye aburira ifarasi n’abagenda n’amaguru, kandi ushigikirane nabo mumatungo yabo hamwe n’ibibondo vyabo, kandi ubemerere mugabo Shetani ntiha abagira indagano atari z’ububeshi gusa

[65] Mu vy’ukuri abashumvyi banje ntabutegetsi ubafitiyeko, n’Umuremyi wawe arahagije kuba ariwe abakingira

[66] Umuremyi wanyu nurya aba gendeshereza amato yanyu mubiyaga kugira ngo murondere imigisha yayo, ntankeka niyo nyene impuhwe kuri mwebwe bantu

[67] Mugihe mushikiwe n’ingorane muri mukiyaga, haca hazimira bamwe bitwa yuko arizo Mana dukuye mwo Imana y’ukuri, mugabo ibashikanye amahoro kw’Isi, muca muyihakana, yamara umuntu yama ahakana imigisha y’Imana

[68] Mbega muremeje yuko Imana itazoba honya kuruhande urwarirwo rwose rwo kw’Isi, canke itazo bazanira Isegenya ry’umusenyi hanyuma ntimuronke uwuzoba kingira

[69] Canke mwiyemeje yuko itazoba subiza mukiyaga ubugira kabiri n’ukuba zanira igihuhusi gikaze cane kigaca kibibiza muri ayo mazi kubera ubuhakanyi bwanyu, hanyuma ntimuze muronke uwuzoba shigikira hejuru yacu kuri ivyo

[70] Mu vy’ukuri abantu twarabateye iteka ntangere, tubaha nivyo burirako bari ngaha kw’Isi no mubiyaga, n’ukubaha ibintu vyiza vyiza, kandi tubaha n’iteka ntangere gusumba benshi mubo twaremye kw’iteka rininiya cane

[71] Umusi tuzoba hamagara abantu bose hamwe n’abayobozi babo, rero abazoronswa ibitabu vyabo mu maboko y’iburyo, abo nibo bazosoma ibitabu vyabo n’akanyamuneza ntangere, kandi ntibazo hemukirwa naho hoba ikiri hagati yicamwa kimeze nk’urunyuzi rw’icamwa c’itende ntibazo hemukirwa n’ikintu nakimwe

[72] N’uwuzoba ari impumyi kuri iy’Isi amenye yuko azoba ar’impumyi k’umusi w’imperuka, nawe azoba ari uwazimiye inzira

[73] Mu vy’ukuri bari hafi cane yuko wohakana kuvyo twagushikirije kugira ngo ushobore kwadukana ibitari ibi, aha rero ntankeka bari kukugira umugenzi wabo mukuru

[74] Iyo tutagu tsimbataza wari kuba hafi yabo yukuba tumbera gatoyi

[75] Aho ntankeka twari kugu honjesha ibihano bikoma komeye bijanye n’ubuzima bwo ngaha kw’Isi hamwe n’ibihano bininiya vyo mubuzima bwo mw’ijuru, hanyuma ntiwari kuronka umufasha w’ukugukingira kuri twebwe

[76] Mu vy’ukuri baregereje kukwirukana mugisagara kugira ngo bagukureyo, kandi nabo ntibari kubayo munyuma yawe atari mukiringo kigufiya cane

[77] Izo nizo ngeso zabamwe twarungitse imbere yawe muntumwa zacu, kandi ntuzoronka ihindagurika ry’ingeso zacu

[78] N’uhagarike amasengesho mugihe Izuba ryahengamye kugeza kumwijima w’ijoro, kandi ntureke gusoma iQur’ani yo mugicugu, mu vy’ukuri gusoma iQur’ani ntagatifu mugusenga igisabisho co mumutwenzi nikiba gikora niwemwo n’Abamarayika

[79] No mw’ijoro niwikuremwo itiro mugusoma iyi Qur’ani ntagatifu mumasengesho yawe, kuko ayo niyo masengesho wongerejeko nkumbure Umuremyi wawe yokudugiriza iteka rihayagizwa hose

[80] Nuvuge uti:- Muremyi wanje, nunyinjize mubwinjiriro bwiza, kandi unsohore ahantu hisohokero ryiza kandi umpe inguvu zivuye iwawe zifasha

[81] Uvuge uti:- ukuri kwashitse n’ikinyoma kirazima nganye

[82] Natwe turamanura muri iyi Qur’ani ntagatifu mugihe ari urukizwa hamwe n’impuhwe kubantu bemera Imana yabo y’ukuri, kandi ntaco bibongereza abo bahemukiye imitima yabo atari uruhombo gusa

[83] Mugihe duhaye umuntu imigisha yacu aca ayanka nukuja kurundi ruhande, mugihe ahuye n’ivyago aca adebukirwa

[84] Vuga uti:- umwe wese akora ibikorwa vyiwe munzira ziwe, n’Umuremyi wacu niwe afise ubumenyi bw’uwarongotse munzira bakurikira

[85] Urabazwa inkuru ijanye n’umutima, wewe nuvuge uti:- Umutima n’ikintu kijejwe n’Umuremyi wanje, namwe ntimwahawe kubijanye n’ubumenyi atari ikintu gitoyi gusa

[86] Ntankeka iyo dushaka twari gukura muvyo twaguhaye, hanyuma ntiwari kuronka kuri iri jambo uwu kurwanira hejuru yacu

[87] Atari kumpuhwe zivuye ku Muremyi wawe, mu vy’ukuri imigisha yayo iri hejuru yawe ni mininiya cane

[88] Vuga uti:- naho bokoranya abantu bose hamwe n’ibisigo vyose kugira ngo bazane ivyoba bimeze nkiyi Qur’ani ntagatifu, ntibari gushobora kuyizana iyimeze nkiyi Qur’ani ntagatifu, naho bofashanya bamwe n’abandi

[89] Ntankeka twaramenyesheje abantu muburyo bwinshi buri muri iki gitabu ceranda ca Qur’ani kuburorero butagira uko bungana, mugabo abantu benshi barahakana atari ubuhakanyi bwabo gusa

[90] Baravuze bati:- twebwe ntidu shobora kukwemera kugeza aho uzo tuzanira isoko ry’amazi mri iki gisagara cacu

[91] Canke ube ufise umurima w’ivyamwa vy’imitende hamwe n’imizabibu, hanyuma ucishe mwo inzuzi hagati yayo ashunguruka ari menshi cane

[92] Canke udusenyurire ijuru ribe ibimanyu manyu nkuko wavyivugiye, canke utuzanire Imana hamwe n’Abamarayika tubibonere amaso kuyandi

[93] Canke ube ufise inzu y’inzahabu, canke uduge mw’ijuru, kandi ntituzo kwemera kw’uko kuduga kwawe utatumanuriye igitabu tugisome, nawe vuga uti:- nihaninahazwe Imana yanje ntagatifu kuko jewe sinari kuba atari uko nd’intumwa y’Imana gusa, sindi umumarayika canke Imana

[94] Ntacabujije abantu kwemera Imana y’ukuri mugihe wabashikira n’uburongozi atari uko bavuze bati:- mbega Imana ihora irungika umuntu kuba intumwa yayo

[95] Vuga uti:- iyo haba ng’aha kw’Isi Abamarayika bagenda bitonze, ntankeka twari kuba manurira kuva mw’Ijuru Abamarayika kuba arizo ntumwa zabo

[96] Vuga uti:- Imana irahagije kuba ariyo cabona hagati yanje na mwebwe, mu vy’ukuri niyo ibazi neza abashumvyi biwe, kandi iraba bona

[97] Uwo Imana yarongoye uwo niwe yarongotse, kandi ireka umuntu akazimira, rero wewe ntuzoba ronsa ababakingira batari Imana yonyene gusa, kandi tuzo begeranya k’umusi w’imperuka mugihe bazoba bakwegwa hejuru y’amaso yabo, nabo ari impumyi n’ibiragi hamwe n’abatumva, hanyuma ubwicaro bwabo n’ubwo mumuriro udahera witiriwe Jahannamu naho usinziriye gatoyi duzoca tubongereza ibindi bihano

[98] Iyo niyo mpembo yabo kubera yuko bahakanye ivyemezo vyacu, baca bavuga bati:- mbega mugihe tuzoba amagufa masa, hamwe n’ibimanyu vyavungaguritse, tuzozurwa ngo dusubire kuba ibiremwa bishasha

[99] Mbega ntibabonye yuko Imana yaremye Amajuru n’Isi ikaba ariyo ifise ubushobozi bw’ukurema abameze nkabo? Kandi yaraba shiriyeho umwanya udafise amakenga mugabo abahemukiye imitima yabo y’ukuri barahakanye ibintu vyose atari ukubandanya n’ubuhakanyi bwabo gusa

[100] Vuga uti:- mbega iyo muganza ububiko hamwe n’imigisha y’Umuremyi wanyu, ntankeka mwari kuzitira mugutinya kuyakoresha, n’umuntu n’ingumyi cane

[101] Mu vy’ukuri twarahaye intumwa y’Imana Mussa (iii) ivyemezo bishika icenda biri kumugaragaro, ariko ni mubabaze bene Israeri mugihe yabashikira hamwe na Fir’auni ababwi ati:- mu vy’ukuri jewe ndakubona yuko wewe Mussa (iii) warozwe

[102] Intumwa y’Imana Mussa (iii) yishura Fir’auni iti :- ntankeka wewe uramaze kumenya yuko atawamanuye ibi ivyemezo nk’ibi atari Umuremyi w’Amajuru n’Isi, kuba arivyo vyemezo mu vy’ukuri jewe ndakubona yuko wewe Fir’auni umaze kuba uri mubantu batakaye

[103] Rero Fir’auni yashatse kubirukana mugihugu cabo, kuri ivyo twaciye tumwibiza hamwe nabo bari kumwe nabo bose

[104] Hanyuma munyuma yaho twabwiye bene Israeri duti:- nimwicare muri iki gisagara nihashika isango ry’umusi w’umuhero w’Isi tuzoba zana mwese muri hamwe

[105] Kubera ukuzana ukuri kwama ngaha kw’Isi niho twamanuye iyi yamanutse, kandi ntitwakuzanye ngo ube umutanzi w’amakuru meza n’uwutuza

[106] N’iyi Qur’ani ntagatifu twayigabuye mwo ibice bitandukanye kugira ngo ubasomere abantu kugituro n’ikindi, kandi twayimanuye buhoro buhoro kugira ngo yorohe gufata mumutwe

[107] Vuga uti:- ni mwemere iyi Qur’ani canke ntimuyemere, mu vy’ukuri bamwe bahawe ubumenyi imbere yukumanuka kw’iyi Qur’ani ntagatifu, mugihe bayisomewe baca barwa hasi bubamye n’ugushira imitwe yabo hasi

[108] Bavuga bati:- Umuremyi wacu n’umutagatifu, mu vy’ukuri indagano itangwa n’Umuremyi wacu irakwiye

[109] Bama barwa hasi bubamye, bararira n’ukubongereza ubugamburutsi ntangere

[110] Vuga uti:- nimusabe kw’izina ry’Imana canke musabe kw’izina rya nyene imigisha canke kw’izina iryariryo ryose muyi hamagarira ko, kuko ifise amazina meza meza, kandi ntusome iyi Qur’ani kw’ijwi rininiya, canke ntuyisome kw’ijwi rigufiya, nawe uri muma sengesho yawe mu vy’ukuri ahubwo nufate inzira iri hagati y’izo

[111] Kandi uvuge uti:- ihayagizwa ryiza ryose niryo rikwiye Imana, kuko itigiriye ikibondo, kandi idafise umufasha mubwami bwayo, kandi ntamugenzi ifise kubera ukuti shobora kwayo bw’ugukenera icarico cose, kandi uhayagize kwihayagizwa rimwe rininiya

[1] Ndakengurukiye Imana yamanuriye umushumvyi wayo iki gitabu gitagatifu, kandi ntiyakigize ngo kibemwo amahinyu

[2] Giteguwe neza kugira ngo gituze abantu kubijanye n’ibihano bivuye ku Mana, kandi kibahe inkuru nziza bamwe bemera ari nabo bagira ibikorwa vyiza yuko bazoronka impembo nziza

[3] Bazobamwo mubuzima bwabo bwose

[4] Hanyuma ico gitabu kibatuze bamwe bavuga bati:- Imana yarigiriye ikibondo

[5] Ntabumenyi bafise buri hejuru yiri jambo canke abavyeyi babo, kandi n’ijambo rihambaye rivuye muminwa yabo, kandi ntibashobora kuvuga atari ububeshi gusa

