Tajik - Chapter 25

Bisjor ʙuzurgu ʙoazamat ast, on ki in Furqon (Qur'on, ja'ne çudosozandai haq az ʙotil)-ro ʙar ʙandai Xud Muhammad (sallallohu alajhi va sallam) nozil kard, to çahonijonro ʙa vositai on az azoʙi Alloh ʙimdihandae ʙoşad

On Zote, ki az oni Ūst farmonravoii osmonhovu zamin va farzande ʙaroi Xud nagiriftaast va Ūro şarike dar farmonravoī nest va har cizro ʙijofaridaast, pas onro ʙa andozai muajjan ofaridaast

Va giriftand muşrikon ʙa çuz Alloh ma'ʙudone (ʙuthoe)-ro, ki heç ciz nameofarinand va xud maxluqand. Na moliki zijon va na moliki sudi xud hastand va na moliki margu zindagī hastand va nametavonand az nav zinda namudanro

Va kofiron guftand: Nest in Qur'on çuz durūƣe, (ki Muhammad) az peşi xud ʙoftaast va mardume digar ūro ʙar on jorī dodaand. Ba durustī sitam va durūƣ ʙa mijon ovardand

Va guftand: «In Qur'on afsonahoi peşinijon ast, ki har suʙhu şom ʙar ū imlo meşavad va ū menavisadaş»

Ej Pajomʙar, ʙa kofiron ʙigū: «In Qur'onro Zote nozil kardaast, ki nihoni osmonhovu zaminro medonad. Haroina, ū omurzandaast ʙaroi kase az gunohoni xud tavʙa kardaast va mehruʙon ast zud onhoro ʙa azoʙ namegirad!»

Guftand (kofiron): «Cist in pajomʙarro, ki ƣizo mexūrad va dar ʙozorho roh meravad? Caro Alloh fariştae ʙa sūi ū namefiristonad, to guvohī dihad ʙa rostiaş va ʙoşad hamrohi ū tarsonanda

Jo in ki caro az osmon gançe ʙarojaş furud ovarda naşavad? Caro ūro ʙoƣe nest, ki az on ʙixūrad?» Va sitamkoron guftand: «Şumo faqat az mardi çoduşudae pajravī mekuned!»

Bingar ej Pajomʙar, ki cī guna ʙarojat dostonhovu masalaho meovarand. Pas gumroh şudaand az rohi haq. Pas heç rohero ʙa sūi haq namejoʙand, to on ciro dar şa'ni tu nisʙat dodaand az durūƣhojaşon rost ʙarorand

Alloh ʙartaru ʙuzurgvor ast, agar xohad, ʙehtar az on ci ʙa tu tamanno kardand medihad, ʙoƣhoe, ki dar onho çūjho çorī ʙoşad va ʙarojat qasrho padid ovarad

Balki inho qijomatro durūƣ hisoʙand. Va ʙaroi kasone, ki qijomatro durūƣ hisoʙand, otaşi sūzon omoda kardaem

Cun ʙuʙinad dūzax onhoero, ki qijomatro durūƣ ʙarovardand, az masofai dur çūşu xurūşaşro ʙişnavand

Va cun dastho ʙar gardan ʙasta dar tangçoi dūzax partofta şavand, duoi ʙad kunand xudro dūzaxiho

Ba onon gufta şavad: Imrūz na jak ʙor margi xeş xohed, ʙalki margi xeş ʙorho xohed

Bigū (ej Pajomʙar): «Ojo in dūzax ʙehtar ast jo on ʙihişti çovidon, ki ʙa parhezgoron va'da şudaast, ki podoşu sarançomi onon xohad ʙud?»

Baroi çannatihost dar çannat omoda on ci mexohand çovidona dar on xohand mond. In va'daest, ki ançom dodani on ʙa zimmai Parvardigori tust

Rūze, ki muşrikonro ʙo cizhoe, ki ƣajri Allohi jakto meparastidand, ʙa mahşar gird ovarad va sipas az ʙutho pursad: «Ojo şumo in ʙandagoni Maro gumroh mekarded jo onho xud rohro gum karda ʙudand?»

Dar çavoʙ megūjand: «Tu munazzahī va pok, moro nasazad, ki ʙa ƣajr az tu dūstone ʙigirem, ʙalki onon va padaronaşonro ʙahramand soxtī, to onço, ki jodi Turo faromūş kardand va mardumoni halokşuda ʙudand.»

