Urdu - Chapter 50

khaaaf! bahuth badi shaan waale is Qur’aan ki qasam hai

balke unhe ta’ajjub maloom hoa ke un ke paas un hee mein se ek agaah karne waala aya, to kaafiro ne kaha ke ye ek ajeeb cheez hai

kya jab hum mar kar mitthi ho jayenge, phir ye waapsi door (az aqal) hai

zameen jo kuch un mein se ghataati hai, wo hamein maloom hai aur hamaare paas sab yaad rakhne waali kitaab hai

balke unhone sacchi baath ko jhoot kaha hai, jab ke wo un ke paas pahonch chuki, pas wo ek uljhaao mein pad gaye hai

kya unhone asmaan ko apne upar nahi dekha? ke hum ne ose kis tarah banaya hai aur zeenath di hai, us mein koyi shigaaf nahi

aur zameen ko hum ne bicha diya hai aur us mein hum ne pahaad daal diye hai aur us mein hum ne qism qism ki khush numa cheeze uga di hai

ta ke har rujo karne waale bandhe ke liye binaayi aur danaayi ka zarya ho

aur hum ne asmaan se ba barkath paani barsaaya aur us se baghaath aur katne waale kheth ke ghalle paida kiye

aur khajuro ke bulandh wa baala daraqth jin ke khoshe tay ba tay hai

bandho ki rozi ke liye aur hum ne paani se murda shahar ko zinda kar diya, isi tarah (qabro se) nikalna hai

un se pehle Nuh(alaihissalaam) ki khaum ne aur ras waalo ne aur samoodh ne

aur aadh ne aur feraun ne aur bradaraan looth ne

aur ayika waalo ne aur tubba ki khaum ne bhi takzeeb ki thi, sab ne paighambaro ko jhutlaaya, pas mera waadaye azaab un par saadiq aa gaya

kya hum pehli baar ke payda karne se thak gaye, balke ye log nayi paydayish ki taraf se shak mein hai

hum ne insaan ko payda kiya hai aur us ke dil mein jo qayalaath uthte hai, un se hum waaqif hai aur hum us ki rag jaan se bhi zyaada us se qareeb hai

jis waqth do lene waale ja lete hai, ek daayi taraf aur ek baayi taraf baitha hoa hai

(insaan) mu se koyi lafz nikaal nahi paate magar ke us ke paas nigeh baan tayyaar hai

aur mauth ki be hooshi haq le kar aa pahonchi, yahi hai jis se, tu bidakta phirta tha

aur soor phonk diya jayega, waadaye azaab ka din yahi hai

aur har shaqs is tarah aayega ke us ke saath ek laane waala hoga aur ek gawaahi dene waala

yaqinan to us se ghaflath mein tha lekin hum ne tere saamne se parda hata diya, pas aaj teri nigaah bahuth tez hai

us ka hum nasheen(farishta) kahega ye haazir hai jo ke mere paas tha

daal do jahannam mein har kaafir sar kash ko

jo nek kaam se rokne waale, hadh se guzar jaane waala aur shak karne waala tha

jis ne Allah ke saath dosra maboodh bana liya tha, pas ose saqth azaab mein daal do

us ka hum nasheen (shaytaan) kahega, aye hamaare rab! main ne ise gumraah nahi kiya tha, balke ye khud hee door daraaz ki gumraahi mein tha

haq ta’ala farmayega, bas mere saamne jhagde ki baath math karo, main to pehle hee tumhaari taraf wayeedh (waada azaab) bhej chuka tha

mere haan baath badalti nahi aur na main apne bandho par zara bhi zulm karne wala hoon

jis din hum dozakh se pochenge kya tu bhar chuki? wo jawaab degi kya kuch aur zyaada bhi hai

aur jannath parhezgaaro ke liye bilkul qareeb kardi jayegi, zara bhi door na hogi

ye hai jis ka tum se waada kiya jaata tha, har us shaqs ke liye jo ruju karne waala aur pa-bandhi karne waala ho

jo rahmaan ka ghaybaana khauf rakhta ho, aur tawajje waala dil laaya ho

tum is jannath mein salaamti ke saath daakhil ho jaao, ye hamesha rehne ka din hai

ye wahaa jo chaahe unhe milega (balke) hamaare paas aur bhi zyaada hai

aur un se pehle bhi hum bahuth si ummato ko halaak kar chuke hai, jo un se taaqath mein bahuth zyaada thi, wo shahro mein dhoondte hee reh gaye, ke koyi bhaagne ka thikaana hai

is mein har saahebe dil ke liye ibrath hai aur us ke liye jo dil se mutawajjeh ho kar kaan lagaaye aur wo haazir ho

yaqinan hum ne asmaano aur zameen aur jo kuch us ke darmiyaan hai, sab ko (sirf) che din mein payda kar diya aur hamein thakaan ne chua tak nahi

pas ye jo kuch kehte hai, aap us par sabr kare aur apne rab ki tasbih tareef ke saath bayaan kare, suraj nikalne se pehle bhi aur suraj ghuroob hone se pehle bhi

aur raath ke kisi waqth bhi tasbih kare aur namaaz ke baadh bhi

aur sun rakhe ke jis din ek pukaarne waala qareeb hee ki jageh se pukaarega

jis roz us tandh wa tez cheeq ko yaqeen ke saath sun lenge, ye din hoga nikalne ka

hum hee jilaate hai aur hum hee maarte hai aur hamaari hee taraf laut phir kar ana hai

jis din zameen phat jayegi aur ye daudte hoye (nikal padenge), ye jama kar lena hum par bahuth hee asaan hai

ye jo kuch keh rahe hai, hum ba-qoobi jaante hai aur aap un par jabar karne waale nahi, to aap Qur’aan ke zariye unhe samjhaate rahe, jo mere wayeedh (daraawe ke waado) se darte hai