Back to Languages

Swahili - Chapter 15 - Al-Hijr

Translation by Ali Muhsin Al Barwani — Permalink

Verse 1 — Surah Al-Hijr 15:1

Alif Lam Ra. (A. L. R). Hizi ni Aya za Kitabu na Qur'ani inayo bainisha

Verse 2 — Surah Al-Hijr 15:2

HUENDA ikawa walio kufuru wakatamani wange kuwa Waislamu

Verse 3 — Surah Al-Hijr 15:3

Waache wale, na wastarehe, na iwazuge tamaa. Watakuja jua

Verse 4 — Surah Al-Hijr 15:4

Na hatukuuangamiza mji wowote ule ila ulikuwa na muda wake maalumu

Verse 5 — Surah Al-Hijr 15:5

Hawawezi watu wowote kuitangulia ajali yao, wala kuchelewa

Verse 6 — Surah Al-Hijr 15:6

Na walisema: Ewe uliyeteremshiwa Ukumbusho! Hakika wewe ni mwendawazimu

Verse 7 — Surah Al-Hijr 15:7

Mbona hutuletei Malaika ikiwa wewe ni miongoni mwa wasemao kweli

Verse 8 — Surah Al-Hijr 15:8

Sisi hatuwateremshi Malaika ila kwa sababu ya haki, na hapo hawatapewa muhula

Verse 9 — Surah Al-Hijr 15:9

Hakika Sisi ndio tulio teremsha Ukumbusho huu, na hakika Sisi ndio tutao ulinda

Verse 10 — Surah Al-Hijr 15:10

Na hakika tulikwisha watumia Mitume mataifa ya mwanzo

Verse 11 — Surah Al-Hijr 15:11

Na hakuwafikia Mtume ila walimkejeli

Verse 12 — Surah Al-Hijr 15:12

Na kama hivi ndivyo tunavyo ingiza katika nyoyo za wakosefu

Verse 13 — Surah Al-Hijr 15:13

Hawayaamini haya, na hali ya kuwa umekwisha wapitia mfano wa watu wa kale

Verse 14 — Surah Al-Hijr 15:14

Na lau tungeli wafungulia mlango wa mbingu, wakawa wanapanda

Verse 15 — Surah Al-Hijr 15:15

Basi wangeli sema: Macho yetu yamelevywa, bali sisi wenyewe tumerogwa

Verse 16 — Surah Al-Hijr 15:16

Na hakika tumeweka katika mbingu vituo vya sayari, na tumezipamba kwa wenye kuangalia

Verse 17 — Surah Al-Hijr 15:17

Na tumezilinda na kila shetani afukuzwaye

Verse 18 — Surah Al-Hijr 15:18

Isipo kuwa mwenye kusikiliza kwa kuibia, naye hufuatwa na kijinga cha moto kinacho onekana

Verse 19 — Surah Al-Hijr 15:19

Na ardhi tumeitandaza na humo tumeweka milima, na tumeotesha kila kitu kwa kiasi chake

Verse 20 — Surah Al-Hijr 15:20

Na tumekujaalieni humo vitu vya maisha yenu, na ya hao ambao nyinyi sio wenye kuwaruzuku

Verse 21 — Surah Al-Hijr 15:21

Na hakuna chochote ila asili yake inatokana na Sisi; wala hatukiteremshi ila kwa kipimo maalumu

Verse 22 — Surah Al-Hijr 15:22

Na tunazipeleka pepo za kupandishia, na tunateremsha kutoka mbinguni maji, kisha tukakunywesheni maji hayo. Wala si nyinyi mnayo yaweka

Verse 23 — Surah Al-Hijr 15:23

Na Sisi ndio tunao huisha na tunao fisha. Na Sisi ndio Warithi

Verse 24 — Surah Al-Hijr 15:24

Na tunawajua walio tangulia katika nyinyi, na tunawajua walio taakhari

Verse 25 — Surah Al-Hijr 15:25

Na hakika Mola wako Mlezi ndiye atakaye wakusanya. Hakika Yeye ni Mwenye hikima na Mjuzi

Verse 26 — Surah Al-Hijr 15:26

Na tulimuumba mtu kwa udongo unao toa sauti, unao tokana na matope yaliyo tiwa sura

Verse 27 — Surah Al-Hijr 15:27

Na majini tuliwaumba kabla kwa moto wa upepo umoto

Verse 28 — Surah Al-Hijr 15:28

Na Mola wako Mlezi alipo waambia Malaika: Hakika Mimi nitamuumba mtu kwa udongo unao toa sauti, unao tokana na matope yaliyo tiwa sura

Verse 29 — Surah Al-Hijr 15:29

Basi nitakapo mkamilisha na nikampulizia roho yangu, basi mumwangukie kumsujudia

Verse 30 — Surah Al-Hijr 15:30

Basi Malaika wote pamoja walimsujudia

Verse 31 — Surah Al-Hijr 15:31

Isipo kuwa Iblisi. Yeye alikataa kuwa pamoja na walio sujudu

Verse 32 — Surah Al-Hijr 15:32

(Mwenyezi Mungu) akasema: Ewe Iblisi! Una nini hata hukuwa pamoja na walio sujudu

