Urdu - Chapter 54 - Al-Qamar

Translation by Muhammad Junagarhi — Permalink

Verse 1 — Surah Al-Qamar 54:1

Qayamat qareeb agaee aur chand phat gaya

View verse 54:1 page →Raw JSON

Verse 2 — Surah Al-Qamar 54:2

Yeh agar koi mojzza dekhtay hain to mun pher letay hain aur kehdetay hain. kay yeh pehlay say chala aata hua jadoo hai

View verse 54:2 page →Raw JSON

Verse 3 — Surah Al-Qamar 54:3

inhon ney jhutlaya aur apni khuwaishon ki pairwi ki aur her kaam theray huye waqt per muqarrar hai

View verse 54:3 page →Raw JSON

Verse 4 — Surah Al-Qamar 54:4

yaqeenan inn kay pass woh khabren aa chuki hain jin mein dant dapat (ki naseehat) hai

View verse 54:4 page →Raw JSON

Verse 5 — Surah Al-Qamar 54:5

Aur kamil aqal ki baat hai lekin in darawni baaton ney bhi kuch faeedah na diya

View verse 54:5 page →Raw JSON

Verse 6 — Surah Al-Qamar 54:6

Pus (aey nabi) tum inn say aeyraaz kero jiss din aik pukarnay wala nagawaar cheez ki taraf pukaray ga

View verse 54:6 page →Raw JSON

Verse 7 — Surah Al-Qamar 54:7

yeh jhuki aankhon qabron say iss tarah nikal kharay hongay kay goya woh phela hua taddi dal hai

View verse 54:7 page →Raw JSON

Verse 8 — Surah Al-Qamar 54:8

Pukarnay walay ki taraf dortay hongay aur kafir kahengey yeh din to boht sakht hai

View verse 54:8 page →Raw JSON

Verse 9 — Surah Al-Qamar 54:9

Inn say pehlay qom-e-nooh ney bhi humaray banday ko jhulaya tha aur deewana batla ker jhirak diya gaya tha

View verse 54:9 page →Raw JSON

Verse 10 — Surah Al-Qamar 54:10

Pus uss ney apney rab say dua ki kay mein beybus hun tu meri madad ker

View verse 54:10 page →Raw JSON

Verse 11 — Surah Al-Qamar 54:11

Pus hum ney aasman kay darwazon ko zor kay menh say khol diya

View verse 54:11 page →Raw JSON

Verse 12 — Surah Al-Qamar 54:12

Aur zamin say chashmon ko jaari kerdiya pus uss kaam kay liye jo muqaddar kiya gaya tha (dono) paani jama hogaye

View verse 54:12 page →Raw JSON

Verse 13 — Surah Al-Qamar 54:13

Aur hum ney issay takhton aur keelon wali (kashti) per sawar kerliya

View verse 54:13 page →Raw JSON

Verse 14 — Surah Al-Qamar 54:14

Jo humari aankhon kay samnay chal rahi thi badla uss ki taraf say jiss ka kufur kiya gaya tha

View verse 54:14 page →Raw JSON

Verse 15 — Surah Al-Qamar 54:15

Aur be-shak hum ney iss waqaey ko nishani bana ker baqi rakha pus koi hai naseehat hasil kerney wala

View verse 54:15 page →Raw JSON

Verse 16 — Surah Al-Qamar 54:16

Batao mera azab aur meri daraney wali baaten kaisi rahen

View verse 54:16 page →Raw JSON

Verse 17 — Surah Al-Qamar 54:17

Aur be-shak hum ney quran ko samajhney kay liye aasan kerdiya hai pus kiya koi naseehat hasil kerney wala hai

View verse 54:17 page →Raw JSON

Verse 18 — Surah Al-Qamar 54:18

Qom-e-aad ney bhi jhutlaya pus kaisa hua mera azab aur meri daraney wali baten

View verse 54:18 page →Raw JSON

Verse 19 — Surah Al-Qamar 54:19

Hum ney unn per tez-o-tund musalsal chalney wali hawa aik peham manhoos din mein bhej di

