Urdu - Chapter 89 - Al-Fajr

قسم ہے اس صبح کی

اور ان (مقدس) راتوں کی اور قسم ہے

جفت اور طاق (راتوں کی)

یقینا اس میں قسم ہے عقلمند کے لیے

کیا آپ نے ملاحظہ نہ کیا کہ آپ کے رب نے کیا کیا عاد

ارم کے ساتھ جو اونچے ستونوں والے تھے

نہیں پیدا کیا گیا جن کا مثل (دنیا کے ) ملکوں میں

اور ثمود کے ساتھ (کیا کیا) جنہوں نے کاٹا تھا چٹانوں کو وادی میں

اور (کیا کیا) فرعون کے ساتھ جو میخوں والا تھا

جنہوں نے سرکشی کی تھی (اپنے اپنے) ملکوں میں

پھر ان میں بکثرت فساد برپا کردیا تھا

پس آپ کے رب نے ان پر عذاب کا کوڑا برسایا

بے شک آپ کا رب (سرکشوں اور مفسدوں کی) تاک میں ہے

مگر انسان (بھی عجب شئے ہے ) کہ جب آزماتا ہے اسے اس کا رب یعنی اس کو عزت دیتا ہے اور پر انعام فرماتا ہے تو وہ کہتا ہے میرے رب نے مجھے عزت بخشی

اور جب اس کو (یوں) آزماتا ہے کہ اس پر روزی تنگ کردیتا ہے تو کہنے لگتا ہے کہ میرے رب نے مجھے ذلیل کردیا

ایسا نہیں ہے بلکہ ( اس کی وجہ یہ ہے کہ) تم یتیم کی عزت نہیں کرتے

اور نہ تم ترغیب دیتے ہو مسکین کو کھانا کھلانے کی

اور چٹ کر جاتے ہو میراث کا سارا مال

اور دولت سے حد درجہ محبت کرتے ہو

ہر گز نہیں جب زمین کو کوٹ کر ریزہ ریزہ کردیا جائے گا

اور جب آپ کا رب جلوہ فرما ہوگا اور فرشتے قطار در قطار حاضر ہوں گے

اور (سامنے) لائی جائے گی اس دن جہنم اس روز انسان کو سمجھ آئے گی لیکن اس سمجھنے کا کیا فائدہ

(اس دن) کہے گا کاش! میں نے (کچھ) آگے بھیجا ہوتا اپنی (اس) زندگی کے لیے

پس اس دن اللہ کے عذاب کی طرح نہ کوئی عذاب دے سکے گا

اور نہ اس کے باندھنے کی طرح کوئی باندھ سکے گا

اے نفس مطمئن

پس چلو اپنے رب کی طرف اس حال میں کہ تو اسے راضی (اور) اور وہ تجھ سے راضی

پس شامل ہوجاؤ میرے (خاص) بندوں میں

اور داخل ہوجاؤ میری جنت میں