Back to LanguagesPrevious ChapterNext Chapter EnglishArabicUrduHindiTamilBengali
Somali - Chapter 50 - Qaf
Translation by Abdullah Hasan Jacob — Permalink
Verse 1 — Surah Qaf 50:1
Qaaf;2 Waxaan ku dhaartay Qur’aanka Sharafka Badan
Verse 2 — Surah Qaf 50:2
Bal, waxay la yaabban yihiin inuu u yimid dige ka mid ahi iyaga. Oo gaaladu waxay yidhaahdaan: Kanu waa wax la yaab leh
Verse 3 — Surah Qaf 50:3
Ma markaan dhimanno oo aan noqonno ciid? Taasu waa soo Noqosho Fog
Verse 4 — Surah Qaf 50:4
Waxaan ognahay dhab ahaan waxa uu dhulku ka dhimo iyaga, oo agtannada wa- xaa ah Kitaab wax walba kooba oo xafidan
Verse 5 — Surah Qaf 50:5
Bal waxay beeniyeen Xaqa markii uu u yimid, waxay haddaba ku jiraan xaalad murugsan
Verse 6 — Surah Qaf 50:6
Mawaysan haddaba fiirin samada korkooda ah, sida aan u dhisnay oo u qurxinnay, oo ma laha wax duleello ah
Verse 7 — Surah Qaf 50:7
Oo dhulka Waxaanu ka yeellay mid fidsan, oo ku sugnay buuro, oo waxaan ka yeelany inay ka soo dhex baxaan dhir qurxoon oo cayn walba leh
Verse 8 — Surah Qaf 50:8
Oo tusmo iyo waano u ah addoon kasta oo badiya u soo laabashada (Ilaahay)
Verse 9 — Surah Qaf 50:9
Oo Waxaan ka soo dejinnaa daruurta biyo khayr badan, oo ku soo saarnaa beero iyo baad
Verse 10 — Surah Qaf 50:10
Iyo geedo timireed dhaadheer oo leh fiido wax ka soo dhashaan oo is dul saaran
Verse 11 — Surah Qaf 50:11
Risiq ay leeyihiin addoomaha. Oo waxaan ku nooleynaa dhul dhintay. Sidaas oo kale bay ahaan doontaa soo bixintu
Verse 12 — Surah Qaf 50:12
Qolodii Nuux baa beeniyey hortood iyaga4, iyo qoladii ceelka iyo Thamuud
Verse 13 — Surah Qaf 50:13
Iyo Caad iyo Fircoon iyo Luud walaalihi
Verse 14 — Surah Qaf 50:14
Iyo reer hawdkii iyo qolodii Tubbac; dhammaan waxay beeniyeen Rususha, waxaana ku dhacay gooddigeyga
Verse 15 — Surah Qaf 50:15
Ma Waxaan ku daalnay abuuristii hore? Mayee, waxay ka shakisan yihiin abuuris cusub
Verse 16 — Surah Qaf 50:16
Oo dhab ahaan waxaan abuurnay aadmiga, oo waa ognahay waxa ay naftiisu kula hadasho. Oo waxaan uga dhownahay xididka dhuunta
Verse 17 — Surah Qaf 50:17
Marka ay labada xilqaade (malaa’igta wax qoreysa) qaadaan xilkooda, iyagoo kala fadhiya dhinaca midig, iyo dhinaca bidix
Verse 18 — Surah Qaf 50:18
Ma jiro eray (aadmiga) ka soo baxa, oo uusan ag joogin ilaaliye u diyaar ah (inuu qoro)
Verse 19 — Surah Qaf 50:19
Oo waxay ku iman doontaa sakaraadka mowdka xaq: kaasi waa waxaad ka meermeereysey
Verse 20 — Surah Qaf 50:20
Oo Buunkaa la afuufi _ taasu waa Maalintii laysu yaboohay
Verse 21 — Surah Qaf 50:21
Oo naf walbaa waxay iman doontaa iyadoo uu la socdo mid hoggaaminaya, iyo mid ku markhaati furaya
Verse 22 — Surah Qaf 50:22
Xaqiiq waad ka dhoohnayd arrinkan, haatanse kaa qaadnay daboolkaagii, marka araggaagu maanta waa xoog badan yahay
