Urdu - Chapter 94 - Ash-Sharh

Translation by Muhammad Taqi Usmani — Permalink

(اے پیغمبر) کیا ہم نے تمہاری خاطر تمہارا سینہ کھول نہیں دیا ؟

اور ہم نے تم سے تمہارا وہ بوجھ اتار دیا ہے۔

جس نے تمہاری کمر توڑ رکھی تھی۔

اور ہم نے تمہاری خاطر تمہارے تذکرے کو اونچا مقام عطا کردیا ہے۔

چنانچہ حقیقت یہ ہے کہ مشکلات کے ساتھ آسانی بھی ہوتی ہے۔

یقینا مشکلات کے ساتھ آسانی بھی ہوتی ہے۔

لہذا جب تم فارغ ہوجاؤ تو (عبادت میں) اپنے آپ کو تھکاؤ۔

اور اپنے پروردگار ہی سے دل لگاؤ۔