Verse 33 — Surah Al-Hijr 15:33

Akasema: Haiwi mimi nimsujudie mtu uliye muumba kwa udongo unao toa sauti, unao tokana na matope yenye sura

Verse 34 — Surah Al-Hijr 15:34

(Mwenyezi Mungu) akasema: Basi toka humo, kwani hakika wewe ni maluuni

Verse 35 — Surah Al-Hijr 15:35

Na hakika juu yako ipo laana mpaka Siku ya Malipo

Verse 36 — Surah Al-Hijr 15:36

Akasema (Iblisi): Mola wangu Mlezi! Nipe muhula mpaka siku watapo fufuliwa

Verse 37 — Surah Al-Hijr 15:37

(Mwenyezi Mungu) akasema: Hakika wewe ni katika walio pewa muhula

Verse 38 — Surah Al-Hijr 15:38

Mpaka siku ya wakati maalumu

Verse 39 — Surah Al-Hijr 15:39

Akasema: Mola wangu Mlezi! Ilivyo kuwa umenitia makosani, basi nahakikisha nitawazaini hapa duniani na nitawapoteza wote

Verse 40 — Surah Al-Hijr 15:40

Ila waja wako walio safika

Verse 41 — Surah Al-Hijr 15:41

Akasema: Hii Njia ya kujia kwangu Iliyo Nyooka

Verse 42 — Surah Al-Hijr 15:42

Hakika waja wangu, wewe hutakuwa na mamlaka juu yao, isipo kuwa wale wapotofu walio kufuata

Verse 43 — Surah Al-Hijr 15:43

Na bila shaka Jahannamu ndipo pahali pao walipo ahidiwa wote

Verse 44 — Surah Al-Hijr 15:44

Ina milango saba; na kwa kila mlango iko sehemu walio tengewa

Verse 45 — Surah Al-Hijr 15:45

Hakika wachamngu watakuwa katika Mabustani na chemchem

Verse 46 — Surah Al-Hijr 15:46

(Wataambiwa:) Ingieni kwa salama na amani

Verse 47 — Surah Al-Hijr 15:47

Na tutaondoa chuki iliyo kuwamo vifuani mwao, wawe ndugu juu ya viti vya enzi wameelekeana

Verse 48 — Surah Al-Hijr 15:48

Humo hayatawagusa machofu, wala hawatatolewa humo

Verse 49 — Surah Al-Hijr 15:49

Waambie waja wangu ya kwamba Mimi ndiye Mwenye kusamehe, Mwenye kurehemu

Verse 50 — Surah Al-Hijr 15:50

Na kwamba adhabu yangu ndio adhabu iliyo chungu

Verse 51 — Surah Al-Hijr 15:51

Na uwape khabari za wageni wa Ibrahim

Verse 52 — Surah Al-Hijr 15:52

Walipo ingia kwake na wakasema: Salama! Yeye akasema: Hakika sisi tunakuogopeni

Verse 53 — Surah Al-Hijr 15:53

Wakasema: Usiogope. Sisi tunakubashiria kijana mwenye ujuzi

Verse 54 — Surah Al-Hijr 15:54

Akasema: Mnanibashiria nami uzee umenishika! Basi kwa njia gani mnanibashiria

Verse 55 — Surah Al-Hijr 15:55

Wakasema: Tunakubashiria kwa haki; basi usiwe miongoni mwa wanao kata tamaa

Verse 56 — Surah Al-Hijr 15:56

Akasema: Na nani anaye kata tamaa na rehema ya Mola wake Mlezi ila wale walio potea

Verse 57 — Surah Al-Hijr 15:57

Akasema: Hebu nini amri yenu, enyi wajumbe

Verse 58 — Surah Al-Hijr 15:58

Wakasema: Hakika sisi tumetumwa kwa kaumu ya wakosefu

Verse 59 — Surah Al-Hijr 15:59

Isipo kuwa walio mfuata Luut'i. Bila ya shaka sisi tutawaokoa hao wote

Verse 60 — Surah Al-Hijr 15:60

Ila mkewe. Tunakadiria huyo atakuwa miongoni watao bakia nyuma

Verse 61 — Surah Al-Hijr 15:61

Basi wale wajumbe walipo fika kwa Luut'i

Verse 62 — Surah Al-Hijr 15:62

Alisema (Luut'i): Hakika nyinyi ni watu msio juulikana

Verse 63 — Surah Al-Hijr 15:63

Wakasema: Bali sisi tumekuletea yale waliyo kuwa wakiyafanyia shaka

Verse 64 — Surah Al-Hijr 15:64

Na tumefika kwako kwa Haki, na hakika sisi tunasema kweli

Verse 65 — Surah Al-Hijr 15:65

Basi ondoka na ahli zako usiku ungalipo, nawe ufuate nyuma yao, wala yeyote kati yenu asigeuke nyuma. Na mwende mnapo amrishwa

