Urdu - Chapter 56 - Al-Waqiah

جب قیامت برپا ہوجائے گی

کسی کو پست کرنے والی کسی کو بلند کرنے والی

جب زمین تھر تھر کانپے گی

اور ٹوٹ پھوٹ کر پہاڑ ریز ریزہ ہوجائیں گے

پھر غبار بن کر بکھر جائیں گے

اور تم لوگ تین گروہوں میں بانٹ دیے جاؤ گے

پس (ایک گروہ) دائیں ہاتھ والوں کا ہوگا، کیا شان ہوگی دائیں ہاتھ والوں کی۔

اور (دوسرا گرو) بائیں ہاتھ والوں کا ہوگا، کیا (خستہ) حال ہوگا بائیں ہاتھ والوں کا۔

اور (تیسرا گروہ ہر کار خیر میں) آگے رہنے والوں کا وہ (اس روز بھی) آگے آگے ہوں گے۔

وہی مقرب بارگاہ ہیں۔

عیش وسرور کے باغوں میں

ایک بڑی جماعت پہلوں سے

اور قلیل تعداد پچھلوں سے

ان پلنگوں پر جو سونے کی تاروں سے بنے ہوں گے

تکیہ لگائے بیٹھے ہوں گے ان پر آمنے سامنے

گردش کرتے ہوں گے ان کے اردگرد نوخیز لڑکے جو ہمیشہ ایک جیسے رہیں گے

(ہاتھوں میں) پیالے، آفتابے اور شراب طہور سے چھلکتے جام لیے ہوئے

نہ سر درد محسوس کریں گے اس سے اور نہ مدہوش ہوں گے

اور میوے بھی (پیش کریں گے) جو وہ جنتی پسند کریں گے

اور پرندوں کا گوشت بھی جس کی وہ رغبت کریں گے

اور حوریں خوبصورت آنکھوں والیا ں۔

(سچے) موتیوں کی مانند جو چھپا رکھے ہوں

یہ اجر ہوگا ان نیکیوں کا جو وہ کرتے رہے تھے

نہ سنیں گے وہاں لغو باتیں اور نہ گناہ والی باتیں

بس ہر طرف سے سلام بنی سلام کی آواز آئے گی

اور دائیں ہاتھ والے، کیا شان ہوگی دائیں ہاتھ والوں کی

بے خار بیریوں میں

اور کیلے کے گچھوں میں

اور لمبے لمبے سایوں میں

اور پانی کے آبشاروں میں

اور پھلوں کی بہتات میں

نہ وہ ختم ہوں گے اور نہ ان سے روکا جائے گا

اور بستر بچھے ہوں گے اونچے اونچے پلنگوں پر

ہم نے پیدا کیا ان کی بیویوں کو حیرت انگیز طریقہ سے

پس ہم نے بنادیا انہیں کنواریاں

(دل و جان سے) پیار کرنے والیاں ہم عمر

(یہ سب نعمتیں) اصحاب یمین کے لیے مخصوص ہوں گی

ایک بڑی جماعت اگلوں سے

اور ایک بڑی جماعت پچھلوں میں سے ہوگی

اور بائیں ہاتھ والے، کیسی خستہ حالت ہوگی بائیں ہاتھ والوں کی

(یہ بد نصیب) جھلستی لو اور کھولتے ہوئے پانی میں

اور سیاہ دھوئیں کے سایہ میں ہوں گے

نہ یہ ٹھنڈا ہوگا اور نہ آرام دہ

بے شک یہ لوگ پہلے بڑے خوش حال تھے

اور وہ اصرار کیا کرتے تھے بڑے بھاری گناہ پر

اور کہا کرتے تھے کہ کیا جب ہم مرجائیں گے اور مٹی اور ہڈیاں بن جائیں گے تو کیا ہم دوبارہ زندہ کیے جائیں گے

اور کیا ہمارے پہلے باپ دادا کو بھی ( یہ نا ممکن ہے)

