Somali - Chapter 49 - Al-Hujurat

Kuwiinaan idinku rumeysanow! Ha ka hor marinnina (qowlkiinna) (qowlka) Allaah iyo Rasuulkiisa2, oo dhowra (xilka uu idin saaray) Allaah. Hubaal! Allaah waa wax kasta Maqle, Wax kasta Ogsoon

Kuwiinaan idinku rumeysanow! Ha u qaadina kor codadkiinna si ka sarreysa codka Nabiga oo ha kula tannaagoogina hadalka sida uu ugula tannaagooda qaarkiinba qaarka kale, si aan camalkiinna u burin idinkoo aan dareensaneyn

Hubaal, kuwa hoos u dhiga cododkooda marka ay hor joogaan Rasuulka Ilaahay, waa kuwaas kuwa uu Quluubtooda Allaah imtixaanay dhowrsashadooda darteed, waxay leeyihiin Dambi Dhaaf iyo abaalgud aad u Weyn

(Ma xagga) kuwase kaaga dhawaaqa qololka gadaashood, badankoodu ma aha wax garad

Oo haddii ay sugaan si samir leh inta aad uga soo baxdo, baa hubaal u khayr badnaan laheyd, Oo Allaah waa Dambi Dhaaf Badane, Naxariis Badan

Kuwiinaan idinku rumeysanow! Haddii uu mid caasi ah idiinla yimaado war, iska hubiya, si aydaan wax ugu yeelin dad ogaansho la’aan, markaas aad ka shallaydaan waxa aad fasheen

Oo ogaada inuu idinku dhex jiro Rasuullka Ilaahay, haddii uu idinka yeeli lahaa in badan oo Arrinka ka mid ah, hubaal waa dhibtoon laheydeen, laakiinse Allaah baa idin jeclaysiiyey Iimaanka oo ku qurxiyey quluubtiinna, oo ka yeelay wax aad neceb tihiin gaalnimo, faasiqnimo iyo caasinnimo. Oo kuwan weeye kuwa iyagu hanuunsan

Oo haddii ay labo kooxood oo mu’miniinta ka mid ahi diriraan, markaa ka sameeya heshiis dhexdooda, haddiise middood ku gardarroota tan kale markaa la dirira tan gar daran jeer ay u soo noqoto Amarka Ilaahay, haddii ay soo laabato, markaa ka sameeya heshiis dhexdooda si caddaalad ah oo xaqa dhowra. Hubaal Allaah waa jecel yahay kuwa caadilka ah

Mu’miniintu waa uun walaalo3. ee ka sameeya heshiis walaalihiin dhexdood, oo dhwora (xilka uu idin saaray) Allaah, waa intaasoo la idiin naxariisto'e

Kuwiinan idinku rumeysanow! Qolona yey yasin qolo kale, waxaa laga yaabaa inay ka khayr badan yihiin iyaga, oo yey dumarna yasin dumar kale, waxaa laga yaabaa inay ka khayr badan yihiin iyaga; oo ha ceebeynina dadkiinna, oo ha isugu yeedhina naaneysyo xun. Xumaa magac xumo kaddib Iimaanka. Oo mid kastoo aan (Xaqa u) soo laaban, kuwan weeye kuwan kuwa ah gar ma qaatayaasha

Kuwiinaan idinku rumeysanow! Ka dheeraada malaha badanki, hubaal, malaha qaarki waa dambi. Oo ha is jaasuusina, oo qaarkiin yaanay xaman qaar kale; miyuu jecel yahay midkiin inuu cuno hilibka walaalkiis oo mayd ah? Waadse neceb tihiin arrintaa. Oo dhowra xilka (uu idin saaray) Allaah, hubaal, Allaah waa mid u soo noqod badan (naxariista) Naxariis Badan

Dadoow! Hubaal Waxaanu idinka abuurnay lab iyo dhedddig, oo idinka dhignay shucuub iyo qabaa’il si aad isu aqoonsataan, hubaal, kan idiinku sharaf badan Allaah agti waa kan idiinku dhowris badan (xilka uu idin saaray). hubaal, Allaah waa wax kasta Ogsoone, Xog ogaal ah

Reer miyigii Carbeed waxay yidhaahdeen: Waanu rumeysannay. Dheh: Ma rumeysanidin laakiinse dhaha, waanu is dhiibnay; oo Iimaanku weli ma gelin quluubtiinna. Oo haddii aad adeecdaan Allaah iyo Rasuulkiisa, waxba idinkama uu dhimi doono ka mid ah acmaashiinna, hubaal Allaah waa Dambi Dhaaf Badane, Naxariis Badan

Mu’miniintu waa uun kuwa rumeysan Allaah iyo Rasuulkiisa. markaas aan shakiyin, oo u hura maalkooda iyo nafahooda Jidka Ilaahay. Waa kuwan kuwa runlowyada ah

Dheh: Ma waxaad u sheegeysaan Allaah diintiinna? Isagoo Allaah ogsoon yahay waxaa jira samooyinka iyo waxaa jira arlada, Oo Allaah wax walba wuu Ogsoon yahay

Waxay moodaan inay kugu leeyihiin abaal ay tahay inaad u guddo qaadashadooda islaamka darteed. Dheh: ha iigu abaal sheegannina islaamiddiinna. Bal Allaah baa idiinku abaal sheeganaya idinku hanuunintiinna Iimaanka darteed, haddii aad run sheegeysaan

Hubaal, Allaah baa ogsoon waxa aan muuqan ee ah samooyinka iyo arlada. Oo Allaah waa Arkaa waxa aad fashaan