Back to Languages

    Urdu - Chapter 71

    Translation by Muhammad Junagarhi, Muhammad Kazim

    Verse 1

    yaqinan hum ne Nuh(alaihissalaam) ko un ki khaum ki taraf bheja ke apni khaum ko dara do (aur qabardaar kardo) us se pehle ke un ke paas dardnaak azaab aa jaaye

    Verse 2

    Nuh(alaihissalaam) ne ) kaha aye meri khaum! main tumhe saaf saaf daraane waala hoon

    Verse 3

    ke tum Allah ki ibaadath karo aur osi se daro aur mera kaha maano

    Verse 4

    to wo tumhaare gunaah baqsh dega aur tumhe ek waqth muqarrara tak chohd dega, yaqinan Allah ka waada jab aa jaata hai to mu’aqqar nahi hota, kaash ke tumhe samajh hoti

    Verse 5

    Nuh (alaihissalaam) ne) kaha aye mere parvardigaar! main ne apni khaum ko raath din teri taraf bulaaya hai

    Verse 6

    magar mere bulaane se ye log aur zyaada bhaagne lage

    Verse 7

    main ne jab kabhi unhe teri baqshish ke liye bulaaya, unhone apni ongliya apne kaano mein daal li aur apne kapdo ko od liya aur ad gaye aur bada takabbur kiya

    Verse 8

    phir main ne unhe ba-awaaz bulandh bulaaya

    Verse 9

    aur beshak main ne un se elaaniya bhi kaha aur chupke chupke bhi

    Verse 10

    aur main ne kaha ke apne rab se apne gunaah baqsh waao (aur maafi maango) wo yaqinan bada baqshne waala hai

    Verse 11

    wo tum par asmaan ko qoob barasta hoa chohd dega

    Verse 12

    aur tumhe qoob pay dar pay maal aur aulaad mein taraqqi dega aur tumhe baghaath dega aur tumhaare liye nehre nikaal dega

    Verse 13

    tumhe kya ho gaya hai ke tum Allah ki bartari ka aqeeda nahi rakhte

    Verse 14

    halaan ke us ne tumhe tarah tarah se payda kiya hai

    Verse 15

    kya tum nahi dekhte ke Allah ta’ala ne upar ta-le kis tarah saath asmaan payda kar diye hai

    Verse 16

    aur un mein chaandh ko qoob jagmagata banaya hai aur suraj ko roushan chiraagh banaya hai

    Verse 17

    aur tum ko zameen se ek (qaas ehtemaam se) ugaaaya hai (aur payda kiya hai)

    Verse 18

    phir tumhe osi mein lauta le jayega aur (ek qaas tariqe) se phir nikaalega

    Verse 19

    aur tumhaare liye zameen ko Allah ta’ala ne farsh bana diya hai

    Verse 20

    ta ke tum us ki kushaada raaho mein chalo phiro

    Verse 21

    Nuh(alaihissalaam)) ne kaha aye mere parvardigaar! un logo ne meri to na-farmaani ki aur aiso ki farmabardaari ki, jin ke maal wa aulaad ne un ko (yaqinan) nuqsaan hee mein badaaya hai

    Verse 22

    aur un logo ne bada saqth fareb kiya

    Verse 23

    aur kaha unhone ke har giz apne mabudho ko na chohd na aur na wadh aur sava aur yaghoos aur ya’ooq aur nasr ko chohd na

    Verse 24

    aur unhone bahuth se logo ko gumraah kiya (ilaahi) tu un zaalimo ki gumraahi aur bada

    Verse 25

    ye log ba sabab apne gunaaho ke dubo diye gaye aur jahannam mein pahoncha diye gaye aur Allah ke siva apna koyi madadgaar unhone na paaya

    Verse 26

    aur (hazrath) Nuh(alaihissalaam) ne kaha ke aye mere paalne waale! tu roye zameen par kisi kaafir ko rehne sehne waale na chohd

    Verse 27

    agar tu unhe chohd dega to (yaqinan) ye tere aur bandho ko (bhi) gumraah kar denge aur ye faajiro aur dheet kaafiro hee ko janam denge

    Verse 28

    aye mere parvardigaar! tu mujhe aur mere maa baap aur jo imaan ki haalath mein mere ghar mein aaye aur tamaam momin mardo aur aurto ko baqsh de aur kaafiro ko sivaaye barbaadhi ke, aur kisi baath mein na bada