[6] Kumbure wota umutima wawe mw’ihumbi kubera agahinda, n’ingene nabo batemera ibiganiro vyacu ubashikiriza

[7] Mu vy’ukuri twebwe twagize ibiri hejuru y’Isi ngo bibe arivyo bisharizo vyaryo, kugira ngo turabe uwariwe muribo mubagira ibikorwa vyiza cane

[8] Mu vy’ukuri ni twebwe tugira gutyo kubiri hejuru yiy’Isi, kuba ari Isi y’ubugararwe

[9] Mbega wiyumvira yuko abantu bo mw’Isenga hamwe n’abafise amakuru yanditswe mubitabu bari mubantu b’ibitangaza vyacu

[10] Iyo misore mugihe yirukira mw’isenga baciye bavuga bati:- Muremyi wacu, n’uduhe imigisha ivuye kuri wewe, kandi utugirire uburokoke kubintu vyacu vyose

[11] Duca tuziba amatwi yabo bari mw’isenga kukiringo c’imyaka mwinshi cane

[12] Hanyuma turabazura kugira ngo tumenyeshe igiki kiri muri iyo mirwi uko ari ibiri yaharuye neza na neza ikiringo babayeyo muri iryo senga

[13] Twebwe tukumenyesha inkuru zabo z’ukuri, kuko mu vy’ukuri iyo miyabaga bari mubemeye Umuremyi wabo bimwe bivuye k’umutima, natwe turabongereza uburokoke

[14] Hanyuma tubaha inguvu mumitima yabo mugihe bahagarara bavuga bati:- Umuremyi wacu n’Umuremyi w’Amajuru n’Isi, na twebwe ntituzo kwigera dusenga narimwe iyindi Mana itari Imana yonyene y’ukuri, ntankeka twebwe tuzoba twavuze ikinyoma kigaritse

[15] Aba bantu bacu bagize izindi Mana atari Imana y’ukuri, none ni kuki batazana hejuru yabo ivyemezo biri k’umugaragaro, none ni nde muhemu mukuru gusumba uwubeshera Imana y’ukuri

[16] Mugihe mwari mwavavanuye nabo hamwe n’ivyo basenga aho gusenga Imana y’ukuri, rero nimwirukire mw’isenga niho Umuremyi wanyu azobugururira imigisha yayo, nuku borohereza mubintu vyanyu vyose

[17] Urabona Izuba mugihe riserutse rica kure y’isenga ryabo k’uruhande rw’iburyo, mugihe bugorovye naho ribacako k’uruhande rw’ibubamfu nabo bari ahantu harangaye muri iryo senga nyene, ivyo rero nimu bimenyetso vy’Imana kuko uwo Imana yarongoye uyo niwe muntu yarongotse, nayo uwo Imana yaretse kuzimira ntuzo muronkera uwuzo mukingira wukumu rongora

[18] Umengo barakanuye nabo basinziriye, natwe tuba hindura kuruhande rw’ibiryo no kuruhande rw’ibubamfu n’imbwa yabo igoroye amaboko yayo iri kw’irembo, wobabonye mu vy’ukuri wociye uhindukira ningoga na ningoga wiruka, mu vy’ukuri wari kugira ubwoba kuribo

[19] Rero uku niko twabazuye kugira ngo babazanye hagati yabo, umwe mubavugizi babo avuga ati:- mwabayeho igihe kingana gute?Nabo bishura bati:- tubaye ngaha umusi umwe canke igice c’umusi, nabo bishura bati:- Umuremyi wanyu niwe afise ubumenyi cane bw’ukumenya ikiringo mwabayeho, rero nimu rungike umwe muri mwebwe abe afise aya mahera yanyu aje mugisagara kuraba ivyo bifungurwa, hanyuma arabe ivyiza murivyo gusumba, hanyuma abazanire muri ivyo bifungurwa, kandi agire ivyo bintu k’ubukerebutsi ntangere kandi agire ivyo bintu n’ubwenge kandi ntabavuge k’umuntu n’umwe

[20] Kuko nibabamenya aho muri bazoba tera iminana canke bazoba subiza mw’idini ryabo barimwo, aho naho ntantsinzi muzoba mufise na gatoyi

[21] Uku niko twaba menyesheje kubantu kugira ngo bamenye yuko indagano y’Imana ari iy’ukuri kandi umusi w’imperuka atankeka urimwo, mugihe bashamirana hagati yabo kubera ijambo ryabo, abandi baca bavuga bati:- nimwubake inyubakwa hejuru yabo, kuko Umuremyi wabo arabazi neza, nabo baca bavuga bamwe batsinda k’urubanza rwabo bati:- ntankeka twebwe tuzokwubaka isengero hejuru yabo

[22] Bazovuga bati:- hari abantu batatu n’uwakane muribo yari imbwa yabo, n’abandi bavuga bati:- bari abantu batanu, n’uwagatandatu muribo yari imbwa yabo, bavuga ivyo batazi, n'abandi bavuze bati:- bari abantu indwi, nuw’umunani muribo yari imbwa yabo, n’uvuge uti:- Umuremyi wanje niwe afise ubumenyi bw’igitigiri cabo bantu neza na neza, ntawufise ubumenyi atari bakeya gusa, rero ntuharire nabo bantu atari kubihari bibayabaye, kandi ntubaze inkuru zabo kuwariwe wese

[23] Kandi ntuvuge ikintu icarico cose yuko nzokigira ejo

[24] Atari uko Imana yabishatse, kandi wibuke Umuremyi mugihe wibagiye icarico cose hanyuma uvuge uti:- nkumbure Umuremyi wanje azondongora munzira iri hafi cane w’uburokoke gusumba ubu naronse

[25] Barabaye muri iryo senga imyaka amajana atatu, bararenzako iyindi myaka icenda

[26] Vuga uti:- Imana niyo ifise ubumenyi bukwiye bw’ukumenya ikiringo c’imisi babayeyo, n’amabanga yose y’amajuru n’Isi nirwiwe, nayo Imana ibona gute nukwumva kwayo? Nabo ntibafise uwubakingira atariyo yonyene gusa kandi nayo ntifashanya n’umuntu uwariwe wese kumategeko yayo

[27] Kandi usome muvyo washikirijwe mubutumwa warungikiwe buri mugitabu c’Umuremyi wawe, kandi ntawushora guhindura amajambo yayo, na wewe ntuzoronka ubuhungiro bw’ukuyihunga ngo ntikuronke aho uri

[28] Kandi wifatanye nabamwe basenga Umuremyi wabo kuva mugitondo no kumugoroba, nabo bipfuza kuronka impuhwe zayo, n’amaso yawe ntabasimbe mukurondera ibisharizo vy’ubuzima bwo ngaha kw’Isi, kandi ntugamburukire bamwe twibagije imitima yabo nugu kurikira ivyipfuzo vyabo yishakiye, n’ivyabo bikaba vyararenze imbibe

[29] N’uvuge uti:- uko niko kuri kuvuye k’Umuremyi wanyu, rero uwushaka niyemere, n’uwudashaka nawe nahakane, mu vy’ukuri twabateguriye abahemukuye imitima yabo umuriro udahera, impome zawo zizoba zibakikuje hose, basaba imfashanyo yukuronswa amadahurwa kubera inyota yabafashe, rero bazofashwa muguhabwa amazi ameze nk’umujumpu wabijijwe uzoturira amaso yabo, ico n’ikinyobwa kibi cane, kandi n’ahantu habi cane hameze gute

[30] Mu vy’ukuri bamwe bemeye Imana yabo y’ukuri nukugira ibikorwa vyiza, mu vy’ukuri twebwe ntituzo takaza impembo z’abagize ibikorwa vyiza

[31] Abo bantu bazoronka imirima y’ubuzima budahera, icamwo inzuzi z’amazi imbere yabo, muri iryo juru bazosharizwa n’imyambaro yo mumaboko y’inzahabu, hanyuma bambare impuzu z’urwatsi rubisi zihwahutse n’izindi ziremereye begamiye bari hejuru y’ubusaswa busharije neza, n’impembo nziza imeze gute ? Kandi n’ahantu heza hameze gute hukuruhukira

[32] N’ubagirire akarorero k’abantu babiri umwe muribo twamugiriye imirima ibiri y’imizabibu, hanyuma tuyikikuzako ibiti vy’imitende hanyuma hagati yiyo mirima tuyishiramwo ibiterwa mbumbarugo

[33] Iyo mirima yose uko ari ibiri yaruzuyemwo ivyamwa kandi ntana kimwe cagabanutse muriyo, no muriyo twaha cishijemwo inzuzi

[34] Akaba yari afise n’ayandi matungo hanyuma abwira mugenzi wiwe nabo bariko baraharira nawe avuga ati:- jewe ndafise amatungo menshi kugusumba, hamwe n’inguvu nyinshi kugusumba, kubera yuko mfise n’abankurikira benshi

[35] Aca yinjira mumurima wiwe nawe yidoga muguhemukira umutima wiwe avuga ati:- sinibaza nagatoyi yuko uwu murima wanje wokwononekara

[36] Kandi sinibaza yuko hazoba umusi w’umuhero w’Isi, ninasubizwa ku Muremyi wanje ntankeka nzohasanga icicaro ciza gusumba iki

[37] Mugenzi wiwe amubwira nawe amwishura ati:- mbega uramuhakanye uwakuremye agukuye mw’ivu, no kw’ima ry’intanga, hanyuma nukugira umuntu akwiye

[38] Mugabo Imana niyo Muremyi wanje, kandi Umuremyi wanje sindamu gereranya n’ikindi kintu

[39] N’igihe winjiye mumurima wawe wavuze uti:- ibi vyose mfise nivyo Imana yanshakiye kumpa, n’ubushobozi ntiburonswa atari ubuhawe n’Imana, niwambona mfise aya matungo makeyi hamwe n’ibibondo bikeyi gusumba wewe

[40] Kumbure Umuremyi wanje azompa ibindi vyiza gusumba uwo murima wawe n’ukuyiteramwo imituragaro y’inkuba ivuye mw’ijuru ugasanga iyo Si ibaye ubugararwa gusa bunyerera

[41] Canke amazi yayo akaba ari ayibira kugeza naho udashobora kuyaronka

[42] Ivyamwa vyayo biba birakikujwe, aca atangura kugaragura ibiganza vyiwe kubijanye n’akigoro yagize, ibiti navyo biba vyahenutse biri hejuru y’ibitsina vyavyo, n’uguca avuga ati:- iyo ntagereranya Umuremyi wanje n’ikindi kintu

[43] Kandi ntiyari afise abantu bamufasha inyuma y’Imana yonyene, canke kuri wenyene ngo yifashishe

[44] Iyo mw’Ijuru ubwami nubw’Imana gusa yonyene w’ubuzima bwose, kandi niyo nziza kumpembo, kandi niyo nziza yukuzana ingaruka nziza

[45] N’ubagirire akarorero k’ubuzima bwo ngaha kw’Isi, bumeze nk’amazi tumanura avuye mubicu, hanyuma akivanga n’ibiterwa vy’aha kw’Isi hanyuma ivyo biterwa bigahinduka ivyatsi vyumye vyavungaguritse mugihe umuyaga uca ubigurura hirya no hino, n’Imana irafise ubushobozi buri hejuru y’ibintu vyose

[46] Amatungo hamwe n’ibibondo vyanyu n’ibisharizo vy’ubuzima bwo ngaha kw’Isi, n’ibikorwa vyiza bisigara ngaha kw’Isi nivyo vyiza imbere y’Umuremyi wawe kubijanye n’impembo hamwe n’icizero ciza

[47] N’umusi tuzogendesha iyi misozi uzobona iy’Isi igaragara, tuzozura ibiremwa vyose kandi ntituzosiga n’umuntu n’umwe muribo

[48] Kandi abo bantu bazoshengezwa imbere y’Umuremyi wawe bari kumirongo n’iyindi babwirwe bati:- ntankeka muragarutse nkuko twabaremye ubwambere ahubwo mwiyumviriye yuko tutaba shiriyeho iri sango

[49] N’ibitabu bizoshirwa imbere yabo, hanyuma uzobabona abantu babi ingene batekewe n’ubwoba kubera ibiri mubitabu vyabo hanyuma baze bavuge bati:- Yoh! Uguhonywa kwacu nukwuno musi, none nigute ibi bitabu vyacu bitasigaje ikintu nagitoyi canke ikintu kininiya atari uko vyose birimwo, kandi bazosanga ivyo bagize vyose vyaranditswe murico, n’Umuremyi wawe ntashobora guhemukira umuntu uwariwe wese

