Back to Languages

    Somali - Chapter 89

    Translation by Abdullah Hasan Jacob

    Verse 1

    Waxaan ku dhaartay waaberiga

    Verse 2

    Iyo habeennada tobanka ah

    Verse 3

    Iyo dhabanka iyo witirka(tirada is dheer)

    Verse 4

    Iyo habeenka marka uu tago

    Verse 5

    Runtii taasi waxaa ugu sugan dhaar kuwaa garashada leh

    Verse 6

    Mawaadan u fiirsan sida Rabbigaa u galay (reer) Caad

    Verse 7

    Qolodii Iram, ee lahaa saraha aad u dhaadheer

    Verse 8

    Aan wax la mid ah laga sameyn magaalooyinka kale

    Verse 9

    Iyo (sida uu u galay) Thamuud, ee kala dhambalayey dhadhaabyo waaweyn tog gudahi ah (ay ka dhigtaan guryo iy jidad)

    Verse 10

    Iyo (sida uu u galay) Fircoon, ee lahaa ciidammada tirada badan

    Verse 11

    Kuwaasoo ku qooqay magaalooyinka

    Verse 12

    Oo ku badiyey fasahaad dhexdeeda

    Verse 13

    Markaasuu Rabbigaa ku shubay korkooda noocyo kala duwan oo cadaab daran ah

    Verse 14

    Hubaal Rabbigaa baa u jeeda oo arkaya

    Verse 15

    Ee ma aadmiga, marka uu Rabbigi imtixaano, oo sharfo oo u nicmeeyo wuxuu yidhaahdaa: Rabbigay waa i sharfay

    Verse 16

    Markase uu (si kale) u imtixaano oo ku ciriirsho risiqa, wuxuu yidhaahdaa; Rabbigay waa i liiday

    Verse 17

    Mayee’ bal ma daryeeshaan agoonka

    Verse 18

    Oo iskuma boorrisaan quudinta miskiinka

    Verse 19

    Oo waxaad ku cuntaan xaqdarro dhaxalka idinkoo booli ku cunaya (wax kasta) si aan kala saar lahayn

    Verse 20

    Oo waxaad jeceshihiin Maalka jaceyl aad u daran

    Verse 21

    Mayee! Marka dhulka laga dhigo budo

    Verse 22

    Oo Rabbigaa yimaado iyo (sidoo kale) malaa’igta oo saf saf ah

    Verse 23

    Oo laga yeelo Naarta mid muuqata Maalintaas. Maalintaas buu Aadmigu waansami, maxayse waantoobidda (markaa) u tari

    Verse 24

    Wuxuu odhan: Alla haddaan wax horay ugu soo dirsan lahaa noloshaydatan

    Verse 25

    Maalintaas se cidna wax uguma cadaabto (wuxuun la mid ah) Cadaabkiisa

    Verse 26

    Oo cidi wax uma xirxirto, (wuxun la mid ah) Xirxiriddiisa

    Verse 27

    Naf yahay adiga xasillooneey

    Verse 28

    U noqo Rabbigaa, _adigoo raalli ka ah oo raalli lagaa yahay

    Verse 29

    Ee gal addoomaheyga dhexdood

    Verse 30

    Oo gal Jannadeyda