Back to Languages

Urdu - Chapter 73 - Al-Muzzammil

Translation by Abul A Ala Maududi — Permalink

Verse 1 — Surah Al-Muzzammil 73:1

اے اوڑھ لپیٹ کر سونے والے

Verse 2 — Surah Al-Muzzammil 73:2

رات کو نماز میں کھڑے رہا کرو مگر کم

Verse 3 — Surah Al-Muzzammil 73:3

Verse 4 — Surah Al-Muzzammil 73:4

یا اس سے کچھ کم کر لو یا اس سے کچھ زیادہ بڑھا دو، اور قرآن کو خوب ٹھیر ٹھیر کر پڑھو

Verse 5 — Surah Al-Muzzammil 73:5

ہم تم پر ایک بھاری کلام نازل کرنے والے ہیں

Verse 6 — Surah Al-Muzzammil 73:6

درحقیقت رات کا اٹھنا نفس پر قابو پانے کے لیے بہت کارگر اور قرآن ٹھیک پڑھنے کے لیے زیادہ موزوں ہے

Verse 7 — Surah Al-Muzzammil 73:7

دن کے اوقات میں تو تمہارے لیے بہت مصروفیات ہیں

Verse 8 — Surah Al-Muzzammil 73:8

اپنے رب کے نام کا ذکر کیا کرو اور سب سے کٹ کر اسی کے ہو رہو

Verse 9 — Surah Al-Muzzammil 73:9

وہ مشرق و مغرب کا مالک ہے، اُس کے سوا کوئی خدا نہیں ہے، لہٰذا اُسی کو اپنا وکیل بنا لو

Verse 10 — Surah Al-Muzzammil 73:10

اور جو باتیں لوگ بنا رہے ہیں ان پر صبر کرو اور شرافت کے ساتھ اُن سے الگ ہو جاؤ

Verse 11 — Surah Al-Muzzammil 73:11

اِن جھٹلانے والے خوشحال لوگوں سے نمٹنے کا کام تم مجھ پر چھوڑ دو اور اِنہیں ذرا کچھ دیر اِسی حالت پر رہنے دو

Verse 12 — Surah Al-Muzzammil 73:12

ہمارے پاس (ان کے لیے) بھاری بیڑیاں ہیں اور بھڑکتی ہوئی آگ

Verse 13 — Surah Al-Muzzammil 73:13

اور حلق میں پھنسنے والا کھانا اور دردناک عذاب

Verse 14 — Surah Al-Muzzammil 73:14

یہ اُس دن ہوگا جب زمین اور پہاڑ لرز اٹھیں گے اور پہاڑوں کا حال ایسا ہو جائے گا جیسے ریت کے ڈھیر ہیں جو بکھرے جا رہے ہیں

Verse 15 — Surah Al-Muzzammil 73:15

تم لوگوں کے پاس ہم نے اُسی طرح ایک رسول تم پر گواہ بنا کر بھیجا ہے جس طرح ہم نے فرعون کی طرف ایک رسول بھیجا تھا

Verse 16 — Surah Al-Muzzammil 73:16

(پھر دیکھ لو کہ جب) فرعون نے اُس رسول کی بات نہ مانی تو ہم نے اس کو بڑی سختی کے ساتھ پکڑ لیا

Verse 17 — Surah Al-Muzzammil 73:17

اگر تم ماننے سے انکار کرو گے تو اُس دن کیسے بچ جاؤ گے جو بچوں کو بوڑھا کر دے گا

Verse 18 — Surah Al-Muzzammil 73:18

اور جس کی سختی سے آسمان پھٹا جا رہا ہوگا؟ اللہ کا وعدہ تو پورا ہو کر ہی رہنا ہے

Verse 19 — Surah Al-Muzzammil 73:19

یہ ایک نصیحت ہے، اب جس کا جی چاہے اپنے رب کی طرف جانے کا راستہ اختیار کر لے

Verse 20 — Surah Al-Muzzammil 73:20

اے نبیؐ، تمہارا رب جانتا ہے کہ تم کبھی دو تہائی رات کے قریب اور کبھی آدھی رات اور کبھی ایک تہائی رات عبادت میں کھڑے رہتے ہو، اور تمہارے ساتھیوں میں سے بھی ایک گروہ یہ عمل کرتا ہے اللہ ہی رات اور دن کے اوقات کا حساب رکھتا ہے، اُسے معلوم ہے کہ تم لوگ اوقات کا ٹھیک شمار نہیں کر سکتے، لہٰذا اس نے تم پر مہربانی فرمائی، اب جتنا قرآن آسانی سے پڑھ سکتے ہو پڑھ لیا کرو اُسے معلوم ہے کہ تم میں کچھ مریض ہونگے، کچھ دوسرے لوگ اللہ کے فضل کی تلاش میں سفر کرتے ہیں، اور کچھ اور لوگ اللہ کی راہ میں جنگ کرتے ہیں پس جتنا قرآن بآسانی پڑھا جا سکے پڑھ لیا کرو، نماز قائم کرو، زکوٰۃ دو اور اللہ کو اچھا قرض دیتے رہو جو کچھ بھلائی تم اپنے لیے آگے بھیجو گے اسے اللہ کے ہاں موجود پاؤ گے، وہی زیادہ بہتر ہے اور اس کا اجر بہت بڑا ہے اللہ سے مغفرت مانگتے رہو، بے شک اللہ بڑا غفور و رحیم ہے