[50] Mugihe twabwira Abamarayika ngo bapfukamire intumwa y’Imana Adamu (iii) bashize imitwe yabo hasi, barapfukamye bashira imitwe yabo hasi dukuyemwo uwitwa Ibilisi ariyo Shetani yari mubisigo aca arenga amategeko y’Umuremyi wiwe, mbega mwamugize hamwe n’uruvyaro rwiwe kuba ari abagenzi banyu gusumba jewe, mugihe ari abansi banyu? Nibibi cane kubahemukiye imitima yabo nk’abo

[51] Sinaba bereye icabona mukuremwa kw’Amajuru n’Isi canke mukuremwa kw’imitima yabo, kandi sinagize abatakaza kuba abafasha banje

[52] Umusi Imana izovuga iti:- nimu hamagare abafasha banje mubo mwavuze yuko aribo bafasha banje, nabo bazoba hamagara mugabo ntibazo bitaba natwe tuzoba shiriraho uruzitiro hagati yabo kugira ngo ntibabonane

[53] N’abantu babi bazowubona umuriro udahera, kandi bazomenya yuko ari ngombwa kuribo kwinjira muri uwo muriro udahera, kandi ntibazoronka aho bawuhungira

[54] Ntankeka twaraba menyesheje abantu muri ubu buryo n’ubundi buri muri iyi Qur’ani ntagatifu k’uburorero bwose, mugabo ikiremwa muntu cararengeje mubintu vyose kubijanye n’ibihari

[55] Mugabo ntivyakingiye aba bantu kwemera mugihe bashikirwa Muremyi wabo kiretse bashikiwe nk’abaho hambere canke bashikirwe n’ibihano biri k’umugaragaro

[56] Kandi ntituzana intumwa z’Imana atari uko baba bari mubatanzi b’inkuru nziza n’abatuza, nayo abahakanye Imana yabo y’ukuri baraharira kubintu bidafise ukuri nakumwe atari kuri ivyo bintu kugira ngo bahindure ukuri, hanyuma bagira aya majambo yanje hamwe nivyo batujijwe kuba ari ibintu vy’ibijajuro

[57] None ni nde muhemu mukuru gusumba uwibukiijwe amajambo y’Umuremyi wiwe nawe akaba atavyinezweho nukwibagira ivyabayeho kandi vyagizwe n’amaboko yiwe, twebwe twashize mumitima yabo imipfundikizo kugira ngo ntibatahure icarico cose no mumatwi yabo twashizeyo uburemere bw’ukutumva, rero ubahamagaye kubijanye n’uburokoke ntibemera kurokoka

[58] N’Umuremyi wawe niwe nyene ikigongwe cinshi cane hamwe n’Impuhwe zihagije, kuko iyo ibahana kubera ibikorwa vyabo bagize, ntankeka yari kubaha ibihano vy’igihuti huti, mugabo abo bantu barafise indagano ry’ivyo batazo ronka ubuhungiro ubwaribwo bwose bw’uguheshanya nayo

[59] N’ivyo bisagara twarabahoneje mugihe bahemukira imitima yabo, hanyuma tubashiriraho isango ry’uguhonywa kwabo

[60] N’intumwa y’Imana Mussa (iii) mugihe yabwira umusore wiwe ati:- jewe nzobandanya gusa ngenda kugeza aho nzoshika kumahuriro y’ibiyaga bibiri, canke mbandanye ngenda ibinjana n’ibindi kugeza aho nzohura nuwo nshaka guhura nawe

[61] Mugihe bashika bose uko ari babiri, ariho kumahwaniro y’ivyo biyaga uko ari bibiri, baribagiye impamba yabo ariyo fi, nawe aca yifatira inzira yiwe yukuja kukiyaga

[62] Bamaze gushika imbere intumwa y’Imana Mussa (iii) ibwira wamusore wiwe iti:- nuduhe ibifungurwa vyacu vyo mugitondo kuko urabona yuko turushe muri runo rugendo rwacu

[63] Wamusore amwishura ati:- urabona harya hantu twaruhukiye kuri urya musozi, aho niho nibagiriye yafi yacu, kandi ntawundi yayinyibagije atari Shetani yatumye ndavyibagira, intumwa y’Imana Mussa (iii) aca abandanya urugendo rwiwe aja kukiyaga k’urugendo rw’igitangaza

[64] Intumwa y’Imana Mussa (iii) ivuga iti:- aha niho twashaka gushika, baca basubira inyuma bakurikira inzira yabo

[65] Baca basanga umwe mubashumvyi bacu twahaye imigisha ivuye kuri twebwe nuwo twigishije nuguha ubumenyi bwinshi buvuye kuri twebwe

[66] Intumwa y’Imana Mussa (iii) ibwira wa musore iti:- mbega ndagukurikire kugira ngo unyigishe ibiri muri bwaburongozi wigishijwe

[67] Nawe amwishura ati:- mu vy’ukuri wewe ntushobora kwihangana kuba hamwe nanje

[68] Mbega ushobora kwihangana gute kubintu utazi ukuri kwavyo

[69] Nawe yishura ati:- Imana ibishatse uzombona ndimu bantu bihangana, kandi sinzohakana itegeko ryawe

[70] Intumwa y’Imana Mussa (iii) imubwira iti:- niwa nkurikira ntusubire kumbaza icarico cose kugeza aho jewe nzotangura kubi kumenyesha

[71] Uko ari babiri baciye bagenda kugeza aho burira ubwato, aca arabu tobora, wamusore aca avuga ati:- mbega utoboye ubu bwato kugira ngo wibize abari muribwo? Mu vy’ukuri ugize icaha kibi cane

[72] Nawe aca avuga ati:- sinakubwiye yuko wewe udashobora kwihangana kuba hamwe nanje

[73] Intumwa y’Imana Mussa (iii) avuga ati:- ntunteko umwikomo kubijanye n’ukwibagira kwanje, kandi ntungirire umukazo wacane kubijanye n’ibi bintu vyanje vy’ugukurikirana na wewe

[74] Bose uko ari babiri baraba ndanya urugendo rwabo kugeza aho bahura n’umusore akiri mutoyi aca aramu gandagura, intumwa y’Imana Mussa (iii) aca avuga ati:- wishe umuntu atagicumuro nawe atishe umuntu, ntankeka ugize ikintu kibi cane

[75] Avuga ati:- mbega sinakubwiye yuko mu vy’ukuri wewe udashobora kwihangana ngo tugumane twese hamwe

[76] Intumwa y’Imana Mussa (iii) imubwira iti:- ninasubira kukubaza ikindi kintu munyuma y’ibi ntuze usubire kungira umugenzi wawe, kuko wewe uramaze kuronka ingenda muvano izoba iturutse kuri jewe

[77] Barasubira kubandanya urugndo rwabo kugeza aho bashikira abantu b’ico gisagara, baca babasaba ibifungurwa baranka kubazimana, baca basanga uruhome rw’inzu yabo rugomba guhenuka, nawe aca ararusanura, intumwa y’Imana Mussa (iii) aca avuga ati:- iyo ubishaka wari kubasaba agashiruka bute

[78] Wa muntu aca avuga ati:- uku niko kuvavanura kwanje jewe nawewe, ubu rero ndakubwijije ukuri kuvyo utashoboye kwihanganirako

[79] Aca avuga ati:- bwabwato bwari ubw’ubwakene bakorera muri ico kiyaga, nkaba nashatse kubwonona kubigirampaka kuko imbere yabo hari Umwami yafata amato meza meza n’ukwishima

[80] Nayo wa musore, abavyeyi biwe bari aba Isilamu babukwiye, duca tugira amakenga yuko atota abavyeyi biwe mubuzimire n’ubuhakanyi bw’Imana y’ukuri

[81] Twashatse yuko Umuremyi wabo yoba hindurira ikibondo ciza gusumba uwo wambere yisukuye neza, kandi ari hafi cane afise n’ikigongwe

[82] Nayo uruhome rwari urw’abana babiri b’impfuvyi bo muri ico gisagara, no munsi y’urwo ruhome hakaba hari ububiko bwabo, n’Umuvyeyi wabo yari mubagira ineza, kuri ivyo rero Umuremyi wawe yashatse yuko boshika mubigero vy’abo hanyuma bashobore kwikurira ubwo bubiko bwabo, uwo n’umuhezagiro uvuye ku Muremyi wawe, nanje sinagize ibi vyose kw’itegeko ryanje, uku niko kuri kw’ivyo utashoboye kwihanganirako

[83] Kandi barakubaza inkuru z’uwitwa Dhul’qar’naini, wewe n’ubabwire uti:- nzoba somera bimwe munkuru ziwe

[84] Nitwebwe twamuhaye inguvu ng’aha kw’Isi duca tumuha n’inzira y’ukuronkeraho ibintu vyose

[85] Aca arakurikira inzira

[86] Kugeza aho yashika kumugoroba yaciye abona Izuba rigorobeye mw’iriba ry’ivyondo vyinshi, aho hantu naho ahasangayo abantu, duca tuvuga duti:- Ewe Dhul’qarnaini, abo bantu n’ubahane canke ubagirire ineza

[87] Nawe abishura ati:- uwahemukiye umutima wiwe tuzomuhana hanyuma azosubizwa ku Muremyi wiwe nawe azomuhana ibihano bibi cane

[88] Nayo uwuzokwemera n’ukugira ibikorwa vyiza azoronka impembo nziza natwe tuzomubwira ibimworoheye mumategeko yacu

[89] Hanyuma aca arakurikira inzira

[90] Kugeza aho yashika mubuseruko bw’Izuba yabonye ribaserukira abantu tudashiriraho uruzitiro ryukuba kingira iryo zuba

[91] Nuko rero twari dufise ubumenyi bw’inkuru zose uko zari zimeze turi kumwe nawe

[92] Hanyuma aca arakurikira inzira

[93] Kugeza aho yashika hagati y’imisozi ibiri yasanze inyuma yiwe hari abantu bashoboye kumenya ijambo babwiwe

[94] Baca bavuga bati:- ewe Dhul’qarnaini, mu vy’ukuri uwitwa Ya’ajuja na Ma’juja nibo bagisibije kuri iy’Isi, mbega tuguhe akarusho kugira ngo udu tandukanirize ibiri hagati yacu hamwe nabo habe uruzitiro

[95] Nawe abishura ati:- ivyo Umuremyi wanje yampaye nivyo vyiza gusumba impembo yanyu mugabo nimumfashe n’inguvu zanyu nanje nzoshira hagati yanyu hamwe nabo uruzitiro rukomeye cane

[96] Nimunzanire ibimanyu vy’ivyuma kugeza aho avyuzuza y’imisozi uko ari ibiri, hanyuma aca avuga ati:- nimuhuhere uwo mukomezwa kugeza aho vyavyuma kuba ari umuriro, aca avuga ati:- nimunzanire ubutare bw’umujumpu bumaze kubira neza ndabusuke kuri ivyo vyuma

[97] Ntiba shoboye kwiyerekana canke ngo batobore ico cuma

[98] Avuga ati:- uwu n’umuhezagiro uvuye ku Muremyi wanje, nihashika isango ry’Umuremyi wanje azowu menagura, nayo indagano y’Umuremyi wanje niy’ukuri kwama

[99] Tuzosiga bamwe muribo kuri uwo musi bagundaranye kubandi, hace havuzwa inzamba y’ukubegeranya hamwe bose

[100] Tuzo wereka icese uwo muriro udahera witiriwe Jahannamu, kuri uwo musi imbere y’abahakanyi b’Imana y’ukuri imbona nkubone

[101] Abo amaso yabo yari muruzitiro mukutitaho ubutumwa bwanje, kandi ntibashobora kubumva

[102] Mbega bamwe bahakanye Imana yabo y’ukuri biyumvira yuko kurya kugira abashumvyi banje kuba aribo babakingira atari jewe, mu vy’ukuri twebwe twarateguye uwo muriro udahera witiriwe Jahannamu ubabere ubushungurukiro bwabo bahakanyi b’Imana y’ukuri

[103] Vuga uti:- mbega tubamenyeshe abafise uruhombo rw’ibikorwa vyabo bagize

[104] Abagize ingoga n’ishaka ngaha kw’Isi zizobabera impfagusa mubuzima bwabo bwo ngaha kw’Isi, nabo bakiyumvira yuko bagize ibikorwa vyiza

[105] Abo nibamwe bahakanye ibimenyetso vy’Umuremyi wabo nukudahura nayo, kuri ivyo ibikorwa vyabo vyasimbiye ahagaragara, kandi ntituzoba hagarikira iminzani k’umusi w’imperuka

