Back to Languages

    Twi - Chapter 70

    Translation by Sheikh Haroun Ismaeel

    Verse 1

    Obisafoͻ bi abisa fa asotwee a εrebesi –

    Verse 2

    Ama boniayεfoͻ no a, enni obi a obesi ho kwan no ho asεm

    Verse 3

    (Saa asotwee no) firi Sorokͻ akwan Wura Nyankopͻn no hͻ

    Verse 4

    Soro abͻfoͻ ne Honhom no (Gabriel) de dakoro fro kͻ Nehͻ a nensusueε yε (wiase nsusueε) mfie mpem aduonum

    Verse 5

    Enti (Nkͻmhyεni), si aboterε, aboterε pa (a yaw die anaa apenesie biara nni ho)

    Verse 6

    Nokorε sε wͻ’hunu (asotwee) no wͻ akyirikyiri

    Verse 7

    Ɛna Yε’nso Yε’hunu no sε abεn

    Verse 8

    Ɛda a ͻsoro bεyε sε yaawa a ananee

    Verse 9

    Na mmepͻ nso bεyε sε aboa nwii a εrehu korͻ

    Verse 10

    (Saa Da no) adamfoͻ mmisa adamfoͻ (asεm)

    Verse 11

    Wͻ’behu wͻn ho deε. Ɔbͻneni no bεpε mpo sε, anka saa Da no asotwee no, ͻde ne ba bεyε mpata

    Verse 12

    Ne neyere ne nenua

    Verse 13

    Ne nebusuani a ͻyεε no yie

    Verse 14

    Ne deε εwͻ asaase so nyinaa na afei w’anya ne ho (afri asotwee no mu)

    Verse 15

    Daabi, (εnyε yie saa), nokorε sε εyε Amane-hunu gya noa

    Verse 16

    Ɛworͻ (onipa) tiri ho nwoma (ne nehonam wedeε no nyinaa ma ԑkͻto ne nnompe)

    Verse 17

    (Egya no) refrε obi a obrekyi, na ͻdane neho fri (Nokorε no) ho kͻ

    Verse 18

    Na ͻboa sika ano na ͻyε ho pεpεε (anaa ͻbͻ hoo ayεmuͻnyono)

    Verse 19

    Nokorε sε, onipa suban ne sԑ, ᴐyԑ mpepreho. (Ɔpε biribiara ntεm)

    Verse 20

    Sε bͻne bi to no a, na n’aba mu abu (anaasε na w’apa aba)

    Verse 21

    Sε papa bi nso to no a, na w’abu n’ani agu (n’asεdeε) so

    Verse 22

    Gyesε Nyamefrε foͻ no

    Verse 23

    Wͻn a wͻ’kuta wͻn Nyamefrε mu daadaa no

    Verse 24

    Ne wͻn a wͻn agyapadeε mu asεdeε bi a yahyehyε (sε wͻ’yi dema) wͻ mu

    Verse 25

    Dema aserεfoͻ ne mmͻborͻwafoͻ no

    Verse 26

    Ne wͻn a wͻ’gye Atemmuda no die

    Verse 27

    Ne wͻn a wͻ’suro wͻn Wura Nyankopͻn asotwee no

    Verse 28

    Efirisε, wͻn Wura Nyankopͻn asotwee no nnyε abodweε asεm koraa

    Verse 29

    Ne wͻn a wͻ’hwε wͻn mmarima so yie

    Verse 30

    Gyesε wͻn yere nom (nko ara so), anaasε wͻn mfenaa a wͻ’yε wͻn dea. Saa nkorͻfoͻ no deε nokorԑ sԑ wͻ’nni soboͻ biara

    Verse 31

    (Na mmom) obi a obefri (mmaa a yakyerε mu) yi akyi akͻpε foforͻ no, saa nkorͻfoͻ no ne wͻn a w’ato mmara no

    Verse 32

    Ne wͻn a wͻ’di nokorε wͻ nhwεsodeε a yεde ahyε wͻn nsa, san di wͻn bͻhyε soͻ

    Verse 33

    Ne wͻn a wͻ’gyina pintinn di nokorε wͻ wͻn adansedie mu

    Verse 34

    Ne wͻn a wͻ’hwε wͻn Nyamefrε so yie

    Verse 35

    Saa nkorͻfoͻ no na wͻ’bεtena Aheman no mu wͻ animuonyam mu no

    Verse 36

    Ԑdeεn na εha boniayεfoᴐ no a enti wᴐ’repere wᴐn ho ba wohͻ, atwetwe wᴐn kᴐn ahahaa wᴐn ani atwa wo ho ahyia

    Verse 37

    Akuo-akuo wᴐ nifa so ne benkum soᴐ yi

    Verse 38

    Enti wͻn mu nnipa biara pε sε ͻkͻ Anigyeε Aheman no mu (wͻ aberε a ͻnnyε ho adwuma)

    Verse 39

    Daabi da, nokorε sε wͻ’nim adeε a Yε’bͻͻ wͻn frii mu

    Verse 40

    Enti Mede Apueε ahodoᴐ no ne Atͻeε ahodoᴐ no Wura Nyankopͻn di nse sε: Nokorε, Yε’wͻ tumi

    Verse 41

    Sε Yε’sesa wͻn de wͻn a wͻ’yε kyεn wͻn bεhyε wͻn anan mu, na εno ntumi mmu mfa yεn so, (anaasε εnnyε den mma Yεn)

    Verse 42

    Enti (Nkͻmhyεni), wodeε gyae wͻn ma wͻ’nkeka wͻn nsεm hunu no, na wͻ’ni agorͻ nkosi sε wͻ’behyia wͻn Da a y’ahyε wͻn ho bͻ no

    Verse 43

    Ɛda no a wͻ’de ahoͻherε bepue afri adakamena mu, na wᴐ’bԑyԑ tesε deε wͻ’rekͻ faako a wͻn anidaasoͻ bi wͻ no

    Verse 44

    Wͻn ani bewu, na animguaseε bεmene wͻn. Saa Da no na yahyε wͻn ho bᴐ no

    Unexpected Application Error!

    Unexpected token '<', "<!DOCTYPE "... is not valid JSON

    SyntaxError: Unexpected token '<', "<!DOCTYPE "... is not valid JSON