Back to Languages

    Urdu - Chapter 84

    Translation by Muhammad Junagarhi, Muhammad Kazim

    Verse 1

    jab asmaan phat jayega

    Verse 2

    aur apne rab ke hukm par kaan lagaayega aur osi ke laayeq wo hai

    Verse 3

    aur jab zameen (kheench kar) phaayla di jayegi

    Verse 4

    aur us mein jo hai ose wo ugal degi aur khaali ho jayegi

    Verse 5

    aur apne rab ke hukm par kaan lagayegi aur osi ke laayeq wo hai

    Verse 6

    aye insaan! tu apne rab se milne tak, ye koshish aur tamaam kaam, mehnate kar ke, us se mulaqaath karne wala hai

    Verse 7

    to (us waqt) jis shaqs ke daahne haath mein amaal naama diya jayega

    Verse 8

    us ka hisaab to badi asaani se liya jayega

    Verse 9

    aur wo apne ahal ki taraf hasi khushi laut ayega

    Verse 10

    haan jis shaqs ka amaal naama us ki peet ke piche se diya jayega

    Verse 11

    to wo mauth ko bulaane lagega

    Verse 12

    aur bhadakti hoyi jahannam mein dakhil hoga

    Verse 13

    ye shaqs apne mutaalleqeen mein (dunya mein) khush tha

    Verse 14

    us ka qayaal tha ke Allah ki taraf laut kar hee na jayega

    Verse 15

    kyo nahi, halaan ke us ka rab ose ba qoobi dekh raha tha

    Verse 16

    mujhe shafaq1 ki qasam! aur raath ki

    Verse 17

    aur us ki jama karda chizo ki qasam

    Verse 18

    aur chaandh ki jab ke wo, kaamil ho jaata hai

    Verse 19

    yaqinan tum ek haalath se dosri haalath par pahonchoge

    Verse 20

    unhe kya ho gaya hai ke imaan nahi laate

    Verse 21

    aur jab un ke paas Qur’aan pada jaata hai to sajda nahi karte

    Verse 22

    balke jinhone kufr kiya wo jhutla rahe hai

    Verse 23

    aur Allah ta’ala qoob jaanta hai, jo kuch ye dilo mein rakhte hai

    Verse 24

    unhe alm’naak azaabo ki khush qabri suna do

    Verse 25

    haan imaan waalo aur nek amaal waalo ko be’shumaar aur na qatam hone waala ajr hai