Ba kofiron gufta meşavad: Hamono durūƣgū hisoʙidand şumoro in ʙuton dar on ci megufted. Pas nametavoned ʙartaraf kardan az xud azoʙro va na jorī dodan jakdigarro. Har ki zulm (şirk) ovarda ʙoşad az şumo, ʙicaşonemaş azoʙi ʙuzurgro

Va Mo peş az tu pajomʙarone nafiristodaem, magar in ki taom mexūrdand va dar ʙozorho roh meraftand. Va şumoro vasilai ozmoişi jakdigar qaror dodem. Ojo saʙr tavoned kard? Va Parvardigori tu hameşa ʙinost

Kasone, ki ʙa didori Mo umed nadorand, guftand: «Caro fariştagon ʙar mo nozil nameşavand, to xaʙar dihand ʙa mo, ki Muhammad pajomʙari ʙar haq ast? Jo caro Parvardigori xudro ajonu oşkoro nameʙinem?» Ba rostī, ki xudro ʙuzurg şumurdand va sarkaşī kardand dar peşnihodhoi xud, sarkaşii ʙuzurge

Rūze, ki fariştagonro ʙuʙinand, dar on rūz gunahkoronro heç muƶdae nadihand va ʙa onho gūjand: «Muƶda (çannat) ʙar şumo harom ast!»

Va ʙa a'mole, ki dar dunjo kardaand, pardozem va hamaro cun zarrahoi xok (ƣuʙor) ʙarʙod dihem

Axli ʙihişt dar in rūz dar ʙehtarin çojgoh va ʙehtarin makon ʙaroi oromiş hastand

Ba jod ovar ej Pajomʙar, rūzero, ki osmon ʙa vasilai aʙrho pora-pora gardad va fariştagon ʙar zamin firistoda şavand

Farmonravoī dar on rūz, ʙa rostī, az oni Allohi mehruʙon ast. Va ʙaroi kofiron rūzi duşvore xohad ʙud

Rūze, ki kofir dastoni xudro ʙa dandon gazad va gūjad: «Ej koş, rohero, ki rasul dar peş girifta ʙud, dar peş tirifta ʙudam

Voj ʙar man, koş falonro dūst namegiriftam

Ba rostī, maro az Qur'on, peş az on ki Qur'on ʙaroi man nozil şuda ʙud, az pajraviaş ʙozmedoşt. Va in şajton hameşa odamiro tanho xoru zalil meguzorad

Pajomʙar az kirdori qavmaş şikojat karda guft: «Ej Parvardigori man, qavmi man tarki Qur'on kardand va dar ojoti on na andeşa mekunand va na ʙa on amal mekunand!»

Hamcunone ki ʙaroi tu ej Pajomʙar, az gunahkoroni qavmat duşman padid ovardem, incunin har pajomʙarero az mijoni kofiron duşmane padid ovardem. Va Parvardigori tu ʙaroi rohnamoivu jorii tu kofist

Va kofiron guftand: «Caro in Qur'on misli Tavrotu Inçil va Zaʙur jakʙora ʙar Muhammad nozil nameşavad?». Alloh dar çavoʙi onho guft: Baroi on ast, ki dili turo ʙa on ustuvor sozem va onro ʙa ohistagivu tartiʙ furū xonem

Heç masale ʙaroi tu najovarand, magar on, ki posuxaşro (çavoʙaşro) ʙa rostī va nekūtarin ʙajon ʙijovarem

Kofironro, ki ʙar rūj mekaşandu dar çahannam gird meovarand, onho ʙa çojgoh ʙadtaru ʙa rohi haq gumgaştatarand

Hamono ʙa Mūso (alajhissalom) kitoʙi Tavrot dodem va ʙarodaraş Horunro madadgoraş soxtem

Va guftem: «Nazdi mardume, ki ojoti Moro durūƣ ʙarovardaand, ʙiraved». Va on qavmro ʙa saxtī halok kardem

Qavmi Nūhro, cun pajomʙaronro durūƣgū şumurdaand, ƣarq kardem va onhoro ʙaroi mardum iʙrate soxtem. Va ʙaroi sitamgoron azoʙe dardovar omoda kardem

Va qaʙilai Od va Samud va ashoʙi Rass va naslhoi ʙisjorero, ki mijoni onho ʙudand, niz halok kardem

Va ʙaroi hamai qavmho misolhoe ovardem ʙo in ham imon naovardand va hamaro nestu noʙud soxtem