[106] Kuri ivyo rero wamuriro witiriwe Jahannamu niyo mpembo yabo kubera yuko bahakanye umuremyi wabo n’ukugirira ibijajuro kumajambo yanje hamwe n’intumwa zanje

[107] Mu vy’ukuri abemeye Imana yabo y’ukuri nukugira ibikorwa vyiza, ubwicaro bwabo buzoba ari ayo Majuru yitiriwe Fir’dausi

[108] Bazobayo mubuzima bwabo bwose, kandi ntibazo kwipfuza kuyavayo

[109] Vuga uti:- naho coba ikiyaga ariryo bara ry’ukwandikira amajambo y’Umuremyi wanje, rero ico kiyaga cari gukama imbere y’uguhera kw’amajambo y’Umuremyi wanje, naho twari kuzana ikindi kiyaga nk’ico c’ukwongereza ko ayandi mazi

[110] Babwire uti:- ntankeka jewe nd’umuntu nkamwe, nshikirizwa ubutumwa yuko Imana yanyu ari Imana imwe gusa, rero uwushaka yuko azohura n’Umuremyi wiwe n’agire ibikorwa vyiza, kandi ntaze ayigereranye Imana n’ibindi bintu haba mu masengesho y’Umuremyi wiwe

[1] Kaaf, Hha, Ya, Aayn, Swaad. (Insiguro y’izi ndome hamwe n’uwufise ubumenyi bwazo n’Imana yonyene gusa)

[2] N’icibutso hamwe n’impuhwe z’Umuremyi wawe muguha impuhwe zayo umushumvyi wayo intumwa y’Imana Zakariya (iii)

[3] Mugihe Umuremyi wiwe yamu shikiriza ubutumwa abumu shikiriza mw’ibanga

[4] Avuga ati:- Muremyi wanje, ntankeka amagufa yanje ntagikomeye, n’umutwe wanje usigaye uyagayaga kubera uruyenzi, kandi sinari mfise imigisha mibi Muremyi wanje, muku gusaba wewe

[5] Mu vy’ukuri jewe ntewe n’amakenga kuncuti zanje zo munyuma yanje, n’umutambukanyi wanje n’ingumba, rero ndagusavye umpe uwuzo nsigarira avuye iwawe

[6] Uwuzo nsigarira hamwe n’ugusigarira uruvyaro rwa bene Yaaqubu (iii) kandi umugire wewe Muremyi wanje abe mubantu bakwemera

[7] Ewe Zakariya! Tuguhaye inkuru nziza yuko uzo kwibaruka ikibondo n’izina ryiwe ni Yahya (iii) ntituragira imbere yiwe kuwufise izina rimeze nk’iryo

[8] Nawe avuga ati:- Muremyi wanje, mbega nzoronka gute ikibondo mugihe umutambukanyi wanje ari ingumba nanje nkaba nshitse muza bukuru burengeje urugero

[9] Avuga ati:- nuko nyene bimeze ivyo Umuremyi wawe yavuze yuko ibi vyose ari ibintu vyoroshe kuri jewe, mu vy’ukuri nakuremye kuva kera na wewe ataco wari bwabe

[10] Avuga ati:- Muremyi wanje, nungirire ikimenyetso, nayo imwishura iti:- ikimenyetso cawe nuko utazo shobora kuvugana n’abantu kukiringo c’imisi itatu, mugihe wewe uri muzima

[11] Hanyuma aca aseruka ku bantu biwe ari imbere yaho umuyobozi w’amasengero ahagarara abereka akoresheje ukuboko kwiwe gusa y’uko boninahaza Imana yabo kuva mugitondo no kumugoroba

[12] Ewe Yahya! nufate iki gitabu wahawe n’Imana nkankama, natwe duca tumuha ubuhizi akiri mutoyi

[13] Tumuha n’ikigongwe kivuye iwacu hamwe n’isukuriro nukuba umugamburutsi

[14] N’umugira neza kubavyeyi biwe kandi ntiyari mubishima canke mubiyonkora

[15] N’amahoro y’Imana yari hejuru yiwe kuva k’umusi yavuka, no k’umusi yitaba Umuremyi wiwe, no k’umusi azozurwa ari muzima

[16] N’umuvuge Mariyamu (iii) muri iki gitabu gitagatifu mugihe yatandukana n’umuryango wiwe n’ukugenda ahantu k’uruhande rw’ubuseruko bw’iryo sengero

[17] Aca ahashira uruzitiro rw’ukwikingira n’abantu, duca tumurungikira uwazanye amategeko yacu ariwe Jibrilu (iii) aca yigira nk’umuntu akwiye nkawe

[18] Mariyamu (iii) aca avuga ati:- mu vy’ukuri jewe ndikinze ku Mana nyene impuhwe nyinshi ankingire na wewe niwaba utinya Imana yawe

[19] Wa mumarayika aca avuga ati:- mu vy’ukuri jewe ndi intumwa y’Umuremyi wawe, kugira ngo ndaguhe ikibondo gitagatifu

[20] Mariyamu aca avuga ati:- nshobora gute kuronka ikibondo mugihe jewe ntarakorwako n’umugabo nanje nkaba ntari umugore ashurashura

[21] Wamumarayika avuga ati:- nuko nyene Umuremyi wawe yavuze yuko ari ibintu vyoroshe kuri jewe, kugira ngo tumugireko igitangaro ku bantu bose n’impuhwe zivuye iwacu, n’iri n’ijambo ryaciriwe ko intahe

[22] Mariyamu (iii) aca arasama imbanyi yiwe aca agenda ahantu hakure

[23] Hanyuma ibise bimutwara kugishitsi c’igiti c’umutende avuga ati:- iyo nsandaba imbere y’ibi vyose nkaba nk’uwibagiwe burundu

[24] Mumwanya aca ashikirwa n’ijwi rivuye munsi yiwe rivuga riti:- ntugire agahinda, mu vy’ukuri Umuremyi wawe yamaze kushiraho ikiriba c’amazi aho munsi yawe

[25] Nunyiganze kuri ico gishitsi c’igiti c’umutende hazoca hakoroka ivyamwa vyiza vy’imitende zihiye neza

[26] Hanyuma ufungure n’ukunywa, n’ijisho ryawe riture, niwa bona umuntu uwariwe wese ukubajije inkuru zico kibondo wewe nuvuge uti:- mu vy’ukuri jewe nagize icipfuzo canje ku Mana nyene imigisha y’abantu mu kwisonzesha, kuri ivyo rero jewe uno musi uri hejuru sinzo vugisha n’umuntu n’umwe

[27] Aca agenda nawe kubagenzi biwe ahetse cakibondo ciwe baca bavuga bati:- ewe Mariyamu (iii) mu vy’ukuri wewe uzanye ikintu c’igitangaza

[28] Ewe mushiki w’intumwa y’Imana Haruna (iii) So wawe ntiyari umuntu mubi canke nyoko wawe ntiyari umushurashuzi

[29] Mariyamu yaberetse ca kibondo ngo kibe arico babaza, bavuga bati:- tuganira gute n’uruhinja rukiri mubusaswa bwiwe

[30] Wamwana avuga ati:- mu vy’ukuri jewe nd’umushumvyi w’Imana yampaye igitabu nukungira kuba nd’intumwa y’Imana

[31] Kandi yangize ngo mbe uwahezagiwe ahondi hose, kandi yansigiye iragi ry’ugusenga n’ugutanga imperezwa mugihe nkiri muzima

[32] Yansigiye iragi ryukugirira ineza umuvyeyi wanje, kandi ntiyangize ngo mbe umuntu yishima canke kuba kuba mu bantu babi

[33] N’amahoro y’Imana ari kuri jewe kuva k’umusi mvuka, n’umusi nzosandabira, no k’umusi nzozurwa nukuba muzima

[34] Uwu niwe ntumwa y’Imana Issa mwene Mariyamu (iii) niyo mvugo y’ukuri bagirirako amakenga

[35] Ntibibaho ku Mana kugira ikibondo, ahubwo irisukuye mugihe ishakiye ijambo iribwira gusa kuba rigaca riba

[36] Mu vy’ukuri Imana n’Umuremyi wanje kandi n’umuremyi wanyu, rero nimuyisenge kuko iyi niyo nzira igororotse

[37] Mugabo iyo mirwi yabo bantu babi baracanye mwo bamwe kubandi, rero ibihano bikaze cane bizoba shikira bamwe bahakanye Imana yabo y’ukuri, mugushera kuri uwo musi mukuru

[38] Bazokwumva kandi babone neza na neza kuri uwo musi bazo dushikira, mugabo abahemukiye imitima yabo ubu bari mubuzimire buri k’umugaragaro

[39] Kandi ubatuze k’umusi w’agahinda mugihe itegeko rizoba ryamaze kwemezwa nabo basamaye kandi batemera

[40] Ntankeka twebwe tuzo sigirwa iy’Isi hamwe nabari hejuru yayo, n’iwacu niho bazosubizwa yo

[41] Numuvuge intumwa y’Imana Ibrahimu (iii) muri iki gitabu gitagatifu, ntankeka yari umuntu w’imvuga kuri cane kandi yari intumwa y’Imana

[42] Bibutse mugihe yabwira Se wiwe ati:- ewe data wanje, ni kuki usenga ibitumva hamwe n’ibitabona hamwe n’ibitagufitiye akamaro na kamwe

[43] Ewe data wanje, mu vy’ukuri jewe nashikiwe n’ubumenyi butagushikira, rero n’unkurikire ndakurongore munzira y’ukuri kwama

[44] Ewe data wanje, ntusenge Shetani mu vy’ukuri Shetani niyo idohokera Imana nyene impuhwe zihagije

[45] Ewe data wanje, mu vy’ukuri jewe ntinya yuko woshikirwa n’ibihano bivuye kwa nyene impuhwe zihagije hanyuma ukazoba uri umugenzi wa Shetani

[46] Se wiwe amwishura ati:- mbega wewe urashavujijwe nizi Mana zanje ewe Ibrahimu (iii)? Rero nuta reka ibi uriko uravuga, ni ngombwa yuko nzogutera amabuye, kandi umvireho uje kure yanje, kandi mumwanya mugufiya cane

[47] Intumwa y’Imana Ibrahimu (iii) ivuga iti:- amahoro y’Imana abekuri wewe, jewe nzogusabira ikigongwe ku Muremyi wanje kuko niyo ingirira ikigongwe cane

[48] Nanje ndigiriye nikingiye nivyo musenga biteye kure n’Imana, kandi nzogusabira ku Muremyi wanje kandi sinzobura ico nshaka ndagisavye Umuremyi wanje

[49] Mugihe yavavanura nabo hamwe n’ivyo bahora basenga biteye kubiri n’Imana y’ukuri, twaciye tumuha intumwa y’Imana Is’haqa (iii) hamwe n’intumwa y’Imana Ya’aqubu (iii) n’umwe wese muribo twaciye tumugira intumwa y’Imana

[50] Duca tntumwa y’Imana iubaha impuhwe zacu n’ukuba girira ihayagizwa ry’ukuri ryiza

[51] Kandi uvuge intumwa y’Imana Mussa (iii) muri iki gitabu gitagatifu mu vy’ukuri yari mubatowe n’Imana kandi yari intumwa y’Imana

[52] Twara muvugishije kuruhande rw’iburyo bw’uwo musozi mutagatifu tura mwegereza ngo tuganire natwe mumwiherero

[53] Natwe kumpuhwe zacu tumuha mwene wabo Haruna (iii) ngo abe intumwa y’Imana

[54] Kandi umuvuge muri iki gitabu gitagatifu intumwa y’Imana Ismaili (iii), ntankeka yari imvuga kuri y’indagano nyakuri, kandi yari intumwa y’Imana

[55] Nawe yarategeka abantu biwe kugira amasengesho n’ugutanga imperezwa, kandi yari mubizigirwa imbere y’umuremyi wiwe

[56] Kandi umuvuge muri iki gitabu gitagatifu intumwa y’Imana Idirisa (iii) ntankeka yari mubantu bimvuga kuri cane nukuba intumwa y’Imana

[57] Twaramuhaye iteka ryo hejuru cane

[58] Abo nibo bahawe imigisha n’Imana, muntumwa z’Imana bo muruvyaro rw’intumwa y’Imana Adamu (iii), hamwe no muruvyaro rwabo twakiye hamwe n’intumwa y’Imana Nuhu (iii) hamwe no muruvyaro rw’ntumwa y’Imana Ibrahimu (iii) na bene Israeri, hamwe nabo twayoboye nukuba tora mugihe basomewe amajambo ya nyene Imigisha myinshi baca barwa hasi bunamika imitwe yabo hasi nugu korora amosozi

