Back to Languages

Urdu - Chapter 74 - Al-Muddaththir

Translation by Abul A Ala Maududi — Permalink

Verse 1 — Surah Al-Muddaththir 74:1

اے اوڑھ لپیٹ کر لیٹنے والے

Verse 2 — Surah Al-Muddaththir 74:2

اٹھو اور خبردار کرو

Verse 3 — Surah Al-Muddaththir 74:3

اور اپنے رب کی بڑائی کا اعلان کرو

Verse 4 — Surah Al-Muddaththir 74:4

اور اپنے کپڑے پاک رکھو

Verse 5 — Surah Al-Muddaththir 74:5

اور گندگی سے دور رہو

Verse 6 — Surah Al-Muddaththir 74:6

اور احسان نہ کرو زیادہ حاصل کرنے کے لیے

Verse 7 — Surah Al-Muddaththir 74:7

اور اپنے رب کی خاطر صبر کرو

Verse 8 — Surah Al-Muddaththir 74:8

اچھا، جب صور میں پھونک ماری جائے گی

Verse 9 — Surah Al-Muddaththir 74:9

وہ دن بڑا ہی سخت دن ہوگا

Verse 10 — Surah Al-Muddaththir 74:10

کافروں کے لیے ہلکا نہ ہوگا

Verse 11 — Surah Al-Muddaththir 74:11

چھوڑ دو مجھے اور اُس شخص کو جسے میں نے اکیلا پیدا کیا ہے

Verse 12 — Surah Al-Muddaththir 74:12

بہت سا مال اُس کو دیا

Verse 13 — Surah Al-Muddaththir 74:13

اس کے ساتھ حاضر رہنے والے بیٹے دیے

Verse 14 — Surah Al-Muddaththir 74:14

اور اس کے لیے ریاست کی راہ ہموار کی

Verse 15 — Surah Al-Muddaththir 74:15

پھر وہ طمع رکھتا ہے کہ میں اسے اور زیادہ دوں

Verse 16 — Surah Al-Muddaththir 74:16

ہرگز نہیں، وہ ہماری آیات سے عناد رکھتا ہے

Verse 17 — Surah Al-Muddaththir 74:17

میں تو اسے عنقریب ایک کٹھن چڑھائی چڑھواؤں گا

Verse 18 — Surah Al-Muddaththir 74:18

اس نے سوچا اور کچھ بات بنانے کی کوشش کی

Verse 19 — Surah Al-Muddaththir 74:19

تو خدا کی مار اس پر، کیسی بات بنانے کی کوشش کی

Verse 20 — Surah Al-Muddaththir 74:20

ہاں، خدا کی مار اُس پر، کیسی بات بنانے کی کوشش کی

Verse 21 — Surah Al-Muddaththir 74:21

پھر (لوگوں کی طرف) دیکھا

Verse 22 — Surah Al-Muddaththir 74:22

پھر پیشانی سیکڑی اور منہ بنایا

Verse 23 — Surah Al-Muddaththir 74:23

پھر پلٹا اور تکبر میں پڑ گیا

Verse 24 — Surah Al-Muddaththir 74:24

آخرکار بولا کہ یہ کچھ نہیں ہے مگر ایک جادو جو پہلے سے چلا آ رہا ہے

Verse 25 — Surah Al-Muddaththir 74:25

یہ تو یہ ایک انسانی کلام ہے

Verse 26 — Surah Al-Muddaththir 74:26

عنقریب میں اسے دوزخ میں جھونک دوں گا

Verse 27 — Surah Al-Muddaththir 74:27

اور تم کیا جانو کہ کیا ہے وہ دوزخ؟

Verse 28 — Surah Al-Muddaththir 74:28

نہ باقی رکھے نہ چھوڑے

Verse 29 — Surah Al-Muddaththir 74:29

کھال جھلس دینے والی

Verse 30 — Surah Al-Muddaththir 74:30

انیس کارکن اُس پر مقرر ہیں

Verse 31 — Surah Al-Muddaththir 74:31

ہم نے دوزخ کے یہ کارکن فرشتے بنائے ہیں، اور ان کی تعداد کو کافروں کے لیے فتنہ بنا دیا ہے، تاکہ اہل کتاب کو یقین آ جائے اور ایمان لانے والوں کا ایمان بڑھے، اور اہل کتاب اور مومنین کسی شک میں نہ رہیں، اور دل کے بیمار اور کفار یہ کہیں کہ بھلا اللہ کا اِس عجیب بات سے کیا مطلب ہو سکتا ہے اِس طرح اللہ جسے چاہتا ہے گمراہ کر دیتا ہے اور جسے چاہتا ہے ہدایت بخش دیتا ہے اور تیرے رب کے لشکروں کو خود اُس کے سوا کوئی نہیں جانتا اور اس دوزخ کا ذکر اِس کے سوا کسی غرض کے لیے نہیں کیا گیا ہے کہ لوگوں کو اس سے نصیحت ہو