آپ فرمادیجیے بےشک اگلوں کو بھی اور پچھلوں کو بھی

سب کو جمع کیا جائے گا ایک مقررہ وقت پر ایک جانے ہوئے دن میں

پھر تمہیں اے گمراہ ہونے والو! اے جھٹلانے والو

حکما کھانا پڑے گا زقوم کے درخت سے

پس تم بھروگے اس (اپنے ) پیٹوں کو۔

پھر پینا پڑے گا اس پر کھولتاپانی

اس طرح پیوگے جیسے پیاس کا مارا اونٹ پیتا ہے

یہ ان کی ضیافت ہوگی قیامت کے دن

(آج غور کرو) ہم نے ہی تم کو پیدا کیا ہے پس تم قیامت کی تصدیق کیوں نہیں کرتے

بھلا دیکھو تو جو منی ٹپکاتے ہو

(اور سچ سچ بتاؤ) کیا تم اس کو (انسان بنا کر) پیدا کرتے ہو یا ہم پیدا کرنے والے ہیں

ہم ہی نے مقرر کی ہے تمہارے درمیان موت اور ہم ( اس سے) عاجز نہیں ہیں

کہ تمہاری جگہ تم جیسے اور لوگ پیدا کردیں اور تم کو ایسی صورت میں پیدا کردیں جس کو تم نہیں جانتے

اور تمہیں اچھی طرح علم ہے اپنی پہلی پیدائش کا پس تم (اس میں) کیوں غور وخوض نہیں کرتے

کیا تم نے (غور سے) دیکھا ہے جو تم بوتے ہو

(سچ سچ بتاؤ) کیا تم اس کو اگاتے ہو یا ہم ہی اس کو اگانے والے ہیں

اگر ہم چاہیں تو اس کو چورا چورا بنادیں پھر تم کف افسوس ملتے رہ جاؤ

(ہائے) ہم تو قرضوں کے بوجھ تلے دب کر رہ گئے

بلکہ ہم تو ہیں ہی بڑے بد نصیب

کیا تم نے (غور سے) دیکھا ہے پانی جو تم پیتے ہو

(سچ سچ بتاؤ) کیا تم نے اس کو بادل سے اتارا ہے یا ہم ہی اتارنے والے ہیں۔

اگر ہم چاہتے تو اس کو کھاری بنا دیتے پھر تم کیوں شکر ادا نہیں کرتے

کیا تم نے (غور سے) دیکھا ہے آگ کو جو تم سلگاتے ہو

(سچ سچ بتاؤ) کیا تم نے اس کے درخت کو پیدا کیا ہے یا ہم ہی پیدا کرنے والے ہیں

ہم نے ہی بنایا اس کو نصیحت اور فائدہ مند مسافروں کے لیے

تو (اے حبیب!) تسبیح کیجیے اپنے رب عظیم کے نام کی

پس میں قسم کھاتا ہوں ان جگہوں کی جہاں ستارے ڈوبتے ہیں

اور اگر تم سمجھو تو یہ بہت بڑی قسم ہے

بے شک یہ قرآن ہے بڑی عزت والا

ایک کتاب میں جو محفوظ ہے

اس کو نہیں چھوتے مگر وہی جو پاک ہیں

یہ اتارا گیا ہے رب العالمین کی طرف سے

کیا تم اس قرآن کے بارے میں کوتاہی کورتے ہو

اور (اس کی بےپایاں برکتوں سے) تم نے اپنا یہی نصیب لیا ہے کہ تم اس کو جھٹلاتے رہو گے

پس تم کیوں لوٹا نہیں دیتے جب روح حلق تک پہنچ جاتی ہے

اور تم اس وقت (پاس بیٹھے ) دیکھ رہے ہوتے ہو

اور ہم (اس وقت بھی) تم سے زیادہ مرنے والے کے قریب ہوتے ہیں البتہ تم دیکھ نہیں سکتے

پس اگر تم کسی کے پابند حکم نہیں ہو

تو پھر کیوں نہیں لوٹا دیتے (مرنے والے کی روح) اگر تم سچے ہو

پس وہ (مرنے والا) اگر اللہ کے مقرب بندوں سے ہوگا

تو اس کے لیے راحت، خوشبو دار غذائیں سرور والی جنت ہوگی

اور اگر وہ اصحاب یمین (کے گروہ) سے ہوگا

تو (اسے کہا جائے گا) تمہیں سلام ہو اصحاب یمین کی طرف سے

اور اگر (وہ مرنے والا) جھٹلانے والے گمراہوں سے ہوگا۔

تو اس کی مہمانی کھولتے پانی سے ہوگی

اور داخل ہونا پڑے گا اسے بھڑکتے دوزخ میں

بے شک (جو بیان ہوا) یہ یقینا حق ہے ۔

پس (اے حبیب! پاکی بیان کیجیے اپنے رب کے نام کی جو بڑی عظمت والا ہے)