Verse 66 — Surah Al-Hijr 15:66

Na tukamfunulia hukumu hiyo, ya kwamba hata wa mwisho wao hao ikifika asubuhi atakuwa kesha katiliwa mbali

Verse 67 — Surah Al-Hijr 15:67

Na wakaja watu wa mji ule nao furahani

Verse 68 — Surah Al-Hijr 15:68

Akasema: Hakika hawa wageni wangu, basi msinifedheheshe

Verse 69 — Surah Al-Hijr 15:69

Na mcheni Mwenyezi Mungu, wala msinihizi

Verse 70 — Surah Al-Hijr 15:70

Wakasema: Sisi hatukukukataza usimkaribishe yeyote

Verse 71 — Surah Al-Hijr 15:71

Akasema: Hawa binti zangu, ikiwa nyinyi ni watendaji

Verse 72 — Surah Al-Hijr 15:72

Naapa kwa umri wako! Hakika hao walikuwa katika ulevi wao, wakihangaika ovyo

Verse 73 — Surah Al-Hijr 15:73

Ukelele ukawatwaa wakipambaukiwa

Verse 74 — Surah Al-Hijr 15:74

Na tukaigeuza nchi juu chini, na tukawanyeshea mvua ya mawe ya udongo wa Motoni

Verse 75 — Surah Al-Hijr 15:75

Hakika katika hayo zipo ishara kwa waaguzi

Verse 76 — Surah Al-Hijr 15:76

Na miji hii ipo kwenye njia inayo pitiwa

Verse 77 — Surah Al-Hijr 15:77

Hakika katika hayo ipo ishara kwa Waumini

Verse 78 — Surah Al-Hijr 15:78

Na hakika watu wa Kichakani walikuwa wenye kudhulumu

Verse 79 — Surah Al-Hijr 15:79

Kwa hivyo tukawaadhibu. Na nchi mbili hizi ziko kwenye njia ilio wazi

Verse 80 — Surah Al-Hijr 15:80

Na bila ya shaka wakaazi wa Hijr waliwakanusha Mitume

Verse 81 — Surah Al-Hijr 15:81

Na tuliwapa ishara zetu, nao wakazipuuza

Verse 82 — Surah Al-Hijr 15:82

Nao walikuwa wakichonga majumba katika milima kwa amani

Verse 83 — Surah Al-Hijr 15:83

Basi ukelele ukawatwaa asubuhi

Verse 84 — Surah Al-Hijr 15:84

Hayakuwafaa waliyo kuwa wakiyachuma

Verse 85 — Surah Al-Hijr 15:85

Na hatukuziumba mbingu na ardhi na vilivyomo ndani yake ila kwa ajili ya Haki. Na hakika Kiyama kitafika. Basi samehe msamaha mzuri

Verse 86 — Surah Al-Hijr 15:86

Hakika Mola wako Mlezi ndiye Muumbaji Mjuzi

Verse 87 — Surah Al-Hijr 15:87

Na tumekupa Aya saba zinazo somwa mara kwa mara, na Qur'ani Tukufu

Verse 88 — Surah Al-Hijr 15:88

Usivitumbulie macho yako vitu tulivyo waneemesha makundi fulani kati yao, wala usiwahuzunikie. Na wainamishie bawa lako (la huruma) Waumini

Verse 89 — Surah Al-Hijr 15:89

Na sema: Hakika mimi ni mwonyaji mwenye kubainisha

Verse 90 — Surah Al-Hijr 15:90

Kama hivyo tuliwateremshia walio gawa

Verse 91 — Surah Al-Hijr 15:91

Ambao wakaifanya Qur'ani vipande vipande

Verse 92 — Surah Al-Hijr 15:92

Basi Naapa kwa Mola wako Mlezi! Tutawahoji wote

Verse 93 — Surah Al-Hijr 15:93

Kwa waliyo kuwa wakiyatenda

Verse 94 — Surah Al-Hijr 15:94

Basi wewe yatangaze uliyo amrishwa, na jitenge na washirikina

Verse 95 — Surah Al-Hijr 15:95

Hakika Sisi tunatosha kukukinga na wanao kejeli

Verse 96 — Surah Al-Hijr 15:96

Hao wanao fanya kuwa pamoja na Mwenyezi Mungu yupo mungu mwingine. Basi, watakuja jua

Verse 97 — Surah Al-Hijr 15:97

Na Sisi tunajua kwa hakika kuwa wewe kifua chako kinaona dhiki kwa hayo wayasemayo

Verse 98 — Surah Al-Hijr 15:98

Basi mtakase Mola wako Mlezi kwa kumhimidi, na uwe miongoni wanao msujudia

Verse 99 — Surah Al-Hijr 15:99

Na muabudu Mola wako Mlezi mpaka ikufikie Yakini