Back to Languages

    Somali - Chapter 53

    Translation by Abdullah Hasan Jacob

    Verse 1

    Waxaan ku dhaartay xiddiga marka uu hoos u soo dhaco

    Verse 2

    Saaxibkiin ma uu gefo, mana habaabo

    Verse 3

    Oo ma ku hadlo hawadiisa

    Verse 4

    Wax kale maahee (hadalkiisu) waa waxyi loo waxyoodo

    Verse 5

    Waxaa baray (oo xagga Allaah ka soo gaarsiiyey) mid xoog weyn

    Verse 6

    Ee caafimaad iyo quwaba leh, abuuraddiisuna dhan tahay (Jabriil)

    Verse 7

    Isagoo ah halka ugu sarreysa jihada sare

    Verse 8

    Markaasuu soo dhowaaday oo in yar u soo jirsaday

    Verse 9

    In le’eg labo qaanso xadhigeed ama ka sii dhowba

    Verse 10

    Markaasuu (Allaah) u Waxyooday addoonkiisa4 waxa uu u waxyooday

    Verse 11

    Kama been sheegin Qalbigu wuxuu arkay

    Verse 12

    Ma waxaad haddaba kula murantaan waxa uu arkay

    Verse 13

    Oo xaqiiq wuxuu ku arkay (Jabriil) soo degid kale

    Verse 14

    Dhammaadka xadka geedka gobka

    Verse 15

    Waxaa agteeda ah Jannada hoyashada

    Verse 16

    Marka uu daboolay gobka waxa daboolay

    Verse 17

    Aragga (Nabiga s.c .w) uma iilan dhinacna, mana dhaafin xadkii loo dhigay

    Verse 18

    Xaqiiq wuxuu wax ka arkay Calaamooyinka Rabbigi ee waaweyn

    Verse 19

    Ee ma u fiirsateen haddaba Al-Laat iyo Al-Cuzza

    Verse 20

    Iyo Manaat, midka seddexaad ee kale

    Verse 21

    Ma idinka baase leh labka oo Isagu leeyahay dheddigga

    Verse 22

    Tanu dhab ahaan waa qayb dulun ah

    Verse 23

    Ma aha wax kale aan aheyn magacyo aad bixiseen,_ idinka iyo aabbayaashiin,_ oo uusan Allaah u soo dejin wax Xujo ah. Oo ma raacaan waxba aan ahayn male iyo waxa xun ay naftoodu u iilato, oo xaqiiq waxaa uga yimid xagga Rabbigood hanuun wacan

    Verse 24

    Mise Aadmigu wuxuu leeyahay wuxuu jecleysto

    Verse 25

    Mayee Allaah baa iska leh tan dambe (Aakhirada)iyo(nolosha)horeba(Adduunka)

    Verse 26

    Oo badanaa inta malag jooga samooyinka, aysan shafeecadoodu waxba taraynin in Allaah u idmo maahee ciddii uu doono oo ka Raalli yahay

    Verse 27

    Hubaal, kuwa aan rumeysnayn Aakhirada, waxay ku magacaabaan malaa’igta magacyo dheddig ah

    Verse 28

    Iyagoo aan wax aqoon ah u laheyn. Waxay raacaan oo keliya malo, oo hubaal, maluhu waxba kama taro Xaqa

    Verse 29

    Ee iskaga jeeso kan ka jeesta Xuskayaga oo aan doonayn waxaan aheyn nolosha adduunka

    Verse 30

    Kaasi waa inta uu gaaray garaadkooda aqooneed. hubaal, Rabbigaa aad buu u Ogsoon yahay kan ka luma Jidkiisa, oo wuxuu aad u Ogsoon yahay kan hanuunsan

    Verse 31

    Oo Allaah baa iska leh waxaa jira samooyinka iyo waxa jira arlada, si uu uga abaal marsho kuwa fala xumaanta waxa ay falaan, iyo (inuu) ugu abaal gudo kuwa fala samaanta waxa wax u wanaagsan

    Verse 32

    Kuwa ka fogaada dambiyada waaweyn iyo foolxumooyinka, waxaan ahayn waxa ku soo dhaca maanankooda, _hubaal, Rabbigaa waa mid leh dambi dhaaf ballaaran. Wuxuu idiin yaqaan si fiican, markuu idinka abuuray dhulka iyo markaadba ku tihiin jiif uurarka hooyooyinkiin, ee ha ku ammaanina daahirnimo nafahiinna, wuxuu u Og yahay si fiican kan ka dhowrsada (xumaha)

    Verse 33

    Ee ma aragtay haddaba kan isagu jeediya dhabarkiisa

    Verse 34

    Oo bixiya wax yar7, oo misna ma suuga

    Verse 35

    Ma wuxuu hayaa cilmiga waxa aan muuqan, oo isagu arkaa

    Verse 36

    Mise waan loo sheegin wixii ku yiil waraaqahii Muuse

    Verse 37

    Iyo Ibraahiim ee oofiyey (amarradii Ilaahay)

    Verse 38

    Inuusan qof culaab xambaarsan (denbi) uu qaadi doonin culaabta (denbiga) qof kale

    Verse 39

    Iyo inuusan aadmigu mudanin waxaan aheyn waxa uu ku dadaalo

    Verse 40

    Iyo in dadaalkiisa durba la arki doono

    Verse 41

    Markaas looga abaal marin doono si dhan abaalmarin kaamil ah

    Verse 42

    Iyo in xagga Rabbigaa uu yahay halka arrin kasta loo celiyo

    Verse 43

    Iyo inuu Isagu yahay Kan ka qosliya (dadka) oo ka oohiya

    Verse 44

    Iyo inuu Isagu (Alle) yahay Kan sababa dhimashada oo bixiya nolol

    Verse 45

    Iyo inuu Isagu abuuray lammaanka, labka iyo dheddigga

    Verse 46

    Ka abuuray mino nool marka la shubo

    Verse 47

    Iyo inay Isaga (Alle) saaran tahay soo celinta kale

    Verse 48

    Iyo inuu Isagu (Alle) yahay Kan hodmiya (qofka) ama Ka dhiga sabool

    Verse 49

    Iyo inuu Isagu (Alle) yahay Rabbiga xiddiga Shicra

    Verse 50

    Iyo inuu rogay (reer) Caadkii hore

    Verse 51

    Iyo Thamuudba, waxna kama reebin

    Verse 52

    Iyo qolodii Nuux awal hore; hubaal waxay ahaayeen kuwo gardarro iyo qooq badan

    Verse 53

    Iyo magaalooyinkii la dabageddiyey uu soo riday

    Verse 54

    Markaasaa Waxaa daboolay wixii daboolay

    Verse 55

    Ee tee baad Nicmooyinka Rabbigaa ka doodi doontaan oo ka shaki qabtaan

    Verse 56

    Kanu (Nabi Muxammad) waa dige ka mid ah digayaashii hore

    Verse 57

    Dhacdada dhow (Qiyaamaha) intaas way soo dhowaataa

    Verse 58

    Ma jiri doono Allaah ka sokow cid feydi kartaa (dhibaha iyo shiddooyinkeeda)

    Verse 59

    Ee ma waxaad haddaba la yaabban tihiin warkani

    Verse 60

    Oo ku qosli oo aydaan ooyeyn

    Verse 61

    Idinkoo iska haasaawaya

    Verse 62

    Ee u sujuuda Allaah, oo caabuda

    Unexpected Application Error!

    Unexpected token '<', "<!DOCTYPE "... is not valid JSON

    SyntaxError: Unexpected token '<', "<!DOCTYPE "... is not valid JSON