Swahili - Chapter 100 - Al-Adiyat

Mwenyezi Mungu Anaapa kwa farasi wenye kwenda shoti katika njia Yake kumkabili adui, wakitoa sauti kwa kasi ya kukimbia. Haifai kwa kiumbe kuapa kwa asiyekuwa Mwenyezi Mungu. Kuapa kwa asiyekuwa Mwenyezi Mungu ni ushirikina

Na wenye kutoa cheche za moto kwa kwato zao ngumu wanapokimbia kwa kasi

Wenye kushambulia maadui kipindi cha asubuhi

Wakarusha vumbi kwa mbio zao

Wakautia kati, kwa kuuzunguka kwa vipando vyao, mkusanyiko wa maadui

Hakika binadamu ni mkanushaji sana neema za Mola wake

Na yeye anakubali ukanushaji wake

Na yeye ana pupa sana la mali

Kwani binadamu hajui linalomngojea mbele yake, pindi Mwenyezi Mungu Atakapowatoa wafu makaburini waende kuhesabiwa na kulipwa

Na (kwani yeye hajui) yakatolewa yaliyo ndani ya vifua: mema au maovu

Hakika Mola wao kwao na kwa amali zao, Siku Hiyo, ni Mtambuzi; hakuna chenye kufichamana Kwake