[59] Mugabo munyuma yabo haciye hategurwa imisore mibi ititaho amasengesho y’Imana n’ugukurikira ivyo imitima yabo mibi yishakiye, kuri ivyo bazohura n’ibihano bikaze cane

[60] Atari uko, nibasaba imbabazi nukuguma bemera Imana yabo y’ukuri nukugira ibikorwa vyiza, abo nibo bantu bazokwinjira mw’ijuru, kandi ntibazo hemukirwa n’ikintu nakimwe

[61] Amajuru adahera y’Imana nyene imigisha mininiya yemereye abashumvyi biwe mumbari, ntankeka indagano yiwe niyizoshika

[62] Muri ayo majuru ntibazo kwumva mwo amajambo y’insaku atari amajambo y’amahoro gusa, kandi bazoronkerayo imigisha yabo yo mugitondo niyo kumugoroba

[63] Iryo niryo juru tuzoba sigira mubashumvyi bacu bamwe mubabaye abatinya Imana yabo y’ukuri

[64] Natwe ntitumanuka atari kw’itegeko ry’umuremyi wawe, kuko ariyo ifise ubumenyi bw’ibiri imbere yacu hamwe n’ibiri inyuma yacu hamwe n’ibiri hagati y’ivyo vyose, n’Umuremyi wawe si uwibagira

[65] Umuremyi w’Amajuru n’Isi hamwe n’ibiri hagati yavyo vyose, rero nimuyisenge yonyene gusa, kandi ubandanye n’amasengesho yayo, mbega uramuzi nyene izina ryiwe

[66] N’abantu bavuga bati:- mbega ninaba narapfuye ni vy’ukuri nzozurwa nsubire kuba muzima

[67] Mbega umuntu ntiyibuka yuko twamuremye imbere yuko ataraba ikintu icarico cose

[68] Rero ndarahiye ku Muremyi wawe yuko mu vy’ukuri abantu bose tuzobegeranya hamwe n’amashetani, hanyuma tuberekana kuruhande rw’umuriro witiriwe Jahannamu, bace bahapfukamira

[69] Hanyuma mu vy’ukuri tuzoba kurayo mumoko yabo yose, bamwe muri barya bahakanye Imana yabo y’ukuri gusumba nyene imigisha ihagije

[70] Kandi mu vy’ukuri twebwe turabazi neza cane abakwiwe guturirwa muri uwo muriro udahera

[71] Kandi nta n’umwe muri mwebwe atari uwuzoshikira uwo muriro udahera witiriwe Jahannamu, kandi ningombwa ku Muremyi wawe yamaze gucira urwo rubanza

[72] Hanyuma tuzorokora bamwe batinya Imana yabo bimwe biboneka, hanyuma dusigaze abahemukiye Imana yabo y’ukuri bapfukamye muri uwo muriro udahera

[73] No mugihe basomewe amajambo yacu ari k’umugaragaro, baca bavuga bamwe bahakana Imana y’ukuri babwira abemeye Imana y’ukuri bati:- ni igiki kiri hagati y’imirwi ibiri ifise ubwicaro bwiza hamwe n’uwufise abantu b’iteka

[74] N’ibinjana bingahe twahoneje imbere y’abo vyari bifise ibisharizo vyiza gusumba n’amaratiro meza cane

[75] Vuga uti:- abari mubuzimire nyene imigisha myinshi izo bongereza ikiringo kugeza aho bazo kwibonera muvyo batujijwe, kumbure vyoba ari ibihano canke n’umusi w’umuhero w’Isi, aho niho bazomenya uwuzoba afise ubwicaro bubi canke n’uwuzoba afise ingabo zidafise ubushobozi

[76] N’Imana yama ibongereza uburokoke bamwe barokotse, n’ibikorwa vyiza bisigara nibirya n’ivyo vyiza mugihe c’impembo yawe imbere y’Umuremyi wawe kandi bikaba ari vyiza mu vyabaye

[77] Mbega wabonye umwe mubahakanye amajambo yacu nukuvuga ati:- mu vy’ukuri jewe narahawe amatungo n’ibibondo

[78] Mbega yaronse inkuru zitazwi, canke yaronse indagano ku Mana nyene imigisha myinshi ihagije

[79] Sivyo none, mu vy’ukuri turandika ivyo avuga vyose, kandi tuzo mwongereza ikiringo kirekire c’ibihano

[80] Tuzotorana muvyo avuga vyose, kandi azo kwishikana wenyene

[81] Baragize izindi mana atari Imana y’ukuri kugira ngo babatere intege mukuba fasha

[82] Oya! Bazohakana amasengesho yabo, kandi bazoba abatumvikana nabo

[83] Mbega ntubona yuko twarungitse amashetani hejuru ya bamwe batemera Imana y’ukuri baguma bakokeza kugira amabi

[84] Rero ntubatware ningoga na ningoga abo bahakanyi b’Imana y’ukuri kugira ngo bahanwe, mugabo duharura igitigiri c’imisi yabo

[85] Umusi tuzo begeranya abatinya Imana yabo y’ukuri tubajana kwa nyene imigisha yuko ari abashitsi bayo

[86] Hanyuma tuzoba sunika abantu babi mumuriro udahera witiriwe Jahannamu mugihe bazoba bafise inyota y’amazi y’umurengera

[87] Ntabushobozi bazoba bafise bwugu sabirwa atari bamwe bafashe amasezerano ku Mana nyene imigisha n’impuhwe zihagije

[88] N’abahakanyi b’Imana bavuga bati:- nyene imigisha ihagije yarigiriye ikibondo

[89] Ntankeka mwazanye ijambo rishavuza cane mukuvuga ibi vyose

[90] Mukuvuga yuko nyene imigisha ifise ikibondo

[91] Nkuko bivugira yuko nyene imigisha ihagije yoba ifise ikibondo

[92] Kandi ntibibaho kwa nyene imigisha ihagije yuko yoba ifise ikibondo

[93] Nta n’umwe ari mw’Ijuru no kw’Isi atari uko azoshika kwa nyene imigisha ihagije mugihe nawe ari umushumvyi wayo

[94] Yabafashe nukuba harura bimwe bikwiye

[95] N’umwe muribo azoshikira Imana yiwe k’umusi w’imperuka ari wenyene

[96] Mu vy’ukuri bamwe bemeye Imana yabo y’ukuri nukugira ibikorwa vyiza, nyene imigisha ihagije izoba girira urukundo

[97] Mu vy’ukuri iyi Qur’ani ntagatifu twarayoroheje mururimi rwawe rw’icarabu, kugira ngo ubashikirize ubutumwa bwayo kubatinya Imana yabo y’ukuri nukuba tuza kuriyo abantu bafise amatati

[98] N’ibinjana bingahe vy’abantu twahoneje imbere yabo, mbega urabona mwo n’umwe muribo canke urumva n’imigambi yabo

[1] Twa,Hha. (Insiguro y’izi ndome hamwe n’uwufise ubumenyi bwazo n’Imana yonyene gusa)

[2] Nti twakumanuriye iyi Qur’ani ntagatifu kugira ngo ugire amakenga

[3] Ahubwo ikubere ubutumwa ku bantu bayigamburukira

[4] N’imanurwa rivuye kuwaremye Isi n’Amajuru yadugijwe hejuru

[5] Niyo Mana nyene imigisha n’inganji iri hejuru y’inyegamo yiwe nyeranda

[6] Ibiri mu Majuru n’ibiri kw’Isi hamwe n’ibiri hagati yavyo hamwe n’ibiri hasi y’Isi vyose nirwiwe

[7] Niwavuga kw’ijwi rininiya mu vy’ukuri Imana niyo ifise ubumenyi bw’amabanga hamwe nivyinyegeje cane biri mumbari

[8] Imana, ntayindi isengwa mu vy’ukuri atari yo yonyene rudende gusa, nayo niyo ifise amazina meza

[9] Mbega warashikiwe n’ikiyago c’intumwa y’Imana Musa (iii)

[10] Mugihe yabona umuriro aca abwira umuryango wiwe ati:- nimu rindire gatoyi mu vy’ukuri jewe nabonye umuriro kumbure ndaba zanira igishirira muri uwo muriro canke ndaza kuronka mwo uwundongora muri uwo muriro

[11] Mugihe yashikayo yarahamagawe abwirwa ati:- ewe Musa (iii)

[12] Ntankeka ni jewe Muremyi wawe, rero niwambure inkweto zawe mu vy’ukuri wewe uri mumwaba mutagatifu witiriwe Twuwaa

[13] Nijewe nagutoye rero niwumvirize ubutumwa ushikirizwa

[14] Mu vy’ukuri nijewe Mana, kuko ntayindi isengwa bimwe vy’ukuri atari jewe jenyene, rero nimunsenge kandi muhagarike amasengesho yose kandi mumpayagiza

[15] Ntankeka umusi w’umuhero w’Isi uzoshika, nanje nkaba nshaka kuwunyegeza uwo musi kubigira mpaka kugira ngo umutima w’umwumwe wese urihwe kuvyo wakoze

[16] Ntibakuzitire kuri ivyo, bamwe batavyemera nugukurikira ivyo imitima yabo yishakira, nawe ntuze urwe muruhombo

[17] None ico kiri mukuboko kwawe kw’iburyo n’igiki ewe ntumwa y’Imana Musa (iii)

[18] Intumwa y’Imana Musa (iii) ibishura iti:- iyi n’inkoni yanje negamira ko kandi niyo mpungurisha ivyatsi kubera ibitungwa vyanje, kandi nkayikoresha mubindi bikorwa

[19] Imana ivuga iti:- nuyite hasi iyo nkoni yawe ewe ntumwa y’Imana Musa (iii)

[20] Arayita hasi, mumwanya ica ihinduka inzoka yiruka cane

[21] Imana ivuga iti:- nuyifate iyo nzoka kandi ntugire ubwoba, ubu rero duca tuyisubiza nkuko yamye aho hambere

[22] Hanyuma ukurikize ukuboko kwawe mukwaha kwawe kuzoca kuvayo kwera derere atanabi gufise kukaba ari ikindi gitangaro kuri wewe

[23] Kugira ngo tukwereke ibitangaro vyacu binini biniya

[24] Nugende kwa Fir’auni, ntankeka niwe yarenze imbibe zagenywe

[25] Intumwa y’Imana Musa (iii) ivuga iti:- ewe Muremyi wanje nunyagurire igikiriza canje

[26] Kandi unyorohereze ibikorwa vyanje wampaye

[27] Kandi unziturire ipfundo riri hagati y’ururimi rwanje

[28] Bashobore gutahura amajambo yanje nzobabwira

[29] Kandi ungirire umushikira nganji wo mumuryango wanje

[30] Mwene wanje Haruna (iii) abe ariwe mufasha wanje

[31] Umuhe ubushobozi bukwiye kuri we

[32] Kandi umushire hamwe nanje muri ubu buzi bwanje

[33] Kugira ngo tuguhayagize cane

[34] Kandi tukuvuge wewe cane na cane

[35] Mu vy’ukuri ni wewe utubona

[36] Imana ivuga iti:- mu vy’ukuri wewe urahawe muvyo ntumwa y’Imana Musa (iii). wasavye ewe

[37] Mu vy’ukuri twarakugiriye impuhwe ubugira kabiri

[38] Mugihe twereka umuvyeyi wawe ivyerekanywe

[39] Yuko woshira ikibondo cawe mw’isandugu hanyuma urishire mumwonga, n’uwo mwonga uzomuta kunkengera yarwo kugira ngo umwansi wanje aze amutore n’umwansi wiwe, kandi nashizemwo urukundo ruvuye iwanje kandi umunye ibiri mumaso yanje

[40] Wibuke igihe mushiki wawe yagenda ku bantu ba Fir’auni avuga ati:- mbega ndaba menyeshe umuntu yomurera? Duca tumusubiza kwa nyoko wawe kugira ngo amaso yiwe anezerwe kandi ntagire agahinda, kandi waragandaguye umuntu duca turakurokora nako gahinda, dutako turaku gerageza kubigeragezo vyinshi hanyuma ubaho imyaka myishi n’abantu bokwa Madiani, hanyuma wagarutse ngaha nkuko vyateguwe ewe ntumwa y’Imana Musa (iii)

[41] Kandi nagutoye kubera jewe ngo ube intumwa yanje

[42] N’ugende hamwe na mwene wanyu mufise ivyemezo vyanje, kandi ntimuruhe mukunyibuka