Hamono rasidand muşrikoni Makka ʙa dehae, ki ʙoroni sang ʙorida ʙud dar on. Ojo nadidand in deharo, to iʙrat ʙigirand? (Ne), ʙalki umedi az nav zinda şudanro nadoştand

Cun turo didand, ej Rasul, masxaraat kardand, ki ojo in ast on pajomʙare, ki Alloh ʙar mo firistodaast

Qariʙ ʙud, ki gumroh kunad moro az parastişi ma'ʙudoni mo (ja'ne, ʙutho) agar saʙru toqat namekardem. Cun azoʙro ʙuʙinand, xohand donist cī kase gumrohtar ʙudaast

Bingar ej Rasul, ojo on kasro, ki havoi nafsro ma'ʙudi xud girifta ʙud, didī? Ojo tu zomini imonovarii ū hastī

Jo gumon kardaī, ki ʙeştarinaşon meşunavandu mefahmand ojathoi Allohro? Inho cun corpojone ʙeş nestand dar fahmu tadaʙʙuri ojathoi Qur'on, ʙalki az corpojon ham gumrohtarand

Ojo nadidaī, ki Parvardigori tu cī guna sojaro mekaşad? Agar mexost, dar jak ço sokinaş megardond. On goh oftoʙro ʙar ū dalel gardonidem

Boz çam' karda giriftem sojaro ohista-ohista ʙa sūi xud

Ūst Zote, ki şaʙro ʙaroi şumo liʙos (pūşişe) qaror dod va xoʙro rohate va rūzro ʙaroi şumo vaqti ʙarxostanaton az xoʙ soxt, to rizqu rūzii xudro çustuçū namoed

Va Ūst, ki firistod ʙodhoero, ki aʙrhoro meʙarand va mardumro ʙo ʙoron muƶda medihand, in rahmatest az çoniʙi Parvardigor Va az osmon oʙi poke nozil kardem

to sarzamini murdaro ʙa on ʙoron zindagī ʙaxşem va to ʙinūşonem az on ci ofaridem corpojonu mardumoni ʙisjorero

Hamono ʙoronhoi ʙisjore ʙar zamin nozil kardem, to ʙijandeşand ne'mati Allohro va siposguzorī kunand. Vale ʙeştari mardum ʙa ne'mathoi Mo nosiposī kardand

Agar mexostem, ʙa har şahre ʙimdihandae mefiristodem, to mardumro ʙa sūi Alloh da'vat namojand va onhoro az azoʙi oxirat ʙim kunand. Lekin Mo turo ej Pajomʙar, ʙaroi çahonijon maʙ'us gardondem va farmudem, ki in Qur'onro ʙarojaşon ʙirasonī

Pas, kofironro itoat makun va ʙa in Qur'on ʙo onho çihod kun, çihodi ʙuzurg

Ūst, ki du darjoro ʙa ham ʙijomext, jake şirinu guvoro va digare şūru ʙadmazza. Va mijoni on du moneae va sadde ustuvor qaror dod, to ʙojakdigar omexta naşavand

Ūst, ki ofarid az oʙi nutfa insonro va soxt ūro sohiʙi naslu nasaʙ va sohiʙi qaroʙati domodī va Parvardigori tu ʙa in korho tavonost

Va parastiş mekunand kofiron ʙa çuz Alloh cizero, ki naf'u zarar narasonad ʙa onho va kofir ʙar muxolifati Parvardigori xud ʙa saʙaʙi şirk ovardanaş va nofarmonʙardorī kardanaş jordamdihandai şajton ast

Va nafiristodem turo ej Pajomʙar, magar muƶdadihanda mū'minonro ʙa çannat va tarsonanda kofironro az azoʙi dūzax

Bigū: Man az şumo heç muzde nametalaʙam ʙaroi taʙliƣi risolat, magar in ki har kī xohad, ʙa sūi Parvardigoraş rohe haq ʙigirad va dar rohi rizojati Ū nafaqa kunad. Man şumoro ʙar in maçʙur kardanj nestam, hamono ixtijor ʙaroi xudi şumost

Va tavvakal kun ʙar Allohe, ki hameşa zinda ast Ū, hargiz namirad va ʙa pokī jod kun Ūro. Va Alloh ʙasandaast ʙa e'tiʙori ogoh ʙudan ʙa gunohoni ʙandagoni xud. Va heç ciz ʙar Ū pūşida namemonad va har jakero ʙar on hisoʙ mekunad va çazoi munosiʙ medihad

