Urdu - Chapter 74 - Al-Muddaththir

اے چادر لپیٹنے والے

اٹھیے اور (لوگوں کو ) ڈرائیے

اور اپنے پروردگار کی بڑائی بیان کیجیے

اور اپنے لباس کو پاک رکھیے

اور بتوں سے (حسب سابق ) دور رہیے

اور کسی پر احسان نہ کیجیے زیادہ لینے کی نیت سے

اور اپنے رب (کی رضا ) کے لیے صبر کیجیے

پھر جب صور پھونکا جائے گا

تو وہ دن بڑا سخت دن ہوگا

کفار پر آسان نہ ہوگا

آپ چھوڑ دیجیے مجھے اور جس کو میں نے تنہا پیدا کیا ہے

اور دے دیا ہے اس کو مال کثیر

اور بیٹے دیے ہیں جو پاس رہنے والے ہیں

اور مہیا کردیا ہے اسے ہر قسم کا سامان

پھر طمع کرتا ہے کہ میں اسے مزید عطا کروں

ہر گز نہیں وہ ہماری آیتوں کا سخت دشمن ہے

میں اسے مجبور کروں گا کہ کٹھن چڑھائی چڑھے

اس نے غور کیا اور پھر ایک بات طے کرلی

اس پر پھٹکار اس نے کتنی بری بات طے کی

اس پر پھر پھٹکار کیسی بری بات اس نے طے کی

پھر دیکھا۔

پھر منہ بسورا اور ترش رو ہوا

پھر پیٹھ پھیریر اور غرور کیا

پھر بولا یہ نہیں ہے مگر جادو جو پہلوں سے چلا آتا ہے

یہ نہیں مگر انسان کا کلام

عنقریب میں اسے جہنم میں جھونکوں گا

اور تو کیا سمجھے کہ جہنم کیا ہے

نہ باقی رکھے اور نہ چھوڑے

جھلسا دینے والی آدمی کی کھال کو

اس پر انیس فرشتے مقرر ہیں

کی تعداد کو مگر آزمائش ان لوگوں کے لیے جنہوں نے کفر کیا تاکہ یقین کرلیں اھل کتاب اور بڑھ جائے اہل ایمان کا ایمان اور نہ شک میں مبتلا ہوں اھل کتاب اور مومن اور تاکہ کہنے لگیں جن کے دلوں میں روگ ہے اور کفار کیا ارادہ کیا ہے اللہ نے اس بیان سے یونہی اللہ تعالی (ایک ہی بات سے) گمراہ کردیاتا ہے جس کو چاہتا ہے اور ہدایت بخشتا ہے جس کو چاہتا ہے اور کوئی نہیں جانتا آپ کے رب کے لشکروں کو بغیر اس کے اور نہیں ہے یہ بیان مگر نصیحت لوگوں کے لیے

ہاں ہاں! چاند کی قسم

اور رات کی قسم جب وہ پیٹھ پھیرنے لگے

اور صبح کی قسم جب روشن ہوجائے

یقیناً دوزخ بڑی آفتوں میں سے ایک آفت ہے

ڈراوا ہے لوگوں کے لیے

ان کے لیے جو تم میں سے آگے بڑھنا چاہتے ہیں یا پیچھے رہنا چاہتے ہیں

ہر نفس اپنے عملوں میں گروی ہے

سوائے اصحاب یمین کے

جو جنتوں میں ہوں گے ، اہل جنت پوچھیں گے

کہ کس جرم نے تم کو دوزخ میں داخل کیا

وہ کہیں گے ہم نماز نہیں پڑھا کرتے تھے

اور مسکین کو کھانا بھی نہیں کھلایا کرتے تھے

اور ہم ہرزہ سرائی کرنے والوں کے ساتھ ہرزہ سرائی میں لگے رہتے

اور ہم جھٹلایا کرتے تھے روز جزا کو

یہاں تک کہ ہمیں موت نے آلیا

پس انہیں کوئی فائدہ نہ پہنچائے گی شفاعت کرنے والوں کی شفاعت

پس انہیں کیا ہوگیا ہے کہ وہ اس نصیحت سے روگرداں ہیں

گویا وہ بھڑکے ہوئے جنگلی گدھے ہیں

جو بھاگے جارہے ہیں شیر سے

بلکہ ان میں سے ہر شخص چاہتا ہے کہ ان کو کھلے ہوئے صحیفے دیے جائیں

ایسا ہر گز نہیں ہوگا دراصل وہ آخرت سے ڈرتے ہی نہیں

ہاں ہاں یہ قرآن تو نصیحت ہے

پس جس کا جی چاہے نصیحت حاصل کرے

اور وہ نصیحت قبول نہیں کریں گے بجز اس کے کہ اللہ تعالیٰ چاہے