[43] Nimugende kwa Fir’auni, ntankeka yarengeje akarimbi

[44] Mumubwire amajambo yoroshe nkumbure yoshobora gufata ubwo butumwa canke agatinya

[45] Nabo bavuga bati:- ewe Muremyi wacu mu vy’ukuri twebwe turatinya yuko atorenga akarimbi kubera twebwe canke akatwishima ko

[46] Imana ivuga iti:- ntimutinye, ntankeka ni jewe ndikumwe namwe kuko ni jewe numva kandi mbona

[47] Rero ni mugende iwe kandi mumubwire muti:- mu vy’ukuri twebwe turi intumwa z’Umuremyi wawe, rero n’ubareke abo bene Israeri tujane nabo kandi ntubahane, mu vy’ukuri tukuzaniye ibimenyetso bivuye k’Umuremyi wawe, n’amahoro azoba ari ku bantu bakurikira uburokoke

[48] Mu vy’ukuri twazaniwe ubutumwa yuko ibihano bizoshikira bamwe bahakana aya majambo y’Imana y’ukuri n’ukuyaha umugongo

[49] Fir’auni avuga ati:- Umuremyi wanyu ni nde ewe Mussa

[50] Intumwa y’Imana Musa (iii) amwishura ati:- Umuremyi wacu nurya yahaye ikintu cose ishusho ryaco bwite hanyuma arakirongora

[51] Avuga ati:- mbega ni gute bamyeho mubinjana vyaho hambere mukahise utarashika

[52] Avuga ati:- ubumenyi bwivyo vyose buri k’Umuremyi buri mugitabu cayo, Umuremyi wanje atazimira canke atibagira

[53] Ariyo yabagiriye iy’Isi kuba ubusaswa nukuba girira muriyo amayira hamwe nukuba manurira amazi avuye mubicu, no kuriyo twanagishijeko ubwoko bw’imbuto zitandukanye

[54] Nimufungure kandi murishe ibitungwa vyanyu, ntankeka muri ibi vyose harimwo ibimenyetso ku bantu bafise ubwenge

[55] Kuri iy’Isi niho twabaremeye, no muriyo niho tuzoba subizamwo, no kuva muriyo niho tuzoba kuramwo ubugira kabiri

[56] Mu vy’ukuri twaramweretse Fir’auni ibimenyetso vyacu vyose, mugabo yarabi hakanye aravyanka

[57] Avuga ati:- uje kudukura mugihugu cacu ukoresheje uburozi bwawe wewe Musa

[58] Rero twebwe tuzo kuzanira uburozi bumeze nkubwo bw’iwawe, rero nugire isango riri hagati yacu na wewe, atari ayo twebwe tuzosenyura canke wewe, hanyuma tuze duhurire ahantu hateguwe neza

[59] Intumwa y’Imana Musa (iii) ivuga iti:- isango ryanyu n’umusi mukuru w’ibisharizo n’abantu baze bakoranywe mugitondo

[60] Fir’auni aragaruka nugutegura imigambi yiwe hanyuma arashika n’abarozi biwe

[61] Intumwa y’Imana Musa (iii) ibabwira iti: mwa bantu mwe! ntimwadukane ububeshi hejuru y’Imana ntize ibahanagure kubera ibihano vyayo, nayo uwadukana ibintu ntantsinzi afise

[62] Rero barahaririye kuri urwo rubanza ruri hagati yabo, baca barupfundika mumwiherero

[63] Bavuga bati:- mu vy’ukuri aba bantu babiri n’abarozi bagomba babakura mugihugu canyu bakoresheje uburozi bwabo, kandi bagomba kubakurira imico n’imigenzo yanyu myiza mufise

[64] Kuri ivyo rero nimwegeranye ivyanyu vyose hanyuma muje iwabo mutonze kumirongo, mu vy’ukuri kuri uno musi uri hejuru hazotsinda uwuzotsinda

[65] Bavuga bati:- ewe ntumwa y’Imana Mussa (iii) mbega ni wewe utangura kujugunya canke ni twebwe bambere dutangura kujugunya

[66] Intumwa y’Imana Mussa (iii) ibishura iti:- nimutangure mwebwe kujugunya, bagize gutya baza babona yamigozi yabo hamwe n’inkoni zabo zibonekana imbere y’Intumwa y’Imana Mussa (iii) kubera uburozi bwabo zigenda ningoga na ningoga

[67] Intumwa y’Imana Mussa (iii) ica itangura kugira ubwoba mumutima wiwe

[68] Duca tumubwira duti:- ntugire ubwoba mu vy’ukuri wewe niwe uzoba uri nyene intsinzi

[69] Nujugunye ikiri mukuboko kwawe kw’iburyo, kizoca kimira ivyo vyose bagize, mu vy’ukuri bagize ingeso z’umurozi gusa, nayo umurozi wese ntantsinzi afise ahariho hose

[70] Babarozi bose baratsindwa baca barapfukama bashira imitwe yabo hasi bavuga bati:- turamwemeye Umuremyi w’intumwa y’Imana Haruna (iii) hamwe n’intumwa y’Imana Mussa (iii)

[71] Fir’auni aca avuga ati:- mbega mwamwemeye imbere yuko ndabaha uruhusha, ntankeka niwe mukuru wanyu yabigishije ubu burozi, rero, nzobaca amaboko yanyu hamwe n’amaguru yanyu ndabikabishije ukuboko kw’iburyo n’ukuguru kw’ibubanfu n’ukuboko kw’ibubanfu hamwe n’ukuguru kw’iburyo hanyuma nce ndaba bamba kubishitsi vy’ibiti vy’imitende, ntankeka muzoca mutahura neza uwariwe muri twebwe akaze cane muguhana nukubi bandanya

[72] Nabo bavuga bati:- twebwe ntituzo gutora wewe gusumba vyabimenyetso biri k’umugaragaro vyadushikiye, tukaba turahiye kuwa turemye yuko tutazo gutora, rero nugire ivyo ushaka kugira, wewe urashobora gutanga itegeko rijanye n’ubu buzima bwo ngaha kw’Isi gusa

[73] Mu vy’ukuri twebwe twemeye Umuremyi wacu kugira ngo atugirire ikigongwe kubijanye n’amakosa yacu twagize hamwe n’uburozi bwawe wadutegetse kugira, n’Imana niyo nziza n’iyiramba

[74] Mu vy’ukuri uwuzoshika imbere y’Umuremyi wiwe afise ivyaha, mu vy’ukuri amenye yuko azoronka umuriro udahera witiriwe Jahannamu, muriwo ntazopfira muriwo canke ntazowuba mwo mubuzima bwiza

[75] Nuwuzo shikirwa nawe ari umu Isilamu w’ukuri yagize ibikorwa vyiza, rero abo nibo bazoronswa ubutegetsi bwo hejuru

[76] N’imirima idahera icamwo imyonga imbere y’abo, bakazoba mwo mubuzima bwabo bwose, n’ivyo rero niyo mpembo y’abantu bisukuye

[77] Mu vy’ukuri twebwe twara murungikiye ubutumwa intumwa y’Imana Mussa (iii) ngo atware abantu banje mw’ijoro, hanyuma abagirire inzira yo kunkengera y’ikiyaga rero ntuze utinye gufatwa kandi ntutinye ikintu icarico cose

[78] Fir’auni yaciye aba kurikira ari kumwe n’ingabo ziwe, baca bubikirwa mukiyaga nicabubitse

[79] Na Fir’auni aca atakaza ingabo ziwe zose kandi ntiyashoboye kuzirongora

[80] Mwebwe bene Israeri, mu vy’ukuri twarabarokoye n’umwansi wanyu nuku bemerera yuko mwoja kuruhande bw’iburyo bw’uwo musozi nukuba manurira ubuki bwitiriwe Manna hamwe n’inyoni ziryoshe zitiriwe Salwaa

[81] Nimu fungure muri ivyo bintu vyiza twabahaye mugabo ntimurenge imbibe kuri ivyo, ntimuhave mumanukirwa n’ishavu ryanje, kuko uwozo manukirwa n’ishavu ryanje uyo azoba ari mubatakaye

[82] Mu vy’ukuri jewe ndi mubagirira ikigongwe cinshi cane ku bantu basavye ico kigongwe n’ukwemera bimwe biboneka hamwe nukugira ibikorwa vyiza, kandi akagumana n’uburokoke

[83] None n’igiki catumye wihuta nugusiga abantu bawe ewe ntumwa y’Imana Mussa (iii)

[84] Avuga ati:- bari inyuma yanje bankurikira, nanje naje ndakwihutira wewe Muremyi wanje kugira ngo ungwirize imihezagiro yawe

[85] Imana ivuga iti:- tubashiriyeho ibibazo abo bantu bawe munyuma yawe, nuyo Samiriyyu niwe yabatakaje

[86] Intumwa y’imana Mussa (iii) ica isubira inyuma kubantu bayo n’ishavu ryinshi n’agahinda kenshi, aca avuga ati:- bantu banje mbega Umuremyi wanyu ntiyabemereye indagano nziza? None iyo ndagano yayo yabaye ndende kuri mwebwe canke mwashatse yuko mumanukirwa n’ishavu rivuye ku Muremyi wanyu, kuri ivyo mwarenze kumasezerano yanje

[87] Baca bavuga bati:- twebwe ntitwarenze kumasezerano yawe kugushaka kwacu mugabo twarikorejwe amatu y’inzahabu twatijije ku bantu turayata, uku niko Samiriyyu yabitaye

[88] Aca abazimana intama y’umubiri ukwiye, ifise n’ijwi baca bavuga bati:- iyi niyo Mana yanyu hamwe n’Imana ya Mussa (iii), mugabo uyu Mussa (iii) yibagiye

[89] Mbega ntibabonye yuko iyo ntama ataco ibasubiza mw’ijambo canke ataco baganza mukuba girira inabi canke mukuba girira ineza

[90] Intumwa y’Imana Haruna (iii) yarababwiye kuva kera ati:- emwe bantu banje! Mu vy’ukuri mwebwe mwara teranijwe n’inzigo gusa kuri iki n’IMana ifise impuhwe, rero ni munkurikire kandi mu ngamburukire kumategeko yanje

[91] Nabo bishura bati:- twebwe ntituzoreka namba kumusenga kugeza aho intumwa y’Imana Mussa (iii) azogaruka iwacu

[92] Mugihe intumwa y’Imana Mussa (iii) yagaruka yavuze ati:- ewe Haruna (iii) n’igiki cakubujije kuta nkurikira mugihe wababona bazimiye

[93] Mbega icakubujije kuta nkurikira, mbega wiyonkoye kumategeko yanje

[94] Avuga ati:- ewe mwene Mama wanje, ntunfate kubwanwa bwanje canke kumutwe wanje, mu vy’ukuri jewe naratinye kugira ngo ntuze uvuge yuko ari wewe watandukanije bene Israeri hanyuma ntiwarindira ijambo rivuye kuri jewe

[95] Intumwa y’Imana ivuga iti:- ewe Samiriyyu, vyabaye gute kugira ngo ugire gutyo

[96] Nawe yishura ati:- jewe nabonye ivyo abandi batabonye nca mfata urugendo rugufiya rw’intumwa y’Imana, hanyuma ndaruvamwo, uku rero niko umutima wanje wantumye

[97] Intumwa y’Imana Mussa (iii) ivuga iti:- nugende mu vy’ukuri hazoba kuri wewe mubuzima bwawe uvuga uti:- ntunkoreko wewe ntankeka urafise amasezerano atamenwa kandi urabe Imana yawe wabandanije gusenga, ntankeka tuzo muturira hanyuma tumwibize mukiyaga azimangane burundu

[98] Mu vy’ukuri uwusengwa wanyu n’Imana yonyene gusa, kuko atayindi Mana isengwa bimwe vy’ukuri atariyo yonyene rudende, kuko niyo ikwijije mubintu vyose k’ubumenyi bwayo

[99] Uku niko tukubwira muri zankuru zivyabaye, kandi ntankeka twebwe tuguhaye ubutumwa buvuye kuri twebwe

[100] Abazo kwiyonkora kuriwe mu vy’ukuri k’umusi w’imperuka bazokwikorera amatu y’ibicumuro vyabo

[101] Bazoba muri ivyo bicumuro mubuzima bwabo bwose, naho n’ahantu habi hameze gute k’umuntu kuri uwo musi w’imperuka kwikorera ayo matu y’ibicumuro

[102] Umusi hazovuzwa inzamba nukwegeranya abafise ivyaha kuri uwo musi w’imperuka, mugihe amaso yabo azoba asa n’ubururu kubera ubwoba

