Urdu - Chapter 77 - Al-Mursalat

Dil khush kun chalti hawaon ki qasam

Phir zor say jhonka denay walion ki qasam

Phir(abar ko) ubhaar ker peraganda kernay waliyon ki qasam

Phir haq o batil ko joda joda kerdenay walay

Aur wahee laanay walay farishton ki qasam

Jiss cheez ka tum saywada kiya jata hai wo yaqeenan honay wali hai

Pus jab sitary be nor kerdiey jaeingay

Aur jab aasman tor phor diya jaey ga

Aur jab pahar tukray tukray kerdkay ura diya jaeyga

Aur jab rasoolon ko waqat muqarrara per laya jaeyga

Kiss din kay liey (in sab ko)mo akkhir kiya gaya hai

Faislay kay din kay liey

Aur tujhay kiya maloom kay faislay ka din kiya hai

Uss din jhutlanay walon ki kharabi hai

Kiya hum ney aglon ko halak nahi kiya

Phir hum inkay baad peechlon ko laey

Hum gunehgaron kay sath issi tarah kertay hein

Uss din jhutlanay walon kay liey wail(afsos) hai

Kiya hum ney tumhein haqeer paani say(money say) peda nahi kiya

Phir hum ney ussay mazboot o mehfooz jaga mein rakha

Aik muqarrara waqat tak

Phir hum ney andaza kiya aur hum kiya khoob andaza kernay walay hein

Uss din takzeeb kernay walon ki kharabi hai

KIya hum ney zameen ko sametnay wali nahi banaya

Zindon ko bhi aur murdon ko bhi

Aur hum ney iss mein buland o bhar pahar bana diey aur tum hein seraab kernay wala meetha paani pilaya

Uss din jhoot jannay walon kay liey waaye aur afsos hai

Uss dozakh ki taraf jao jissay tum jhutlatay rahey thay

Chalo teen shakhon waly saaye ki taraf

Jo dar asel na saaye denay wala hai aur na sholay say bacha sakhta hai

yaqeenan dozakh chingariyan phenkti hai jo misil mehal kay hein

Goya kay who zard unt hain

Aaj in jhot jannay walon ki durgat hai

Aaj (ka din)wo din hai yeh bol bhi na sakein gay

Na unhen maazrat ki ijazat di jaeygi

Uss din jhutlanay walon ki kharabi hai

Yeh hai faislay ka din hum ney tumhein aur aglon ko sab ko jama kerliya hai

Pus agar tum mujh say koi chaal chal saktay hoto chal lo

Waaye hai uss din jhutlanay walon kay liey

Beshak perhezgar log sayon mein hein aur meethay chashmon mein

Aur unn mewon mein jin ki wo khawaish kerein

(aey jannatiyon!)khao piyo mazay say apney kiey huey aamal kay badley

Yaqeenan hum neki kernay walon o iss tarah jaza detay hein

Uss din sacha na jannay walon kay liye wail(afsos) hai

(aey jhutlanay walon tum duniya mein)thora sa khaloo aur faeeda uthalo beshak tum gunehgar ho

Uss din jhutlanay walon kay liye sakht halakat hai

In say jab kaha jata hai kay rukoo kerlo to nahi kertay

Uss din jhutlanay walon ki tabbahi hai

Abb iss quran kay baad kiss baat per eman layengay