View verse 54:19 page →Raw JSON

Verse 20 — Surah Al-Qamar 54:20

Jo logon ko utha utha ker dey patakhti thi goya kay woh jarr say katey huye khajoor kay taney hain

View verse 54:20 page →Raw JSON

Verse 21 — Surah Al-Qamar 54:21

Pus kaisi rahi meri saza aur mera darana

View verse 54:21 page →Raw JSON

Verse 22 — Surah Al-Qamar 54:22

Yaqeenan hum ney quran ko naseehat kay liye aasan kerdia hai pus kiya koi hai naseehat hasil kerney wala

View verse 54:22 page →Raw JSON

Verse 23 — Surah Al-Qamar 54:23

Qom-e-samood ney daraney walon ko jhutlaya

View verse 54:23 page →Raw JSON

Verse 24 — Surah Al-Qamar 54:24

Aur kehney lagay kiya humi mein say aik shaks ki hum farmanbardaari kerney lagen? tab to hum yaqeenan ghalati aur deewangi mein paray huye hongey

View verse 54:24 page →Raw JSON

Verse 25 — Surah Al-Qamar 54:25

Kiya humaray sab kay darmiyan sirf issi per wahi utaari gaee nahi bulkay woh jhoota shekhi khor hai

View verse 54:25 page →Raw JSON

Verse 26 — Surah Al-Qamar 54:26

Abb sab jaan lengey kal ko kay kon jhoota aur shekhi khor tha

View verse 54:26 page →Raw JSON

Verse 27 — Surah Al-Qamar 54:27

Be-shak hum unki aazmaeesh kay liye untni bhejen gey pus (aey saleh) tu inka muntazir reh aur sabar ker

View verse 54:27 page →Raw JSON

Verse 28 — Surah Al-Qamar 54:28

Han enhen khabar kerdey kay paani in mein taqseem shuda hai her aik apni baari per hazir hoga

View verse 54:28 page →Raw JSON

Verse 29 — Surah Al-Qamar 54:29

Unhon ney apney sathi ko awaz di jiss ney (untni per) waar kiya aur (uss ki) kochen kaat den

View verse 54:29 page →Raw JSON

Verse 30 — Surah Al-Qamar 54:30

Pus kiyon ker hua mera azab aur mera darana

View verse 54:30 page →Raw JSON

Verse 31 — Surah Al-Qamar 54:31

Hum ney unn per aik cheekh bheji pus aisay hogaye jaisay baar bananay walay ki rondhi hui ghaas

View verse 54:31 page →Raw JSON

Verse 32 — Surah Al-Qamar 54:32

Aur hum ney naseehat kay liye quran ko aasan kerdia hai pus kiya hai koi jo naseehat qabool keray

View verse 54:32 page →Raw JSON

Verse 33 — Surah Al-Qamar 54:33

Qom-e-Loot ney bhi daraney walon ki takzeeb ki

View verse 54:33 page →Raw JSON

Verse 34 — Surah Al-Qamar 54:34

Be-shak hum ney unn per pathar barsaney wali hawa bheji siwaye loot(alh-e-salam) kay ghar walon kay waqt nijat deydi

View verse 54:34 page →Raw JSON

Verse 35 — Surah Al-Qamar 54:35

Apney ehsan say her her shukarguzaar ko hum issi tarah badla detay hain

View verse 54:35 page →Raw JSON

Verse 36 — Surah Al-Qamar 54:36

Yaqeenan loot (alh-e-salam) ney unhen humari pakar say daraya tha lekinunhon ney daraney walon kay baray mein (shak-o-shuba aur) jhagra kiya