[103] Bazo kwongorerana bamwe n’abandi nukuvuga bati:- mbega ntimwabaye kw’Isi atari nk’imisi icumi gutya

[104] Twebwe turafise ubumenyi buhanitse bw’ivyo bazovuga, mugihe bazovuga abantu babo bababona ko aria bantu b’iteka muribo no munyifato zabo, bababwira yuko mwebwe mutabayeho kw’Isi atari umusi umwe gusa

[105] Barakubaza inkuru zijanye n’imisozi, wewe n’ubabwire uti:- Umuremyi wanje azoyisenya gura yose

[106] Azosiga ari imbuga iringaniye neza cane

[107] Ntuzobona kuri iy’Isi ahari ahantu hashunguruka canke ahaduga

[108] Kuri uwo musi bazokurikira uwukeneye icarico cose ataco adafise ubuzimire, hanyuma amajwi yose azo gamburukira ijwi ry’Imana nyene Impuhwe kandi ntuzokwumva atari imidiho y’amaguru y’abantu gusa

[109] Kuri uwo musi ntagisabisho c’uwundi muntu kizofasha atari uwuzoba yahawe uruhusha na nyene Impuhwe hamwe nukumemererwa amajambo yiwe

[110] Imana niyo ifise ubumenyi bw’ibiri imbere yabo hamwe n’ibiri inyuma yabo, kandi nabo ntiba shobora kuyimenya Imana ukuri kwama

[111] N’ayandi maso y’abantu azoteterwa imbere y’Imana ifise ubuzima budahera, igira ibintu vyose, kandi nabononekewe abantu bagira ubuhemu

[112] Nayo uwuzogira ibikorwa vyiza nawe ari umu Isilamu, ntazotinya guhemukirwa canke kwimwa ivyiwe

[113] Uku niko twamanuye iyi Qur’ani ntagatifu mururimi rw’icarabu, kandi tukaba twarasiguye muri ico gitabu umwanya uwariwo wose harimwo ituzwa ry’ubwoko bwose kugira ngo abantu bashobore gutinya n’ukubaha ivyibutso bishasha

[114] Nihaninahazwe Imana rugira vyose Umwami w’ukuri, kandi ntiyihutire iyi Qur’ani imbere mukuyisoma imbere yuko yuguhera kw’ubutumwa bwayo, kandi uvuge uti:- Muremyi wanje nunyongereze ubumenyi bukwiye

[115] Aho hambere twaramuhaye isango intumwa y’Imana Adamu (iii) mugabo yararyibagiye kandi ntitwabonye kuriwe ishaka rininiya

[116] N’igihe twababwira Abamarayika duti:- nimu pfukamire intumwa y’Imana Adamu (iii) baragamburutse bose dukuyemwo uwitwa (Shetani) niwe yanse gupfukamira intumwa y’Imana Adamu (iii)

[117] Duca tuvuga duti:- ewe Adamu (iii) mu vy’ukuri uyu n’umwansi wawe hamwe n’umutambukanyi wawe, rero ntabakure mw’Ijuru muzoba mwitaye mungorane

[118] Mu vy’ukuri iyo mw’ijuru ntuzo sonzerayo kandi ntuzobura ico wambara

[119] Mu vy’ukuri muri ayo Majuru ntuzo nyoterwayo canke ntuzo ronkerayo ubushuhe

[120] Mugabo Shetani yaramwoheje imubwira iti:- ewe Adamu (iii) mbega ndakumenyeshe igiti c’ubuzima budahera hamwe n’Ubwami budahera

[121] Baca batarukira gufungura kuri cagiti uko ari babiri, hanyuma ibitsina vyabo bica birabonekana, baca batangura kwimadika ivyatsi vyo mw’Ijuru, nayo intumwa y’Imana Adamu (iii) ica ihemukira Umuremyi wayo nuguca ihuvya inzira gatoyi

[122] Hanyuma Umuremyi wiwe yaciye imutora nuku mwemerera ikigongwe ciwe nuku murongora

[123] Imana ica ivuga iti:- nimumvire ngaha mwese, mugihe mwabaye abansi kubandi, nimwashikirwa n’uburokoke buvuye iwanje, nayo uwuzo kurikira ubwo burokoke bwanje uwo muntu ntazozimira canke ntazogira ingorane

[124] Nayo uwuzoba kure n’ubutumwa bwanje, mu vy’ukuri uwo muntu azoronka ubuzima bw’ingorane, hanyuma k’umusi w’umuhero w’Isi tuzomuzura nawe ari impumyi

[125] Nawe azokwishura ati:- ewe Muremyi wanje, mbegako unzuye ndi impumyi, nanje nari nkomeye mbona

[126] Imana izovuga iti:- egome nuko nyene washikiwe n’amajambo yacu urayibagira, nawe uno musi uzokwibagirwa

[127] Uku niko tuzohemba umwe wese yimonogoje mukurenga akarimbi n’ukutemera amajambo y’Umuremyi wiwe, kandi ntankeka ibihano vy’umusi w’imperuka birakaze cane kandi n’ibiguma bibandanya igihe cose

[128] Mbega ntivya menyekanye yuko ari ibinjana bingahe twahoneje imbere yabo, n’aba baguma bijanda jandira mumazu yabo, ntankeka muri ibi vyose harimwo ibimenyetso ku bantu bafise ubwenge

[129] Iyo hataba ijambo ryabanje kuba rivuye ku Muremyi wawe, hamwe n’umwanya wagenewe, ntankeka hari gushika ibihano vy’uguhonywa abo bantu babi

[130] Niwihangane kuvyo bakuvuga ko vyose kandi uhayagize Umuremyi wawe hamwe n’ukuyitakambira imbere yaho izuba ritaraseruka n’imbere yaho ritaragoroba hamwe no mumyanya hamwe no mumyanya y’ijoro nahone uyitakambire, no hagati y’umurango kugira ngo uronke ivyo guhumuriza

[131] Kandi ntusamarire n’amaso yawe kuvyo twanezereje bamwe mu bantu muribo, ivyo navyo n’ihiganwa ry’ubuzima bwo ngaha kw’Isi gusa kugira ngo tubahe ibibazo kurivyo, n’imigisha y’Umuremyi wawe niyo myiza cane kandi iguma ibandanya

[132] Kandi utegeke abantu bawe bose gusenga, kandi nawe kubwawe ugume ubandanya nivyo, twebwe ntidugusaba imigisha iyariyo yose ahubwo ni twebwe tuyiguha, n’impera nziza izomenyekana kubatinya Imana yabo y’ukuri

[133] N’abahakanyi b’Imana y’ukuri bavuze bati:- ni kuki atatuzaniye ibitangaro bivuye ku Muremyi wiwe, mbega ntimwashikiwe n’ivyemezo biri k’umugaragaro biri mubitabu vyaho hambere

[134] Iyo tubahonya n’ibihano imbere yukuza kw’iyo ntumwa y’Imana, bari kuvuga bati:- ewe Muremyi wacu ni kuki utatuzaniye intumwa y’Imana tugaca dukurikira ayo majambo yawe imbere yuko twebwe tumaramara gutya n’uguteterwa

[135] Vuga uti:- umwe wese muri twebwe ararindiriye impembo yiwe, rero namwe nimurindire ubu vuba muzotahura uwariwe uwuzoba ari munzira y’ukuri n’uwuzoba ari muburokoke

[1] Hageze aho abantu iharurwa ryabo ry’umusi w’imperuka ryashitse nabo ataco bibuka n’uguhakana gusa

[2] Ntabutumwa bushasha buzobashikira buvuye ku Muremyi wabo atari uko babwumva nabo babifata minenegwe

[3] Imitima yabo yaribagijwe nabo bongorerana mumbari bamwe bahemukiye imitima yabo babwirana bati:- uyu Muhammadi (aui) atari uko ari umuntu nkamwe, noneho mwashikiye kuburozi namwe aho muri mwibonera

[4] Intumwa y’Imana Muhammadi (iii) yavuze iti:- Umuremyi wanje niyo ifise ubumenyi bwibivugirwa mw’Ijuru no kw’Isi, nayo niyo yumva kandi niyo ifise ubumenyi buhagije

[5] Mugabo abahakanyi b’Imana bavuze bati:- ibi vyose n’indoto zivanganye n’izindi, ahubwo nivyo yigiriye kubwiwe, kandi uyu muntu n’umwanditsi yiyandikira amajambo y’ubuhizi gusa, rero natuzanire ibitangaro nkuko barungitswe izindi ntumwa z’Imana zaho hambere

[6] Ntibemeye abari imbere yabo aribo banyagihugu baba Qurayshi bo mugisagara icarico twahoneje, mbega aba bantu bazokwemera

[7] Ntitwaba rungitse imbere yawe atari abagabo twahaye ubutumwa, rero nimubabaze abacibuka nimwaba mwebwe mutabizi

[8] Natwe ntitwabahaye imibiri idafungura ibifungurwa, kandi ntibari kuba ari abantu bokubaho mubuzima bwabo bwose

[9] Hanyuma twarabemereye amasezerano nukubarokora hamwe nabo twishakiye, nuguhonya abamaze kurenga imbibe z’Imana

[10] Ntankeka twaraba manuriye igitabu, murico harimwo ubutumwa kuri mwebwe, mbega ntimutegera

[11] N’ibisagara bingahe twahoneje ku bantu bamye bahemukira imitima yabo, natwe munyuma duca turema abandi bantu

[12] Mugihe bikeka ibihano vyacu, mumwanya baciye batangura kwiruka

[13] Ntimwiruke ahubwo nimugaruke kuvyo mwahora mwinezereza ko mumazu yanyu kugira ngo mubazwe

[14] Nabo bavuga bati:- Oh! mu vy’ukuri twari mubahemukiye imitima yacu

[15] Haca habandanya ivyitwazo vyabo kugeza naho tubagira nk’abatemwe nukuzimwa impwemu zabo nugucikana

[16] Ntitwaremye Amajuru n’Isi hamwe n’ibiri hagati nkugufyinata

[17] Iyo dushaka gufyinata twari kwigirira twebwe nyene nkiyo tuba dushaka gufyinata

[18] Ahubwo ivyo dushaka kugira nibi:- nuguta ukuri hejuru y’ikinyoma kugaca kumena ifufu ry’umutwe hanyuma ikinyoma kikazimangana, n’ibihano vy’Imana birabarindiriye kubera ibi vyose muvuga

[19] N’ibiri mumajuru yose no kw’Isi ni vy’Imana, n’abari iwe ntibishima mukuyi senga kandi ntibaruha

[20] Bayininahaza ijoro n’umutaga kandi ntibadebukirwa

[21] Canke baronse izindi Mana kw’Isi bakurikira

[22] Nkiyo hobayeho iyo mw’Ijuru no kw’Isi izindi Mana atari Imana y’ukuri, ntankeka ayo majuru n’Isi yari kwononekara, mugabo Imana irisukuye, Umuremyi w’inyegamo yayo hamwe n’ivyo bayihayagiza ko

[23] Imana ntibazwa ivyo ikora mugabo ibiremwa bantu bose nibo bazobazwa

[24] Canke bafashe aho bofashe izindi Mana nk’Imana y’ukuri, wewe vuga uti:- nimuzane ivyemezo vyanyu kuko ivyo ndababwira n’icibutso c’abari kumwe nanje, hamwe nabamweho imbere yanje, mugabo benshi muribo ntabumenyi bw’ukuri bafise, kuri ivyo ntibavyitayeho

[25] Ntawe ntitwa rungitse imbere yawe intumwa iyariyo yose mugabo twaramweretse yuko atayindi Mana isengwa atari jewe gusa, rero nimunsenge

[26] N’abahakanyi b’Imana bavuga bati:- nyene imigisha myinshi yigiriye ikibondo, Imana irisukuye ahubwo abo bamarayika n’abashumvyi b’Imana bafise iteka ntangere

[27] Ntibayitanguza ko ijambo, nabo bakorera kw’itegeko ryayo

[28] Niyo ifise ubumenyi bw’ibiri imbere yabo hamwe n’ibiri inyuma yabo, nabo Bamarayika ntibasabira uwariwe wese ku Mana atari uwo Imana yemereye ivyo bisabisho vyiwe, nabo kubera ukuyitinya baragamburuka

[29] N’uwuzovuga muribo ati:- jewe nd’Imana aho kubayo nyezina, uyo muntu tuzo muriha impembo y’umumuriro udahera witiriwe Jahannamu, uko rero niko duhemba abahemukiye imitima yabo