Alloh Zotest, ki ʙijofarid osmonho va zaminro va on ci dar mijoni osmonu zamin ast, dar şaş rūz, va ʙar arşi xud istivo joft. Ūst Allohi Mehruʙon va dar ʙorai Ū (ej Pajomʙar) az kase ʙipurs, ki ogoh ʙoşad. (Ja'ne ʙa zoti poki Alloh donost xudi Ū va medonad sifathoi ʙuzurgii xudro va heç kase donotar ʙa Alloh taolo az ʙanda va firistodai Ū Muhammad, -sallallohu alajhi va sallam,- nest)

Va cun ʙa kofiron gufta şud, ki Rahmonro saçda kuned, guftand: «Rahmon kist? Ojo ʙar har kas, ki tu farmon medihī, saçda kunem?» Va zijod kard in suxan ʙaroi kofiron ramidan az imon va nafratro

Buzurgu ʙoazamat ast, on kase, ki dar osmon ʙurçho ʙijofarid va dar on oftoʙi duraxşon va mohi toʙon padid ovard

Va Ūst, ki şaʙu rūzro ʙaroi kasone, ki mexohand iʙrat girand jo şukrguzorī kunand, az paji ham qaror dod

Bandagoni solehi Rahmon kasone hastand, ki dar rūi zamin ʙa furūtanī (tavozu' va xoksorī) roh meravand. Va cun çohilon ononro ʙo suxanhoi nosazoe xitoʙ kunand, gūjand (dar çavoʙ): Salom ʙar şumo. (Ja'ne dar ʙaroʙari çohilon suxani muloim va hakimona megūjand, ki az ozori onho ʙa salomat monand)

Va onon, ki ʙisjor vaqt şaʙro dar saçda jo dar qijom ʙaroi Parvardigoraşon meguzaronand

Va onon, ki (dar du'ojaşon) megūjand: «Ej Parvardigori mo, azoʙi çahannamro az mo ʙigardon, zero azoʙi çahannam azoʙest doim

Hamono çahannam ʙad qarorgohu ʙad makonest»

Va onon, ki cun nafaqau ehson mekunand, isrof namekunand va xasisī namevarzand, ʙalki ehsonaşon mijoni isrof va xasisī ʙoşad mu'tadil

Va onon, ki ʙo Allohi jakto ma'ʙudi digare nameparastand va namekuşand kasero, ki Alloh kuştanaşro harom karda, magar ʙahaqqi şar'ī va zino namekunand. Va har kī in korho kunad, uquʙati gunohi xudro meʙinad

Azoʙaş dar rūzi qijomat muzo'af (ducandon) meşavad va to aʙad ʙa xorī dar on azoʙ xohad ʙud

ƣajri on kasone, ki sidqan tavʙa kunand va imon ovarand va korhoi şoista kunand. Alloh gunohonaşonro ʙa nekiho ivaz mekunad va Alloh ʙaroi kase, ki tavʙa kunad omurzanda ast va ʙa ʙandagonaş mehruʙon ast

Va har kī az gunohoni xeş tavʙa kunad va kori şoista kunad, hamono vaj az sidqi dil ʙa sūi Alloh tavʙa mekunad, pas Alloh tavʙaaşro qaʙul mekunad va gunohonaşro ʙa nekiho taʙdil medihad

Va onon, ki ʙa durūƣ şahodat namedihand va cun ʙar nopisande (amal jo suxani noşoista) ʙigzarand, karimona ʙigzarand (ja'ne, az on rūjgardon guzarand)

va onon, ki cun ʙa ojoti Parvardigoraşon pandaşon dihand, dar ʙaroʙari on cun karonu kūron naʙoşand, ʙalki itoatkunon saçda kunand

va onon, ki (duo karda) megūjand: «Ej Parvardigori mo, az hamsaronu farzandonamon dilhoi moro şod dor va moro peşvoi parhezgoron gardon!»

In gūruhi sifatkardaşudai dar ʙolo, ki zikr şudand ʙarojaşon mukofot doda meşavad maqomi ʙalandero dar çannat ʙa ivazi on, ki saʙru qanoat kardand va meşunavand dar çannat az çoniʙi fariştagon d'oi xajru salomro

Çovidona dar on ço ʙoşand. Cī nekū qarorgohu makonest

Bigū: «Agar iʙodat va duojaton naʙoşad, Parvardigori man e'tinoe ʙar şumo nadorad. Ammo şumo (kuffor) risolati osmoniro durūƣ şumorided. Pas, oqiʙati on mulozimi şumo xohad şud, sazoi kufr va isjoni xudro xohed did»