View verse 54:36 page →Raw JSON

Verse 37 — Surah Al-Qamar 54:37

Aur inn loot (alh-e-salam) ko unkay mehmanon kay baray mein phuslaya pus hum ney unki aankhen andhi kerden (aur kehdia) mera azab aur mera darana chakho

View verse 54:37 page →Raw JSON

Verse 38 — Surah Al-Qamar 54:38

Aur yaqeeni baat hai kay unhen subah saweray hi aik jagah pakarney walay muqarra azab ney ghaarat kerdia

View verse 54:38 page →Raw JSON

Verse 39 — Surah Al-Qamar 54:39

Pus meray azab aur meray darawey ka maza chakho

View verse 54:39 page →Raw JSON

Verse 40 — Surah Al-Qamar 54:40

Aur yaqeenan hum ney quran ko Pind-o-waaz kay liye aasan kerdia hai pus kiya koi hai naseehat pakarney wala

View verse 54:40 page →Raw JSON

Verse 41 — Surah Al-Qamar 54:41

Aur firaoniyon kay pass bhi daraney walay aaye

View verse 54:41 page →Raw JSON

Verse 42 — Surah Al-Qamar 54:42

Unhon ney humari tamamnishaniyan jhutlayen pus hum ney unhen baray ghalib qavi pakarney walay ki tarah pakar liya

View verse 54:42 page →Raw JSON

Verse 43 — Surah Al-Qamar 54:43

(Aey qureshiyo!) kiya tumharay kafir inn kafiron say kuch behtar hain? ya tumharay liye agli kitabon mein chutkara likha hua hai

View verse 54:43 page →Raw JSON

Verse 44 — Surah Al-Qamar 54:44

Ya yeh kehtay hain kay hum ghalba panay wali janat hain

View verse 54:44 page →Raw JSON

Verse 45 — Surah Al-Qamar 54:45

Unqareeb yeh jamat shikast di jayegi aur peeth deyker bhagey gi

View verse 54:45 page →Raw JSON

Verse 46 — Surah Al-Qamar 54:46

Bulkay qayamat ki ghari unkay waday kay waqt hai aur qayamat bari sakht aur kerwi cheez hai

View verse 54:46 page →Raw JSON

Verse 47 — Surah Al-Qamar 54:47

Be-shak gunehgaar gumrahi mein aur azab mein hain

View verse 54:47 page →Raw JSON

Verse 48 — Surah Al-Qamar 54:48

Jiss din woh apney mun kay bal aag mein ghaseetay jayen gey.(aur unn say kaha jayega) dozakh ki aag lagney kay mazay chakho

View verse 54:48 page →Raw JSON

Verse 49 — Surah Al-Qamar 54:49

Be-shak hum ney her cheez ko aik (muqarra) andazay per peda kia hai

View verse 54:49 page →Raw JSON

Verse 50 — Surah Al-Qamar 54:50

Aur humara hukum sirf aik dafa (ka aik kalma) hi hota hai jaisey aankh ka jhapakna

View verse 54:50 page →Raw JSON

Verse 51 — Surah Al-Qamar 54:51

Aur hum ney tum jaisey bohteron ko halak kerdia hai pus koi hai naseehat lenay wala

View verse 54:51 page →Raw JSON

Verse 52 — Surah Al-Qamar 54:52

Jo kuch enhon ney (aemaal) kiye hain sab naam-e-aemaal mein likhay huye hain

View verse 54:52 page →Raw JSON

Verse 53 — Surah Al-Qamar 54:53

(Issi tarah) her choti bari baat bhi likhi hui hai

View verse 54:53 page →Raw JSON

Verse 54 — Surah Al-Qamar 54:54

Yaqeenan humara darr rakhney walay jannaton aur neharon mein hongay

View verse 54:54 page →Raw JSON

Verse 55 — Surah Al-Qamar 54:55

Raasti aur izzat ki bethak mein qudrat walay badshah kay pass

View verse 54:55 page →Raw JSON