Verse 32 — Surah Al-Muddaththir 74:32

ہرگز نہیں، قسم ہے چاند کی

Verse 33 — Surah Al-Muddaththir 74:33

اور رات کی جبکہ وہ پلٹتی ہے

Verse 34 — Surah Al-Muddaththir 74:34

اور صبح کی جبکہ وہ روشن ہوتی ہے

Verse 35 — Surah Al-Muddaththir 74:35

یہ دوزخ بھی بڑی چیزوں میں سے ایک ہے

Verse 36 — Surah Al-Muddaththir 74:36

انسانوں کے لیے ڈراوا

Verse 37 — Surah Al-Muddaththir 74:37

تم میں سے ہر اُس شخص کے لیے ڈراوا جو آگے بڑھنا چاہے یا پیچھے رہ جانا چاہے

Verse 38 — Surah Al-Muddaththir 74:38

ہر متنفس، اپنے کسب کے بدلے رہن ہے

Verse 39 — Surah Al-Muddaththir 74:39

دائیں بازو والوں کے سوا

Verse 40 — Surah Al-Muddaththir 74:40

جو جنتوں میں ہوں گے وہاں وہ،

Verse 41 — Surah Al-Muddaththir 74:41

مجرموں سے پوچھیں گے

Verse 42 — Surah Al-Muddaththir 74:42

تمہیں کیا چیز دوزخ میں لے گئی؟

Verse 43 — Surah Al-Muddaththir 74:43

وہ کہیں گے "ہم نماز پڑھنے والوں میں سے نہ تھے

Verse 44 — Surah Al-Muddaththir 74:44

اور مسکین کو کھانا نہیں کھلاتے تھے

Verse 45 — Surah Al-Muddaththir 74:45

اور حق کے خلاف باتیں بنانے والوں کے ساتھ مل کر ہم بھی باتیں بنانے لگتے تھے

Verse 46 — Surah Al-Muddaththir 74:46

اور روز جزا کو جھوٹ قرار دیتے تھے

Verse 47 — Surah Al-Muddaththir 74:47

یہاں تک کہ ہمیں اُس یقینی چیز سے سابقہ پیش آ گیا

Verse 48 — Surah Al-Muddaththir 74:48

اُس وقت سفارش کرنے والوں کی سفارش ان کے کسی کام نہ آئے گی

Verse 49 — Surah Al-Muddaththir 74:49

آخر اِن لوگوں کو کیا ہو گیا ہے کہ یہ اِس نصیحت سے منہ موڑ رہے ہیں

Verse 50 — Surah Al-Muddaththir 74:50

گویا یہ جنگلی گدھے ہیں

Verse 51 — Surah Al-Muddaththir 74:51

جو شیر سے ڈر کر بھاگ پڑے ہیں

Verse 52 — Surah Al-Muddaththir 74:52

بلکہ اِن میں سے تو ہر ایک یہ چاہتا ہے کہ اُس کے نام کھلے خط بھیجے جائیں

Verse 53 — Surah Al-Muddaththir 74:53

ہرگز نہیں، اصل بات یہ ہے کہ یہ آخرت کا خوف نہیں رکھتے

Verse 54 — Surah Al-Muddaththir 74:54

ہرگز نہیں، یہ تو ایک نصیحت ہے

Verse 55 — Surah Al-Muddaththir 74:55

اب جس کا جی چاہے اس سے سبق حاصل کر لے

Verse 56 — Surah Al-Muddaththir 74:56

اور یہ کوئی سبق حاصل نہ کریں گے الا یہ کہ اللہ ہی ایسا چاہے وہ اس کا حق دار ہے کہ اُس سے تقویٰ کیا جائے اور وہ اس کا اہل ہے کہ (تقویٰ کرنے والوں کو) بخش دے