Verse 23 — Surah Qaf 50:23
Oo rafiiqiisu wuxuu odhan: Kani waa waxa agteyda ku diyaarka ah
Verse 24 — Surah Qaf 50:24
Ku tuura Naar gaal kastoo xaq diiddo ku madax adeegay
Verse 25 — Surah Qaf 50:25
Khayr diide,xadgudbe, shaki qabeen ah
Verse 26 — Surah Qaf 50:26
Ee la mid dhigay Allaah, ilaah kale, ee ku tuura cadaab daran
Verse 27 — Surah Qaf 50:27
Rafiiqiisii wuxuu odhan: Rabbigayow! Anigu ma aanan u horseedin xadgudub, laakiinse isagaa naf ahaantiisa ku sugnaa habow aad u fog
Verse 28 — Surah Qaf 50:28
Wuxuu odhan: Ha ku doodina Hortayda, oo dhab ahaan waxaan horay idiinku soo diray gooddiga
Verse 29 — Surah Qaf 50:29
Hadalka iga soo fulaa ma aha mid la beddelo, Oo Anigu ma ahi mid ku gardarrooda Addoomaha
Verse 30 — Surah Qaf 50:30
Maalinta aan ku odhan Naarta: Ma buuxsantay? Oo waxay odhan: Ma jiraan wax dheeraad ah oo la soo wado
Verse 31 — Surah Qaf 50:31
Oo Jannada waxaa loo soo dhoweyn kuwa ka dhowrsada xumaha, iyadoo aan fogeynba
Verse 32 — Surah Qaf 50:32
Kani waa waxa la idin ballan qaaday, Waxaa iska leh mid walboo u soo laabasho badiya (Allaah), dhowra xuduuddiisa
Verse 33 — Surah Qaf 50:33
Kan ka cabsada Raxmaanka (Allaah) sir (iyo saaqba) oo la yimaada qalbi toobad keen badan
Verse 34 — Surah Qaf 50:34
Ku gala nabad (Jannada); taasi waa Maalinta waaridda
Verse 35 — Surah Qaf 50:35
Waxay ku leeyihiin gudaheeda wixii ay doonaan,_oo waxaan u heynaa weliba wax intaa ka badan (Eegidda Wejiga Ilaahay)
Verse 36 — Surah Qaf 50:36
Oo badanaa inta fac aan rognay iyaga hortood, kuwaasoo ahaa kuwo ka xoog badan oo dhulalka xulay. Ee ma jirtaa meel la magan galo
Verse 37 — Surah Qaf 50:37
Hubaal, arrinkani waxaa ugu sugan waano kan qalbi leh ama maqalka raariciya isagoo baraarugsan
Verse 38 — Surah Qaf 50:38
Oo dhab ahaan Waxaan ku abuurnay samooyinka iyo arlada iyo waxa u dhexeeya lix maalmood oo nama soo gaarin wax daal ah
Verse 39 — Surah Qaf 50:39
Ee u samir yeelo waxa ay leeyihiin, oo ku tasbiixso Ammaanaha Rabbigaa ka hor qorrax soo baxa iyo ka hor inta aanay dhicin
Verse 40 — Surah Qaf 50:40
Oo habeenka in ka mid ah ku tasbiixso Ammaanahiisa iyo salaadaha ka dambow
Verse 41 — Surah Qaf 50:41
Oo Dhageyso Maalinta marka uu dhawaaquhu ka dhawaaqi doono meel dhow
Verse 42 — Surah Qaf 50:42
Maalinta ay maqli doonaan qaylo si Xaq ah, taasu waa Maalinta soo bixinta
Verse 43 — Surah Qaf 50:43
Hubaal Waxaanu bixinnaa nolol oo sababnaa dhimasho; oo waa Xaggayaga halka loo soo laabmi
Verse 44 — Surah Qaf 50:44
Maalinta uu dhulku ka dillaaci doono gaballo hoostooda, markaasay dhaqso ku soo bixi doonaan, kaasu waa soo kulmin noo fudud
Verse 45 — Surah Qaf 50:45
Annaga baa aad u ogsoon waxa ay leeyihiin; oo adigu ma ahid mid qasab ku leh. Ee ku waani Qur’aanka, kan ka cabsada Gooddigayga