[30] Mbega ntibabonye bamwe bahakanye Imana yabo y’ukuri yuko Amajuru n’Isi vyose vyakurikirana hanyuma turabi tandukanya hanyuma tugira mubijanye n’amazi ubuzima bw’ibintu vyose, mbega ntimwemera

[31] Dushira kw’Isi imisozi, kugira ngo ntinyigange, hanyuma dushiramwo amayira aboneka ari k’umugaragaro kugira ngo abantu batumbere inzira bacamwo

[32] Hanyuma tugira Ijuru kuba ari urusenge ruzitiwe neza mugabo abahakanyi b’Imana y’ukuri bararengwa mukutemera n’ivyo bimenyetso vy’Imana

[33] Nayo niyo yaremye Ijoro n’Umutaga hamwe n’Izuba n’Ukwezi, rero ivyo vyose bireremba mumizingi y’avyo vyagenewemwo

[34] Natwe ntitwaremye ikiremwa muntu uwariwe wese w’imbere yawe ngo abe uwuzoramba burundu, none wewe niwasandaba nibo bazoramba mubuzima bw’abo bwose

[35] Umutima w’umuntu uwariwe wese uzohonja urupfu, kandi turaba gerageza mubijanye n’ishari hamwe n’amahoro, n’iwacu mwese niyo muzosubizwa yo

[36] Bakubonye bamwe bahakanye Imana yabo y’ukuri nta nakimwe bakugira, ahubwo bara kwimwenyura bavuga bati:- mbega uyu niwe avuga Imana zanyu nabi kandi abo nibo bahakana Imana nyene imigisha ihagije

[37] Umuntu awariwe wese yaremwe yihutirwa, ubu vuba jewe nzobereka ibimenyetso vyanje, kuri ivyo rero ntimumputagize

[38] Bavuga bati:- iri sango twemerewe ryuguhanwa rizoba ryari nimwaba muvugisha ukuri

[39] Iyo babimenya bamwe bahakana Imana yabo y’ukuri mugihe batazokingira umuriro uzoba uri mumaso yabo canke mumigongo yabo kandi batazofashwa

[40] Ahubwo uzoba shikira giturumbuka kandi uze ubahendeshe hanyuma ntibazo shobora kuwusubiza inyuma canke ntibazohabwa ikiringo kanaka

[41] Ntankeka barakengereye intumwa z’Imana zabayeho aho hambere yabo, rero bamwe bakengereye izo ntumwa z’Imana muribo barashikiwe nivyo bahora bakengera ko

[42] Vuga uti:- ni nde ashobora kubakingira mw’Ijoro no k’Umutaga n’ibihano vy’Imana, mugabo kuribo ntibitaho mukwibuka Umuremyi wabo

[43] Mbega barafise izindi Mana zibakingira gusumba twebwe, none ntibashobora kwifasha bonyene, kandi ntibazo kingirwa natwe

[44] Ahubwo twaraba nezereje cane abo bahakanyi b’Imana y’ukuri hamwe n’abavyeyi babo kugeza naho ubuzima bwabo buba burebure kubera ivyo, mbega ntibabona yuko tugira kuri iy’Isi yabo nukugabanya imbibe zayo? Mbega nibo bene intsinzi

[45] Vuga uti:- jewe ndiko ndabatuza kumajambo y’ubutumwa bw’Imana, rero intumva ntizumva ubutumwa naho zotuzwa

[46] Naho bokorwako n’igice gitoyi gusa c’ibihano vy’Umuremyi wawe, ntankeka bovuze bati:- ibi bihano vyacu mu vy’ukuri twebwe twarahemukiye imitima yacu

[47] Natwe tuzo shiraho iminzani y’ukuri k’umusi w’imperuka n’umutima w’umuntu uwariwe wese ntuzo hemukirwa na gatoyi naho coba ico kintu gifise uburemere bw’igishishwa c’umutende tuzo bishikiriza natwe turahagije kuba abamenyi buguharura

[48] Mu vy’ukuri twarahaye intumwa y’Imana Mussa (iii) hamwe n’intumwa y’Imana Haruna (iii) igitabu gitandukanya n’umuco hamwe n’ubutumwa kubantu bagamburukira Imana y’abo y’ukuri

[49] N’abatinya Umuremyi wabo mugihe biherereye, kandi bagatinya n’umusi w’imperuka

[50] N’iyi Qur’ani n’ubutumwa bwahezagiwe twamanuriye kuri wewe, mbega mwebwe murabuhakana

[51] Mu vy’ukuri twarahaye intumwa y’Imana Ibrahimu (iii) uburongozi bwiwe kuva kera kandi twari tumuzi neza

[52] Mugihe yabwira Se wiwe hamwe n’abantu biwe ati:- mbega aya masanamu mwicarirako imisi yose muyasenga

[53] Nabo bamwishura bati:- twebwe twasanze basogokuru bacu bayasenga

[54] Nawe abishura ati:- ntankeka mwebwe hamwe nabaso banyu mwari mubuzimire buri k’umugaragaro

[55] Nabo bamwishura bati:- mbega waje ngaha ufise amajambo y’ukuri canke uri mubantu bafyinata

[56] Nawe abishura ati:- ahubwo Umuremyi wanyu n’urya muremyi w’Amajuru n’Isi yayaremye, nanje ndi muvyabona vyemeza ibi vyose

[57] Ndarahiye kw’izina ry’Imana yuko jewe nzoyagirira nabi aya masanamu yanyu nimwampa umugongo mugenda iyo mugenda

[58] Rero aca arasenyura yamasanamu yose ayagira ibimanyu manyu, asigaza ryasanamu rininiya muriyo kugira ngo barisubire mwo

[59] Bagarutse bavuze bati:- ni nde yagize gutya izi Mana zacu? Mu vy’ukuri uyu muntu ari mubahemu bakuru

[60] Baca bavuga bati:- twumvise umusore umwe yitwa Ibrahiimu (iii)

[61] Bati:- nimu murengutse imbere y’amaso y’ishengero ry’abantu bamubone neza kumabi yiwe

[62] Bavuga bati:- mbega ni wewe wagize gutya izi Mana zacu wewe Ibrahimu

[63] Nawe abishura ati:- Oya! uwabigize gutyo n’iri sanamu rikuru ryabo, rero nimuribaze yuko ashobora kuvuga kubijanye n’ibi bintu

[64] Baca bisubirako babaza imitima yabo nukuvuga bati:- mu vy’ukuri mwebwe mwamye muhemukira imitima yanyu

[65] Hanyuma baca bunamika imitwe y’abo hasi bavuga bati:- mu vy’ukuri uramaze kumenya yuko aya masanamu atavuga n’ikintu nakimwe

[66] Abishura ati:- mbega mwebwe musenga iyitari Imana ataco ibamarira n’ikintu na kimwe kandi ata nabi ibagirira

[67] Nimuceceke nivyo musenga biteye kubiri n’amasengesho y’Imana, mbega mwebwe ntimutegera

[68] Bavuga bati:- nimu muturire n’umucanwa kugira ngo murokore Imana zanyu nimwaba mwebwe muri mubagira ikintu nyaco

[69] Natwe duca tuvuga duti:- wa mukomezwa we! nube imbeho n’amahoro kubera intumwa y’Imana Ibrahiimu (iii)

[70] Bamusabiye inabi mugabo twaciye tubagira kuba aribo bene uruhombo

[71] Duca turamurokora hamwe n’intumwa y’Imana Lutwi (iii) tubajana mukindi gisagara twahezagiye kubera abantu bose

[72] Nayo intumwa y’Imana Ibrahiimu (iii) twamuhaye ikibondo citiriwe izina rya Is’haqa (iii) hamwe n’uwundi yitwa Ya’aqubu (iii) kuba ariwe mwuzukuru wiwe, na bose twaciye tubagira kuba ari abantu beranda

[73] Hanyuma turaba hezagira kuba indongozi ziyobora abandi bantu kw’itegeko ryacu, nukuba rungikira ubutumwa nukuba bwereka nukugira ineza hamwe n’uguhagarika amasengesho hamwe n’ugutanga imperezwa, kandi iwacu bamye ari abantu batu gamburukira

[74] Intumwa y’Imana Lutwi (iii) twaramuhaye amategeko n’ubumenyi nukumurokora n’abantu b’ico gisagara camye kigira amarorerwa mabi cane, ntankeka abo bantu bari abantu babi cane basenyura amategeko y’Imana

[75] Duca twinjiza iyo ntumwa y’Imana Lutwi (iii) mumihezagiro yacu, mu vy’ukuri yari mubagira ineza

[76] Kandi bibuke intumwa y’Imana Nuhu (iii) mugihe yashikiriza ubutumwa bwiwe aho hambere, natwe twaramwemerera, duca turamurokora hamwe n’abantu biwe mungorane niniya nkizo

[77] Twaramurokoye kubera abantu bahakanye amajambo yacu, mu vy’ukuri abo bantu bari abantu babi cane, duca tubibiza mumazi bose uko bangana

[78] Kandi ubibutse kubijanye n’intumwa y’Imana Daudi (iii) hamwe n’intumwa y’Imana Sulaimanu (iii) mugihe baca urubanza kubijanye n’itongo mugihe zarisha muri iryo tongo intungwa z’abandi mw’ijoro, natwe kubera urwo rubanza twari ivyabona

[79] Duca tubwira intumwa y’Imana Sulaimanu (iii) n’umwe muribo twamuhaye intahe n’ubumenyi, hanyuma duca tugamburutsa imisozi yose hamwe n’intumwa y’Imana Daudi (iii) ihayagiza Imana, tugamburutsa n’inyoni nazone zigamburukira Imana hamwe nawe natwebwe nimubagira ivyo dushaka

[80] Duca twigisha intumwa y’Imana Daudi (iii) ingene yohingura impuzu z’ingwano kubera mwebwe, kugira ngo zibakingire mungwano zanyu, mbega muzoba muri mubantu bashima

[81] No kuntumwa y’Imana Suleimanu (iii) twara gamburukije umuyaga ukaze cane ugira kumategeko yiwe ngaha kw’Isi twahezagiye natwe nitwebwe dufise ubumenyi bw’ibintu vyose

[82] Twara gamburukije amashetani yibirira mumazi nukugirira ibindi bikorwa bitari ivyo, natwe twari muba bacungera

[83] N’intumwa y’Imana Ayyubu (iii) mugihe Umuremyi wiwe yamu hamagara avuga ati:- jewe nahuye n’ingorane, nawewe niwe ufise Impuhwe gusumba abandi batanga impuhwe

[84] Twaramwemereye nukumukurira ingorane yari afise, duca tumuha abantu biwe n’abandi b’akarorero nkabo bari kumwe nabo, n’impuhwe zivuye iwacu hamwe n’icibutso ciza kubantu bagira amasengesho yabo

[85] N’intumwa y’Imana Ismaili (iii) hamwe n’intumwa y’Imana Idrissa (iii) hamwe na Dhul’kifli (iii) abo bose bari muntumwa z’Imana zitenyenya

[86] Duca twinjiza mumpuhwe zacu, kuko bari mubantu beranda

[87] N’uwitwa Dha-nnuni ariwe ntumwa y’Imana Yunusu (iii) mugihe yagenda nawe bamwihakanye abiwe nawe aca yiyumvira yuko twebwe tutazo mushobora, rero yaciye ahamagara ari mumwijima avuga ati:- ntawundi asengwa bimwe vy’ukuri atari wewe gusa uninahazwa, mu vy’ukuri jewe nari muba hemukiye imitima yabo

[88] Turamwakirira igisabisho ciwe nukumurokora mugahinda yarimwo, uku rero niko turokora abantu bemeye Imana yabo y’ukuri

[89] N’intumwa y’Imana Zakariya (iii) mugihe yahamagara Umuremyi wiwe avuga at:- Muremyi wanje ntunsige ndi jenyene, na wewe niwe mwiza wabasigirwa ibisigi

[90] Duca turamwemerera ibisabisho vyiwe nukumuha intumwa y’Imana Yahya (iii), nuguca dukiza umutambukanyi wiwe, ntankeka bari bafise umwete wukugira ineza nukudusaba n’ishaka ryinshi hamwe nugutinya, nabo bari bafise ubugamburutsi ntangere

[91] Nuwikingiye k’umutima wiwe nuguhuhera umutima wacu nukumugira ngo abe hamwe n’umwana wiwe kuba ari ibitangaro ku bantu bose

[92] Mu vy’ukuri aba bantu banyu n’abantu bamwe nanje ndi Umuremyi wanyu, kuri ivyo nimunsenge

[93] Nabo baca baradohoka kuri rino jambo ryabo riri hagati yabo, kandi nabo bazo garuka iwacu