Urdu - Chapter 76 - Al-Insan

yaqinan guzra hai insaan par ek waqth zamaane mein, jab ke ye koyi qaabile zikr cheez na tha

beshak hum ne insaan ko mile jhule natfe se imtehaan ke liye payda kiya aur us ko sunta dekhta banaya

hum ne ose raah dikhaayi, ab qaah wo shukr guzaar bane, qaah na shukra

yaqinan hum ne kaafiro ke liye zanjire aur tauq aur shulo waali aag tayyaar kar rakhi hai

beshak nek log wo jaam piyenge jis ki aamizash kaafoor ki hai

jo ek chashma hai, jis se Allah ke bandhe piyenge, us ki nehre nikaal le jayenge (jidhar chaahe)

jo nazar puri karte hai aur us din se darte hai jis ki buraayi chaaro taraf phail jaane waali hai

aur Allah ta’ala ki muhabbath mein khaana khilaate hai, miskeen, yateem aur khaidiyo ko

hum to tumhe sirf Allah ta’ala ki raza mandhi ke liye khilaate hai, na tum se badhla chaahte hai, na shukr guzaari

beshak hum apne parvardigaar se us din ka khauf karte hai, jo udaasi aur saqti waala hoga

pas unhe Allah ta’ala ne us din ki buraayi se bacha liya aur unhe taazgi aur khushi pahonchaayi

aur unhe un ke sabr ke badhle jannath aur reshmi libaas ataa farmaaye

un jannato ke saaye un par jhuke hoye honge aur un ke (mewe aur) gucche niche latkaaye hoye honge

aur un par chaandi ke bartano aur jaamo ka daur karaaya jayega jo shishe ke honge

shishe bhi chaandi ke jin ko (saaqi ne) andaaze se naap rakha hoga

aur unhe wahaa wo jaam pilaaye jayenge, jin ki aamizash zanjabeel1 ki hogi

jannath ki ek neher se jis ka naam sal sabeel hai

aur un ke ird gird ghumte phirte honge, wo kamsin bacche jo hamesha rehne waale hai, jab tu unhe dekhe to samjhe ke wo bikhre hoye sacche moti hai

tu wahaa jahaan kahi bhi nazar daalega saraasar nemate aur azeemo shaan saltanath bhi dekhega

un ke jismo par sabz baareek aur mote reshmi kapde honge aur unhe chaandi ke kangan ka zewar pehnaaya jayega aur unhe un ka rab paak saaf sharaab pilaayega

(kaha jayega) ke ye hai tumhaare amaal ka badhla aur tumhaari koshish ki qadar ki gayi hai

beshak hum ne tujh par ba-tadhreej Qur’aan naazil kiya hai

pas tu apne rab ke hukm par qaayam reh aur un mein se kisi gunehgaar ya na shukre ka kaha na maan

aur apne rab ke naam ka subaah wa shaam zikr kiya kar

aur raath ke waqth us ke saamne sajde kar aur bahuth raath tak us ki tasbih kiya kar

beshak ye log jaldi milne waali (dunya) ko chaahte hai aur apne piche ek bade bhaari din ko chohde dete hai

hum ne unhe payda kiya aur hum ne hee un ke jod aur bhandan mazbooth kiye aur hum jab chaahe un ke ewaz un jaise auro ko badal laaye

yaqinan ye to ek nasihath hai, pas jo chaahe apne rab ki raah le le

aur tum na chaahoge, magar ye ke Allah ta’ala hee chaahe, beshak Allah ta’ala ilm waala ba hikmath hai

jise chaahe apni rahmath mein dakhil karle aur zaalimo ke liye us ne dardnaak azaab tayyaar kar rakha hai