Urdu - Chapter 84 - Al-Inshiqaq

(یاد کرو) جب آسمان پھٹ جائے گا

اور کان لگا کر سنے گا اپنے رب کا فرمان اور اس پر فرض بھی ہے

اور جب زمین پھیلا دی جائے گی

اور کان لگا کر سنے گی اپنے رب کا فرمان اور اس پر فرض بھی یہی ہے

اے انسان! تو محنت سے کوشاں رہتا ہے اپنے رب کے پاس پہنچنے تک پس تیری اس سے ملاقات ہو کر رہتی ہے

پس جس کو دیا گیا اس کا نامۂ عمل اس کے دائیں ہاتھ میں

تو اس سے حساب آسانی سے لیا جائے گا

اور واپس لوٹے گا اپنے گھروالوں کی طرف شاداں وفرحاں

اور جس (بدنصیب) کو اس کا نامۂ عمل پس پشت دیا گیا

تو وہ چلائے گا ہائے موت! ہائے موت

اور داخل ہوگا بھڑکتی آگ میں

بے شک وہ (دنیا میں) اپنے اہل وعیال میں خوش وخرم رہا کرتا تھا

وہ خیال کرتا تھا کہ وہ (اللہ کے حضور) لوٹ کر نہیں جائے گا

کیوں نہیں۔ اس کا رب اسے خوب دیکھ رہا تھا

پس میں قسم کھاتا ہوں شفق کی

اور رات کی اور جن کو وہ سمیٹے ہوئے ہے

اور چاند کی جب وہ ماہ کامل بن جائے

تمہیں (بتدریج ) زینہ بہ زینہ چڑھنا ہے

پس انہیں کیا ہوگیا ہے کہ یہ ایمان نہیں لاتے

اور جب ان کے سامنے قرآن پڑھا جاتا ہے تو سجدہ نہیں کرتے

بلکہ یہ کفار اسے (الٹا) جھٹلاتے ہیں

اور اللہ خوب جانتا ہے جو ان (کے دلوں ) میں بھرا ہوا ہے

پس آپ انہیں خوشخبری سنائی دردناک عذاب کی

البتہ جو لوگ ایمان لے آئے اور نیک عمل کرتے رہے ان کے لیے ایسا اجر ہے جو منقطع نہ ہوگا